Туманимиздаги 8 - сонли мактабгача таълим муассасаси да"Хайр, боғчажон"тадбири бўлиб ўтди.
Тадбирда болажонлар Ватан, она, севимли боғчалари тўғрисида чиройли шеър- қўшиқлар айтиб, рақсга тушдилар.
"Болажонларимиз боғчалари бағрида яйраб ўсмоқдалар. Улар боғчаларини, боғча опаларини жуда яхши кўрадилар.
Шунинг учун бугунги тадбирда айтилаётган ҳар бир сўзда, ҳар бир сатр шеърда, куйда,қўшиқда болажонларимизнинг юрагидаги боғчаларига, боғча опаларига нисбатан бўлган катта меҳр ва муҳаббатни кўрамиз .Боғчада бу каби қизиқарли тадбирлар тез- тез ўтказиб турилади, бу эса болажонларга бир олам қувонч бағишлайди"- дейди онажонлардан бири Гавҳар Каримова .

@piskenthayoti

ОНА! Бу зот ҳар қанча ҳурмат ва эхтиромга лойиқдир.
У фарзандини ўзининг жонидан яратади.
Шунинг учун бир жони учун иккинчи жонини ҳеч иккиланмай қурбон қилади.
Ўта кучли ишланган ушбу видео онгу тафаккурсиз бир жонивор- онанинг тимсолида оналикнинг илоҳий қудрати акс этган бўлиб
бу видеони кўрган кишининг онасига меҳри юз чандон ортади.

@piskenthayoti

"Ҳақиқат манзалари, 96 мумтоз файласуф" китобидан:

- Энг гўзал нарса нима?
- Одам. Чунки у Тангрининг маҳсулидир.
- Энг тез нарса нима?
- Ақл. У ҳамма нарсани ортда қолдиради.
- Ҳаммадан донороқ нарса-чи?
- Вақт. Чунки ёлғиз вақтгина ҳамма нарсани ойдинлаштиради.
- Ҳамма учун энг умумий нарса нима?
- ....
Чунки у ҳеч вақоси йўқларда ҳам мавжуддир.
- Энг кучли нарса нима?
- Зарурият. Чунки у ҳамма нарсанинг устидан ҳукмронлик қилади.
- Энг қийин нарса нима?
- Ўзни англаш.
- Энг осон нарса-чи?
- Ўзгаларга маслаҳат бериш.
- Кимни бахтли санаш мумкин?
- Жисмоний соғлом, руҳий хотиржам ҳамда истеъдодини ўстира олган кишини.
- Бахтсизликка дош беришнинг осон йўли нима?
- Ғанимларнинг сендан-да ёмон аҳволга тушиб қолганига гувоҳ бўлиш.

Фалес (Милоддан аввалги 625-547 йиллар)

#piskenthayoti

​​ҚАЧОН ҚАНОАТ ҚИЛАМИЗ?

Уйланганлар: «Қанийди уйланмаган бўлсам», дейди.

Бўйдоқлар: «Қачон уйланиб, тинчир эканман», дейди.

Бойлар: «Қанийди тинч, хотиржам бўлсам», дейди.

Камбағаллар: «Қанийди бой-бадавлат яшасам», дейди.

Кексалар: «Қанийди ёшлик бир кунгинага қайтиб келса», дейди.

Ёшлар: «Қанийди ёш бола бўлиб қолсам-да, ғамим фақат ўйнаш бўлса», дейди.

Болалар: «Қачон улғаяр эканман», дейди.

Тириклар: «Қани эди ўлиб, бу дунёнинг ғам-ташвишларидан қутулсам», дейди.

Ўлганлар: «Қанийди яна ҳаётга қайтиб, қўлдан бой берган нарсамни тўлдирсам», дейди.

Қачон қаноат қиламиз,
ўйланг ва тафаккур қилинг.

@piskenthayoti

#Мулоҳаза

ЕТТИ МЎЪЖИЗА

Бир куни ўқитувчи болалардан ҳамма ўз тасаввуридаги дунёнинг етти мўъжизасини ёзишини сўради.

Топшириқ бажарилиб, дафтарларни йиғиш вақти ҳам келдики, бир қизалоқ ҳалигача ёзиб тугатмаганини кўриб қолди. Унга қараб:
- Ёрдам керак эмасми? - деб сўради.

Қизалоқ ўйланиб жавоб берди:
- Ҳа, озроқ қийналдим. Қайси бирини танлашни билмаяпман, дунёда мўъжизалар кўп...

Шунда ўқитувчи унга ёзганларини овоз чиқариб ўқишини таклиф қилди.

Қизалоқ бироз иккиланиб туриб, секин ўқий бошлади:
- Мен учун дунёдаги етти мўъжиза бу:

1. Кўриш
2. Эшитиш
3. Ҳаракат қилиш
4. Сезиш
5. Ҳис қилиш
6. Кулиш
7. Севиш.

Синф сув қуйгандек жимжит бўлиб қолди...

Р.S: Сизда ана шу мўъжизалар бор. Демак, сиз дунёдаги энг бахтли ва бой инсонсиз. Уларнинг қадрига етинг.
"Олтин воха" дан олинди

@piskenthayoti

ХАЙРЛИ ТУН

Барчамиз бу дунёга ғаниматмиз..
Эзгуликни қалбингизга жо қилинг-ки, ҳар ўтган кунингиз бесамар бўлмасин.

АССАЛОМ АЛАЙКУМ
ХАЙРЛИ ТОНГ

Дўст деб юрганларинг сени сотсалар, кечиргин...
Аҳир хатто Яратганнинг ўзи ҳам гуноҳларимизни магфират қиладику, биз Оддий бир инсон- банда бўлиб, бунча кибрга бериламиз, билмаймиз

Ибтидо доимо гўзал, аммо интиҳо вафодорларники. Бу ҳам бизни ўйлантирадиган, тафаккурга ундайдиган холат.

Ёнида бўлиб бир-бирини ёмон кўргандан, олисда бўлиб севилган маъқул. Шундай эмасми?

Жаноза ~ўликнинг гуноҳларини кечиришни Яратгандан сўрашдир.
Саъдий Шерозий айтганидек,
Аччиқ ёш тўкмагил дўст мозорида,
Унга мақбул ишни қилгил борида.

Аччиқ ҳақиқат:
Биз бизни севганларга озор берамиз, ўзимиздан узоқлаштирамиз, бизни севмаганлар йўлига пойандоз бўламиз...
Лекин нурли кунлар олдида ҳар қоронгу тунлар чекинади.
@piskenthayoti

Хозир малиналарнинг авжи пишган пайти.
Бу шифобахш мевани музлатилган холда қишга сақлашни мана бу усулда амалга оширсангиз ўзининг табиий мазаси ва кўринишини 100 фойиз сақлаб қолади.

@piskenthayoti

ОЛТИН  СЎЗЛАР

Ёстиқ бой ва фақирнинг, катта ва кичикнинг, шаҳзода ва қўриқчиларнинг бошини кўтаради. Лекин унда фақатгина виждони хотиржамлар сокин уйқуга кета оладилар...

Ҳар бир кунингизни  гўзал ўтказишингиз, сиз учун одатий хол бўлиб қолсин. Самимий, одобли, меҳрибон, саҳий, очиқ кўнгил бўлинг. Чунки соҳиби кетганда, ундан муҳр - хотира қолади...

Сенга биров "Сени ҳурмат қиламан" деса ишонмагин. Сухандонлар ҳам ҳеч кимни танимай, кўрмай туриб "ҳурматли томошабинлар" деб айтишади )))

Ҳозирги замонда "қаҳрамон" деб қиличи бор инсонни эмас, балки виждони бор инсонни ҳақиқий "қаҳрамон" деса ярашади.

Баъзи инсонлар ҳаётимизда ҳудди сониялардек, баъзилари эса ҳудди дақиқалардек, яна бошқалари эса ҳудди бир умрдек гап. Уларни фақат ўлимгина  хотираларимиздан ўчира олади...

Кўринишинг билан фахрланма. Чунки уни сен яратмагансан. Насабинг билан ҳам фахрланма. Чунки уни сен танламагансан. Лекин ахлоқинг билан фахрлан. Чунки унга зийнатни "СЕН" бергансан...

Биров сенга ахлоқсиз гаплари билан қўполлик қилса, ғазабланма. Балки жилмай. Чунки у ўзининг феъл атворини сенга намоён этибди. 

Бахт бу - биз эга бўлмаган нарсага эришишимиз эмас, балки биз эга бўлган нарсамизнинг қийматини билишимиз, тшуниб етишимиз БАХТдир.


«Ҳикматлар саодатга етаклар » китобидан

@piskenthayoti

#шеърият

Омон Мухтор

Ўзимча бир аср яшашга шайман
Ва лекин эмасман
ҳаким ё ҳакам –
Мен яхши билмайман. Аниқ, яшайман
Худо буюргандан
на кўп ва на кам.

Албатта, бандага хос бўлган ҳолат –
Ҳаётга муҳаббат.
Ҳаётдан мастлик.
Шу боис, кўнгилга солар малолат
Гоҳида ортиқча
қисматпарастлик.

Аммо ким қутулган қочиб қисматдан?
Бу гаплар “ку-ку”дек,
биз бир қумримиз.
Не бўлсин, элингга қилган хизматдан –
Тўқилиши керак
бизнинг умримиз.

@piskenthayoti

Фақат яроқ билан асралмас Ватан,
Қароғу - кўз билан асрамоқ керак!
Шаънига муносиб топиб айтилган,
Инжа бир сўз билан асрамоқ керак!

Фақат жанггоҳларда асралмас Ватан,
Тингла юрт юрагин, оҳу - титроғин.
Ёвлар ололмагай, Кубро мисоли,
Маҳкам тутиб турсанг қўлда байроғин!

Ўлмасбек Самарқандий.
@piskenthayoti

📣📣ДИҚҚАТ, ЭЪЛОН!📣📣

📌📌Қадрли муштарийлар ва каналимиз кузатувчилари!

📰📰Қадрдон газетангиз "Piskent hayoti" га 2025 йилги обуна мавсуми давом этади!!
🏃‍♂️🏃‍♂️Шошилинг, бу - бизнинг, ўзимизнинг газетамиз. Унда сизга таниш инсонлар👧👨, уларнинг, улар амалга ошираётган, улкан бунёдкорлик ишлари🌇🏙, эзгу ва савоб амаллари, туманимиз ҳаётида содир бўлаётган. воқеалар, давлатимиз томонидан олиб борилаётган, сиёсат, улкан бунёдкорлик ишлари ҳақидаги маълумотлардан бохабар бўласиз. 📰📰Улар ўчиб кетмайди. Эртага тарих зарварақларидан жой олиб, мангуликка муҳрланади.

💰💰Газетамизнинг баҳоси 250 минг сўм.

📌📌Ҳурмат билан "Piskent hayoti" газетаси таҳририяти ва расмий канали.


Ҳ/Р: 20210000900133192001
ИНН: 200449297 МФО: 00472
Пискент Агробанк АТБ.🏫🏫

@piskenthayoti

Шавкат Мирзиёев журналист ва блогерлар жамиятни ҳам, амалдорларни ҳам тарбиялаётгани ҳақида гапирди

“Ижро органи раҳбари бирон қарор қабул қилишдан олдин илгари ҳеч нарса ўқимасди, ҳозир камида 10 марта ўқийди. Журналистлар менга қандай баҳо беради, блогерлар нима дейди, деган саволларни ўзига беряпти.

ОАВ вакиллари ислоҳотларимизга жуда катта ижобий таъсирини кўрсатяпти”, — деди Шавкат Мирзиёев.


@piskenthayoti