فيروز::تمنيت اطلع من يم البنات اريد ابجي براحتي اريد اصرخ بلكي النار البكلبي تخمد..اسمع شهكه روز وساكته ماردت اضغط عليها بان وبيان بصفي وحده تصبر على الثانيه حتى بحزنهن هادئات من يبجن بدون صوت دخلت ام اصهب كالت
ام اصهب::تصعدن الغرفتجن يمه ..خلي احط فراش للنسوان هنا

فيروز::اي. وعمه غراضنا بسيارة اهلي اريدهن اريد تلفوني اخابر نرجس

ام اصهب::اطونياهن وحطيتهن بغرفتجن فوك كومي اخياتج

فيروز::روز روز كومي نصعد بغرفتنا ..كامت بدون
ماتحجي خليت الشال على شعرها ولازمتها من ايدها خاف توكع طلعنا وعيني على النسوان بالصاله بيهن يهمسن خطيه وبيهن يباوعلنا ماعاجبهن ..صعدنا فوك وام اصهب ويانا ما عافتناا

ام اصهب'::مو وكت هلحجي،بس خلني اكلجن

اني امجن واختجن ورفيجتجن شتردن تعتبرني اعتبرني ولو تطلبن ماي عيوني يرخصلجن شتحتاجن مايردجن الا السانجن خوش يمه

فيروز::نباوعلها ونبجي وهيه دموعها على خدها وتحجي بعبره مسحت دموعي وكتلهاا مانعرف شي احنا بحياتنا ماحاضرين فاتحه
هاي اول مره ومو اي فاتحه فاتحة اهلنا

ام اصهب:':كله يمي ماعليج انتي بس عينج على اخياتج.وديتلجن على هدوم سود باجر تجيبهن مريوه حتى تبدلن

فيروز::سكتت ..فعلا احنا ما جايبين ويانا ملابس سود والدشاديش الابسينهن مال مروه اخذت روز للحمام غسلتلها ورجعت لفراشها

تمددت بصفها وبحضني بان وبيان دقايق وغفن ...للساعه ب11ندك باب الغرفه التفتت روز تباوعلي وتباوع للباب كلت ادخل
دخل ذياب باوع على بان وبيان شافهن نايمات سد الباب على كيف

ذياب::تعالي
فيروز:وخرت الغطا من رجليه وكفت تقدمت فتحلي ايده دخلت بحضنه ااخ جني حاضنه ابويه..

وخرني من حضنه يضم بشعري ورا اذني ويمسح بدموعي
ذياب::محتاجه شي ؟
فيروز::دنكت مسحت دموعي ورجعت رفعت راسي لاا ..باسني براسي متحسر.

ذياب::راح اروح النرجس اشوفها واشوف ايهم
فيروز::التفتت على صوت روز
روز:اخذني وياااك حباب
ذياب::ديربالج عليها فيروزه
روز::ذياب الخاطر بابا اخذني اشوف ايهم
فيروز '':اخذها بلكي ترتاح من تشوفه







ذياب::لاااا
روز::ذياااب احلفك بغلاة بابا خليني اروح وياك
فيروز::وكف ذياب معصب فرك وجهه وروز تبجي وتتوسل بيه نتر بعصبيه

ذياب':يلله خلصيني
روز::اي اي لفيت شالي وفيروز طلعتلي بشت لبسته على السريع دايخه وبلكوا مسيطره اقاوم مابين دايخه حتى مايبطل

فيروز::بوسيلي ايهم
روز::هزيت راسي وطلعت وراه نزلت مجلبه بالمحجر هوا وصل لنهاية الدرج واني بعدني باول بايه وكفته مره تحجي ويا
التفتتلي من وصلت يمه طلع بدون ما يحجي مشيت ورا طلعنا من
باب المطبخ بس حرك السيارة اتصل

ذياب::الو ها عمار. اي كلها راح يمرلج ذياب بسرعه لا لا وياي البنيه ..اي اي اخذها وصلت اني بالباب كلها خلتطلع

روز::اجت مرت عمار. سلمت وصعدت من جاي ارد السلام صوتي مبحوح وبلاعيمي يابسه كحيت مختنكة
ذياب::هاااا
روز::أشرت بأدي لا مابيه شي

همسه::ماي مايمك
روز: :جر بطل الماي اخذته من ايده شربت شويه احس بلعومي مجرح صوتي مونفسه وصلنا للمستشفى امشي وراهم بدون روح ضايعه دخلنا للغرفه نرجس تصلي وايهم نايم تقدمت روحي لايبه جان من صدك متت لو صاير بيه شي خليت شفتي على كصته ودموعي على وجهه يروحي انته ياعمري يبن امي وابويه يريحة امي

نرجس::كملت صلاه وكمت حضنت روز تحجي مختنكه وصوتها مبحوح
روز::رراح امووت كلبي يوجعني نرجس نار بكلبي راحو اهلناا تيتمنا..ليشش اتيتم مرتين ليييش

-اششش يروحي اشش كافي باوعيلي موجنتي تكولين اني الجبيره تكولين اني اسندجن ..الخاطرنا تقوي الخاطرنا نموت والله
اذا صار عليج شي موجنتي تكولين اني ام ايهم مو اخته اني الربيته ..شوفي ايهم محتاجج ما يحب وحده بينا كثرج لا تسوين بنفسج هجي كلنا مكسورين اني كلبي ممرود مرد بس اجبر نفسي الخاطرجن وخاطر ايهم
...
ذياب عافانا وطلع ..همسه كعدت يمناا ومادام احنا نحجي هيه تبجي ويانا كعدت روز بصف ايهم تبوس وتشم بيه .. شويه ورجع ذياب

ذياب::كومي خلي يشوفون سكرج
روز::ما مابيه شي. زينه اني
ذياب::تحررركي
نرجس::تقربت عليهاا. كومي روز شحجينا هستونا ..يله روحي خلي الدكتور يشوفج ورجعي يم فيروز ولبنات لاتخلينهن وحدهن
فيروز بدونج تنتهي

روز::لاا ماروح ارجع يمج
ذياب::ما تبقين
نرجس::باجر يطلعونه روحي لا تعوفين فيروز .. مسحت دموعها وطلعت ورا ذياب حانيه ضهرها ولاعبالك روز

روز::دخلت الغرفة الدكتور بالي مو يمهم يسولف ويا ذياب واني احس نفسي بغير عالم كمت ورا ذياب من كام دخل الغرفه واني وراه اشرلي بعيونه اكعدي على كرسي كعدت ساكته وعيوني على الفراغ انتبهت للممرض يحاجيني ..كتله هاا تقرب ذياب سحب ايدي..لازم اصبعي الابهام الولد كاله حتى من الوريد
رفع رداني لازم ايدي سحب دم نزلت رداني دايخه
ذياب::يله كوومي

روز::غمضت عيوني حيل وكمت بالكوا مركزه
رجع الغرفة الدكتور ...كله باجر اجي على التحاليل تسالم وياه وطلعنا صعدت بالسياره كال هسه اجي شويه ورجع صعد خله بحضني نستله وعصير وحجه بصيغة امر
ذياب::اكليهن

روز::ماريد
ذياب::اكليهنن
روز::التفتت عليه ..ماجوعانه. دار خازرني..حرك السياره ويحجي بتهديد
ذياب::اخرر مره اكلج اكليهن
روز::فتحت النستله ايدي ترجف .العصير ماينفتح وياي جره من ايدي فتحه ونطانيا اكلت شويه ارجف خوف برد تعب حزن
عفتهن يم رجليه

ورفعت رجلي ضامتهن على صدري نزلت الجامه ومغمضه عيوني دموعي يحركن خدودي رغم الهوا اليخفك بوجهي حيل ....ابرد اني بدون حضن امي ابرد ..شلون نعيش بدونهم شلون

تمشي حياتنا بدون دعواتها الحلوه بدون حضن بابا وكلماته التنزل على الكلب مثل البلسم فززني من صفنتي من وكف السيارة ذياب بنص الشارع وبمكان هادئ مابيه سيارات هواي التفتتله خايفه شعل جكارته سحب منها نفس وحجه بدون ما يلتفتلي

ذياب::انتي القنعتي ابوي يرجع للبصره؟
روز:: بلعت ريگي. وهززيت راسي لا ..بس هوا مايشوفني لان
يباوع گبل مايباوعلي ...صيح بعصبيه خازرني

ذياب: :مووو احاجيج؟
روز::لااا
ذياب::جا منو قنعه جنيش مو؟

روز::ابجي واحجي خايفه ومجرد افكر اتهامهم صح وانو بسببي بابا قرر يرجع للبصره امووت
-هوا هوا بابا كال بناتي مامتعلمات نرجع احسن.وعل.وعلمود المدرسة

ذياب::امم هذا حجي امج جونيش خانم
روز:: رفعت اصبعي بوجهه ارجف
لا تجيب طاريهاا على السانك ..على قليله احترمها وهيه ميته ...لزم اصبعي عاصره بأيده حيل ويهمس بعصبيه

ذيااب::هااي الايد اذا نرفعت بوجهي مرة الثانيه اكسررررها فهمتي

روز::شمرر ايدي حيل.حشكت روحي بالباب ابجي بدون صوت حرك السياره ويمشي سريع خفف من شاف سيارة تاشرله كدامنا
راسا مد ايده على الجكمجه طلع سلاح ... كانُ حادثة موت اهلي دتنعادد متتت من الخوف.. ذيااب

ذياب::لا تخاافين
روز::صيحت بحركه ..راح يكتلوونه احنا هم ، يموتن اخواتي ورانااا

ذياب::اششش لا تخافين

#يتبع .

ثأرهم وبنات المسيحيه(الاصليه) - البارت 6 -
𖦹𖦹 𖦹 𖦹 𖦹𖦹 𖦹 𖦹

روحي بين أحبابها وعاشت غريبه
روحي مثل مراية امي
شيبت گبل الگصيبه

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹

ذياب::لاتخاافين
روز::صيحت بحركه ..راح يكتلوونه احنا هم ذياب يموتن اخواتي ورانااا

ذياب::اششش لا تخافين
روز::لزمتني رجفه حسيت حتى النفس يرجف عيوني ثكلن توقعت خلص هم راح يكتلونه عيني على الولد البالشارع لازم بطل وصونده صغيره قربنا عليهم كلش طبك ذياب كدام سيارتهم وخرت ايدي من فوك راسي ليش وكفت ما جاوبني غير بكلمة لا تخافين عاف سلاحه بمكانه ونزل عيوني. تترقب سلم على ولد ثنين وتقربو السيارتنا سحبو منها بانزين وبقى واكف يحجي وياهم تمركزت عيني على سلاح ذياب البصفي رجعت اباوع لذياب بعده يحجي وياهم ايدي والنفس الاسحبه يرجفن

مديت ايدي على السلاح بتردد وخوف من الرجفة ماكدرت ارفعه بأيد وحده رغم هوا مسدس ثگله مخيف ..لزمته بثنين ايدية خليته
كدام عيني كلبي يدك سرريع من ورا الفكره البراسي
هالسلاح جواز سفر بنسبه الي طلقه وحده منه راح توديني يم امي وابوي ، لثتي ترجف كلهاا بعدني لازمته وغمضت عيوني واني اتخيل موقف اخواتي اذا متت فعلا ، راح يكدرن يتحملن فراگي هم،
تضاارب افكار بعقلي شي يكلي اخواتج بعدج يموتن ومايتحملن صدمة فقدانج وهنه فاقدات امهن وابوهن وشي يكلي ما عليج يتعودن المهم انتي ترتاحين وتشوفينن اهلج ، حرب صارت بعقلي ابين افكاري الايجابيه والسلبيه والفكره المسيطره على عقلي خلي هالسلاح على كلبج وضغطه وحده ماراح تحسين بشي

فزززيت مخروعه على سحبة ذياب للسلاح من ايدي وهوا خازرني سد الباب وحرك السياره ابتعد عنهم شويه..وحجه بتهديد وعصبيه

-ياويلج اذا لزمتي السلاح بعد مفهوم؟

-سكتت ما جاوبته درت وجهي على جامه ودموعي ينزلن حجيت بهدوء

-اذا متت هسه ماراح اتوجع وراح اشوف اهلي. درت عليه يسوق وما جاوبني دقايق وكال بهدوء

-ما راح تشوفينهم. لان هذا انتحاار ،ثانيا شلون تفكرين هيج واخواتج شنو ذنبهن خسرن اهلهن ويخسرن اختهن.بنفس الوقت شوفي يمكن اني اكرهج. وكتلج لا تحاولين تكونين اختي بسس
ما نكدر نغير حقيقة انتي اختهن ويحبنج اوكفي وياهن كونيلهن سند وقوة الماتوا امج وابوج الربوج بس اهلهن الحقيقيين فكري بيهن
هم طاير كلبهن عليج حتى فيروزه كاتمه بكلبها من كد ماخايفه عليج.
ولاتفكرين بغير شي ولا تخافين من شي ذياب بظهرج







روز: :التفتتله من كال ذياب بضهرج حجيه يدك براسي ودموعي ماوكفو وصلنا للبيت افتر من ورا كال روحي يله نزلت انسانه هزيله وتعبانه فتحت باب المطبخ صارت بوجهي ام اصهب ويمها مروه
وبعد بنات ماعرفهم

ام اصهب::ها يمه شلونه اخيج
روز::الحمدالله
ام اصهب::روحي بنيتي اصعدي.يم اخياتج هسه اجيجن

روز: :فتت من يمها طلعت من المطبخ للصاله اريد اصعد النسوان يباوعلي مو غريبات كلهن قرايبهم بعدني باول بايه ونجريت من كتفي اريد بس احمي وجهي من ضرباتها

الحجيه::النغله موتي ابني انتي والمسيحية كون اشرب من دمج مايبرد كلبي

روز::كلها تباوع وتصيح لا حجيه خطيه واني مفرفحه بأيدها لا اكدر اضربها ولا اكدر ادفعهاا ام اصهب اجت تركض تريد تطلعني
من ايدها شسوت بيها طكتها كدام النسوان ، صيحت باعلى صوتي فيرووز ما اجه ببالي غير هالاسم بكل قوتي صيحت واني ابجي

كلهن ثواني وندفعت الحجيه مني لبعيد جرتني فيروز ورا ضهرها ووكفت بكل قوه تهدد

فيروز::بقيت بالغرفه ماعفت اخواتي عيوني مايهللهن يغفن ابجي بسكته خانكه العبره بداخلي خايفه على اخواتي حيل خايفه نضيع حضنت بان وبيان بكل قوتي من عبرن ايدهن علي وحضنني بنفس القوه عرفتهن ما نايمات بقينا هيج مغمضه عيوني وشارده بخيالي

الحد ما سمعت صوت روز تصرخ كمت مفزوعه وبان وبيان ركضن ركضتي

اشوفها كدامي مفرفحه بأيد بيبي وهيه تضرب بيها على وجها وتجر بشعرها حسيت الدرج ما يخلص ..دفعتها من روز بكل قوتي

- يا ويلج يا ويلج اذا شفتج ماده ايدج على وحدة من اخواتي امووتج بأيدي بالقران اموووتج

بيان::لزمنا روز وكلنا صايرين بظهر فيروز بيبي تخبلت من حاجتها فيروز هيج ضلت تغلط وتسب وتقدمت بقوه ضربت فيروز
راشدي

دفعتها فيروز حيل ووكعتهاا مانعرف البنات الهدن علينا منين. كلهن
يردن يضربنا وعمتي شيماء وام اصهب واكفات يحمنا وهذنيج مثل الذيابه يردن ينهشن لحمناا دخل ذياب وصيح بصوته العالي كلهن رجعن ليوره وبيبي تبجي وتشكيله

الحجيه::ترضاها ولك يذياب ترضاها هلجلبه تطكني ولك زلمم ربيت مايوم واحد عله صوته فوك صوتي تالي بت هلمسيحيه تطكني
ان مافصمت ضهرها اليوم انا موش بت ابوي

فيروز::التفتت لذياب خزرني احس كل جسمي يرجف من الخوف رجعت بيبي تريد تطكني لزم ايدها ذياب وحجه بهدوء مميت

ذياب::ماعاش وبعد الله ماخلقه اليمد ايده على اخوات ذياب اكسرها سمعتي اكسرها ايد التنمد على اخواتي

فيروز::تخبلت بيبي من حجي ذياب وضلت تصيح وتغلط وتكله هاي النغله الموتت ابوك وهذني بنات المسيحيه يدافعلها







...رجعت ليورا خايفه من صياحه وعصبيته واخواتي مجلبات بضهري كلهن، بحياتي ما شفت انسان بهاي العصبيه حتى سب
سباها وهوا يصيح
-لا تكلليلهن بنات المسيحيه

قدر ومات ابنج البنيه معليها

الصاله مابيها. شي.يتكسر دخل للمطبخ مثل الخبل يشيل بالغراض ويكسر محد حجه ومحد تنفس ضلت وحده تركع بالثانيه واحنا واكفين يم الدرج ميتين من الخوف رغم انو ذياب جاي يدافعلنا بس رعبنا مستحيل اليشوف عصبيته يكول هذا انسان عاقل.
الشخص الوحيد اليحجي ويا ذياب ويحاول يلزمه ام اصهب تفتر وراه وتلزم بأيده وهوا صياحه شعلوه المواعين البالمطبخ بدفره وحده كسرهن ورجع يدفر بالطباخ ويصيح ركضت مروه
للساحه ..اجه اصهب وشهاب بلكوه لازمينه يردون يطلعونه من المطبخ التفتلي صاح

- اخذي اخواتج واصعدددي واريد من الله واحد.يحاجيجن الا احرك
البيت عليه وعلى الخلفه

..اخذتهن وصعدت دخلنا للغرفه نرجف حضنت روز ..كافي لاتبجين اكسرها ايد التنمد عليج ، ترجف بايدي مثل السعفه
مرعوبه

روز: :فيروز والله مو ذنبي اني معليه مادري راح يصير هيج ماجان حجيت وكلت البابا خلي نرجع والله اني معليه

بان::ليش يتهمونج ..لان اكثر وحده لحيتي على بابا يرجع للبصره

فيروز: :سدي حلكج لاتمسلتين كلنا لحينه حتى نرجع
بان::واني ماكلت شي شبيج كتلها متهمينج لان انتي اكثر وحده لحيتي .

حيلل ضجت من نظرات روز وفيروز فهمني غلط اني ماقصدي
اتهم روز بس ماعرفت شلون اوصللهن الفكره صار كلامي كانو اني هم اكلها انتي السبب بس.ما جان هذا قصدي نهائيا

بيان::روز معليج بحجيهم ترا اول وحده كالت البابا خلي نرجع اني انتي معليج

روز::حسيت نفسي فعلا اني السبب بموتهم خاصه بعد كلام بان ونظرتها الي كرهت نفسي حيل وخرت من حضن فيروز
تمددت بفراشي وتغطيت ...شعور الذنب ذبحني يعني لو ما اني هسه اهلي عايشين هسه اخواتي مو يتيمات غمضت عيوني واني نار بكلبي

بيان::هسه عليمن تبجين انتي
بان::فهمني غلط روز وفيروز
بيان::لان ضايجات اسكتي واعذريهن جاي يتحملن اكثر من طاقتهن .

حضنتهاا ، روز وفيروز كلمن بفراشها نسمع مناشغهن
وندري مانايمات. ولا احنا الي نمنا كلنا دموعنا على خدناا..مرت ساعه وساعتين البيت هدوء والبنات نامن سحبت ايدي من جوا راس بان كمت امشي على اطراف اصابعي.هستوني فتحت الباب وفززتني بان
بان-وين رايحه
::تجين وياي؟
بان -اي

بيان -:على كيفج لايكعدن البنات ..طلعنا من الغرفه وسديت الباب

بان::وين رايحه؟
-::يم ذياب حتى لو بس اشوفه احس شايفه بابا

-:خاف ماجاي الغرفته
-::لا سمعت ام اصهب كالت المروه لاتخلين وحده من النسوان تصعد فوك الولد تالي الليل يرحون لغرفهم.







تمشينا الغرفتة فتحنا الباب على كيف ونحس البيت كله سمع صوت فتحت الباب الغرفه موظلمه بس ضواها خفيف حسيت لمحته مفتح عيونه بس من ركزت شفته مغمض

بان::تعالي نرجع خاف يفز ويرزلنا
بيان::تقدمت رغم خايفه منه ..وكفت يمه مركزه بملامحه فعلا يشبهه بابا دنكت بهدوء بسته.وبتعدت خاف يفز جرتني بان حتى نطلع من الغرفه وصلنا للباب فززنا من صاح تعالن التفتتله خايفه بقينا واكفين بالباب ما نعرف نروح لو ندخل عدل كعدته وكال

-ادخلن تعالن.

دخلنا وسدينا الباب..كلت راح يرزلنا بس سوا العكس فتح ايديه من الجهتين تقدمنا كل وحده من جهه اخذنا بحضنه وهوا يهمس بصوت ناصي بيجن شي احد حاجاجن

كالتله بان لا..بس ماجاي نكدر انام
ذياب::شو رجليج شويه يله نامن

بيان::غطانة وياه وحاضنه على صدره حضنته حيل يهمس لا تخافن وانتن اخوات ذياب اني بضهرجن

يبوسنا براسناا ويحجي بهدوء انيي موجود نامن وفعلا كلها دقايق وماحسيت بنفسي من غفيت مأمنه ماعرف شكد وقت فات وفزينا على الصياح وصوت فيروز ..بس اني وبان بالغرفه
بان: :شكوو
طلعنا نركض

فيروز::فزيت من حسيت اكو صوت وحركه بالبيت..باوعت الساعه بالخمسه وربع الفجر التفتت على اخواتي ماهنه محد موجوده
كمت على السريع طلعت من الغرفه

صار بوجهي ذياب .صيحت بصوت شبه عالي وين البنات
ذياب::شبيج نايمات بغرفتي

فيروز::تقرب يلزمني من اكتافي يحاول يهديني خليت ايدي فوك ايده واسحب نفس لان حسيت گلبي راد يوكف كتله

-خفت من مالكيتهن عبالي روز صار بيها شي
ذياب::لاتخافين ..شلونها هيه خومارجعت تخربطت؟

-ما ادري نمت ومن فزيت وما لكيتها عبالي بيها شي

وخرت من حضنه ..واتجهت الغرفته واني احجي وياه

-خلي اشوفها.. بلكي تقبل تاكل

استوقفني صوته وهوه يكول

ذياب::لحظه لحظه شجاي تحجين انتي البنيه مو بغرفتي اني قصدت بان وبيان

فيروز::فتحت عيوني على وسعهن وكلبي احسه ينغززني صحت -روز. روز وين. ؟

عفته بصدمته ونزلت اركض صارت بوجهي ام اصهب
-عمه شفتي روز روز وين

افتر بالبيت مثل المخبله وام اصهب بس تريد تلزمني مافاهمه شي

ام اصهب::اسم الله يمه غير،يمج

-مو يمي موو يمي مالكيتها يمي.

.حتى النسوان النايمات اجر بلغطا منهن خاف متغطيه وياهن
وذياب طلع برا يدور. كلها كعدت مفزوعه كعدت على اول بايه من الدرج مهدود حيلي واحس النفس من اسحبه يأذيني وين راحت
ام اصهب ومروه يهدن بيه رجع ذياب..وكفت
.-هااا







عافني وصعد ركضت ورااه دخل للغرفه مادري شنو يدور صاح

ذياب::تعاالي شوفي تلفونها غراضها موجودات
فيروز::فتحت الكنتور وايدي ترجف ..همست بخوف ااي اي هذني...سكتت ورجعت اتلفت بالغرفه عيني تدور على البشت مالتها اشيل بالفراشات واشمر رحت على الميز ادور على تلفونها ماكو
التفتت على ذياب الكلمه بالكوه تطلع مني بجيت وصيحت ماكو

لاتلفونها ولاعبايتهااا...ركع الباب حيل وطلعزنزلت ركض وراه واصيح
-ذيااااب

..وكف بوسط الصاله التفتلي خازرني. صحت
-وين روز..عاط بصوت عالي
ذياب: :وشنووو تسأليني شعرفني شوو متهمتني انتي.

فيروز: : وينهااا وين راحت ..طلعت بيبي من الغرفه تصيح صووتج يجوز شردت
.طفرت عليها اريد اضربها وام اصهب لازمتني النسوان يغلطن عليه وعلى روز وبيبي تدعي عليها كعدت بنص الصاله مهدود حيلي ابجي بصريخ اجن بان وبيان خايفات

بيان::فيرووز شكو شبيها روز
بان::احجي فيروز وين روز
فيروز::كلللله منج ومن بيبيتج كله منكم روز ماكو. كلكم اتهمتوها هيه سبب موت بابا

ام اصهب::اسم الله يمه صلي على محمد هلطلعو الولاد يدورون يجوز بالبستان يجوز يم زهراء

بيان::حضنت فيروز ارجف وبان فوك راسنا تبجي سكته

شيماء: :كومن عمه كومن يمن عمت عيني عليجن يمه هسه يلكونها الولاد وين تروح

بيان::كومنا فيروز صعدنا للغرفه وعمه ويانا نحشكت فيروز بالزاويه مخليه ايدها على راسها وتبجي

شيماء: :ولج فيروز شماالج صدك جذب.

فيروز: :لج عمه يوم يوم واحد بدون اهلنا ضيعت اخواتي يوم بدونهم ضاعت روز بالقران وحق علي اذاا ما رجعت روز اهججكم والله ارفع عليكم دعوه واكول انتم خطفتوهااا

شيماء: :يااا ياا نصي صوتج يمفلوكه جا اني شلي غرض خاطفتها اني؟

بان::فيروز والله اني مالي علاقه والله ما جان قصدي اتهم روز انتي وياها فهمتني غلط

فيروز::وخررري وخررري. مني

شيماء: :خلي اروح انا شو فيروز حجيج ما ادري شلونه انا احبنجن امشي منيمج احسن مايصير غيض

بيان::طلعت عمه شيماء من الغرفه بان. تبجي بجهه وفيروز تبجي وتعاتب بامي....نسينا حتى حزنا على اهلنا صار همنا اكبر..مرت ساعه وندفع باب الغرفه حيل ..فات ذياب يحجي بهمه وصوته عالي

ذياب:: اتصلي على رقمها بله يدك

فيروز: :كمت على السريع سحبت تلفون بيان اول مارن ابتسمت. ااي اي جاي يتصل

كلهم يباوعولي مترقبين واني منتظره يجيلي صوتهاا خلصت المكالمه وهيه ما مجاوبه. ماا.ماتجاوب







ذياب::دكي بعد
فيروز: :رجعت إتصل ماترد ..سحب التلفون مني. نقل رقمها بجهازه

ذياب::هااج وشويه على كيفج لاتضلين تليصين بالحجي بان وعمتي شيماء شعليهن

بان::والقرران ماكلت شي اني ، هنه فهمني غلط
::تعاالي
بان::رحتله ابجي حضني ويمسح بدموعي وفيروز مسحت دموعها وكالتله

- اريد روز والله امووت ماتحمل اخسر شخص ثاني من عائلتي كلبي خلصص من الصدمات ...سحبني الحضنه واني مفرفحه من البجي من صدك اموت اذا صار شي على روز ..

ذياب::اشش لاتحجين هيج هالطالع انا واخذيها من هالشارب. مارد اذا مو البنيه وياي بس الاريده منج على كيفج ويا اخواتج ماشي
ولا تنسين هاي فاتحة اهلج لاتخلين النسوان تضحك عليجن

-هزيت راسي اااي ..بس يعني أنت عرفت شي حباب كلي لاتضم عليه ، دار وجهه ويهز براسه متحلف

_اي اي عرفت واحد من السلف موصلها للكراج وديت ليث وبطرس للكراج واني هسه رايح وراهم. شويه وشهاب يروح
يجيب ايهم ونرجس ..فيروزه خلي ايهم بروحج

_اي اي لا تخاف بس لا ترجع بدون روز ..طلع ذياب واخذ تلفون بيان وياه خاف ماتجاوب على رقمه باوعت على بان فتحتلها ايدي اجت الحضني تبجي ،اشش كافي اسكتي

بان -والله اني احبها. اكثر منجن كلجن احسها قطعه من روحي وماقصدي اتهمها فهمتني غلط

فيروز: :مسحت دموعها ..اسفه يا روحي هسه ترجع روز متعوفناا اسكتي يله

بيان::فيروز خاف راحت البيت امها هدى

فيروز::ركضت للجنطه فتحتها ...لا هذني المفاتيح. مال بيتنا وبيت امها

.بقينا بالغرفه مرت ساعه وساعتين ومحد اجه نسمع هوستهم جوا ولطم وبجي بس ولا طلعنا حيلي مهدود وكلبي يوجعني مجرد اتخيل
شي يصير بروز انجن عيني على بان متمدده بحضن بيان ودمعتها
ما نشفت اني زودتها عليه وهيه فعلا مالها ذنب بس من حركت گلبي وخوفي على روز ضليت ماعرف شحجي ..دقايق واجت ام اصهب بأيدها صينيه ريوك خلتها كدامنا وهيه تحجي

-كعدن اكللجن لكمه وكومن اوكفن ابفاتحة اهلجن لاتخلن شكو خايسه وغمه تصير براسجن بس هيه وبس يله فيروز

-ماريد اني عمه. بان بيان تعالن اكلن

-ماريد

ام اصهب:: شلون حجي هذا فيروز اكلي انتي حتى اخياتج ياكلن يله يمه يله يبعد امجن لاتعلن كلبي عليجن

فيروز;:باوعت على بان وبيان ..يله تعالن اذا ما تاكلن ما اكل. مدري.نضحك على نفسنا مدري وحده تضحك على الثانيه الگمه الاخليها بحلكي تلعب نفسي ودي اتقيئ على كد ما مخنوكه واخواتي حالهن مو احسن من حالي بان كطعت نفسها من البجي
مرات الوم روز شلون انطاها كلبها تعوفنا وتروح وتسوي بيه هجي ومرات اعذرها وكول حقها كلها كالتلها بسببج ماتو يمكن لو اني مكانها جان سويت اكثر منها اجت عمتي شيماء حضنتها وعتذرت منها بدلنا ونزلنا جوا للصاله لا من اليعرفن ايلطمن ولا من اليعرفن ينعن كاعدين بنصهن بس نبجي سكتن شويه







والنسووان البصفي يسولفن ركزت بحجيهن من انجاب طاري ذياب
واحس لشتي كلها ترجف.البصفي تكلها

-لا خيه هوا ذياب الكتال

-جا شني شموديه هوا لهناك خاف جذب هوه وياهم

-يااا لا الولد ماله غرض خيه ابن بيت محراب العبور السده شمالج ماتعرفينهم ..يكولون هيج ماشي بذيج الصفحه وذياب كاتله بلغلط من داكين عليهم

-جا ياهو الشاف ذياب هوا طلق طايش يجوز انكتل بطلقه تايهه

-اااي وداعتج هوا يجوز بطلقه طايشه بس بعد ينحسبون همه كتالته. حتى همه ناس فقره وهمه بس ثنيوين اخوان


-وهسه شني رافعين عليهم دعوه لو ماخذين عطوه

-لا الشيخ ماخذ عطوه منهم لمن تفض فاتحتنا بس وداعتج شوفيها اذا ماكبرت ماتبرد بعد دم بدم من دهر صابهم انا اخافن على اولادي

-فلك نوب مايردون والله انا جلبت بقيس ماتروح كتله ولا هتملي اخذ سلاحه وهد وياهم جا من تموت انا شحصل بله

فيروز: :ضليت ارجف وكل الفهمته من حجيهن شخص ماله ذنب لا من عشيرتنا ولا من عشيرة كتالت اهلي يعني مات بدون سبب

نرجس::طول الليل مانمت ايهم يفز يبجي يريد امي ومدام هوا يبجي اني ابجي وياه مجرد افكر بعد ماشوف اهلي احس كلبي
راح يوكف صليت صلاة الصبح يله كدرت اغفى شويه
وكعدت.. همسه خطيه راحت جابت ريوك وتوسلت اكل بالكوا اكلت شويه اجه الدكتور شاف ايهم وطمن عليه كتبله علاج كال كملو اوراق الخروج وطلعو راحت همسه واني.بقيت ابدل الايهم
ولميت غراضنا الحد ما اجه شهاب

-اخواتي شلونهن شهاب ..دار وجهه مني وجاوب.بدون ما يباوعلي
شهاب -ها ماا دري ماشايفهن والله مداخل للبيت

-بلعت ريكي خايفه ..شهاب لا تجذب اكو شي؟
-لا يابه ماكو شي يله خلصتو نطلع

-اي ماعندي شي...شال ايهم بأيده اجت همسه وطلعنا يمشون كدامي هوا وياها ومدري شيحجي وياها راسا همسه صاحت بصوت عالي صخااام وشهاب يخزر بيهاا شمرت الغراض من ايدي
وصيحت ::اخوواتي بيهن شي لتكذب شهاب

شهاب-خررب صوتج يمعوده الناس تباوع. مابيهن شي ام همسه مريضه
-اي اي امي صخام الصخمني هسه اروحلها

-ابد ماقتنعت بحجيهم شهاب كلساع خازرها صعدت وراا واايهم بيدي ومابلسانه بس كلمة ماما وصلنا لشارع مالتهم. مليان سيااات وناس كلش هوايه افتر شهاب من ورا البيت نزلت اني وهمسه
دخلت من باب المطبخ اجن اخواتي يركضن فيروز اخذت ايهم من ايدي تبوس بيه وتبجي..عيني تتفحصهن حسيت كلبي ارتاح من شفتهن كلهن مبا يهن شي افترت عيني ادور على روز
..روز وين. ..

اباوع بوجهن منتظره جوابهن كلهن يباوعلي وساكتات ...فيروز. شبيج وين روز

-مااادري. والله ماادري. كعدت مالكيتهااا







شيماء:: ..ماندري وين راحت البارحه من ردت منج باليل. امي كتلتها ولبنيه نقهرت من حجيها ..ومادري وين هجت
هلراحو الولد كلهم يدورون عليها

بان::شعور الندم ياكل بكلبي على الرغم اني ابد ماجان قصدي اتهمها بس حسيت اني السبب فيروز حاضنه ايهم تبجي
ونرجس واكفه مصدومه ...مانحس الا نرجس ركضت للصاله كلنا نصيح وراها فيروز عافت ايهم بأيد بيان وركضت ورا نرجس ...

عمتي شيماء وفيروز لازماتها وهيه بس تريد توصل البيبي مفرفحه بأيدهم تعارك بصوت عالي والنسوان يغلطن علينا وعلى تربيتنا وبيبي تكلها اني اربيجن من جديد يبنات المسيحيه ان ماخليتهم يفصمون ضهرجن فصم اني موش بت ابوي

نرجس: :انتييي شكد ما تخافين الله منو انتي وتمدين ايدج على روز بي حق منو سمحلج

خلود:: **** وضبي السانج شو عابرات انتن تتهاددن على الاكبر منجن ضبن السانجن وخليجي مهنا واني اعرف شلون اخليه
يعلمجن على الاحترام

ام اصهب::هنه وبيبيتهن لاتحطين روحج بنص
الحجيه::اخذيهن من وشي ماريدن اشوفهن

فيروز::سحبت نرجس صعدنا فوك. وهيه تلوم بيه
-شلوون شلون تخلينها تمد ايدها عليهاا

-اسكتي عااد انطي مجال مادري بيهاا ماجنت جوا اني

-يووم واحد ماكدرتي تديرين بالج عليها على،شنو بعد محسوبه الجبيرة انتِ

-موتتني من القهر،بحجيها ضربتها على حلگها وهيه تخبلت.. صيحت بوجها
- شسووي يعني احجي شسوي هذني واسأليهن ماعاركت ماضربتني،بيبي علمودهاااا شترديني اسوووي كعدت مالكيتهااا يمي ..

حضنتني تبجي..::لاتخافين ذياب كال مارجع اذا مالكاهاا

نرجس -فيروز والله خلصان كلبي اني الهسه مامستوعبه اهلي ماتو نوب الكي روز مختفيه شجااااي يصير بينه كله من ذياااب ليش اجه
ياريت ماجانه ولاشفنااه جا هسه احنا ببيتنا واهلنا يمنا

فيروز::حضنتها حيل ..اشش لا تحجين هيج ذياب ماله علاقه قدر هذا.فرفحت بحضني من البجي عيني على اخواتي بان حشكت روحها بالزاويه تبجي سكته وبيان تسكت بايهم ودموعها على خدها

بقت نرجس بحضني مابلطت بجي شبيدي شكدر اسوي شعور العجز والقهر البگلبي ماينوصف.ادك على ذياب مايجاوب

مرت ساعه وساعتين واحنا على كعدتنا ام اصهب.كلساع تجي.يمنا شويه تحاول تصبرنا وتروح. من.يصيحون عليها.
ايهم راح صوته من.كد.مابجه مايسكت ماخلينه شي.ماسويناه وهوا على نفس. البجيه شايلته افتر بيه بالغرفه على امل.يسكت
ماكو

نرجس::حتى موزين عليه يبجي هلكد
..كمت بالكوه احس رجليه يرجفن اخذته من.فيروز طاحن اديها منه صارلها ساعه تفتر بيه يبجي ولايقبل يسكت اوز ماما بابا
هالكلمات ماطاحن من حلكه







..منين اجيبهم الك ثنين صارو جوا التراب وروز بس الله يعلم وين اراضيهاا

من اشوف اخواتي.شصاير بحالهن فيروز عيونها مورمه وحتى وجها صاير اسود

وبان وبيان عيونهن حمر ومن كد.ما كاتمات صوت بجيهن حتى لو ساكتات يناشغن من اشوفهن هيج احقد على ذياب احس هوه
السبب هوه الخلانا نجي لهنا ويصير بينا هيج صار الغده وفيروز تتصل على ذياب وماكو مايرد ولا روز ترد بان وبيان يتناوبن على
ايهم كلساع وحده شايلته ..

عمتي شيماء اجت يمنا شويه ونزلت وبت عمي مهنا بت خلود هم اجتنا عبالك متشفايه بينا هيج سلامها من وره خشمها ..

كمت اصلي .وفيروز بعدهي تتصل على ذياب على امل يجاوب

فيروز::بان خلي التلفون يمج.خاف يتصل خلي اصلي

بان:: اخذت التلفون من ايدها راحن هيه ونرجس يتوضن. وبيان تلولي الايهم كدامي كالت همس خايفه يفز

-عدلي المخده نام

-خليناه على الفراش وغطيناه متملخات ادينه صلن البنات وكملن وصليت اني وراهن اجت ام اصهب جايبه غدا وهلمره كلنا رفضنا
لان من جد.مالنا نفس حجت الحد ماملت منعدنا وكامت. نرجس
تمددت بصف.ايهم ونامت فيروز ساعه ساكته
ساعه تبجي حالنا يكسر.گلب العدو..للعصر وكلشي ماكو
لا ذياب ولا روز وفيروز.مابطلت إتصال عليه الحد ماجاوبها

ذياب -ها فيروزه

-وينك ذياب ليش ماتجاوب وين روز

-مادري بالتلفون

-لكيت روز؟

-لابعدني بس وعد اليله هيه يمج

-لا ترجع بدونها

-صار..فيروزه اكلي.وخلي اخواتج ياكلن. ولاتكليلي ما اشتهي اجبري نفسج الخاطرهن

-ماشي. رد من اتصل .
سديت الخط. وهنه يباوعلي كتلهن بعده ، كعدت نرجس على حيلها كالت

-جا شكد قاهرينها بحيث شردت بدون ماتفكر بينا سنو من بشرر هذول شنو ذنبهااا شايفه اذا ما رجعت يابه بالقران هلحجيه الجنها
سعلوه اموتها بايدي بالقران اموتها وعود خلي انسجن الا اراويها بنات جنيش شيكدرن يسون

فيروز::بقيت ساكته متحسره ماعرف شنو اجاوبهاا ولا اعرف شلون الم اخواتي بان ماسكتت تبجي ادري بيها حاسه بذنب ومالومها حتى اني حسيت نفسي مذنبه فز ايهم وجيب اليسكته ملخنه ولايقبل بوحده منعدنا حتى عمتي شيماء اجت اخذته تخبل بالزايد ميريدها
ام اصهب كالت سوينا الختمه انزلن. رفضنا ننزل بحجة ايهم. وهيه مالحت علينا عرفت مانريد نشوف الحجيه. .نرجس من كد ماعجزت
تسكت ايهم كابلته وتبجي وياه لا من نشيله يقبل ولا نعوفه يقبل. نرجس جرت تلفونها تبجي ..اتصلت على اشهاب

نرجس::-الوو شهاب تعال.ايهم بس يبجي راح يموت ماجاي يسكت.

بان: :شيسويله شهاب اذا عدنا ماسكت يسكت عد اشهاب لا تودينه يتخبل بالزايد

-بلكي يطلعه شي يسكت باوعيله فرفح على ساعه يختنك من البجي ....اجت مروه كالت

شهاب وده على ايهم غسلتله ونطيته الهاا بلكوه لازمته ..اخذته وراحت رجعت بالغرفه يم اخواتي فيروز مكابله التلفون وكاعده كلساع وكالت اخابر لو بعد انتظر وبيان اكلها اصبري موكلساع
بان بس تبجي وماتحجيي شي كعدت بصفها وخذتها بحضني .ماكدرت تصبر فيروز اكثر

اتصلت على ذياب ومن ماجاوبها بجت حيل ليش مايرد خاف روز بيها شي خاف صار شي و مايريد نعرف رجعت تتصل طلعلها مغلق هنا موبس هيه تخبلت كلنا ضلت الافكار المشؤمه تفتر بعقلنا.
لليل وهمه ماكو. اتصلت على شهاب علمود ايهم وهم اسأل على ذياب بلكي مخابره اول مارن جاوب

-ها نرجس
-ايهم بعده يبجي؟
-لا لا سكت اخذته شتريتله وهسه ساكت
-اذا رجع يبجي جيبه الي
-ماشي
-شهاب ، ذياب هم مخابركم؟ ...سكت ما جاوبني
-شهاااب
-هاا
-صاير شي احجي ذياب خابركم ؟ تحسر وكال
-لاا ما صاير شي ساعه ساعتين ويجي ذياب
-يعني لكه روز؟
-نرجس لازم اروح يله

-سد الخط بوجهي .رجف كلبي خوف كلامه مو مال واحد مطمئن . فيروز كالت ها احجي

-يكول ساعه ساعتين ويجي ذياب
بان::يعني لكه روز؟
-مادري ماكالي ...فيروز. رجعت تتصل على ذياب وهم يطلعلها مغلق

بان::فيروز جربي اتصلي على روز بلكي ترد
-هم اتصلت ماكو. هسه ارجع اتصل ، رن مره ومرتين
بالثالثة انفتح الخط فزيت مفزوعه جنت قاطعه الامل تجاوب
كال ::الو.

فتحت عيوني على وسعهن هذا صوت رجال موصوت روز

#يتبع

ثأرهم وبنات المسيحيه(الاصليه) - البارت 7 -.
𖦹 𖦹 𖦹 𖦹𖦹 𖦹 𖦹

انه حروره اصواب

اشكد وجع ضميت ...

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹
فيروز: فززيت مفزوعه جنت قاطعه الامل اجاوب
كال. الو. فتحت عيوني على وسعهن هذا صوت رجال
موصوت روز..الو منو

-اني ذياب
-روز يمك لكيتها
-اي هسه راح نجي لا يضل بالج

-اضحك وابجي بنفس الوقت البنات يباوعلي مافاهمات شي كتله. ليش ماجاوبتني هيه بيها شي

-نايمه والله مابيها شي لاتخافين ساعه ساعتين ونوصل

-وين جانت
-بعدين فيروزه جاي اسوق

-اي اي يله انتبه للطريق منتظرينك
سديت الاتصال. دموعي على خدي مبتسمه
لكاها ههه اجو

نرجس: :الف الحمدلله الف الحمد والشكر الك ربي ماكالج وين جانت

-لا ما كال

روز::شعور انُ تكون سبب بموت شخص مينحمل ومو اي شخص اهلي. شما احجي عن صعوبة هالشي ماوصفه

تمنيت نفسي ميته واني طفله تمنيت عايشه بميتم ولا اكون سبب بموتهم ويتم اخواتي

حسيت على بان وبيان من طلعن من الغرفه وكلام الحجيه وبان يدك براسي

حشكت نفسي بفيروز بجيت مكدرت اتحمل وجع كلبي والخنكه الاني بيهاا كمت من يمها

طلعت برا الغرفه كعدت على بايات الدرج نار بكلبي ماجاي تبرد غسلت بماي باارد

رجعت للغرفه مرت ساعه وساعتين ونفس الوجع بكلبي نفس النار ماكدر اتحمل نظرات الاتهام

عيني على فيروز خايفه ومتردده بس مابيدي شي اريد اروح ماريد اشوف نظرات الاتهام

اريد حضن امي اريد كلمات بابا الحنينه تقربت عليها بستها حيل وكمت

امشي على اطراف اصابعي اخذت البشت مالي جريت شالي لفيته وسحبت شال ثاني

مابيدي بس تلفوني ماعندي ولا ربع. دخلت الغرفة ذياب شفتهن شلون حاضناته ونايمات

تقدمت اريد ابوسهن. من تحرك ذياب رجعت ليورا جسمي كله يرجف برد وخوف. جريت محفظته اخذت منها خمسه وسبعين
الف. واهمس بصوت ناصي. اني مو حراميه

مجبوره اخذهن. لفيت الشال الثاني على وجهي طلعت من البيت خايفه كل ذره بجسمي ترجف

مشيت بشارع ترابي من كد ما امشي سريع يمكن عشر دقايق وخلصته بس لزمت الشارع







الرأيسي مشيت حيل بدون ما التفت الضوا خفيف كلش ..فاتت سياره اشرتلها ماوكفتلي

وثانيه وثالثه ماوكفن ..مشيت شويه مأيسه محد يوكف. كمت مأشر للسياره التفوت

وكفتلي سياره وصاح الرجال ..وين دربج بويه تعالي ..تقدمت اله كتله. عمي اني اريد

اوصل للكراج. كال اصعدي. رجال جبير مشغل قرأن ماسالني شي قربنا نوصل للكراج كال

-انتي منا من ديرتنا
-لا خطار هنا وهسه اريد ارجع الاهلي
-جا عليش وحيدج وتبجين وطالعه بليل وانتي حدثه

-رفعت الشال كلش على وجهي وبس عيوني طالعات كتله. ماتو اهلي هنا مالي احد بهلمكان

حجيت هيج ماعبالي يعرف ذياب راسا كال انتي بنيت عامر الجاسم اخت ذياب انتي

خفت ورتعبت من عرفهم. صحت نزلني نزلني هناا

-بعدنا ماواصلين للكراج
-نزلني لا اصيح ماريد الكراج معليك. وكف السياره. نزلت امشي سريع وهوا راح بطريقه

الناس هستوها تطلع سألت رجال عمي الكراج بعيد كال لا هذا كدامج اطلعي كبل وخذي يمنه

مشيت على وصفه. اجوني السواق وين توصلين ما حجيت وياهم خايفه مشيت لنص السيارات

ادور على رجال جبير اخاف اصعد ويا هذول كعدت على الرصيف اباوع الايدي شلون ترجف

نمدلي بطل مي كدامي رفعت عيني اباوع رجال لابس كلبيه والتجاعيد ماليه وجهه مبتسملي كال

هاج بويه اشربي شو ترجفين. اخذت البطل من ايده شربته وكتله. عمي اني بشاربك

ادعينااج خيرج بويه شني واحد محاجيج كولي
-لا عمي محد محاجيني اني اريد اروح الاهلي بالنجف واخاف اصعد ويا ياهو الجان

-جا بويه ليش لوحيدتج شني ماوياج احد
-ماعندي احد اهلي ماتو واريد اروحلهم الله يخليك. اخذني وانطيك كروه.

شلت الخمسه وسبعين المعصورات بأيدي خليتهن كدامه. باوعلهن وباوعلي هز راسه

كاال ردي فليساتج بويه كومي اني اوديج بس خليجون مريه ووليداتها متفقه وياي

اوصلهم للنجف ، عشر دقايق ويجون كمت صعدت بالسياره كلساع التفت احس على ساعة يلكاني احد

اجت مريه تصير بكد ام اصهب وياها ثنين اطفال وبنيه يجي عمرها 12 حاجاها الحجي

عليه لان هيه رايده السياره بس الها ولجهالها صعدت وحرك .اسمعهم يسولفون وبالي مو يمهم

المريه من تشوفني ابجي تحاول تسولف وياي وتفتح موضوع واني مالي نفس حتى احجي

بس دك تلفوني سويته صامت وروحي تلوب شحال فيروز ولبنات من مالگني وكلما اتخيل موقفهن ابجي.







من وصلنا للنجف كتله هاك عمي هاي كروه كال اوكفي بويه هسه اخذ منج. رجع للمره

فلوس واخذت جهالها وراحت خفت من شفته متقصد يخليني بالاخير. رجعلي كال. وين وجهج انتي بويه

خفتت كلش وجسمي يرجف كتله. معلييك اخذ كروتك شتريد مني. ابتسم

-ماريد شي منج خلي فليساتج بجيبج مانطاني كلبي اعوفج وحيدتج وشوفج مدوهنه جنج شارده

-ماشارده اني ماشارده اجيت ازور اهلي مشكور انته ماقصرت هاك كروتك خلي اروح

-ماريد الكروه اوكفي هنا راح اروح اجيبلج واحد يوصلج للكبور

-كتله اي تمام حرك سيارته بس مشه شويه عفته ومشيت اتلفت خايفه امشي بطريق ومادري صح لو غلط

تلاگه وياي طفل ..عفيه يوليد منين اروح للمكبره

-بعددج بعيده ماتكدرين توصلين مشي

-جا منين اصعد اكو كراج هنا

-خاله اني اشتغل بستوته اخذج وتطيني كروه

- ااي اي وين ستوتك. بيده علاكه باوعلها وكال

-تجين وياي هذا بيتنا بس اطيها لأمي واخذج ستوتي بالبيت

-مشيت وياه والف فكره ابالي ساعه اكول هسه يطلع متفق ويا عصابه ساعه اكول هسه يخطفوني

.اشرلي على بيتهم. كتله اني ابقى هنا واكفه وانته روح كال

-بس شكد تطيني كروه لان بعيد

-انطيك شكد ماتريد بس وصلني

-15الف
-اي انطيك يله بسرعه. هز راسه فرحان وراح يركض دخل للبيت دقايق وطلع شغل ستوته جانت بالباب واجاني. وكفلي مبتسم

.يله خاله اصعدي صعدت ليوره انطاني بطل ماي كال. هاج اشربي ماي. اخذته من ايده ولوليد فرحان ماجان كلش جبير عمره يمكن 12لو 11

بس مشه شويه شفت الگبور كتله قريب ليش كتلي بعيد

-جا انتي اليافتحه تردين

-بقيت ساكته ما اتذكر شي ولاول مره بكل حياتي
افوت بطريق وانساه ماحفظته. غمضت عيوني
واحاول اتذكر ..

دقايق وتذكرت بسياره ذياب كال الفتحه السادسه ...الفتحه السادسه الها

-تندلين وين بالسادسة

-ها لا انته وصلني واني اعرف وين ..مشه ابين الكبور كلبي مقبوض حيل خاف مالكاهم. وخاف الكاهم وشلون اشوفهم جوا التراب

وكف الوليد وكال هاي السادسة وين هسه ، بقيت ساكته اتلفت كلشي يشبه بعضه

بجيت حيل. كتله مادري والله مادري ماجاي اندل

-ااخ خاله لاتبجين وعلي ماعوفج الا تندلين نروح لهذول مكتب يدلونه بس بفلوس

-ااي اي ميخالف عفيه ..فر الستوته ومشه
كال لاتنزلين اني احاجيهم ..بس شسمه هوه







-عامر جاسم هبش
وزوجته كله ثنينهم بنفس اليوم

شويه ورجعلي وحده. كتله هااا

-ههه خاب بس وصفلي المكان اندليته كتله جابعد لاتجي هاي هيه ندليت اطيته الفين ههه لو رايح ويانا ياخذ منعدنا شكد

-ليش خليه يجي خاف مانندل

-لا وعلي اندليت ماعليج كال جديد الكبر

-وكف الستوته بنفس المكان وكال يله تعاي نزلت وياه يمشي ابين الكبور واني خايفه

خاف ادوس على كبر بلغلط. يمشي بهمه مو يدور راح سيده وكف وكال

-هاي باعي البصف هاي الكبه الصفره الكبرين البعدهن تراب انا ابقى هنا ونتي روحي زوريهم براحتج

-طلعت خمسه وعشرين وخليت خمسين بيدي هاك اخذ كروتك مشكور ورحم الله والديك

-دروحي خاله عود من ارجعج اخذهن مو هسه

-لا لا روح راح ابقى هنا اني

-شني تبقين هنا خاله اكو جنانوه واكو ناس ماتخاف الله تتعرضلج وعلي ماعوفج اني ارجعج هاي راح اكعد هنا وانتي براحتج
شكد ماتبقين ابقي

-رجع كم خطوه وگعد داير وجهه مني رغم صغر،سنه بس شكد نشمي وعنده غيره

التفتت على كبور اهلي امشي بخطوات ثگيله كلما اقترب گلبي تزيد دكاته كعدت بنصهن ساكته

عاجزه شحجي وشعاتب حتى دموعي مانزلن بقيت بالربع ساعه بس ساكته اتذكر كل لحظه عشتها بحضنهم حنيتهم عليه خوف امي عليه

وينج يمه موجنتي ماتخليني ابجي خاف يتأذن عيوني شوفيني هسه عيوني موبس يحركني عيوني وكلبي احس مشتعله بيهن ناار

اريدج اريد احضنج اريد اشم ريحتج والله ماكدر اعيش بدونكم بابا بدونك محد يريدني

لج يمه يكلولي انتي الموتيهم يكلولي انتي السبب ليشش ماتحاجوني اجيتكم حتى انتم ماتردونيي

-كومي خاله كافي وعلي موزين عليج هاج غسلي وجهج هيه هاي الدنيا الله يعلم احنا شوكت نجي يمهم باوعي اخرتنا هناا

مسحت دموعي وولخنكه البصدري ماتنوصف اخذت البطل منه غسلت وجهي ورشيت على قبورهم..

-يله خاله اريد ارجع اجيب دوه لختي وماكدر اعوفنج ورجع

-كمت من يمهم دايخه خفت اتخربط ويحتار بيه الوليد ودعتهم ورجعت وياه كتله وصلني للأمام

نطيته الخمسه وعشرين كلها ماقبل ياخذها كتله لعلاج اختك يله قبل دخلت للحضره اندلها زين

لان كنا دائما نجي زرت وصليت كعدت فتحت تلفوني كلبي يوجعني على اخواتي

من شفت هوايه مكالمات. حسيت نفسي غلطت من طلعت بدون ماكلهن دك بأيدي بيان. فتحت خط. ساكته ارتعبت من اجالي صوت ذياب







ذياب::الووو اسمعيني اني ذياب الو
روز::سحبت نفس خايفه وكتله. هاا

ذياب::وينن انتي
-بعيد عنكم
-لاتمسلتين وين انتي،بالمگبره لو وين احجي فضيها

-فتحت عيوني على وسعهن شدراه بيه بالنجف ارتبكت وخفت ..شدراك اني بالنجف

-لاحول ولاقوة الا بالله اخر مره اسأل انتي ويين

-بالحضره
-جايج من ادك عليج جاوبي

-سد الخط بوجهي كمت من مكاني،متوتره مرعوبه ماعرف شسوي رجعت كعدت

عشر دقايق ورجع اتصل من رقم مو من بيان
.الوو

-وين انتي بالضبط
-يم هذني الجنهن مظلات
-كومي اطلعي كبل جنج جاي تطلعين من الحضره

-كمت والتلفون على اذني،الخط مفتوح كلساع يكلي وين وصلتي امشي گبل لاتوكفين نهبتت ايدي على غفله حيل بدون مايحجي حررف واحد جراني وراه

رخيت جسمي مستسلمه خطواتي بلگوه ملحكات على خطواته من انتبه للناس تباوعلنا

مشه بهدوء وعاف ايدي كال امشي،سريع اتبع خطواته بدون روح حيل مستسلمه وصلنا للسيارة صاح اصعدي بقيت واكفه التفت عليه

-صعددي،يابه شبيج بت،المسموط

-عيوني نملن دموع ولعبره خانكتني. وين وين تاخذني.حجه بهدوء ،يطمن

-دصعدي خلي احاجيج ولا تخافين ماحاسبج

-صعدت،يمه،حرك السياره ساكت واني هم ماحجيت ورا شويه كال

-منو جابج للنجف شلون طلعتي منو وصلج احجي بدون كذب لان اعرف،اليكذبون

-مجرد،باوعلي بخزر حجيت كلشي حتى شلون اخذت الفلوس من محفظته مديت ايدي الخمسين البيها مسحولات سحل ..هااك. هذني خمسين اني مو حراميه بس انجبرت اخذهن

-امممم. مافكرتي باخواتج فيروزه تخبلت

-ماجاوبته عفت الفلوس يمه ودرت وجهي منه ابجي شيفهمهم شنو احساسي من كالو انتي السبب..هوه هم ماحاجاني،مشينه هواي وصار ليل،كال

ذياب::باوعي وركزي،بكلامي عدل
-التفتتله باهتمام وخوف يسوق ويحجي بدون مايباوعلي

-تذكرين من كتلج اني مو اخوج ولا تعتبريني اخوج بس هسه اكلج لاا اعتبريني اخوج وحالج من حال فيروزه خلي،هلشي بعقلج دائما انتي،اخت ذياب ومحسوبه عليه ولاتخافين مادام بضهرج ذياب ابن ابوه اليندك بيج

بسس بالوقت نفسه وهالحجي،مو بس الج حتى للبنات لاتسون تصرف غلط لا تخلني،بيوم من الايام انزل راسي لان وقتهاا راح تشوفن ذياب،ثاني وبالاخص انتي

روز::مسحت دموعي كتله. بس اني ماكدر اتحمل اتهامهم امووت من يكلولي انتي السبب لو بيبيتك من تكلي نغله







-اشگ حلكه اليسمعج كلمه

-بقيت اباوعله ما مقتنعه بحجيه معقوله الهالدرجة وضعي يكسر الخاطر بحيث ذياب نقهر عليه

وكف يم محل اشتره عصاير ونساتل بس كال اكلي اكلت بدون ما اناقش. رجع يمشي وثنينا ساكتين

عيني على الشارع وكلبي متفلش ماحسيت على نفسي من نمت

.فتره وفزيت .كلي اسم الله ..
-بيش الساعه شوكت نوصل

-نص ساعه ونوصل ..فيروزه اتصلت عليج وجاوبتها لان جهازي طفى شحن

-معصبه علي مو؟

-اعتقد حتى اذا ضربتج وطيحت حضج حقها ماشفتيها شلون خايفه عليج

روز::سحبت رجليه على صدري ..من اتنفس عبالك اكو سجين بگلبي كلما اتنفس ينغزني

من وصلنا كالي اوكفي لاتدخلين وحدج بقيت واكفه وهوا نزل يحرك برجليه يطكطكن اجاه اصهب ولولد سلمو ولتفتلي اصهب كال

اصهب::صدك جذب يابه وين رحتي سوايه هاي بعد اخوج

-دنكت راسي خجلانه .صاح ذياب امشي يله اتبعت خطواته مدنكه وكف بباب المطبخ وكلي دخلي هوه مادخل لان المطبخ مليان نسوان
اول مادخلت فيروز اجتي تركض حضنتي تبجي واني ابجي

بان::نومنا ايهم وكاعدين بالغرفه منتظرين ذياب وروز . الحد ما اجت بت مروه تركض كالت اجو ركضن اخواتي كدامي واني اخر وحده حيل خجلانه منهاا

.حضنتها فيروز تبجي وبيان ونرجس حضننها ويعاتبنهاا.ام اصهب والبنات البلمطبخ يبجن وياهن

اني واكفه بالباب بس دموعي تنزل وخرت منها فيروز وتضرب بكتفها تغلط عليها شلون سوت هيج وعافتنااا ..التفتتلي روز مسحت دموعها تباوعلي

تقدمت ابجي فتحتلي ايدها حضنتها حيل اسفه اسفه والله ماجنت اقصد سامحيني

-اشش يروحي لاتبجين هاي اني رجعت باوعيلي بان اشش كافي

ام اصهب::خلنها تفوت يمه تتعاتبن بعدين
فيروز::اخذتها للغرفه تتلفت خاف بيبي تحاجيهااا.دنكت على ايهم تبوسه مغمضه

..كومي غسلي روز. حتى تحجيلي وين جنتي

روز::ابتسمتلها وكمت دخلت للحمام غسلت ماكدرت تصبر اجت وراي واكفه بباب الحمام وتحجي

-وين جنتي

-رحت للنجف زرت اهلي

-تحجييين صدك للنجف وحدج

-سديت الماي وطلعت امشي وهيه وراي كعدت
بصف ايهم

-احاجيجج روز كل عقلج
-اي كل عقلي ماتحسين بالوجع البكلبي فيروز دامووت بالقران احس نار بكلبي ماتنطفي

-ااي ماحس احماااره ما احس الماتو بس اهلجن مو اهلي ماحزنانه عليهم كلبي مايوجعني على فراكهم
تدرررين ليش لان حضرتجن حتى مانطيتني مجال احزن ايهممم بالمستشفى وانتي تطلعين بدون علم احد بدون ماتفكرررين وراج حماااره راح تخاف تدرين شنو صار بيه من مالكيتج
تعرفين شنو حسييت لو شكد خفتت حتى بان تعاركت وياهاا







نرجس: :كافي فيروز صار الصار ..من اليوم من اليوم محد تسوي شي بدون علمنااا مابقالنا احد

خلنا نسند بعض اذا تفرقنا نضيع اذا كل وحده تفكر بس بحزنها شنو ذنب البقيه مو صح روز

تصالحن روز وفيروز. اجت عمتي ام اصهب جايبه عشا وكعدت يمنا كالت اذا ماتاكلن اني هم ما كل واني جوعانه ولازم اكل حتى اشرب علاج

بحيث جبرتنا ناكل بطريقتها اجت وراها عمه شيماء جايبتلنا ملابس سود سولفن ويانا شويه وراحن دخلنا نسبح وحده ورا الثانيه
نكعد كدام فيروز تضفر شعرنا كملنا وتمددنا على فراشنا كلمن صافنه بصفحه كالت بيان

بيان::اكلجن ذياب طلع عنده اخوان ثنين من امه واخت وحده

بان::شدراج انتي

-سمعت ام اصهب كالت لعمه شيماء اجو اخوت ذياب وسألتها

نرجس::ها يعني عنده علاقه بيهم

-اي ويحبهم تكول اخوه الجبير دوم وياه وذياب كلش يحبه

-امم عرفتي شكد اعمارهم اكبر لو اصغر من عدنا

بيان::مادري شكد عمره بس شفته مره بباب المطبخ جبير جنه ذياب

نرجس::تحسرت ساكته روز حضنت ايهم و بسرعه نامت وفيروز من كد ماخايفه عليها جابت شال شدت ايدها على ايد. روز حتى بس تتحرك روز تفز فيروز

فتحت تلفوني. اول مافتحت نت اجتي رساله من اشهاب
-نرجس ايهم خوماشلع كلبج
-لا زين نام
-وانتي
-شبيه اني
-ليش مانايمه
-هسه راح انام
-ضايجة؟
-فتحت الرساله وماجاوبته اني مو ضايجة اني احس روحي جاي تطلع التفتت الاخواتي بيان تباوع بصور اهلي وبان تحجي ويا شهلاء جوارينا بالبصرة. رجع دز

-وينج باوعي الهواء حلو ومحد موجود اذا تردين اطلعي اني كاعد بالساحة

-تمام هسه اجي. كمت بيان كالت وين
-مختنكه راح اطلع يم شهاب بالساحة يكول محد مووجود .تردن تجن؟

-اججج ماريد روحي انتي بس لا تتاخرين

نرجس::خليت شال على شعري وطلعت من الغرفه على كيف حتى مايفزن صار بوجهي ذياب ديصعد بقيت واكفه بمكاني وصل يمي فتحلي ايده دخلت بحضنه مغمضه عيوني

سبحان الله شكد ماضجت منه الصبح شكد ماهسه احس بامان وحب عبالك حاضنه بابا مو ذياب

وخرني من حضنه حاضن وجهي بين كفوفة عينه بعيني كال

ذياب::شلونج
-زينه
-اخواتج نامن
-اي بس بان وبيان بعدهن
-وانتي وين رايحه بيج شي
-لا بس مختنكه راح اطلع بالساحة شويه يم شهاب

-اهاا ليش يعني شتسوين؟

-بقيت اباوع بعيونه حسيته ماقابل بس مديكلي لاترحين. باوعلي كال يله روحي ولا تتاخرين خاف فيروزه تكعد ماتلكاج وتخاف







-تمام بس شويه وارجع. رفع ايده يعدل بحجابي لان اني مالافته بشكل صحيح فتحه وعدله ابتمسلي. وكال روحي

-نزلت وافكر بتصرفه حلو خوفه وحنيته الصاله ظلمه كلها نايمه وحتى ضوا المطبخ مطفي وباقي خفيف

-طلعت اباوع الساحه بيها بلوجكترات كبار مو ظلمه ركزت شفته بالاخير كلش اكو جربايه من حديد كاعد عليها وتلفونه. بأيده تمشيت كعدت يمه اول سؤال سئله

-تعشيتي
-اي
-البنات شلونهن ولبنيه روز شلون صارت
-زينه الحمدالله ..شهاب اريد اسألك شي

اخوان ذياب من امه شكد عمرهم

-حمزه جبير عمره واحد وعشرين سنه واحمد صغير يمكن 16 والبنيه مادري بعدها طفله يجوز 9 سنوات ..بس ليش

-اها زين شلون علاقتهم بذياب يحبهم مو

-حمزه علاقته مو بس بذياب حتى ويانا كلنا نحبه دوم ويانا وصديق اصف المقرب يمكن قريب الاصف حتى اكثر من ذياب

-زين يعني هسه همه هم يعتبرون اخواني مو

-ههه وين لكييتيها هاي خوماكو شي لاعيني كل قرابه مابينكم

-ليش همه اخوان ذياب واحنه اخوات ذياب

-اي بس مو اخوتج جا هيه كوه شنو. امهم وابوهم يقربوولج؟

-لا بس امهم ام اخوي
-تحجين صدك انتي لو. تغشمين بنفسج
-لا والله صدك يعني احس لازم هم يكونون اخواني

-لايابه شيلي هالفكره من بالج كلشي مايعودولج
اخوج يا اما من امج وابوج او من واحد منهم او راضع وياج بس بس حمزه واحمد نهائيا مابينكم اي قرابه

-لا انته ماتعرف وين هسه حمزه راح
-لا ويا اصف بات هنا ماخلاه ذياب يروح

-ها كاعدين لو نامو
-كاعدين
-وكفت كتله ماشي خلي اسلم عليه واسأله انته اخوي لو لا.راسا تغيرت نبرة صوته العصبيه

-حتى اكسر ايدج كعدي احسلج نرجس صدك تحجين لاتخبليني عود صدك ماتعرفين اخوج لو لا

-لا اعرف مو اخوي بس يعني يعتبر اخوي هجي قصدي سكت ماحاجاني رجعت كعدت ساكته رفعت رجلي الصدري ضميتهن بين ادي الجو بارد

دك تلفون شهاب كام تمشى بعيد عني وجاوب
غمضت عيوني متمنيه افتح والگي نفسي بغرفتنا وكل هذا ماصاير تمنيت افتح عيوني واشوف وجه بابا وضحكة ماما

فتحت مفزوعه من حسيت احد كعد بصفي واخذ راسي الحضنه عبالي شهاب اجر،بأيده مني

-طفرتني ..
ذياب::حاجيتج ومانتبهتيلي
-رجيت راسي على كتفه ..ساكته مبين ما أطمن واجه ورايه كال بهدوء وسواها بالشقه

-شنو عبالج شهاب حضنج
-جاوبته بعفويه. اي نصدمت
-شحده حتى اذبحه ع قبله منو يتجرأ يلزم ايد اخت ذياب مو يحضنها







شهاب::منو حاضن منو

نرجس ::كعد شهاب بصف ذياب كاله ذياب
-نرجوسه حضنتها وهيه مغمضه فزت عبالها انت

شهاب::هه اكلك ذياب حمزه اخوك شيقرب النرجس
-مايقربلها اخو اخوها

-ها سمعتي لطشت تكلي هم اخوي وتريد تسلم عليه
نرجس::رفعت راسي من كتف ذياب. كتله بس يعني يعتبر اخوي مو صح

ذياب::لا موصح يعتبر غريب عنج لاتسلمين عليه ولاهم يحزنون وهسه كومي يله نامي وانته شعدك الهسه كاعد

شهاب::رايح انام
نرجس::مشيت بصف ذياب يشبخ كل بايتين سوا واني بايه بايه بحيث وصل للنهايه واني بعدني بالنص وكف بباب غرفتنا منتظرني

ذياب::يله نامي ولاتطلعين بعد
-هزيت راسي اي. دخلت لكيت البنات نايمات حشكت روحي بنصهن ونمت كنت دائما الوحيده بيهن روز وفيروز سوا وبان وبيان سوا

فيروز::فززيت الصبح على ايد روز تفتح بابشال من ايدي ..وين رايحه

-اسم الله شبيج اريد اروح للحمام فتحت ايدي وطلعت توضيت اول ماطلعت من الحمام لكيتها بوجهي ..بسم الله. خرعتيني شجاج

فيروز::ماكو شي اريد اصلي. ابقي هنا انتظريني

-ماشي. دخلت وكلساع وصاحت اكلج روز حتى لو ماتريد شي تحاجيني عبالها هم راح اروح دخلنا للغرفه صلينا وكعدت يمها..فيروز والقران وروح امي ماروح بعد ليش خايفه

-خايفه لان ببساطه عفتيني ورحتي ماهتميتي لا الي ولا للبنات وايهم

-غلطت وهاي هيه والله لو اموت ماروح بعد وتدرين حتى من رحت جنت ناويه ارجع يعني وين اروح ردت ازور وارجع..

بقينا نسولف ونحلف نكون سند البعض. منا لمن كعد ايهم ولبنات. جوا هوسه مانزلنا ابد ام اصهب اجت هيه جايبه ريوك اكلت اوكلت ايهم وبس انزله من حضني يبجي

فيروز::مر اليوم لاشفنا ذياب ولا الحجيه ندري اليوم عدهم كعده فمانزلنا ابد محبوسين بالغرفه وام اصهب وعمتي شيماء وبناتها كلساع يجن يمنا

نسمع بس صوتهم ذياب واصهب كلساع متعاركين مدري ويا منو ..صارت عشيرتنا رافعه دعوه على عشيرة حجي خاجي القتلو اهلي

وهمه رافعين دعوه على عشيرتنا وبالاخص ذياب اصهب بطرس اصف شهاب وعمار ابن حجي خيون وحمزه. اخو ذياب

.اخوت الحجيه وولد عمها همه الازمين المركز المسؤل عن منطقتهم الهسبب ولدنا ماينسجنون لان الدنيا سايبه وتمشيها الواسطات

اما ولد حجي خاجي كلهم بالسجن فطلبو يسلمونهم ذياب ويتنازلون عن الدعوه وينتهي الثار البينهم. يا اما وين مايلكون واحد من عشيرتنا يقتلونه

والشيوخ الموجوده من غير عشاير ماقابله لان ذياب اخذ ثار ابوه ومرت ابوه انتم مالكم ثار عنده ..فالقرار جان احنا نفصلهم فلوس ونتنازل عن ولدهم لان همه جانو يطلبونه ثار







ذياب لايقبل يفصل ولايقبل يتنازل ..نتهت الكعده. وناس طشت وصارت عركه بين ذياب واصهب وبين حجي خيون لان ذياب مايمشي بكلامهم

وخلص اليوم واحنا ماشفنا ذياب ومر الليل مثل السم علينا كل جزء بينا اشتاق الحضن اهلنا

واليوم الثاني جانت الكعده مال الولد النكتل بدون سبب الي على اساس من غير عشيره ومات ظلم بوسط العركه وهوا لابيها ولا عليها

.فصلوهم فلوس بس اخو الميت ماقابل وكايللهم وين ما الگي ذياب لو واحد من ولد عمه اكتله واخذ دم اخوي. فا خيون صاير كريم

وكايللهم ننطيكم مره وذياب متخبل كايله انجوم السما اقربلكم وكذلك انتهت الكعده بدون صلح ورجعو ذياب واصهب شايطين وعمي مهنا
يتعارك وياهم لان حيل متجاوزين بالكعده

اجت ام اصهب وكالت انزلن عمجن مهنا يريد.يسلم عليجن ..نزلنا كلنا سلم علينا وحضنا وحتى روز حضنها وضل يكول اني ابوجن وشتردن اني موجود وعمي مهدي بس سلم علينا ماسمعنا منه كلمه

دخلنا وياهن للمطبخ لان ماراهمه كاعدين وهنه يجيبن الاكل النا. الحجيه خلصانين منها ماتطلع من غرفتها مخلصتها صلاه وبجي على ابويه

عمي مهنا وعمي مهدي. واسعد ابن عمي مهدي كالو باجر نروح للناصريه يحجون ويا شيوخ كبار هناك. حتى يحلونها

مدت ام اصهب السفره بنص الصاله وبدا الكل يتجمع احنا نخليلها الصحون بصينينه وهيه تاخذ تخلي على السفره الحد ماكملنا كالت يله تعالن

روز::اني ماشتهي
بان::اني هم ماريد
ام اصهب::شني السالفه كومن يمه كومن لو تردن احطلجن وحدجن

ذياب::لا يجن يم اخوهن ياكلن مو صح

فيروز: :كلنا باوعناله فتحلنا ايديه مبتسم تقدم علينا سلمنا عليه صار يومين ماشايفينه التفت على روز كلها شلونج

-الحمدالله
-يله تعالن تعشن ممنوع وحده تكول ما اريد يله
فيروز::مشينا گدامه كعدنا بصف مروه هستوه كعد ذياب

وسمع صوت دراجه گام فتح الباب وطلع شهاب كال اجه حمزه كومن

وكفنا كلنا
اصف::شسالفه اكعدن واذا اجه حمزه اخو ذياب ترا
مهنا::اكعدن بويه عادي وليدنا هذا دوم عدنا

نرجس::رجعنا كعدنا فات ذياب وياه حمزه
سلم ولكل رد عليه باوعلنا وكال لذياب وهوه يضحك

حمزه::هذني اخواتك اخواتي يعني هه شلونجن اخوات اخوي

نرجس: :ردينا عليه وكعد يم اصف ياكل حتى عمتي ام اصهب ومروه وخلود وسهام عادي متعودات عليه محد كامت

همه ياكلون ويسولفون رفعت عيني اباوعله من درت منه صارت عيني بعين شهاب خازرني غلست ودنكت

كمنا للمطبخ بان تضحك

بان::شنو هالمعمعه حمزه اخو اخونا بس مو اخونا وعلي احنا عائلتنا تضحك
روز: :انتن اهون اني ذياب اخو اخواتي الربيت وياهن الي هنه اصلا مو اخواتي الحقيقيات







نوب اجه حمزه تخيلي احد يسألني عليه شكله
اكول حمزه اخو ذياب اخو اخواتي بس حمزه مو اخوهن ههههه شنهاي

نرجس::عمه شعجب هجي علاقته قويه وياكم
ام اصهب::مو هوه تربه ويا ولدنا اويا ذياب اكثر شي مو ابوه هم يگربلنا من بعيد كلش

روز::وكفنا ويا مروه نغسل مواعين وسهام تصب چاي خلود تشوي جبود للحجيه حيل تهتم بالحجيه

الولد طلعو من الصاله كلهم للديوان طلعنا احنا من المطبخ
ام اصهب وابو اصهب بباب الاستقبال ويا طلعتنا باساها بخدها مامنتبهلنا

احنا خجلنا وهمه خجلو صعدنا فوك ركض كعدت ايهم غسلتله اوكلته ..فيروز ويا منو تحجين

-ويا خاله شهلا(جوارينهم)
-شتكلج
-تسأل شوكت تجن الدوام راح يبدي ..وامس هيه رايحه لنجف زايره اهلي

بيان::صح مابقى بس يومين للدوام شلون
بان::فيروز احنا نرجع البيتنا غير بس يخلصون مشكلتهم
نرجس::اجينه امنا وابونا ويانا ونرجع بس احنا وذياب ..ماتحجين فيروز شبيج

فيروز::فركت وجهي ضحكت باستهزاء..اي اي الله كريم. وبيني وبين نفسي اكول هاي اذا خلونه نرجع ..روز صفنت بووجهي عرفتني

بقيت اباوعلها وعيوني نملن دموع هاكد خايفه عليهن شلون احميهن مادري خايفه ذياب يتخلى عنا

.بس تقربت مني حضنتني نفجرت بالبجي وهيه تبجي وياي..خرعتنا صوت الصياح الجوا نزلنا نركض

ملتمين كلهم بالصاله الولد واحد يصيح على الثاني وعمي مهنا يرزل بيهم جده على صفحه وتصيح

-اطني التفلون(التلفون)خابرلي. ابو حويدر هيته هيه يطلعون على الولاد خابره الي اليوم انعل والديهم

مهنا::ياااابه شعليه الرجال جاي يكلي اجه فوج من المدينه عليهم مو يمه االسالفه

.يله امشو للهور يم الگيعان لاتردون

ذياب::ااي حتى يكولوون شردو خلنا ننسجن ومانشرد

مهنا::تشررد وانته الممنون يكتلونك بالسجن

اصهب::يابه صدك تحجي تالي عمرنا نشرد

مهنا::وشني انته وماتشرد انا شيخ ابن شيخ ومن نرفعت عليه دعوه شردت بالعباس اذا ماطلعتو هسه حرام بالحرم اذا باوعت بوجه واحد منكم بعد

فيروز: :صافنه بصياحهم مافاهمه كلمن يحجي شكل وعمي هادي كلساع يخابر. وذياب تلفونه وجكارته ماطاحن من ايده

اصهب يتحاجه ويا ابوه. ذياب ضحك وهوا يخابر مادري منو وكله يله عمي يله عود هذا انته الجبير ااي اي يله شاردين

.سد المكالمه وكلهم يباوعوله كلهم وهوا يضحك

ذياب::كومو يابه يله نشرد بلهور ولا مثل عمار شارد يم نسابته







.نفجرو الولد من الضحك ولاجنهم هستوهم اعصاب ويعاركون. اشرلنا ذياب بحاجبه اصعدن

صعدنا وهوا ورانا دخلنا للغرفه كال فيروزه تعالي وراي

طلعت وراه دخل الغرفته. فتح كنتوره ويحجي وياي

-اخواتج عينج وروحج عليهن مايغيبن من كدام عينج واذا احد حاجاجن بس اتصلي الا أگلبها عاليها واطيها بالقران ..ولبنيه هم ديربالج عليها

-هوا يحجي واني.مركزه ويا ايده جر جنطه صغيره خله بيها تراكسوت وشورت وفالينه داخليات

جر الشاحنه والهيتفون ورجع اخذ طبقه مال جكاير كامله سد الجنطه

-شوكت ترجع ذياب
-مادري الله كريم يوم يومين
-شوكت نررجع للبصره راح يبدي الدوام ..حجيت هجي مأيسه وهوا يلف بجراويه گبال المرايه . رفع عينه يباوعلي
ضحك باستهزاء وماجاوبني.

جر جنطته وتقدم سحبني عليه باسني براسي وطلع واصهب من جوا يصيح فضوها جا اجو عليمن بعد شااردين

وكفت ببداية الدرج اسلاحهم بأيدهم اباوع لذياب مشه ورجع كال البسن عبايه خاف يجي التفتيش

هزيت راسي ااي همه طلعو ودخل ليث للصاله يهز جتف
عمي مهنا شال طفاية الجكاير اليمه وركعه بيها كله عدنا فااتحه يا ملطلط

ليث::ههه نسيت فرحان ما مسجليني بدعوه انا لست هارب مثل البقيه

فيروز::عفتهم ورجعت للغرفه ..البسن بشتات

روز::شكو
-راح يجون الشرطه يفتشون غير
بان::اني اخاف اوكفن يمي
فيروز ::خزرتها ماياكلونج عيني قابل مجرمه وتخافين

لبسنا بشتات وشالات ونزلنا كال عمي مهنا فوتن يم الحجيه يله ام اصهب

دخلنا كلنه بغرفة الحجيه. هنه يسولفن ويتناقشن عبالك شيوخ كلشي يعرفن

ربع ساعه واجو بيبي لبست عبايتها اوكفت كدامنا ضلو يفترون بالبيت فات واحد هوه وعمو مهنا للغرفه باوعلنا وكال العمي

-وينهم. ليش يشردون ليش مايسلمون نفسهم
-مادري بيهم وين يابه يسلمون نفسهم همه شمسوين ويسلمون نفسهم المجرم يسلم نفسه اولادي مامسوين شي

-شيخ عليهم دعوه مسوين شي ما مسوين يسلمون نفسهم احسن

-خلي اعرف وينهم واني بأيدي اجيبهم الك

فيروز: :طلعو من عدنا كبل جريت البنات وصعدنا فوك. حتى الحجيه ماتسمعنا كلمه تغث

اتصل ذياب يسأل حجيتله بالحرف الواحد وهوا يسمع ويسأل شلبستن وين وكفتن منو يمجن منو نامت منو بعدها ايهم شلونه

طمنته وسديته منعنده روز مخليه ايهم على رجليها تلوليله مثل ماما وعلى صوتها كلنا نعسنا

روز::شلع كلبي ماينام رجليه تكطعن وراسي نسطر على كد مالوليتله. درت على اخواتي نصدمت كلهن نايمات

.وايهم ضل يتغنج اشش يمعود لا تكعدهن
نطيته تلفوني مايريد شمره نزلتله الأغراض العلى الميز لعب بيهن شويه وشمرها

.كمت طلعت كل غراضنا عطورات وحمره ومسكره
هاك العب بيهن مايكدر يفتح الحمره قويه شمرها واني اضحك عليه

جريت تلفوني اباوع ثبتت صورة حداد واباوع الايهم تمددت يمه رافعه راسي بأيدي

بأيده العطر يريد يرش مثبته بالگاع مقابيل وجهي ويدوس بيه ماينداس ماعبالي مديور عليَ كتله هيج هيج اني ادوس بس دستها نترسن عيوني

صرخت حيل محتركه ..فيروووووز اااخ عيوني فيروز

فيروز::اسم الله ..اريد الزمها ماكو تصرخ ..بس خلشوف شبيييج روز. فزن البنات مخروعات ركضت نرجس جابت ماي نغسللها وهيه

تخبلت. وايهم على بجيها يبجي اجت ام اصهب طاير كلبهااا تتوسل بروز تفتح عيونها وروز تبجي وساده عيونها حيل اريد الزم عينها انفخ عليها ايدي ترجف

ام اصهب::ولج يمه بس خليني افتحها وخري فيروز

روز: :يحرررركننني عمه ماكدرر
ام اصهب::هاي قطره تبردهن بس خليني احطلج

فيروز::تمددت على رجليه وكلنا ملتمين عليها نرجس تسكت بايهم وهوا غاص من البجي

بان وبيان لازماتها من اديها. وعمتي ام اصهب تريد تفتح عينها اول مافتحتها صرخت بان تبجي

وروز نجنت شبيهن عيوني ..عيونها موبس حمر مثل كل مره هلمره صايرات جبود يخوفن

-فيرروز شبيهن عيوني احججججي
ام اصهب::مابيهن شي والله يله هاه افتحي الثانيه. غمضي بعد هسه يبردن

فيروز::بان وبيان بجن من شافن عيونها خانكات صوتهن بيدهن .....

يتبع

ثأرهم وبنات المسيحيه(الاصليه) - البارت8 -
𖦹 𖦹𖦹 𖦹 𖦹 𖦹𖦹 𖦹 𖦹

عاتبت
ومنيلهم واهس وحشتي
انة من ادخل مكابر
يشتم الميت حسرتي

𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹 𖦹 𖦹𖦹 𖦹
فيرروز شبيهن عيوني احججججي
ام اصهب::مابيهن شي والله يله هاه افتحي الثانيه. غمضي بعد هسه يبردن

فيروز::بان وبيان بجن من شافن عيونها خانكات صوتهن بأيدهن .....

وام اصهب تأشرلنا بأيدها اشش عود لاتخوفنهاا اخذتها بحضني ارجف ، ام اصهب شويه ونزلت

-روز بعدهن يحركنج احجي؟
-اي وينج بان باان
بان::وخرت من يم بيان مسحت دموعي وتقدمتلها لزمت اديهاا. هاا هاي اني يمج

-ليش صرختي عيوني بين شي ؟
-لاا مابيهن شي لاتخافين هسه يصيرن زينات

روز::وخرت من حضن فيروز. متعوده على الظلام والحرك البعيوني بس هالمره حيل تأذيت لان عطر احسهن مايبردن

.نرجس نطيني ايهم
فيروز::عوفيه عدهاا هسه يسكت نامي انتي خلي عيونج يرتاحن

-لا انطينياه مايسكت وينج نرجس
نرجس::خليت ايهم بحضنهاا كعدت تلوليله شويه ونام واحنا ملتمين عليها

فيروز: :اخذت ايهم منها نومته بصفي ..روز
فتحي عيونج بس ثانيه بس شوفيني ورجعي غمضي

روز::اخااف فيروز حيل يأذني
فيروز::ميخالف فتحي وحده ورا الثانيه يله. سديت وحده من عيونها بأيدي فتحت وحده وبسرعه غمضت.

-ها شفتيني

-اي شبيج اشوف قابل عمية

-ماشي افتحي الثانيه ..هم فتحتهاا وغمضت. بسرعه. اطمنت شويه. كتلها راح اروح اشوف شاش من ام اصهب واجي

نزلت جوا دكيت الباب على كيف بسرعه طلعتلي

-عمه اريد شاش الف بيه عيون روز ماما كانت دائما تسوي هيج من يتأذون عيونها

رجعت للغرفه وجابتلي كومه شاش وقطن اخذتهن من عدها وصعدت ...لفيتهن الهاا

روز ماشويه احسن مايحركنج؟

-اي احسن من مسااع. نامن يله لاتخافن صارن زينات ..تمددت حاضنه ايهم وفيروز غطتني ايهم بنصنا اني وياها

مخليه ايدها فوك ايدي ونرجس وبان وبيان محشوكات بيناا. بعدهن عيوني يحرگني. بس مو مثل بالبدايه

فيروز: :فزيت الصبح على ايد ام اصهب
هاا عمه
-اكعدي وكعدي اخواتج يمه خلي اخذ روز الهذا المستوصف عمج مهنا راح وخابرني يكول لاتخلينها هيج







-ماتروح عمه بس اكو صورة قطره عندي بجهازي اريد منها لان مالتها بقت بالبيت

-ليش خليني اخذها بلكن يطوها قطرات زينه

فيروز -بعدني ماراده عليها وحجت روز

روز::لا عمه ماكو داعي بس جيبولي هاي القطره واني اصير زينه

-جا يمه خاف مو زين على عويناتج
-ابتسمتلها. لاا مابيهن شي حتى مايحركني زينات بس لازم اخلي من هاي القطره

-هاي هيه يمه براحتج. اخذن راحتجن اليوم البيت مابيه ولازلمه اعمامجن راحو للناصريه ولويث اخذ اكل للولاد

فيروز::عافتنا ونزلت كعدت البنات روز كالت
-رجعنا للدلال راح تدللني اليوم مو

نرجس: :ندللج يابه جم روز عدنا
بان::بس وحده وشعرها كناكير هههه
روز ::هااا بان رجعنا الهلسالفه
بيان::عوفجن من الشقه صدك روز عيونج خومابعدهن يحركنج

روز::لا عمري زينات
فيروز::يله عوفن اللغوه كومي نرجس غسلي وبدلي ايهم حتى ننزل جوا عيب من ام اصهب ، هيه تسويلنا ريوك

نرجس::غسليله انتي واني ابدله
فيروز::والقران اني ما اغسله تدرين بنفسيتي
روز: :اووه ترا ماراح تلزمن شي هوا تنضفنه بالحفاضه نوب تغسلله شبيجن

فيروز::بيان انتي امس غسلتيله غسليله هسه هم يله ..سدت عين وفتحت عين ماعاجبها شمرت عليها المخده. كووومي جنج سطيف

اخذت ايهم غسلتله وجابته كعدت نرجس تبدله وتوكله وهوا بحضن روز من يشوف روز مايكول اريد ماما

بس اذا روز ماكو يتخبل ، نرجس اخذن ايهم ونزلن خلي اخذ روز للحمام ونجي وراجن

روز::اي بان بيان انتن سون ريوك عيب ...نزلن البنات وفيروز تمشيني للحمام فتحت الشاش من عيوني

حتى اغسل وجهي ..عيوني منفخات حيل وداير مادايرهن احمر ..فيروز شو ماكدر افتحهن

-دنكي بله غسلي ..غسلت وجها وتباوع بالمرايه حيل مورمات عيونهاا فتحتهن شويه زين مو مثل. البارحه كبل كالت

- بعد مانلفهن كافي
-نجبيي ماما كانت تلفهن يوم لو يومين وكل ساعتين لو ثلاثه تفتحهن شويه. تخليلها قطره وتباوع على الاحمرار الحد مايروح يله بعد ماتلفهم بشاش..

توضينا ورجعتها للغرفه لازمتها من ايدها فرشتلها السجاده وكفنا انصلي كملنا ونزلنا جوا لكينا الحجيه وخلود كاعدات بالاستقبال تلعب بايهم ونرجس كاعده يمهاا ساكته

باوعتلناا .دخلنا للصاله كلت صباح الخير ردن عليه وبيبي عينها على روز جرت مخده من وراها وشمرتهاا بصف نرجس كالت

-كعديها هناا

مشيت روز ساكته كعدتهاا كالتلها بيبي

-جا شمالج راشه العطر بعيونج







نرجس::مو هيه ، ايهم وهيه عدها حساسيه ماتتحمل

-تريكن خلي اخضها لهذا المستوصف

فيروز::فتحت عيوني على وسعهن هاي منو معقوله ...وشبيه مخبله اسلمج روز ..لاصارن زينات عيونها ماكو داعي

خلود::جا شني المن لافاتهن عياره

الحجيه::الغمه جا انتي شتعارفين غير تكلج بيهن حساسيه ..شني هاي الكطره الكالت عليها هيام شسمها اكتبيها الي بورقه خليروح
عليوي يجيبها. تعاال ولك عليوي

فيروز::والقران فلا اقتنعت هاي بيبي صاحت على علاوي ابن اسعد انطته عشره وكالتله

جيب ورقه خيكتبلك اسمها روح للصيدله ركض ارجع موش تتاخر ..انطه ورقه النرجس كتبتله اسم القطره وراح. ضلت تلعب بايهم واحنا وحده تباوع بوجه الثانيه

بان وبيان سون ريوك كعدنا يمهن بيبي صاحت على مروه تعالي اجتها مروه تركض كالتلها

-ام فارس مو جابت الحليبات حطي بطاسه وثردي بيه سياحه خلي اوكل هلصبي شضعفاته

روز::همست بصوت ناصي. فيروز شراح توكله هذا يتقيئ اذا شي ثگيل على معدته

فيروز::بيبي وكلناه هستونا من يجوع وكليه لان اذا ضغطنا عليه بالاكل يتقئ

باوعتلي ماعاجبها وصاحت على مروه لاتسوين كامت خلود ويا سهام ينضفن وام اصهب بالساحه تكنس

نرجس اخذت روز تغسللها واني شلت المواعين للمطبخ غسلتهم رجعنا يمها بالاستقبال كملن شغلهن

وكلهن كعدن يمها ب9 هنه خلصن كلشي اجت عمه شيماء وزهراء سلمنا عليهن وكعدن يسولفن

اجه ليث ميت من الضحك ناصب على الولد شلون همه شاردين وهوا ماعليه دعوا بس ينقتل اذا راح يم اليطلبونا ثار

ليث::وعلي خطيه كسرو خاطري الطباخ عطلان وضالين على الجمر.ولمولد عطلان قهرتهم واجيت

ام اصهب::شمالهم ماكتلوك

ليث::افه وسفه شحدهم
فيروز::ضل يسولف شلون ناصب عليهم سألتة وين كاعدين كال عدنا گيعان عمي مهدي بعيدات بصف الهور

مخلين بيهن فلاح وبانيله غرفه وحمام علمود من يسگي يكعد بيهن. ومن تصير علينا دعوه السبع بينا يشرد هناك

دك تلفونه باوع على بيبي كلها بدريه هاي بت عمج تخابر. غلطت عليه بيبي شلون يكلها بدريه جاوب ويصيح على امه هياام انطي حبة ضغط البدريه لاتموت وبتلي يضحك عليهن

كلها يله جده جايج هوا انا مبتلي بلعجايز والنسوان هذا حضي

سد المكالمه وكال بدريه اني رايح اجيب بت عمج. شمرت عليه النعال وهوا طلع يضحك شغل السياره ورااح عشر دقايق ورجع كامن كلهن تلكن الحجيه مرت خيون اكبر من بيبيتي وتعبانه اكثر منها بحيث وصلتنا تلهث سلمنا عليها ، عمتي شيماء وام اصهب يردن يكعدنها كالتلهن ولكلمة كوا تطلع منها







-انا ماجتيش اكعد. ام مهنا خيه خيون ناويلكم على شر وتصير مذابح

-بيبي لطمت هلى صدرها. ..وهيه كملت كلامها

-يدري لا الولاد هنا ولا مهنا. وراح يسوي كعده العصر. ينطي البنيات فصليات وانا عيب اكدر ارده

-يمممه يمه غير يجتله ذياب خيون يفتررر عليه مايكعد ولج ام مرتضى خيه كفيلج العباس ذياب مخبل يطكه جيله ويجتله

-عيب يدري بيه اجيتكم ..ياخذ البنوات منجن وماتكدرله طلعي البنوات مناا

فيروز::كلنا ساكتين وبيبي تخبلت كلساع لاطمه على صدرها تريد تخابر على عمو مهنا وام مرتضى ماتقبل

تكلها اذا خابرتي مهنا راح يعرف خيون اني الجيت وكتلكم عمتي شيماء كالت اخذهن وياي

اجه ليث وسمع السالفه نجن ولاكانُ الشخص الكاضيها تحشيش ضل يغلط ويسب وشحده يوصلهن الا اكتله

حتى سهام وخلود تخبلن ماقابلات وخلود تكلها اوديهن يم اهلي بس بيبي كل الحجي ماقنعها

احنا كلمه ماحجينا مافاهمين شي منهن ليث حتى الحجيه مايقبل يرجعهاا توسلت بيه امه يوصلها

.هوا طلع منا وام اصهب كالت عمه نخلي ليث ياخذهن يم الولاد. التفتت علينا بيبي وكالت بحركه

-كوومن كومن تسترن خلي الويث يوديجن يم ذياب

كمنا وام اصهب ويانا وطمن بينا لتخافن وبس خلتنزل الدعوه على الولد وكلشي يتصلح كالت اخذن ثياب تبدلن بيهن.

روز مانطقت حرف لبسنا على السريع اخذت علاج ايهم وحليبه نزلنااا للصاله ايهم مجلب بروز. شالته واني ونرجس نمشيهااا

اجه ليث وكالته وديهن وهوا قافل مايودينا. يصيح اني هنا واشوف يازلمه يوصلهن. بالنص ساعه احنا بس واكفين. بالصاله

وبيبي وام اصهب يتعاركن وياه لان مايقبل كالتله بيبي اذا ما اخذتهن اخابر ذياب اخليه يجي

من خوفه على ذياب قبل ياخذنا وبيبي تصيح اني اخابر ذياب وفهمنه انته بس وصلهن وردلي موش تضل هناك

صعدنا وياه بيان كعدت كدام واحنا ورا. ماحجينا ولا كلمه من شفنا عصبيته وجديته بالكلام اكذب اذا اكول ماخفت

كل جسمي يرجف .طول الطريق ليث يسب ويفشر على خيون اول بدايه مشه بطريق عادي

بعدين بدا يدخل بشوارع تراب والسياره بيك اب عاليه كلساع واكعين بطسه وهوا يسوق سريع

تقريب بالساعه ساعه الا ربع ضل يمشي بمكان مقطوع اهوار وبساتين اشجار شفنا كم شخص يسگون بالزرع ومن فتناهم

بعد ماشفنا شي غير قصب وشط فتنا على اراضي زراعيه حجه بهدوء كال هاي گيعان عمي مهدي

اكو اشجار عاليات كلش بشكل دائري افتر ودخل بنصهن غرفه ولولد كاعدين منتظرينا نزلنا من السياره ذياب معصب وعاكد حواجبه







بدون مايسلم تركزت عيونه على روز من نزلتها راسا صاح بعصبيه

ذياب::هاي شبيهاا
فيروز:: روز جفلت خايفه ..كتله مابيها شي ايهم رش عطر بعيونها وهيه عدها حساسيه

سكت خازر ليث ..وليث يجنب يباوعله اصهب گام فرش بساط بفي الاشجار

اصهب::تعاالن يابه اكعدن
فيروز::كعدت روز وعيني على ذياب حضن بان وبيان ومشاهن يمنا شهاب اخذ ايهم يشمره ليفوك ويلكفه وهذا يضحك

ذياب::شبيج فيروزه
فيروز::التفتتله باهتمام..ها مابيه شي. بقى يباوعلي مامقتنع. تلافيت نظراته

ليث::محتاجين شي راح ارجع اني
ذياب::ارجع وديربالك من الطريق لاتجي سيده لهنا خاف يتبعونك

بطرس::من تجي وياك جيبلي كتاب
اصف::غير يگعد المثقف حتى وهوا شارد يريد يقره
ليث::اجيب مرض كلشي ما اجيب ولا اجي بعد

ذياب::اي لا تجي ضل ويا النسوان حالك حالهن

ليث::عادي ويا النسوان ولاشارد بالهور اهم شي ماعليه دعوه

اصهب::غير ما حاسبينك زلمه
ليث::هههههاي لايحسوبني زلمه مادام الزلم تشرد

فيروز::ذياب شال نعال وشمره على ليث ضحك عليهم ومشه
ضلو يسولفون بينهم ما مهتمين النا اصف وبطرس اخذو شبك وكالو راح نصيد سمج وبان وبيان لطشن وياهم

بيان::حباب ذياب خلي نروح ماشايفه احد يصيد سمج
ذياب::لا تغركن
بطرس::اني ماخايف يغرگن خايف يفگرني وكلشي ماصيد

بان::كلنا خير وبركه اخذونا وشوفو

اصهب::وين ياخذونج ولج هنا همه منا تكدرين تشوفينهم

اصف::يله تعالن عود نكعدهن على جرف

ذياب::روحن باوعو اذا وحده منهن مو تغرك لا اذا تتبلل رجلها اجي اشبعكم ماي

بطرس::تكعد هسه شماخذين ويانا الاميرات

فيروز ::خزرت بان وبيان ماردت يرحن خايفه عليهن خاف يغركن لو يصير بيهن شي خبيثات عرفني ماقابله ضلن مايباوعلي من ذياب كلهن روحن. كتله ..لا خاف يغركن لاماترحن راسا كالي بس اني كتلهن روحن ..سكتت ماجاوبته بس ودي الزم بان وبيان اكطعهن اصف كلي

-مايغركن يمعوده قابل راح اطلعهن تهريب من البحر وتخافين

اخذو الشبك وراحو سحبت ايدي من ايد روز اريد اعدل كعدتي
صاحت بخووف ووين رحتي فيروز.. وتدور على ايدي لزمت ايدها بسرعه. هاي اني يمج مارحت المكان ، اصهب وذياب يباوعولهاا ساكتين ذياب فرك وجهه وگام دخل للغرفه

اصهب:: شنو جبتولها علاج شي ليش ماخليتي عمه شيماء تاخذها للدكتور

-لا مو هيه عدها حساسيه وماما اخذتها الاحسن الدكاتره قبل وماتحسنت بس هالمره اذوها كلش لان نرش بيهن عطر







-اي بس ميخالف غير يشوفها دكتور
فيروز::دنكت ساكته وهوا هم سكت. نرجس واكفه بصف شهاب يلعبون بايهم

روز: :فيروز خلي افتح بس اشوف المكان

-لا حبابه مو هسه خلي من ندخل جوا خاف هواء ويزيدن ..درت على صوت ذياب طلع مبدل ويحجي

ذياب::افتحيهم يابه ماكو هوا موزين عليها تلفينهن هذا يادكتور كالج لفيهن غير تعمى

-لا هوا دائما هيج نلفهن من وهيه طفله اذا التهبن عيونها ماما تلفهن

-عزيزتي حتى لو ، افتحيهن كل ساعه موزين عليهاا

روز;:مدري شبيه هاكد خايفه من ذياب بحيث من يحجي بدون ما اشوفه اتخيله عاكد حواجبه ومضيق عيونه والجكاره بحلكه هيج اتخيل شكله

فيروز::همست على كيف شلون افتح الشاش وانتي. لابسه شال ..كومي هناك بالغرفة

ذياب::ابقن احنا ندير وجهنا

شهاب::اني رايح الم حطب ..تجين نرجس؟

نرجس: :باوعت لذياب ماكدرت اكول اي. من ابتسملي يعني وافق درت على شهاب كتله اي اخذت ايهم من ايده ..افتر ورا الغرفه

يجمع حطب من الگاع درت على بان وبيان يضحكن متونسات شويه بعيدات عليَ ضحكت الضحكن كال شهاب

شهاب:: منو اكثر وحده تحبينها باخواتج

-نصدمت بسؤاله ..ضحكت. ماعرف كلهن نفس المعزه هوايه احبهن

-لازم اكو وحده مفضله كلش

-كعدت على جذع .ونزلت ايهم يمي. كتله ..باوع هنه كل وحده عدها فد صفه حلوه مثلا

روز عدها حنيه ماتنوصف بحيث اذا وحده من عدنا تمرضت تخلص الليل سهرانه وياها وتبجي

فيروز المنقذه من واحنا اطفال ياويله اليمد ايده على اخواتهاا تتخبل حتى ويا المدرسات اذا ضربنا تتعارك

اما بيان طيبه وينكسر خاطرها على الكل ماتحب نفسهاا بسبب عينها او بسببنا احنا الدائما نعايرها بيهن بس تدري اجمل وحده بينا هيه

وبان حبابه وفقيره وماتفكر بكلامها البكلبها على السانها. يعني ماكدر افرق ابينهن كلهن احبهن

شهاب::وانتي
-شبيه ااني ؟
وترني سؤاله ونظرته

-يعني حجيتي صفاتهن كلهن وانتي شنو
-انته سألتني على اخواتي ومنو احب اكثر وحجيتلك

-احجيلج اني شنو صفاتج؟
-ههه شنو بله
-تينه!
-شنو تينه مافهمت؟

-مادري احسج تشبهين التين الراوي بلونج
-يمي عود مكسور شلته وشمرته عليه ..وشبيه لوني لو شفت نفسك ابيض مني

-ههههه ليش هوا اكو احلى من الاسمر

-سكتت مغلسه احس كلامه يحرجني كام يكمل لم حطب. شهاب ابيض بحيث استحي اخلي ايدي بصف ايده ..ولاكانُ عايش بالريف كلهم سمران الا هوا ابيض







فيروز:: فتحت الشال ورجعت لفيت شالها بعفويه موكلش بس شعرها متغطي . لان حتى اني فتتحت شالي صاح ذياب

ذياب::هاي مو فلت شاش جاي تسوين عمليه شسالفتج فيروزه

فيروز::كملت ..دارو ثنينهم يباوعون الروز باهتمام. ماكدرت تفتح بالبدايه ..بقت شويه تحاول يله كدرت تفتح ..ذياب بس لمح عيونها

فتح عيونه على وسعهن مصدوم صيح بصوت عالي بحيث طفرنا

-شنوو هاااي عيونها فيروزه صدك تحجين هيج وما مخليتهم ياخذونها للدكتور

روز::جلبت بفيروز جفلانه من صوته ..احجي خايفه. مابيه شي والله اني ماقبلت اروح

جر باكيت الجكاير يريد يدخن استغفر ربه وكام من يمنا ارتجى على السياره بعيد منعدنا وعينه علينا

اصهب::هم يوجعنج هسه لو زينات؟
روز::ابتسمتله. لا زينات. ابتسم وكام يم ذياب بقيت اباوع على المكان الاحنا بيه ريفي بمعنى الكلمه بس كلش حلو ريحة الزرع طيبه

فيروز::يله روز خلي الفهم
-لا والله شبيه مخبله ارجع للظلام عايفه جمال هالمكان عوفيني والله ماجاي يأذوني

فيروز::سكتت ماردت الح عليها وهم هنه موكلش حمر.

روز::فيروز خلي نروح يم بان وبيان
-لاا مابيه حيل والله ..صاح ذياب

ذياب::كومن اني رايح اشوفهم
فيروز::روحي انتي روز اني ماروح
روز::خزرتها وحجيت على كيف حتى مايسمعني ذياب ..كومي ماروح ويا ذياب وحدي

وذياب واكف منتظرنا هزت راسها لا ماروح كمت متوتره وكفت يمه

ذياب::ليش ماتجين فيروزه
فيروز::اريد ابقى كااعده مابيه حيل

روز: :عيبت عليهاا بدون مايشوفني ذياب. تمشى الهم واني ورا هوا يمشي بس اني اركض. ومالاحگته الارض رطبه. واماكن طين

صوت ضحك بان وبيان واصلناا يسب بصوت ناصي على الولد

وصلنا يمهن بقيت صافنه بشكلهن مسينات بالطين وملابسهن مبلله. بان نعالها متروس طين شايلته بأيدها ورافعه دشداشتها رجليها ماينشافن من الطين

وبيان حالها اخس من حال بان مخليه سمجات بدشاشتها وشايلتهن. وشعرهن نصه طالع ويفترن ورا بطرس واصف ناصبين عليهن. اريد الزم نفسي وماضحك على شكلهن ماكو. عاط بيهن ذياب

ذياب::شنوو هاي؟
اصف::ههههههه يابه احنا معلينه هنه يدرعمن بالطين وهاي ام عين وعين لو بيدها موتخلي السمجه بهدومها تخليها بحلكها

بيان':خزرته ..ترا انته كتلي خليهن

-اتشاقه وانتي كبل خليتيهن اكو مسودنه تسوي سوايتج

ذياب::لا والله مابيهن كل صوج صوجي خليتهن يجن وياكم .....
امشن يله طاحضكم

بيان::شمرت السمجات على الگاع وكعدت يمهن لزمت اول وحده اريد اشمرها بالشط صاح ذياب







ذياب::لاا ولج تشمرينهن جا المن تسينتي
بيان::رجعتها يم اخواتها واصف يضحك من جوا ليجوا خايف من ذياب يرزله

تمشينا كدام ذياب وهمه ورانا

روز::ههههه والله صايرات فلم
بان::اني لو عايفيني بعد شويه اغط بالطين كلي
بيان::وعلي خبيثين خاصه هذا اصف هوا كالي خليهن بحضنج

فيروز::بس راحو من يمي نسيت وجود اصهب لميت رجليه على صدري خليت راسي عليهم وغمضت افكر شنو حياتناا هسه شلون اتخلص

من هالمكان ومن الناس البيه شلون مدرستنا بيتنا اهلي شلون راح نعيش وين ويا منو لازم نرجع للبصره فمستحيل يخلونه وحدنا اقنع ذياب ونرجع سوا

فتحت عيوني ونصدم باصهب كاعد مقابيلي عينه،بعيني ....فززتني

-بشنو تفكرين؟
-ولاشي هيج درت وجهي منحرجه من نظرته كال
-شبيج شو مووطبيعيه ضايجة؟

-هه ليش وضعنا يفرح مثلا،باسبوع واحد تيتمنا من الاب والام وهسه شاردين مدري من شنو وكاعدين بمكان مقطوع،

-امر،ربج هذا اله بكلشي حكمه قابل تعترضين على امره

-مامعترضه الحمدالله على كل حال
-اي لاتضوجين باوعي اخواتج تقبلن الحقيقه ويحاولن يضحكن وينسن

-خليت عيني بعينه وابتسمت مجامله. دار وجهه بسرعه ووكف يحجي بدون ميباوعلي،

-لفي شاالج عدل فيروزه
-عدلت شاالي،مستغربه من ردة فعله ومن گلي،فيروزه ..اجت نرجس شايله حطب. وتسوي حركات وشهاب شايل،ايهم

نرجس:'هاا فيروز شلوني بعد ادك نقاط خضر،بوجهي اصير،عربيه اصليه،

شهاب: :حتى العربيات القديمات ابيض منج ههههه

فيروز::هههه ضحكت على سوالف شهاب ونرجس عصبت من جد تضوج حتى لو تعرف شقه تضوج رجع شهاب يتشاقه وياها

يصيح عليها تينه وهيه متخبله

فتحت عيوني على وسعهن مصدومه بمنظر بان وبيان وروز تضحك عليهن...رزلهن ذياب وكلهن غسلن وبدلن لاتتمرضن دخلن يغسلن وهمه كعدو واحد يگل للثاني انته نضف السمج

اصهب::خو فيروزه تنضفه
-مااعرف والله ولا وحده من اخواتي تعرف نعرف نطبخ بس مامنضفين سمك

اصهب::شجخت الفاله براس الكطان ختمتها من الاخير يعني تكلكم لاتحاولون. اول وتالي انتم تنضفون

بطرس::دجيبو ااني انضفه وذياب يشويهن

ذياب::ديله يله سهل الشوي روح نضفهن وملحهن

فيروز::دخلن البنات للغرفه يبدلن. وبطرس ما انتبهلهن راح يريد يجيب سجينه وصحن صاح عليه ذياب

ذياب::اووكف بان وبيان جاي يبدلن
فيروز::بقى واكف بالباب الحد ماطلعن اجن كعدن يمناا ..







روز توكل بايهم كيكه وعصير. عيوني تفتر على الكل عين ذياب مراقبه روز ماعرف قلة ثقه لو غير شي

اصف يخلي ايد على عينه ومكابل بيان يعيب عليهاا نرجس وشهاب يسولفون تسأل على الزرع والارض ويجاوبها باهتمام

ضجت من طريقة كلامه وياها بس باوعتلي خزرتها سدت الموضوع وسكتت. دك تلفون

بصف بان جرته. ذياب كلها تلفون بطرس

بان::بطوطتي مكتوب ..كلت هيج والولد خربو ضحك

شهاب::ودي اله لاينحضر
بان ':اخذت التلفون اركض كاعد يم نهر صغير
التفتلي ...بطوطتك جاي تتصل

بطرس::ااه تعالي جيبيه بسرعه فتحيلي خط
بان::اديه مليصات بسمج. فتحت خط وخليته على اذنه

وتقربت بحيث اسمع حديثهم كله بلكوا لازمه ضحكتيي

بطرس::يمعوده هسه شبيج قابل انسجنت
-والله حيل خفت عليك
-كلبي انتي مابيه شي
-ياعمري
-بطه ماكدر احجي محضوره

-منو يمك
-مو اني ادي مليصات ماكدر الزم التلفون بت عمي لازمتليه
-اممم منو بت عمك

بان::باوعلي وكلها بان. اشرتله مبتسمه احاجيها كلي اي ...هلو بطه شلونج

-هلا بيج كلبي انتي شلونج البقيه بحياتج ولو متاخره والله من سولفلي بطرس كلش نقهرت

-حبيبتي تسلمين ..عليج الله شعجبج بيه وحبيته هههه....بطرس رافعلي حاجبه يضحك

-غير يخبل ولج انا من اشوفنه كلبي يضل يخفضك اروح فدوه الطوله

-ههههه يعمري ربي يحفظكم البعض ويجمعكم باقرب وقت ...ضلت تحجي البنيه بس ما نسمعها لان شبكه ماكو يكطع كال سدي سديت الخط

وكعدت يمه ....احجيليي

-شحجيلج
-منو هاي شكد صارلكم تحبون بعض سولفلي احب قصص الحب

-بت اخت رجل عمتي شيماء صار سنه
-سنه شعجب بعدكم مامخطوبين

-اريد اكمل دراسه وهم منتظر هذول يتزوجون مايصير اخرب السره واتزوج كبلهم

-ليش انته تدرس
-طبعا كلنا ندرس

-اها حتى ذياب
-ذياب تخرج ومدرس رياضيات حاليا واصهب مدرس انگليزي

-صدك احلف وولا ادري عبالي حتى متعرفون تقرون وتكتبون ..دار وجهه مني ماعاجبه كال

-ليش يابه وين عايشين مابينا واحد مادارس اني معدلي بالسادس 80 ولان احب المحاسبه رحت كلية اداره واقتصاد قسم محاسبة

بعدلي سنه واخلص اروح كلية ضباط واصف معدله 79 حاليا قسم انگليزي سنه اخيره وياي ..وهم. بس نخلص ندخل كلية ضباط سوا

-فهمتني غلط اتشاقه اني قصدي لان اصلا مالحكنه نعرف شتدرسون وشنو وضايفكم كبل صارت مشاكل







-اي صح

-زين وشهاب شيدرس
-شهاب الوحيد ترك مايحب الدراسه للسادس وبعد ماقبل يكمل

-ماشاءالله كل هالثقافه والدراسه وانتو جنكم مخابيل سلاحكم وتكتلوون بالعالم...بسرعه نتبهت النفسي شجفصت سكتت وهوا يباوع بوجهي خازرني

-شو تجفصين انتي سالمين؟
-اسفه اتشاقة
-ضلي جفصي وصيحي اتشاقة

عفته وكمت اروح من يمه احسن ماجفص اكثر ، كعدت. يم البنات فيروز ماقابله على اختلاطنا بيهم كلساع تخزرنا وذياب عيونه تراقبناا

اتصل عليه حمزه كام غير مكانه وجاوبه لان شبكه زفت. ويصيح بصوت عالي

-ووين انته ومرض لاتضل بلبيت

-اخوالك چلاب هسه يبلغون عليك ، هه الله وياك اذا تريد تعال هنا الله وياك

بيان::رجع ذياب كعد كلها ساكته. كتله
-ذياب حمزه هم اخونا .
صفن بوجهي ورجع باوع النرجس وللبنات حجه بجديه وعصبيه

ذياب::شبيجن يابه منين لمنين اخوجن صدك جذب امج امه؟

بيان::جاوبته بخوف ..لا

-ابوج ابوه
-لا
-جا شلون صار اخوج فالتوه هيه شبيجن

-نملن عيوني دموع من الفشله دنكت راسي متلافيه نظراتهم حتى ماينزلن دموعي

فيروز::ساكته على اعصابي هوا مو صيح عليها بس جديته بلكلام تخوف ..انتبه البيان راح تبجي كلها ..شبيج ماحاجيتج شي بسرعه بجت

كام من مكانه كعد يمها حاضنها ويكلها

-عزيزتي لج شكتلج اشش شبيج
فيروز::بقى حاضنها الحد ماسكتت مسح دموعها وباسهاا يحلفلها مامصيح عليهاا.

اجه بطرس وجهه مگلوب كلهم يله سوا چانون(يشعلون حطب)

كامو اصف وشهاب سفطو الحطب وشعلوه التفت ذياب عليناا كال

-دخلن بالغرفه خاف موزين على عيونها الدخان
-اخذت روز ودخلنا غرفه وحده بنصها شباك فاتحينه حتى يدخللها الضوه

بيها ثلاجه صغيره كلش وفوگاها جدريه بيها صحون وكاسات وبصفها علب اعتقد ملح وشكر وكومدي فوگاه فراشات
ومرايه مدكوگه بالحايط فوگاها ساعه

روز::فيروز صدك مافكرنا احنا وين انام
-شدراني والله طلعت روحي بالقران هم متيتمات وهم شاردات

-حضنتهاا ..روحي لايبه عليها كلساع الگاها صافنه بوجهه وحده من عدنا وعيونها مدمعات

-تعالي خلي اخليلج قطره لاتستهانين بيهن يلتهبن بزيادة

-خلي نصلي بالاول. وهذني ماجاي اشوفهن يصلن بان وبيان حتى نرجس

-والله ياروز حتى اني صار كم يوم ولا ملتزمه ابد







-ليشش الا صلاتج موكتلج اقري الدعاء حتى تلتزمين

-ههه اصلا ماحفظته نسيته ..روز الوحيده الجانت كلش ملتزمه بصلاتها وصيامها بحيث تصوم رمضان وترجع تصوم شهر بالشتاء

روز: :باوعت على الساعه بعدها ب11. لزمتها من ايدها وكعدتها باوعي كل يوم اول ماتكعدين كولي هالدعاء وورا كل صلاه كوليه