#قصص_الأنبياء
#الحلقة_الثلاثون
#قصة_موسى(٥)
#هلاك_فرعون

وقفنا المرة إللي فاتت عند فرعون لما رجع تاني يقتل أبناء بني إسرائيل عشان ينتقم منهم ومن موسى،
عاش موسى عليه السلام في مصر يدعو في بني إسرائيل،
فهو في الأساس أُرسل لهم، وكان عنده طلب محدد من فرعون وهو إنه يسيب بني إسرائيل يخرجوا من مصر وفرعون مش راضي،
يعني إديني بني إسرائيل أخرج بيهم من البلد وعيش إنت مع نفسك بقى زي مانت عايز 🙄
وموسى عليه السلام كان عايز يخرج ببني إسرائيل من مصر لأنهم ذرية يعقوب عليه السلام،
وكانوا موحدين على دين يعقوب ويوسف عليه السلام ولم يعبدوا فرعون أو أي آلهة أخرى برغم الظلم والبطش،
وعشان كده ربنا اصطفاهم على غيرهم من الأمم بسبب صبرهم،
وكل الأنبياء هييجوا من بني إسرائيل حتى عيسى، وهم معرضين للقهر والظلم، فربنا أراد إنه يخرجهم من الظلم والبطش ويرجعهم لبيت المقدس إللي بناه يعقوب عليه السلام مرة تانية،

وفرعون مش موافق إطلاقا إن بني إسرائيل يخرجوا عشان ميحصلش إنهيار في الدولة بسبب عدم وجود عمال، زي ما قلنا المرة إللي فاتت 😉
ربنا أراد إنه يقيم الحجة على فرعون أكثر فأرسل معجزات تانية:
"وَلَقَدْ آتَيْنَا مُوسَى تِسْعَ آيَاتٍ بَيِّنَاتٍ "
أولها القحط والجدب...مفيش مطر ..جف النيل ..فمبقاش في مية ..فعرف فرعون إن ده بسبب موسى عليه السلام، فأرسل له فرعون إنك لو رجعت النيل والمطر نزل هنسيب بني إسرائيل يروحوا معاك،
"وَلَقَدْ أَخَذْنَا آلَ فِرْعَونَ بِالسِّنِينَ وَنَقْصٍ مِّن الثَّمَرَاتِ"
فدعا موسى عليه السلام الله فرفع عنهم القحط والجدب ونزل المطر ورجع النيل،
وخلف فرعون العهد مع موسى ومرضيش يسيب بني إسرائيل يخرجوا من مصر،
فربنا أرسل عليهم الطوفان...فاض النيل وغرّق الأرض كلها ،
فبعت فرعون لموسى عليه السلام تاني ووعده فلما ربنا رفع عنهم البلاء رجع فرعون في وعده لموسى،
وفضل الوضع كده ..ربنا يرسل الآيات ورا بعض وفرعون يطلب من موسى عليه السلام الدعاء ويوعده ولما البلاء يترفع يخلف فرعون وعده،
ربنا أرسل عليهم الجراد فأهلك المحاصيل الزراعية، وأرسل عليهم القمل ويقال إنه حشرات الرأس ويقال إنه السوس، وأرسل عليهم الضفادع، بقت كل البلد مليانة ضفادع..في أكلهم ..في سرايرهم.. في كل مكان،
وأرسل عليهم الدم،
كل السوائل تحولت لدم، المصري ييجي يشرب الماء يتحول في إيده لدم...يأخذه الرجل من بني إسرائيل يتحول لماء، وابتلاهم بنقص الثمار ...
"فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آيَاتٍ مُّفَصَّلاَتٍ فَاسْتَكْبَرُواْ"
وكانت أي حاجة تحصل في البلد يقولوا: موسى ...موسى...موسى وإللي معاه هم السبب...
☆ده على أساس إن الابتلاءات إللي إنتم فيها دي مش بسبب أفعالكم وبسبب الظلم ومعصيتكم لله😑
"وَلَمَّا وَقَعَ عَلَيْهِمُ الرِّجْزُ قَالُواْ يَا مُوسَى ادْعُ لَنَا رَبَّكَ بِمَا عَهِدَ عِندَكَ لَئِن كَشَفْتَ عَنَّا الرِّجْزَ لَنُؤْمِنَنَّ لَكَ وَلَنُرْسِلَنَّ مَعَكَ بَنِي إِسْرَآئِيلَ فَلَمَّا كَشَفْنَا عَنْهُمُ الرِّجْزَ إِلَى أَجَلٍ هُم بَالِغُوهُ إِذَا هُمْ يَنكُثُونَ "

ولما كان يترفع البلاء ولا يعملوا أي إنجاز يقولوا ده إحنا إللي عملنا وده مجهودنا😤
فالبلاء كان واقع على فرعون وكل الشعب👌
"فَإِذَا جَاءتْهُمُ الْحَسَنَةُ قَالُواْ لَنَا هَـذِهِ وَإِن تُصِبْهُمْ سَيِّئَةٌ يَطَّيَّرُواْ بِمُوسَى وَمَن مَّعَهُ أَلا إِنَّمَا طَائِرُهُمْ عِندَ اللّهُ وَلَـكِنَّ أَكْثَرَهُمْ لاَ يَعْلَمُونَ "

☆طيب كل الشعب ليه ..والشعب ذنبه إيه🤨
لأنهم وافقوا على إللي فرعون بيعمله في بني إسرائيل..ومحاولوش إنهم يدافعوا عن المظلومين بالعكس ده وقفوا مع الحاكم في ظلمه ضد المستضعفين من بني إسرائيل، وكانوا بيشجعوه عادي...يعني مش خلاص إنت مش قادر تنصر واحد مستضعف وخايف على نفسك من القتل زيه فتسكت...لأ ده إنت فوضته وعمّال تشجعه... واقتل وادبح واحنا معاك ...طيب ما إنت كده مشارك معاه...كون إنك راضي عن الظلم ده يبقى إنت تاخد نفس وزر الظالم،
حتى لو مساعدتش الظالم،
كون إنك تقول عن المظلوم يستاهل أو إنت من جواك راضي بالظلم ده بقيت زيك زي الظالم بالضبط في الإثم والوزر👌
قال رسول الله صلى الله عليه وسلم:
"إذا عُملت الخطيئة في الأرض، فمن شهدها فكرهها كان كمن غاب عنها، ومن غاب عنها فرضيها كان كمن شهدها"
فطبيعي جدا إن العقاب والبلاء ينزل على الجميع🤷‍♀️

وبعد كووول الآيات دي وهم عارفين إن كل مرة البلاء مش بيترفع غير لما موسى عليه السلام يدعي ربه يرفع عنهم البلاء...محدش فيهم آمن..لا فرعون ولا الشعب😶
فمتزعليش لما تدعي حد وميستجبش ليكِ حتى لو إنتي معاكي كل الأدلة ...وافتكري موسى عليه السلام ومعجزاته ومع ذلك محدش آمن 👌

موسى عليه السلام لما شاف ظلم وبطش فرعون وشاف الكبر والعناد وعدم اتباع الحق بعد كل المعجزات دي وربنا أوحى له إن محدش فيهم سيؤمن خلاص.. دعا عليهم وقال:
يارب إنت

#قصص_الأنبياء
#الحلقة_الحادية_والثلاثون
#قصة_موسى(٦)
#بين_موسى_وبني_إسرائيل(١)

اتكلمنا المرة إللي فاتت عن هلاك فرعون ونجاة بني إسرائيل ،
بعد هلاك فرعون وجنوده وأمراؤه لم يتبقَّ في مصر غير العامة والرعايا، وطبعا نساء علية القوم،
فتزوجت نساء الأمراء والكبراء برجال أقل منهن منزلة ومكانة فكانت السطوة والكلمة العليا للنساء واستمر الحال حتى يومنا هذا😅
*عرفتم السبب إن النساء المصريات مختلفات عن غيرهن من النساء 😉
وشفنا إزاي بعد كل المعجزات إللي حصلت وبني إسرائيل شافوها وإزاي ربنا أهلك فرعون قصاد عينيهم
أول ما شافوا ناس بيعبدوا أصنام ويقال إن الأصنام دي كانت على هيئة بقر قالوا لموسى عليه السلام : إحنا كمان عايزين إله زي ما الناس دي عندهم إله😑
طبعا موسى عليه السلام اتصدم😳

بعد كل ده جايين تقولوا عايزين إله...أمال مين إللي نجاكم من فرعون ومين إللي كان بينزل المعجزات دي كلها😳
فقال لهم موسى عليه السلام : إنتم جهلة فعلا😑
"قَالَ إِنَّكُمْ قَوْمٌ تَجْهَلُونَ "
بني إسرائيل كانوا عايشين في مصر بقالهم حوالي ٤٠٠ سنة تحت استعباد الفراعنة لهم،
ومن كتر ماتعودوا إنهم يشوفوا أهل مصر بيعبدوا الأصنام وكمان فرعون مدعي الربوبية، فطبيعي جدا إن الموضوع يبقى بالنسبة لهم عادي🙄

☆وده اسمه إِلْفُ المعصية...من كتر ما بنشوف المعاصي اتعودنا عليها ...ومفيش إنكار حتى بالقلب ..فبقت المعاصي بالنسبة لنا عادي، والموضوع بيتطور بعد كده وبيوصل إن لما حد بينكر بنستغرب كلامه🤨
وأقرب مثال على الموضوع ده ...تهنئة غير المسلمين بأعيادهم👌
لما نقول للناس ده مينفعش تقولك وإيه المشكلة بطلوا تطرف وتشدد😶
هم خلاص اتعودوا سنين إنهم يهنوهم بحكم الجيرة والصحوبية وشايفينها عادي،
فطبيعي لما نيجي نقول مينفعش يا جماعة.. هيعترضوا 🤷‍♀️

وهو ده إللي حصل مع بني إسرائيل هم مش فاهمين طبيعة الإله إللي أرسل موسى إيه، هم أيوة على دين يعقوب ويوسف عليه السلام لكن مفيش علم،
إنتم شايفين إزاي مسلمين كتير دلوقتي وللأسف مسلمين بالاسم بس،
لكن لا تعرف حاجة عن ربنا ولا صفاته ولا...ولا...ولا يعرفوا حتى إيه فروض الصلاة وإيه مبطلاتها ولا حتى يعرفوا الطهارة من الحيض إزاي ولا إمتى😶
فبني إسرائيل في الوقت ده كانوا زي المسلمين من النوعية دي كده في الحاضر بتاعنا دلوقتي.
☆أنا بحاول أقرب لكم الصورة على أد ما اقدر عشان هتلاقوا إللي بني إسرائيل عملوه مع موسى عليه السلام بيحصل من ناس حوالينا كتير👌

فموسى عليه السلام قالهم إنتم بتعبدوا الله خالق السماوات والأرض وشفتم معجزاته والناس إللي بتعبد الأصنام دي ربنا سيهلك إللي بيعبدوه، وعبادتهم للشيطان مش لله😡
"إِنَّ هَـؤُلاء مُتَبَّرٌ مَّا هُمْ فِيهِ وَبَاطِلٌ مَّا كَانُواْ يَعْمَلُونَ"
فسكتوا ومتكلموش لأن موسى عليه السلام كان شديد فكانوا بيخافوا منه😅
بعكس هارون عليه السلام كانوا بيحبوه وكان هين لين معاهم، فهم سكتوا لكن الموضوع لسه جواهم😑

دلوقتي بني إسرائيل خرجوا من مصر ..طيب هيقعدوا فين ولا هيمشوا أمورهم إزاي😕
لازم مكان ولازم منهج يمشوا عليه فهم يعتبروا دولة ناشئة،
فربنا أمر موسى عليهم السلام إنه يتوجه مع بني إسرائيل إلى الأرض المقدسة إللي هي كانت وطنهم من عهد يعقوب عليه السلام عند بيت المقدس،
وهم في الطريق عطشوا ..فربنا أوحى لموسى عليه السلام إنه يضرب الحجر بالعصا بتاعته ..فضرب موسى الحجر بالعصا فانفجر من الصخر ١٢ عين..بعدد قبائل بني إسرائيل كل قبيلة لهم عين يشربوا منها،
☆شايفين العصا ودورها😉...ربنا أمره في الأول إنه يرميها مع إنها كانت عزيزة عليه...فلما سابها لله ربنا جعلها سبب لكل المعجزات بعد كده 😊
من ترك شيئا لله عوضه الله خيرا منه 😉

ربنا أمر موسى عليه السلام إنه يروح جبل الطور عشان يعرف المنهج إللي هتقوم عليه الدولة والقوانين بتاعتهم،
الحلال والحرام ..يعني زي القرآن كده😚
"وَوَاعَدْنَا مُوسَى ثَلاَثِينَ لَيْلَةً وَأَتْمَمْنَاهَا بِعَشْرٍ فَتَمَّ مِيقَاتُ رَبِّهِ أَرْبَعِينَ لَيْلَةً "
فموسى عليه السلام ترك بني إسرائيل مع هارون عليه السلام خليفة له يراعي أمور بني إسرائيل لحد ما موسى عليه السلام يرجع.
"وَقَالَ مُوسَى لأَخِيهِ هَارُونَ اخْلُفْنِي فِي قَوْمِي وَأَصْلِحْ وَلاَ تَتَّبِعْ سَبِيلَ الْمُفْسِدِينَ"
وربنا كان أمره بالصيام وكان الوقت المحدد إللي هيقعده موسى بعيد عن بني إسرائيل وإللي هبتعبد فيه لربنا ويتلقى فيه الألواح ثلاثين ليلة،
بعد الثلاثين يوم ما عدت موسى عليه السلام فطر بعد الصيام،
فربنا سأل موسى ليه أفطرت فقال موسى: عشان رائحة الفم اتغيرت، فربنا قاله : إنت متعرفش إن ريحة فم الصائم عندي أفضل من رائحة المسك؟
فأمره الله إنه يصوم كمان عشرة أيام فتم الوقت كله ٤٠ ليلة

خلال الأربعين يوم دول كان ربنا بيتكلم مع موسى عليه السلام فهو كليم الله😉
فاشتاق موسى إنه يرى الله 😍 فقال له : يارب أنا عايز أشوفك، فقال له الله: مش هتقدر تشوفني دلوقتي ل

#قصص_الأنبياء
#الحلقة_الثانية_والثلاثون
#قصة_موسى(٧)
#بين_موسى_وبني_إسرائيل(٢)

● قبل ما نكمل قصة النهاردة في معلومة لازم نعرفها وهي إن السامري إللي صنع عجل بني إسرائيل مش هو المسيح الدجال👌
السامري مات من عهد موسى عليه السلام والمسيح الدجال ليه قصة تانية خالص وصفات تانية خالص، وفي الحديث:
"إن الله لم يبعث نبيا إلا حذر أمته من الدجال"
فلو كان السامري هو الدجال كان عرفه موسى عليه السلام وكان حذر الناس منه، ومحدش قال قبل كده إن السامري هو المسيح الدجال غير واحد من العصر الحديث، قال إنه موجود في مثلث برمودا ومجبش دليل على كلامه،
والكلام ده غير صحيح لأن رسول الله صلى الله عليه وسلم قال : "يخرج الدجال من أرض بالمشرق يقال لها خراسان"
فالسامري مش هو المسيح الدجال😊

نرجع لقصتنا😉
وقفنا المرة إللي فاتت عند السبعين رجل إللي قالوا لموسى عليه السلام مش هنؤمن غير لما نرى الله، فربنا عاقبهم بإنه صعقهم وشافوا الصاعقة دي وماتوا،
"فَأَخَذَتْكُمُ الصَّاعِقَةُ وَأَنتُمْ تَنظُرُون *ثُمَّ بَعَثْنَاكُم مِّن بَعْدِ مَوْتِكُمْ لَعَلَّكُمْ تَشْكُرُونَ "
فموسى عليه السلام خاف..هيرجع يقول إيه لبني إسرائيل😳...هتحصل فتنة جامدة، فدعا الله إنه يحييهم تاني وقال: يارب لو شئت كنت أهلكتنا كلنا في المقتلة إللي حصلت..لكن دلوقتي هقول إيه لبني إسرائيل لما أرجع لهم..يارب لا تؤاخذنا بما فعل السفهاء منا🤲
فأحياهم الله مرة تانية رجل رجل وبقوا شايفين بعض إزاي ربنا بيحيي الموتى، ورجعوا مع موسى عليه السلام لبني إسرائيل،
بدأ موسى عليه السلام في تعليم بني إسرائيل التوراة من الألواح، فأول حاجة قالهم إنهم لازم يقبلوا كل ما في التوراة وينفذوا إللي فيها،
فقالوا: إحنا هنشوف إللي فيها فلو لقينا الأوامر والنواهي سهلة نعملها هنقبلها🙄
فموسى عليه السلام قالهم: لأ..لازم تقبلوها كلها ده دين😳

☆والله زي حال ناس كثير اليومين دول..نيجي نقولهم الدين بيقول كذا وبيقول كذا..تاخد منه إللي يوافق مزاجها وسهل إنها تعمله، لكن لو الموضوع صعب ومحتاج مجاهدة تلاقيها تسيبه، وياريتهم يسكتوا ويدعوا مثلا إنهم في يوم من الأيام ربنا يهديهم ويعملوا الصح ويبتعدوا عن الغلط🙄
لأ ده يدوروا على كلام لشيوخ الله أعلم بيهم عشان ياخدوا فتوى باللي هم عايزينه والمثل بيقول حطها في رقبة عالم واطلع سالم🤓
ومش فاهمين إن لو تعارض قولين للعلماء فالإنسان لااازم ياخد بالأحوط لدينه👌
والدليل قول رسول الله صلى الله عليه وسلم:
"الحلال بين والحرام بين، وبينهما مشتبهات لا يعلمهن كثير من الناس، فمن اتقى الشبهات فقد استبرأ لدينه وعرضه، ومن وقع في الشبهات وقع في الحرام"
ده غير كده لما حد يكون عايز فتوى لااازم يدور على الشخص إللي بيتقي الله في الفتوى ومش بيتساهل فيها😑
هو إحنا مش لما بنكون عايزين نكشف مش بندور على أحسن الأطباء عشان نعالج أجسادنا الفانية ،
فالدين أولى إننا ندور له على أفضل العلماء وأتقاهم لله عشان ناخد عنهم ديننا لأن هو ده إللي هنتسأل عنه في القبر👌

لما بني إسرائيل قعدوا يراجعوا موسى عليه السلام ده أه وده لأ ..واحنا مش هنقدر و...و... ربنا أمر الملائكة إنهم يرفعوا عليهم الجبل كأنه غمامة على رؤوسهم ...متخيلين الجبل العملاق🏔 اترفع لفوق وهم تحته😮
"وَإِذ نَتَقْنَا الْجَبَلَ فَوْقَهُمْ كَأَنَّهُ ظُلَّةٌ وَظَنُّواْ أَنَّهُ وَاقِعٌ بِهِمْ خُذُواْ مَا آتَيْنَاكُم بِقُوَّةٍ وَاذْكُرُواْ مَا فِيهِ لَعَلَّكُمْ تَتَّقُونَ"

فموسى عليه السلام قالهم لو مقبلتوهاش كلها على بعضها الجبل ده هيقع عليكم ، فقبلوا وسجدوا وقعدوا يبصوا بنص وشهم عالجبل وهم ساجدين😶
دلوقتي بقى عندنا المنهج لكن فين البلد إللي هيقعدوا ويستقروا فيها😕
فاكرين لما قلنا إن يعقوب عليه السلام بنى المسجد الأقصى في القدس وإنه كان ثاني بيت لله في الأرض،
وكان يعقوب عليه السلام يسكن في منطقة القدس وبعدين يوسف عليه السلام أدخلهم مصر😉
خلال الزمن ده القدس ومحيط المسجد الأقصى سكن فيها ناس تانيين،
فربنا أمر موسى عليه السلام إنه ياخد بني إسرائيل ويرجع تاني للقدس ويخرجوا الناس الموجودين هناك عشان يستعيدوا أرضهم ويعيشوا هناك،
فلما وصلوا قريب القدس أرسل موسى عليه السلام ١٢ رجل من بني إسرائيل عشان يدخلوا القدس ويشوفوا الأحوال هناك إيه، زي فرقة استطلاعية كده 😅
دخل ال١٢ رجل المدينة وشافوا أحوالها والناس إللي فيها ورجعوا لموسى عليه السلام، وقالوا له :
الأرض إللي إحنا روحناها بتطلع لبن وعسل.. مليانة بالخيرات
لكن المدينة مُحصنة جدا والناس إللي ساكنين هناك أجسامهم ضخمة وعندهم قوة عظيمة😰
فبدأ كل واحد من ال١٢ رجل ينهى يقومه عن القتال مع موسى عليه السلام، ما عدا رجلين اثنين هم بس إللي نصحوهم بإنهم يسمعوا كلام موسى عليه السلام ويقاتلوا معاه،
لكن بني إسرائيل رفضوا كلام الرجلين وعصوا كلام موسى وقعدوا يقولوا : ياريتنا كنا متنا في مصر أو في الصحراء دي😫
ربنا أوحى لموسى عليه السلام

#قصص_الأنبياء
#الحلقة_الثالثة_والثلاثون
#قصة_موسى(٨)
#بقرة_بني_إسرائيل

عرفنا المرة إللي فاتت إن بني إسرائيل دخلوا في التيه، وفي التيه حدثت أحداث كثيرة..كان منها قصة قارون إللي قلناها المرة إللي فاتت، والنهاردة هنتكلم عن قصة البقرة،
كان في بني إسرائيل رجل غني مكنش عنده أبناء، لكن كان له قريب لو الرجل مات القريب ده يورثه، فمقدرش يصبر لحد ما الراجل يموت لوحده،فراح قاتله ورماه على الطريق،
الناس صحيوا الصبح لقوا واحد مقتول😳
وجاء قريبه ده وقعد يصوت ويندب عليه، وقال لموسى عليه السلام مفيش حد هيقولي من قتله غيرك يانبي الله😭
"وَإِذْ قَتَلْتُمْ نَفْسًا فَادَّارَأْتُمْ فِيهَا ۖ وَاللَّهُ مُخْرِجٌ مَّا كُنتُمْ تَكْتُمُونَ"

☆ يقتل القتيل ويمشي في جنازته عادي جدا🤓
ومش كده وبس ده البجاحة وصلت بيه إنه يروح لموسى عليه السلام إللي بيجيله الوحي من الله عالم الغيب والشهادة ويسأله من إللي قتل قريبه😶

فبنو إسرائيل قالوا لموسى عليه السلام: صح أنت نبي ادعو ربك واسأله من قتل قتيلنا🤔
فدعا موسى الله فربنا أوحى له إنه يقول لبني إسرائيل اذبحوا بقرة،
فموسى عليهم السلام قالهم: الله يأمركم إنكم تذبحوا بقرة، فقالوا لموسى: إحنا بنقولك مين قتل القتيل وإنت تقول اذبحوا بقرة🤨 إنت بتهزر 😐
"وَإِذْ قَالَ مُوسَىٰ لِقَوْمِهِ إِنَّ اللَّهَ يَأْمُرُكُمْ أَن تَذْبَحُوا بَقَرَةً ۖ قَالُوا أَتَتَّخِذُنَا هُزُوًا ۖ"
فموسى عليه السلام قالهم : وهو إنتم جربتوا عليّ قبل كده إني بهزر في الحاجات دي؟ أنا بقالي كم سنة عايش معاكم..هل حصل إني استهزأت بحاجة قبل كده😑
"قَالَ أَعُوذُ بِاللَّهِ أَنْ أَكُونَ مِنَ الْجَاهِلِينَ"
فقالوا : طيب من قتل قتيلنا😒..قال : اذبحوا بقرة👌

☆طيب اشمعنى بقرة🤔...ليه مش بعير ليه مش خروف ولا شاة ولا أي حيوان تاني🤨
لأنهم عبدوا العجل..فعشان ربنا يطلع من قلوبهم عبادة البقر نهائي👌
لما يذبحوا الإله إللي عبدوه قبل كده هيقع في قلوبهم إن إزاي إله ويُذبح😉

فقالوا اسأل ربك البقرة دي عاملة إزاي🤔
فقال لهم موسى عليه السلام: بقرة متوسطة لا هي كبيرة ولا هي صغيرة، وانجزوا واعملوا إللي ربنا أمركم بيه👌
"قَالُواْ ادْعُ لَنَا رَبَّكَ يُبَيِّن لّنَا مَا هِيَ قَالَ إِنَّهُ يَقُولُ إِنَّهَا بَقَرَةٌ لاَّ فَارِضٌ وَلاَ بِكْرٌ عَوَانٌ بَيْنَ ذَلِكَ فَافْعَلُواْ مَا تُؤْمَرونَ"

☆وهنا في قاعدة مهمة👌
وهي إن لما الأمر يجيلنا من ربنا يجب التفيذ فورا👌
يعني مش لسه هشوف ظروفي تسمح ولا لأ ولا هينفع معايا ولا مش هينفع😑
الأغاني حرام يبقى أوقف فورا، الصلاة فرض ربنا أمر بيها يبقى أصلي حالا، مش أقول لما ربنا هيديني..ولا أقول هبقى أعمل 😒

فقالوا له تاني : طيب اسأله كده لونها إيه😅
فقال لهم موسى: البقرة لونها أصفر..ومش أصفر عادي لأ أصفر فاقع ويكون شكله حلو مش أصفر يوجع العين ويبقى شكله وحش😒
فقالوا :طيب اسأله كده إنه يوضح صفاتها أكثر أحسن كده البقر بقى متشابه واحنا اتحيرنا ومش عارفين نجيب أنهي بقرة😯
☆وطبعا دي نتيجة التشدد😑 ربنا كان ميسرها عليهم لكن هم قعدوا يشددوا على نفسهم، عارفين زي إيه🤔
زي الشخص إللي بيقع في الوسوسة في الوضوء مثلا،
ربنا قال اغسل كل عضو ثلاث مرات، خلاص يبقى نغسله،
يقعد الإنسان يفكر طيب ماهو انا خايف متكونش المية وصلت لكل مكان فتلاقيه يزود أو يقعد يعيد في الوضوء،
ويدخل في دايرة من الشك والحيرة😶

فموسى عليه السلام قال لهم: البقرة دي بقرة مُدللة..مدلعة يعني...لا بتروح حقل تحرث، ولا حتى تسقي الزرع، ومش بس كده لأ ميكونش فيها أي عيب👌
قالوا بااااس إحنا كده فهمنا المطلوب😅
"قَالَ إِنَّهُ يَقُولُ إِنَّهَا بَقَرَةٌ لَّا ذَلُولٌ تُثِيرُ الْأَرْضَ وَلَا تَسْقِي الْحَرْثَ مُسَلَّمَةٌ لَّا شِيَةَ فِيهَا ۚ قَالُوا الْآنَ جِئْتَ بِالْحَقِّ ۚ فَذَبَحُوهَا وَمَا كَادُوا يَفْعَلُونَ"

☆واخدين بالكم من الفرق...لما موسى عليه السلام ربنا أمره إنه يلقي عصاه العزيزة عليه، عمل إيه؟ ..نفذ فورا مع إنها تعتبر ضد المنطق ..يعني أنا ليه أتخلى عن حاجة بحبها،
ومع ذلك سمع الكلام،
بني إسرائيل لما جالهم الأمر وحكّموا عقلهم كانت النتيجة إنهم اعترضوا على أمر الله واتهموا نبي مُرسل بالاستهزاء،
ولو أنهم سمعوا الكلام على طول بدون نقاش كان الموضوع خلص على طول و انتهى😑
فبدأوا يصعبوا الأمور على نفسهم، ويسألوا في الأمور الواضحة، فربنا ضيق عليهم ...وكانوا كل ما يسألوا أكثر ربنا يضيق عليهم أكثر، وده يعلمنا إن السؤال فيما لا يفيد مفهوش أي خير👌
حتى يُحكى إن واحد من الأمراء كتب لوكيله يقول:
لو أمرتك إنك تعطي شخص شاة، هتسألني خروف ولا ماعز،
فلو قلتلك ...هتقولي ذكر ولا أنثى؟
ولو قلتلك ..هتقولي بيضاء ولا سوداء، فلما أقولك على حاجة نفذها وخلاص زي ماهي👌

قعدوا يدوروا على بقرة بالمواصفات دي مش لاقيين نهائي، لحااااد ما لقوها عند امرأة عجوز عندها يتامى، فلما عرفت إن بني إسرائيل محتاجين البقرة بشدة،

#قصص_الأنبياء
#الحلقة_الرابعة_والثلاثين
#قصة_موسى(٩)
#موسى_والخضر

كنا واقفين المرة إللي فاتت عن موسى عليه السلام لما قابل الخضر، وشاف منه حاجات في وجهة نظر موسى عليه السلام كانت منكرة وعظيمة، وبعد ما موسى عليه السلام اعترض على أفعال الخضر مرتين، فموسى عليه السلام قال للخضر إنه مش هيسأله عن حاجة تاني،
كملوا رحلتهم لحد ماوصلوا لقرية، فكانوا محتاجين ياكلوا،
فطلبوا الضيافة من أهل القرية فمحدش منهم رضي إنه يضيفهم،
ودي قاعدة في جميع الشرائع حتى الإسلام إن أي حد يدخل المدينة غريب يجب على أهل المدينة دي إنهم يضيفوا الزائر ده يوم وليلة،
فهم لما دخلوا المدينة طلبوا الضيافة إللي هي حقهم مطلبوش صدقة ، لأن الأنبياء لا يأكلوا الصدقة،
فحتى من المروءة إن أي حد داخل القرية غريب هيعرضوا عليه الطعام والمبيت، لكن دول محدش فيهم أعطاهم أي حاجة،
وهم بيتمشوا في القرية شافوا جدار فاضله حاجة بسيطة وهيقع😮
فعدله الخضر عشان ميقعش، سواء بقى إنه جاب مواد بناء ورمم بيها الجدار، أو إنه مشى عليه إيده فاتعدل بقدرة الله..معجزة يعني،
"فَانطَلَقَا حَتَّى إِذَا أَتَيَا أَهْلَ قَرْيَةٍ اسْتَطْعَمَا أَهْلَهَا فَأَبَوْا أَن يُضَيِّفُوهُمَا فَوَجَدَا فِيهَا جِدَارًا يُرِيدُ أَنْ يَنقَضَّ فَأَقَامَهُ"

فموسى عليه السلام قال له: إنت عملت معروف للناس إللي رفضوا يضيفونا..طيب على الأقل اطلب منهم أجر، ولا حتى اطلب الضيافة مقابل مقابل إصلاح الجدار ده😑
" قَالَ لَوْ شِئْتَ لَاتَّخَذْتَ عَلَيْهِ أَجْرًا"
فهنا الخضر قاله: خلاص كده هنفترق ومش هنكمل مع بعض الرحلة 😊
لكن أنا هقولك سبب الحاجات إللي أنا عملتها👌
"قَالَ هَذَا فِرَاقُ بَيْنِي وَبَيْنِكَ سَأُنَبِّئُكَ بِتَأْوِيلِ مَا لَمْ تَسْتَطِع عَّلَيْهِ صَبْرًا"
فاكر السفينة إللي ركبنا فيها...دي كانت ملك لناس مساكين بيشتغلوا عليها ومعندهمش غيرها،
فكانوا هيعدوا على أرض لملك ظالم كل ما يشوف سفينة كويسة مفيهاش عيوب يأخذها بالغصب من أصحابها، فأنا عملت فيها عيب عشان لما جنود الملك يشوفوها يسيبوها للمساكين...لأن سفينة معيوبة أحسن من إن مفيش سفينة خالص😅
"أَمَّا السَّفِينَةُ فَكَانَتْ لِمَسَاكِينَ يَعْمَلُونَ فِي الْبَحْرِ فَأَرَدتُّ أَنْ أَعِيبَهَا وَكَانَ وَرَاءهُم مَّلِكٌ يَأْخُذُ كُلَّ سَفِينَةٍ غَصْبًا "

☆وده يعلمنا إيه😁
يعلمنا إن ما لا يُدرك كله لا يُترك جُله👌...مش لازم كل حاجة تبقى تمام التمام..ولو هي مش كده خلاص مش هعمل وهستنى لحد ما الظروف تبقى زي مانا عايزة وبعدين أعمل😤
بمعنى أنا مثلا مبقدرش أصلي قيام الليل ١٢ ركعة ...مش هسيب قيام الليل لأ هصلي ركعتين بمائة آية قبل ما أنام آخذ أجر القانتين،
طيب أنا بكسل أصلي سنن الصلاة يبقى أسيبها 😑
لأ طبعا ...هصلي السنن وأنا قاعدة😁
آخذ نص الأجر ولا إني أسيب الأجر كله😉
طيب واحدة مش بتعرف تقرأ قرآن بالترتيل...تسيب قراءة القرآن..برده لأ تقرأ زي ما بتعرف وفي نفس الوقت تتعلم واحدة واحدة تقرأ بترتيل👌

بس استنوا😅...مش معنى كده إن واحدة بتصلي صلاة وتسيب التانية يبقى تقول أنا أحسن من إللي مبتصليش خالص😱
ولا واحدة لابسة إيشارب كده على بنطلون وتقول أنا أحسن من إللي ماشية لابسة قصير😱
أنا بتكلم في فضائل الأعمال...لكن الفرائض يجب عملها مفيش فيها مجال نهائي..والمنكرات يجب تركها بالكلية برده👌😤

قال الخضر لموسى عليه السلام :فاكر بقى الطفل الجميل إللي أنا قتلته...الطفل ده لما كان هيكبر كان هيكون كافر ورجل طاغية،
وأمه وأبوه كانا مؤمنين، فكان هيتعبهم جامد لما يكبر وكان ممكن يفتنهم عن الإيمان، فرحمة من ربنا بأبويه
أمر الله بقتله وهو صغير وربنا هيعوضهم بواحد أحسن منه👌
"وَأَمَّا الْغُلَامُ فَكَانَ أَبَوَاهُ مُؤْمِنَيْنِ فَخَشِينَا أَن يُرْهِقَهُمَا طُغْيَانًا وَكُفْرًا "
☆وهو ينفع طفل يُقتل عشان هيكون كافر في المستقبل😳

أولا الخضر على أرجح أقوال العلماء إنه نبي ، فهو له شريعة تختلف عن شريعة الإسلام وتختلف عن شريعة موسى عليه السلام،
فاحنا في شريعتنا وشريعة موسى عليه السلام كون إن الأبوين صالحين والابن فاسد فهذا ليس سبب لقتل الولد،
ولكن ده كان موجود في شريعة الخضر...ومش بس كده ..ده بأمر مباشر من ربنا👌
لأن الأباء بيحبوا أبناؤهم حب فطري، فعشان في المستقبل حبهم ده ميكونش سبب إنهم يتّبعوا ابنهم في الضلال😶
وفي الغالب الفتنة بتيجي من الزوجة للزوج أو العكس أو من الولد..ربنا بيقول:
"يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَّكُمْ فَاحْذَرُوهُمْ ۚ"

وده بيحصل في زماننا والله👌
مش لازم يكون اتباع الأبناء في الكفر...لكن في المعاصي..تلاقي البنت طالعة من البيت لابسة هدوم مجسمة ولابسة بناطيل وحاطة ميكب و...و...ولما نكلم الأم ولا الأب يقول مش عارف أعمل معاها إيه.. أصلها مش راضية😞
طيب وهي أصلا جابت الفلوس إللي اشترت بيها اللبس ده منين😱
ماهو الأب والأم هم إللي دفع

#قصص_الأنبياء
#الحلقة_السادسة_والعشرون
#قصة_موسى_الجزء_الأول
#المولد_والنشأة

قصتنا النهاردة عن نبي من أُولِي العَزْم من الرسل،
وأُولي العزم معناها:
الأنبياء إللي تعرضوا لأذى شديد من قومهم واتعرضوا لابتلاءات كثيرة في حياتهم، ثم واجهوا الأذى والبلاء ده بالصبر،
وأولي العزم من الرسل هم أفضل الأنبياء والمرسلين على الإطلاق، وهم خمسة : نوح وإبراهيم وموسى وعيسى ومحمد صلى الله عليه أجمعين.
واحنا اتكلمنا عن نوح وإبراهيم عليهما السلام، و النهاردة هنتكلم عن موسى عليه السلام 😁
اسمه موسى بن عمران من ذرية يعقوب عليه السلام،
هو أكثر نبي مذكور في القرآن لأن قصته مع بني إسرائيل مليانة عِبر، ولأن أحداث أُمِّته متشابهة كتير مع أحداث أمة محمد ﷺ،
وموسى عليه السلام له علينا فضل كبير جدا احنا المسلمين ،
لأن في رحلة المعراج لما ربنا فرض على رسول الله ﷺ الصلاة وكانت خمسين،
قابل رسول الله ﷺ موسى في السماء السادسة، وسأله موسى عن إللي ربنا فرضه عليه ،
فقال له رسول الله ﷺ إن ربنا فرض عليه خمسين صلاة،
فموسى عليه السلام قال له أُمّتك مش هتستحمل،
فاطلب من ربك التخفيف، فالنبي ﷺ استغرب، وبص لجبريل باستغراب وسأل:
هو أنا ينفع أرجع لربنا وأسأله التخفيف؟ فجبريل عليه السلام قال له: نعم،
ففعلا بسبب كلام موسى عليه السلام، استمر رسول الله ﷺ يسأل ربنا التخفيف لحد ما وصلت لخمس صلوات بدل خمسين،
وطبعا انتم عارفين إن كتير من الناس بتصلي الخمس صلوات بالعافية فما بالنا لو كانت خمسين😶
طبعا كله بتقدير من ربنا ومكتوب في اللوح المحفوظ، لكن موسى عليه السلام كان سبب بس،
وربنا هو إللي جعله سبب في ده، وهتلاقوا في السيرة شرح الموضوع بالتفصيل😊

نرجع بقى بالزمن شوية كده😁
اتكلمنا قبل كده عن قصة يوسف عليه السلام وإنه قال لإخواته إنهم يجيبوله كل أهلهم من البَادية في فلسطين عشان يسكنوا مصر،
وفعلا يعقوب عليه السلام جه هو وأبنائه ال11 وأم يوسف، وسكنوا كلهم مصر،
وكان الناس بيكرّموهم ويعاملوهم بإحسان إكراما ليوسف عليه السلام.
وكان الملك إللي بيحكم مصر في عهد يوسف عليه السلام من الهكسوس، وكان الهكسوس محتلين مصر ساعتها،
فلما قام أحمس الأول بثورة وخرّج الهكسوس من مصر وبدأ عصر الفراعنة،
بدأ الفراعنة يستعبدوا بني إسرائيل على أساس إنهم كانوا مُوالين ومتعاونين مع الهكسوس، وقعدوا في الظلم والقهر والاستعباد ده حوالي ٣٠٠ سنة،
وقلنا قبل كده إن إسرائيل هو يعقوب عليه السلام، وإن كلمة إيل في اللغة السريانية معناها الله، وكلمة إسرا معناها عبد فتكون إسرائيل بمعنى عبد الله،
وبني إسرائيل هم ذرية يعقوب عليه السلام 😊
فكان الفراعنة إللي بيحكموا مصر مخليين بني إسرائيل عبيد وبيخلوهم يشتغلوا في المِهن الحقيرة الوضيعة عندهم، يعني كانوا عايشين في منتهى الذل والهوان والقهر😶
في يوم من الأيام واحد من الفراعنة شاف رؤيا ويُقال إن الفرعون ده رمسيس الثاني والله أعلم،
شاف إن في نار بتخرج من بيت المقدس وتنتشر في مصر ، وبتُصيب كل بيوت أهل مصر،
ماعدا بيوت بني إسرائيل مش بتيجي ناحيتهم،
فقام من النوم خايف😳
وجمع السحرة والكهنة والوزراء وبدأ يسألهم فقالوا له ده معناه إن في طفل هيتولد من بني إسرائيل وهيكون زوال ملكك على إيده👌
فطبعا خاف وأمر إن أي طفل يتولد لبني إسرائيل يُقتل على طول😤
الفرعون ده كان أشد الفراعنة قوة وبطش وظلم ...كان مفتري يعني😑
"إِنَّ فِرْعَوْنَ عَلَا فِي الْأَرْضِ وَجَعَلَ أَهْلَهَا شِيَعًا"
والفراعنة بصفة عامة كانوا بيقولوا إن دمهم فيه دم إلهي، يعني نَسَبْهُم مُتصل بالإله،
الفرعون ده بقى عَدَّاهُم كلهم...قال إنه هو ذات نفسه إله ورب😶
فاكرين لما قلنا قبل كده إن معظم الناس كانوا مؤمنين بتوحيد الربوبية يعني إن الكون ده له رب هو الخالق والرازق والمدبر والمالك، بس همّ بيشركوا معاه آلهة تانية في العبادة والقصد والتعظيم🤔
أهه الفرعون ده بقى مش بس بيزعم إنه إله متفرد بتوحيد الألوهية وتعظيم الناس له، لأ ده كمان بيزعم إنه متفرد بتوحيد الربوبية،
"أَنَا رَبّكُمْ الْأَعْلَى "
بيقول إن هو الرب، يعني هو الخالق والرازق والمدبر ومالك الملك...حاجة كده آخر جنون يعني 😅

المهم،
بدأ جنود فرعون يمشوا في الشوارع وأول ما يلاقوا طفل ذَكَر مولود ياخدوه كده ويدبحوه أو يقتلوه، ويبحثوا عن غيره😶
طبعا حاجة بشعة...احنا لما بنشوف طفل ميت عادي قلبنا بيتقطع عليه، ولّا لو أم ابنها مات بعد ما تولده بتبقى روحها هتطلع😞
دول بقى كانوا بياخدوا الطفل الرضيع إللي لسه مولود ويذبحوه قصاد أمه وأبوه وأهله ويسيبوه ويمشوا،
وأهله مش قادرين يعملوا لهم حاجة.

☆وطبعا المذابح إللي حصلت للأطفال بسوريا مش بعيد عننا، أكيد شفتم الأطفال الصغيرين ومنظرهم وهم مدبوحين😔
فده كان بلاء واقع على بني إسرائيل...ذبح وقتل في الأطفال، وياخدوا الرجال يشتغلوهم بالسُّخْرة والعبودية..وياخدوا النساء يشتغلوا في قصور الأغنياء...حياة كلها ذل وقهر.
"يَسْتَضْعِفُ طَائِفَة

#قصص_الأنبياء
#الحلقة_السابعة_والعشرون
#قصة_موسى_الجزء_الثاني
#الرسالة

وقفنا المرة إللي فاتت عند موسى عليه السلام لما أخذته آسية زوجة فرعون عشان تربيه في القصر،
كَبُر موسى عليه السلام في قصر فرعون وهو شايف الظلم والقهر إللي بيتعرضله بني إسرائيل،
فكان بيكره فرعون، واتولّد جواه حِس نصرة المظلوم،
في يوم من الأيام نزل من القصر ودخل المدينة في وقت القيلولة محدش تقريبا بيبقى موجود،
"وَدَخَلَ الْمَدِينَةَ عَلَى حِينِ غَفْلَةٍ مِنْ أَهْلِهَا "
وهو ماشي شاف واحد من المصريين بيتخانق مع واحد من بني إسرائيل، فتوقع إن المصري ظالم للرجل بسبب إللي شافه طول السنين إللي فاتت،
"فَوَجَدَ فِيهَا رَجُلَيْنِ يَقْتَتِلَانِ هَذَا مِنْ شِيعَتِهِ وَهَذَا مِنْ عَدُوِّه"
وفي نفس الوقت الرجل من بني إسرائيل استغاث بيه وقال له إلحقني،
فتأكد ظن موسى عليه السلام وراح عشان ينصر المظلوم فزق المصري بإيده، راح واقع ميت😶
"فَاسْتَغَاثَهُ الَّذِي مِنْ شِيعَتِهِ عَلَى الَّذِي مِنْ عَدُوِّهِ فَوَكَزَهُ مُوسَى فَقَضَى عَلَيْهِ"
موسى عليه السلام بيشوف الراجل لقاه مبيتحركش ومات فعلا!🙊
طبعا موسى عليه السلام اتصدم😳
هو مكنش يقصد أبدا إنه يقتل الرجل ومكنش متخيل قوته كده....
هو كان بيبعده بس لكن موسى عليه السلام كان قوي جدا لدرجة إن زقة واحدة قتلت الشخص، فتخيلوا إنتم قوته كانت عاملة إزاي😅
فورا موسى عليه السلام استغفر ربنا لإن بالفطرة الإنسان بيحس إن القتل ده حاجة كبيرة، حتى لو مفيش دين بيحرم القتل،
"قَالَ هَذَا مِنْ عَمَلِ الشَّيْطَانِ إِنَّهُ عَدُوٌّ مُضِلٌّ مُبِينٌ * قَالَ رَبِّ إِنِّي ظَلَمْتُ نَفْسِي فَاغْفِرْ لِي فَغَفَرَ لَهُ إِنَّهُ هُوَ الْغَفُورُ الرَّحِيمُ "

وقال يارب بما إنك أنعمت عليّ بنعمة القوة كد، فمش هخليها في مساعدة المجرمين ولا هكون زيهم متجبر بقوتي وجبروتي على الضعفاء،
"قَالَ رَبِّ بِمَا أَنْعَمْتَ عَلَيَّ فَلَنْ أَكُونَ ظَهِيرًا لِلْمُجْرِمِينَ "

☆طب وهو موسى عليه السلام كان يعرف ربنا😕
جميع الأنبياء على التوحيد، لم يشركوا أبدا بالله حتى قبل البعثة، وكمان هو كان على شريعة بني إسرائيل فكان عارف من هو الله 👌
بعد القتل الخطأ ده، هرب موسى عليه السلام ومحدش يعرف مين إللي قتل المصري غير الرجل إياه من بني إسرائيل، واتجمع الناس وقعدوا يسألوا محدش شاف مين القاتل،
فضل موسى عليه السلام في المدينة وهو خايف وبيراقب هل الناس عرفوا إن هو القاتل ولّا لأ😥
"فَأَصْبَحَ فِي الْمَدِينَةِ خَائِفًا يَتَرَقَّبُ"

☆إيه ده وهو يخاف ليه😕
مش هو ابن الفرعون يعني محدش يقدر يقول له إنت قتلت ليه 🙄
ماهو ده دليل إن فرعون مكنش بيحب موسى عليه السلام ومكنش بيعامله زي ابنه، وموسى كان عارف ده،
وهو قال لآسية من البداية قرة عين ليكِ انتِ أما بالنسبة لي لأ😤
المهم.. وهو ماشي في المدينة شاف نفس الرجل من بني إسرائيل بتاع إمبارح بيتخانق مع واحد مصري تااااني، فلما شاف موسى عليه قعد يستغيث بيه ويقوله إلحقني ...إلحقني😫
" فَإِذَا الَّذِي اسْتَنْصَرَهُ بِالْأَمْسِ يَسْتَصْرِخُهُ "
فموسى عليه السلام قال له ده انت إللي بتاع مشاكل بقى😠
"قَالَ لَهُ مُوسَى إِنَّكَ لَغَوِيٌّ مُبِينٌ"

☆وده يعلمنا إننا مناخدش بالظاهر ...وإننا لما نكون عايزين نحكم في مشكلة لازم نسمع من الطرفين ..مش من طرف واحد،
حتى لو احنا كنا متأكدين إن الطرف التاني هو إللي ظالم دايما...مش يمكن المرة دي هو إللي مظلوم👌
فبلاش نستعجل في الحكم وناخد قرارات ظالمة وخاطئة،
وكما قيل:
"إذا جاءك الرجل وقد فُقِئت عَينُه👁 فلا تحكُم له حتى ترى الآخر فربما فُقِئت عيناه الاثنتان👀"

فلما موسى عليه السلام قرّب من الاتنين اللي بيتخانقوا عشان يبعدهم عن بعض ويفض الخناقة بسلام،
قام الراجل اللي من بني إسرائيل تخيل إن موسى غضبان منه هو وهيضربه هو المرة دي عشان بتاع مشاكل وكده، فراح قايل له:
إنت عايز تقتلني ياموسى زي ما قتلت واحد امبارح😱
ده انت عايز تبقى جبار بقى😤

"فَلَمَّا أَنْ أَرَادَ أَنْ يَبْطِشَ بِالَّذِي هُوَ عَدُوٌّ لَهُمَا قَالَ يَامُوسَى أَتُرِيدُ أَنْ تَقْتُلَنِي كَمَا قَتَلْتَ نَفْسًا بِالْأَمْسِ إِنْ تُرِيدُ إِلَّا أَنْ تَكُونَ جَبَّارًا فِي الْأَرْضِ وَمَا تُرِيدُ أَنْ تَكُونَ مِنَ الْمُصْلِحِينَ "

فهنا المصري عرف إن القتيل بتاع إمبارح موسى هو إللي قتله،
فراح على طول بلغ الجنود، والجنود بلغوا فرعون،
فبدأ يتكلم مع الوزراء بتوعه وقعدوا يدبّروا خطة يقتلوا بها موسى عليه السلام🙊
فجه واحد من القصر بسرعة وقابل موسى وقال له إن الوزراء والأعيان بيدبروا مؤامرة عشان يقتلوك فخذ نصيحتي واهرب من البلد عشان ماحدش يقدر يوصل لك.
"وَجَاءَ رَجُلٌ مِنْ أَقْصَى الْمَدِينَةِ يَسْعَى قَالَ يَامُوسَى إِنَّ الْمَلَأَ يَأْتَمِرُونَ بِكَ لِيَقْتُلُوكَ فَاخْرُجْ إِنِّي لَكَ مِنَ النَّاصِحِينَ"
فموسى عليه السلام خرج من المدينة وهو خائف وبيراقب أحسن حد ي

#قصص_الأنبياء
#الحلقة_الثامنة_والعشرون
#قصة_موسى_الجزء_الثالث
#المواجهة

كنا واقفين المرة إللي فاتت عند موسى عليه السلام لما ربنا إداله المعجزتين وقاله إنه يروح يدعو فرعون لعبادته وحده،
موسى عليه السلام كده هيروح لفرعون إللي كان عايز يقتله وهو هربان منه أصلا😥
لكن مكنتش دي المشكلة بالنسبة لموسى عليه السلام،
هو مقلش لربنا إنه خايف من القتل، أو إنه مش هيقدر يِوَصّل الرسالة عشان ميعرضش نفسه للأذى،
لأ خالص...ده كان كل همه هو الدعوة👌
فقال لربنا إنه عنده مشكلة في لسانه ومش بيعرف يقول الكلام مظبوط، وربنا أعلم بيه سبحانه،
فاكرين اللثغة إللي حصلت له من الجمر إللي داقه لما كان صغير؟
أهه هي دي إللي ربنا قال عنها في القرآن على لسانه موسى: "وَلَا يَنْطَلِق لِسَانِي"
فقاله يارب لو أنا هروح فأرجوك إنك تحل لي المشكلة دي عشان الناس تفهم كلامي ومكنش عِبء على الرسالة أو المعنى مايوصلش بسبب إني ما بعرفش اتكلم كويس😔
"وَاحْلُلْ عُقْدَةً مِنْ لِسَانِي * يَفْقَهُوا قَوْلِي"

وفي مشكلة تانية يارب، وهي إني قتلت من بني إسرائيل واحد قبل كده،
فلو روحت دعيتهم أخاف إنهم يقتلوني😰
وتبقى دي نهاية الرسالة 😞
" قَالَ رَبِّ إِنِّي قَتَلْتُ مِنْهُمْ نَفْسًا فَأَخَافُ أَنْ يَقْتُلُونِ"

هو مش خايف من الموت، هو بيحاول يحل كل العقبات إللي هتعطل تبليغ الرسالة، فكمّل كلامه وقال:
لكن أنا عندي الحل يا رب، أرسِل لهارون أخي يكون نبي معايا، بحيث لو أنا مت هو يكمّل...ولو معرفتش أتكلم هو يتكلم بدالي وهو أفصح مني في الكلام.
*"وَاجْعَلْ لِي وَزِيرًا مِنْ أَهْلِي * هَارُونَ أَخِي* اشْدُدْ بِهِ أَزْرِي وَأَشْرِكْهُ فِي أَمْرِي"
"وَأَخِي هَارُونُ هُوَ أَفْصَحُ مِنِّي لِسَانًا فَأَرْسِلْهُ مَعِيَ رِدْءًا يُصَدِّقُنِي ۖ إِنِّي أَخَافُ أَن يُكَذِّبُونِ "

فموسى عليه السلام مكنش شاغل باله غير إنه إزاي يِوَصّل رسالة ربنا بنجاح وبس...مش مهم بالنسبة له الأذى إللي هيحصل له ...مش مهم إنه ممكن يتقتل ...عادي جدا...مادام في سبيل الله خلاص كله يهون👌
فربنا طمّنه وقاله إنه هيرسل معاه أخوه عشان يشجعه ويكون سبب يتقوى بيه،
فموسى عليه السلام قال لربنا إنه خايف برده أحسن فرعون يقتلهم هم الإتنين وكده الرسالة بردو تقف، فربنا طمّنه بإنه هيكون معاهم بسمعه وبصره فمفيش أي داعي للقلق👌
"قَالَ لَا تَخَافَا ۖ إِنَّنِي مَعَكُمَا أَسْمَعُ وَأَرَىٰ"

☆يعني احنا كمان ربنا معانا في كل مكان😕
أيوة ربنا معانا في كل مكان لكن مش بذاته سبحانه، لإن ربنا عز وجل في السماء، مُستوِي فوق العرش استواء يليق بيه سبحانه،
"الرَّحْمَنُ عَلَى الْعَرْشِ اسْتَوَى"
احنا عقلنا مايستوعبش الموضوع ده بتكويننا الدنيوي ده، وهنعرف لما ندخل الجنة إن شاء الله ونشوفه،
فهو معانا عز وجل بعلمه: يعلم عننا كل شيء حتى الغيب إللي احنا منعرفوش عن أنفسنا،
ومعانا بسمعه، يعني بيسمع كل شيء مهما كان الصوت من داخل خواطرنا وأنفسنا،
ومعانا ببصره: يعني يرى كل شيء حتى لما تكون الدنيا ضلمة جدا👌
وحتى لو الأشياء محجوبة بأشياء تانية، هو الظاهر والباطن عز وجل لا يخفى عن بصره أو سمعه أو علمه شيء،
وسمعه وبصره وعلمه غيرنا احنا البشر،
احنا بنشترك في الأسماء بس والمعاني، لكن الكيفية والتمثيل لأ👌
عارفين زي إيه ولله المثل الأعلى يعني😅
لما نسمي طفل محمد على اسم رسول الله محمد ﷺ، هل محمد ده زي محمد ده؟
لأ طبعا لكن هم بيشتركوا في الاسم بس ومعنى الاسم، لكن صفات صاحب الاسم وذاته؟ لأ..
ولله المثل الأعلى وليس كمثله شيء👌

المهم،
ربنا استجاب لدعاء موسى عليه السلام وأوحى إلى أخيه هارون عليه السلام في المكان إللي كان فيه ساعتها بنفس الرسالة إللي قالها لموسى عليه السلام،
رجع موسى عليه السلام لأهله بعد ما كلّم ربنا عند جبل الطور، وحكى لهم إللي حصل ووصلوا مصر،
واتقابل موسى مع هارون وحكاله إللي حصل فقال له هارون إن ربنا أوحى له هو كمان بالفعل واتفقوا إنهم يروحوا لفرعون.

◇لما الواحد يلاقي أول شخص بيؤيد دعوته وشاف آياتها زيه بالظبط هو أخوه أكيد هيبقى حاسس بالاطمئنان والثبات،
وتَحقّقت دعوة موسى عليه السلام إللي قال فيها:
"وأَشْركه في أمري"
وأي حد يكون في وضع شبه ده ويستعين بحد قريب منه ده مش شرك ولا تعلّق بالمخلوقين احتياحنا لبعض وائتناسنا بدعم بعض دي فطرة طبيعية ربنا غرسها فينا،
لكن بعد الاستعانة بالله طبعا والتعلق بيه وحده سبحانه👌

المهم،
تاني يوم راح موسى عليه السلام ومعاه هارون، وداخلين على القصر شافوهم الجنود ...حصل قلق ...ابن فرعون رجع 😮
وصل الخبر لفرعون وكان قاعد مع وُزراؤه وحاشيته،
قعد مستني عشان يشوف إيه إللي رجّع موسى عليه السلام بعد السنين دي كلها🤨
دخل موسى وهارون عليهما السلام على فرعون،
أول ما شافه فرعون قال له :
مش إنت إللي ربِّيناك لما كنت صغير وكبَّرناك😏
"أَلَمْ نُرَبِّكَ فِينَا وَلِيدًا وَلَبِثْتَ فِينَا مِنْ عُمُرِكَ سِنِينَ"
و مع ذلك محفظتش الجمي

#قصص_الأنبياء
#الحلقة_التاسعة_والعشرون
#قصة_موسى_الجزء_الرابع
#من_آمن_لموسى

وقفنا المرة إللي فاتت عند فرعون لما أمر إن السحرة إللي آمنوا كلهم تتقطع إيديهم ورجليهم وبعدين يتصلبوا في جذوع النخل والبلد مقلوبة😶
السحرة إللي كانوا مُوَالين لفرعون بيتقتلوا لمجرد إنهم آمنوا بموسى عليه السلام،
ودي عادة الطواغيت،
إنهم في أي لحظة ممكن يقتلوا أي حد حتى الموالين ليهم إللي نصروهم في كذا موضع قبل كده عشان يحافظوا على مُلكهم😑
طبعا فرعون مقدرش يعمل حاجة لموسى عليه السلام،
لأنه لو قتله هيتحول لشهيد مظلوم، وهتحصل فتنة كبيرة جدا في البلد؛
لإن الناس كلهم شافوا إللي حصل، فموسى عليه السلام في مَوْضع قوة دلوقتي،
وفرعون كان ذكي، فكان عايز يلم الموضوع في الموقف ده لحد ما يدبّر له مكيدة تانية يخلص بيها منه👌

الشعب شاف كل إللي حصل ده قصاد عينهم وعرفوا صِدق موسى عليه السلام وإن هو إللي معاه الحق،
ومع ذلك محدش فيهم آمن لموسى عليه السلام😕

من شعب مصر كله لم يؤمن إلا ثلاثة أشخاص غير السحرة،
◇ أولهم ابن عم فرعون.
وطبعا كان بيخبي إيمانه؛ لأنهم لو عرفوا إنه آمن بموسى هيتعرضوا له بالقتل زيه زي السحرة😶
فكان بيحضر الاجتماعات مع فرعون وباقي الملأ ومحدش عارف إنه مؤمن،
وكان الملأ في مجالسهم بيحرّضوا فرعون إنه يقتل موسى أو حتى يؤذيه، ويقولوا له:
هو انت هتسيب موسى يفسد في الأرض ويخرّب عقول الناس ويدعوهم إنهم يعبدوا إلاهه ويسيبوا عبادتك😤
"وَقَالَ الْمَلأُ مِن قَوْمِ فِرْعَونَ أَتَذَرُ مُوسَى وَقَوْمَهُ لِيُفْسِدُواْ فِي الأَرْضِ وَيَذَرَكَ وَآلِهَتَكَ "

فقال لهم فرعون انتم بس ادوني تفويض من الشعب عشان أقتل موسى ويبقى يستنجد بربه ينقذه أو يمنعه مني،
أنا خايف على مصلحتكم كلكم ...لإن ده جاي عاوز يغير دينكم ويُفسد في الأرض ويخرب البلد....صحيح🤓
"وَقَالَ فِرْعَوْنُ ذَرُونِي أَقْتُلْ مُوسَى وَلْيَدْعُ رَبَّهُ إِنِّي أَخَافُ أَن يُبَدِّلَ دِينَكُمْ أَوْ أَن يُظْهِرَ فِي الْأَرْضِ الْفَسَادَ "

شوفوا إزاي 😏
ده على أساس إنك مش خايف على مُلكَك انت بس، وإنك بيهمك مصلحة الناس أوي ونفسك تعوّض الشعب المسكين إللي لم يجد مَن يحنو عليه🙄

الرجل المؤمن لما سمعهم بيتكلموا عن قتل موسى عليه السلام بدأ يكلمهم عشان يحاول يمنعهم من قتله عليه السلام، وفي نفس الوقت من غير ما يفهموا إنه بيعمل كده عشان هو مؤمن زيه،
فكان بيقول لهم كلام منطقي يقنعهم ويُخاطب عقلهم، قال لهم:
انتم عايزين تقتلوا واحد لمجرد إنه بيقول الله ربي، متسيبوه يقول براحته😥
وكمان ده جالكم بدليل ومعجزة تثبت للناس إنه فعلا رسول من عند ربنا وتؤكد صدق كلامه😞
"وَقَالَ رَجُلٌ مُّؤْمِنٌ مِّنْ آلِ فِرْعَوْنَ يَكْتُمُ إِيمَانَهُ أَتَقْتُلُونَ رَجُلًا أَن يَقُولَ رَبِّيَ اللَّهُ وَقَدْ جَاءكُم بِالْبَيِّنَاتِ مِن رَّبِّكُمْ "

يعني الرجل المؤمن ده عاوز يقول لهم انتم كده موقفكم بقى أصعب ومحتاج خطط تانية غير القتل.. سيبوه خالص،
وهو لو كان كاذب فهو إللي هيتحمّل نتيجة كذبه لوحده وهيتفضح أمره والناس مش هترحمه🤷‍♂️
ولو طلع صادق فعلا وكنتم قتلتوه ممكن ينزل عليكم عقوبة من السماء زي ما حصل زمان..
"وَإِن يَكُ كَاذِبًا فَعَلَيْهِ كَذِبُهُ وَإِن يَكُ صَادِقًا يُصِبْكُم بَعْضُ الَّذِي يَعِدُكُمْ"
وبعدين بدأ يزوّد أكتر في الكلام ويتكلم بوضوح أكبر فقال لهم:
كفاية إنكم متمسكين بدينكم الغلط، يعني انتم مفكرين عشان عندكم سلطان وقوة وقاهرين لبني إسرائيل يبقى انتم كده محدش هيقدر يَقهركم😑
طيب مين إللي هينجينا من قوة ربنا وقهره وعقابه لو نزل علينا😔
"يا قَوْمِ لَكُمُ الْمُلْكُ الْيَوْمَ ظَاهِرِينَ فِي الْأَرْضِ فَمَن يَنصُرُنَا مِن بَأْسِ اللَّهِ إِنْ جَاءنَا "

فهنا بدأ فرعون يعرف إن الرجل المؤمن ده آمن بموسى عليه السلام واتبعه،
فبدأ يغضب وجنون العظمة رجعله تاني ووجه كلامه للناس قبل ما يتأثروا بكلام المؤمن، وقال:
أنا رأيي هو الصح ومش بعمل غير عشان مصلحتكم ، ومصلحتي هي مصلحتكم، وأنا مش بقول لكم غير الصح وهو إني أقتل موسى، أنا لو سبته هيغير دينكم ويخرب البلد😤
"قَالَ فِرْعَوْنُ مَا أُرِيكُمْ إِلَّا مَا أَرَى وَمَا أَهْدِيكُمْ إِلَّا سَبِيلَ الرَّشَادِ"

فقال الرجل المؤمن:
أنا خايف عليكم لو قتلتم موسى هيحصل لكم زي ما حصل يوم الأحزاب...الأقوام إللي تحزّبوا ضد أنبياؤهم نوح وهود وصالح وإللي جاءوا بعدهم ...ربنا أهلكهم جميعا،
فلو اتجرأتم عليه وأذِتُوه ربنا هيهلككم زي ما أهلكهم😔
"وَقَالَ الَّذِي آمَنَ يَا قَوْمِ إِنِّي أَخَافُ عَلَيْكُم مِّثْلَ يَوْمِ الْأَحْزَابِ مِثْلَ دَأْبِ قَوْمِ نُوحٍ وَعَادٍ وَثَمُودَ وَالَّذِينَ مِن بَعْدِهِمْ"

ويوسف كان جاءكم بالبينات هو كمان وفضلتم شاكين في الدين إللي جاء بيه، ولما مات قلتم خلاص لن يبعث الله رسول تاني،
"وَلَقَدْ جَاءكُمْ يُوسُفُ مِن قَبْلُ بِالْبَيِّنَاتِ فَمَا زِلْتُمْ فِي شَكٍّ مِّمَّا جَاءكُم بِهِ

#قصص_الأنبياء
#الحلقة_الثلاثون
#قصة_موسى_الجزء_الخامس
#هلاك_فرعون

وقفنا المرة إللي فاتت عند فرعون لما رجع تاني يقتل أبناء بني إسرائيل عشان ينتقم منهم ومن موسى عشان يتركوا الإيمان بموسى ويفضلوا قاعدين في البلد ميمشوش مع موسى عليه السلام،
وعاش موسى عليه السلام في مصر يدعو في بني إسرائيل، لإنه في الأساس كان رسول ليهم هم، وكان جاي بهدف إنه يخرجهم من مصر،
فكان بقى مستني اللحظة المناسبة إللي يقدر فيها يحقق هدفه بالخروج ببني إسرائيل برة مصر بعيد عن قبضة فرعون،
وموسى عليه السلام كان عايز يَخرج بيهم من مصر لأنهم ذرية يعقوب عليه السلام،
وكانوا موحدين على دين يعقوب ويوسف عليهما السلام ومكنوش بيعبدوا فرعون أو أي آلهة غير ربنا عز وجل، رغم الظلم والبطش والترهيب الفرعوني الشديد،
عشان كده ربنا اصطفاهم على غيرهم من الأمم بسبب صبرهم ده، وكل الأنبياء إللي بعد كده هييجوا من بني إسرائيل حتى عيسى عليه السلام،
لكنهم دلوقتي مُعَرَّضِين للقهر والظلم، فربنا أراد إنه يخرجهم من الظلم والبطش ويرجعهم لبيت المقدس إللي بناه يعقوب عليه السلام مرة تانية عشان يهيأ الاسباب لمجيء باقي الأنبياء بعدين👌
لكن فرعون مش موافق إطلاقا إنهم يخرجوا عشان مايحصلش إنهيار في الدولة بسبب عدم وجود عمال، زي ما قلنا المرة إللي فاتت،

ربنا أراد إنه يُقيم الحُجة على فرعون أكثر فأرسل معجزات تانية: "وَلَقَدْ آتَيْنَا مُوسَى تِسْعَ آيَاتٍ بَيِّنَاتٍ "
أولها القحط والجدب...
"وَلَقَدْ أَخَذْنَا آلَ فِرْعَونَ بِالسِّنِينَ وَنَقْصٍ مِّن الثَّمَرَاتِ"
مفيش مطر ..النيل نشف! ..مبقاش في مية 😕

☆هي مش دي الأنهار إللي فرعون كان بيستدل بيها على ألُوهيته ويقول :
"أليس لي ملك مصر وهذه الأنهار تجري من تحتي أفلا تبصرون" 😏

فرعون طبعا عرف إن ده بسبب موسى عليه السلام، فبعت لموسى إنه لو رَجَّع النيل تاني والمطر نزل هيسيب بني إسرائيل يخرجوا معاه برة مصر..
فدعا موسى عليه السلام ربنا، فربنا رفع عنهم القحط والجدب ونزل المطر ورجع النيل يجري من تاني!
وطبعا اللي يخون ربنا يخون أي حد 😀
فرعون خَلَف العهد مع موسى وخان الأمان، ومرضيش يسيب بني إسرائيل يخرجوا من مصر مع موسى👌
فربنا بقى أرسل عليهم الطوفان...
فاض النيل إللي هو فرحان بيه ده وبيتجبّر بيه، وغَرّق الأرض كلها ،
آيات واضحة من ربنا بتقول :
إن محدش يقدر يمنع جريان الأنهار ولا يقدر يسمح بجريانها إلا الواحد القهار.. لكن مين يعقل الآيات🤷‍♂️

فبعت فرعون لموسى عليه السلام تااااني ووعده المرة دي مش هيخلف كلمته،
فلما ربنا رفع عنهم البلاء تاني رجع فرعون في وعده لموسى للمرة التانية بكل جبروت واستكبار😑
وفضل الوضع كده ..ربنا يرسل الآيات ورا بعض ،وفرعون يطلب من موسى عليه السلام الدعاء ويوعده ، ولما البلاء يترفع يخلِف فرعون وعده..
ربنا أرسل عليهم الجراد فأهلك المحاصيل الزراعية، وأرسل عليهم القُمَّل -يقال إنها حشرات الرأس ويقال إنها السوس-
وأرسل عليهم الضفادع🐸
بقت كل البلد مليانة ضفادع.. في أكلهم .. في سرايرهم.. في هدومهم في كل مكان،
وابتلاهم بنقص الثمار ...
وأرسل عليهم الدم، كل السوائل اتحولت لدم، المصري العادي ييجي يشرب الماء يتحول في إيده لدم...
يأخذه الرجل من بني إسرائيل المؤمنين يتحول لماء،
"فَأَرْسَلْنَا عَلَيْهِمُ الطُّوفَانَ وَالْجَرَادَ وَالْقُمَّلَ وَالضَّفَادِعَ وَالدَّمَ آيَاتٍ مُّفَصَّلاَتٍ فَاسْتَكْبَرُواْ"
آيات بينات متقبلش أي شك أهه ومع ذلك كانت أي حاجة تحصل في البلد يقولوا: موسى ...موسى...موسى وإللي معاه هم السبب...

☆ده على أساس إن الابتلاءات إللي انتم فيها دي مش بسبب أفعالكم وبسبب الظلم ومعصيتكم لله😑
"وَلَمَّا وَقَعَ عَلَيْهِمُ الرِّجْزُ قَالُواْ يَا مُوسَى ادْعُ لَنَا رَبَّكَ بِمَا عَهِدَ عِندَكَ لَئِن كَشَفْتَ عَنَّا الرِّجْزَ لَنُؤْمِنَنَّ لَكَ وَلَنُرْسِلَنَّ مَعَكَ بَنِي إِسْرَآئِيلَ فَلَمَّا كَشَفْنَا عَنْهُمُ الرِّجْزَ إِلَى أَجَلٍ هُم بَالِغُوهُ إِذَا هُمْ يَنكُثُونَ "

ولما كان يترفع البلاء ولاّ يعملوا أي إنجاز يقولوا ده احنا إللي عملنا وده مجهودنا😤
"فَإِذَا جَاءتْهُمُ الْحَسَنَةُ قَالُواْ لَنَا هَـذِهِ وَإِن تُصِبْهُمْ سَيِّئَةٌ يَطَّيَّرُواْ بِمُوسَى وَمَن مَّعَهُ أَلا إِنَّمَا طَائِرُهُمْ عِندَ اللّهُ وَلَـكِنَّ أَكْثَرَهُمْ لاَ يَعْلَمُونَ "
فالبلاء كان واقع على فرعون وكل شعب مصر👌

☆طيب كل الشعب ليه ..والشعب ذنبه إيه🤨
لأنهم وافقوا على إللي فرعون بيعمله في بني إسرائيل.. ومحاولوش إنهم يدافعوا عن المظلومين،
بالعكس ده وقفوا مع الحاكم في ظُلمه ضد المستضعفين من بني إسرائيل، وكانوا بيشجّعوه عادي...
يعني مش خلاص انت مش قادر تنصر واحد مستضعف وخايف على نفسك من القتل زيه فتسكت... لأ ده إنت فوّضته وعمّال تشجعه... واقتل وادبح واحنا معاك ...
طيب ما انت كده مشارك معاه...كون إنك راضي عن الظلم ده يبقى إنت واخد نفس وزر الظالم،
حتى

#قصص_الأنبياء
#الحلقة_الحادية_والثلاثون
#قصة_موسى_الجزء_السادس
#بين_موسى_وبني_إسرائيل
#الجزء_الأول

اتكلمنا المرة إللي فاتت عن هلاك فرعون ونجاة بني إسرائيل ،
بعد هلاك فرعون وجنوده وأُمراؤه، لم يتبقَّ في مصر غير العامة والرّعايا، وطبعا نساء علِْية القوم،
فتزوجت نساء الأُمراء والكبراء برجال أقل منهن منزلة ومكانة،
فكانت السّطوة والكلمة العُليا للنساء واستمر الحال لحد النهاردة سبحان الله وده ظاهر في كتير من الأحداث في واقع البيوت المصرية 😅
عرفتم السبب ليه كتير من النساء المصريات مختلفات عن غيرهم من باقي النساء من البلدان التانية 😁

وشوفنا إزاي بعد كل المعجزات إللي حصلت أمام بني إسرائيل دي وشافوها بنفسهم وشافوا إزاي في النهاية ربنا نجاهم بشكل مذهل ومُعجز وأهلك فرعون وآل فرعون قصاد عينيهم؛
أول ما شافوا ناس بيعبدوا أصنام قالوا لموسى عليه السلام : احنا كمان عايزين إله نعبده قدامنا كده زي ما الناس دي عندهم إله😑
طبعا موسى عليه السلام اتصدم😳
بعد كل ده جايين تقولوا عايزين إله!
أومال مين إللي نجاكم من فرعون؟!!
ومين إللي كان بينزل المعجزات دي كلها قدام عنيكم😳
يعني إيه إله أصلا من وجهة نظركم؟!
هو إيه معنى العبودية عندكم🤦‍♂️
انتم جهلة جهل شديد، لأ وكمان ده أشد أنواع الجهل والعياذ بالله فعلا😑
"قَالَ إِنَّكُمْ قَوْمٌ تَجْهَلُونَ "
بني إسرائيل كانوا عايشين في مصر بقالهم حوالي ٤٠٠ سنة تحت استعباد الفراعنة لهم،
ومن كتر ما اتعودوا إنهم يشوفوا أهل مصر بيعبدوا الأصنام، وكمان فرعون كان مُدّعي الربوبية والألوهية، فطبيعي جدا إن موضوع الإله المادي إللي بيكون قدّامهم متجَسّد ده يبقى حاجة عادية بالنسبة لهم وشيء ميقدروش يستغنوا عنه عشان يؤمنوا بيه من وجهة نظرهم🤷‍♂️

☆وده اسمه إِلْف المعصية أو إِلف الخطأ...
يعني من كتر ما بنشوف الخطأ أو المعاصي ومفيش في المقابل حتى إنكار ورفض للخطأ ده بالقلب؛ فاحنا اتعودنا عليها وبقت بالنسبة لنا عادي😕
والموضوع بيتطور بعد كده وبيوصل إن لما حد بينكر الخطأ بنستغرب كلامه وبنحسه جاي من كوكب آخر 🤨
وأقرب مثال على الموضوع ده ...تهنئة غير المسلمين بأعيادهم👌
لما نقول للناس ده ماينفعش، يقولوا لك وإيه المشكلة!
بطلوا تطرف وتشدد😶
طب الوضع ده وصل لكده إزاي؟
بسبب إن الناس خلاص اتعودوا سنين إنهم يهنوا غير المسلمين بعيدهم بحكم الجيرة والصحوبية ودعوات التعايش والانصهار مع الشرائع التانية، فبقوا شايفين ده عادي.
فطبيعي لما نيجي نقول مينفعش يا جماعة، هيعترضوا 🤷‍♂️

وهو ده إللي حصل مع بني إسرائيل، هم مش فاهمين إيه طبيعة الإله إللي أَرسل موسى عليه السلام،
همّ أه على دين يعقوب ويوسف عليهما السلام لكن مفيش علم...مفيش عقيدة... مفيش أسماء وصفات...
مش عارفين إن الإله لازم يكون قوي متين واحد أحد خالق كل شيء لم يَلد ولم يُولد وملوش شبيه ولا مَثِيل،
لا ينام ولا يأكل ولا يتزوج ولا يحتاج لأحد من خلقه لكن بالعكس كل خلقه فقراء إليه فبيتوجهوا له بالدعاء والعبادة، فهمّ لو عارفين الكلام ده كان مستحيل ييجي في بالهم إن حتة بقرة من الطين أو حقيقية حتى هي إللي مفروض يعبدوها مع إنها مخلوق زيها زيهم بل هم كبني آدم أكرم وأعقل منها👌
وانتم شايفين إزاي مسلمين كتير دلوقتي للأسف مسلمين بالاسم بس،
ميعرفوش حاجة عن ربنا ولا عن صفاته ولا...ولا...
علم العقيدة ده أول حاجة كانت الرسل بتعلمه لأقوامهم👌
"وَلَقَدْ بَعَثْنَا فِي كُلِّ أُمَّةٍ رَّسُولًا أَنِ اعْبُدُوا اللَّهَ وَاجْتَنِبُوا الطَّاغُوتَ "
"وَمَا أَرْسَلْنَا مِن قَبْلِكَ مِن رَّسُولٍ إِلَّا نُوحِي إِلَيْهِ أَنَّهُ لَا إِلَٰهَ إِلَّا أَنَا فَاعْبُدُونِ"
فبني إسرائيل في الوقت ده كانوا زي المسلمين إللي من النوعية دي، مفيش علم بالخالق الرب المعبود المستحق للعبادة ولا بصفاته ولا بأسمائه ولا بأفعاله ولا بمُرادِه منّا على وجه التحديد👌

☆أنا بحاول أقرب لكم الصورة على أد ما اقدر عشان هتلاقوا إللي بني إسرائيل عملوه مع موسى عليه السلام بيحصل من ناس حوالينا كتير في زماننا ده،
وربنا بيحكي لنا قصتهم في القرآن كتير جدا عشان التشابه إللي بيننا وبينهم عشان نتعظ ومنعملش زيهم،
وخدوا بالكم إن إللي مش هيتعظ وياخد باله ربنا هيستبدل بيه إللي أحسن منه👌
"وَإِن تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُونُوا أَمْثَالَكُم"

موسى عليه السلام بقى قالهم إنتم بتعبدوا الله خالق السماوات والأرض إللي شفتوا معجزاته بسمعكم وأبصاركم..
والناس إللي بتعبد الأصنام دي ربنا هيِنسف إللي بيعبدوه ده، وأصلا عبادتهم دي للشيطان مش لله😡
"إِنَّ هَـؤُلاء مُتَبَّرٌ مَّا هُمْ فِيهِ وَبَاطِلٌ مَّا كَانُواْ يَعْمَلُونَ"

فسكتوا ومتكلموش لأن موسى عليه السلام كان شديد فكانوا بيخافوا من غضبه وبيعملوا له حساب 😅
بعكس هارون عليه السلام كانوا بيحبوه وكان هَيِّن لَيِّن معاهم، فهمّ سكتوا لكن الموضوع لسه جواهم😑
دلوقتي بني إسرائيل خرجوا من مص

#قصص_الأنبياء
#الحلقة_الثانية_والثلاثون
#قصة_موسى_الجزء_السابع
#بين_موسى_وبني_إسرائيل(٢)
#قارون

وقفنا المرة إللي فاتت عند السبعين رجل إللي قالوا لموسى عليه السلام مش هنؤمن غير لما نشوف ربنا بعنينا،
فربنا عاقبهم بإنه أرسل عليهم صاعقة يعني نار شديدة من السماء أو رجْفة على خلاف في التفاسير،
لكن إللي يهمنا إنها أمر من شدته صُعِقُوا وماتوا!
وبعدها ربنا أحياهم مرة تانية!
"فَأَخَذَتْكُمُ الصَّاعِقَةُ وَأَنتُمْ تَنظُرُون ۩ ثُمَّ بَعَثْنَاكُم مِّن بَعْدِ مَوْتِكُمْ لَعَلَّكُمْ تَشْكُرُونَ "
لإنهم لما ماتوا موسى عليه السلام خاف.. هيرجع يقول إيه لبني إسرائيل😕
يقول لهم خرجت بسبعين واحد منهم وكلهم ماتوا ورجعت من غيرهم؟!
مش هيصدقوه طبعا لإنهم بعقول وقلوب زي ما انتم شوفتوا كده😬
وهتحصل فتنة جامدة ساعتها.. فموسى عليه السلام دعا ربنا إنه يُحييهم تاني:
"قَالَ رَبِّ لَوْ شِئْتَ أَهْلَكْتَهُم مِّن قَبْلُ وَإِيَّايَ ۖ أَتُهْلِكُنَا بِمَا فَعَلَ السُّفَهَاءُ مِنَّا"
يعني كإن موسى عليه السلام بيقول:
يا رب انت لم تهلكنا قبل كده في يوم المجزرة إللي حصلت، مع إن الهلاك ساعتها كان قريب مننا جدا،
لكن انت برحمتك عصمتنا منه، أفتهلكنا الآن بما فعل السفهاء منا😔
حاشاك يارب إنك تعمل فينا كده، فيارب زي ما عصمتنا من الهلاك يوم المقتلة، اعصمنا اليوم ولا تُهلكنا بما فعل السفهاء منا🤲
فربنا استجاب لموسى وأحياهم مرة تانية واحد ورا التاني ، وبقوا شايفين بعض إزاي ربنا بيُحيي الموتى،
ودي آية ومعجزة جديدة تُضاف للآيات المُبهرة إللي شافوها وبتدل على إن محدش فعلا يستحق العبادة غير ربنا الخالق عز وجل👌
ورجعوا كلهم مع موسى عليه السلام لبني إسرائيل،
بدأ موسى عليه السلام في تعليم بني إسرائيل التوراة من الألواح، فأول حاجة قال لهم إنهم لازم يقبلوا كل اللي في التوراة وينفذوا إللي فيها،
"وَكَتَبْنَا لَهُۥ فِى ٱلْأَلْوَاحِ مِن كُلِّ شَىْءٍۢ مَّوْعِظَةً وَتَفْصِيلًا لِّكُلِّ شَىْءٍۢ فَخُذْهَا بِقُوَّةٍۢ وَأْمُرْ قَوْمَكَ يَأْخُذُواْ بِأَحْسَنِهَا"

فقالوا: احنا هنشوف إللي فيها الأول، فلو لقينا الأوامر والنواهي سهلة نعملها هنعملها🙄
فموسى عليه السلام قال لهم: لأ طبعا، لازم تقبلوها كلها، ده دين😳

☆وده والله زي حال ناس كتير اليومين دول😞
نيجي نقول لهم الدين بيقول كذا وبيقول كذا..
يقوموا ياخدوا منه إللي يوافق مزاجهم وسهل إنهم يعملوه، ولو الموضوع صعب ومحتاج مجاهدة تلاقيهم يسيبوه، وياريتهم يسكتوا ويدعوا ربنا مثلا إنه في يوم من الأيام ربنا يهديهم ويعملوا الصح ويبعدوا عن الغلط🙄
لأ، ده تلاقيهم راضيين ومكتفيِين باللي خلاص نقّوه من الدين🤦‍♂️
وعشان يبقوا في السليم بيدوروا على كلام لشيوخ الله أعلم بيهم عشان ياخدوا فتوى منه باللي همّ عايزينه..
على منهج الشيخ فانوس إللي بيريّح النفوس🤓
والمثل بيقول حطها في رقبة عالم واطلع سالم😀
وللأسف مش قادرين يفهموا إن لو مسألة فيها خلاف بين العلماء،
ده مش معناه إننا نختار براحتنا و هَوَانا بين أقوال العلماء،
لأ طبعا الإنسان لازم ياخد بالأحوط،
والمطلوب من المسلم لما يلاقي في خلاف إنه يتتبع مراد الله ويدور معاه حيث دار،
يعني يشوف كده هو إيه إللي ربنا يحبه ويريده ويرضاه ويقوم منفذه👌
فصاحب القلب السليم بيخرج من الخلاف وياخد بالأحوط لدينه ويبعد عن الشبهة،
والدليل على كلامنا هو قول رسول الله ﷺ:
إِنَّ الْحَلَالَ بَيِّنٌ، والْحَرَامَ بَيِّنٌ، وبَيْنَهُمَا مُشْتَبِهَاتٌ لَا يَعْلَمُهُنَّ كَثِيرٌ مِنَ النَّاسِ،
فَمَنِ اتَّقَى الشُّبُهَاتِ فَقَدِ اسْتَبْرَأَ لِدِينِهِ، وعِرْضِهِ، ومَنْ وقَعَ فِي الشُّبُهَاتِ وقَعَ فِي الْحَرَامِ،
كَالرَّاعِي يَرْعَى حَوْلَ الْحِمَى، يُوشِكُ أَنْ يَقَعَ فِيهِ، أَلَا وإِنَّ لِكُلِّ مَلِكٍ حِمًى،
أَلَا وإِنَّ حِمَى اللَّهِ مَحَارِمُهُ، أَلَا وإِنَّ فِي الْجَسَدِ مُضْغَةً إِذَا صَلَحَتْ صَلَحَ الْجَسَدُ كُلُّهُ، وإِذَا فَسَدَتْ فَسَدَ الْجَسَدُ كُلُّهُ، أَلَا وهِيَ الْقَلْبُ"
ده غير إن لما حد يكون عايز فتوى شرعية لااازم يدور على العالم الثقة الأمين إللي بيتقي الله في الفتوى ومش بيتساهل فيها😑
هو احنا مش لما بنكون عايزين نكشف على المخ مثلا مش بندوّر على أحسن الأطباء المتخصصين في المخ عشان نعالج أجسادنا إللي هتفنى في يوم من الأيام؟!
طيب ماهو الدين أَوْلى وأهم إننا ندور على أفضل العلماء وأتقاهم لله عشان ناخد عنهم ديننا لأن هو ده إللي هنتسأل عنه في القبر 👌

بني إسرائيل لما قعدوا يراجعوا موسى عليه السلام ده آه هناخده، وده لأ مش هناخده..واحنا مش هنقدر و...و...
ربنا أمر الملائكة إنهم يرفعوا عليهم الجبل كأنه غمامة على رؤوسهم ...متخيلين الجبل العملاق🏔 اترفع لفوق وهمّ تحته😮
"وَإِذ نَتَقْنَا الْجَبَلَ فَوْقَهُمْ كَأَنَّهُ ظُلَّةٌ وَظَنُّواْ أَنَّهُ وَاقِعٌ بِهِمْ خُذُواْ مَا آتَيْنَاكُم بِقُوَّةٍ وَاذْكُرُواْ مَا فِيهِ لَعَ

#قصص_الأنبياء
#الحلقة_الثالثة_والثلاثون
#قصة_موسى_الجزء_الثامن
#بقرة_بني_إسرائيل

عرفنا المرة إللي فاتت إن بني إسرائيل دخلوا في التيه، وفي التيه ده حصلت أحداث كثيرة..كان منها قصة قارون إللي قلناها المرة إللي فاتت،
والنهاردة هنتكلم عن قصة البقرة😁
كان في بني إسرائيل رجل غني مكنش عنده أبناء، لكن كان له قريب، لو الرجل الغني ده مات كان القريب ده هيورثه، فمقدرش يصبر لحد ما الراجل يموت لوحده، فراح قاتله ورماه على الطريق،
الناس صحيوا الصبح لقوا واحد مقتول على الطريق😳
وجه قريبه القاتل ده وقعد يصوّت ويندب عليه قال يعني كإنه اتفاجيء،
وعلى رأي المثل: يقتل القتيل ويمشي في جنازته 🤓
فبدأ الناس كل واحد فيهم ينفي التهمة عن نفسه ويرمي بيها غيره وحصل نزاع في الأمر..
"وَإِذْ قَتَلْتُمْ نَفْسًا فَادَّارَأْتُمْ فِيهَا ۖ وَاللَّهُ مُخْرِجٌ مَّا كُنتُمْ تَكْتُمُونَ"
فالقاتل قال لموسى عليه السلام: مفيش حد هيقول لنا مين إللي قتله غيرك يا نبي الله😭

☆يعني مش بس قتل، ومش بس بيقتل القتيل ويمشي في جنازته ويمثل على الناس البراءة،
لأ، ده كمان بكل بجاحة رايح لموسى عليه السلام إللي بيجيله الوحي من ربنا عالم الغيب والشهادة يسأله مين إللي قتل قريبه😶
يعني بيحاول يُسبُك الحكاية أكتر على طريقة قال يعني هو بريء لدرجة إنه مصمم ياخد بكل الأسباب لكشف القاتل،
وده معناه إنهم فعلا عارفين إن موسى عليه السلام نبي لكنهم مستهزئين بيه وقلوبهم فيها شك في الإيمان دايما ومليانة ريبة ومرض😐

فبنو إسرائيل قالوا لموسى عليه السلام: صح! مش انت نبي؟! ادعي ربك واسأله مين قتل قتيلنا🤔
فدعا موسى عليه السلام ربنا عز وجل يكشف القاتل، فربنا أوحى له إنه يؤمر بني إسرائيل إنهم يذبحوا بقرة، فاستهزأوا بيه وبطلبه..
"وَإِذْ قَالَ مُوسَىٰ لِقَوْمِهِ إِنَّ اللَّهَ يَأْمُرُكُمْ أَن تَذْبَحُوا بَقَرَةً قَالُوا أَتَتَّخِذُنَا هُزُوًا"
يعني بيقولوا له بقى إحنا بنقولك مين قتل القتيل؟ تقوم إنت تقول لنا اذبحوا بقرة🤨
انت بتهزر 😐
فموسى عليه السلام قال لهم:
"قَالَ أَعُوذُ بِاللَّهِ أَنْ أَكُونَ مِنَ الْجَاهِلِينَ"
يعني هو انتم جربتم عليّ قبل كده كذب على الله عزو وجل أو استهزاء بيكم أو بأي حد من الناس؟
أنا بقالي كم سنة عايش معاكم.. هل حصل مني أي حاجة من دي قبل كده😑
فقعدوا يجادلوه ويصعّبوا الموضوع أكتر:
طيب ما تقول مين قتل قتيلنا ؟
فموسى عليه السلام مزودش معاهم في الكلام أكتر من إنه كرر عليهم الأمر الإلهي "اذبحوا بقرة"..

☆طيب هنا سؤال: اشمعنى بقرة🤔... ليه مش خروف ولا شاة ولا أي حيوان تاني🤨
السبب في كده لأنهم عبدوا العجل.. فربنا طول الوقت بيربيهم على ترك عبادة العجل وبيعلمهم إنهم ينزعوا تقديسه تماما من قلوبهم،
قلوبهم كان متشربة حب عبادة العجل بدرجة كبيرة جدا،
فلما مرة يحرقوا الإله المزعوم إللي عبدوه وقدسوه قبل كده وكان على شكل عجل ونثروا الرماد بتاعه في الهواء،
وبعدين مرة تانية يذبحوا بقرة إللي هي برده من نفس الفصيلة فالمفروض إنه يقع في قلوبهم:
إزاي إله ويُذبح ويهلك🤨
ويقتنعوا بقى إن صفات الإله مختلفة عن إللي بيعبدوه ده👌
المفروض يعني، لكن هنقول إيه🤦‍♂️

المهم.. كملوا جدال وعناد مع موسى وأسئلة فارغة :
"قَالُواْ ادْعُ لَنَا رَبَّكَ يُبَيِّن لّنَا مَا هِيَ"
اسأل ربك البقرة دي عاملة إزاي🤔
" قَالَ إِنَّهُ يَقُولُ إِنَّهَا بَقَرَةٌ لاَّ فَارِضٌ وَلاَ بِكْرٌ عَوَانٌ بَيْنَ ذَلِكَ فَافْعَلُواْ مَا تُؤْمَرونَ"
يعني ابحثوا عن بقرة متوسطة لا هي كبيرة ولا هي صغيرة، وانجزوا واعملوا إللي ربنا أمركم بيه بسرعة من غير تأجيل👌

☆وهنا فيه قاعدة مهمة😊
وهي إن لما الأمر يجيلنا من ربنا، يجب التفيذ فورا👌
يعني مش لسه هشوف ظروفي تسمح ولاّ لأ!
ولّا هينفع وسهل معايا ولّا لأ، ولّا هيكون معايا حد ولّا هبقى لوحدي،
الموسيقى حرام يبقى أوقف فورا، الصلاة فرض ربنا أمر بيها؛ يبقى أصلّي حالا،
الحجاب ميكونش زينة ويكون ساتر للزينة؛ يبقى أقول سمعا وطاعة فورا يارب،
مش أقعد أدرّج لنفسي الحجاب كل سنة أغطي حتة😀
أنفذ أوامر ربنا فورا ، مش أقول لما ربنا يهديني وأقعد أسوّف في الطاعة وأقول "سوف.. سوف.. سوف..." 😒
دول بقى جدال وتضييع وقت مع إن الطلب واضح وربنا سهّل عليهم من البداية بدون شروط!

فقالوا له تاني : طيب اسأله كده لونها إيه😅
"قَالُوا ادْعُ لَنَا رَبَّكَ يُبَيِّن لَّنَا مَا لَوْنُهَا"!
فقال لهم:
لونها أصفر.. بس مش أصفر عادي سهل تلاقوه،
لأ أصفر فاقع، ويكون شكله حلو مش أصفر يوجع العين ويبقى شكله وحش😒
"قَالَ إِنَّهُ يَقُولُ إِنَّهَا بَقَرَةٌ صَفْرَاءُ فَاقِعٌ لَّوْنُهَا تَسُرُّ النَّاظِرِينَ"

بقت العملية أصعب! شدّدوا على أنفسهم فشُدِّدَ عليهم!
طيب هل سمعوا الكلام بقى وفهموا واعتبروا؟
إطلاقا🤦‍♂️

قالوا لموسى خلّي ربك يا موسى يوضح لنا صفاتها أكثر لإن البقر إللي بالصفات دي كتير برده ومش هنقدر نميز البقرة المطلوبة من بي

#قصص_الأنبياء
#الحلقة_الرابعة_والثلاثين
#قصة_موسى_الجزء_التاسع
#موسى_والخضر

كنا واقفين المرة إللي فاتت عند موسى عليه السلام لما قابل الخِضر وشاف منه حاجات من وجهة نظر موسى عليه السلام كانت منكرة وعظيمة،
وبعد ما موسى عليه السلام اعترض على أفعال الخضر مرتين قال موسى عليه السلام للخضر إنه مش هيسأله عن حاجة تاني،
كملوا بقى رحلتهم لحد ماوصلوا لقرية، وكانوا محتاجين ياكلوا، فطلبوا الضيافة من أهل القرية فمحدش منهم رضي إنه يضيّفهم،
ودي قاعدة في جميع الشرائع حتى الإسلام، إن أي حد يدخل المدينة غريب وعابر سبيل، واجب على أهل المدينة دي إنهم يضيفوا الزائر ده يوم وليلة.
فهمّ لما دخلوا المدينة وطلبوا الضيافة كانوا بيطلبوا حق من حقوقهم مش بيطلبوا صدقة يعني، وأصلا الأنبياء لا تأكل الصدقة،
فحتى من غير ما كانوا يطلبوا كان من المروءة إن أي حد من أهل المدينة لما يشوف حد سافر عابر سبيل داخل القرية هيعرضوا عليه الطعام والمبيت.. لكن دول محدش فيهم ضايفهم أو أعطاهم أي حاجة،
"فَانطَلَقَا حَتَّى إِذَا أَتَيَا أَهْلَ قَرْيَةٍ اسْتَطْعَمَا أَهْلَهَا فَأَبَوْا أَن يُضَيِّفُوهُمَا "

فموسى عليه السلام ومعاه الخضر سابوهم وراحوا يتمشوا في القرية،
وهم ماشيين شافوا جدار فاضل له حاجة بسيطة وهيقع خلاص،
فالخضر عَدَله عشان ميقعش، سواء بقى جاب مواد بناء ورمم بيها الجدار، أو إنه مَرّر عليه إيده فاتعدل بقدرة الله ومعجزة ، الله أعلم..
"فَوَجَدَا فِيهَا جِدَارًا يُرِيدُ أَنْ يَنقَضَّ فَأَقَامَهُ"

فموسى عليه السلام معجبوش إللي حصل وقال للخِضر: انت كده عملت معروف للناس إللي رفضوا يضيّفونا بأقل شيء، طيب على الأقل اطلب منهم أجر، أو حتى اطلب الضيافة مقابل إصلاح الجدار ده😑
"قَالَ لَوْ شِئْتَ لَاتَّخَذْتَ عَلَيْهِ أَجْرًا"

فهنا الخِضر رد على موسى وقال له:
خلاص كده... احنا هنفترق.. ومش هنكمل مع بعض الرحلة 😊
لإنك للمرة التالتة مقدرتش تصبر زي ما قلتلك من الأول..
لكن قبل ما أسيبك هقولك تفسير الحاجات إللي أنا عملتها كلها👌
"قَالَ هَذَا فِرَاقُ بَيْنِي وَبَيْنِكَ سَأُنَبِّئُكَ بِتَأْوِيلِ مَا لَمْ تَسْتَطِع عَّلَيْهِ صَبْرًا"
وبدأ الخضر يحكي لموسى عليه السلام أعاجيب الأقدار والحكمة...
قال الخضر لموسى:
"أَمَّا السَّفِينَةُ فَكَانَتْ لِمَسَاكِينَ يَعْمَلُونَ فِي الْبَحْرِ فَأَرَدتُّ أَنْ أَعِيبَهَا وَكَانَ وَرَاءَهُم مَّلِكٌ يَأْخُذُ كُلَّ سَفِينَةٍ غَصْبًا"

يعني بيقوله فاكر السفينة إللي ركبنا فيها...دي كانت بتاعة ناس مساكين بيشتغلوا عليها ومعندهمش غيرها،
ففي طريق رحلتهم هيعدّوا على أرض بتاعة ملك ظالم،
والملك الظالم ده كل ما بيشوف سفينة كويسة مفيهاش عيوب بياخذها بالغصب من أصحابها،
فأنا عملت فيها عيب عشان لما جنود الملك يشوفوها يسيبوها للمساكين... لإن سفينة معيوبة بالنسبة لهم أحسن من لو مفيش سفينة خالص يسترزقوا منها😅

☆وده يعلمنا إيه😁
يعلمنا إن ما لا يُدرك كله لا يُترك جُله👌
مش لازم كل حاجة تبقى تمام التمام.. مش لازم أستنى لما الأمور تبقى 100% عشان أشتغل، وإلا مش هشتغل لحد ما الظروف تبقى زي مانا عايز🤷‍♂️
يعني لو مثلا مبقدرش أصلي قيام الليل ١٢ ركعة بـألف آية إللي بيهم أُكتب عند الله من المُقنطرين،
ولا حتى بقدر أقوم الليل بـمائة آية إللي بيهم أُكتب عند الله القانتين، على الأقل هصلي ركعتين بـعشر آيات قبل ما أنام،
آخذ بيهم وعد من ربنا إن اسمي متشال في الليلة دي من الغافلين،
زي ما رسول الله ﷺ قال في الحديث:
"من قام بعشر آيات لم يكتب من الغافلين، ومن قام بمائة آية كُتب من القانتين، ومن قام بألف آية كُتب من المقنطرين"

أنا مثلا بكسل أصلي سنن الصلاة يبقى أسيبها خالص 😑
لأ طبعا ...هصلي السنن وأنا قاعدة😁
آخذ نص الأجر ولا إني أسيب الأجر كله💁‍♂️
هصلي إللي أقدر عليه من السنن ومش هسيبها كلها لعل ربنا يقويني بعزيمتي وأكمل.
طيب واحدة مش بتعرف تقرأ قرآن بالترتيل... تسيب قراءة القرآن..؟ برده لأ .. تقرأ زي ما بتعرف وفي نفس الوقت تتعلم واحدة واحدة تقرأ بترتيل👌

◇بس استنوا 😅
مش معنى كده إننا بنتكلم عن فِعل المستطاع من الفرائض😱
لأ، احنا بنتكلم عن السنن والنوافل وفضائل الأعمال،
لكن الفرائض لازم تكون تامة مافيهاش حتة آه وحتة بعدين، والمنكرات المحرمات هي كمان لازم نسيبها كلها مرة واحدة هي كمان👌

الخضر كمّل تفسيره للأحداث وقال:
""وَأَمَّا الْغُلَامُ فَكَانَ أَبَوَاهُ مُؤْمِنَيْنِ فَخَشِينَا أَن يُرْهِقَهُمَا طُغْيَانًا وَكُفْرًا "
فاكر يا موسى الطفل إللي أنا قتلته؟
الطفل ده لما كان هيكبر كان هيكون كافر ورجل طاغية، وأمه وأبوه أصلا من المؤمنين،
فكان هيتعبهم جامد لما يكبر ويكسر قلبهم أكتر من دلوقتي وكان ممكن يفتنهم عن الإيمان وتبقى الطامة الأكبر على الإطلاق،
فرحمة من ربنا بيهم إنه أمر بقتل ابنهم وهو صغير لسه، وربنا هيعوضهم بواحد أحسن منه في الدنيا 👌

☆وطبعا هنا هييجي سؤال:
هو ينفع ط