🇺🇿🥊Бугун Ҳавасбек Асадуллаев россиялик тажрибали рақибга қарши рингга чиқади

🇷🇺Бугун Россия Федерациясининг Уфа шаҳрида жойлашган "Wrestling Palace" мажмуасида IBA PRO 3 профессионал бокс оқшоми бўлиб ўтади.

Аввал хабар берганимиздек, мусобақа доирасида ўзбекистонлик чарм қўлқоп устаси Ҳавасбек Асадуллаев Россия вакили Алан Хугаевга қарши баҳс олиб боради. Кеча боксчилар турнир олдидан вазн ўлчаш маросимида қатнашиб, яримўрта вазн меъёрини бажаришди.

Ушбу баҳс 25 яшар Асадуллаев учун профессионал боксдаги тўртинчи жанг бўлади. У бундан аввалги барча жангларида ғалаба қозонган. Иккита жангида рақибларини муддатидан аввал таслим этган. Ҳамюртимиз проф карьерасидаги сўнгги жангини 2022 йил июнь ойида Турсунбой Абдулҳакимовга қарши ўтказиб, зафар қучган эди.

26 яшар Алан Хугаев ҳисобида эса 19 та ғалаба бор. У ғалабаларининг 9 тасини муддатидан илгари қўлга киритган. Бугунги бокс оқшоми бизнинг вақти билан соат 18:00 да бошланади.

Обуна бўлинг 👉 Телеграм

🇺🇿🇻🇪⚖️Муҳаммад Шехов ва Орландо Моралес тарозидан муваффақиятли ўтиб олди

🇭🇺Эртага Венгрия пойтахти Будапешт шаҳридаги "Folyondar Sports Hall" мажмуасида профессионал бокс оқшоми ўтказилади.

Биз учун аҳамиятлиси, ушбу бокс турнири доирасида иккинчи энг енгил вазн тоифасида фаолият олиб бораётган чарм қўлқоп устамиз Муҳаммад Шехов венесуэлалик Орландо Моралесга қарши рингга кўтарилади. Жанг 8 раунд этиб белгиланган. Бироз аввал боксчилар тарози маросимида ҳозир бўлишди ва белгиланган вазн меъёрини бажаришди.

Обуна бўлинг 👉 Телеграм

🇺🇿🥊Бугун уч нафар проф боксчимиз Будапештда рингга кўтарилади

🇭🇺Бугун Венгрия пойтахти Будапешт шаҳридаги "Folyondar Sports Hall" мажмуасида профессионал бокс оқшоми бўлиб ўтади.

Биз учун аҳамиятлиси, турнир доирасида уч нафар ўзбекистонлик чарм қўлқоп устаси — Шоҳжаҳон Абдуллаев, Комронбек Турғунбоев ва Муҳаммад Шехов ҳам рингга кўтарилади.

Оғир вазн тоифасидаги 22 ёшли Абдуллаевга Венесуэла вакили Иван Матьют рақиблик қилса, 21 яшар Турғунбоев молдовалик Иван Петровга қарши рингга кўтарилади. Муҳаммад Шехов эса Венесуэла вакили Орландо Моралесга қарши баҳс олиб боради.

Бугунги тўқнашув Шоҳжаҳон Абдуллаев учун проф боксдаги тўртинчи жанг бўлади. У бундан аввалги жангларининг барчасида рақибларидан устун келган. Абдуллаевнинг бўлажак рақиби — 31 яшар Матьют ҳисобида эса 31 ғалаба, 20 та мағлубият ва 2 дуранг бор.

Яримўрта вазнли Комронбек эса 2023 йилда проф боксда дебют қилиб, Богдан Утегеновни мағлуб этганди. Петров (7-16-2)га қарши жанг ҳамюртимиз учун профессионал фаолиятидаги иккинчиси бўлади.

32 яшар Муҳаммад Шехов фаолияти давомида ҳозирга қадар 16 та жанг ўтказиб, 15 та ғалаба ва 1 та дуранг қайд этган. У охирги жангини ўтган йилнинг декабрь ойида хитойлик Зонг Лиуга қарши ўтказиб, очколар ҳисобига кўра ғалаба қозонган ва вакант бўлиб турган IBF Intercontinental камарини қўлга киритганди. Ҳамюртимиз ҳозирда WBO рейтингида 5-ўринни эгаллаб турибди.

Унинг бўлажак рақиби, 20 ёшли Орландо Моралес ҳисобида эса 13 та ғалаба ва 2 та мағлубият бор.

Обуна бўлинг 👉 Телеграм