#قصص_الأنبياء
#الحلقة_الثالثة_والثلاثون
#قصة_موسى(٨)
#بقرة_بني_إسرائيل

عرفنا المرة إللي فاتت إن بني إسرائيل دخلوا في التيه، وفي التيه حدثت أحداث كثيرة..كان منها قصة قارون إللي قلناها المرة إللي فاتت، والنهاردة هنتكلم عن قصة البقرة،
كان في بني إسرائيل رجل غني مكنش عنده أبناء، لكن كان له قريب لو الرجل مات القريب ده يورثه، فمقدرش يصبر لحد ما الراجل يموت لوحده،فراح قاتله ورماه على الطريق،
الناس صحيوا الصبح لقوا واحد مقتول😳
وجاء قريبه ده وقعد يصوت ويندب عليه، وقال لموسى عليه السلام مفيش حد هيقولي من قتله غيرك يانبي الله😭
"وَإِذْ قَتَلْتُمْ نَفْسًا فَادَّارَأْتُمْ فِيهَا ۖ وَاللَّهُ مُخْرِجٌ مَّا كُنتُمْ تَكْتُمُونَ"

☆ يقتل القتيل ويمشي في جنازته عادي جدا🤓
ومش كده وبس ده البجاحة وصلت بيه إنه يروح لموسى عليه السلام إللي بيجيله الوحي من الله عالم الغيب والشهادة ويسأله من إللي قتل قريبه😶

فبنو إسرائيل قالوا لموسى عليه السلام: صح أنت نبي ادعو ربك واسأله من قتل قتيلنا🤔
فدعا موسى الله فربنا أوحى له إنه يقول لبني إسرائيل اذبحوا بقرة،
فموسى عليهم السلام قالهم: الله يأمركم إنكم تذبحوا بقرة، فقالوا لموسى: إحنا بنقولك مين قتل القتيل وإنت تقول اذبحوا بقرة🤨 إنت بتهزر 😐
"وَإِذْ قَالَ مُوسَىٰ لِقَوْمِهِ إِنَّ اللَّهَ يَأْمُرُكُمْ أَن تَذْبَحُوا بَقَرَةً ۖ قَالُوا أَتَتَّخِذُنَا هُزُوًا ۖ"
فموسى عليه السلام قالهم : وهو إنتم جربتوا عليّ قبل كده إني بهزر في الحاجات دي؟ أنا بقالي كم سنة عايش معاكم..هل حصل إني استهزأت بحاجة قبل كده😑
"قَالَ أَعُوذُ بِاللَّهِ أَنْ أَكُونَ مِنَ الْجَاهِلِينَ"
فقالوا : طيب من قتل قتيلنا😒..قال : اذبحوا بقرة👌

☆طيب اشمعنى بقرة🤔...ليه مش بعير ليه مش خروف ولا شاة ولا أي حيوان تاني🤨
لأنهم عبدوا العجل..فعشان ربنا يطلع من قلوبهم عبادة البقر نهائي👌
لما يذبحوا الإله إللي عبدوه قبل كده هيقع في قلوبهم إن إزاي إله ويُذبح😉

فقالوا اسأل ربك البقرة دي عاملة إزاي🤔
فقال لهم موسى عليه السلام: بقرة متوسطة لا هي كبيرة ولا هي صغيرة، وانجزوا واعملوا إللي ربنا أمركم بيه👌
"قَالُواْ ادْعُ لَنَا رَبَّكَ يُبَيِّن لّنَا مَا هِيَ قَالَ إِنَّهُ يَقُولُ إِنَّهَا بَقَرَةٌ لاَّ فَارِضٌ وَلاَ بِكْرٌ عَوَانٌ بَيْنَ ذَلِكَ فَافْعَلُواْ مَا تُؤْمَرونَ"

☆وهنا في قاعدة مهمة👌
وهي إن لما الأمر يجيلنا من ربنا يجب التفيذ فورا👌
يعني مش لسه هشوف ظروفي تسمح ولا لأ ولا هينفع معايا ولا مش هينفع😑
الأغاني حرام يبقى أوقف فورا، الصلاة فرض ربنا أمر بيها يبقى أصلي حالا، مش أقول لما ربنا هيديني..ولا أقول هبقى أعمل 😒

فقالوا له تاني : طيب اسأله كده لونها إيه😅
فقال لهم موسى: البقرة لونها أصفر..ومش أصفر عادي لأ أصفر فاقع ويكون شكله حلو مش أصفر يوجع العين ويبقى شكله وحش😒
فقالوا :طيب اسأله كده إنه يوضح صفاتها أكثر أحسن كده البقر بقى متشابه واحنا اتحيرنا ومش عارفين نجيب أنهي بقرة😯
☆وطبعا دي نتيجة التشدد😑 ربنا كان ميسرها عليهم لكن هم قعدوا يشددوا على نفسهم، عارفين زي إيه🤔
زي الشخص إللي بيقع في الوسوسة في الوضوء مثلا،
ربنا قال اغسل كل عضو ثلاث مرات، خلاص يبقى نغسله،
يقعد الإنسان يفكر طيب ماهو انا خايف متكونش المية وصلت لكل مكان فتلاقيه يزود أو يقعد يعيد في الوضوء،
ويدخل في دايرة من الشك والحيرة😶

فموسى عليه السلام قال لهم: البقرة دي بقرة مُدللة..مدلعة يعني...لا بتروح حقل تحرث، ولا حتى تسقي الزرع، ومش بس كده لأ ميكونش فيها أي عيب👌
قالوا بااااس إحنا كده فهمنا المطلوب😅
"قَالَ إِنَّهُ يَقُولُ إِنَّهَا بَقَرَةٌ لَّا ذَلُولٌ تُثِيرُ الْأَرْضَ وَلَا تَسْقِي الْحَرْثَ مُسَلَّمَةٌ لَّا شِيَةَ فِيهَا ۚ قَالُوا الْآنَ جِئْتَ بِالْحَقِّ ۚ فَذَبَحُوهَا وَمَا كَادُوا يَفْعَلُونَ"

☆واخدين بالكم من الفرق...لما موسى عليه السلام ربنا أمره إنه يلقي عصاه العزيزة عليه، عمل إيه؟ ..نفذ فورا مع إنها تعتبر ضد المنطق ..يعني أنا ليه أتخلى عن حاجة بحبها،
ومع ذلك سمع الكلام،
بني إسرائيل لما جالهم الأمر وحكّموا عقلهم كانت النتيجة إنهم اعترضوا على أمر الله واتهموا نبي مُرسل بالاستهزاء،
ولو أنهم سمعوا الكلام على طول بدون نقاش كان الموضوع خلص على طول و انتهى😑
فبدأوا يصعبوا الأمور على نفسهم، ويسألوا في الأمور الواضحة، فربنا ضيق عليهم ...وكانوا كل ما يسألوا أكثر ربنا يضيق عليهم أكثر، وده يعلمنا إن السؤال فيما لا يفيد مفهوش أي خير👌
حتى يُحكى إن واحد من الأمراء كتب لوكيله يقول:
لو أمرتك إنك تعطي شخص شاة، هتسألني خروف ولا ماعز،
فلو قلتلك ...هتقولي ذكر ولا أنثى؟
ولو قلتلك ..هتقولي بيضاء ولا سوداء، فلما أقولك على حاجة نفذها وخلاص زي ماهي👌

قعدوا يدوروا على بقرة بالمواصفات دي مش لاقيين نهائي، لحااااد ما لقوها عند امرأة عجوز عندها يتامى، فلما عرفت إن بني إسرائيل محتاجين البقرة بشدة،

#قصص_الأنبياء(٢)
#السيرة_النبوية
#الحلقة_الثالثة_والثلاثون
#رحلة_الإسراء_والمعراج
#المعراج_الجزء_الثاني

كنا واقفين المرة إللي فاتت مع رسول الله ﷺ لما دخل السماء الرابعة ورحب به أهلها، ووجد في استقباله فيها من الأنبياء إدريس عليه السلام،
فقال جبريل لرسول الله ﷺ هذا إدريس سلم عليه، فسلم عليه رسول الله ﷺ فقال له إدريس: مرحبا بالأخ الصالح والنبي الصالح!
واحنا اتكلمنا في قصة إدريس عليه السلام إن ربنا رفعه مكانا عليا😉

☆ممكن حد يسأل إزاي ربنا رفعه مكان عليا وفي أنبياء مكانتهم أعلى منه 🤔
والمعنى المقصود إن ربنا قبض روحه في السماء الرابعة،وهو البشر الوحيد إللي قبضت روحه في السماء زي ما الهلماء بيقولوا😊

بعد ما سلّم على رسول الله ﷺ ودعا له بخير، كمّل رسول الله ﷺ رحلته للسماء الخامسة،
طلع رسول الله ﷺ السلمة الأولى والثانية والثالثة وبعدها كان على باب من أبواب السماء الخامسة مع جبريل،
يخبط على الباب والخازن بيسأل مين، وجبريل عليه السلام يرد ويقول جبريل ، والخازن يسأله معاك مين، يقول له جبريل : محمد فيسأل الخازن هو أُرسل إليه فجبريل يقول له : نعم!
فيقول الخازن فلنعم المجيء جاء ويفرح به أهل السماء ﷺ 😍
احنا ممكن نفكر إن عشان رسول الله ﷺ بينتقل من سماء لسماء بثلاث سلمات فقط يبقى المسافة بين السماوات وبعضها مسافة بسيطة😅
لأ ده الفرق بين كل سماء والثانية مسيرة خمسمائة عام🙊
والمسافة من الأرض لحد ربنا فوق السماء السابعة بتستغرق خمسين ألف سنة 😮
ومع ذلك رسول الله ﷺ كان بيقطع المسافات دي في لحظات 👌
فتخيلوا السرعة إللي كان بيتحرك بها رسول الله ﷺ ، بعد ما دخل رسول الله ﷺ السماء لقى في استقباله هارون عليه السلام 😊
هارون أخو موسى...هارون الرقيق ...هارون الهِبة إللي ربنا وهبها لموسى عليه السلام... هارون وزير موسى عليه... هارون إللي عانى من بنى إسرائيل مع موسى عليه السلام😀

فقال جبريل لرسول الله ﷺ هذا هارون سلّم عليه ،فسلم رسول الله ﷺ عليه، فقال له هارون عليه السلام مرحبا بالأخ الصالح والنبي الصالح ! ودعا له هارون عليه السلام بخير،
وانطلق رسول الله ﷺ لحد ما وصل للسماء السادسة وخبطوا عليها وحصل نفس الاستئذان ونفس الترحيب برسول الله، ولقى مين نازل له من السماء السابعة مخصوص عشان يستقبله في السماء السادسة 🙊
موسى عليه السلام 😍
موسى بني إسرائيل ...موسى الخضر...فاكرين😁
جبريل عليه السلام بيقول لرسول الله ﷺ: هذا موسى سلّم عليه!
تخيلوا رسول الله لما سلّم كان إحساسه إيه😮
إحساسه وهو بيتذكر موسى لما كان رضيع وأمه خافت عليه من جنود فرعون، وألقته في البحر،
موسى إللي اتربى في قصر فرعون... موسى إللي ربنا قال له ولتُصنع على عينى ، إللي ربنا قال له وألقيت عليك محبة مني،
موسى ...هو ده موسى 🙊
رسول الله بيوصف لنا موسى عليه السلام بيقول إنه كان رجل طويل قليل اللحم يعني رفيع،
ممشوق الجسم بشرته سمراء شعره لا هو ناعم أوي ولا هو مجعد،
عارفين الرجال إللي بيكونوا طوال وعندهم عضلات مع جسم متناسق مش العضلات الضخمة دي 😑
لأ...رجل رفيع طويل قوي عنده عضلات متناسقة مع جسمه👌
سلّم عليه رسول الله ﷺ فقال له موسى مرحبا بالنبي الصالح والأخ الصالح !ودعا له بخير،
فلما تركه رسول الله ومشي مع جبريل بكى موسى عليه السلام 😳
فسأله الله عز وجل: بتبكي ليه؟ وهو أعلم سبحانه،
فقال موسى عليه السلام :
عشان في غلام جاء بعدي وهيدخل الجنة من أمته أكثر من إللي هيدخلها من أمتي 😞

☆ليه موسى عليه السلام قال كده 😶

موسى عليه السلام مقلش الكلام ده حسد لرسول الله ﷺ حاشاه👌
ده من أولي العزم من الرسل ومعصوم 😉
بكاؤه كان بكاء حزن على بني إسرائيل وتكذيبهم له مع إنه قعد معاهم سنين طويلة أكثر من إللي رسول الله قعدها مع أمته ،
حتى لما موسى عليه السلام قال غلام، هو كان يقصد صِغر سن رسول الله ﷺ بالنسبة له وللأنبياء من قبله،
لأننا لو قسنا عمر رسول الله ﷺ بالنسبة لعمر موسى وإبراهيم ونوح هنلاقيه إنه أصغر منهم بكثير 🤷‍♀️
و مع ذلك ربنا أعطاه ما لم يعط أحد قبله على صغر سنه ده وقصر مدة بعثته ﷺ،
مش إن موسى عليه السلام يقصد التقليل من شأن رسول الله ﷺ بقوله عنه غلام 😀
ده موسى يا جماعة 😁

وصل رسول الله ﷺ للسماء السابعة مع جبريل عليه السلام ودخلوها ورحب أهلها برسول الله ﷺ لقى فيها إبراهيم عليه السلام 😮
إبراهيم خليل الله ...إبراهيم إللي أُلقِي في النار...إبراهيم صاحب الدين الحنيف...إبراهيم إللي بنى الكعبة إللى قريش ملتها بالأصنام 😑
إبراهيم جد رسول الله ﷺ أبو الأنبياء😍
لقاه رسول الله قاعد ساند ظهره للبيت المعمور ،
والبيت المعمور هو كعبة أهل السماء،
مكانه فوق الكعبة بالضبط لدرجة إنه لو وقع هيقع على الكعبة،
فإبراهيم عليه السماء كان قاعد ساند ظهره للبيت المعمور، موقف رهيب طبعا 😯
وأظن إن ده أكثر مكان مناسب لإبراهيم عليه السلام ،يعني هو ده أكثر مكان ملائم له👌

،لأن إ

#قصص_الأنبياء
#الحلقة_الثالثة_والثلاثون
#قصة_موسى_الجزء_الثامن
#بقرة_بني_إسرائيل

عرفنا المرة إللي فاتت إن بني إسرائيل دخلوا في التيه، وفي التيه ده حصلت أحداث كثيرة..كان منها قصة قارون إللي قلناها المرة إللي فاتت،
والنهاردة هنتكلم عن قصة البقرة😁
كان في بني إسرائيل رجل غني مكنش عنده أبناء، لكن كان له قريب، لو الرجل الغني ده مات كان القريب ده هيورثه، فمقدرش يصبر لحد ما الراجل يموت لوحده، فراح قاتله ورماه على الطريق،
الناس صحيوا الصبح لقوا واحد مقتول على الطريق😳
وجه قريبه القاتل ده وقعد يصوّت ويندب عليه قال يعني كإنه اتفاجيء،
وعلى رأي المثل: يقتل القتيل ويمشي في جنازته 🤓
فبدأ الناس كل واحد فيهم ينفي التهمة عن نفسه ويرمي بيها غيره وحصل نزاع في الأمر..
"وَإِذْ قَتَلْتُمْ نَفْسًا فَادَّارَأْتُمْ فِيهَا ۖ وَاللَّهُ مُخْرِجٌ مَّا كُنتُمْ تَكْتُمُونَ"
فالقاتل قال لموسى عليه السلام: مفيش حد هيقول لنا مين إللي قتله غيرك يا نبي الله😭

☆يعني مش بس قتل، ومش بس بيقتل القتيل ويمشي في جنازته ويمثل على الناس البراءة،
لأ، ده كمان بكل بجاحة رايح لموسى عليه السلام إللي بيجيله الوحي من ربنا عالم الغيب والشهادة يسأله مين إللي قتل قريبه😶
يعني بيحاول يُسبُك الحكاية أكتر على طريقة قال يعني هو بريء لدرجة إنه مصمم ياخد بكل الأسباب لكشف القاتل،
وده معناه إنهم فعلا عارفين إن موسى عليه السلام نبي لكنهم مستهزئين بيه وقلوبهم فيها شك في الإيمان دايما ومليانة ريبة ومرض😐

فبنو إسرائيل قالوا لموسى عليه السلام: صح! مش انت نبي؟! ادعي ربك واسأله مين قتل قتيلنا🤔
فدعا موسى عليه السلام ربنا عز وجل يكشف القاتل، فربنا أوحى له إنه يؤمر بني إسرائيل إنهم يذبحوا بقرة، فاستهزأوا بيه وبطلبه..
"وَإِذْ قَالَ مُوسَىٰ لِقَوْمِهِ إِنَّ اللَّهَ يَأْمُرُكُمْ أَن تَذْبَحُوا بَقَرَةً قَالُوا أَتَتَّخِذُنَا هُزُوًا"
يعني بيقولوا له بقى إحنا بنقولك مين قتل القتيل؟ تقوم إنت تقول لنا اذبحوا بقرة🤨
انت بتهزر 😐
فموسى عليه السلام قال لهم:
"قَالَ أَعُوذُ بِاللَّهِ أَنْ أَكُونَ مِنَ الْجَاهِلِينَ"
يعني هو انتم جربتم عليّ قبل كده كذب على الله عزو وجل أو استهزاء بيكم أو بأي حد من الناس؟
أنا بقالي كم سنة عايش معاكم.. هل حصل مني أي حاجة من دي قبل كده😑
فقعدوا يجادلوه ويصعّبوا الموضوع أكتر:
طيب ما تقول مين قتل قتيلنا ؟
فموسى عليه السلام مزودش معاهم في الكلام أكتر من إنه كرر عليهم الأمر الإلهي "اذبحوا بقرة"..

☆طيب هنا سؤال: اشمعنى بقرة🤔... ليه مش خروف ولا شاة ولا أي حيوان تاني🤨
السبب في كده لأنهم عبدوا العجل.. فربنا طول الوقت بيربيهم على ترك عبادة العجل وبيعلمهم إنهم ينزعوا تقديسه تماما من قلوبهم،
قلوبهم كان متشربة حب عبادة العجل بدرجة كبيرة جدا،
فلما مرة يحرقوا الإله المزعوم إللي عبدوه وقدسوه قبل كده وكان على شكل عجل ونثروا الرماد بتاعه في الهواء،
وبعدين مرة تانية يذبحوا بقرة إللي هي برده من نفس الفصيلة فالمفروض إنه يقع في قلوبهم:
إزاي إله ويُذبح ويهلك🤨
ويقتنعوا بقى إن صفات الإله مختلفة عن إللي بيعبدوه ده👌
المفروض يعني، لكن هنقول إيه🤦‍♂️

المهم.. كملوا جدال وعناد مع موسى وأسئلة فارغة :
"قَالُواْ ادْعُ لَنَا رَبَّكَ يُبَيِّن لّنَا مَا هِيَ"
اسأل ربك البقرة دي عاملة إزاي🤔
" قَالَ إِنَّهُ يَقُولُ إِنَّهَا بَقَرَةٌ لاَّ فَارِضٌ وَلاَ بِكْرٌ عَوَانٌ بَيْنَ ذَلِكَ فَافْعَلُواْ مَا تُؤْمَرونَ"
يعني ابحثوا عن بقرة متوسطة لا هي كبيرة ولا هي صغيرة، وانجزوا واعملوا إللي ربنا أمركم بيه بسرعة من غير تأجيل👌

☆وهنا فيه قاعدة مهمة😊
وهي إن لما الأمر يجيلنا من ربنا، يجب التفيذ فورا👌
يعني مش لسه هشوف ظروفي تسمح ولاّ لأ!
ولّا هينفع وسهل معايا ولّا لأ، ولّا هيكون معايا حد ولّا هبقى لوحدي،
الموسيقى حرام يبقى أوقف فورا، الصلاة فرض ربنا أمر بيها؛ يبقى أصلّي حالا،
الحجاب ميكونش زينة ويكون ساتر للزينة؛ يبقى أقول سمعا وطاعة فورا يارب،
مش أقعد أدرّج لنفسي الحجاب كل سنة أغطي حتة😀
أنفذ أوامر ربنا فورا ، مش أقول لما ربنا يهديني وأقعد أسوّف في الطاعة وأقول "سوف.. سوف.. سوف..." 😒
دول بقى جدال وتضييع وقت مع إن الطلب واضح وربنا سهّل عليهم من البداية بدون شروط!

فقالوا له تاني : طيب اسأله كده لونها إيه😅
"قَالُوا ادْعُ لَنَا رَبَّكَ يُبَيِّن لَّنَا مَا لَوْنُهَا"!
فقال لهم:
لونها أصفر.. بس مش أصفر عادي سهل تلاقوه،
لأ أصفر فاقع، ويكون شكله حلو مش أصفر يوجع العين ويبقى شكله وحش😒
"قَالَ إِنَّهُ يَقُولُ إِنَّهَا بَقَرَةٌ صَفْرَاءُ فَاقِعٌ لَّوْنُهَا تَسُرُّ النَّاظِرِينَ"

بقت العملية أصعب! شدّدوا على أنفسهم فشُدِّدَ عليهم!
طيب هل سمعوا الكلام بقى وفهموا واعتبروا؟
إطلاقا🤦‍♂️

قالوا لموسى خلّي ربك يا موسى يوضح لنا صفاتها أكثر لإن البقر إللي بالصفات دي كتير برده ومش هنقدر نميز البقرة المطلوبة من بي

#قصة_نهاية_البداية_إيمان_شلبي
#الدار_الآخرة_بالعامية
#الحلقة_الثالثة_والثلاثون
#المرحلة_الثالثة_اليوم_الآخر
#الأحداث_في_أرض_المحشر_الجزء_الخامس
#يا_ليتني_كنت_ترابا

لو انت ماشي في الشارع وشوفت واحد شايل حِمل ثقيل على ظهره ومش قادر يمشي بيه وانت حاسس إن ظهره هيتكسر من ثقل الحِمل إللي شايله ده؛ انت أكيد هتشفق عليه وهتلاقي نفسك بكل تلقائية روحت وساعدته وشيلت معاه،
يوم القيامة بقى هتشوف ناس كتير شايلين أحمال على ظهورهم تهد جبال، والأحمال دي هي الذنوب والمعاصي إللي عملوها في الدنيا،
قال تعالى:
"وَهُمْ يَحْمِلُونَ أَوْزَارَهُمْ عَلَىٰ ظُهُورِهِمْ ۚ أَلَا سَاءَ مَا يَزِرُونَ"
《الأنعام آية(31)》
ساعتها بقى بعكس الدنيا محدش هيشيل عن حد حاجة، كل واحد هيبقى مشغول بنفسه وبذنوبه👌

انت ممكن تفكر لو انت مكان واحد من الناس دي إن عادي يعني ممكن تطلب مساعدة من حد يشيل عنك من ذنوبك، زي مثلا أبوك أو أمك إللي كانوا بيحبوك أكثر من نفسهم وكانوا بيتحملوا عنك الأذى عشان انت بس تبقى مرتاح،
أو أختك إللي كانت قلبها عليك، أو أخوك إللي كان سَندك ودايما بيساعدك، أو ابنك إللي كان بار جدا بيك أو زوجتك إللي عمرها ما قصرت معاك في حاجة،
لكن ربنا بيقولك إن ده مش هيحصل حتى لو قعدت تصرخ فيهم بالدموع وتترجاهم محدش هيشيل عنك ولا حتى رُبع ذنب👌
الكل ساعتها همه نفسه والكل هيهرب من بعض😞
قال الله عز وجل:
"وَلَا تَزِرُ وَازِرَةٌ وِزْرَ أُخْرَىٰ ۚ وَإِن تَدْعُ مُثْقَلَةٌ إِلَىٰ حِمْلِهَا لَا يُحْمَلْ مِنْهُ شَيْءٌ وَلَوْ كَانَ ذَا قُرْبَىٰ"
《سورة فاطر آية(18)》
وقال:
"يَوْمَ يَفِرُّ الْمَرْءُ مِنْ أَخِيهِ (34) وَأُمِّهِ وَأَبِيهِ (35) وَصَـحِبَتِهِ وَبَنِيهِ (36) لِكُلِّ امْرِىء مِنْهُمْ يَوْمَئِذ شَأْنٌ يُغْنِيهِ (37)"《سورة عبس》

لما تفهم بقى الكلام ده؛ هيبقى سهل عليك إنك متسمعش لحد يدعوك لمعصية الله أيًّا كان هو مين،
انت شوفت أهه محدش هيشيل عنك حاجة وكلهم هيتخلوا عنك حتى لو قالوا لك في الدنيا اعمل كذا وأنا هشيل عنك الذنب يوم القيامة😀
متصدقش إللي يقولك كده؛ لأن ربنا قالك محدش هيشيل عن حد ذنوبه يوم القيامة، كل امرئٍ بما كسب رهين👌

لكن في نفس الوقت ناس هتشيل ذنوب غيرها، طبعا هتستغرب وتقول إزاي يعني يحصل الحاجة وعكسها😕
شوف،
الناس إللي هتشيل ذنوب غيرها دي هم إللي كانوا أضلوا غيرهم👌
شوف ربنا بيقول إيه، قال تعالى:
"وَلَيَحْمِلُنَّ أَثْقَالَهُمْ وَأَثْقَالًا مَّعَ أَثْقَالِهِمْ"
《سورة العنكبوت آية (13)》
وقال رسول الله ﷺ:
"مَن دَعا إلى ضَلالَةٍ، كانَ عليه مِنَ الإثْمِ مِثْلُ آثامِ مَن تَبِعَهُ، لا يَنْقُصُ ذلكَ مِن آثامِهِمْ شيئًا" 《صحيح مسلم》

يعني إللي يدعو الناس لعمل معصية معينة؛ إذا الناس عملوها فهو هياخد نفس الذنب بتاعهم بالضبط من غير ما ذنوبهم هم تنقص،
مثلا زي إللي بيدعو صاحبه إنه يتفرج على فيلم أو يسمع أغنية،
لو صاحبه سمع كلامه وشاف أو سمع فهو هياخد نفس سيئات صاحبه بالضبط👌
ويا سلام بقى لو نشر المعصية دي على مواقع التواصل الاجتماعي وناس كتير شافوها😬
تخيل كمية الذنوب إللي هتتكتب في صحيفة سيئاته هتكون أد إيه ربنا يعافينا😞
والأسوأ بقى إنه يموت وتستمر السيئات تتكتب عليه في صحيفته، وبدل ما يترك أثر طيب زي الولد الصالح والعلم النافع والصدقة الجارية؛
للأسف يترك أثر سيء زي بدعة نشرها أو رأي باطل في الدين، أو أغاني ومسلسلات نشرها والعياذ بالله، قال تعالى:
"إِنَّا نَحْنُ نُحْىِ ٱلْمَوْتَىٰ وَنَكْتُبُ مَا قَدَّمُواْ وَءَاثَٰرَهُمْ ۚ وَكُلَّ شَىْءٍ أَحْصَيْنَٰهُ فِىٓ إِمَامٍۢ مُّبِينٍۢ"《سورة يس آية(12)》
جعلنا الله وإياكم ممن يتركون أثرا طيبا🤲

من الأهوال إللي هتحصل في أرض المحشر: خروج عنق من النار😶
قال رسول الله ﷺ:
"تَخرجُ عنقٌ منَ النَّارِ يومَ القيامةِ لَها عَينانِ تُبْصِرانِ ، وأذُنانِ تسمَعانِ، ولِسانٌ ينطِقُ ،
يقولُ: إنِّي وُكِّلتُ بثلاثةٍ : بِكُلِّ جبَّارٍ عَنيدٍ، وبِكُلِّ مَن دعا معَ اللَّهِ إلَهًا آخرَ ، وبالمصوِّرينَ"《صحيح الترمذي》

يعني هيخرج من النار حاجة تشبه الرَّقبةَ أو تَخرُجُ قِطعةٌ مِنَ النَّارِ على هَيئةِ الرَّقبةِ الطَّويلةِ، والعُنق أو الرقبة دي ربنا يخلق لها عينين ترى بهما وأذنين تَسمَعُ بهِما، ولسانًا تتَكلَّمُ وتُفصِحُ به،
وتقول الرقبة بلسانها إن ربنا أمرها بثلاثة أصناف من الناس تدخلهم جهنم وهم:
1️⃣الأول:
"كل جبَّارٍ عنيدٍ" يعني كلِّ إنسانٍ ظالمٍ، عارفٍ بالحقِّ، ولكنَّه جحَده، وتكَبَّر وعانَد.
2️⃣الثَّاني:
"كُل مَن دعا معَ اللَّهِ إلَهًا آخرَ" يعني كل واحد أشرك مع الله في العبادة إلها آخر.
3️⃣والثَّالثُ:
"المصوِّرون" وهم النَّحَّاتون، يعني إللي بيعملوا وينحتوا التَّماثيلَ الَّتي تُضاهي وتشابه خَلْقَ اللهِ تعالى.

#الخلفاء_الراشدون_إيمان_شلبي
#سيرة_أبي_بكر_وعمر
#الحلقة_الثالثة_والثلاثون
#فاطمة_بنت_رسول_الله

بدايةً قبل الحلقة وبما إن منهجنا هو تطبيق إللي نتعلمه؛ عايزة أفكركم بحديث رسول الله ﷺ:
"تَرَى المُؤْمِنِينَ في تَراحُمِهِمْ وتَوادِّهِمْ وتَعاطُفِهِمْ، كَمَثَلِ الجَسَدِ، إذا اشْتَكَى عُضْوًا تَداعَى له سائِرُ جَسَدِهِ بالسَّهَرِ والحُمَّى."
《صحيح البخاري》
وانتم طبعا عارفين إللي حصل للمسلمين في سوريا وتركيا والبلاء إللي ربنا ابتلاهم به، فكل واحد فينا يحاول بقدر استطاعته إنه يساعد إخوانه المسلمين المبتلين في محنتهم، ولا تحقرن من المعروف شيئا👌
¤إللي يستطيع إنه يتصدق عن الناس إللي ماتوا والمصابين والمفقودين يتصدق؛
أخرج مبلغ من المال بحسب قدرتك وأشركهم جميعا في أجر الصدقة، يعني تكون نيتك أن هذه الصدقة عن الموتى والمصابين والمفقودين، وده يجوز عادي👍
انت كده أهديتهم حسنات تنفعهم في الآخرة وخصوصا إللي مات وانقطع عمله الصالح في الدنيا👌

¤اعمل عمل صالح خالص لله ثم ادعو الله بالعمل الصالح ده إن ربنا يغفر لميتهم ويشفي مصابهم ويهون على مُبتلاهم ويصبرهم على مصيبتهم، زي أصحاب الغار الثلاثة إللي اتقفل عليهم صخرة ودعوا بأعمالهم الصالحة فاستجاب الله لهم👌
أو حتى من غير عمل صالح ممكن الدعاء لهم بصفة عامة.
الدعاء والصدقة هما أبسط شيء نقدر كلنا إننا نعملهم حتى لو مفيش مجال ولا نستطيع إننا نوصل لهم مساعدات عينية👌

فنسأل الله الحكيم العليم الخبير بعباده أن يرحم موتاهم ويشفي مُصابهم ويهون عليهم مصيبتهم ويرزقهم الصبر والرضا ويأجرهم على بلاءهم ويرد المسلمين إلى دينهم ردا جميلا وألا يقبضنا على حين غفلة منا🤲
=================================
حلقة النهاردة عن السيدة فاطمة، هنعرف قصة حياتها سريعا بصفة عامة،
هي فاطمة بنت رسول الله ﷺ، وهي أصغر بناته ﷺ وأمها خديجة بنت خويلد، وكانت أحب بنات رسول الله ﷺ إليه وكانت أكثر واحدة تشبهه في الشكل والأخلاق،
اتولدت قبل البعثة بخمس سنين، يعني لما كان رسول الله ﷺ عمره خمسة وثلاثين سنة،
والسيدة خديجة كان عمرها خمسين سنة،
بعد بعثة رسول الله ﷺ وبداية الدعوة والجهر بيها بدأ أذى قريش لرسول الله ﷺ،
وكانت فاطمة بتحب رسول الله ﷺ وكانت بتشوف أذى قريش لأبيها وبتدافع عنه وتبعد عنه الأذى مع صغر سنها،
ومن الأذى ده إنه ﷺ مرة كان بيصلي عند البيت الحرام، وكان أبو جهل ومعاه أصحاب له قاعدين، فقالوا لبعض:
"أيُّكُمْ يَجِيءُ بسَلَى جَزُورِ بَنِي فُلَانٍ، فَيَضَعُهُ علَى ظَهْرِ مُحَمَّدٍ إذَا سَجَدَ؟"《صحيح البخاري》
يعني مين يروح يجيب أمعاء البعير بتاع آل فلان إللي ذبحوه ويضعه على ظهر محمد وهو ساجد😈
فقام أشقاهم وجاب الأمعاء وأول ما رسول الله ﷺ سجد راح وضعه على ظهره بين كتفيه،
وقعدوا كلهم يضحكوا على رسول الله ﷺ لدرجة إنهم قعدوا يتمايلوا على بعض من الضحك😑
واستمر رسول الله ﷺ ساجد والأمعاء على ظهره لحد ما جاءت فاطمة وشالت الأمعاء من على ظهره ﷺ وكان عمرها ساعتها سبع أو ثمان سنوات،
فلما فقام رسول الله ﷺ دعا: اللهم عليك بقريش ..اللهم عليك بقريش..اللهم عليك بقريش🤲

ماتت السيدة خديجة أم السيدة فاطمة في السنة العاشرة من البعثة وكان عمر فاطمة خمسة عشرة سنة تقريبا،
واحنا عارفين أد إيه رسول الله ﷺ كان بيحب السيدة خديجة وحزن على موتها،
فكانت السيدة فاطمة هي إللي بترعى رسول الله ﷺ بعدها وتحنو عليه وعلى طول كانت معاه في البيت، عشان كده كانت كنيتها أم أبيها👌

وكانت تُلقب الزهراء؛ واحنا منعرفش السبب في انها لُقّبت بالزهراء لكن بعض أهل العلم قالوا أنّها حَسنة اللون، أو المُشرقة المُنيرة وذلك نسبة لرسول الله ﷺ؛ لأنها تُشبهه في الجمال، والصورة الحسنة، والله أعلم😅

لما هاجر رسول الله ﷺ للمدينة بعد موت السيدة خديجة بثلاث سنوات تركها في مكة،
وبعد ما استقر الوضع في المدينة أرسل رسول الله ﷺ لمكة مَن يأتي بأهله وكان منهم السيدة فاطمة،
في السنة الثانية من الهجرة بعد غزوة بدر جاءت مَوْلاة لعلي بن أبي طالب وقالت له إن الناس بدأوا يطلبوا فاطمة للخطبة، فقالت له: إيه إللي يمنعك من إنك تروح وتخطبها من رسول الله ﷺ 🤔
فقال لها: وهو أنا عندي حاجة أتزوج بها😕
يعني أنا فقير ومعنديش حاجة أدفعها كمهر،
فقالت له: لو انت ذهبت لرسول الله ﷺ هيزوجها لك👌

فذهب علي لرسول الله ﷺ وقعد أمامه ومعرفش يتكلم🙊
رسول الله ﷺ كانت له هيبة، فهو دلوقتي جاي يطلب إيد بنته إللي بيحبها وبيخاف عليها، وهو فقير معندوش حاجة فهيتكلم إزاي😶
فرسول الله ﷺ سأله: إنت جاي عايز حاجة؟!
فسكت علي رضي الله عنه 😅
فقال له رسول الله ﷺ: لعلّك جئت تخطب فاطمة؟!