🇺🇿🇺🇿21 октябрь - ўзбек тилига давлат тили мақоми берилган кун!

1989 йил 21 октябрда Давлат тили ҳақидаги қонуннинг қабул қилиниши Ўзбекистон учун мустақиллик сари қўйилган дастлабки қадам бўлганди. Айнан шу тарихий ҳужжатга биноан ўзбек тили мустаҳкам ҳуқуқий асос ва юксак мақомга эга бўлган эди.

Тил инсонларнинг нафақат ўзаро алоқа воситаси, балки маънавияти, маърифати ҳамдир. Ўзбек тили халқимиз учун миллий ўзлигимиз, мустақил давлатимиз тимсолидир.

Ўзбекистон профессионал бокс федерацияси юртдошларимизни ўзбек тилига давлат тили мақоми берилганига 34 йил тўлиши муносабати билан муборакбод этади.

Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿✅Расман! Ҳасанбой Дўсматовнинг проф боксдаги навбатдаги жанги тасдиқланди

Андижонлик Олимпиада ва жаҳон чемпиони Ҳасанбой Дўсматовнинг навбатдаги рақиби, жанг санаси ва манзили расман маълум қилинди.

Аввал хабар берганимиздек, Дўсматов 6 ноябрь куни Россиянинг Сочи шаҳрида ташкил этиладиган профессионал бокс оқшомида Жанубий Африка Республикаси вакили Сифамандла Баленига қарши рингга кўтарилади.

Маълумот учун, ўйинчоқ (ToyToy) лақаби билан танилган Балени фаолияти давомида 21 ғалаба (8 нокаут), 5 мағлубият ва 2 дуранг қайд этган. У шу йилнинг 4 сентябрь куни IBO World Minimum камари учун ўтказган 12 раундлик жангида Мзамо Махифенига очколар ҳисобига кўра ютқазиб қўйганди. Ҳасанбой Дўсматов эса 5 та жангининг барида зафар қучган.

Дўсматов - Балени жанги 10 раунд этиб белгиланган ва Сочидаги оқшомнинг co-main event жанги бўлади. Балени оддий рақиб эмас. У айни пайтда IBF рейтингида 8, WBC ва WBO рейтингларида 9-ўринни эгаллаб турибди.

Эслатиб ўтамиз, Ҳасанбой Дўсматов яқинда Осиё ўйинларида олтин медални қўлга киритиш баробарида Париж-2024 Олимпиадаси лицензиясини ҳам нақд қилганди.

Обуна бўлинг 👉 Телеграм

🇺🇿🇷🇺🥊✅Расман! Фазлиддин Ғоибназаровнинг жанги тасдиқланди

Ҳаваскор боксда Рио-2016 Олимпиадаси чемпиони Фазлиддин Ғоибназаров профессионал боксдаги навбатдаги жангини номдор рақибга қарши ўтказиши ҳақида хабар берган эдик. Ушбу жанг ташкилотчилар томонидан расман тасдиқланди.

Чарм қўлқоп устамиз 6 ноябрь куни Россиянинг Сочи шаҳрида ташкил этиладиган профессионал бокс оқшомида россиялик собиқ жаҳон чемпиони Ражаб Бутаевга қарши рингга кўтарилади. Бутаев 2021-2022 йиллар оралиғида WBA йўналиши чемпиони бўлган. Айни пайтда у WBA рейтингида 4-ўринни эгаллаб турибди.

Маълумот учун, Ражаб Бутаев ҳамюртларимиз Шаҳрам Ғиёсов, Муроджон Аҳмадалиев, Исроил Мадримовнинг жамоадоши ҳисобланади. Ҳисобида 14 ғалаба (11 нокаут) ва 1 мағлубият бор. Ягона мағлубиятини ўтган йилнинг 16 апрель куни ўтказган илк ҳимоя жангида литвалик Эймантас Станёнисдан қабул қилиб олган.

32 ёшли Фазлиддин Ғоибназаров проф боксда 11 ғалаба (6 нокаут) ва 1 мағлубият қайд этган. Ягона мағлубиятини 2019 йилда Майкл Фоксдан қабул қилиб олган. 2022 йилнинг 2 декбарь куни "Ҳумо Арена"да яна бир ҳамюртимиз Жамшид Каримовни очколар ҳисобига кўра таслим этган эди. Бу унинг ҳозирча сўнгги жанги бўлиб турибди.

Қизиқ бир маълумот, Фазлиддин Бутаевга қарши жанг ўтказган учинчи ўзбек боксчиси бўлади. Бунга қадар Ражаб 2017 йилда боксчиларимиз Шерзодбек Олимжонов ва Баҳромбек Паёзовни муддатидан аввал мағлубиятга учратган эди.

Обуна бўлинг 👉 Телеграм

🇵🇭🇯🇵✅Наоя Иноуэ — Марлон Тапалес чемпионлик жанги тасдиқланди

Биринчи ярим енгил вазн тоифасида WBC ва WBО чемпиони Наоя Иноуэнинг Японияда WBА ва IBF йўналишлари чемпиони Марлон Тапалесга қарши жанг ўтказиши тасдиқланди.

Чемпионлик жанги аввал хабар берганимиздек, 26 декабрь куни Япониянинг Токио шаҳрида ташкил этиладиган профессионал бокс оқшоми доирасида ўтказилади.

Эслатиб ўтамиз, 30 ёшли Иноуэ шу йилнинг июль ойида Стивен Фултонни муддатидан олдин мағлуб этиб, ушбу вазндаги WBO ва WBC камарларини қўлга киритган эди.

31 ёшли филиппиник боксчи Марлон Тапалес эса апрель ойида ҳамюртимиз Муроджон Аҳмадалиевни очколар ҳисобига кўра мағлуб этган ва WBA ҳамда IBF камарларини ўзиники қилганди.

Обуна бўлинг 👉 Телеграм

🇺🇿🇺🇸🥊Лей Вуд WBA камарини вакант қолдирди. Чемпионлик учун Отабек Холматов ва Реймонд Форд жанг қиладиган бўлди

Ярим енгил вазн тоифасида ўзбекистонлик профессионал боксчи Отабек Холматовнинг навбатдаги жанги тафсилотлари маълум бўлди.

Ёдингизда бўлса, шу йил Отабек Холматов WBA камари учун Лей Вуд билан жанг қилиши лозим эди. Аммо томонлар ўртасида ўтказилган музокарага кўра, Лей Вуд Отабек Холматовга қарши мажбурий ҳимоя жангидан олдин, Жош Уоррингтонга қарши ихтиёрий ҳимоя жангини ўтказиб, ғалаба қозонган эди.

Тарқатилган хабарларга кўра, Лей Вуд WBA камарини вакант қолдирган, бунга нима сабаб бўлгани ҳозирча маълум эмас. Муҳими, вакант, яъни бўш қолган камар учун WBA рейтингида биринчи ўринни эгаллаб турган Отабек Холматов (11-0-0) ҳамда иккинчи поғонадан жой олган америкалик Реймонд Форд (14-0-1) жанг қиладиган бўлди. Жангнинг декабрь ойида ўтказилиши кутилмоқда.

Бу ҳақда Отабек Холматов Olamsport.com мухбирига қуйидагича изоҳ берди:

"Ҳа, Лей Вуд камарни вакант қолдирди. Энди Реймонд Форд билан бўшаб қўлга чемпионлик камари учун жанг қиламиз, Худо хоҳласа. Ҳозирча сана ва манзил аниқ эмас. Лекин рақибим Форд бўлади. Бунга тайёргарлик кўряпмиз", - деди Холматов.

Эслатиб ўтамиз, Отабек Холматов сўнгги жангини ўтган йилнинг декабрь ойида Томас Патрик-Уордга қарши ўтказиб, муддатидан олдин ғалаба қозонган эди.

Обуна бўлинг 👉 Телеграм

🇺🇿🥊✅Жаҳон чемпиони Абдумалик Халоковнинг 17 ноябрь куни Тошкентда проф боксдаги дебют жангини ўтказади

Хабар берганимиздек, 17 ноябрь куни пойтахтимиздаги "Ҳумо Арена"да Lift Promotions компаниясининг катта профессионал бокс оқшоми ўтказилади.

Ушбу оқшомдан ўрин олган яна бир жанг маълум бўлди. Унга кўра, ҳаваскорлар ўртасида жаҳон чемпиони, яқиндагина Хитойнинг Ханчжоу шаҳрида бўлиб ўтган XIX Осиё ўйинлари ғолиби Абдумалик Халоков проф боксдаги дебют жангида рингга кўтарилади. Унга 17 ноябрь кунги жангда украиналик Олександр Егоров (20-9-1) рақиблик қилади. Жанг енгил вазн (61,2 кг) тоифасида ташкил этилади.

Аввалроқ, Тошкентдаги катта бокс кечасида ўзбекистонлик чарм қўлқоп усталаридан Баҳодир Жалолов, Миразизбек Мирзахалилов, Мужибилло Турсуновларнинг ҳам жанг қилиши ҳақида хабар берган эдик.

Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🥊✅O’tkazib yubormang

17-noyabr kuni “Humo Arena” sport-ko‘ngilochar majmuasida Abdumalik Xalakov🇺🇿 va Aleksandr Yegorov🇺🇦 o’rtasida jang bo‘lib o‘tadi

Boks kechasi yaqinlashmoqda 🥊

iticket.uz sayti orqali chiptalarni xarid qilishga shoshiling!

📞 Ma’lumotnomalar va chiptalarni bron qilish uchun: +99895 003-55-99

______

Не пропустите❗️

17 ноября в спортивно-развлекательном комплексе « Хумо Арена» состоится бой Абдумалика Халакова🇺🇿 и Александра Егорова🇺🇦

Вечер бокса приближается 🥊

Успейте приобрести билеты на сайте iticket.uz!

📞Номер для справок и бронирования билетов:
+99895 003-55-99

🇺🇿Қудратилло Абдуқаҳоров ҳам Тошкентдаги катта бокс оқшомида рингга кўтарилади

Хабарингиз бор, 17 ноябрь куни пойтахтимиздаги "Ҳумо Арена" саройида катта профессионал бокс кечаси ташкил этилади.

LIFT промоутерлик компанияси томонидан ўтказилаётган проф бокс оқшомининг яна бир жанги тасдиқланди. Унга кўра, ярим ўрта вазн тоифасида собиқ WBC Silver камари соҳиби Қудратилло Абдуқаҳҳоров (18-2) танзаниялик Николас Майкл Мдое (13-6-2)га қарши жанг ўтказади. Ушбу жанг 8 раунд этиб белгиланган.

Маълумот учун, Қудратилло Абдуқаҳҳоров 31 август куни Россия Федерациясининг Москва шаҳрида ташкил этилган профессионал бокс оқшомининг марказий жангида мезбон Магомед Мадиевга қарши рингга чиққанди. Саккиз раунд тўлиқ давом этган ўша баҳсда ҳамюртимиз рақибига 75:78, 73:79, 73:79 ҳисобида имкониятни бой бериб қўйган эди.

Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇬🇧🇺🇦🙅‍♂️Усик - Фьюри мутлақ жаҳон чемпионлик жанги бекор қилинди

Профессионал бокснинг супероғир вазн тоифасида мутлақ жаҳон чемпионлиги учун ўтказилиши керак бўлган жанг расман бекор қилинди.

Бу ҳақда вазиятга яқин қатор нашрлар хабар бермоқда. Ушбу жангнинг 23 декабрь куни ўтказилиши кутилаётганди. Айрим хабарларга кўра, Фьюри бутунлай боксдан кетиб, фаолиятини якунлаши ҳам мумкин экан. Лекин бу хабар ҳали расман тасдиқланмаган.

Маълумот учун, супероғир вазнда сўнгги бор 1999 йилда мутлақ чемпиони аниқланган эди. Ўшанда Леннокс Льюис ва Эвандер Холифильд ўзаро жанг ўтказишган ва унда Льюис очколар эвазига ғалаба қозониб, WBC, WBA ва IBF камарлари соҳибига айланганди. У пайтда ҳали WBO камари йўқ эди.

Обуна бўлинг 👉 Телеграм

🇺🇿🥊WBA камарига собиқ даъвогар Ботир Аҳмедовнинг навбатдаги рақиби ва жанг санаси маълум

🇷🇺Хабар берганимиздек, 6 ноябрь куни Россия Федерациясининг Сочи шаҳрида навбатдаги профессионал бокс оқшоми ташкил этилади. Ташкилотчилар ушбу турнирнинг яна бир жангини маълум қилишди.

Унга кўра, супер енгил вазн тоифаси WBA рейтингида олтинчи ўринни эгаллаб турган ҳамюртимиз Ботир Аҳмедов (9-3-0) яна бир ўзбек боксчиси - Муҳаммадсалим Сотволдиев (7-7-2) билан рингда тўқнаш келади.

Маълумот ўрнида, Ботир Аҳмедов фаолияти давомида икки бор WBA жаҳон чемпионлик камари учун рингга чиққан (2019, 2022). У илк уринишда Марио Барриосга имкониятни бой берган бўлса, ўтган йилги иккинчи уринишда Альберто Пуеллога ютқазиб қўйган эди.

Эслатиб ўтамиз, 6 ноябрь куни Сочидаги бокс оқшомида Ботир Аҳмедовдан ташқари, Ҳасанбой Дўсматов ва Фазлиддин Ғоибназаров ҳам рингга кўтарилади.

Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🤲Баҳодир Жалолов: "Раҳматли дадам билан биргаликда Леннокс Льюиснинг жангларини томоша қилганим кечагидек ёдимда. Бугун афсона ёнимда"...

Обуна бўлинг 👉 Телеграм