#قصص_الأنبياء
#الحلقة_التاسعة_والعشرون
#قصة_موسى(٤)
#من_آمن_لموسى

وقفنا عند فرعون لما أمر إن السحرة إللي آمنوا كلهم تتقطع أيديهم وأرجلهم وبعدين يُصلبوا في جذوع النخل،
البلد مقلوبة ...السحرة إللي كانوا موالين لفرعون بيتقتلوا لمجرد إنهم آمنوا بموسى عليه السلام ،
ودي عادة الطواغيت إنهم في أي لحظة ممكن يقتلوا أي حد حتى الموالين ليهم إللي نصروهم في كذا موضع عشان يحافظوا على ملكهم😑
طبعا فرعون مقدرش يعمل حاجة لموسى عليه السلام،
لأنه لو قتله هيتحول لشهيد وهتحصل فتنة كبيرة جدا في البلد، لأن الناس كلهم شافوا إللي حصل فموسى عليه السلام في موضع قوة دلوقتي،
وكان فرعون ذكي فكان عايز يلم الموضوع في الموقف ده لحد ما يدبّر له مكيدة تانية يخلص بيها منه👌

الشعب شاف كل إللي حصل ده قصاد عينهم وعرفوا صدق موسى عليه السلام وإن هو إللي معاه الحق ومع ذلك ،
محدش فيهم آمن لموسى عليه السلام،
من شعب مصر كله آمن ثلاثة أشخاص،
أولهم ابن عم فرعون ...وطبعا كان يكتم إيمانه مكنش حد يعرف، لأنهم لو عرفوا هيقتل زي السحرة😶
فكان بيحضر الاجتماعات مع فرعون وباقي الملأ،
وكان الملأ بيحرّضوا فرعون إنه يقتل موسى أو حتى يؤذيه ويقولوا له:
إنت هتسيب موسى يفسد في الأرض ويخرّب عقول الناس ويدعوهم إنهم يعبدوا إلاهه ويسيبوا عبادتك😤
"وَقَالَ الْمَلأُ مِن قَوْمِ فِرْعَونَ أَتَذَرُ مُوسَى وَقَوْمَهُ لِيُفْسِدُواْ فِي الأَرْضِ وَيَذَرَكَ وَآلِهَتَكَ "
فقال لهم فرعون إنتم بس إدوني تفويض عشان أقتل موسى ،
أنا هعمل كده عشان مصلحتكم ...ده هيغير دينكم ويفسد في الأرض ويخرب البلد.. صحيح🤓
"وَقَالَ فِرْعَوْنُ ذَرُونِي أَقْتُلْ مُوسَى وَلْيَدْعُ رَبَّهُ إِنِّي أَخَافُ أَن يُبَدِّلَ دِينَكُمْ أَوْ أَن يُظْهِرَ فِي الْأَرْضِ الْفَسَادَ "

☆ده على أساس إنك مش خايف على ملكك وبيهمك مصلحة الناس أوي🙄

فكان الرجل المؤمن بيقولهم:
إنتم عايزين تقتلوا رجل لمجرد إنه بيقول الله ربي😥
وكمان أتاكم بمعجزة العصا وإيده عشان يثبت صدق كلامه😞
"وَقَالَ رَجُلٌ مُّؤْمِنٌ مِّنْ آلِ فِرْعَوْنَ يَكْتُمُ إِيمَانَهُ أَتَقْتُلُونَ رَجُلًا أَن يَقُولَ رَبِّيَ اللَّهُ وَقَدْ جَاءكُم بِالْبَيِّنَاتِ مِن رَّبِّكُمْ "
لو كان كاذب فهو إللي هيتحمّل نتيجة كذبه لوحده،
ولو هو صادق وإنتم قتلتوه هينزل عليكم عقوبة من السماء،
فمتغضبوش ربه بزيادة ،
"وَإِن يَكُ كَاذِبًا فَعَلَيْهِ كَذِبُهُ وَإِن يَكُ صَادِقًا يُصِبْكُم بَعْضُ الَّذِي يَعِدُكُمْ"
كفاية إنكم مقيمين على دينكم الغلط، إنتم شايفين نفسكم عشان عندكم سلطان وقوة وقاهرين لبني اسرائيل، طيب مين إللي هينجينا من قوة ربنا وعقابه لو أنزله علينا😔
"قَوْمِ لَكُمُ الْمُلْكُ الْيَوْمَ ظَاهِرِينَ فِي الْأَرْضِ فَمَن يَنصُرُنَا مِن بَأْسِ اللَّهِ إِنْ جَاءنَا "
فرد عليه فرعون وقال: أنا رأيي هو الصح وأنا عايز مصلحتكم ، ومصلحتي هي مصلحتكم ،وأنا مش بقولكم غير الصح وهو إني أقتل موسى، أنا لو سبته هيغير دينكم ويخرب البلد😤
"قَالَ فِرْعَوْنُ مَا أُرِيكُمْ إِلَّا مَا أَرَى وَمَا أَهْدِيكُمْ إِلَّا سَبِيلَ الرَّشَادِ"
فقال الرجل المؤمن:
أنا خايف عليكم لو قتلتم موسى هيحصل لكم زي ما حصل يوم الأحزاب...الأقوام إللي تحزّبوا ضد أنبياؤهم نوح وهود وصالح وإللي أتوا بعدهم ...أهلكهم الله جميعا، فلو اتجرأتم عليه وأذيتوه ربنا هيهلككم زي ما أهلكهم😔
"وَقَالَ الَّذِي آمَنَ يَا قَوْمِ إِنِّي أَخَافُ عَلَيْكُم مِّثْلَ يَوْمِ الْأَحْزَابِ مِثْلَ دَأْبِ قَوْمِ نُوحٍ وَعَادٍ وَثَمُودَ وَالَّذِينَ مِن بَعْدِهِمْ"

ويوسف كان جاءكم بالبينات هو كمان وفضلتم شاكين في الدين إللي جاء بيه، ولما مات قلتم خلاص لن يبعث الله رسول تاني،
"وَلَقَدْ جَاءكُمْ يُوسُفُ مِن قَبْلُ بِالْبَيِّنَاتِ فَمَا زِلْتُمْ فِي شَكٍّ مِّمَّا جَاءكُم بِهِ حَتَّى إِذَا هَلَكَ قُلْتُمْ لَن يَبْعَثَ اللَّهُ مِن بَعْدِهِ رَسُولًا"
عشان كده وصلتم للضلال إللي إنتم فيه دلوقتي،
اسمعوا كلامي هوصلكم للطريق الصحيح ...يا جماعة كلنا هنموت في النهاية..وقتنا في الدنيا قليل،
فمتتغروش بالمتعة البسيطة إللي معاكم وتنسوا يوم القيامة والآخرة دار الاستقرار...وأنا ليه كل ما أدعوكم لاتباع دين موسى الحق عشان تدخلوا الجنة إنتم تدعوني للكفر بالله وكده هدخل النار😞
"يَا قَوْمِ إِنَّمَا هَذِهِ الْحَيَاةُ الدُّنْيَا مَتَاعٌ وَإِنَّ الْآخِرَةَ هِيَ دَارُ الْقَرَارِ"
للأسف بعد كل ده محدش فيهم اقتنع ومنعهم كبرهم إنهم يؤمنوا بموسى عليه السلام،
فقالهم : بكرة تشوفوا وتعرفوا لما تحصل الكارثة إني كان معايا حق ...بس ساعتها مش هينفعكم أي ندم
"فَسَتَذْكُرُونَ مَا أَقُولُ لَكُمْ وَأُفَوِّضُ أَمْرِي إِلَى اللَّهِ"

هم كانوا عارفين إن موسى على حق وإن المؤمن ده كلامه صحيح، لكن الكبر بقى عن اتباع الحق😑
فلما لقوه بيتكلم كده عرفوا إنه آمن لموسى عليه السلام
فكانوا عايزين يتخلصوا منه فر

#قصص_الأنبياء(٢)
#السيرة_النبوية
#الحلقة_التاسعة_والعشرون
#إسلام_نفر_من_الجن
كنا واقفين المرة إللي فاتت عند سؤال مهم وهو إزاي ربنا يأذن لملك الجبال بتدمير مكة والطائف وفيهم ناس لم يؤذوا رسول الله ﷺ،
يعني مش كل الناس آذوا رسول الله ﷺ ، فإيه ذنب الناس الذين لم يؤذوه🤔

ساعات بعض الناس بيعملوا حاجات غلط، وإللي حواليهم راضيين،
أو شجعوهم على كده ، فاللي راضيين وشجعوا بيشاركوا الناس إللي عملت الخطأ في الإثم،
حتى لو في واحد مش موجود واتحكى له ومأنكرش الغلط ورضِي به ، كان له نفس ذنب إللي عمل كده، فربنا يعاقبه زي إللي عمل👌
قال رسول الله ﷺ :
" إذا عُمِلت الخطيئةُ في الأرض كان مَن شهدها فكرهها
– أو أنكرها – كمن غاب عنها، ومن غاب عنها فَرَضِيَها، كان كمن شهدها"

زي مثلا إللي حصل مع ناقة صالح عليه السلام ..فاكرين😁
التسعة إللي كانوا مفسدين شجعوا الرجل إللي قتل الناقة،
والعذاب نزل على القرية كلها ، لأنهم كانوا راضيين بقتلها 👌

مثال من أرض الواقع بتاعنا، لو واحدة صاحبتك راحت فرح كله اختلاط وأغاني وقعدت تحكيلك وتقولك عملنا وسوينا وحصل وحصل،
فإنتي لو قلتي ياريتني كنت معاكي، أو زعلتي إنك مرحتيش أو مأنكرتيش على صحبتك ورضيتي إللي هي عملته وإللي حصل في الفرح من المحرمات دي...هتاخدي نفس ذنب صاحبتك مع إنك محضرتيش🙊
لو واحدة بتحكيلك عن علاقتها المحرمة مع شاب وإنتي بتسمعي ومبسوطة وراضية وبتشجعيها على الغلط ده،
هتاخدي نفس ذنبها حتى لو إنتي عمرك ما كلمتي شاب😶
لو واحدة حكت لك إنها مسكت فلانة ومسحت بكرامتها الأرض ،وفرجت الدنيا عليها وإنتي قلتي لها جدعة وتستاهل و...و....
هتاخدي نفس ذنب إللي حكت لك مع إنك مكنتيش موجودة😑
قيسوا بقى على كده...إللي يُقتل ظلم مثلا والناس ترضى وتشمت فيه تاخد نفس وزر القاتل، وهكذا...

أي خطيئة تتعمل في أي مكان الأرض والناس ترضى عنها هياخدوا نفس ذنب إللي عملها🙊
شوفتوا إنكار المنكر بالقلب مهم إزاي👌
وده يودينا لنقطة مهمة وهي إن الناس لو تركوا الأمر بالمعروف والنهي عن المنكر ومحاولات الإصلاح ربنا يعذب الجميع، الصالح وغير الصالح😶
"وَاتَّقُوا فِتْنَةً لا تُصِيبَنَّ الَّذِينَ ظَلَمُوا مِنْكُمْ خَاصَّةً وَاعْلَمُوا أَنَّ اللَّهَ شَدِيدُ الْعِقَابِ"
ورسول الله ﷺ قال:
"إن الناس إذا رأوا الظالم فلم يأخذوا على يديه، أوشك أن يعمهم الله بعقابه"
فأهل الطائف استحقوا كلهم العذاب لأنهم إما وافقوا على أذى رسول الله ﷺ أو شجعوا أو فعلا آذوا رسول الله ﷺ،
وربنا عالم بحال كل واحد فيهم،
فلما يأذن بإهلاكهم جميعا معنى كده إنهم فعلا يستحقوا الهلاك ، وخصوصا إن ربنا لا يظلم مثقال ذرة👌

رجع رسول الله ﷺ لمكة وقبل وصوله وهو في وادي نخلة حصل معاه حادثة،
رسول الله ﷺ كان بيمشي وبعدين يقف يريح،
وراحته كانت إنه يصلي ركعتين 😊
وقف عشان يصلي، وهو بيصلي كان بيقرأ القرآن بصوت عالي،
فمين إللي كان معدي وسمع رسول الله ﷺ بيقرأ القرآن🙊
سبع أفراد من الجن😮

إيه إللي جابهم المكان ده أصلا🤨
لهم قصة 😉
بين زمن عيسى وزمن بعثة رسول الله ﷺ كانت الجن بيطلعوا عند السماء بيسترقوا السمع يعني بيتصنتوا على أهل السماء،
عشان يعرفوا بعض من أخبار الغيب ويقولوها للكهان،
وكانوا متعودين على كده ومفيش مشاكل، وفجأة اتمنعوا من استراق السمع😳
"وَأَنَّا لَمَسْنَا السَّمَاءَ فَوَجَدْنَاهَا مُلِئَتْ حَرَسًا شَدِيدًا وَشُهُبًا"
لقوا السماء اتملت ملائكة كثيرة يحرسوها،
ومعاهم الشهب المحرقة يقذفوها على أي واحد فيهم يحاول إنه يقرب من السماء، إللي يقرب يلاقي شهاب يُقذف عليه يحرقه👌
"وَأَنَّا كُنَّا نَقْعُدُ مِنْهَا مَقَاعِدَ لِلسَّمْعِ فَمَنْ يَسْتَمِعِ الْآنَ يَجِدْ لَهُ شِهَابًا رَصَدًا "

فلما اتمنعوا فجأة كده قالوا أكيد حاجة حصلت في الارض😮
وهم مكنوش عارفين إللي حصل ده بسبب إن ربنا يريد إنه ينزل عذاب بأهل الأرض ولا يريد لهم الخير 🤷‍♀️
"وَأَنَّا لَا نَدْرِي أَشَرٌّ أُرِيدَ بِمَنْ فِي الْأَرْضِ أَمْ أَرَادَ بِهِمْ رَبُّهُمْ رَشَدًا"

فقعدوا يدوروا عن السبب لحد ما لقوا رسول الله ﷺ واقف يصلي في وادي نخلة،
فسمعوه وهو بيقرأ فقالوا لبعض أنصتوا..اسمعوا كده😳
فقربوا من رسول الله ﷺ عشان يسمعوا كويس ومن شدة قربهم منه كانوا كأنهم بيطلعوا على بعض 😅
"وَأَنَّهُ لَمَّا قَامَ عَبْدُ اللَّهِ يَدْعُوهُ كَادُوا يَكُونُونَ عَلَيْهِ لِبَدًا "
دلوقتي رسول الله ﷺ ميعرفش حاجة خالص،
هو بيصلي زي ما بيصلي عادي،

والجن احنا قلنا عنهم قبل كده في قصص الأنبياء إنهم عالم زينا بالضبط بياكلوا ويشربوا ويتناسلوا ويموتوا،
وقلنا إن الشيطان هو الكافر من الجن، والعفريت هو المارد شديد القوة والدهاء والخبث😉
واحنا لا نراهم إلا لو تمثلوا في صورة شخص أو حيوان مثلا ،
فهم دلوقتي قريبين جدا من رسول الله ﷺ بيسمعوا القرآن ورسول الله ميعرفش عنهم حاجة👌
وكان الجن متعجبين جدا من كلام القرآن ومن فصاحته 😮
"وَإِذْ صَرَفْنَا إِل

#قصص_الأنبياء
#الحلقة_التاسعة_والعشرون
#قصة_موسى_الجزء_الرابع
#من_آمن_لموسى

وقفنا المرة إللي فاتت عند فرعون لما أمر إن السحرة إللي آمنوا كلهم تتقطع إيديهم ورجليهم وبعدين يتصلبوا في جذوع النخل والبلد مقلوبة😶
السحرة إللي كانوا مُوَالين لفرعون بيتقتلوا لمجرد إنهم آمنوا بموسى عليه السلام،
ودي عادة الطواغيت،
إنهم في أي لحظة ممكن يقتلوا أي حد حتى الموالين ليهم إللي نصروهم في كذا موضع قبل كده عشان يحافظوا على مُلكهم😑
طبعا فرعون مقدرش يعمل حاجة لموسى عليه السلام،
لأنه لو قتله هيتحول لشهيد مظلوم، وهتحصل فتنة كبيرة جدا في البلد؛
لإن الناس كلهم شافوا إللي حصل، فموسى عليه السلام في مَوْضع قوة دلوقتي،
وفرعون كان ذكي، فكان عايز يلم الموضوع في الموقف ده لحد ما يدبّر له مكيدة تانية يخلص بيها منه👌

الشعب شاف كل إللي حصل ده قصاد عينهم وعرفوا صِدق موسى عليه السلام وإن هو إللي معاه الحق،
ومع ذلك محدش فيهم آمن لموسى عليه السلام😕

من شعب مصر كله لم يؤمن إلا ثلاثة أشخاص غير السحرة،
◇ أولهم ابن عم فرعون.
وطبعا كان بيخبي إيمانه؛ لأنهم لو عرفوا إنه آمن بموسى هيتعرضوا له بالقتل زيه زي السحرة😶
فكان بيحضر الاجتماعات مع فرعون وباقي الملأ ومحدش عارف إنه مؤمن،
وكان الملأ في مجالسهم بيحرّضوا فرعون إنه يقتل موسى أو حتى يؤذيه، ويقولوا له:
هو انت هتسيب موسى يفسد في الأرض ويخرّب عقول الناس ويدعوهم إنهم يعبدوا إلاهه ويسيبوا عبادتك😤
"وَقَالَ الْمَلأُ مِن قَوْمِ فِرْعَونَ أَتَذَرُ مُوسَى وَقَوْمَهُ لِيُفْسِدُواْ فِي الأَرْضِ وَيَذَرَكَ وَآلِهَتَكَ "

فقال لهم فرعون انتم بس ادوني تفويض من الشعب عشان أقتل موسى ويبقى يستنجد بربه ينقذه أو يمنعه مني،
أنا خايف على مصلحتكم كلكم ...لإن ده جاي عاوز يغير دينكم ويُفسد في الأرض ويخرب البلد....صحيح🤓
"وَقَالَ فِرْعَوْنُ ذَرُونِي أَقْتُلْ مُوسَى وَلْيَدْعُ رَبَّهُ إِنِّي أَخَافُ أَن يُبَدِّلَ دِينَكُمْ أَوْ أَن يُظْهِرَ فِي الْأَرْضِ الْفَسَادَ "

شوفوا إزاي 😏
ده على أساس إنك مش خايف على مُلكَك انت بس، وإنك بيهمك مصلحة الناس أوي ونفسك تعوّض الشعب المسكين إللي لم يجد مَن يحنو عليه🙄

الرجل المؤمن لما سمعهم بيتكلموا عن قتل موسى عليه السلام بدأ يكلمهم عشان يحاول يمنعهم من قتله عليه السلام، وفي نفس الوقت من غير ما يفهموا إنه بيعمل كده عشان هو مؤمن زيه،
فكان بيقول لهم كلام منطقي يقنعهم ويُخاطب عقلهم، قال لهم:
انتم عايزين تقتلوا واحد لمجرد إنه بيقول الله ربي، متسيبوه يقول براحته😥
وكمان ده جالكم بدليل ومعجزة تثبت للناس إنه فعلا رسول من عند ربنا وتؤكد صدق كلامه😞
"وَقَالَ رَجُلٌ مُّؤْمِنٌ مِّنْ آلِ فِرْعَوْنَ يَكْتُمُ إِيمَانَهُ أَتَقْتُلُونَ رَجُلًا أَن يَقُولَ رَبِّيَ اللَّهُ وَقَدْ جَاءكُم بِالْبَيِّنَاتِ مِن رَّبِّكُمْ "

يعني الرجل المؤمن ده عاوز يقول لهم انتم كده موقفكم بقى أصعب ومحتاج خطط تانية غير القتل.. سيبوه خالص،
وهو لو كان كاذب فهو إللي هيتحمّل نتيجة كذبه لوحده وهيتفضح أمره والناس مش هترحمه🤷‍♂️
ولو طلع صادق فعلا وكنتم قتلتوه ممكن ينزل عليكم عقوبة من السماء زي ما حصل زمان..
"وَإِن يَكُ كَاذِبًا فَعَلَيْهِ كَذِبُهُ وَإِن يَكُ صَادِقًا يُصِبْكُم بَعْضُ الَّذِي يَعِدُكُمْ"
وبعدين بدأ يزوّد أكتر في الكلام ويتكلم بوضوح أكبر فقال لهم:
كفاية إنكم متمسكين بدينكم الغلط، يعني انتم مفكرين عشان عندكم سلطان وقوة وقاهرين لبني إسرائيل يبقى انتم كده محدش هيقدر يَقهركم😑
طيب مين إللي هينجينا من قوة ربنا وقهره وعقابه لو نزل علينا😔
"يا قَوْمِ لَكُمُ الْمُلْكُ الْيَوْمَ ظَاهِرِينَ فِي الْأَرْضِ فَمَن يَنصُرُنَا مِن بَأْسِ اللَّهِ إِنْ جَاءنَا "

فهنا بدأ فرعون يعرف إن الرجل المؤمن ده آمن بموسى عليه السلام واتبعه،
فبدأ يغضب وجنون العظمة رجعله تاني ووجه كلامه للناس قبل ما يتأثروا بكلام المؤمن، وقال:
أنا رأيي هو الصح ومش بعمل غير عشان مصلحتكم ، ومصلحتي هي مصلحتكم، وأنا مش بقول لكم غير الصح وهو إني أقتل موسى، أنا لو سبته هيغير دينكم ويخرب البلد😤
"قَالَ فِرْعَوْنُ مَا أُرِيكُمْ إِلَّا مَا أَرَى وَمَا أَهْدِيكُمْ إِلَّا سَبِيلَ الرَّشَادِ"

فقال الرجل المؤمن:
أنا خايف عليكم لو قتلتم موسى هيحصل لكم زي ما حصل يوم الأحزاب...الأقوام إللي تحزّبوا ضد أنبياؤهم نوح وهود وصالح وإللي جاءوا بعدهم ...ربنا أهلكهم جميعا،
فلو اتجرأتم عليه وأذِتُوه ربنا هيهلككم زي ما أهلكهم😔
"وَقَالَ الَّذِي آمَنَ يَا قَوْمِ إِنِّي أَخَافُ عَلَيْكُم مِّثْلَ يَوْمِ الْأَحْزَابِ مِثْلَ دَأْبِ قَوْمِ نُوحٍ وَعَادٍ وَثَمُودَ وَالَّذِينَ مِن بَعْدِهِمْ"

ويوسف كان جاءكم بالبينات هو كمان وفضلتم شاكين في الدين إللي جاء بيه، ولما مات قلتم خلاص لن يبعث الله رسول تاني،
"وَلَقَدْ جَاءكُمْ يُوسُفُ مِن قَبْلُ بِالْبَيِّنَاتِ فَمَا زِلْتُمْ فِي شَكٍّ مِّمَّا جَاءكُم بِهِ

#قصة_نهاية_البداية_إيمان_شلبي
#الدار_الآخرة_بالعامية
#الحلقة_التاسعة_والعشرون
#المرحلة_الثالثة_اليوم_الآخر
#الأحداث_في_أرض_المحشر_الجزء_الأول
#اقتراب_الشمس_من_الرؤوس

اتكلمنا المرة إللي فاتت عن سَوْق الناس لأرض المحشر،
بعد ما بقى يوصلوا لأرض المحشر؛ الناس بصفة عامة هيقفوا في أرض المحشر بمقدار خمسين ألف سنة من حسابات الدنيا،
يعني يوم القيامة إللي هيكون فيه الناس واقفين وهيتحاسبوا فيه هو يوم واحد فقط، لكن اليوم ده يساوي خمسين ألف سنة من حسابتنا في الأرض، وبعدها يكون الخلود إما في الجنة أو في النار،
وبكده تقدر تفهم كويس معنى آية:
"إِنَّهُمْ يَرَوْنَهُ بَعِيدًا وَنَرَاهُ قَرِيبًا" 《سورة المعارج 》
يعني الواحد حتى لو عاش مائة سنة فهي مش هتيجي حاجة بجانب الخمسين ألف سنة،
فلو حاولنا نحسبها هنلاقي إن المائة سنة دي مش هتكمل دقائق معدودة في الخمسين ألف سنة👌
والانتظار والوقوف خمسين ألف سنة ده إللي هيحس بيه هم الكفار والمنافقين والمجرمين، عشان كده هيقولوا يوم القيامة عن المدة إللي عاشوها في الدنيا:
"لَبِثْنَا يَوْمًا أَوْ بَعْضَ يَوْمٍ"《سورة المؤمنين آية(113)》
والحكمة من الوقوف الطويل ده هو تعذيب الكفار على كفرهم.

أما بالنسبة للمؤمنين فهتكون فترة الخمسين ألف سنة دي زي المدة إللي ما بين الظهر والعصر،
قال رسول الله ﷺ:
"يوم القيامة على المؤمنين كقدر ما بين الظهر والعصر"
《صححه الألباني في صحيح الجامع》
وربنا قال:
"أَصْحَابُ الْجَنَّةِ يَوْمَئِذٍ خَيْرٌ مُسْتَقَرًّا وَأَحْسَنُ مَقِيلا"
《الفرقان آية(24)》
فهنا الآية تدل على انتهاء الحساب في نصف نهار؛ لأن المقيل هو فترة القيلولة أو مكانها، وهي الاستراحة إللي بتكون في نصف النهار في الحر.
فالفترة دي هتكون هيّنة على المؤمنين ومش هيحسوا بطولها زي الكفار.

طبعا في موقف الحشر ده الدنيا زحمة جدا وكل واحد لا يملك غير موضع قدميه، وهنا الشمس هتقرب من رؤوس البشر بقدر ميل،
قال رسول الله ﷺ:
"تدنو الشمسُ يومَ القيامةِ من الخلقِ ، حتى تكونَ منهم كمقدارِ مَيلٍ ،
فيكون الناسُ على قدرِ أعمالهم في العَرقِ ،
فمنهم من يكونُ إلى كعبَيه ، ومنهم من يكون إلى ركبتَيه ، ومنهم من يكون إلى حِقْوَيه ، ومنهم من يلجُمه العرقُ إلجامًا"
《صحيح الجامع》
والميل يساوي حوالي كيلو وستمائة متر، وعشان بس الصورة تكون واضحة؛ المسافة بين الأرض وبين الشمس في وقتنا الحالي تساوي مائة وخمسين مليون كيلو متر،
يعني لما تجرب شدة الحر في فصل الصيف وتبقى مش قادر تستحمل الحرارة، وتقعد تدور على مكان ظل تلجأ له، وتدوّر على مية ساقعة تشربها؛ تخيل إن الحر ده والشمس بعيدة عن الأرض بملايين الكيلو مترات ،
فما بالك شدة الحر والتعب هتكون أد إيه لما تقرب المسافة وتكون كيلو وستمائة متر فقط من غير ما يكون في ظل ولا ماء والناس خارجة من القبور عطشانة؟!!!

وطبعا معنى إن في شمس؛ يبقى في عرق👌
والعرق هيكون شديد جدا مش بس بسبب الشمس؛ لكن كمان بسبب الزحمة، فكل واحد ملوش غير موضع قدميه، وكمان هيكون بسبب الخوف والفزع؛ لأن الإنسان إذا خاف وفزع؛ ينزل منه العرق،
والعرق هنا هيكون بحسب الأعمال زي ما قال رسول الله ﷺ:
"...فيكون الناسُ على قدرِ أعمالهم في العَرقِ ،
فمنهم من يكونُ إلى كعبَيه ، ومنهم من يكون إلى ركبتَيه ، ومنهم من يكون إلى حِقْوَيه ، ومنهم من يلجُمه العرقُ إلجامًا"
《صحيح الجامع》
يعني إللي هينجو من العرق هو إللي عمل أعمال صالحة، فبقدر الأعمال يكون العرق، لو الأعمال الصالحة كثيرة يكون العرق أقل، ففي إللي هيبلغ العرق لحد كعبه،
وفي إللي هيوصل عرقه لحد ركبتيه ولحد وسطه، وفي إللي هيبقى غرقان في عرقه والعياذ بالله😞

لكن مع كل هذا في سبع أصناف من الناس وضعهم هيكون مختلف، السبعة أصناف دول ربنا هيظلهم تحت ظل عرشه فلن يشعروا بحر الشمس ولن يتأثروا بالعرق👌
قال رسول الله ﷺ:
"سَبْعَةٌ يُظِلُّهُمْ اللَّهُ فِي ظِلِّهِ يَوْمَ لا ظِلَّ إِلا ظِلُّهُ :
الإِمَامُ الْعَادِلُ ، وَشَابٌّ نَشَأ فِي عِبَادَةِ رَبِّهِ ،
وَرَجُلٌ قَلْبُهُ مُعَلَّقٌ فِي الْمَسَاجِدِ ، وَرَجُلَانِ تَحَابَّا فِي اللَّهِ اجْتَمَعَا عَلَيْهِ وَتَفَرَّقَا عَلَيْهِ ،
وَرَجُلٌ طَلَبَتْهُ امْرَأَةٌ ذَاتُ مَنْصِبٍ وَجَمَالٍ فَقَالَ إِنِّي أَخَافُ اللَّهَ ،
وَرَجُلٌ تَصَدَّقَ بِصَدَقَةٍ فَأَخْفَاهَا حَتَّى لا تَعْلَمَ شِمَالُهُ مَا تُنْفِقُ يَمِينُهُ ، وَرَجُلٌ ذَكَرَ اللَّهَ خَالِيًا فَفَاضَتْ عَيْنَاهُ "
《رواه البخاري ومسلم》

☆أنا هشرح الحديث شرح سريع بحيث نقدر نكون أي صنف من السبعة دول فيظلنا الله تحت ظل عرشه يوم القيامة👌

#الخلفاء_الراشدون_إيمان_شلبي
#سيرة_أبي_بكر_وعمر
#الحلقة_التاسعة_والعشرون
#حروب_الردة
#من_شهداء_الصحابة_في_معركة_اليمامة_الجزء_الثاني

اتكلمنا المرة إللي فاتت عن بعض شهداء الصحابة في معركة اليمامة واتعرفنا على قصة عبّاد بن بشر وقصة عبد الله بن عبد الله بن أُبي بن سلول رضي الله عنهما،
النهاردة إن شاء الله هنكمل كلامنا عن باقي قصص الصحابة إللي قلنا أسماءهم واستشهدوا في معركة اليمامة👌
♡عبد الله بن سهيل بن عمرو:
من اسمه كده هو ابن سهيل بن عمرو إللي كان سيد من سادات قريش وزعيماً من زعمائها، وحكيماً وخطيباً مُفوّهاً من خطبائها،
وكمان هو إللي تفاوض وكتب صلح الحُديبية مع رسول الله ﷺ ولم يُسلم سهيل إلا بعد فتح مكة بعد غزوة حُنين،
أما ابنه عبد الله فأسلم في السنوات الأولى من الدعوة إلى الإسلام في مكة فهو من السابقين الأولين للإسلام، وهاجر مع المسلمين إلى الحبشة في الهجرة الثانية،
لكنه لما رجع من الحبشة إلى مكة حبسه أبوه سهيل مع أخيه أبو جندل إللي كان أسلم هو كمان عشان يمنعهم من العودة للمسلمين، وطلب منهم الرجوع عن الإسلام،
لكن عبد الله بن سهيل رفض ترك الإسلام وأصر على التمسك به وظل محبوس،
وبعد فترة استخدم عبد الله الحيلة ليخدع أباه عشان يُطلق سراحه،
فأظهر لأبيه رجوعه عن الإسلام لكنه في الحقيقة كان مؤمن صادق الإيمان،
واستمر في إظهار الرجوع عن الإسلام حتى جاءت غزوة بدر،
فطلب من أبيه إنه يأخذه معه ليقاتل المسلمين حَمِيّة له، يعني من باب القبَلية هيخرج مع جيش المشركين ليدافع عن أبيه وعن قومه،
فوافق أبوه وخرج عبد الله مع جيش المشركين،
ولما التقى جيش المشركين وجيش المسلمين في معركة بدر انتهز عبد الله الفرصة وهرب من جيش المشركين وانضم إلى جيش المسلمين وقاتل معهم رضي الله عنه فهو من أهل بدر،
وشارك في باقي الغزوات مع رسول الله ﷺ،
ولما جاء فتح مكة وكان عبد الله مع جيوش المسلمين؛ أرسل سهيل بن عمرو إلى ابنه عبد الله يطلب منه إنه يشفع له عند رسول الله ﷺ عشان يُعطيه الجوار بدون ما يدخل في الإسلام،
فعلى الرغم من الأذى إللي تعرض له عبد الله من أبيه إلا إنه ذهب إلى رسول الله ﷺ يطلب منه الأمان لأبيه فقال له:
يا رسول الله! هل تُأَمِّنْ أبي؟
يعني هل تعطي أبي سهيل الأمان إنه لو خرج من بيته محدش يقتله،
فقال له رسول الله ﷺ:
"نعم، هو آمن بأمان الله، فليظهر"
ذهب عبد الله بن سهيل لأبيه وأخبره بتأمين رسول الله ﷺ له، فقال سهيل:
"كان والله براً صغيراً وكبيراً"
يعني بيقول إن رسول الله ﷺ طول عمره مُحسن سواء لما كان صغير أو حتى لما كِبر،
وبسبب تصرف عبد الله ده؛ أسلم بعدها أبوه سهيل بن عمرو،
وبعد موت رسول الله ﷺ خرج عبد الله لقتال المرتدين في معركة اليمامة وقُتل شهيدا رضي الله عنه وكان عمره ثمانية وثلاثين سنة👌

♡السّائب بن عثمان بن مظعُون:
هو ابن الصحابي عثمان بن مظعون إللي كان أسلم على يد أبي بكر في بدايات الدعوة إلى الإسلام، فهو أسلم مع أبيه وهاجر معه الهجرة الثانية إلى الحبشة،
وهاجروا بعد كده إلى المدينة وآخى رسول الله ﷺ بين السائب وبين حَارِثَةَ بنِ سُرَاقَةَ إللي كان قُتل في بدر وأصاب الفردوس الأعلى و كان ابن عمة البراء بن مالك،
وشارك السائب بن عثمان في معركة بدر وفي كل المعارك مع رسول الله ﷺ،
ولما شارك في معركة اليمامة أُصيب بسهم فمات شهيدا بسبب هذا السهم رضي الله عنه وكان في الثلاثينات من عمره.

♡السّائب بن العوّام بن خُوَيلد:
هو أخو الزبير بن العوام حواري رسول الله ﷺ، وأبوه يكون أخو خديجة بن خُوَيلد أم المؤمنين، وأمه صفية بنت عبد المطلب عمة رسول الله ﷺ،
شارك في غزوة أُحد وباقي الغزوات من بعد أحد مع رسول الله ﷺ،
وكانت معركة اليمامة هي آخر معركة شارك فيها فقد قُتل فيها شهيدا رضي الله عنه.

♡يزيد بن ثابت:
كان من الأنصار وشهد أحد وباقي الغزوات مع رسول الله ﷺ، ومش معروف إذا كان شهد بدر أو لأ،
وأُصيب بسهم في معركة اليمامة ومات بسببه شهيدا رضي الله عنه،
وهو أخو الصحابي زيد بن ثابت،
ولأن زيد بن ثابت هيكون له دور كبير جدا بعد معركة اليمامة فخلونا نتعرف عليه هو مين👌

♡زيد بن ثابت:
كان يتيما، توفي والده يوم بُعاث وهو عمره ست سنوات، ويوم بُعاث ده كانت حرب حصلت أيام الجاهلية بين قبيلتي الأوس والخزرج في المدينة،
أسلم زيد لما جاء مصعب بن عمير يدعو للإسلام في يثرب،
ولما جاء رسول الله ﷺ للمدينة كان عمره أحد عشر سنة، تعلم زيد القرآن وحفظ سبعة عشر سورة من القرآن،
ولما جاءت غزوة بدر أراد زيد الخروج مع رسول الله ﷺ للقتال، لكن رسول الله ﷺ رجّعه؛ لأن سنه كان صغير،
مكنش لسه أكمل ثلاثة عشرة سنة، يعني في ثانية إعدادي تقريبا بتقدير زماننا دلوقتي😅
فلم يشارك زيد في غزوة بدر ولا في غزوة أحد بسبب صِغر سنه وحجم جسمه الضئيل،
وبدأ جهاده مع رسول الله ﷺ من غزوة الخندق👌