⚡️OTM va maktab hamkorligi

OTM va maktab hamkorligi bilimli yoshlarni kashf qilish, ta'lim sifatini oshirishda muhim ahamiyatga ega. Matematika va kompyuter ilmlari fakulteti Amaliy matematika kafedrasi professor-o‘qituvchilari Chiroqchi va G‘uzor tumanlari maktablarida bo‘lib, yuqori sinf o‘quvchilari o‘rtasida kompyuter savodxonligi yuzasidan dars mashg‘ulotlarini  olib bordilar.

Dars mashg‘ulotlarida operatsion tizimlar (microsoft windows), matn muharrirlari (microsoft office word), elektron jadvallar (microsoft office excel), taqdimot hujjatlari (microsoft office power point), internet tarmog‘ida ishlash ko‘nikmalari kabi mavzular bo‘yicha tushuncha berildi. O‘quvchilar o‘zlarini qiziqtirgan savollar bilan kafedra o‘qituvchilariga yuzlanishdi.

👉@qarduuz 👈

#Муҳим_тадбир

7-сонли талабалар турар жойида “Гиёҳвандлик аср вабоси” ва “Терроризмга қарши кураш” мавзусида тадбир бўлиб ўтди. Унда Педагогика факультети декан ўринбосари С.Йўлдошев, Технологик таълим кафедраси мудири, доцент Х.Махамов, кафедра профессор-ўқитувчилари ҳамда факультетнинг ётоқхонада истиқомат қиладиган талаба-ёшлари иштирок этди.

“Аср вабоси” номини олган гиёҳвандлик инсоннинг осуда ҳаётига раҳна солиб, онгини ўзига бўйсундирувчи заҳри қотилдир. Экстремизм ва терроризм ҳозирги замонда энг хавфли ҳамда оқибатларини башорат қилиш қийин бўлган ҳодисага айланиб улгурди.

“Гиёҳвандлик аср вабоси” билан курашиш ғоясининг аҳамияти кафедра катта ўқитувчиси М.Астанова маърузасида акс этди. Шунингдек, кафедра доценти М.Хуррамовнинг “Терроризмга қарши кураш” мавзусидаги маърузасида терроризмни келиб чиқиш сабаб ва оқибатлари ҳақида тўхталиб ўтилди. Тадбирда мавзуга доир видеоролик намойиш этилиб, савол-жавоблар асносида якунланди.

👉@qarduuz 👈

⚡️Эзгуликдан яшнасин кўнгил

“Халқаро ногиронлар куни” муносабати билан Халқаро таълим дастурлари факультети профессор-ўқитувчилари, талабалари томонидан Қарши шаҳридаги 17-имконияти чекланган болалар учун ихтисослаштирилган таълим муассасасида хайрия тадбири ташкил қилинди.

Талабаларнинг тайёрлаб борган бадиий чиқишлари мактаб ўқувчиларига бир олам қувонч ва шодлик бағишлади. Тадбир сўнггида мактаб тарбияланувчиларига турли совғалар улашилди.

👉@qarduuz 👈

#ғалаба_муборак_бўлсин

🏆Лочин жамоаси вилоят 2-лига мусобақаси ғолибига айланди

Якунига етаётган 2022 йил жамоамиз учун омадли кечмоқда. Дастлаб февраль ойида “Вилоят ҳокими кубоги” қўлга киритилган бўлса, ноябрь ойида “Вилоят кубоги” совринлар сафидан жой эгаллади. Бугун эса жамоамиз ҳаваскор ва ярим профессионал жамоалар ўртасида “Вилоят иккинчи лига” мусобақаси ғолибига айланишди.

Албатта бу ютуқлар замирида футболчиларимизнинг тинимсиз меҳнатлари, мураббийларимизнинг тўғри кўрсатмалари мужассам. Университет раҳбари сифатида жамоамизнинг ҳар бир учрашувини бевосита кузатиб боришга ҳаракат қиламан. Баҳслар олдидан футболчиларни руҳлантираман, уларни қўллаб-қувватлайдиган катта жамоа борлигини уқтираман.

Кўп бора таъкидлаганимдек, футболчиларимизнинг келажагига ишонаман ва биз буюк ғалабаларга қодирмиз. Бугунги ғалаба билан университет жамоасини ва барча футбол ихлосмандларини самимий табриклайман. Муваффақиятлар давомий бўлсин!

Д.Набиев
Қарши давлат университети ректори

👉@rektor_qarshidu

⚡️Tarixshunos olim talabalarga dars o‘tdi

Tojikistonning Panjikent davlat universiteti professori, yirik manbashunos-tarixshunos olim Shodmon Husayinovich Vohidov Tarix fakultetining 4-kurs talabalari bilan uchrashib, manbashunoslik fanidan ma’ruza mashg‘ulotlarini olib bordi.

Shodmon Vohidov o'z ma'ruzasi orqali eski o‘zbek yozuvi asosida tarixiy manbalarni qanday o‘qish, o‘rganish borasida so'z yuritdi. Xususan, qo‘lyozmalarni o‘qiy olish qobiliyati va ko‘nikmalarini shakllantirish, eski o‘zbek yozuvida uchraydigan turli grammatik qoidalar, manbalarning turlari haqida bilimlari bilan o'rtoqlashdi.

Shuningdek, bugungi kunda manbalarni o‘qiy oladigan va tahlil qila oladigan mutaxassislarning kamligi tufayli yoshlarni ushbu soha bilan jiddiy shug‘ullanishga va ayni sohada ilmiy faoliyat yuritishga undadi.

👉@qarduuz 👈