🇺🇿🥊Катта бокс байрамига оз қолди

🇺🇿12-17 ноябрь кунлари пойтахтимиз WBC ташкилотининг нуфузли йиллик Конвенциясига мезбонлик қилади. Тадбирнинг сўнгги куни - 17 ноябрь санасида "Ҳумо Арена"да катта профессионал бокс оқшоми ўтказилади.

Бокс кечаси доирасидаги жанглар:

🇺🇿Баҳодир Жалолов — 🇿🇦Крис Томпсон

🇺🇿Абдумалик Халаков — 🇺🇦Александр Егоров

🇺🇿Миразизбек Мирзахалилов — 🇨🇳Рунки Жоу

🇺🇿Қудратилло Абдуқаҳҳоров — 🇹🇿Маоно Алли

📛Тадбирнинг афсонавий меҳмонлари: Майк Тайсон, Эвандер Холлифилд ва бошқалар...

🎫Чипталар 100 000 сўмдан бошланади:
👉 https://iticket.uz/ru/events/other-events/markaziy-osiyo-wbc-kamari-uchun/28153

Обуна бўлинг 👉 Телеграм

🇺🇿🇵🇷Шоҳжаҳон Эргашев: "Янги тарих яратишимга тўрт ҳафта қолди!"

Суперенгил вазн тоифасидаги чарм қўлқоп устамиз Шоҳжаҳон Эргашев ижтимоий тармоқлардаги саҳифасига янги сурат жойлади.

Хабарингиз бор, ҳамюртимиз 25 ноябрь куни суперенгил вазн тоифасида IBF йўналиши чемпиони Сабриель Матиас билан жанг қилади. Эргашев айни пайтда мазкур жангга АҚШда тайёргарлик олиб бормоқда.

Боксчимиз кеча жойлаган постида чемпионликка эришиш орқали янги тарих яратмоқчи эканлини айтган: "Янги тарих яратишимга атига тўрт ҳафта қолди!"

Обуна бўлинг 👉 Телеграм

🇺🇿🥊✅Одилжон Аслоновнинг рақиби ўзгарди

Аввалроқ, иккинчи ўрта вазн тоифасидаги профессионал боксчимиз Одилжон Аслонов (5-0-1)нинг навбатдаги жанги ҳақида хабар берган эдик.

🇷🇺Чарм қўлқоп устамиз 11 ноябрь куни Россиянинг Екатеринбург шаҳрида ташкил этиладиган RCC Boxing профессионал бокс оқшомида рингга кўтарилади. Аввалроқ, Одилжоннинг ушбу оқшомда россиялик Рафи Хчоян (2-1-1) билан жанг қилиши ҳақида хабар берган эдик.

Бироқ, лига матбуот хизматининг расмий хабарига кўра, Одилжон Аслонов 11 ноябрь куни бошқа бир рус боксчиси - Батал Чежия (12-3-3) билан жанг қиладиган бўлди. Жанг 8 раунд этиб белгиланган.

Эслатиб ўтиш жоиз, Одилжон сўнгги жангини шу йилнинг 8 сентябрь куни Эрик Катомпага қарши ўтказиб, очколар ҳисобига кўра ғалаба қозонган эди.

Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿Abdumalik Halokov: Assalomu alaykum!

Barchangizga ma’lum, faoliyatimda yangi sahifa ochish arafasida turibman. Uni jonajon Vatanimda, siz azizlar, yaqinlarim ko’z oldida amalga oshirishni niyat qildim. Sizlarning qizg’in qo’llab-quvvatlashingizni 17-noyabr kuni “Humo arena”da his qilishni istaymiz. Olg’a, O’zbekiston!🇺🇿

Привет!

Как вы все знаете, я собираюсь открыть новую страницу в своей карьере. Я намерен сделать это в моей любимой стране, на глазах у вас, дорогие, мои близкие. Мы хотим почувствовать вашу восторженную поддержку 17 ноября на «Хумо Арене». Вперед, Узбекистан!🇺🇿

Hello!

As you all know, I'm about to turn a new page in my career. I intend to do this in my beloved country, in front of your eyes, dear ones, my loved ones. We want to feel your enthusiastic support on November 17 at the Humo Arena. Go ahead, Uzbekistan!🇺🇿

Обуна бўлинг 👉 Телеграм

🇺🇿🥊Аҳмадалиевнинг тахминий жанг санаси маълум

🇲🇽Чарм қўлқоп устамиз навбатдаги жангини мексикалик Кевин Гонсалесга қарши ўтказиши ҳақида маълум қилгандик.

🇺🇸Унга кўра, ушбу жанг 16 декабрь куни АҚШнинг Аризонасида ўтказилиши мумкин. Лекин ҳозирча мазкур Элиминатор жанги расман эълон қилинмади. 

Саралаш жанги ғолиби Иноуэ - Тапалес қарама-қаршилиги ғолибига қарши мутлақ чемпионлик учун рингга кўтарилиши мумкин. 

Обуна бўлинг 👉 Телеграм

🎁🎂Муроджон Аҳмадалиевни табриклаймиз!

🇺🇿🥊Бугун ўзбек спортида ўз ўрнига профессионал боксчимиз Муроджон Аҳмадалиев 29 ёшни қаршилади.

Муроджон Аҳмадалиев 1994 йил 2 ноябрь куни Наманган вилоятида туғилган. Ҳаваскор бокс бўйича Осиё чемпиони (2017), жаҳон чемпионати финалчиси (2015) ва Рио-2016 Олимпия ўйинларининг бронза медали соҳиби ҳисобланади. Тошкентдаги Осиё чемпионатидан сўнг Муроджон фаолиятини профессионал боксда давом эттирди ва жуда қисқа фурсат, атиги саккизинчи жангидаёқ енгил вазн тоифасида WBA ва IBF чемпионлик камарларини қўлга киритди.

Унинг бу муваффақияти давлатимиз томонидан "Ўзбекистон Республикасида хизмат кўрсатган спортчи" ва “Ўзбекистон ифтихори” фахрий унвонлари билан тақдирланган.

Ўзбекистон профессионал бокс федерацияси Муроджон Аҳмадалиевни бугунги айём табриклаб, унга узоқ умр, сиҳат-саломатлик тилайди.

Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿🇵🇷Шоҳжаҳон Эргашев - Сабриель Матиас чемпионлик жанги учун постер намойиш этилди

Суперенгил вазн тоифаси IBF йўналишида чемпионлик камарига даъвогар Шоҳжаҳон Эргашев ҳамда ушбу йўналиш чемпиони Сабриель Матиас жанги учун тайёрланган постер намойиш этилди.

Аввал хабар берганимиздек, жанг 25 ноябрь куни АҚШнинг Лас-Вегас штатида ташкил этилади.

Эргашев ушбу жанг учун тайёрланган постерни намойиш қилар экан, уни шундай изоҳлади:

"Ин Ша Аллоҳ ҳаммаси яхши бўлиши керак. Бу кунни бир неча йил кутдим. Жуда кўпчилик бунга ишонмади. Алҳамдулиллаҳ! Аллоҳ шу кунга етказди. Табриклар учун барчага рахмат, биз албатта тарих яратамиз!".

Обуна бўлинг 👉 Телеграм

🇺🇿🛫🇷🇺Ҳасанбой Дўсматов ва Фазлиддин Ғоибназаров Сочига етиб борди

Хабар берганимиздек, 6 ноябрь куни Россиянинг Сочи шаҳрида профессионал бокс кечаси ташкил этилади.

Ушбу оқшом доирасида ҳаваскор боксда Рио-2016 Олимпиадаси чемпионлари Фазлиддин Ғоибназаров ва Ҳасанбой Дўсматов ҳам профессионал боксдаги навбатдаги жангларини ўтказади. Боксчиларимиз мураббийлари билан биргаликда Краснодар ўлкасига етиб боришди.

Маълумот учун, Ғоибназаров россиялик собиқ жаҳон чемпиони Ражаб Бутаевга қарши рингга кўтарилади. Бутаев 2021-2022 йиллар оралиғида WBA йўналиши чемпиони бўлган. Дўсматов эса Жанубий Африка Республикаси вакили Сифамандла Баленига қарши рингга кўтарилади.

Обуна бўлинг 👉 Телеграм

🇺🇿🥊✅Шоҳжаҳон Эргашев чемпионлик жангини супер бокс оқшомида ўтказади. Асосий кард тасдиқланди!

🇺🇸Тошкент вақти билан 26 ноябрь тонгида АҚШнинг Лас-Вегас штатида жойлашган "Michelob Ultra Arena"да катта профессионал бокс оқшоми бўлиб ўтади.

Биз учун аҳамиятлиси, унда биринчи ярим ўрта вазн тоифасидаги ҳамюртимиз Шоҳжаҳон Эргашев (23-0-0) IBF йўналиши чемпиони, пуэрто-риколик Сабриель Матиас (19-1-0) билан жанг қилади.

Ушбу бокс оқшомининг марказий жанги мағлубият ва муроса нималигини билмай келаётган боксчила - иккинчи ўрта вазн тоифасида WBC Interim камари соҳиби, америкалик Давид Бенавидес (27-0-0) ҳамда Деметриус Андраде (32-0-0) ўртасида ўтказилади.

✅Ҳозиргача тасдиқланган жанглар билан танишинг:

Марказий жанг. Иккинчи ўрта вазнда (76,2 кг) WBC Interim камари учун: Давид Бенавидес (27-0-0) - Деметриус Андраде (32-0-0)

Co main event. Ўрта вазнда (72,57 кг): Жермелл Чарло (32-0-0) - Хосе Бенавидес (28-2-1)

Биринчи ярим ўрта вазнда (63,5 кг) IBF жаҳон чемпионлиги камари учун: Сабриель Матиас (19-1-0) ШОҲЖАҲОН ЭРГАШЕВ (23-0-0)

Иккинчи ярим енгил вазнда (58,9 кг) WBA Regular камари учун: Эктор Луис Гарсия (16-1-0) - Ламонт Роач (23-1-1)

Ярим ўрта вазнда (66,6 кг): Вито Миельницки (15-1-0) - Даниель Бучиуч (11-1-0).

Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇺🇿✅Ражаб Бутаев: "Фазлиддин Ғоибназаров жиддий рақиб!"

🇷🇺Ярим ўрта вазн тоифасида россиялик боксчи, собиқ WBA йўналиши чемпиони Ражаб Бутаев (14-1-0) ҳамюртимиз Фазлиддин Ғоибназаров (11-1-0) билан бўладиган жанги олдидан ўз фикрини билдирди.

"Ҳа, қайтишим кўп вақтни олди, деярли бир йил рингга чиқмадим. Аввалига соғлигим билан боғлиқ муаммолар юзага келди, даволандим. Кейин санкциялар туфайли жанг қила олмадим. Тўғрисини айтсам, қўлқопларимни михга илиб қўйиш ҳақида ҳам ўйладим, лекин катталар билан маслаҳатлашиб, яна чемпион бўлишга қарор қилдим!

Ниҳоят, Россияда рингга чиқаётганимдан, оилам менинг жангимни жонли кўриши мумкинлигидан хурсандман. Ҳа, Фазлиддин жиддий рақиб! Олимпиада чемпиони унвони кўп нарсани англатади, лекин менинг мақсадим икки карра жаҳон чемпиони бўлиш ва бу йўлда қаршимда ким туриши муҳим эмас", - деди Бутаев.

Боксчилар ўртасидаги жанг 6 ноябрь куни Россиянинг Сочи шаҳрида ташкил этиладиган профессионал бокс оқшоми доирасида бўлиб ўтади.

Маълумот учун, 32 ёшли Фазлиддин Ғоибназаров проф боксда 11 ғалаба (6 нокаут) ва 1 мағлубият қайд этган. 2022 йилнинг 2 декбарь куни "Ҳумо Арена"да яна бир ҳамюртимиз Жамшид Каримовни очколар ҳисобига кўра мағлубиятга учратганди. Бу унинг ҳозирча сўнгги жанги бўлиб турибди.

Қизиқ бир маълумот, Фазлиддин Бутаевга қарши жанг ўтказадиган учинчи ўзбек боксчиси бўлади. Унга қадар Ражаб 2017 йилда Шерзодбек Олимжонов ва Баҳромбек Паёзовни муддатидан аввал мағлубиятга учратган эди.

Обуна бўлинг 👉 Телеграм

🇺🇿Баҳодир Жалолов Ар-Риёддаги юлдузли оқшом таассуротлари билан ўртоқлашди

🇸🇦28 октябрь куни Саудия Арабистонинг Ар-Риёд шаҳрида Тайсон Фьюри ҳамда Фрэнсис Нганну ўртасидаги супер бокс оқшоми ўтказилган эди.

Ушбу маросимларда расмий меҳмон сифатида иштирок этган чарм қўлқоп устамиз Баҳодир Жалолов ўз фикрлари билан ўртоқлашди:

"Таассуротлар яхши. Ҳамма юзлдузлар шу ерда эди, кўпчилик мени таниди. Таниганларидан хурсанд бўлдим. Ҳатто Роналду ҳам келиб, сен ҳам турнирда жанг қиласанми, деб сўради? Йўқ, тушмайман дедим. Фьюри ҳам омад тилади. Хурсандман".

Маълумот учун, Баҳодир Жалолов 17 ноябрь куни Тошкентдаги "Ҳумо Арена" мажмуасида ташкил этиладиган бокс оқшомида ЖАР вакили Крис Томпсонга қарши рингга кўтарилади.

Обуна бўлинг 👉 Телеграм

✅Расман: WBA Отабек Холматовнинг чемпионлик жангига буйруқ берди

🇺🇿🥊Ярим енгил вазн тоифасида рингга чиқиб келаётган Отабек Холматов навбатдаги жангини камар учун ўтказиши расман маълум бўлди.

Бутунжаҳон бокс ассоциацияси (WBA) Отабек Холматов ва америкалик Раймонд Форд ўртасидаги жангга буйруқ берди. Томонлар 30 кун ичида жанг юзасидан келишиб олишлари керак бўлади. Акс ҳолда, WBA кимошди савдосини эълон қилади ва гонорарларни 50 фоиздан тақсимлаш бўйича қарор чиқаради.

Эслатиб ўтамиз, ўтган ой Ли Вуд ўз камарини вакант қолдириб, бошқа дивизионга кўтарилганди. Шу боисдан ҳам энди Отабек Холматов рейтингда иккинчи ўринни эгаллаб турган Рэймонд Форд билан жанг ўтказади.

Ўзбекистон профессионал бокс федерацияси матбуот хизмати

Обуна бўлинг 👉 Телеграм

🇰🇿🇺🇸✅Кун тарихи. Ўн йил аввал, 2013 йилнинг шу куни Нью-Йоркдаги афсонавий Madison Square Garden Theater аренасида қозоғистонлик Геннадий Головкин америкалик Кертис Стивенсни муддатидан аввал, саккизинчи раундда мағлубиятга учратган эди. Жанг тўхтатилган пайтда Головкин ҳакамлар ҳужжатидаги қайдга кўра 80-71, 79-71, 79-72 ҳисобида олдинда бораётганди.

📛Жанг шиори — Monsters collide / Монстрлар тўқнашуви

💸Гонорарлар: Головкин — $400 000, Стивенс — $290 000

Обуна бўлинг 👉 Телеграм

🇺🇿🥊✅WBА рейтинги янгиланди. 4 нафар боксчимиз вазн пешқадами!

Бутунжаҳон бокс ассоциацияси (WBА) октябрь ойи якунларига кўра янгиланган рейтингни эълон қилди.

Ушбу рейтингдан 7 боксчимиз ўрин олган бўлиб, уларнинг 4 нафари ўз вазн тоифаларида пешқадамлик қилишяпти.

Ҳасанбой Дўсматов - (минимал вазн) 2-ўрин;

Муроджон Аҳмадалиев (биринчи ярим енгил вазн) 1-ўрин (ўтган ойдаги рейтингда 2-ўринда эди);

Отабек Холматов (ярим енгил вазн) - 1-ўрин;

Ботир Аҳмедов (супер енгил вазн) - 7-ўрин (ўтган ойда 6-ўринда эди);

Шаҳрам Ғиёсов (яримўрта вазн) - 1-ўрин (ўтган ойда 2-ўринда эди);

Исроил Мадримов (супер ярим ўрта вазн) - 1-ўрин;

Бектемир Мелиқўзиев (супер ўрта вазн) - 6-ўрин (ўтган ойда 7-ўринда эди).

Обуна бўлинг 👉 Телеграм

🇺🇿🇷🇺Ҳасанбой Дўсматов эртага Сочида ўтказиладиган жангига тайёр!

Эртага Россиянинг Сочи шаҳрида профессионал бокс кечаси ташкил этилади. Ушбу оқшом доирасида ҳаваскор боксда Рио-2016 Олимпиадаси чемпиони Ҳасанбой Дўсматов Жанубий Африка Республикаси вакили Сифамандла Баленига қарши рингга кўтарилади.

Обуна бўлинг 👉 Телеграм