#Кун тарихи

3 июнь

Ўзбекистон Республикаси Вазирлар Маҳкамасининг 1995 йил 3 июндаги 211-сонли қарорига кўра Қарши аграр - иқтисодиёт институти ва Тошкент политехника институтининг Қарши филиали негизида Қарши муҳандислик-иқтисодиёт институти ташкил этилган.
Олийгоҳ даставвал 1975 йилда ташкил этилган бўлиб, Тошкент ирригация ва қишлоқ хўжалигини механизациялаш муҳандислари институтининг Қарши филиали деб юритилган. Кейинчалик, Ўзбекистон Республикаси Президентининг 1992 йил 28 февралдаги 356-сонли Фармони билан Қарши аграр-иқтисодиёт институти номига ўзгартирилган.
Қарши муҳандислик-иқтисодиёт институтида мамлакатимизнинг иқтисодиёт, саноат ва қишлоқ хўжалигининг турли тармоқларида фаолият олиб борувчи кадрлар тайёрланади. Бугунги кунда институтда 27 та таълим йўналишида 9 минг нафардан ортиқ талаба таҳсил олмоқда ва уларга 620 нафар профессор-ўқитувчилар таълим беришмоқда.

#Кун_тарихи

🔰 Бугун 19 май, чоршанба

🌆 1571 — Мигел Лопес Легаспи Манила шаҳрига асос солди;

🏴󠁧󠁢󠁥󠁮󠁧󠁿 1649 — Англия ўзини Республика деб эълон қилди;

🚉 1956 — Москва билан Вена ўртасида тўғридан-тўғри йўловчи ташиш темирйўллари очилди;

☄️ 1961 — Венера-1 учувчисиз космик аппарати Венера яқинидан учиб ўтди;

🕌 1995 — Тошкентда Халқаро Ислом тадқиқоти маркази очилди.

🥳 Ушбу санада туғилганлар: Ўзбекистонда хизмат кўрсатган санъат арбоби Али Ҳамроев (1937), "Спрут"да комиссар Каттани — Микеле Плачидо (1946), футбол мураббийи Самвел Бабаян (1971).

#Кун_тарихи

🔰 Бугун 23 май, якшанба

🐢 Бутунжаҳон тошбақалар куни;

⚔️ 1618 — Ўттиз йиллик уруш бошланди (8 миллион инсон вафот этган);

🛩 1974 — Киев аэропортида самолёт қўниш пайтида ҳалокатга учради. 29 киши ҳалок бўлди;

✍️ 1992 — МДҲ давлатларининг стратегик ҳужум қуролларини қисқартириш бўйича Лиссабон протоколи имзоланди;

🇺🇿 1992 — Наманганда Машраб музейи ва ҳайкали очилди.

🥳 Ушбу санада туғилганлар: ўсимликлар ва ҳайвонот дунёси таснифи жадвалини тузган олим Карл Линней (1707), шахмат бўйича жаҳон чемпиони Анатолий Карпов (1951).

#Кун_тарихи

💫 Бугун Шаҳрисабзга Амир Темур ордени берилганига 25 йил тўлди.

👉@qarduuz 👈

♦️#Кун_тарихи

9 февраль - Улуғ мутафаккир бобокалонимиз ва сўз мулкининг султони ҳазрат Алишер Навоий таваллудига 581 йил тўлди.

Алишер Навоий ижодининг юксак чўққиси “Хамса” асари (1483-85)дир, шоир биринчилардан бўлиб, туркий тилда тўлиқ “Хамса” яратди ва туркий тилда шундай кўламдор асар ёзиш мумкинлигини исботлаб берди. “Хамса” таркибига “Ҳайратул-аброр”, “Фарҳод ва Ширин”, “Лайли ва Мажнун”, “Сабъаи сайёр”, “Садди Искандарий” каби достонлар киради.

Унинг асарлари ХV асрдан ҳозирги кунгача ўзбек адабиёти ривожи учун хизмат қилиб келмоқда. Асрлар давомида унинг асарлари тақлид ва илҳом манбаи бўлиб ҳисобланиб келган.

👉@qarduuz 👈

#Кун_тарихи
#15_апрель_Халқаро_маданият_куни

Ҳар йили 15 апрель куни “Халқаро маданият куни” сифатида нишонланади. Ушбу кун 1935 йилнинг 15 апрель куни қабул қилинган “Тарихий ёдгорликлар санъат ва илмий муассасаларни ҳимоя қилиш” ҳақидаги халқаро шартнома билан тасдиқланган бўлиб, тарихда биринчи марта, маданий мерос ва тарихий обидаларни муҳофаза қилиш бўйича Рерих Пакти номи остида ташкил этилган.

Бугун, дунё ҳамжамияти янги глобал иқтисодий ва экологик инқирозлар, табиий офатлар ва ҳарбий можароларни бошидан ўтказаётган бир вақтда, маданиятга ғамхўрлик қилиш энг долзарб масалалардан бири бўлиб қолмоқда.

👉@qarduuz 👈

#Кун_тарихи

⚡️Меҳр қолур, муҳаббат қолур: Бугун, 26 апрель - Ўзбекистон халқ шоири Муҳаммад Юсуф таваллуд топган кун

Ўзбекистон халқ шоири Муҳаммад Юсуф 1954 йили Андижон вилоятида деҳқон оиласида таваллуд топган. Тошкентдаги Рус тили ва адабиёти институтида (ҳозирги Жаҳон тиллари университети) таҳсил олган. Республика китобсеварлар жамияти, «Тошкент оқшоми» газетаси, Ғафур Ғулом номидаги Адабиёт ва санъат нашриёти, «Тафаккур» журнали ҳамда «Ўзбекистон овози» газетасида хизмат қилди. Ўзбекистон Республикаси Президенти ҳузуридаги Давлат бошқаруви академиясида таҳсил олгач, 1998 йилдан умрининг охиригача Ўзбекистон Ёзувчилар уюшмасида фаолият кўрсатди.

Унинг «Таниш тераклар», «Булбулга бир гапим бор», «Илтижо», «Уйқудаги қиз», «Ҳалима эна аллалари», «Ишқ кемаси», «Кўнглимда бир ёр», «Бевафо кўп экан», «Эрка кийик», «Сайланма», «Биз бахтли бўламиз», «Осмонимга олиб кетаман», «Улуғимсан, Ватаним» сингари ўндан ортиқ шеърий тўплами ўзбек адабиётининг олтин меросига айланган.

👉@qarduuz 👈

#Кун_тарихи

⚡️26 апрель — “Амир Темур” ордени таъсис этилган кун.

Орден марказида соҳибқироннинг от устидаги улуғвор қиёфаси акс эттирилган, тасвир остида эса бобомиз ҳаётда қатъий амал қилган шиор — “Куч — адолатда” сўзлари битилган.

Ушбу орден билан давлатчилигимизни мустаҳкамлашдаги улкан хизматлари, меъморчиликни, илм-фан, адабиёт ва санъатни, шу жумладан, ҳарбий маҳоратни ривожлантиришга, давлатлараро ҳамкорликни, тинчликни ҳамда халқлар ўртасидаги дўстликни мустаҳкамлашга алоҳида ҳисса қўшган юртдошларимиз, шунингдек, мамлакатимиз фуқароси бўлмаган шахслар ҳам тақдирланади. Фуқаролар билан бир қаторда, айрим ҳолларда, корхоналар, муассасалар, ташкилотлар, жамоат бирлашмалари, ижодий жамоалар ва ҳарбий бўлинмалар, мамлакатимизнинг маъмурий-ҳудудий бирликлари ҳам ушбу орден билан мукофотланиши мумкин.

1996 йил 28 августда бобокалонимизнинг 660 йиллик юбилейи муносабати билан Самарқанд ҳамда Шаҳрисабз шаҳарлари, 2014 йил 22 августда Термиз шаҳри “Амир Темур” ордени билан мукофотланган.

👉@qarduuz 👈

#кун_тарихи

💫 27 октябрь - Қарши шаҳри куни

🔰 2006 йил 27 октябрь санасида Қарши шаҳрининг 2700 йиллиги халқаро миқёсда кенг нишонланганди. Шу кундан буён мазкур сана жаҳон цивилизацияси ва дунё илм-фан ривожига муносиб ҳисса қўшган, кўплаб илм-фан уламолари етишиб чиққан, минг йиллик тарихга эга Қарши шаҳрининг куни сифатида нишонлаб келинмоқда.

💐 Барча юртдошларимизни шаҳримиз куни билан табриклаймиз!

👉@qarduuz 👈

#кун_тарихи

3 декабрь - Халқаро ногиронлар куни!

Бирлашган Миллатлар Ташкилоти бош Ассамблеясининг 1992 йил 14 октябрдаги 47/3-сонли резолюциясига мувофиқ ҳар йили 3 декабрь - Халқаро ногиронлар куни сифатида дунё бўйлаб нишонланади.

👉@qarduuz 👈