نرجس::يااا شبيج
فيروز::مابيه شي كملن الچاي انتن عفتهم ورحت للغرفه قفلت الباب ..وامسح بدموعي الماراضيات يوكفن اسب بنفسي على شنو ابجي دقايق وندك الباب كمت فتحته ودخلن البنات متوترات
..شكو
روز::بابا وذياب تعاركو
فيروز::عزززا ليش
نرجس::بابا يكل لذياب ياخذنا وياهم بس بابا يبقى لان مايكدر يعوف دوامه
فيروز: :وهسه شنو
روز::مادري جنه نتسمع عليهم وهاي الهايشه بان طكت الباب

فيروز: :كمت على حيلي تعالي روز. انتن ابقن واحناا نحجيلجن شنسمع

طلعنا اني وروز وكفنا اباب الاستقبال ونسمع حجيهم
عامر::اصهب يابه شلون اعوف دوامي ماكدر
اصهب::عمي اخذ اجازه هسه ونشوف يجوز تنحل السالفه بيوم يومين وترجعون بس مال تبقى هنا مستحيل جاي نكلك سامعينهم يتهاددون عليك
ذياب::يابه رحمه الابوك لاتشل كلبي اني نوم مانايم صار يومين روحي صايره بخشمي كوم حاجي عائلتك خلنا نروح هم يله نوصل







عامر::اخذهم وروح حتى ام فيروز اخذها اني ماكدر اجي
ذياب::لا اله الا الله
فيروز::صيح ذياب بعصبيه ونفتح الباب صرنا بوجهه احنا باوعلنا بعصبيه خازرنا صاير،نار طلع وركع الباب وراه باوعت وراه وين يروح كعد بالطارمه يدخن رجعت بصف روز نسمع حجيهم

وبابا يحجي ويا الولد ويحاولون يقنعونه...روز
روحي انطي ماي لذياب خليبرد راح يحركنه

روز::هههه روحي انتي اني اريد اسمع
فيروز::دفعتها روحي اني احجيلج ..بقيت اسمع حجه الولد على تلفون سلم على ابوه ورجع كاله
عمي مايقبل يجي

شهاب::تفضل عمي ابوي يريدك
فيروز::فتحت الباب على كيف اريد اشوف شكلهم راسا شافني واحد منهم سديت الباب وركضت للغرفه

روز::خليت ماي بكلاص احنا من دخلنا للغرفه نزعنا شالاتنا ..من طلعت بدون شال بس وصلت للباب نتبهلي باوعلي بعصبيه شمر الجكاره من ايده تقدمت نطيته الكلاص بدون ماحجي اخذه شفطه مره وحده ونطاني الكلاص مايباوعلي اخذته ارجع للمطبخ نترر
ذياب::حضرررن روحجن بسرعه وبعد لا تطلعين
كدامي بدوون حجااب اني مو اخوج.

روز:: رجف كلبي دخلت بسرعه للمطبخ شمرت الكلاص على كاونتر وركضتت للغرفه لكيت فيروز تسولف على السمعته كعدت ساكته وكلمة اني مو اخوج تصفر باذني كلنا متوترين دقايق واجت ماما

جونيش::يله بدلن ولمن ملابسجن

فيروز::شنو ماما غير تفهمينه شصار
جونيش::كومي.بدون حجي
روز::ماما وبابا شنو يبقى هنا
جونيش::لا يجي حاجاه عمج وقتنع اخذ اجازه ثلث ايام والله كريم
نرجس::طفرت على كنتوري.يمكن اكثر وحده فرحانه اني راح نشوف بيت جدي
جونيش::اخذن وياجن دشاديش وبشتات وشالات ويا كل ملابسجن
فيروز::شكد ناخذ

جونيش::لاتشلللعن كلبي اخذن اي شي وسكتن
بيان::طلعت ماما واحنا بدينا نطلع ملابسنا ونجمع هاي تصيح وين شالي عدج وهاي تكول حذائي عندج صارت الغرفه هووسه
.شلبس بنات

روز::صدك شنلبس تنوره لو بنطرون
نرجس::كلنا نلبس بناطير سود وحذاء ابيض
وسويتر ها شكلتن

فيروز::شكد بطرانه دخيل ربج..رايحه سفره شنو
بان::لا تعترضين فيروز شبيج احنا فرحانين لتكسرين فرحتنا

روز::عيب ولجن هسه يكولون مكيفات
بيان::اووه جنجن عجايز كلشي ما تقبلن بيه شبيجن

فيروز::اوك اوووك بس خلصن امي راح ترزلنا
لبسنا نفس البس كلنا بس الوان السويترات
مختلفه شويه خلينا مكياج خفيف ..دخلت ماما
للغرفه وعاطت بينا
جونيش::شلابسات رايحات للكورنيش انتن دووم مورمات كلبي لاعقل لافهم شبيجن

روز::لاتصيحين ماما هسه نبدل
جونيش::شتبدلن امشن يله اطلعن..وشنو هاي شكد.ماخذات هدوم

فيروز: :شسااالفه ترا والله حيرتينا غير ملابسنا
وغراضنا هسه انتي ماخذتي ..اجت يمي تكرص بزندي







جونيش::ادبسزز بعدج هنا وتعلين صوتج علي
فيروز::صاح بابا وهيه طلعت وتخزر بينا ..والله يالله اريد مرره نطلع وماتحرك كلبي

روز::نجبي ماتشوفينها متوتره وخايفه حقها ترا
فيروز::عفتهن واخذت غراضي وطلعت وهنه ورايه وطبعا واهم شي محد تنسه شاحنتها وهيتفونها ، بابا واكف بالصاله
ابتسملنا من شافنا ...
عامر::ها ضايجات لان راح نروح
نرجس::لا اني كلششش فرحانه
فيروز::اي بابا كلنا فرحانين..باوع على روز فتحلها ايده وهيه راحت بحضنه باسها براسها
عامر::وانتي روزايه خوماضجتي مني
روز::احس ختنكت واريد بس ابجي بست ايده
لا.بابا اضوج من الدنيا كلها وماضوج منك..دخل ذياب. يباوعلنا

ذياب::يله اذا خلصتو نطلع

فيروز::دنكت على ايهم شلته وبابا شمر مفاتيح
البيت لذياب لكفهن طلعنا من البيت كلنا واكفين مصطفين همه سيارتهم ورا سيارتنا كل مره من نطلع المكان خمستنا ورا وايهم وامي كدام
يم بابا واحنا البنات تصير حرب ورا
بقينا واكفين بابا فتح الصندوك
خلينا الغراض وذياب قفل البيبان وطلع يباوعلنا ماعاجبه كلشي وكف بصف بابا

ذياب::نطلع على طريق المجر تندله
عامر::مارايح بيه من زمان ودنيا لليل موكلش اشوف بالليل
ذياب::اصف. تعال انته تسوق ولبنات يجن يمنا
عامر::روز وفيروز اخذن ايهم وروحن ويا اخوجن
فيروز::تمشينا لسيارتهم اصهب فتحلنا الباب
اصهب::نطيني هلملعون خلبوسه
فيروز::اخذ ايهم من ايدي يبوس بيه وايهم مستغرب ما يريده نطانيا صعدت وبصفي. روز كعدت من يم الجامه لان تتخربط
صعد ذياب يمنا ليورا وشهاب بصف اصهب يسوق طلع قبل سيارة اهلي نزل الجامه وصاح

اصهب::اصف على كيفك وياك عاائله
اصف::اي شسالفه
فيروز::صارت السياره هدوء..ضحكت على تفكيري صاعده بسيارة اشخاص اول مره اشوفهم وهمه اقرب الناس الي اخوي اولد عمي الولد الگدام كال

شهاب::انتن فيروز ونرجس مو؟
روز::جاي اكله لا اني روز وذياب حجه قبلي
ذياب::لااا هاي البنيه الابوي مربيها
اصهب::هه يعني خمس اخوات عندك
ذياب::لاااا ، ما عندي اخوات

فيروز: :التفتت عليه خازرته ..حجيت بابتسامه
-هه لو شما تحجي نبقى اخواتك الاحسن الك تتقبل الحقيقه ومو اربعه خمسه.
باوعلي مضيگ عينه
ذياب::اخواتيش وانتِ قبل هاليوم لوتشوفيني بالشارع ماتعرفيني

فيروز::صوجك وصوج بابا احنا شنو ذنبنا جانت امنيتنا احنا الخمسه انشوفك وكلما نفتح الموضوع ويا يعصب اذا تريد تحاسب شخص حاسب بابا مو جاي تكول مو اخواتي مالك حق تكسر كلبنا بكلامك سنين احنا ننتظرك وحضررتك سلام مثل الاوادم.ماسلمت علينا قبل سبوع عيد.ميلادك .تصدك من اكلك مجرد احتفلنا وكعدنا نبجي لان ما نعرفك .

..احجي ويا ودموعي على خدي ..جرني عل. حضنه حيل واني دموعي نهدن بقى حاضني بدون ما يحجي ..ايهم ضل يتنحس اخذته
روز مني وروحها تلوب دائما تتخربط بالطريق وخرت
من حضن ذياب ..تعال شبيك اخذت ايهم فتحت تلفوني تحت أنظار ذياب البقت عينه بالتلفون طلعت اغاني اطفال ونطيتهم الايهم
التفتت على ذياب دار وجهه مني هه من نظرته مبين ما تغير شي مجرد نقهر لان بجيت وحضني ..ما اكدر الومه حقه يمكن احنا
امي زرعت بگلبنا حب اله وهوا نزرع بگلبه
كره النا بيني وبين نفسي احلف اخلي يحبنا
مثل ما احنا نحبه. باوعت على روز تخربطت كلش

..اصهب اوكف شويه ..روز باوعيلي
روز::عوفيني بس افتح اتقيى
فيروز::طبك اصهب فتحت الباب روز
ونزلت تركض تقيئت عفت ايهم بالسياره
ونزلت وراها اطك على ظهرها ولعبانه نفسي
صاح ذياب

ذياب:::تعالي خذيلها ماي تغسل
فيروز::اخذت البطل من ايده وصبيتلها ماي غسلت نزل يمنا شهاب شويه حباب

شهاب::خااف جوعانه البنيه
فيروز::لا هيه بالطريق تتخربط
شهاب::شسمها هيه
روز::رفعت راسي وروحي رايحه كتله روز اسمي روز ابتسلملي
شهاب::عاشت الاسامي يابه
فيروز::وكفت سيارة اهلي ورانا ونزل بابا واصف
عامر::ها شكو
ذياب::ماكو شي هاي تخربطت

روز::حجيت بكلبي كبر حتى كبر. هاي بعينك هستوني كلت اسمي روز ..اجاني بابا خطيه خايف عليه وماما نزلت يمنا ولبنات
كالن البابا ونزلن يتحركن لان تكسرن من السياره
ايهم جلب بماما ما عافها

نرجس::الطريق ممل تعرفنا على اصف حباب
ويشاقي واول ما شاف بيان حشش عليها على عيونها كالها شنو ربي ناسي يخليلج عدسه ثانيه وهيه تخبلت نزلت عليه دوسه ونص
نريد نسكتها ماكو بعدين بقى ابويه يسولف ويسأل على اعمامي
الي الحد هسه احنا حتى اساميهم ما نعرفهن وكف اصف من شاف سيارة ذياب واكفه ونزلو نزلنا يم البنات رجلي متكطعات باللكوه اتحرك متكسرين من السيارة وحصره وكفت بصف روز وفيروز كالت فيروز وهيه تأشر عليَ

فيروز::شهاب هاي نرجس
نرجس::التفت الولد عليَ باوعلي ويعوج بشفته ويحرك براسه عبالك ديشتري طلي وقتنع بيه
شهاب::هاي انتن درزن شيزوجن العمو تكطعن كلبه يله تخلصن

نرجس::عيبت عليه وعوجت حلكي وهسه عمو شاكيلك الحال وكايلك بناتي مضايقاتني ..نگلب وجهه راسا خزرني وعافنا وراح يم بابا ولولد

روز::كبر ليش كتيله هيج لاتخليهم يكولون ام لسان بعدنا بالطريق وبديتي تعاركين
نرجس::خيولي شايف نفسه كبر خلقه اخلاق
فيروز::غرتي منه لان ابيض منج ههههه
نرجس::دنجبي ..ترحين انتي بسيارتنا عفيه اريد يم ذياب
روز::لاتجين احسنلج يجرحج بكلامه
نرجس::ليش

روز::يشمر فحم كلبي من مساع الهسه ...صاح بابا يله اصعدن ..تمشينا للسياره وماما نطتنا كليجه من السويناها وحتى ماتهنينه بيها نص احترك ونص بقى عجين. اخذتهن منها فيروز
وياهن عصاير اني ما ردت اكل ولاذياب اكل كلها ما اريد اصهب وشهاب اخذو منها، ساد الهدوء تقريبا الساعه بالتسعه بالليل
قربنا نوصل اتصل ذياب على اصف وكله
خليك ورانا كلش مشينا بطريق فااارغ مابيه ولاسياره
وسيارة اهلي ورانا كلش
فيروز::ليش فارغ الشارع يخوف
شهاب::هوا طريق المجر مابيه هواي خاصه هلوقت
روز::نزلت الجامه شويه ولهواء يلفح وريحة الزرع تجنن ..دقايق من الهدوء الولد مامرتاحين ويحجون الغاز بينهم
صاارت سياره كدامنا بس بعدها بعيده تشغل عالي وناصي تاشرلنا نتر ذياب بعصبيه

ذياب::لا توووكف

اصهب::اصبرر شدرانا منوو

ذياب::لا تخفف وشغل واطي..شهاب من يمك

فيروز::اباوعلهم.مصدومه شبيهم هذولي
راسا شهاب فتح الجكمجه طلع مسدسين واني خرطت العافيه. نطه واحد لذياب وواحد.عنده سحبو اقسام واحنا ما فاهمين السالفه
شنو راحت روحي والسياره الگدامنا بعدهي تأشرلنا لزمت ايد.روز واحس الخوف يدبي.بجسمي ..صارت مسافه قليله بينا
وبين السياره ذياب رفع سلاحه عدل وخرت من يمه.ولطشت بروز اول مره اشوف السلاح بلحقيقه وبهلقرب.. سيارة اهلي ورانا كلش بحيث نشوف وجهم وذياب يتلفتت عليهم كلساع..تقربنا كلش لسياره
نزلو منها ثنين شباب ...

..يتبع..

ثأرهم وبنات المسيحيه(الاصليه) - البارت 3 -
𖦹 𖦹 𖦹𖦹 𖦹 𖦹

صغار چنّه
وكل شي بعيون الصغار يصير جنة
يا مراجيح الهوى لوحن كمرنه🖤

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹
فيروز::التوتر االف صاح شهاب

شهاب::ليث وبطرس هذول !!
ذياب::شبيه هذا تخبل شيسوي هنا

روز::وكفو السيارة ونزلو اجه واحد من الولد يتمركص ويضحك وواحد بس مبتسم وراه الولد نزلو ضحكو وياه وبابا نزل سلم عليهم
واحنا ما فاهمين منوهم

روز::تعرفينهم منو؟
فيروز::منين اعرفهم خيه؟
روز::خاف اخوان ذياب ؟
فيروز::دنجبي يجوز قرايبهم..ضحكو شويه ورجعو للسيارة اول ماصعدو سألت..منو هذولا
ذياب لبسني ما جاوب رد شهاب
شهاب::ولد عمج

روز::ماشاءالله كم ابن عم عدنا ..حجيتها هيج بالشقه ما توقعت رد ذياب يكون جارح لهدرجة

ذياب::انتي منو يمج شنو خاف مصدكه اني اخوج وذولي ولد عمج

روز::غابت ابتسامتي ضلت الغصه تصعد وتنزل ببلعومي
من فشلتي ادموعي راسا نزلن

فيروز::ذيااب شبيك انت ليش بس تحاول تجرحنا بكلامك

ذياب::اششش صوتج

اصهب::ولايهمج معليج بيه اني اخوج وابن عمج
شهاب::لا تضوجين يابه هذا غيران منج
ذياب::سد حلكك

روز::دموعي نزلن والشهكه جلبت ببلعومي اريد بس اسكت فيروز حاضنتني وتهدي بيه وتهمس باذني على كيف

فيروز: :معليج بيه موبس انتي ترا حتى احنا مارايدنا إهدائي ..مردت گلبي احنا بحياتنا مافرقناها عنا وليوم كلساع واحد قاهرها ومذكرهاا انُ هيه يتيمه ، بالگوا سكتت

اول ماوصلنا لگيناهم منتظرينا بباب البيت نزل بابا قبلنا
حضن على رجال ويبجون ثنينهم واحنا بس واكفين ما نعرفهم حتى انسلم نزلت امي وبيدها ايهم تقدمت سلمت رد عليها الرجال
ورحب بيها بابا سلم عليهم ودخل حضن مره جبيره بالعمر تنوعي وتبجي

مهنا::تعالن بويه تعالن عمي
فيروز::تقدمنا وحده ورا الثانيه باوسناه وباوسنا الرجال الثاني والنسوان امي دخلت سلمت على الحجيه كالتلها
الحجيه::ها يلمسيحيه اخذتي وليدي مني عشرين سنه

جونيش::رجعلج عمه ماعاش الياخذه منج ، تعالن ماما سلمن على بيبيتجن
فيروز: :باوسناها وهيه خازره امي ، ايعع حسيت نفسي طينه لان ما نعرفهم ما نعرف حتى نسلم عليهم كعدنا بالاستقبال كلنا والجهال يتناكزون عبالك مهرجين يمهم







بابا وعمامي يسولفون ويتعاتبون طلع بابا من زمان يرووح يشوف ذياب من جان بالمدرسة ، نوب بالكلية كل سنه سنتين يروح يشوفه وما يجي الاهله وعمو يعاتبه الفهمته هسه عندي ثنين اعمام وهاي الجروله الموجوده مدري المنو

روز::دغيت فيروز بيدها
فيروز::هاا شبيج
روز::اريد للحمام

فيروز::دغيت امي التفتتلي ..ماما نريد نغسل شي
جونيش::خيه ام اصهب بلا زحمه عليج البنيات يردن يغسلن
ام اصهب::بعيوني تعالن يمه.

روز::كمنا وراها بس طلعت من الاستقبال.كتلها خاله تلاحكيني طكت مثانتي وين الحمام اشرتلي دخلت ركض

ام اصهب::انتن خمسه لو اربعة ؟
نرجس::خمسه
ام اصهب::ابو اصهب جان يكلي عامر عده اربع بنات
فيروز::اي وروز مربينها اهلي من عمرها سنه وصرنا خمسه
ام اصهب::يااا امي سوده عليه يله ادخلن غسلن ورتاحن هسه اسويلجن عشا

فيروز::عافتنا ودخلت للمطبخ طلعت روز ودخلت اني
روز::كون بسرعه نرجع اني ماحبيتهم
نرجس::دصبري شفهمتي وماحبيتيهم
بيان::اني هم كرهتهم
نرجس::كرهتي اصف لان ضحك على عيونج هههه
بان::نجبي نرجس لاتضلن تحجن بالالقاب هنا تعلمنهم علينا احنا
متفقين بس بيناتنا

فيروز::طلعت كتلهن - صح وولله لحد تحجي بالالقاب
نرجس::اوك بس اخر مره اكلجن ام عطووب ام كناكير الحوله الكوريه

روز::الزركه

بيان::غسلنا وبقينا واكفين بباب الحمام...هسه هذولي منو اني الحد هسه مافاهمه
بان::تعالن للمطبخ يم هاي المريه عود نساعدها ونسأل ونفهم منو عمنا منو جدنا

روز::خوش فكره فتنا كلنا للمطبخ دارت وجهه شحلاته وبشوشه مو مثل هذنيج الكاعدات يم امي

ام اصهب::ها امي تردن شي؟
فيروز::لا اجينا نساعدج
ام اصهب::اگعدن ماعن دي شي بس اصب
روز::كعدنا على ميز طعام صغير يمها بالمطبخ
فيروز::عمه انتي شتقربيلنا يعني احنا ما نعرف احد..عافت الصحن ودارت الي

ام اصهب::باوعي هذا الابس شماغ هذا عمج مهنا ، والابسه ازرك هاي زوجته واني هم زوجته فصليه ، والرجال الثاني عمجن مهدي والمره الكاعده يمه زوجته والحجيه بيبيتجن

روز::ليش فصليه انتي؟

فيروز::ضربتها من جوا الرعنه فشلتنا. ابتسمت المريه وكالت

ام اصهب::اهلي گبل تعاركو ويا جدجن ابو ابوجن .وهددوه گدام الوادم ثاني يوم طالع هوا بسيارته ويا ابن اخوه ونكتلو ثنينهم بسيارتهم واعمامج كتلو وليد عمي وصوبو اخيي واخذونا اني واخيتي فصليات

نرجس::يعني اهلج همه الكتلو جدي،

ام اصهب::لا مو همه بس بعد تبركست السالفه بروسهم همه هددوه وكلها اتهمتهم

فيروز::اختج ام ذياب مو ؟
ام اصهب::اي هيه طلكها ابوج ورا ما ابوي تمرض وقبل لايموت وده على عمج وابوج وحلفلهم بالقران مو هو كتال ابوهم ولا واحد من ولده ولايدري منو الكاتله ..واخيتي چانت عاشگه گبل لاتجي فصليه هل ابوچ من شافها هيج طلگها وراحت للهاويه گلبها
وانا عمچن هم خيرني اتطلك لو يعقد علي محكمه واني لاجل اولادي ولجل مهنا كتله ابقى وياك وعقدنا محكمه

نرجس::اي وبعد شصار احجيلنا سوالفج تخبل

ام اصهب::ههه كومن هسه اكلن وبعدين اسولفلجن چثير سوالف
روز::زين عمه اگلج شي موت ضوجين ..شو هذني النسوان يباوعلنا صفح ماحاباتنا ؟

ام اصهب::هههه كومي بنيتي بعدج ماتعرفنهن

فيروز::كمنا من يمها اجت بنيه شابه شويه اكبر من عدنا ابتسمتلنا وكالتلها ها عمه اساعدج ، طلعنا للاستقبال جنه مجندات نمشي وحده ورا الثانيه والانظار علينا تسطرنا بصف امي وايهم بيد بيبيتي ..
ذياب يسولف على ثار وسلاح وياشر ويردون عليه الولد وصايره
هوسه وصوتهم ماعبالك يسولفون عبالك يتعاركون ...شويه واجت ام اصهب وكفت بباب الاستقبال وحاجت ابوي

ام اصهب::خويه ابو ذياب تكومون تغسلون وتتعشون اجيتو من طريج طويل

عامر::اي والله
فيروز::بقيت اباوعلها اول مره شخص يصيح بابا ابو ذياب جان كله ابو فيروز ..كمنا كلنا نمشي وراها دخلت الغرفة ماده سفره
جبيره الولد ذياب واصهب واصف وشهاب كعدو

بقيت اباوعلها شلون ناكل يمهم نستحي همست امي اكعدن ..كعدنا كلنا بالكوه نبلع اللگمه ومحد يحجي
روز::فيروز استحي اكل احس نفسي عوجه وماعرف اكل

فيروز::اكلي كلاوات بعدين ناكل حلويات

اصف::عمو عندك وحده من بناتك رب العالمين من خلقها ماكملها

بيان::سددد حلكك ..خزرته وحجيت بعصبيه راسا امي كرصتني وضحكت وبابا هم ضحك
اصف::جماله عصبيه دكعدي لاتطفر عدستج

عامر::يخبلن عيونها هاي عزيزة ابوها مارضى تعيب عليها

بيان::باباا بالقران اذا بقى يحجي هيج باجر ترجعني ماابقى هنا
اصف::تاشاقه وياج يابه ماحجي بعد

بيان::نكث ايده من الاكل وكام صارت عيني بعين ذياب خازرني غير راحت روحي من الخوف ما خايفه هيج لا من ماما ولا من
بابا .

جونيش::بس افرغلج اني اعلمج ع هالسان تردن تفشلني

بيان::عفتهم وكمت اول ماطلعت لگيته يم المغسله درت ارجع للغرفه سحبني من ايدي ويحجي بعصبيه

اصف::شووفي لج هاي اخر مره تصيحين بوجهي سكتتلج الخاطر ذياب وعمي وموصوجج صوج اليشاقيج

بيان::جريت ايدي منه عافني وطلع غسلت وجهي بسرعه حتى ما يبينن دموعي كبر طمكم شكد حقيرين من اجينا الهسه كلساع
قاهرينا غسلت ورجعت كعدت بالغرفه بصف روز شويه وكامت ماما ولبنات وراها طلعت وراهم ماما لازمتهن يم المغسله
ترزل بيهن







جونيش::لاتخلن احد يكول ماعرفت تربي وانتي ست بيان شكالج الولد واكلتيه بكشوره موعيب عليج

بيان':ماريد احد يشاقينيي
جونيش::سدي حلكج

فيروز،':طلعت بيبي من الاستقبال شافتنا كالت
الحجيه::وينج ولج هيام
ام اصهب::ها عمه

الحجيه::اخذي المسيحيه والبنات لغرفهن
ام اصهب::صار ..تعالي خيه ام ايهم

فيروز::مشينا وراها ..وبيني وبين نفسي اكول هلوو طارت فيروز صارو ابو ذياب وام ايهم وصلنا الغرفة جاي ندخل كالت لا هاي الامجن وابوجن غرفتجن فوك انتن

جونيش::روحن ماما ارتاحن وماوصيجن صوتجن
فيروز::صار ماما ..طلعنا ورا المريه صعدت فووك
كلش اول متصعد على درج بوجهاا باب.وممر فتحت باب هاي الغرفه دخلنا وهيه ويانا

ام اصهب::بدلن ورتاحن
روز::غراضنا بسيارة بابا
ام اصهب::هسه اخلي الولاد يجيبونهن
فيروز: :هيه طلعت واحنا كعدنا على الفراشات الهي فارشتهن مر ربع ساعه. هستونا نزعنا حجاباتنا ونفتح
الباب بدون مايندك حجة بسرعة وبأمر

ذياب::فيروز تعالي
فيروز: :طلع وسد الباب وراه وكفت خايفه البنات يباوعلي
روز::شيريد هذا؟
فيروز: :شدراني
نرجس::روحي
فيروز::لفيت شالي كلاوات بعدني مطالعه عاط بصوت عالي
ذياب::فيروووووز
روز::عزززا لا ترحين معصب هذا

فيروز: :وخري يمعوده ..سحبت ايدي منها وطلعت رجليه يطكطكن من الخوف شدعوه يكلبي هلكد خايف ضليت افتر بالصاله بيها
كومه بيبان عبالك فندق وما اندل ذياب وين

فتحت اول باب صار بوجهي اصهب هستوه ينزع بقميصه
خليت ايدي على عيوني
-اسفه اسفه ادور على ذياب .
طلعت وسديت الباب وراي خرب غيرتك ذياب بعدني بالباب ورجع فتحه هوا بس طلع راسه واشرلي على غرفه المقابيله

اصهب::هاي عيني غرفت اخوج ومرة الثانيه دكي الباب قبل لا تدخلين الغرفة احد
فيروز::عفته ورحت بدون مادك الباب دخلت
لغرفة اذياب لكيته واكف يم كنتوره يبدل سديت الباب وبقيت واكفه
بمكاني كال دخلي اكعدي كعدت على قنفه وعيني تدور بالغرفه

تجنن صاج بس مرتبه بشكل حلو على ميز البلازمه صور كمت اباوعلهن صوره اله بدشداشه وشماغ يخبل ابتسمت مدري لان اخوي اشوفه هيج حلو وهيبه والصوره الثانيه هوا ولولد كلهم لابسين دشاديش عفت الصور ودرت عليه يبحوش بالكنتور لبس گلبيه وكال تعالي كعدت يمه يريد يحجي متردد...تمنيت احضنه
تمنيت ابقى فد ساعه بحضنه اعوض سنين العشتها بدون اخو
مركزه بكل تفاصيله وابتسامتي على وجهي
وعيوني نملن دموع ، دنك وحجه وهوا مدنك

ذياب::وين تلفونج ؟
فيروز::بالغرفه
ذياب: :روحي جيبيه
فيروز::فلت وجهي وخفت ..كتله بفهاوه. -ها ليش
رفع عيونه خازرني ونتر

ذياب::كووومي جيبي اريده
فيروز: :كمت من يمه كلبي يرجف رحت للغرفه ركض لكيت امي يم البنات كلهن يباوعلي
- مامااا ذياب يريد تلفوني
جونيش::وشبيج خايفه ودي ميخالف
فيروز::بس ماما
جونيش::فيروز روحي اخذيه اله ولاتسوين هيج تصرفات عباله عندج شي هسه







فيروز::اخذت تلفوني من ايد روز دخلت على
الستوديو ..اخر صوره لمحمد مسحتها ورحت الغرفته من لزمتني امي ماخفت هيج دخلت نطيته اله بدون مافتحه

ذياب::شنو رمزه؟
فيروز: :مديت ايدي اريد اخذه افتحه
مانطاه ورفع حاجبه بمعنى احجي..
اكتب 121231**
ذياب::هم رمز هذا ..روحي اني اجيبه الج
فيروز::بس.شتريد تسوي
ذياب::معليج روحي
فيروز::طلعت من يمه الخوف يدبي بجسمي
خاف يلكه شي يخص محمد رغم حاذفه كلشي
بس خفت دخلت للغرفه باوعلي امي ولبنات

جونيش::هاا
فيروز::كعدت يمها متوتره ..اخذ تلفوني وكال اني ارجعه

نرجس::عززا خاف ياخذ تلفوناتنا
جونيش::لا ماياخذهن
بان::بس. ماما شو ذياب مايحبنا انتي مو كلتي
اخوجن ويحبجن
جونيش::بعده ما يعرفجن ويحس انتن اخذتن ابوه منه بس هوه يحبجن لو شمايصير يبقى اخوجن وسندجن ..انتن خلنه يحبجن مالجن غيره تراا. واجب عليجن تحترمنه وتطيعنه ولو شمايحجي
لاتزعلن منه لان حقه نحرم من ابوه وانتن عشتن بحضن ابوجن

روز::يمكن يجي يوم ويتقبل البنات بس اني مستحيل يتقبلني ويعتبرني اخته وكلساع شامر حجايه عليَ يريد بس يقهرني

جونيش::لاتضوجين من كلامي بس مجبوره احجي حتى تفهمني ..ضايج منج اكثر وحده شلون ابوه رباج وانتي يتيمه وعافه
حاقد عليج لان بدل ما يربي رباج انتي يحس فضلج عليه

نرجس::بس ماما ترا مايصير هجي من اجينا الهسه احنا بحياتنا ماحسينا روز مو اختنا بس هنا من اول ماشفناهم حسستوها مو اختنا

جونيش::روز بنيتي اعز منجن كلجن بس جاي اوضحلجن حتى ماتحقدن على ذياب

روز::اني ماحاقده عليه ومالي علاقه بيه
جونيش::يله اني اروح مثل ماوصيتجن الصوت العالي ممنوع ولاتراددن وليتشاقه وياجن لاطفنه موتردن تاكلن الوادم جنجن
متوحشات

بيان::تراا همه ماينهضمون
جونيش::نجبي انتي الساانج شويه وياويلج اذا تطاولتي على ذياب

بيان::لا هذا الروح والريه اذا يكلي ذبي روحج بالنار اذبها

فيروز::غمتها امي وطلعت سدت الباب دقايق ورجع ندك فاتت ام اصهب بأيدها ملابسنا اخذناهم منها
ام اصهب::هذا الحمام بصف غرفتجن بدلن ونامن وغريضاتجن هذا الكنتور مفرغته الجن
روز::عمه ما حجيتلنا بعد
ام اصهب::شحجي ؟

فيروز::اصهب شهاب اصف الولد الجوا منو ؟
دخلت وسدت الباب كعدت واحنا تقربنا عليها

ام اصهب::عمجن مهنا من تزوج خلود صارت عده بنيه وحيده. بعد ماحبلت ومن اجيت اني فصليه حبلت باصهب ويا بعد واحد توم
مات بلولاده والحجيه تسودنت عليه من جبت ولد ماخلتني اخذ حبوب لو شي كل سنه سنتين اني حبلانه بيهم طاحو وبيهم عاشو اصهب وشهاب واصف وبطرس وليث ذول اولادي







روز::وبنات ماعندج؟
ام اصهب::لا ماعندي ماصارت عندي بنيه

نرجس::ماتراوستي ويا امي.اخذتي وحده من عدنا ونطيتيها ولد

ام اصهب:::هههههههه حتى الحجيه تشيلني هيه هسه وتريدني احبل وخلف بعد لو ما الدكتوره كالت مايصير بعد تعبتي

فيروز::وعمو هادي ماعنده
ام اصهب::عنده ثلث بناات متزوجات هنا بالسلف يمنا وعنده ولد جبير سعد ماموجود هسه بالشغل وهاي البنيه الدخلت للمطبخ وياي
مروه مريته ولوليدات اليلعبون اولاده.

بان::اني دخت ومافهمت..
كامت ام اصهب مبتسمه
-نامن امي نامن بعدين تفهمن ..طلعت وسدت الباب

روز::فتحنا الجنط طلعنا ملابس ننام بيهن وتسابقنا على الخانات هنه ثلاثه واحنا نريد كلمن خانه خلينا اني وفيروز سوا وبان وبيان سوا بس نرجس وحدها ماطلعنا للحمام طفينا الضوا وبدلنا
...خلصت راح اشغل الضوا
بان::نجبيييي لا بعدني
نرجس::نجبي.روز
روز::راااح اشغل لتلاثه ..واحد ...اثنين ..اني احجي وهنه يغلطن ...شغلت الضوا واضحك عليهن.تمددنا بقراشاتنا

-شبيج
فيروز::ليش ذياب اخذ تلفوني والهسه مارجعه
روز::عسى مايبقى للصبح شكو خايفه
فيروز::بله ادخلي على الفيس شوفي حسابي نشط
روز::ماكو نت
فيروز::منو عدها رصيد عليجن الله
بيان::اني بس. ما اشترك لاتحلفيني وتتعبين
فيروز::عليييج الله عفيه حبابه حبااابهً ارجعهن الج والله

روز::ختولي عوفيها وخري بلكي اشوف مروه اكيد عدهم نت ..وخرت الغطا خليت شالي على شعري لابسه تراك..اول مافتحت الباب صار بوجهي شهاب. ابتسم من شافني

شهاب::هااا
روز::نريد الرمز ..اخذ تلفوني يكتبه باوعت وياه
ما خلاني..لا خلي احفظه عفيه اريد انطي للبنات

شهاب::هههه اوك هذا صورته الج
روز::اخذت تلفوني من ايده شكراا
شهاب::هلايابه
روز::دخلت للغرفه مبتسمه....الرمز بالف
فيروز::دتعاالي دخلي على الفيس يارمز
شوفي حسابي

روز::كعدت يمها فتت على الفيس ..عززا نشط
فيروز::يعني جاي يفتش بتلفووني
نرجس::أنطيني الرمز
روز::اخذن الرمز وكلنا داخلين على محادثة
فيروز ..كلساع وحده صايحه عزززا صخااام
باوعي اني هنا شكايلتلج ..

نرجس::بس كون مايقرا المحادثااات نطيح من عينه شكد غالطين

بان::همزين اني وبيان اصلا ماحاجين وياج
فيروز::اسكتن اني من دون شي متوتره
روز::جاي اكلها عليمن ..بعدني ما حاجيه
ووصلتني رساله من حساب فيروز ...صخاام دز رساله. اخذت التلفون من ايدي كاتب. خلي. فيروز تجي تاخذ تلفونها
كتبت فيروز اوك
فيروز::كضي ..اطلع هيج عادي مو
نرجس::اي ما بيهن شي

فيروز::عدلت تراكي. ضميت شعري ورا اذني ولتوتر يقرا الف طلعت ومثل الهايشه بدل ما اروح الغرفة ذياب دخلت الغرفة اصهب ..الولد متمدد على جربايته وتلفونه بأيده هو. مصدوم واني مصدومه صاح







اصهب::هم تدورين على ذياب
فيروز::سدديت الباب حيل وصحت اسفه نسيت..صيح بصوت شبهه عالي

اصهب::مال ثووول حتى ثول تدرعم موكتلج دكي الباب

فيروز::واكفه بلباب متوتره واهفي على وجهي
من غلط عليه رجعت دفرت الباب برجلي وفتت الغرفة ذياب
بعده على نفس الكعده العفته عليها رفع عيونه اول مادخلت حمرر.وعصبي تقدمت بخطوات ثگيله خايفه منعنده رفع تلفوني الي

وكف اخذته من ايده وعيني بعينه رفعلي حاجبه بمعنى روحي
درت وجهي اريد افتح الباب كال بصوت مبحووح

ذياب::فيرووزه
فيروز: :التفتت عليه اول شخص يكلي فيروزه جرني من ايدي حيل الحضنه حضني بقوه واني الله ذب عليه دمووع بقى حاضني دقايق وبعدني مسح دموعي بأيده بدون ما يحجي واني اشهك من البجي ضم شعري ورا اذني باسني من راسي همس

ذياب::روحي نامي ولا تطلعين بدون حجاب مرة الثانيه. مفهوووم
فيروز::ابتسمتله مفهووم
ذياب::ديربالج على اخواتج.
فيروو::طلعت من الغرفه طاااايره من الفرح دخلت الغرفتنا اكمززز
نرجس::سلااامات شبيج
فيروز::ذياب حضني وباسني ياااااي يعني يحبني مايكرهني

نرجس::وشنو يعني يكرهنا مثلاً؟
فيروز::ولج حتى صاحلي فيروزه

بيان::يله هم اهون اني احسه يحبنا كلنا بس مادري ليش يتصرف هيج

فيروز::تمددت بصف روز فرحانه. فتحت تلفوني رحت على

التطبيقات المستخدمهن ماسحهن وباقي بس الماسنجر
دخلت عليه. اشخاص ماعرفهم بحسابي دخلت على
الصوره ياا هذا ذيااب عززززا

روز::شكو

نرجس::كلساع وصاحت عززا شبيج

فيروز::باعي هذا ذياب ضايف نفسه وضايف الولد هم ياااي يعني مامعترض على الفيس

نرجس::شسمه خلي ادزله طلب
فيروز:: ذياب ال جاسم
بان::دزيت قبل الطلب
بيان::اني هم
نرجس::صورة شكد حلووه

فيروز::روز ليش مادزيتي
رروز::لا ماريد اخوجن اني شكو ضايفته اساسا راح انام نعست ..طفيت تلفوني ولفيت راسي حشكت روحي بفييروز وبسرعه غفيت

فيروز::وانتن هم،نامن كافي
نرجس::التكعد اول وحده تكعدنا خلي نشوف الصبح بالريف حلو لو لا
بان::اني لحد تكعدني

روز::ديله انطمرن كافي لغوه
فيروز::نامن البنات واني بقيت أگلب بحساب ذياب ادخل على صوره واقربهن يابعد اسمي اسمك يارويحة اختك كلساع ابوس صورته منشوراته كانن مغرورات واكثرهن بدشداشه وشماغ.

والايكات وتعليقات بالالف بخت اني انشر شي يوصل عشر تعليقات واني الاعلق الروحي من حسابات البنات دخلت على حساب اصهب
نفس الطينه هوا وذياب شكلًا يتشابهون واسلوبهم وطريقة كلامهم بحيث منشوراتهم ماتختلف عن بعض وكلهم نفس الغلاف مخلين
صوره الهم جماعيه واكفين وكفتهم كلها هيبه







طلعت من الفيس رحت على الوتساب اول محادثه باسم ذياب
نصدمت راساً دخلت عليها شغلت الفديوهات الدازهن الروحه
كلهن مال عيد ميلاده حيل فرحت اذا شافاهن راح يعرف شكد نحبه
طفيت التلفون وحضنت روز لاطشات وحده بثانيه عبالك راح نشرد نمت والابتسامه على وجهي

فززينا مخرووعات على صوت الرصاص صريخنا
يجيب التايهه حاضنات بعض ومانعرف شنسوي الجام تكسر
نرجس وكفت تريد تطلع من الغرفه
جلبت بيها روز
روز::كعدي خرررب اهلج
نرجس::خلي ننزل يمهم
روز::لااااا
بان::فيروز سوي شي
فيروز::انفتح باب الغرفه وتشغل الضوا
دخل ذياب مخروع
ذياب::اشش اشش لاتخافن اجيت
فيروز::صار بنصنا وحاضنا كلنا اله وصوت الرصاص ياخذ الروح. نرعبنا و كلساع عايطات وصوت امي من جوا تصرخ وتصيح بنااتي موقف يحبس النفس تحس على غفله تجي الطلقه بواحد منا مجلبين بذياب كلنا بدا الصوت يخف فتح
الباب اصهب وشهاب سلاحهم بأيدهم
صيح ذياب

ذياب: :اطلعوو جايكم
فيروز: :وين. رااايح لاتعوفنا..وخر من نصنا وكعت روز الجانت اقرب وحده لذياب تخبلت..احاجيها وماكو البنات يصرخن
اجه ذياب عليها ويصيح علينا حتى نسكت

ذياب::شبيييج. صوتج لج..هييي كعدي يبنيه
نرجس::نحشكت بالزاويه وابجي فوك ما احنا مرعوبين وكعت روز خرعتنا وذياب عاط بينا.دخلت امي للغرفه متخبله
ذياب يرش مي على وجهه روز وامي مكابلتها وتصرخ الحد ماصحت روز ذياب خازرهاا عافنا وطلع كلنا رحنا الحضن امي

جونيش::روز بيج شي احجي
روز::مابيه شي ماما بس لان خفت
جونيش::كومن ننزل جوا يم ابوجن
فيروز::لزمت روز من ايدها رايحه روحها البيت مخبوص صياح وعياط وعبالك صايره حرب

اول مانزلنا نصدمنا بلولد كلهم مبدلين وسلاحهم بأيدهم عزززا اني توقعت نلگه الشرطه وصايره خبصه اشو لا شرطه لاصخام
وكفنا ورا امي وهيه بصف ابوي انجنت امي من لزم السلاح

ماخلاها تحجي اصلا دقايق وسيارات اتسطفت
بالساحه طلعلهم اصهب وذياب الساعه تقريبا بالاربعة الصبح مانفهم شي من حجيهم لان كله صياح وصوت عالي همه يتناقشون احنا عبالنا يتعاركون ام اصهب سبحتها بأيدها وتدعي وبيبي
تصيح اولادي اولادي اريد رصاصكم ياكل نص بيوتهم

ابوي وعمي هادي صعدو وياهم وراحو دخلتنا امي للغرفه تلطم على خدودها

جونيش::صخام الصخمني راح ابوجن ولجن شسوي شحجي شكول رجال بحياته مالازم سلاح اول ما اجه لهنا لزمتوه سلااح اوديتوه
للموت

فيروز::دخلت الحجيه للغرفه وتاشر بعوجيتها امي وكفتلها احتراما وهيه نزلت على امي دوسه ونص

الحجيه::شووفي ولج يلمسيحيه سكتت عنج عبن كلت خطيه البت
لنج موش مال احترام اواحد يسكت عنج اني مربيه زلم شنهي بعمره ماكاض سلاح انا ولادي من عمر عشر سنين اسلاحهم بيدهم
ولج احن ولد شيوخ هضيمة تكولين عامر ماكاض سلاح
يو ماماخذته منعدنا وهججتي من ديرته واهله جا وليدي ينام وسلاحه جوا راسه بس انتي يلغمه من لفيتي واخذتي عگل ابني
عاف سلاحه ولحگج وشنهي على زينيتج انتي على جهرتج الحلوه
لو على خلفتج البس بنات







فيروز::كمت على سريع ...هوووب هوووب شسالفه اكلتيها اكل هيه غير خايفه عليه وانتي ولدج وماخايفه عليهم تشجعينهم ماتخافين واحد يمووت. وثانيا اياني واياج تحاجين امي هيج عاطت امي عليه
وهيه رفعت عوجيتها وضربتني على راسي وتريد تضرب ماما
تخبلن البنات وهدن عليها امي تريد تسكتنا ماكو

روز::حددج لهنا حجيتي وسكتنا احترامن الكبرتج مانسمحلج تمدين ايدج على امي
نرجس::يله روحي عود انتي هم بيبيه بس يجي بابا بخير وسالم نروح وتحلمين تشوفينه بعد

الحجيه::يعع ولجن تعلن صوتجن علي وتوكفن بوجهي يبنات المسيحيه انا موش بت ابوي ان ماربيتجن من جديد نووب اني عليه التايهين والمدري من يانسل لافين

جونيش::عممه ما اسمحلج تحاجين بناتي هيج مشكلتج وياي اني هذني حفيداتج شنو ذنبهن

ام اصهب::عمه فدوه اروحلج كافي ابوو اصهب اذا سمع هسه يگلب البيت علينا تعالي الغرفتج لايصعد ضغطج

الحجيه::وخري مني وخرري اهمدداجن من جناين وحده مسيحيه ووحده فصلية بت كتال رجلي من جبح خلقجن الكشره

روز::طلعت الحجيه وسدت الباب بان وبيان بنفس الحظة رفعن اديهن وغمنها وماما عاطت بيهن

ام اصهب::امسحيها بوجهي ام ايهم تعرفين عمتي بعد جونيش::لاخيه ماعرفها وريتني دوم ماعرفتها جنت اتذمر واذم بحضي لان بناتي بعيدات عن اهلهن هسه احمد ربي وأشكره الف مره ماعاشن وتربن هنا

ام اصهب::خيه تهدي بالرحمن وكلشي اله حل كضي وليدج هسه والله كريم ، يمه بنياتي تجن وياي نلم الكزاز من البيت
فيروز::بقيت كاعده افورر ودي الزم الحجيه اكلها بسنوني خزرتنا امي واشرت بحاجبها كومن

طلعنا من الغرفه ورا ام اصهب صارت بوجهنا مرة عمو مهنا (خلود) خازرتنا وتنتر بحجيها

خلود::وين علاج عمتي صعد ضغطها
ام اصهب:'يمها بغرفتها تلگينه
روز: :راحت من يمنا معاجبها ام اصهب صاحت على مروه تجي تنضف ويانا
مروه::اجيتج عمه صار

سهام(مرة مهدي)::تعالي كضي فروخج
ام اصهب::كضيهم انتي وخلي البت تجي تنضف وياي كبل لايردون ماتشوفين البيت مكلوب

سهام::موش هذني البنوات وياج شتريدين بعد
ام اصهب::وهنه شني جايات يشتغلن ماتشوفين وجهن اصفر من الصدمه

مروه::عمه هسه انوم جهالي واجيج
ام اصهب::رووحي يمه روحي الجهالج عمتج تصعد تنصف وياي

سهام::اي اصعد جا شنهي اموت اذا نضفت
روز::صافنين عليهن وحده تريد تاكل الثانيه ، هلوو هاي همه بنفس البيت محد متحمل الثاني شلون نريدهم يحبونا ، صعدنا اني فيروز ونرجس وسهام البيت بس صفحه وحده الجام متكسر
جهة البيت الثانيه مابيها شي سهام تسب وتغلط على ام اصهب وتصيح هم فصليه وهم ماحاطه رجليها بالگاع
سهام::انتن نضفن الغرف هوا بس الكزاز لمنه خلروح اشوف الحجيه

نرجس::هلو هاي شنو عافتنا ونزلت
فيروز::خاب ختولي ماتشوفنها بس تحجي على ام اصهب
روز::عود يحجن صدك يردنه انضف واحنا البارحه اجينا
فيروز::شبيج هوا بس نلم الكزاز المتكسر الخاطر ام اصهب خطيه شفتيها شلون تدافعلنا والماما

نرجس::اوك يله كلمن غرفه حتى نخلص بسرعه
روز::اني انضف غرفتنا ..البنات راحن الباقي
الغرف نكثت الفراشات رتبهن وخليتهن على جهه
كعدت كلبي دكاته سريعه احاول اتجاهل حجيهم الي بس ماتنبلع كلمات الحجيه وهيه تعاير امي بيه موتني

فيروز::دخلت الغرفة اصهب ونرجس للغرفه الثانيه غرفة شهاب ..ملابسه مشمراتزوالكزاز صاير ورا البرده
بس جمعته كله ونكثت الفرشه طلعنا سوا كلمن
بأيدها كومة كزاز

بان::اكلج عمه انتو دائما هي عدكم حرب
ام اصهب::هههه ياحرب يمه ..بس حضجن هذا جيتجن صارت ويا هالمصيبه
بيان::زين انتو شلون عدكم اسلحه بلبيت مايلزموكم الشرطه
ام اصهب::لا ديرة عشائر حتى الجيش يخاف يتدخل بينهم يطلعون مرات تفتيش يوصلنا الخبر قبل لايطلعون بيوم يومين لان البلمركز كلهم اخوت الحجيه ونبعد السلاح من البيت والولاد اسلاحهم مرخص ماياخذونه

بان::شنو يعني مرخص
ام اصهب::شلج بدوخت الراس هاي
بيان::بس عمه يعني ماتخافين عليهم ولدج كلهم راحو يعاركون
ام اصهب::اخاف شلون ماخاف بس شبيدي قابل يسكتون على حگهم والناس تاكل وجهم وانا ولدي دمهم حار يتخبلون من واحد
يدوسلهم على طرف

روز::عمه احنا كملنا
ام اصهب::تعالن يمه عفيه ببنباتي النادرات
فيروز: :صار صوت سيارات فتحت عمتي باب
المطبخ
ام اصهب::اجو الولاد
روز::بقينا كااعدين بالمطبخ وهمه خبصتتهم وهوستهم بالساحه
نباوعلهم من الشباك عبالي الناس الموجوده هم اعمامي كالت ام اصهب لا عشيرتنا هاي ، دخلو للديوان وام اصهب ومروه يسون
چاي ونطنهم ماي وصياحهم يجيب التايهه اجه اصهب للمطبخ

اصهب::يمه ريوك بعد الناس فزعت من نومتها همي ايدج وسوي ريوك

ام اصهب::صار بس ودلي ليث يروح يتسوك من الشارع
اصهب::هسه يجيج

روز::دخلت سهام وخلود وامي وحتى الحجيه كلها تحضر بالريوك واحنا بس نباوع مانعرف شنسوي هنه نخبصن كعدت سهام ويمها جدرية العجين وصينيه

ام اصهب::مرووه يمه روحي صيحلنا الام فارس
مانلحك لوحادنا
الحجيه::اي ولج اكفضي رجلج ركض صيحيلها وتعالي شنهي شغلها جا وانتي يلمسيحه اسلكي شكو بيض عدج

جونيش::صار عمه
سهام: :ياهي منجن تعرف تخبز
جونيش::روز وفيروز يعرفن كومن ويا عمتجن ماما ..بان روحي الايهم

فيروز::خزرت ماما كمنا ويا سهام اني وروز طلعت من المطبخ المكان ورا البيت داير مدايره شجر وتنور طين بالنص والنار
واجه بيه بقيت اباوع مصدومه بجمال المكان كلش
حلو ومرتب كالت
سهام::انا عدي تنور غاز بس حضي البارحه خربت صوندة الغاز .واخافن يطك عليَ







روز::سكتنا ماهاضمينها ما جاوبناها بدت تخبز واحنا وحده تطلع خبز وحده تخلي بالتنور ولان مامتعودين على تنور الطين كلساع ننلسع شفت بيت صغير بصف بيتهم وشويه ابعد منهم اسطبل
والمكان كله اشجار. ونكدر نشوف. البيوت البقيه
..عمه هذاك بيت منو

سهام::ووينه
روز::هذاك اشرتلها باوعتلي عاوجه حلكها
سهام: :بيت الچرخچي

روز::التفتت الفيروز ..شنو يعني
فيروز::اندري ..شنو يعني عمه مافهمت
سهام:: شنهي شكد تنشدن. يعني بيت الحارس
روز::امم فهمنا ..سكتنا بعد ماحاجيناها كملت الخبز ورجعت خلت حطب من جديد بالتنور وشعلت النار

صاحت شيلن صينية الخبز ورجعن للبيت جيبلي صينية الدوالييج
شلت الصينينه ومشينا اني وفيروز
-هاي شبيها شايله خشمها
فيروز::كله صوج امي ..روز وفيروز يعرفن ادري جايين نشتغل احنا

..نمشي وننصدم بچلب كدامنا بقينا واكفين لاناخذ ولاننطي ميتين من الخوف هستوه باوعلنا بنظره ترعب وصاح ذياب من وراه

ذياب::ووول جخ

روز::خرب الزمي الصينيه راح توكع من ايدي..الجلب راح وذياب واكف خازرناا

صاح
ذياب::تحررركن
فيروز::فتنا من يمه عاط على روز واني من يمي
خرطت العافيه
ذياب: :شعررررج غطيه
فيروز::خطيه روز كبل برطمت وامي اجت على سريع اخذت الخبز منها وخزرت ذياب كالتله

جونيش::على كيفك يمه ما متعودات اربعه وعشرين ساعه بلحجاب
روز::رفعت عيني عليه بعده خازرني جريت حجابي ونزعته.

-كيفي انزع حجابي البسسسه انت موتكول اني مو اخوج معناها لا تدخل فهمت؟

.عفته ومشيت وهوا يسب ويغلط السانه يرش صعدت الغرفتنا ركض..دموعي تصب باوعت بالمرايه وجهي مطعون احمر خدودي وخشمي من التنور صايرات حمر مسحت دموعي
وسحبت تلفوني تفاجئت لا فيروز ولا وحده اجت ورايه

فيروز::جاي اصعد ورا روز صاحت الحجيه
الحجيه::ردددي خليها تولي الچلبه شلون تتجاسر وترد بوجهه وتشلح حجابها كدامه

خلود::هاج اخذي هاي السهام
نرجس::متت من القهر وادري ابفيروز بالكوا متحمله لان ذياب واكف ماتكدر ترد وجده وكفتلنا حارس ماتخلي وحده تطلع
من المطبخ..ردنا بس نروح نشوف روز.

ثأرهم وبنات المسيحيه(الاصليه) - البارت4


ياگلبي

دثرتك وبهداي لوليت ونوم البلا گعده تمنيت..

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹𖦹 𖦹 𖦹 𖦹𖦹 𖦹
جونيش::حذرررتك تمد ايدك عليها

الحجيه: :ايا جلبه ابنيت الجليب ولج تطكين ذياب يلمسيحيه انغلام ابوي

نرجس::وسط صدمتنا بتصرف ذياب وضربه الروز ماما صعقت عقلنا من ضربت ذياب راشدي فرت وجهه وهوا تخبل

كلنا وكفنا ورا ماما مانخليه يوصل الروز وام اصهب واكفه بين ذياب وبين ماما ، يسب ويغلط على ماما وروز يريد بس يلزمها شكو شي كدامه دفره دخل اصهب وبابا روز ركضت البابا وهوا يصيح شكو شصاير اصهب لازم ذياب ومحد منهم فاهم شصاير

الحجيه::ولك هاي الغمه المسيحيه تطك ابنك علمود هاي الما تنعرف من يا صلب

جونيش::كااااافي كااافي سكتتلج هواي وهاي
ثاني مره تشككين بنسبها

ذياب::ماتبقىىى هنااا هسه تطلعونها من البيتتتت
اصهب::شبيييك شبييك
عامر::جونيش فهميني لاتخبلوني
جونيش::خلي يحاسب اخواته خلي يضربهن مايهمني بس ماله حق يمد ايده على روز ويجي يضربها عناد بيه وهيه ورا ظهري

الحجيه::جا موش انتي هم طكيتيه ولج
فيروز: :كلها تحجي وتصيح ماما وذياب واحد يريد ياكل الثاني بان وبيان لازماات بعض ويبجن بكل عززا لطامه

تعارك بابا ويا ذياب عيني على روز بالكوه مفتحه عينها صررخت
من شفتها راح توكع. دائما كانت توكع اذا خافت من شي بسرعه يغمى عليها حتى من كنا نستلم النتائج قبل لاينطوها النتيجه توكع من كد ماتخاف...

لكفها بابا متخبل عليهااا شالها الغرفتهم ركضت جبت ماي
نرش على وجهه ايدي ترجف الحد مافتحت عيونها اني روحي
راحت حضنتها ماما وهيه تبجي

جونيش::لاتبجين يروح امج بس خلي تخلص هالشغله وشوفن منو يجي لهنا بعد

نرجس::اي ماما عفيه مانريدهم والله ماينعاش وياهم

فيروز::اطمن بابا على روز وطلع بقينا يمها ملتمين عليها كلنا
روز::ماما حاجي بابا خلي نرجع للبصره ونروح الشقة ماما هدى حتى مايندلون بيتنا واذا يكول مانندل الطريق الاجينه منه
اني ادليه

بيان::خرب يومج حتى هذا الطريق حفظتيه وهوا انتي اجيتي بليل شلون حفظتي

روز: :اي طريق ماشيه بيه مستحيل انساه
بيان::اي فهمنا كون بالدراسه هجي ومتنسين







فيروز::اي يمه نبقى هناك الحد مايكولون خلصت سالفة ثارهم
جونيش::شتخلص ماتشوفينهم اذا واحد غلط عليهم شالو سلاحهم مدري شلون عايشين العصر عدهم كعده بلكي يلكون حل ويخلصونه

بان::اني مليييت انتي بس حاجي بابا خلي نرجع وعود خلي يلكونه ويقتلونه ميخالف
بيان::تراا صدك شنو هالجذب يعني يردون ثارهم يعوفون هلمعكسر الهنا كله ويجون للبصره ياخذون ثارهم من واحد ماله علاقه شنو هلفلم هذا

نرجس::يمكن صدك ضحكو علينا علمود نجي

دنحجي وندك الباب ..فاتت ام اصهب بأيدها صينينه الريوك

ام اصهب::ها روز شلون صرتي
روز::ابتسمتلها ..الحمدالله
ام اصهب::ام ايهم خيه اكللجن لكمه ..ولاتنقهرين مجتفه لبوفاضل ذياب ذهب وحنين وياريت كلها بحنية گلبه بس مادري شماله ويا هلمسكينه

جونيش::والله العظيم هاي فيروز لو ضاربها ما احجي بس ماله حق يضرب روز وهيه امانه عندي

فيروز::مامااا شنو شو كل شويه وكلتي ضارب فيروز شنو حايط نصيص اني
جونيش::اي ما احجي لااان اخته
روز ::ابتسمت واني بعدني بحضن امي طلعت الساني وعيب عليهن ..اااايئ.تدافعلي وما تدافعلجن..ضربتني
ماما على حلكي بالشقه
نرجس':كبررر ماجنها هستوها مسحوله

ام اصهب::دعوفن السوالف وكعدن اكلن
فيروز: :تقدمنا على الصينيه وهيه طلعت من يمنا.واحنا بقينا نلحح على
مااما اقنعي ابويه نرجع..دقايق
وعلگت بين خلود وام اصهب ردنا نطلع نشوف شكو وماما مقبلت
جونيش::وين وووين اكعدي
نرجس::بس اشوف شكو
جونيش::لا عيب معليج

بيان::ماما خاف ام اصهب تريد فزعه شي
جونيش::دكعدي ام فزعه اكعدي لا اطيح حضج

روز: :بالكوا اكلت ولازمه دموعي الخاطر امي لان مكسور خاطرها ، الحقد الحقدته على ذياب ماينوصف ، كملنا ريوك ومقبلت ماما نطلع اخذت الصينيه هيه وراحت كلمن كاعده بجهه كالت نرجس

-عووع اني بعد لو يكطعوني ما اجي لهنا ايعع هم بشر هذولي

فيروز::نجبي كافي عيب
روز::تدافعين الاخوج هااا..رفعتلي حاجبها كالت

-روز لاتصيرين حساسه اذا ذياب اخوي انتي اختي وقطعه من روحي واعز من ذياب بالف مره وما جاي ادافعله وما انكر تصرفه الغلط

روز':ااي لاتحبين احد اكثر مني اضوج

-دنجبي يله حيوانه...نفتح الباب دخلت امي وراها مريه وبنات بگدنا ثنين وكفنا كلنا
جونيش::هاي عمتكم ماما اخت ابوكم
فيروز::تقدمت اباوسها
شيماء: :يمه هلاا يابعد كلبي يمه بنيات اخوي
روز::باوسناها والبنات الوياها خجولات بالكوه سلمن علينا
جونيش::اكعدي ام..

شيماء':ام محمد..حقج خيه اني حتى مالحگيت اشوفنج گبل
جونيش::اي والله شنسوي قدر
شيماء: :شلونجن البنيات زينات
نرجس::الحمدالله عمه
شيماء::جا خيه انتي عدج ربياعه لو خمسه
جونيش::خمسه روز اني مربيتها من عمرها سنه بت صديقتي المرحومه







شيماء::يايمه سوده عليه ..خيه يدخلنا الجنه هذني اني هم مربيه زهوره بنيت رجلي ، وزوجتها كله من ابوها ماردت اطيها تالي رجلها طلع مايخاف الله ..والله كتلها لمي هديماتج وتعالي انعل ابوه لابو اهيلته

جونيش::زهراء ..صغيره ليش قبلتي تزوجين
زهراء::استحيت من ابويه عمه ماكدرت ارفض
جونيش::لا امي الشي المتقتنعين بيه لاتقبلين ارفضي محد يعيش حياتج بمكانج

بنين':هسه شنو نبقى نسولف ..شنو رائيكم نطلع نفتر ببستان بيت جدو
بيان::ياريت والله لان من اجينه الهسه ماشفنا بس المشاكل

شيماء::تعالن احبنجن بعد طاك كلبي عليجن ..وروحن ويا البنات تونسن
بان::تقدمنا الها تبوسنا ..وبناتها يضحكن طلعنا وياهن من المطبخ لكينه ام اصهب كالت
-ها يمه وين رايحات

زهراء::للبستان خاله نفرهن
-ديرن بالجن عليهن ولجن
بنين::اي لاتخافين بعيونا

روز::طلعنا للساحه الجو حلو ..ولبنات حبابات ويسولفن ويتشاقن غيرلنا جو
زهراء::نروح للخيل
نرجس::عدهم خيل؟ ؟
بنين::اي مال اصهب وذياب
فيروز: :اوك نروح نشوفهن

...مشينا بين الاشجار والنخل الحد ماوصلنا للاسطبل...صغير
وبيه بس ثنين اسود وجوزي كلش حلووات واول مره اشوف خيل بالحقيقه

زهراء::لاتتقربن مايخلنجن تلزمنهن

روز::وين مال ذياب
زهراء::ههههههههههههه

بنين::ساقطه هههههه تسأل على الحصان
فيروز::ولج زهراء بان وبيان منا
بان::وعلى اساس احنا اطفال ومانفهم
بنين::الاسود مال ذياب

روز::تقدمت على الفرس رفعت ايدي وهوا يوخر ويناافخ كتلهن ..مايخليني الزمه هم اسود. وهم متوحش مثل راعيه ...وزهراء وكعت بالكاع من الضحك عرفتها سخيفه وتربط اي موضوع على غير سالفه

زهراء::ههههههههه خرب شرفج غصيت من الضحك ..ولجن موتضوجن مني بس شسوي اني الساني فالت
بان::لا مانضوج سوالفج تونس

روز::هلووو هاي كيفت
بيان::ترا احنا نعرف اكثر منجن بس مجارين عقولجن ونسوي نفسنا مافاهمات من تجفصن يمنا
نرجس::ايا ادبسززيات

روز::طلعنا من الاسطبل نفتر بالبستان منطقتهم حلوه تحس الهواء نقي وريحة الزرع تجنن كعدنا على العشب

وداير مادايرنا نخل ....هاي نخلهم ليش مابيه تمر
زهراء::مو هسه بالصيف
نرجس::اكلج هاي البيوت مالات منو..وليش قريبات على بعض مو مثل بيت جدي بعيدين عنه

زهراء::باوعي شوفين ذاك البيت الچبير
هذا بيت جدو الشيخ خيون.عم امي هوا وبيت جدي اكبر بيتين بمنطقتنا

روز::اكلج شو هوسه ومينفهم عم وخال وجد وماخذ بت عم وتحسين عائلتهم خبصه
بنين::اني افهمج بس ركزن ترا ماعيد لان اصلا احنا دايخين بيهم







فيروز::هههه اوك بس لتليصينها علينا احجي عدل

بنين::كان ماكان
روز::نجبي جاي تحجين قصه
بنين::ههههه وسم اسمعن ..جدو جاسم ابو ابوجن وجدو خيون اخوان يعني هسه جاسم وخيون اخوان خوش ؟ ...جدو جاسم الشيخ
هوا اصغر من خيون بس ما ادري ليش من مات ابوه هوا صار الشيخ المهم جدو جاسم مره اخذ ابن اخوه يعني ابن جدو خيون اسمه مرتضى جان يحب جدو جاسم ودوم سوه. المهم طلعو
بسيارتهم نكتلو ثنينهم وهدو بيت جدو على الكتلوو جدو جاسم ومرتضى وكتلو منهم واحد وصوبو واحد واخذو فصل فصليتين ويمكن 30مليون مدري شكد محد يحجي الصدك

المهم الفصليات صارن الخالو مهنا وخالو عامر
خالو مهنا جان مازوج خلود قبل لاينكتل ابوه وخالو عامر جان هههه واحد ضارب الدنيا جلاق مايعترف بالمضيف والعشاير
تكول امي جان ساكن البصره والمعاهد الحد ماصار ممرض...

المهم عمو مهنا الناس رادته هوا يصير الشيخ ورا ما مات ابوه بس جدي خيون مارضى وصار هوا الشيخ اول مده عبالنا جدو خيون راح يموت لان حيل تأثر بموت مرتضى سكن النجف نوب صار زين ...

المهم خالو عامر جان يعرف بزوجته تحب واحد
قبل لاتجي فصليه بس شيسوي مجبور يسكت ...لمن حبلت
وصار عدها ذياب وابوها وده عليهم كبل لايموت وحلفلهم
مو هوا كتال ابوهم ، خالو عامر طلك ام ذياب وردت الاهلها
وهناك تزوجت الجانت تحبه

المهم مرت خيون تصير بت عم الحجيه بيبيتي
بس شنو فد فقيره ومن اهل الله وبيبيتي تحبها وهيه هم تحب بيبي

ومرت ابنه هادي تصير اخت خلود نفس الطينه
حجي بينا ثنينهن وجهن ينكط سمر وولد هادي حيدر وحسين همه
زعاطيط ويوميه جايبينا اطلابه واحد عمره 19 واحد اضن 21

والله احنا احفاد الشيخ محد يحجي ويانا اسلاحهم ويفترون
كله منهم هاي المشكله هسه وناس كتلت ناس همه السبب.زعاطيط ومخلين بأيدهم سلاح تالي ردت على الكبار والعشيره كلها تورطت ..

المهم بيت خيون ايعع مكروهين بس عمار ابنه يصير صديق الولد اصهب وذياب وحباب والحجيه امه هم حبابه
ولبقيه عووع

نرجس':بالقران فلا فهمت شي بس المهم والمهم هواي تصرفين مهم

روز::كعدت بالغرفه مقهوره تف عليه شكد حقير وينرفز. ...فتحت. الكصيبه شعري اذا مو كل يوم امشطه واضفره يدكطع. كعدت اباوع بالتليفون كلت من تجي فيروز. لو امي اسبح واخليها تضفرني

..نفتح باب
الغرفه. رفعت عيني اباوع عبالي فيروز وانصدم بذياب خازرني
وكفت على السريع رجليه يطكطن من الخوف دخل
سد الباب ودار يقفله تخبلت جريت شالي خليته على شعري. واحجي امتمت ولا كلمه اجت عدله ..- ذي ذياب
تقدم عليه بعصبيه

رجعت ليوره دموعي بسرعه نزلن جرني من اذني واني مجلبه بأيده
ذياب::شوفي لج حيوانه حضج اطيحه اذا تطاولين عليَ مرة الثانيه
مادامج.محسوبه على ابوي الزوم تسمعين الكلام وحالج حال البنات فهمتتتتي

روز::اي اي. ااخ عوفني والله ماعيدها
ذياب::عوزج.تعودينها اذا مازينت شعرج صفر.ماتسمى ذياب

روز::عاف اذني لو احس عاف مجرى الدموع بعيني صرت جني ايهم من يبجي اناشغ وخشمي وعيوني يصبن وهوا على وكفته عاط
بصوت طفررني من مكاني

ذياب:كااااافي يله البسي شالج ونزلي يله
روز::مسحت دموعيي بس صوت بجيتي مايروح لفيت شالي على سريع باوعتله تقدم رفع ايده غطيت وجهي
عبالي جاي يضربني خزرني وجر الشال من المقدمه كلش على شعري طلع واني وراه دار عليَ وكفت بسرعه

ذياب::عدلي حلكج جنج زعطوطه اهئ اهئئ ، وعود روحي اشتكي الامج جونيش خانم وكوليلها ذياب بجاني

روز::ينزل بشفايفه ليجوا ويعيب عليه هزيتله راسي لا مااشتكي ..رجعت للمطبخ ماما ولبنات يباوعلي بحسره بس شفت امي بجيت وهيه اجت متخبله

جونيش::ياا شبيج
ام اصهب::خافن لان حاجاها ذياب
روز::م ماما خلي نروح عفيه حبابه خلي نرجع ماريد ابقى هنا
جونيش::ولج احجي شبيج بس احجي عدل مافهم حجيج
روز::مسحت دموعي وكلامي متقطع ..ذياب جرني من اذاني ...منو هوا ويسوي هيج....بعدني احجي وصارت عيني على الباب بس لمحت ذياب وعيونه الاحسهن راح يطلعن من مكانهن چلبت بامي وهيه التفتتله تحجي بتهديد وياه

جونيش::ذيااب حدك لهنا هذني اخواتك ..رغم ما اقبل واحد يمد ايده عليهن بس ما اوكف بوجهك اذا حاسبتهن طبهن مرض اخوهن وتحاسبهن الاااا روز يا ذياب الا روز ماسمحلك وما اسمح الاين كان يسمعها كلمه او يرفع ايده عليها لو ضارب فيروز
لو نرجس اسكت ومافك.حلگي بس تضرب روز عندي استعداد ارجعلك الضربه وعود وقتها اكرهني مثل ماتريد هالمره حذرتك مرة الثانيه تشوف شي ما يعجبك

فيروز::كلنه ساكتين وبس صوت بجي روز وحجي ماما الصدمنا كلنا ذياب واكف بباب المطبخ جگارته بحلگه ماما تحجي وهوا
يسحب نفس من الجكاره مامهتم الحجيها كملت كلامهاا
شمر الجكاره. بالگاع داساها برجله وتقدم عليها بحركه سريعه
ضرب روز راشدي. بنفس الحظه ماما ضربته
بكل قوتها

جونيش::حذرررتك تمد ايدك عليها

#يتبع

روز::انتي ثوله اني فهمت. باوعي عم هذا ماخذ جدة هذاك وخال هذا ماخذ مرت خال هذاك وابو هذا مازوج اخت عم هذاك..

زهراء::ههههههههههه والله صح هوسه
فيروز::زين زهراء احجيلي على ذياب
زهراء':باوعي اني احجي طك بطك ما احبه ذياب ولا اطيقه
خيه اخوج جنه مچلوب يخوزر بالناس وعاجبته بس روحه

بيان::ولج اخوي ما اسمحلج
زهراء::دنجبي اخوها امس عرفته وصاحت اخوي اني صار سنين اعرفه.ربيت نص عمري وياهم..راشدياته بعدهن مطبوعات بخدي

روز::جان يضربج؟

زهراء::اووه اني وبنين. اذا اجينا لهنا ويا امي اني مايكتلني حيل بس بنين خطيه ههههه لان اني موكلش اعودله يعني ابوي يعود الابوه بس.من بعيد جان يجي ذياب من الكليه مالته يلگانا نلعب بالطين يكتلنه بالعصا







بنين::حتى اني جنت أكرهه اصلا ولا طفل عدنا يحبه كلها تخاف منه
روز::موكتلجن متوحش
نرجس::هههههه انتن تدرن روز اكلت راشدي منه الصبح

بنين::اصخام اجااانا يمه اجانا
فيروز: :خرعتنا طفرنا كلنا نشوف ذياب اجاي بجهتنا يمشي بهمه وعصبيه بيده عوده صرت كدام روز وبصفي نرجس

روز::فيروز بالقران انعل والديه هلمره اذا ضربني
فيروز: :بس اسكتي
بنين::شلونك ذياب

ذياب::هلابيج ....امشن جواا لحد تطلع ماتشوفن الناس رايحه جايه

روز::مشن البنات ساكتات واني خاتله بضهر فيروز ..التفتتله يمشي ورانا..لابس دشداشه سوده وجراويه لافها على راسه ...وين الله وتطيح واشبع عليك ضحك

بس خليت عيني بعينه عيب عليَ بشفايه قصده لان بچاني مسااع
رفعت ايدي وخليتها على خدي عود انته هم نضربت ..انجن وخزرني بعصبيه ، دخلنا للمطبخ

ام اصهب::ها رجعتن
الحجيه':لاتطلعن الولاد كلساع اجايتلهم ازلام وانتن تتفتلن كدامهم

خلود::خاف امهن طلعتهن تريدهن يزوجن بلكت واحد يشوفهن
الحجيه::شو سدي حلكج لا ااعبي بيه البسطال نعبنج ماتعرفين تحجين عدل وتضلين غمه ...ان جانن هنه بنات المسيحيه
واني ماراضيه عليهن ولا على امهن احاجيهن واطيح حضهن بس التفك حلگها وياهن بچلمه ااكص السانها وانعل اهيلتهاا

فيروز::ضحكنا على خلوود بسكوت مروه غمزتلنا وخلود طلعت
من المطبخ. ام اصهب تضحك من جوا ليجوا رجعنا الغرفة امي
تسولف ويا عمه شيماء وتضحك وياها

روز: :ايهم تعاال..شلته ابوس بيه
ايهم::اروح بابا
روز::لا بابا راح ابقى عندي اني احبك
ايهم::احبشش وماما وبابا ، فيروز لا
فيروز::ايا حيوان طاحضك تربية روز شنتظر منك
بان::واني ايهومي تحبني
ايهم::كوواويه
روز::حضنته حيل ومتت من الضحك وهوا يضحك..محد فهم شنو كال غيري
بان::شكال
روز::كوريه هههههههه..خزرني بان وبيان لان زهراء وبنين وامهن موجودات نزلته يم امي...فيروز نصعد فوك اريد اسبح
فيروز: :واني هم اريد اسبح
نرجس::حتى اني
بان:: اني اول وحده
بيان::لا اني
روز::من الجبيره للصغيره ...صعدنا فوك وزهراء وبنين ويانا سوالفهن تخبل
فيروز::لاتسولفن شي مهم الحد ما اطلع...اخذت ملابسي وطلعت واني احجي وياهن سديت الباب ودرت بسرعه

صار،اصهب بوجهي يمشي سريع واني ملحگت الزم بريك
ردمت بيه طاحن ملابسي من ايدي لميتهن على سريع وهوا يغلط

اصهب:':انتي ثووله شبيج تدرعمين
فيروز::ترااا انته تركض شدراني

اصهب::وخرري مني لا ابتلي بيج
فيروز::مشه الغرفته صحت ...تريدلك واحد عاقل بهلبيت ماكو مسودنين ..رجع عليه بعصبيه دخلت للحمام على سريع وسديت
الباب اضحك ..احلف عليهم مخابيل







روز::لزمت تلفوني نشرت ستوريات كلها حزينه عبالك وحده مطلقه ..وبقينا نسولف ورا شويه دخلت اشوف منو شاف الستوري
واشوف ذياب اول واحد شايفه واني ماضايفته دخلت على حسابه لكيته صديقي
-نرجس منو ضايفه ذياب بحسابي

نرجس::مادري والله مو اني
بيان::خاف انتي دازتله طلب بلغلط
روز::لا اصلا ماكو اشعار مال تم قبول الطلب
زهراء::واذا ضايفته شنو يعني
روز::خيولي اني ماطايقه اشوف شكله مو نوب اصادقه على فيس...طلعت بدون مالغي الصداقه وشمرت التلفون خلتطلع فيروز وأسألها

بيان::زهراء اريد اسئلج بس موتضوجين
-أسألي خيه عليمن اضوج
-مافكرتي ترجعين تتزوجين
-لا تأذيت هواي بزواجي الاول كرهت الزواج بعد

-وطليقج تزوج
بنين::ههههه
زهراء::هههههه
بيان::كبر شبيجن

زهراء::باوعي اني من ماتت امي عمري اربعين يوم ابوي تزوج ورا اربعينية امي يعني تزوج امي شيماء..المهم اول ماتزوج صار عنده محمد اخوي ، محمد عنده ولدكم يعني ولد خالو مهنا
وذياب يمشون بدمه يموت عليهم قبل عرس طليقي بيومين تلثمو ..ولزمو طليقي بالطريق مكسرينه تكسر وضاربينه هناااك بذاك المكان وتاجل عرسه سنه ...يعني اخذو حگي منه

روز::صلوات طلعت من ذياب شغله بيها خير

زهراء':لاا عاد بهلسوالف يعجبج شهم واخو اخيته وعسى واحد يتنخاه سبع والله

روز::والله ميعجبي بعد السواه
نرجس::نجبي ترا اخوي

روز::خزرتهه ودمعت ، اموت من يدافعله احس نفسي غريبه..
نرجس::يااا اتشاقه شبيج ..حضنتها وهيه نفجرت بالبجي...اتشاقه روز حبابه شبيج اسكتي

بيان::دفعت نرجس منها وحضناها اني وبان
كبرر الا تمسلت..راسا نرجس بجت وتحلف ماتقصد تشاقه .بنين وزهراء ميتات ضحك

- اسفه والله اتشاقه روز عفيه اسكتي والقران تاشاقه وياج شبيج.

فيروز: :طلعت من الحمام اركض لان بارده والكاها صايره مناحه

-عزززا شكو شبيجن
نرجس::ولقران اتشاقه وياها وهيه بجت
فيروز::عزززا روز شبيج. ارفع بوجهه وهيه ناطه من البجي شكووو شبيج

بان::حجت على ذياب ونرجس دافعتله
فيروز: :ابوجن لابو ذياب شنو هلتمقلج هذا وانتيي ست نرجس واذا حجت على ذياب خلتحجي مقهوره منه وحقها

وانتي روز خانم اوووي شدعوا هلحساسيه الزايده ترا زودتيها لا الزم النعال اكطعه على راسج عبالي شوف شكو ثنينجن تافهات

روز::كمت منهن اخذت ملابسي ورحت للحمام
سديت الباب وكعدت شلون افهمهن مو قصة صايره حساسه
بس خايفه ..خاف يحبن ذياب اكثر مني ويخليهن يعوفني ..

سبحت وطلعت اول مافتحت باب الغرفه حضنتني نرجس
نرجس::جلبه لاتسوين هيج بعد ولعباس اموت عليج ومحد يجي بمعزتج لاذياب ولاغيره
روز::هههه والله اني هم اموت عليج بس شسوي جاي اغار من ذياب لا تدافعله كدامي
نرجس::يروحلج فدوه ذياب وعشيرته







مجرد نطقت هالكلمتين واسمع ذياب يحجي وراي
غير ضليت ارجف

ذياب::اهاااا ..اني اروحلها فدوه وعشيرتي هم
روز::وخرت نرجس مني فازه ثنينا درنا للباب واكف رافعلنا حاجبه
نرجس::يمه .. اريد احجيي وكله مو عليك ماكوو متت ..ذي ذياب مو عليك
ذياب::لعد ياذياب اليروحلها فدوه
نرجس::تقدمت وخليت روز ورايه
وفيروز وبان وبيان اجلي بسرعه ...اتشاقه وياها والله

ابتسم بطرف. شفته حتى ابتسامته تخوف
ذياب::وشدعوا ست روز هلكد خايفه مني وكلجن وكفتن كدامي. لاتخافين مانكس ايدي واضربج

فيروز:ذياب الشي التحجيه على روز معناها علينا احنا هم للتنسه اختنا
ذياب::سدي حلكج
بيان::حبيبي احنا نتشاقه بينا اوعد متنعاد
خزرنا وراح

روز::اوووي ربي بجااااه الحسن ..خلن اديهن
على حلكي
فيروز::..عفيه روز للتدعين عليه
روز ':سكتت وكعدت يمهاا..تمشطلي شعري سبحن البنات كلهن وبقينا بالغرفه نضحك ونسولف ويا زهراء وبنين الحد ما اجت مروه

مروه::اجه الشيخ وابوجن كال خلي يجن يسلمن
فيروز::ياشيخ
مروه::خيون عم ابوجن
نرجس::خيروح شكو نسلم احنا
مروه::هوا اجه علمودكم كال الابوج وين بناتك
بيان::كومن كومن حقهم يردون يشوفونا
بنات جونيش احنا موشويه
مروه::ههههه روز مو ماتنزلين ابوج اكد عليَ اكلج انزلي وياهن

روز: :ان شاءالله ، كمنا لبسنا شالاتنا وطلعنا كالعاده فيروز واني وراها ونرجس وراي وريا وسكينه ورانا ..زهراء وبنين بقن يم
امهن بالصاله...طلعت ماما من الغرفه..لابسه عبايتها ..وبيدها ايهم

جونيش::وين وين ارجعن البسن بشتات ونزلن
فيروز::كولي غيرها يمعوده
جونيش::اركضن بسرعه
روز::بعد خزرتنا حتى مابيها مجال نتناقش رجعنا لبسنا بشتات وندردم على ماما نزلنا لكيناها تسولف ويا بابا بصاله ابتسملنا وكال تعالن بابا سلمن من بعيد لاتباوسن

دخلنا ورا سلمت ماما بالاول واحنا وراها رفعت عيني حتى اشوف الرجال السلمنا عليه صارت عيني بعين ذياب كاعد.يمه.خازرني
رراسا خليت ايدي على شالي من كدام وسحبته عدل
..ابتسم بطرف شفته كبر شكد استفزازي ...صحاني من صفنتي
سؤال الشيخ. زرف كلبي

خيون::انته موش اربع بنات عدك وولد
عامر::لا عمي خمسه هاي بت صديقة ام فيروز من توفت امها احنا ربيناها

خيون::شنهي تربي بزر الوادم
عامر::بنتي هاي عمي
خيون::شنهي ابوها اعمامها وين

عامر::جانو رافضين زواج امها وابوها ومن توفت امها بقت عدنا واحنا اهلها
مهنا::شيخ بعد البنيه عايشه وياهم من عمرها سنه وعت همه اهلها

خيون::مو حجي هذا بت موش بتكم بنص اولادكم

جونيش::يله ماما طلعن
روز::طلعنا من الديوان ...كلبي مقبوض تعبت على كد.ماسمعت كلام يغث دخلت الغرفة امي وسديت الباب ...بجيت بصوت عالي
وامي ادك على الباب
-افتحي الباب روز ماما







فيروز::بالقران مو حجي هذا صيحت بصوت عالي مردت كلبي من بجت ..وقصدي اسمع البالديوان كلهم ...معليكممم مربينها مامربينها
لتدخلوووون. سدت حلكي ماما تريدني اسكت. طلعو ذياب واصهب خازريني جرني ذياب من ايد امي...وهيه وخرت

ذياب::حيوووانه ليش ماتلزمين السانج
فيروز::جريت ايدي منه وصيحت بنفس الصوت
اليسمععع روز كلمه يلكاني واكفه بوجهه فهمتوو....ضربتني ماما
راشدي وكفت الدمعه بعيني وذياب صيح لااا جرني ورا ضهره صرت جني سعفه مصدومه بماما شلون تضربني كدامهم ..اشرت بأيدها على درج وخرت من ضهر ذياب وركضت للغرفه البنات ورايه
روز: :كرهت روحي واني اسمع فيروز شلون تدافعلي خفت ذياب يضربها بسببي بس نصدمت من سمعت البنات صاحن لا ماما
عرفتها هيه الضربتها تعارك ذياب ويا امي

ذياب::ااااخر مره اشوفج تمدين ايدج عليهن كدامي
جونيش::اضربها اني احسن من مانته تضربها وتحقد عليك
ذياب::وانتي منو كاالج اريد اضربها حذرتج تمدين ايدج على وحده منهن لو على ايهم عندج بتج هاي شسوين بيها سوي ميهني
بس بنات ابوي ماسمحلج

جونيش::ززين يعني اموت مأمنه مايضيعن عدهن اخو يدافعلهن
ذياب::انتي توكلي وشوفي منو التضيع
جونيش::رحم الله والديك
ذياب::تدللين بالخدمه

اصهب::كااافي ذياب
روز::شكد نذل وحقير شلون يحجي وياها هجي بس اختفى صوته فتحت الباب دخلت امي حضنتها واني ابجي

-هسه عليمن تبجين ماتكليلي
-ليش ضربتي فيروز
-خفت خاف تجاوز اكثر ويضربها ذياب وقتها تحقد عليه
-بس فشلتيها كدامهم وهيه دافعتلي
جونيش::دتعالي اكعدي. وسمعيني عدل..معليج بحجيهم. اني امج ومحد يكدر يغير هلشي تحملي بس هاليوم واوعدج ماتسمعين كلمه تغثج بعد بس هاليوم تحمليهم

روز: :مسحت دموعي ...شنو يعني راح نروح
جونيش::بس لاتحجن ابوج كال اليوم ورا الكعده نرجع للبصره بناتي مامتعودات عليهم.كال نطلع الفجر مادام روز
حافظه الطريق هيه تدلينه

روز:: اي ماما حبابه والله ماينطاقون
جونيش::ديله روحي الفيروز ولاتنزلن ابقن بغرفتجن اني اجيبلجن الغدا وصلن لا عبالجن مادري بيجن الصبح مامصليات
روز::حضنتها وكمت

اول ماطلعت من الغرفه صارت بوجهي الحجيه غمتني بثنين اديها
عفتها وصعدت وصلت النهاية الدرج حسيت احد ديصعد وراي التفتت عبالي ذياب.لكيته ليث وكفت بممكاني وهوا مبتسم وصل يمي

ليث::مرحبا يافتاه اين اخواتكي
روز::ابتسمت على حجيه ... بالغرفه
ليث::تعالي اود التعرف عليكم جميعا
روز::فتحت الباب فيروز تبجي والبنات ملتمات عليها ليث ورايه صاح
ليث::اووه يبجن لازم اجيت ابوقت مومناسب وخري اني اروح وارجع بغير وقت

روز::بقيت فاكه حلكي يكول اروح وهوا دفعني ودخل للغرفه ضحكنا وحتى فيروو مسحت دموعها وضحكت







ليث::خاب مالحكت اشوفجن اصنف عليجن ، شسوي اركض احل بمشاكلهم بدوني يضيعون

بنين::انهجم بيتك بدونه يضيعون شحال لو مانته دايح اربعه وعشرين ساعه ماتدري شصاير ماصاير

ليث::انجبي لج امس صار عمري 21 سنه بعد ممنوع تغلطين عليه

فيروز::شلون عيد ميلاد ويا عركتهم
ليث::بله تعالن اكعدن خلشوف ياهي احلى وحده بيجن حتى ارحم بحالجن وتزوج وحده منجن

بنين::انجب لك جا اني شنو خراعت خضره هنا صار شكد منتظره يصير براسك خير

نرجس::متنا ضحك على سوالفهم مبين فري وحباب يحشش ويضحك على عكس البقيه وبنين تتعارك ويا كلساع عبالي فعلا تحبه كالت ايععع صدك جذب اني اتزوج هذا ملطلط مال بنات وهوا
يغلط عليهاا

كعد.مقابيلناا وكال
ليث::اسكتن بله خلشوف ياهي احلى وحده فيروز انتي حلوه بس جنج.جدتي بدريه من تعصبين

فيروز: :شمرت المخده عليه - ترا احركك انته وجدتك لجيبلي طاريها
ليث::ههههه وانتي. روز هم حلوه بس بيضه بزياده تلمين وصخ ايع ماريدج

روز':هههه لا حباب عليك الله اتزوجني امشي ولي منو تكلبك انته

ليث::غير شاب اطك بلگاع ..اسكتن هسه. وصلنا النرجس باوعي نرجوسه اني جا تزوجتج بسس انتي زرگه حيل واني ازرك
جهالنا يطلعون من السودان

نرجس::انجب لاتكول زركه
ليث::نجبي يله الزركه ..اي بله بيان ..انتي اذا
اباوع بعيونج اخترع ماريدج عابت هلعيون

بيان::اهوو انطم ليث مو مستلطفينك لتضوجنا
ليث::تولي ولي مستلطفتني الوصخه وست بان عبالك وحده شارده من مهرجانات الكوريين صدك.جذب شبيه عمي ماعنده وحده بيها خير خاب ارجع على حببيبتي احسلي تطك بالكاع ترحلها فدوه كلجن

فيروز: :فعلا غيرلنا جو ضحك وسوالف حتى زعلي من امي نسيته ليث فكاهي بشكل سولفنا على حبيبته وراوانا صورها صدك
حلوه.كال هاي اخر تحديث قبل اربع اشهر حدثت وثبتت قصده كل يوم حبيبه

وهسه ثبت على هاي ..بنين وزهراء قبل الغدا راحن وليث نزل جوا ...كمنا صلينا ومثل ماكالت امي مانزلنا جوا بقينا على تلفوناتنا
الحد مانفتح الباب

ذياب::انززلن تغدن
نرجس::ماما كالت لتنزلن
ذياب::واني جاي اكلج انزلن
فيروز::كمت وكفت. وهوا عينه عليه..هسه نجي روح انته

ذياب::لا ماروح هسه انزلن وياي
فيروز::باوعت للبنات واشرتلهن يله كومن كلهن وكفن وروز اخر وحده ومدنكه وخر من البااب لزمت روز بأيدي ومشيت من كدامه نزلنا للصاله كلهم كاعدين صاح عمو مهنا
مهنا': يله بويه تعالن تغدن ويانا ماكو تاكلن وحدجن شني تستحن من عدنا

.تسطرنا يم امي كلها تاكل ساكته كمنا للمطبخ اني وروز غسلنا المواعين ومروه ويانا ضايجه وكلساع تمسح دموعها







روز::مروه شبيج
مروه::مابيه شي. حبيبه
نرجس::احجيلنا منو مضوجج احنا مثل اخواتج
مروه::اسعد رجلي غير على اساس اليوم يجي خابرني يكلي اليوم ماجي عدي شغل مايفكر بيه بجهاله جا شني هلشغل مايخلص

فيروز: :كعدت تبجي وتحجي بحركه كومتهاا غسلتلها ..بس على كيفج يمعوده لاتبجين يجوز صار عنده شي ضروري

دنحجي وياها وسمعت صوت سياره بالساحه فتحت الشباك والضحكه شكت حلكهاا
مروه::اجهه هههه اجه اسعد ..عفيه كملن انتن راح ابدل وجي

روز::اركضي اركضي احنا نكمل معليج
نرجس::كملنا تنضيف المطبخ وطلعنا للصاله يمهم سلمنا على اسعد كعدنا شويه يمهم وكامو للديوان لان الناس راح تجيهم واحنا نعسنا
صعدنا للغرفه هستونا دخلنا واجت امي كالت
جونيش::حضرن غراضجن. الليله نرجع للبصره بس لاتحجن

بيان::ماما وذياب؟
جونيش::اذا يريد يشوفجن يجيجن

بيان::ماشي المهم نطلع منا
جونيش::فيروز بعدج زعلانه مني
فيروز: :هزيت راسي لا بدون ماباوعلهاا عافتنا وطلعت ..فرشنا فراشاتنا ونمنا..تعبانات ماكعدنا الا ويا اذان المغرب كمنا مطنكرات محد.طايقه الثانيه لان هستونا كاعدات صلينا ونزلنا جوا هوسه وصياح ويبووي خبصه دخلنا الغرفة امي لكينا يمها ام اصهب مدري.شيحجن. امي متوتره وضايجه من شافنا سكتن دارت ام اصهب علينا تصنع الابتسامه

ام اصهب::يبنيات روحن يم مروه. ومرت عمجن بالمطبخ بعد امجن

روز:سدينا الباب وبقينا بالصاله صوت ذياب واصهب شعلوه بقينا واكفين نتنصت منسمع شي.من امي وام اصهب ..وصوت الولد اختفى شويه وصار صوت سياره..عرفناهم طلعو

فيروو::نرجس وريا وسكينه. روحن للمطبخ..واني ورز هسه نجي
نرجس::لا بله ليش عيني
فيروز::شبيج انتن حاولن تعرفن شصار. من مروه واحنا نحاول نسمع..قنعتهن وراحن روز انتي ابقي هنا اني رايحه للديوان

روز::روحي بس شو امي ساكته
فيروز::اي عود حاولي تسمعين شي ..تقدمت على. روس اصابعي ..فتت على غرفة بيبي تصلي ..تقربت على باب الديوان
مفتوح على كيف كاعدين كلهم بس ذياب ماكو وعمي مهنا يحجي وعمي هادي يردله اي والله صحيح

مهنا::ها شتكول عامر..اني من زمان هذا رايي
عامر::هاي هيه خويه التشوفه انته اني راضي بيه ..بس هسه اريد اردن لببصره بناتي عدهن مدرسه
هادي::وين راد خلنا نخلص من هالطلابه والله كريم
عامر::ونعم بالله


فيروز::رجعت يم روز ..طلعت خلود من غرفتها خازرتناا.عفناها ورحنا للمطبخ ..ساعدناهن بالعشا النسوان وحد ولزلم وحد مدري
ليش مو مثل الغدا كلها سوا

بس.كملنا امي اشرتلنا اصعدن فوك.. رجعنا للغرفه حجينا البعض السمعناه ومافهمنا شي غير المشكله البينهم وبين الناس بعدهي مامحلوله ..للعشره احنا متنا نعاس ..فرشنا ونمنا ماكعدنا الا على ادين امي وتحجي همس
جونيش::كوومن يله على كيفجن وبدون
صوت ولاتبدلن البسن بشتات
روز::وين ماما
جونيش::نروح للبصره
بيان::ابيش الساعه
جونيش::راح تصير ب3الفجر. كومن خلصني







فيروز::كمنا احنا محضرين غراضنا بجنطنا لبسنا بشتات وشالات..
وحتى.وجهنا ماغسلناه.شلنا جنطنه ونزلنا ورا امي نمشي على كيف
وهيه تهمس

جونيش::كبل من باب المطبخ اطلعن ابوجن وايهم بالساحه
روز::طلعنا بابا واكف يم سيارتنا ابتسم صعدنا بسيارتنا نعسانين
شي بينه حزين وشي فرحان. طلعنا من المزرعه

جونيش::وهاي هيه خلصنا ودعن هالمكان بعد مترجعله
روز::سبع حجارات منريد نشوفه بعد
فيروز: :اي والله بس ذياب لو يجي يمنا
جونيش::يجي لاتخافين

نرجس::بيان وخري اختنكت حصره بقينا وحده تدفع بثانيه. وايهم يريد يمنا اخذته امي وسكتته غصبا عليه

بعدنا ماعابرين الجسر. اليفصل منطقة بيت جدي عن باقي المناطق شتغلن كلوبات سياره كدامنا وقريبه كلش علينا
جونيش::دخيلك ياعلي ..عامر
عامر::لاتخافين شبيج
جونيش::عامر بيدهم سلاح
روز::متنا من الخوف بابا وكف السياره ونزللهم وهمه سلاحهم بأيدهم بابا يحجي وياهم ومانسمعه شيكول
-ماما خلي نخابر ذياب
جونيش::دكن عليه
روز::سحبت تلفون بابا طلعت رقم ذياب وماما تريد تنزل
فيروز::دبقي وين
جونيش::خلي احاجيهم اكلهم احنا مو مناه.هاج ايهم

فيروز: :اريد اخذه منعدها ماكو جلب بيها اخذته بيدها ونزلت تمشت وكفت بصف بابا ...-ها روز مديجاوب

روز::الوو. الو ذياب. اني روز الحگلنا..طلعنا احنا للبصره وكفونا مسلحين على الطريق بابا يحجي وياهم بسرعه عفيه

فيروز::اخذت التلفون منها تبجي وتحجي مراح يفهم من حجيها شي..اريد احجي لكيته ساده ..شكالج
روز::سده بوجهي
بان::شجاي يحجون بابا عصب باوعي شلون يحجي
فيروز::موقف مرعب الجو بارد. وظلام شارع بوسط الزرع بس ضوا سيارتنا وسيارتهم مشتغل الخوف موطبيعي امي بضهر ابوي وتحجي وابوي يحجي بعصبيه احنا من طلعنا من بيت جدي لهنا
يمكن عشر دقايق او اكثر ..لازمين ادين بعض ..نرجس وروز يبجن بان وبيان يدعن..واني عيني على الازمين سلاح مركزه بملامحهم

ثنين ملثمين وثنين مابيدهم سلاح وماملثمين ...صيح بابا بوجهم...ثواني ثواني رفع سلاحه بتجاه اهلي وصوت الرصاص
ملئ المكان صريخ البنات ماوعاني من صدمتي واني اشوف ابويه راسا وكع وماما وكع ايهم من ايدها وهيه وراه سحلو الولد البيده سلاح وشخطو سيارتهم ... نزلنا من السياره نركض مومستوعبين
الكدامنا اهلنا والدم مالي المكان ..خليت راس امي بحضني وروز كاعده على اركبها مقابيلها ماتحرك شي

صريخ بان وبيان يزرف الگلب..نرجس حاضنه
ايهم.....وتصرخ ..همست ماما ..
..روز تزحف ساعه
الابوي وساعه الامي ومدري شتحجي
احسهن مو ثواني سنين
فيروز:: صيحت على اخواتي الصريخهن زرف اذني اشش اشش لاتصيحين عدلين هسه يجي ذيااب وياخذهم للمستشفى ..اريد اكعد امي وخايفه خاف اسوي شي غلط وتموت ماجنت مقتنعه امي ميته بحضني







..منين الزمج ..صرخت عاجزه..والعبره متكسره بصدري
صار ضوا السياارات قريب علينا شفت ذياب اجانا يركض صرخت
لحگ راح يموتوووون ..بقى واكف صافن وكع على اركبه بنص الشارع ولولد اجو داير مدايرنا عبالي حياخذوهم للمستشفى يلزمون بيهم صاح شهاب ايهم عايشش يريد ياخذه من ايد نرجس ماتنطي
نرجس::مابيه شي ايهم عوووفه نايم مااميت
شهاب::كووومي ناخذه للمستشفى. يله بسرعه
نرجس::اي ناخذه ..اسمع صريخ اخواتي ومامهتمه صارت روحي بايهم ...صعدت وياه بالسياره وعيني ليورا.ادري باهلي ماتو

فيروز::عيني بعين ذياب واني اسمع بچيه وبچي الولد صرخت روز الاخذت روحي وهيه تصيح لاتيتموني مرتين اكعدو
تلطم على وجهه وتدك على صدر بابا بحرگه ومابلسانها بس كلمة لاتيتموني مرتين من تشوف الدم بأيدهاا تصرخ بكل صوتهاا..

عيني على اخواتي مامقتنعه صدا اصريخهن احسه جمر على گلبي ..اباوعلهم شلون لازمينهن واصهب يريد يلزم روز مايكدر ملخت روحها كل هذا واني ساكته احس نفسي بحلم مو واقع صارت اصوات سيارات يمنا وناس واسعاف وشرطه جرونا منهم بالقوه اخذونا بطرس وليث بسياره ..

صرت بنصهن حاضنتهن ..اريد احجي صوتي
مايطلع صيحت حيل
-ايهم بطرس ايهم عايش موو لاتجذب
بطرس::اي اي والله عايش مابيه شي .

همست روز بهدوء

روز::ماتو امي وبابا. ايهم مات فيروز تيتمت مرتين ماتو

فيروز::حضنتها حيل وبجيت دخيلك ياعلي يطلع كل هذا حلم وفز منه ..اريد اسيطر على روز ماكو تهسترت بصريخ حتى بان وبيان الجانن بس يبجن يحاولن يلزمنها وياي ..وصلنا البيت جدي الساحه
مليانه ناس وسيارات.ولد يفترون وسلاح بيدهم
الصريخ شويه شويه يخليني استوعب اهلي خلص ماتو

تلگتنه عمتي شيماء وام اصهب يصرخن ويلطمن هنا ماكدرت
لا انتبه الروز ولا البان وبيان بحة صرخة بيبي وهيه تصيح ياعامر يا يمه هدت كل ذرة قوه بيه وكعت على اركبي. ابجي واصرخ
ونار البگلبي ماتبرد نزلن البنات المستواي طلعت بيبي تلطم
وين عفت بنياتك ياعامر.
مكابلتني وتدك على صدرها ..عفت بنياتك ياعامر يايمه
كومنا عماتي روز مجلبه بيدي وترجف كلها دخلنا الغرفة امي ماحسيت الا روز وكعت من ايدي

تهتز مثل الشخص المنتول اصررخ اريد الزمها ماكدر كلنا مجلبين بيهاا جسمها ماينلزم عمتي شيماء تصيح صرع نوبة صرع راح تعض السانها يردن شي يخلنه بحلگها من حلاة
روحي خليت ايدي ..ماهمني الوجع حسيت روز راح تموت بيدي مثل اهلي وبان وبيان يصرخن..اول مره بكل حياتي اشوف هلحاله ام اصهب تجر بأيدي وتصيح راح تكطع اصبعج
وماتدري بنفسها، هدى جسمها شويه حضنتها وهيه ماتحرك لا ايد ولا رجل صرخت بحسره

وينج يمه تعالي شوفي روز راح تمووت وينج يمه وين خوفج عليناا شلون عفتينااا..منو الناا .حضنني بان وبيان وحالهن مو احسن من حالي عمه شيماء جابت جهاز واجت يم روز...كالت سكر نازل ..بقيتها بحضني واسد باذاني ماريد اسمع صريخهم ولبچي ..طلعت ام اصهب وعمتي شيماء جابت حلاوه تريد توكل
روز ..صحت روز تصرخ وتملخ بروحها توسلت بيها عمه شيماء حتى تاكل وهيه تريد تطلع من الغرفه...لحظات احسهن
مثل الوهم من لبسنا اسود من كلساع وحده من اخواتي
واكعه ومحتاره بيهااا

نسمع صريخ وبجي ومنعرفهم منو حاضنه اخواتي بغرفة امي وعمتي شيماء وزهراء وبنين مكابلاتنا ويبجن روحي بروز ترجف ساعه يطك خشمها دم ساعه تدوخ وتتخربط توسلت بعمتي شيماء
تخابر شهاب تطمن على ايهم حلفلها

زين مابيه شي بس من واكع من ايد امي صاير عنده فطر بالجمجه ...يمكن مرت ساعه ودخل ذياب عيونه حمر الدشداشه والجراويه سود وخرت من نص البنات فتحلي ايده مشيت بخطوات ثگيله شمرت روحي بحضنه وابچي بحركه يهمس بأذني

ذياب: :اني موجود اني اخوج وابوج فيروزه تقوي اخواتج صغار ويحتاجنج انتي اقوه منهن ...وخرني من حضنه وباوع البان وبيان تقدم عليهن كعد بمستواهن. حضنهن ويبوس بيهن

وهنه بس يبجن..التفت على روز شافها ترجف خله ايده على خدها ويحجي
بهدوء بس مايكدر يخفي بحة البچي البصوته
-صيري قويه اوكفي ويا فيروزه واخواتج ايهم يحتاجج ..

.روز ساكته ودموعها على خدهاا راد.يطلع من الغرفه
صاحت وراه وبجت حيل
روز::ذياااب. اريد اشوفهم اخر مره
فيروز: :التفتلها ذياب ساكت كالتله عمه شيماء
شيماء::شنهي يمه من المغيسل لنجف تاخذونهن
ذياب::لا وراي جابو اني مادفن ابوي كبل ما اخذ ثاره البنات امانه عدج

#يتبع ......

ثأرهم وبنات المسيحيه(الاصليه) - البارت 5 -
𖦹𖦹 𖦹 𖦹

بچه ، المحد بقاله
و گعد ينشِد خياله
ما ودّوا رسالة ؟!
بچه ، المحد يريده
و حَط گلبه على ايده
لما خـضَّـر قصيـدة
اگباله انفتگ زيج الحقيقة
و مرَّت سنة بهاي الدقيقة
آخ .. إنّسى بأبشع طريقة
دم جامد بحلگ الموسيقى
و چان الحچي المضموم فرگة ..
بچه ، المحد يصدگه
اشتاگ و مات حرگة
خَنگة الليـل خَنگة
بچه ، المحد يسأله
إنثِنَه الما چان گذلة
و رجع متروس ذِلة
بچه ، المحد يفگده ..
و ضم الصور عنده
دِوه جوه المخدة

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

روز::ذياااب. اريد اشوفهم اخر مره
فيروز: :التفتلها ذياب ساكت كالتله عمه
شيماء
شيماء::شنهي يمه من المغيسل لنجف تاخذونهم
ذياب::لا وراي جابو اني مادفن ابوي كبل ما اخذ ثاره.. البنات امانه عدج

فيروز::طلع وسد الباب وراه التفتت على عمه شيماء
:-شقصدده هذا
شيماء::تحزمو الولاد مايدفنن كبل مايكتلون الكتل اخوي من كون عمت عيوني عليه

فيروز::صيحت بوجها ::شيكتلووون ليش وين الحكوومه وين كاعدين الدنيا سايبه ...طلعت من الغرفه ابجي البيت متروس نسوان مدري شوكت اجو رادت تلزمني مروه دفعتها وطلعت من بابا المطبخ للساحه جمدت بمكاني واني اشوفهم ينزلون بتابوتهم
فريت عيني منهن للناس كلها مسلحه ..رجلي يرجفن واني اباوع
على توابيت حسيت اخر لحظه ماشوف اهلي بعد

ركضت وروحي مفرفحه لزمني اصهب مايخليني اوصللهن املخ
بروحي واصيح عووفني .. رجعني للمطبخ صيح على مروه وصريخ يعله من درن جابو الجنايز اتوسل بيهم بس هدوني اريد اشوف اهلي شبيكممم صيحت وغلطت

مروه'::راح يدخلونهن للاستقبال مايخلونج تطلعين بنص الزلم
فيروز: :هددديني خررب هدددني شبيجن.

اريدهن بس يفلتن ايدي اريد اروح للاستقبال جلبن ، من بين كل
الصريخ عرفت صرخة روز الكلها وجعع ركضت للاستقبال وكفت بالباب اشوفهن ملتماات عليهم بيبي ونسوان

وروز كاعده بالنص جذب وحده بجت وصرخت كدها بان وبيان حاضنات التوابيت وساكتات تقدمت رجلي يرجفن فقدت كل طاقة قوه عندي كل الاريده بهالحظه احضن اهلي ..لطمت على وجهي. ليش يمه ليش يتمتونااا. ثنينكم بنفس الساعه شلون نعيش بدونكم .بابااا ليششش تعوفنا وين عفتنا

ايلزمن بدينا ومايخلنه خنكنا فوك ما احنا مخنوكين روز تريد تفتح التابوت والنسوان مايخلنها تخبلت وجها من كد ماملخت بيه يصب دم منا الحد ماوكعت بنصهم وهيه تصيح تيتمت مرتين .. حتى مالي طاقه اعين اختي النسوان رشن على وجها مي وصحنها نواعي بيبي فقدتنا







مادري شلون مرت ساعه واحنا بس نبجي صيحن النسوان ردو الزلام ردو كامت بيبي وكفت بباب الاستقبال الخارجي نزل عمي مهنا والشيخ خيون وعمي مهدي وذياب واصهب ولولد صاحت باعلى صوتها الخانكته بحت البجي

الحجيه::اخذتوو ثار وليدددي؟
خيون::اخذناااه اخذنااه موش احنا الندفن زلمتنا كبل ماناخذ ثاره

فيروز::رجعت التفتت على تابوت بابا
صاحت ::-نااام رغد يبن بطني نام يماي عيوني كتالك يندفن وياك شيلووه شيلو وليدي

..تقدمو يردون يشيلون التابوت وروز انجنت ..تصيح لا لاا
مجلبه بيهن ثنينهن. بان وبيان الجانن ساكتات اتخبلنن من شافنهم راح ياخذونهن يدفعن باديهم ويصرخن نتوسل بيهم يخلونه. بعد
جرنا النسوان يردن يطلعنه من الاستقبال روز ملختهن ......صيحت على ذياب والبجي خانكني

::-ذياااب على بختك خلي نرجس تجي لاتخلي
وداع اهلي حسره بكلبهاااا...دفعتهن روز ورجعت حاضنه تابوت ماما بنفس الحظه اجت سيارة شهاب نزلت نرجس بنص الساحه
طلع اصهب وراه ذياب يردون يلزمونها وهيه فرفحت

يمكن الف عثره عثرت وهيه تركض وتصرخ لزمها ذياب حاضنهاا دفعته وكابلت روز تصرخ وتحضن بيهم ..غلطت على النسوان
الازماتني عووفنا نشبع منهمممم ...صيح عليهن ذياب يله عافنا ماتذكر تفاصيل الموقف شنو حجينا وشنو سولفنا وياهم...اخذنا النسوان.من الاستقبال وروز تتوسل ابيبي.خليني اروح والله امووت...ناس تكول خلو بنياتهم يرحن للنجف وياهم خطيه وناس تكول لا موزين عليهن ..واحنا بنصهن مفرفحين مره كالت العمتي جا موراح ترحن خلن البنيات يرحن كلتلها الشيخ كال موش تخلن الحدثات يجن طلعن بيبي وعماتي وخلود ..روز تتوسل بام اصهب كليلهم خلروح وياهم اهلي ياناس اهلي هذولي ..صعدو بسيارات طلعنا النسوان للساحه مجلبات بينا خرب روحهن شكد خنكنا بساعتهاا ودي اكطعها التلزمني

خفت على روز من رجعت ترجف صيحت عوفني اريد الزم روز بان وبيان حاضنات نرجس ويبجن ...تحركت اول سياره عليها
تابوت بابا وروز تصيح بعلو صوتها . وثانيه تابوت ماما ..وراهن
سيارة ذياب هستوهم حركو

فلتت روز من ايدي ..وركضت ورا السيارات فاتحه اديها وتصرخ لاتعوووفوني يمه لاتعوفيني ..شهاب واكف راد يلزمها ماكدر ..اريد اركض وراها مايعوفني ...متت واني اشوف اختي تعثر وتكوم الزلم الواكفه من شافوها طاح حجابها كلها دارت ..وكعت.روز.تلطم على وجهه بنص التراب وصرختهااا ولج يييمه لاتعووفيني تهد الحيل

نزل ذياب ورجع عليها وكفهاا وغطه شعرها .خذها جوا ذراعه
جاباها للبيت وهيه مجلبه بيه و تصيح اخذني ويا اهلي والله امووت.

صيح على عمتي ام اصهب نطيهن عبايه خليني اخذهن ومروه بعد.اخوج روحي للمستشفى يم ايهم يمه بس مرة عمار
..النسوان اليمنا انطنا عباياتهن صاح ذياب التصرخ ارجعهااا







كلنا اشرناله لا ...صعدنا وياه..كاتمين صوتنا احنا نتفس واهلنا كدامنا بتابوت.كلنا محشوكات ورا وعمار ابن خيون يم ذياب احاول اقوي نفسي علمود اخواتي دموعنا مانشفت ومن وصلنا النجف مايخلونا ننزل من السياره احنا بسياره على الشارع..واكف يمنا عمار ونباوعلهم شويه بعيدين عنا ... كلنا نتوسل بعمار هاي اخر لحظه ويا اهلنا لاتحرمنا منهم. وعمي مهنا يكله لاتخليهن موزين عليهن صيحت روز بوجهه

روز ::عووووفني اني قابله انجن امووت اتمرض قابله بس عوفني راح يدفنووون اهلي ولك

عمار::بويه راح تموتن وين تنزلن
فيروز: :رجع ذياب للسياره ..عيونه حمر ملثم اول ماصعد كالت روز
روز::ذياب خليني خليني احلفك بابو الحسن خليني ابقى هنا عوفني يم اهلي

فيروز::حضنتهاا حيل ..روز كاافي
روز::كلبييي ولج فيروز كلبييي راح يوكف شلون اعيش بدنيا لابيها امي ولا ابوي

فيروز: :ااخ يايمه احتار اصبر اخواتي لو ابجي على اهلي..حرك السياره ذياب مامهتم الحجيهاا وهيه عينها ليوره وتصرخ ولج يمه ولج ماكدر بدونج..اموت ماسكتت منا الحد ماتعبت تجت راسها
على جتفي وغمضت عيونهاا بان وبيان اكثر ثنين هادئات بس دموعهن تنزل نرجس تخربطت بالطريق تقيئت نزلها ذياب غسللها وخلاها تتنفس شويه ورجع للسياره...وصلنا للعماره تقريبا ب6 ونص الغروب الچادر مبني..وناس هواي موجوده

عمار::افتر من ورا البيت حتى ينزلن البنات
فيروز::هستوه وكف السياره ووكعت روز ترجف مثل الصبح نرجس لان ماشافتها الصبح انصدمت ضلت تصرخ متخبله

اريد الزمها ماسيطر على جسمهااا صيح ذياب انززلن ومددها بالسياره وعمار يصيح السانهااا ذياب راسا خله ايده بحلكها ومحدد اديهاا بأيده الحد ماهدأ جسمهاا هيه منتهيه وعيونها مكلبات

..نرجس ملخت روحهاا روز راح تمووت لزمنها بان وبيان اجنا عمتي ام اصهب ومروه ...صيح ذياب على عمتي سويلي طريق شال روز وام اصهب دخلت قبله للبيت نمشي وراه مهدود حيلنا. ماهتمينا للنسوان ولبجيهن دخلنا كبل الغرفة امي خلاها على الفراش.

ذياب::مروه جيبيلي جهاز السكر
نرجس::كعدت بصف روز شلت ايدها ابوس بيها
ذياب راح تمووت سوي شي
ذياب::اشش اشش مابيها شي. فيروزه اخذي اخواتج غسلن وتعالن هنا

ام اصهب: :تعالن يمه
فيروز::طلعنا وياها وهيه تحاول تصبر علينا وتنصحنا كتلهاا ..عمه ماتو كدام عيونه شلون نصبر شلون نتحمل

ام اصهب::تصبرين يمه تصبرين الخاطر اخيج واخواتج ..الله يسگيج من صبر مولاتي زينب انذبحو اخوتها واولادها جدام عينهااا مشت للشام وروس اهلها احذاها معلگه برماح من فدوه اروح الاسمهم اقتدي بمولاتي جبل الصبر زينب عليها السلام

نرجس::عمه منو يم ايهم
ام اصهب::راحت مروه الصبح ومساع ردت مرت عمار يمه
نرجس':وين شهاب خلي ياخذني
ام اصهب::جا ماتحضرين فاتحة اهلج
نرجس: :اريد اروح الايهم
ام اصهب::الله كريم







فيروز::طلعن النسوان يبجن ويصرخن تلگن بيبتي وعماتي ...عمه منين هذني النسوان
ام اصهب::نسوان اعمامكم واهل جدتج ونسوان السلف

فيروز::رجعنا للغرفه..وانصدم بذياب لازم روز من وجها يريدها تفتح حلگها وهيه تبجي وتدفع بيده ركضتله اسحب بيده منهاا. شتسوي ذيااب عوفهاا دفعني حيل رجعت ليوره. رفع ايده بوجهي يحجي بتهديد

ذيااب':ووووخري معليج ...بالقران ماعوفج اذا ما اكلتي تموتين وتبليني

روز::وووخر ماريد ماشتهيي والله
نرجس:'كومت فيروز ..وكلنا نباوع لذياب وروز مفرفحه بأيده ما تقبل تاكل وهوا يريد يوكلها حلاوه غصب عنهاا طبگ اديهاا على بطنهاا وثنه ركبته فوكاهاا وروز تفر بوجهاا منه وتبجيي. صاحت

روز::عووفني ..اكل ويا اخواتي والله

ذياب:: يمه جيبيلهن شي ياكلنه هسه
ام اصهب::روح يمه انته يم الزلام واني اخليهن ياكلن

ذياب::ماروح الحد ماياكلن. يرررردن يمووتن يردن ادفنهن وياااهم

فيروز::فزينا من صياحه عمه ومروه طلعن بسرعه ..كعد على صفحه خازرنا ..روز ترجف كعدنا بصفها ..خلت راسها بحضني تبجي

ذياب::شااايفه اذا ما اكلتي هسه وماصار السكر زين اخذج انومج مستشفى ومحد وياج والله اخذج واعوفج وحدج بالمستشفى

بيان::بچيت بحركه بدال مايوكف ويانا يهدد بروز ..ذيااب شبيك بدل امتوكف وياانا بدل ما تكول اني موجود مكابلنا وتهدد روز
انته ليشش تكرها شسوتلك هيه.. بان تحاول تسد حلكي دفعت ايدها
مني ..وخرري خليني احجي

باوعلي ذياب ..يفرك بوجهه وحجه بهدوء

ذياب::علمودها اني ، اذا هبط السكر كلش يموتهاا اذا ولا وحده بيجن قويه وتنتبه للبقيه شتردني اسوي اكابلجن واكعد خااف
وحده منجن يصير بيها شي ..هيه فاقده وكلساع متخربطه وفيروزه
خمس دقايق سباعيه ومهتمه بيجن وساعتين حالها اخس من حال البنيه. وانتن..بس تبجن تراااا المات هم ابووي ابووي الماشبعت منه مجبور اكتم بگلبي مجبور مانحني علموود ماتشوفني وتضعفن اكثررر

فيروز: :كمت من يم روز دموعي على خدي كعدت بمستواه حضنته يتنهد بقهرر دخلت عمتي ام اصهب بايدها صينية اكل وخرت من ذياب اخذ الصينيه خلاها كدامها ودار على روز
ذياب: :يله. تعالن
فيروز: :سحبت روز وقربتها على صينيه
نرجس::اني ما اريد اريد اروح الايهم
ذياب::اذا ما تاكلين مترحين
فيروز::غصبنا على الاكل وهوا ماخله لكمه بحلكه يسوي لفات البان وبيان واني اوكل بروز اجت مروه اخذت الصينيه وذياب كام يريد يطلع. ويوصيني مانحس الا بيبي فاتت تغلط وتسب بروز .

ذياب واكف بوجهه وروز ورايه تبجي:

الحجيه::ابنيت الجلب ضليتي تنگين فوك راس وليدي وخليتيه يطلع بليل ونكتل يعابيج الله كون من عساج لاتهنيتي تيتمتي ويتمتي البنياااات من كون الله يحرك كلبج مثل ماحركتي كلبي على وليدي







فيروز: :تعارك وياها ذياب ..طلعهاا وقفل علينة الباب من براا..روز انتهت بايدي تبجي وترجف

روز::مو اني والله مو اني السبب فيروز مو اني
فيروز '':اشش. معليج بيها. حضنتها ..ااخ يايابه تمنيت اني ميته بمكان ماما

ولا هلحيره الحايرتها باخواتي اسكت روز تبجي نرجس تسكت نرجس يبجن بان وبيان نسمع بس هوستهم برا نامت روز على رجليه وبان وبيان متمددات على رجلين نرجس مرت ساعه ومحد فتح النا الباب

نرجس::اريد اروح الايهم شلون
فيروز: :كومي دكي الباب اذا احد حاجاج كليلهم اريد ام اصهب

نرجس::وخري بان ..كومت البنات من رجليه
ورحت دكيت الباب مره مرتين.حاجتني مروه مروه عفيه دزي على
ذياب كليله نرجس تريد تروح الايهم

مروه::صار هسه اودي عليه

فيروز::نرجس شكالولج على ايهم وشوكت يطلعونه؟
نرجس::لاتخافين زين يمكن باجر يطلع ..بس هسه تلكينه متخبل من البجي لان محد منعدنا يمه

..نفتح الباب ودخلت مروه
مروه::شهاب منتظرج بالباب. وتبات وياج مرة عمار.
فيروز: :ديربالج على نفسج
نرجس::ان شاءالله وانتي هم ..طلعت النسوان يباوعلي ما اهتميت اول مافتحت بابا المطبخ صار بوجهي شهاب

شهاب::لفي العبايه عدل وطلعي مناا
نرجس::مشيت بصفه اول ماصعدت بالسياره
لحكنا ذياب افتر من جهتي

ذياب::نرجس اذا مابيج حيل ترحين اخلي مروه تروح
نرجس: :لا اني اريد اروح مايعرفهم مايسكت
ذياب::ماشي اني بس تخف الناس بالليل اجيج هاج خلي هذني الفلوس جوا ايدج

شهاب::شساالفه ذياب
نرجس::اخذتهن من ذياب بدون ماا احجي خله ايده على خدي يمسح دموعي ساكت ابتسملي وبتعد.

شهاب حرك السياره نفس الطريق النقتلو بيه اهلي نفوت عليه احس اشوف الموقف كدام عيوني غمضت واني اتمنى كل هلشي مو واقع

شهاب:: بيج شي؟
نرجس::هزيت راسي ساكته وبس دموعي ينزلن وصلنا للمستشفى ابو الاستعلامات مايقبل يدخلنا مدري ليش وشهاب تخبل ضل بالربع ساعه يتصل واجه دكتور من جوا دخلنا ومثل ماتوقعت ايهم يبجي سلمت على مرت عمار..وكعدت اسكت بايهم كتلها اذا تردين روحي

همسه::اروح ويا شهاب هسه اشوف جهالي واسبح ورجعلج ماخليج تباتين وحدج
نرجس::اي تمام ..لبست جواريبها وعبايتها كالت

همسه::هذا ماي يمج وهاي تربه خاف تردين تصلين بس مصلايه ماكو اني صليت على عباتي

نرجس::هزيت راسي اي ..اخذها شهاب وطلع
دقايق ورجعلي بأيده علاكه

شهاب::هاج خاف تجوعين وهاي حلويات الايهم

نرجس':اخذتها من ايده وطلع ...
...
فيروز::خدرت رجلي من روز وما اكدر اتحرك خاف تفز، بان وبيان متمددات بصفي الهوسه البرا بدت تخف ...صافنه بالسكف
ودموعي ينزلن وين جنه وين صرنا اسعد عائله وهسه متهدمين لا ام ولا اب. .احس مثل الكاعده ببيت وفجأة تطيح حياطينه وبقيت
متكشفه للناس هذا احساسي بدون اهلي حسيت على روز تتحرك متنحسه تهمس بصوت تعبان رركزت وياها ما افهم شتحجي







بيان:: شبيهاا
فيروز::ماادري يمكن تحلم
بان::كعديهاا ..روووز روزز..فزت مخروعه ..تباوع بالغرفه وتتلفت صفنت بوجهناا دقيقه ستوعبت نفسها بتسمت وبجت بنفس الحظة

فيروز::شبيج روز
روز:: مابيه شي ..وخرت من رجليهاا خليت راسي على مخده كاتمه صوت شهكتي. غمضت عيوني ودموعي تنزل..اول مره
بكل حياتي احلم بامي هدى كانُ فتحت عيوني وهيه وامي جنيش يمسدن على شعري امي هدى مبتسمه بس امي جنيش مقهوره مسحت دموعي واحاول ارجع انام بلكي احلم بعد.