⭐️المصادر⭐️

https://www.google.com/amp/s/islamqa.info/amp/ar/answers/294007

https://youtu.be/S1mLAO61IGk

https://islamstory.com/ar/artical/3409413/%D8%AE%D8%B2%D9%8A%D9%85%D8%A9-%D8%A8%D9%86-%D8%AB%D8%A7%D8%A8%D8%AA

https://www.google.com/amp/s/islamqa.info/amp/ar/answers/158824

https://al-maktaba.org/book/31616/9217

https://al-maktaba.org/book/31616/9218#p1

https://islamqa.info/ar/answers/153908/%D9%85%D8%B1%D8%A7%D8%AD%D9%84-%D8%AC%D9%85%D8%B9-%D8%A7%D9%84%D9%82%D8%B1%D8%A7%D9%86-%D8%A7%D9%84%D9%83%D8%B1%D9%8A%D9%85

https://dorar.net/hadith/sharh/78916

https://www.google.com/amp/s/www.islamweb.net/amp/ar/article/42055/

https://sotor.com/%D8%AE%D8%B7%D8%A9_%D8%B2%D9%8A%D8%AF_%D9%81%D9%8A_%D8%AC%D9%85%D8%B9_%D8%A7%D9%84%D9%82%D8%B1%D8%A2%D9%86

https://www.alajman.ws/vb/archive/index.php/t-4090.html

https://www.google.com/amp/s/www.islamweb.net/amp/ar/fatwa/42440/

https://www.google.com/amp/s/www.islamweb.net/amp/ar/fatwa/132691/

https://www.eltwhed.com/vb/showthread.php?22622-%D4%C8%E5%C9-%C7%CD%D1%C7%DE-%E3%D1%E6%C7%E4-%E1%E3%D5%CD%DD-%CD%DD%D5%C9

https://www.google.com/amp/s/islamqa.info/amp/ar/answers/271340

قناة قصص الأنبياء و السيرة النبوية بقلم إيمان شلبي
https://t.me/prophets_stories

بوت الاستفسارات الخاصة بقصص الأنبياء و السيرة النبوية ...
اترك سؤالك الخاص بالحلقات و سنقوم بالرد قريياً بإذن الله... https://t.me/prophetsstories_bot

فهرس قصص الأنبياء 👇🏻
https://t.me/prophets_stories/2455


فهرس السيرة النبوية 👇🏻
https://t.me/prophets_stories/2456


فهرس حلقات نهاية البداية 👇🏻
https://t.me/prophets_stories/3886

Noor-Book.com جمع القرآن الكريم في عهد الخلفاء الراشدين.pdf

#الخلفاء_الراشدون_إيمان_شلبي
#سيرة_أبي_بكر_وعمر
#الحلقة_الثانية_والثلاثون
#مواقف_من_حياة_أبي_بكر_بعد_الخلافة

اتكلمنا في الحلقات إللي فاتت عن حروب الردة والأحداث إللي ترتبت عليها من جمع القرآن ورجوع الناس إلى الإسلام حتى لم يبقَ في الجزيرة مرتد واحد،
خلال حروب الردة كان أبو بكر رضي الله عنه في المدينة يدير شؤونها الداخلية زي ما شرحنا قبل كده في الحلقة السابعة عشرة والثامنة عشرة وحكينا إزاي كان بينظم شؤون المدينة،
وقلنا إنه كان عايش بين المسلمين يطبق منهج رسول الله ﷺ، فكان لا يترك فرصةً تمرُّ إلا علَّم الناس وأمرهم بالمعروف، ونهاهم عن المنكر، وكانت مواقفه تُشعُّ على مَنْ حوله من الرَّعيَّة بالهدى والإيمان والأخلاق والرحمة👌
خلونا نشوف بعض المواقف دي لأبي بكر رضي الله عنه في المدينة💁

¤ الموقف الأول:
دَخَلَ أبو بَكْرٍ علَى امْرَأَةٍ مِن أحْمَسَ يُقَالُ لَهَا: زَيْنَبُ، فَرَآهَا لا تَكَلَّمُ، فَقالَ: ما لَهَا لا تَكَلَّمُ؟
قالوا: حَجَّتْ مُصْمِتَةً،
قالَ لَهَا: تَكَلَّمِي؛ فإنَّ هذا لا يَحِلُّ، هذا مِن عَمَلِ الجَاهِلِيَّةِ،
فَتَكَلَّمَتْ، فَقالَتْ: مَن أنْتَ؟
قالَ: امْرُؤٌ مِنَ المُهَاجِرِينَ، قالَتْ: أيُّ المُهَاجِرِينَ؟
قالَ: مِن قُرَيْشٍ، قالَتْ: مِن أيِّ قُرَيْشٍ أنْتَ؟
قالَ: إنَّكِ لَسَؤُولٌ، أنَا أبو بَكْرٍ،
قالَتْ: ما بَقَاؤُنَا علَى هذا الأمْرِ الصَّالِحِ الذي جَاءَ اللَّهُ به بَعْدَ الجَاهِلِيَّةِ؟
قالَ: بَقَاؤُكُمْ عليه ما اسْتَقَامَتْ بكُمْ أئِمَّتُكُمْ،
قالَتْ: وما الأئِمَّةُ؟
قالَ: أَمَا كانَ لِقَوْمِكِ رُؤُوسٌ وأَشْرَافٌ يَأْمُرُونَهُمْ فيُطِيعُونَهُمْ؟
قالَتْ: بَلَى، قالَ: فَهُمْ أُولَئِكِ علَى النَّاسِ."
《صحيح البخاري》

يعني أبو بكر رضي الله عنه رأى امرأة من قَبيلةٌ مِن بَجِيلةَ ساكتة لا تتَكلَّمُ، فسَأَلَ إللي حولها هي ليه صامتة ولا تتكلم فأجابوه إنها نذَرَت أنْ تحُجَّ وهي تارِكةٌ للكَلامِ، وده كان من طريقة التعبد في الجاهلية،
فأمَرَها أبو بكر بأنْ تتَكلَّمَ؛ لإنَّ تَرْكَ الكَلامِ لا يحِلُّ؛ لأنَّه مِن عَملِ الجاهِليَّةِ، والإسْلامُ هدم كُلَّ أُمورِ الجاهِليَّةِ ودَعَواتِها وعاداتِها الفاسِدةَ،
فتكلَّمَتِ المَرأةُ، وبعدها سَألَتِ أبا بكر مَن هو؟ ومِن أين؟
فأجابَها إنه رجل مِنَ المُهاجِرينَ، فسَألَتْه: مِن أيِّ المهاجرينَ؟
فأجابَها بأنَّه مِن قُرَيشٍ،
فسَألَتْه تاني منين من قريش😅
فقال لها أبو بكر: «إنَّكِ لَسَؤولٌ»، يعني بتسألي كتير، بس هو عارف هي بتسأل أسئلة كتير ليه، هي عايزة تطمئن إن إللي أفتاها بعدم الحج وهي صامتة على علم فعلا وإنه مش بيقول أي كلام،
فجاوبها وقال لها إنه أبو بكر،
فلمَّا علِمَتْ أنَّه أبو بَكرٍ رَضيَ اللهُ عنه صاحِبُ رَسولِ اللهِ ﷺ قنَعَت بفَتْواه ورضيت بكلامه،
وبعد كده سألته سؤال تاني في أمْرِ الدِّينِ بقى، وقالت له: ما بَقاؤُنا على هذا الأمرِ الصَّالحِ؟
يعني الناس هتستمر على دِينِ الإسْلامِ وما اشتَمَلَ عليه مِن العَدْلِ، واجْتِماعِ الكَلمةِ ونَصْرِ المَظْلومِ لحد امتى؟
وهي هنا تقصد تَقصِدُ صُورَة الإسلام وأحْوالَه الَّتي كان عليها في عَهدِ النَّبيِّ ﷺ،
فأجابَها رَضيَ اللهُ عنه:
بَقاؤُكم عليه ما استَقامَتْ بكم أئمَّتُكم،
يعني طول ما الناس إللي بيحكموكم أو إللي بيتولوا أُمورَ النَّاسِ ومَصالِحَهم مستقيمين على دين الله؛ هيستقيم الدين؛ لأنَّ باسْتِقامَة هؤلاء الحكام تُقامُ الحُدودُ، وتُؤخَذُ الحُقوقُ، ويُوضَعُ كلُّ شَيءٍ مَوضِعَه، والنَّاسُ على دِينِ مُلوكِهم💁
فهي مكنتش تعرف معنى الأئمة، فسألته:وما الأئمَّةُ؟
فقرَّبَ لها الإجابةَ رَضيَ اللهُ عنه تَلطُّفًا منه بها، فقال: هو مش كان في قومك رُؤوسٌ وأشْرافٌ يَأمُرونَ الناس فيُطيعونَهم؟
قالت: بَلى،
فقال لها إن الأئمة زي زعماء القبائل وأشرافهم بالضبط، يعني أكَّد لها أن المُرادَ بالأئمَّةِ هم الزُّعماءُ والحُكَّامُ👌
وطبعا احنا لو أسقطنا كلام أبي بكر رضي الله عنه على الواقع بتاعنا هنلاقيه بينطبق عليه بالحرف🙂
فلما الأئمة أصبحوا غير مستقيمين على الدين بقى موجود الظلم وضياع حقوق الناس وضاعت إقامة الحدود👌

من الحديث إللي قلناه ده نقدر نستفيد منه بخمس أمور:
1️⃣ أفْعالِ الجاهِليَّةِ التي تخالف تَعاليمِ الإسْلامِ منَّهيُ عن فِعلها
2️⃣ إنْكارُ البِدْعةِ حتَّى على مَن يظُنُّ أنَّ فِعلَه سُنَّةٌ.
3️⃣ أهمِّيَّةُ اسْتِقامةِ الحُكَّامِ والرُّؤساءِ؛ لِما فيه منَ اسْتِقامةِ الرَّعيَّةِ، وأداءِ الحُقوقِ، ووَضعِ كلِّ شَيءٍ في مَوضِعِه.
4️⃣ لا نَذْرَ في مَعْصيةٍ، يعني مينفعش حد يقول أنا نذرت أعمل المعصية الفلانية.
5️⃣ الرِّفقُ بالسَّائلِ إذا كانت مَسائلُه فيما تَنفَعُ نفْسَه وغيرَه منَ المُسلِمينَ.

¤الموقف الثاني موقف بيوضح تطبيق أبي بكر لقاعدة العدل حتى على نفسه👌
في يوم جمعة قام أبو بكر رضي الله عنه فقال:
"إذا كُنّا بالغداة فأحضروا صدقات الإبل نقسمها، ولا يدخل علينا أحد إلا بإذن..."《حديث حسن》
يعني إبل الصدقة والزكاة كانت قد جاءت كثيرة إلى أبي بكر بعد انقطاع سنة بسبب منع المرتدين للزكاة،
فبعد حروب الردة بدأ الناس يُرسلوا زكاتهم لأبي بكر، فلما جاءت الزكاة وضعوها في مكان،
وفي يوم جمعة قال أبو بكر للناس إنه في غداة يوم السبت هيبدأ يقسّم إبل الصدقة مع عمر عشان يوزعها على الناس المستحقة للزكاة، وحذرهم إن محدش يدخل عليهم إلا بإذن👌
والغداة هو الوقت إللي بين الفجر وطلوع الشمس.

"فقالت امرأة لزوجها: خذ هذا الخِطام لعل الله يرزقنا جملاً..."
يعني خذ هذا الحبل وادخل على أبي بكر لعله يعطيك جملاً فاربطه بهذا الحبل،
فالرجل سمع كلام زوجته وذهب إلى أبي بكر،
فوجد أبا بكر وعمر قد دخلا إلى الإبل فراح داخل معهما😬
وطبعاً الرجل ده ارتكب مخالفة واضحة لأوامر خليفة المسلمين، ودخل من غير إذن😕
فالتفت أبو بكر وقال للرجل: ما أدخلك علينا؟!
وقام واخد منه الحبل وضربه به، وخرج الرجل من عندهما،
بعد ما انتهى أبو بكر رضي الله عنه من تقسيم الإبل دعا الرجل إللي كان ضربه بالحبل فأعطى له الحبل وقال له: "اسْتَقِد"
يعني اقتص مني واضربني زي ما ضربتك،
فقال عمر: والله لا يسْتَقِد😤
يعني هو رفض إن الرجل يقتص من أبي بكر، وقال له:
"لا تجعلها سُنّة"
يعني كده هيبقى كلما أخطأ خليفة في حق واحد من الرعية يقوم يضرب الأمير، فقال أبو بكر: فمَن لي من الله يوم القيامة؟
يعني انت هتعمل لي إيه ولّا هتنفعني بإيه يا عمر يوم القيامة لو سمعت كلامك؟ أنا إللي هتحاسب🤷
فقال عمر: أَرْضِه👌
يعني أعطيه إللي يَرضى بيه في مقابل إنه يعفو عن الضربة إللي ضربتها له،
فأمر أبو بكر غلامه أن يأتيه براحلة وخمسة دنانير فأرضاه بها.
الراحلة هي الناقة أو الجمل إللي يصلح للسفر عليه، وثمنه في عصرنا حوالي 50 ألف جنيه أو أكثر،
والدينار الواحد يساوي 4.25 جراما من الذهب، يعني الخمسة دنانير تساوي 21.25 جرام ذهب، فشوفوا بقى انتم جرام الذهب بكم واحسبوها😅
فالرجل أخذ كل ده مقابل ضربة بالحبل وهو كمان إللي غلطان،
فما بالكم باللي بيتم سجنه وتعذيبه سنين ظلما وعدوانا؛ ده يستحق تعويض إيه🙂
ولو متعوضش في الدنيا هيتعوض في الآخرة من حسنات الظالم، وإذا مكنش عنده حسنات فهيشيل هو من سيئات المظلوم👌
المهم يعني إن محدش هيدخل لا جنة ولا نار إلا لما ياخد حقه من إللي ظلمه👌
وطبعا ده لا ينطبق على الحكام بس، ده ينطبق علينا احنا كمان كأفراد، فلو حد فينا ظلم أحد بكلمة أو ضربة أو...أو...
لو لم نُرضِهم في الدنيا هيقتصوا مننا يوم القيامة فانتبهوا؛ لأن القصاص في الآخرة بالحسنات والسيئات👌

من خلال موقف أبي بكر رضي الله عنه هنلاحظ إنه ثبت أمام فتنتين:
1️⃣ فتنة المال إللي قال عنها رسول الله ﷺ:
"إنَّ لكلِّ أمَّةٍ فتنةً وفتنَةُ أمَّتي: المالُ"
《صحيح الترمذي》
والحديث معناه إن كل أمة لا بدَّ لها مِن ابتلاءٍ واختِبارٍ بشيءٍ تُفتتنُ به ويمايِزُ بين صفوفِها،
والمقصود هنا بالفِتنةِ هو الشَّيءُ الَّذي يَضِلُّ به الإنسانُ ويَزيغُ عن طَريقِ الحقِّ،
وزي ما يُقال في المثل: الفلوس بتغيّر النفوس😅
فرسول الله ﷺ بيقول إن ضلال أمته سيكونُ في المالِ؛ وده هيكون في الحِرصِ على جَمع المال وعدم المبالاةِ هل تم جمعه من حلالٍ أو مِن حرامٍ، وكذلك صَرفه في المعاصي والفواحِشِ، وعدمِ إخراجِ حقِّ اللهِ فيه👌
وفِتنةُ المالِ هي واحدة من الفِتنِ التي ذَكرَها رسول الله ﷺ ونبَّه على خَطرِها وحذَّرَ منها أُمَّتَه،
ومن الفتن دي كانت فتنة النساء، قال رسول الله ﷺ:
"ما تَركتُ بَعدِي فِتنةً أضرَّ على الرِّجالِ مِن النِّساءِ"
《صحيح البخاري》
أما سبب تَخصيصَ فِتنةِ المالِ بأنَّها فِتنةُ هذه الأُمَّةِ دون غيرِها مِن الفِتنِ: أنَّ المالِ هو الفِتنةُ التي تُوصلُ إلى الوقوعِ في غيرِها من الفِتن أو إلى كثيرٍ منها؛ لأن بالمال يقدر الواحد يعمل أي حاجة🤷
يسافر للزنا وشرب الخمر أو المخدرات وغيرها من الكبائر إللي محتاجة للمال👌

فعلى الرغم من أن أبا بكر كان أنفق أمواله كلها في سبيل نصرة الإسلام؛ مقلش مثلا بعد ما بقى خليفة ويمتلك مقاليد الحكم في المدينة وعنده أموال بيت المال إنه يأخذ شيء لنفسه يعوض بيه التضحيات إللي ضحاها والأموال إللي صرفها في نصرة الإسلام💁
فهو ظل ثابتا على مبادئه ولم يتغير شيء عن إللي كان عايشه في حياة رسول الله ﷺ بعد ما سمع وصية رسول الله ﷺ:
"إنَّ الدُّنْيَا حُلْوَةٌ خَضِرَةٌ، وإنَّ اللَّهَ مُسْتَخْلِفُكُمْ فِيهَا، فَيَنْظُرُ كيفَ تَعْمَلُونَ، فَاتَّقُوا الدُّنْيَا"

《صحيح مسلم》
يعني الدنيا جميلة وحلوة وربنا هيجعلكم خلفاء فيها يعني هيمكّن لكم في الأرض ويشوف هتعملوا إيه بعد التمكين ده،
فخافوا من الدنيا وابعدوا عنها، فدلوقتي أبو بكر رضي الله عنه تولى في الدنيا الخلافة الكبرى ومع ذلك ثبت على منهج رسول الله ﷺ 👌

2️⃣ فتنة الرئاسة والحكم:
كمان هو ثبت أمام فتنة الرئاسة والحكم، إزاي🤔
دلوقتي هو لما ضرب الرجل إللي خالف أوامره بإنه ميدخلش عليه، إيه إللي يدفعه إنه يقول للرجل إنه يقتص منه مع إنه هو حاكم المسلمين ويقدر يقول أي مبرر لضربه له🤷
وحتى عمر رفض إن الرجل يقتص من أبي بكر، وأبو بكر كان ممكن كمان يأمر بأي عقوبة للرجل ده والناس هتصدقه لأنه الخليفة ومحدش هيعترض عليه،
ومع ذلك هو لم يستغل منصبه في أي منفعة شخصية له👌
ده حتى في موقف عجيب حصل يوضح لنا إزاي أبو بكر رضي الله عنه لم يستغل منصبه كخليفة للمسلمين في أي انتقام شخصي،
واحد من الصحابة اسمه أبو بَرْزَة الأسْلَمِي بيحكي ويقول:
"كنتُ عندَ أبي بَكْرٍ فتغيَّظَ على رجلٍ، فاشتدَّ عليهِ فقلتُ: تأذنُ لي يا خليفةَ رسولِ اللَّهِ ﷺ أضربُ عنقَهُ؟...."
《صحيح أبي داود》
يعني بيقول إنه كان عند أبي بكر فواحد من المسلمين شتم أبا بكر أو اتكلم معاه بكلام غليظ وشديد فأغضب أبا بكر غضب شديد جدا،
فهنا أبو بَرْزَة لما شاف غضب أبا بكر وإزاي إن الرجل شتمه، قال لأبي بكر تحب أقتله؟
"قالَ أبو بَرْزَة: فأذهَبت كلِمتي غضبَهُ،
فقامَ فدخلَ فأرسلَ إليَّ فقالَ: ما الَّذي قلتَ آنفًا؟
قلتُ: ائذن لي أضربُ عنقَهُ، قالَ: أَكُنتَ فاعلًا لو أمرتُكَ؟..."
《صحيح أبي داود》
يعني لما سمع أبو بكر كلام أبي بَرْزَة هدأ وذهب عنه الغضب وقام بعدها ودخل لبيته، وأرسل لأبي بَرْزَة مَن يناديه،
فلما جاء أبو بَرْزَة سأله أبو بكر إيه إللي انت قلته من شوية ده؟
قال له أبو بَرْزَة سألتك إذا كنت تأذن لي إني أقتله،
فسأله له أبو بكر لو أنا فعلا كنت طلبت منك تقتله كنت هتقتله؟!
فقال له أبو بَرْزَة: نعم.
فقالَ له أبو بكر: لا واللَّهِ ما كانت لبشرٍ بعدَ محمَّدٍ ﷺ.
يعني لا يجوز هذا؛ لأن ده من خَصائصِ النَّبيِّ ﷺ فقط،
يعني إللي يسب رسول الله ﷺ وجَبَ قتْلُه، أمَّا غيرُه من الخُلفاءِ، والأُمَراءِ لو تغيَّظوا على أحَدٍ أو سبَّهم أحَدٌ وأَمَروا بقتْلِه؛ فلا يجوزُ قتْلُه👌
فشوفوا الفرق بين إللي بيستغل منصبه ويقتل الناس ويسجنهم لأتفه الأسباب وبين الصديق رضي الله عنه إللي رفض إنه ينتقم من الرجل إللي شتمه وهو خليفة المسلمين وكمان ده واحد من الصحابة إللي اقترح عليه يقتله، يعني لو قتله ممكن يقول أي مبرر للقتل وخلص الموضوع🤷
احنا محتاجين نتعلم من أبي بكر رضي الله عنه إننا لا نستغل مناصبنا لمصالحنا الشخصية سواء كانت منفعة أو انتقام من أشخاص؛ لأن رسول الله ﷺ وصّانا وقال:
"عليكم بسُنَّتي وسُنَّةِ الخُلَفاءِ الرَّاشِدينَ المَهْدِيِّينَ، عَضُّوا عليها بالنَّواجِذِ"《حديث صحيح》
فاحنا مش بنحكي الكلام ده للمتعة ولا تقضية الأوقات وخلاص، احنا بنتعلم سيرة الخلفاء والصحابة عشان نقتدي بيهم عشان نكون معاهم في الجنة مع رسول الله ﷺ،
فخليكم فاكرين النقطة دي كويس لأن العلم إما حُجة لنا أو علينا👌

كان من الأحداث إللي حصلت أثناء حروب الردة وتحديدا بعد ما أبو بكر رضي الله عنه تولى الخلافة بستة أشهر؛ هو موت فاطمة بنت رسول الله ﷺ👌
إن شاء الله الحلقة الجاية هنتعرف على قصتها سريعا كده من أول ولادتها حتى وفاتها رضي الله عنها،

وقبل ما أنهي الحلقة عايزة أنبه على عدم صحة قصة حصلت في زمن أبي بكر رضي الله عنه؛ لأنها منقطعة السند👌
القصة بتقول:
"إن عُيَينة بن حصن إللي كان أسلم في عهد رسول الله ﷺ وبعدين ارتد وبعدين أسلم تاني ومعاه واحد من الأعراب اسمه الأقرع بن حابس جاءا إلى أبي بكر رضي الله عنه فقالا له:
يا خليفة رسول الله إن عندنا أرضاً سَبخة غير صالحة للزراعة ليس فيها نخلٌ ولا منفعة،
فإن رأيت أن تعطيها لنا لعلنا نحرثها ونزرعها ولعل الله ينفع بها بعد اليوم،
فأعطاها لهما، وكتب لهما كتاباً زي عقد كده وأشهد في ذلك عمر ولكن عمر مكنش حاضر الموقف ده، فانطلقا إلى عمر عشان يشهدوه على الموضوع،
فلما ذهبا إليه وعرف الموضوع، راح واخد الكتاب منهما ثم تفل فيه فمسح الكلام إللي كان مكتوب فيه،
فغضبا وقالا كلام سيء، فقال لهما عمر:
إن رسول الله ﷺ يتألّفكما والإسلام يومئذ ذليل، وإن الله عز وجل قد أعز الإسلام فاذهبا فاجهدا جهدكما لا أرعى الله عليكما إن أرعيتما.
فرجعا إلى أبي بكر وهما غضبانين وقالا لأبي بكر والله احنا مش عارفين مين الخليفة انت ولّا عمر؟!
فقال أبو بكر: الخليفة عمر لو كان هو عايز،

وجاء بعدهما عمر وهو غضبان حتى وقف على أبي بكر فقال: أخبرني عن هذه الأرض التي أقطعتها هذين الرجلين أرض لك خاصة أم هي بين المسلمين عامة؟!
فما حملك على أن تخص هذين بها دون جماعة المسلمين؟؟!
قال أبو بكر: استشرت هؤلاء الذين حولي فأشاروا عليّ بذلك،
قال: فإذا استشرت هؤلاء الذين حولك أكل المسلمين أوسعت مشورة ورضىً؟
فقال أبو بكر لعمر: قد كنت قلت لك إنك أقوى على هذا الأمر مني ولكنك غَلبتني."

فعلى الرغم من إن القصة مثيرة وبتظهر قوة عمر رضي الله عنه في الحق؛ إلا إن القصة زي ما قلت لا تصح😅🙅
ولو في حاجة مش مفهومة في القصة متشغلوش بالكم هي مش هتفيدنا بحاجة أصلا لأنها لا تصح🤷
والتفاصيل طبعا في المصادر للي عايز يتوسع ويعرف هي لا تصح ليه👇

♡إللي عايز ياخد القصص وينشرها عنده في أي مكان يتفضل ياخدها من غير ما يستأذن مع ذكر المصدر أو حتى يكتب منقول😊

وزي مانتم عارفين؛ لو في أي ملاحظة ياريت تقولوا لي؛
فالمؤمن مرآة أخيه👌

مصادر حلقة النهاردة في التعليقات👇

¤إن شاء الله مع كل حلقة هيكون في صورة زي دي👇 تلخص أهم الأحداث في الحلقة زي خطوط عريضة كده عشان المعلومة تثبت أكتر في دماغنا👌

#Eman_Shalapy

⭐️المصادر⭐️

https://www.dorar.net/hadith/sharh/150556

https://ar.islamway.net/article/79259/-33-%D8%A5%D9%82%D8%B1%D8%A7%D8%B1-%D9%85%D8%A8%D8%AF%D8%A3-%D8%A7%D9%84%D8%B9%D8%AF%D9%84-%D9%88%D8%A7%D9%84%D9%85%D8%B3%D8%A7%D9%88%D8%A7%D8%A9-%D8%A8%D9%8A%D9%86-%D8%A7%D9%84%D9%86%D8%A7%D8%B3

https://dorar.net/hadith/sharh/124083

https://audio.islamweb.net/audio/index.php?page=FullContent&audioid=208300

https://multaqa-alsalam.com/126-%D8%A7%D9%84%D9%81%D9%88%D8%A7%D8%A6%D8%AF-%D8%A7%D9%84%D9%85%D9%86%D8%AA%D9%82%D8%A7%D8%A9-%D8%B9%D9%84%D9%89-%D8%B5%D8%AD%D9%8A%D8%AD-%D9%85%D8%B3%D9%84%D9%85.html

https://www.islamweb.net/ar/fatwa/13551/%D9%85%D9%82%D8%AF%D8%A7%D8%B1-%D8%A7%D9%84%D8%AF%D9%8A%D9%86%D8%A7%D8%B1-%D8%A7%D9%84%D9%82%D8%AF%D9%8A%D9%85-%D9%81%D9%8A-%D8%B9%D8%B5%D8%B1%D9%86%D8%A7

https://dorar.net/hadith/sharh/73799

https://dorar.net/hadith/sharh/136438

https://audio.islamweb.net/audio/index.php?page=FullContent&audioid=208300

http://al-ershaad.net/vb4/showthread.php?p=19313

قناة قصص الأنبياء و السيرة النبوية بقلم إيمان شلبي
https://t.me/prophets_stories

بوت الاستفسارات الخاصة بقصص الأنبياء و السيرة النبوية ...
اترك سؤالك الخاص بالحلقات و سنقوم بالرد قريياً بإذن الله... https://t.me/prophetsstories_bot

فهرس قصص الأنبياء 👇🏻
https://t.me/prophets_stories/2455


فهرس السيرة النبوية 👇🏻
https://t.me/prophets_stories/2456


فهرس حلقات نهاية البداية 👇🏻
https://t.me/prophets_stories/3886

#الخلفاء_الراشدون_إيمان_شلبي
#سيرة_أبي_بكر_وعمر
#الحلقة_الثالثة_والثلاثون
#فاطمة_بنت_رسول_الله

بدايةً قبل الحلقة وبما إن منهجنا هو تطبيق إللي نتعلمه؛ عايزة أفكركم بحديث رسول الله ﷺ:
"تَرَى المُؤْمِنِينَ في تَراحُمِهِمْ وتَوادِّهِمْ وتَعاطُفِهِمْ، كَمَثَلِ الجَسَدِ، إذا اشْتَكَى عُضْوًا تَداعَى له سائِرُ جَسَدِهِ بالسَّهَرِ والحُمَّى."
《صحيح البخاري》
وانتم طبعا عارفين إللي حصل للمسلمين في سوريا وتركيا والبلاء إللي ربنا ابتلاهم به، فكل واحد فينا يحاول بقدر استطاعته إنه يساعد إخوانه المسلمين المبتلين في محنتهم، ولا تحقرن من المعروف شيئا👌
¤إللي يستطيع إنه يتصدق عن الناس إللي ماتوا والمصابين والمفقودين يتصدق؛
أخرج مبلغ من المال بحسب قدرتك وأشركهم جميعا في أجر الصدقة، يعني تكون نيتك أن هذه الصدقة عن الموتى والمصابين والمفقودين، وده يجوز عادي👍
انت كده أهديتهم حسنات تنفعهم في الآخرة وخصوصا إللي مات وانقطع عمله الصالح في الدنيا👌

¤اعمل عمل صالح خالص لله ثم ادعو الله بالعمل الصالح ده إن ربنا يغفر لميتهم ويشفي مصابهم ويهون على مُبتلاهم ويصبرهم على مصيبتهم، زي أصحاب الغار الثلاثة إللي اتقفل عليهم صخرة ودعوا بأعمالهم الصالحة فاستجاب الله لهم👌
أو حتى من غير عمل صالح ممكن الدعاء لهم بصفة عامة.
الدعاء والصدقة هما أبسط شيء نقدر كلنا إننا نعملهم حتى لو مفيش مجال ولا نستطيع إننا نوصل لهم مساعدات عينية👌

فنسأل الله الحكيم العليم الخبير بعباده أن يرحم موتاهم ويشفي مُصابهم ويهون عليهم مصيبتهم ويرزقهم الصبر والرضا ويأجرهم على بلاءهم ويرد المسلمين إلى دينهم ردا جميلا وألا يقبضنا على حين غفلة منا🤲
=================================
حلقة النهاردة عن السيدة فاطمة، هنعرف قصة حياتها سريعا بصفة عامة،
هي فاطمة بنت رسول الله ﷺ، وهي أصغر بناته ﷺ وأمها خديجة بنت خويلد، وكانت أحب بنات رسول الله ﷺ إليه وكانت أكثر واحدة تشبهه في الشكل والأخلاق،
اتولدت قبل البعثة بخمس سنين، يعني لما كان رسول الله ﷺ عمره خمسة وثلاثين سنة،
والسيدة خديجة كان عمرها خمسين سنة،
بعد بعثة رسول الله ﷺ وبداية الدعوة والجهر بيها بدأ أذى قريش لرسول الله ﷺ،
وكانت فاطمة بتحب رسول الله ﷺ وكانت بتشوف أذى قريش لأبيها وبتدافع عنه وتبعد عنه الأذى مع صغر سنها،
ومن الأذى ده إنه ﷺ مرة كان بيصلي عند البيت الحرام، وكان أبو جهل ومعاه أصحاب له قاعدين، فقالوا لبعض:
"أيُّكُمْ يَجِيءُ بسَلَى جَزُورِ بَنِي فُلَانٍ، فَيَضَعُهُ علَى ظَهْرِ مُحَمَّدٍ إذَا سَجَدَ؟"《صحيح البخاري》
يعني مين يروح يجيب أمعاء البعير بتاع آل فلان إللي ذبحوه ويضعه على ظهر محمد وهو ساجد😈
فقام أشقاهم وجاب الأمعاء وأول ما رسول الله ﷺ سجد راح وضعه على ظهره بين كتفيه،
وقعدوا كلهم يضحكوا على رسول الله ﷺ لدرجة إنهم قعدوا يتمايلوا على بعض من الضحك😑
واستمر رسول الله ﷺ ساجد والأمعاء على ظهره لحد ما جاءت فاطمة وشالت الأمعاء من على ظهره ﷺ وكان عمرها ساعتها سبع أو ثمان سنوات،
فلما فقام رسول الله ﷺ دعا: اللهم عليك بقريش ..اللهم عليك بقريش..اللهم عليك بقريش🤲

ماتت السيدة خديجة أم السيدة فاطمة في السنة العاشرة من البعثة وكان عمر فاطمة خمسة عشرة سنة تقريبا،
واحنا عارفين أد إيه رسول الله ﷺ كان بيحب السيدة خديجة وحزن على موتها،
فكانت السيدة فاطمة هي إللي بترعى رسول الله ﷺ بعدها وتحنو عليه وعلى طول كانت معاه في البيت، عشان كده كانت كنيتها أم أبيها👌

وكانت تُلقب الزهراء؛ واحنا منعرفش السبب في انها لُقّبت بالزهراء لكن بعض أهل العلم قالوا أنّها حَسنة اللون، أو المُشرقة المُنيرة وذلك نسبة لرسول الله ﷺ؛ لأنها تُشبهه في الجمال، والصورة الحسنة، والله أعلم😅

لما هاجر رسول الله ﷺ للمدينة بعد موت السيدة خديجة بثلاث سنوات تركها في مكة،
وبعد ما استقر الوضع في المدينة أرسل رسول الله ﷺ لمكة مَن يأتي بأهله وكان منهم السيدة فاطمة،
في السنة الثانية من الهجرة بعد غزوة بدر جاءت مَوْلاة لعلي بن أبي طالب وقالت له إن الناس بدأوا يطلبوا فاطمة للخطبة، فقالت له: إيه إللي يمنعك من إنك تروح وتخطبها من رسول الله ﷺ 🤔
فقال لها: وهو أنا عندي حاجة أتزوج بها😕
يعني أنا فقير ومعنديش حاجة أدفعها كمهر،
فقالت له: لو انت ذهبت لرسول الله ﷺ هيزوجها لك👌

فذهب علي لرسول الله ﷺ وقعد أمامه ومعرفش يتكلم🙊
رسول الله ﷺ كانت له هيبة، فهو دلوقتي جاي يطلب إيد بنته إللي بيحبها وبيخاف عليها، وهو فقير معندوش حاجة فهيتكلم إزاي😶
فرسول الله ﷺ سأله: إنت جاي عايز حاجة؟!
فسكت علي رضي الله عنه 😅
فقال له رسول الله ﷺ: لعلّك جئت تخطب فاطمة؟!

فقال علي بن أبي طالب: نعم.
فقال له رسول الله ﷺ: وانت عندك شيء تقدمه لها مهر؟!
فقال له علي رضي الله عنه:
لا والله يا رسول الله😓
فقال له رسول الله ﷺ: أنا كنت أعطيتك درع تتسلح بها، عملت فيها إيه؟
فقال علي: والله يا رسول الله دي درع متحطمة ميجبش ثمنها أربعة دراهم😥
فقال له رسول الله ﷺ: أنا زوّجتك فاطمة بالدرع دي👌
وتزوجت السيدة فاطمة من علي بن أبي طالب ابن عم أبوها، وكان عمرها حوالي من 18 ل 20 سنة تقريبا🤔
وكان علي بن أبي طالب عمره حوالي ثلاثة وعشرين عام،
فاطمة رضي الله عنها لما رسول الله ﷺ أخبرها بإن علي رضي الله عنه تقدم لخطبتها وأخبرها إن مهرها كان درع مقلتش مثلا إزاي أكون بنت رسول الله ويكون مهري درع ثمنه أربعة دراهم 😒
والدرع ده كان ثمنه في الحقيقة 400 درهم والدرهم الواحد يساوي ثلاثة جرام من الفضة،
وبحسبة بسيطة كده يبقى الأربعمائة درهم يساووا حوالي 8664 جنيه مصري
يعني مهر بنت رسول الله ﷺ سيدة نساء أهل الجنة وسيدة نساء العالمين كان 8664 جنيه،
ولو كان المهر العالي حاجة حلوة كان رسول الله ﷺ أمر بيه زي ما عمر بن الخطاب رضي الله عنه قال:
"لا تُغالوا بصُدُقِ النِّساءِ فإنَّها لو كانت مَكرمةً في الدُّنيا أو تقوى عندَ اللَّهِ لَكانَ أولاكم بِها النَّبيُّ ﷺ"
《صحيح أبي داود》

أما جهازها إللي رسول الله ﷺ جهّزها بيه فكان قطيفة، ثوب يعني ألبسه رسول الله ﷺ لفاطمة، وقِرْبة، بلغة عصرنا الإزازة إللي بيتحط فيها ماء، ووسادة من جلد حشوها نبات رائحته حلوة،
بس كده😅
ما هو يا جماعة رسول الله ﷺ قال:
"ما لي وما للدُّنيا، ما أنا في الدُّنيا إلَّا كراكبٍ استَظلَّ تحتَ شجرةٍ ثمَّ راحَ وترَكَها"《صحيح الترمذي》
زي لما بنسافر بلد تانية كده يومين تلاتة، هل بناخد كل حاجاتنا إللي في الشقة معانا ولّا بناخد إللي بيكفينا في الرحلة؟!
أهه هي دي الدنيا بالنسبة للآخرة، وكان طبيعي إن السيدة فاطمة إللي اتربت في بيت النبوة وأخلاقها تُشبه أخلاق رسول الله ﷺ جدا إن يكون زواجها سهل ميسور ليس فيه أي صورة من صور متاع الدنيا الزائل،
وانضرب بها المثل في زواجها اليسير المهر، القليل المؤنة👌

☆طيب سؤال: هل المفروض إننا نعمل زي علي وفاطمة رضي الله عنهما في موضوع الزواج🤔

شوفوا،
عامّة الصحابة كانوا فقراء، وحتى بيت رسول الله ﷺ كان بيت فقير، يعني كان ممكن يعدي على رسول الله ﷺ أيام من غير ما يأكل طعام مطبوخ، فكان طبيعي إنهم يتزوجوا عالحال إللي هم فيها،
وكذلك في عصرنا فالمرأة تتزوج من صاحب الخلق والدين إللي يتناسب مع حالها ووضعها؛ لأن التكافؤ بين الزوجين مطلوب👌
وطبعا كل ما خففنا في تكاليف الزواج كان الزواج والمرأة نفسها مباركة،
يعني موضوع إن واحدة تجيب ستين فوطة وثلاثين ملاية سرير، ومش عارفة كم طقم حلل وكم طقم كاسات وكوبيات و...و...
ده غير بقى الفرح وإللي بيحصل فيه والطلبات إللي بتتطلب من الشخص إللي بيتقدم وإزاي تكون أقل من بنت خالها ولّا أختها ولّا بنت صاحبتها والكلام إللي يخلي البنات تعنّس أو تتزوج أي واحد والسلام بسبب التعقيدات دي😑
كل ده مكنش من هدي رسول الله ﷺ ولا من هدي الصحابة،
ده كمان المغالاة في المهور مكروهة👌

وحتى بعد زواج السيدة فاطمة من علي مكنتش حياتها في بيت زوجها مُترَفة ولا ناعمة بل كانت أقرب إلى حياة التقشّف والخشونة؛
لأن علي رضي الله عنه على عِظم مكانته مكنش عنده مال كتير،
فعاشت السيدة فاطمة رضوان الله عليها في بيتها حياة بسيطة متواضعة،
فهي إللي كانت بتطحن وتعجن العيش بتاعها بإيدها، وخدوا بالكم إن مكنش زمان في دقيق أو طحين😅
دي هي إللي كانت بتجيب الحبوب و تطحنها بالرّحى، وهو نوع معين من الحجر المدوّر، وتقعد تعجن وتخبز،
ده غير مسؤوليات البيت التانية بالإضافة إلى حقوق زوجها عليها، مع وجود الحمل كمان😬
وكان رسول الله ﷺ قَسَم العمل بينها وبين علي رضي الله عنه،
فقال لهما إن الأعمال داخل البيت من مسؤولية السيدة فاطمة، والأعمال خارج البيت مسؤولية علي رضي الله عنه،
كل ده وهي بنت مين، بنت السيدة خديجة إللي كانت من أغنى النساء في مكة،
ومن كثرة شغل البيت تعبت جدا، والرحى إللي بتطحن بيها الحبوب كل يوم أثّرت في إيدها وتعبتها،
فذهبت لرسول الله ﷺ تطلب منه خادم، يعني بلغة عصرنا عايزة شغالة تساعدها في مسؤولياتها،
فلما ذهبت لرسول الله ﷺ ملقتهوش، فقالت لعائشة زوجة رسول الله ﷺ على طلبها ورجعت،
فلما جاء رسول الله ﷺ أخبرته السيدة عائشة، فذهب رسول الله ﷺ لبيت السيدة فاطمة وكانت هي وعلي خلاص هيناموا فجاءهم رسول الله ﷺ،
فأرادت السيدة فاطمة إنها تقوم لتستقبل رسول الله ﷺ فقال رسول الله ﷺ إنها تخليها في مكانها وقعد هو وسطهم وقال لهما:

"ألَا أُعَلِّمُكُما خَيْرًا ممَّا سَأَلْتُمَانِي؟
إذَا أخَذْتُما مَضَاجِعَكُما تُكَبِّرَا أرْبَعًا وثَلَاثِينَ، وتُسَبِّحَا ثَلَاثًا وثَلَاثِينَ، وتَحْمَدَا ثَلَاثًا وثَلَاثِينَ؛ فَهو خَيْرٌ لَكُما مِن خَادِمٍ."
《صحيح البخاري》
يعني أنا هقولكم على حاجة أحسن من الخادم إللي طلبتوه وهي إنكم لما تيجوا تناموا تقولوا سبحان الله 33 مرة والحمد لله 33 مرة والله أكبر 34؛
لأن الذّكر يعطي قوة للبدن كبيرة وربنا بيعطي الإنسان قدرة على التحمل،
وفعلا علي رضي الله عنه والسيدة فاطمة عملوا كده والسيدة فاطمة لم تحتاج لخادم يساعدها👌

ولدت السيدة فاطمة خمسة أطفال هم:
الحسن والحسين وهما سيدا شباب أهل الجنة، وولدت مُحسن، وأم كلثوم، وزينب،
أم كلثوم دي هتتزوج الخليفة عمر بن الخطاب بعدين، مع إن فارق السن بينهم كبير جدا بس ده كان عادي عندهم في زمانهم 😅

من الأحداث إللي حصلت في حياة السيدة فاطمة وتعتبر من المواقف الشديدة عليها؛ لما سمعت بخبر مقتل رسول الله ﷺ،
فبعد غزوة أحد وهزيمة المسلمين بسبب معصية فريق الرماة لأمر رسول الله ﷺ؛
بعض المسلمين هربوا من أرض المعركة وكانوا سمعوا صرخة واحد من المشركين وهو بيقول قُتل محمد،
فالمجموعة دي وصلت المدينة وعندهم الخبر بمقتل رسول الله ﷺ،
فأخبروا أهل المدينة باللي حصل لجيش المسلمين وإن رسول الله ﷺ قُتل،
فالنساء قعدت تبكي وتصرخ واتقلبت المدينة، و مكنش لسه اتحرم الصراخ على الموتى ساعتها،
فاطمة بنت رسول الله ﷺ لما وصل لها الخبر، خرجت مع مجموعة من النساء واتجهوا لمكان المعركة،
عشان يساعدوا المسلمين المصابين ويتأكدوا من الخبر،
فالمسافة بين المدينة وجبل أحد مش بعيدة، ثلاثة أميال ونصف، يعني تقريبا خمسة كيلو ونصف 🤔
وصلت النساء وكن تقريبا أربعة عشرة امرأة في الوقت إللي المشركين كانوا انسحبوا فيه من أرض المعركة،
عرفت السيدة فاطمة إن رسول الله ﷺ لسه على قيد الحياة فأول ما شافت رسول الله ﷺ حضنته، وشافت الدم يسيل من وجهه ورأسه ﷺ بعد إللي حصل له في الغزوة،
فقعدت تغسل الدم بالماء، لقت إن الماء بيزوّد الدم،
فأخذت قطعة من حصير وحرقتها لحد ما بقت رماد، تراب حار يعني ووضعته على الجرح زي الكمادات كده فتوقف الدم،
ورجعت مع رسول الله ﷺ للمدينة وفضلت تراعيه لحد ما خف.

أشد المواقف بقى إللي حصلت لها على الإطلاق هو موت أبيها ﷺ، فلما كان رسول الله ﷺ في مرض الموت دخلت عليه تزوره وكان من عادته إنه لما يشوفها يقوم لها ويقبلها بين عينيها ويقعدها مكانه،
وهي كمان كانت بتعمل كده، كان لما يأتيها كانت تقوم وتقبله بين عينيه وتقعده مكانها،
فالمرة دي رسول الله ﷺ كان مريض جدا ومقدرش يقوم لها ﷺ، لكنه رحب بها، وأجلسها بجانبه وقال لها سر في أذنها فبكت بكاء شديد، وبعدين قال لها سر تاني فضحكت،
فلما سألتها السيدة عائشة عن إللي رسول الله ﷺ قاله لها قالت لها:
" ما كنت لأفشي على رسول الله ﷺ سرَّه"
《صحيح البخاري》
ولما اشتد المرض على رسول الله ﷺ تألمت لمرض رسول الله ﷺ وقالت:
وَاكَربَ أَبَتَاهُ! يعني بتتألم وتتأوه لمرض رسول الله ﷺ
فقال لها رسول الله ﷺ:لَيْسَ عَلَى أَبِيكِ كَرْبٌ بَعْدَ الْيَوْمِ"
《صحيح البخاري》
يعني خلاص بعد النهاردة مفيش ألم ولا وجع لأن رسول الله ﷺ لما يموت هيدخل الجنة،
فلما مات رسول الله ﷺ قالت:
"يَا أَبَتَاهُ، أَجَابَ رَبًّا دَعَاهُ! يَا أَبَتَاهُ، جَنَّةُ الْفِرْدَوْسِ مَأْوَاهُ! يَا أَبَتَاهُ، إِلَى جبْرِيلَ نَنْعَاهُ! "《صحيح البخاري》

بعد موته ﷺ السيدة عائشة سألت فاطمة عن السر مرة تانية فقالت لها إن رسول الله ﷺ أسَرَّ إلَيَّ:
"إنَّ جِبْرِيلَ كانَ يُعَارِضُنِي القُرْآنَ كُلَّ سَنَةٍ مَرَّةً، وإنَّه عَارَضَنِي العَامَ مَرَّتَيْنِ، ولَا أُرَاهُ إلَّا حَضَرَ أجَلِي، وإنَّكِ أوَّلُ أهْلِ بَيْتي لَحَاقًا بي. فَبَكَيْتُ،
فَقالَ: أَمَا تَرْضَيْنَ أنْ تَكُونِي سَيِّدَةَ نِسَاءِ أهْلِ الجَنَّةِ -أوْ نِسَاءِ المُؤْمِنِينَ؟ فَضَحِكْتُ لذلكَ."
《صحيح البخاري》
يعني رسول الله ﷺ بيقول لها إن جبريل عليه السلام كان يراجع معه القرآن كل سنة مرة، أما السنة دي فراجعه معاه مرتين، فده كده معناه إن أجلي خلاص قرب ينتهي، وإنك أول واحدة من أهلي هتموتي بعدي، فبكت السيدة فاطمة لفراق رسول الله ﷺ،
فلما رآى رسول الله ﷺ حزنها قال لها أما ترضي أن تكوني سيدة نساء أهل الجنة أو سيدة نساء المؤمنين؟
فكان ده سبب ضحكها.

بعد موت رسول الله ﷺ بفترة قصيرة مرضت السيدة فاطمة مرض شديد ألزمها الفراش، وكان علي رضي الله عنه هو الذي يرعاها،
وجاءها أبو بكر رضي الله عنه يزورها ويسترضيها مرة أخرى في قضية الميراث إللي اتكلمنا عنها قبل كده،