Қуш уясида кўрганини қилади.

Кечаси она болаларига дарс тайёрлашда ёрдам беришга чоғланди. Аввало, уларга халақит бермаслик учун тўрт ёшли ўғлини нима биландир машғул қилиш мақсадида қўлига қалам ва оқ қоғоз берди. Сўнг қолганларига хотиржам ёрдамлашмоқчи эдиҳамки, қайнотасига кечки овқатини бермагани хаёлига келди.  
Қайнота ховли чеккароғида жойлашган бир хонада яшар, касаллиги туфайли ташқарига камроқ чиқарди. Аёл имкон қадар қайнотасининг хизматини қилар, эри ҳам унинг хизматидан рози эди. Аёл ўрнидан туриб, отанинг кечки овқатини олиб бориб берди ва бирор эҳтиёжи бўлса чақириши мумкинлигини айтиб болалари олдига қайтди. Кичкина ўғлини қизиқиш билан нималарнидир чизаётганини кўриб:
Нима чиздинг, – дея эркалатиб сўради.
Ўғли онасининг гапига жавобан қўлидаги қоғозни кўрсатди. Қоғоз юмалоқ, тўртбурчак шакллар билан тўла эди.
Она:
Бу нима, – деди.
Бола: – Катта бўсам мен ўзим яшайдиган уй хоналарини чиздим, – деди. Кейин ҳар бир шаклни “Бу ошхона, у ерда овқатланаман, буниси ётоқхона, у ерда ухлайман, буниси меҳмонхона...”, дея бир-бирига туташ бўлган шаклларни бирма-бир тушунтира кетди. Она қоғознинг чеккасида, бошқаларидан алоҳида ва кичик қилиб чизилган шаклни кўриб “Бу қандай хона, нега уни бошқа хоналардан ажратиб, алоҳида  қилиб қўйдинг”, деди. Бола “У хона сизники, у ерда сиз бобомдек катта бўлганизда яшайсиз”, деди. Бу гап онанинг қулоғига чақмоқдек урилди, қалбини ларзага солди.
Эртаси куни биринчи қиладиган иши меҳмонлар учун безатилган хонага қайнотасини кўчириб ўтказиш бўлди. Кечки пайт келган эри бу ҳолни кўриб, хотинидан ҳайратланиб, нима гаплигини сўради. Хотини “Қариганимизда ўзимизга яшаш учун жой ҳозирлаяпман”, деди. Эр гап нимадалигини тушуниб, мамнуният билан кулиб қўйди.

@piskenthayoti

БЕМИННАТ ЯХШИЛИК

Охирга вақтларда фарзандлар отасига ёки онасига мошина совға қилишиб, буни ижтимоий тармоқларда эълон қилиши урф бўлди. Албатта, ота-она ҳар қандай эъзоз ва эҳтиромга лойиқ. Лекин, берган совғасини ижтимоий тармоқда эълон қилиш кўпинча, мақтаниш ва риёкорликка сабаб бўлиб қолади.
Шу ўринда ҳақли бир савол туғилади, ўғлига мошина олиб бераётган оталар йўқми?! Бор албатта, отасига мошина олиб берган ўғиллардан кўра кўпроқ ҳам.

Аммо, мошинанинг рақами ўрнида ЎҒЛИМГА деган ёзувга ҳеч кўзимиз тушганми? Шахсан мен кўрмаганман, бўлса бордир, лекин жуда кам.
Нима учун шундай, биласизми?
Чунки, оталарнинг фарзандларига бериши миннатсиз ва холис бўлади. Улар мақтанишни билмайдилар, улар кўз кўз қилмайдилар…
Оталар фарзандларига ана шундай БЕМИННАТ ЯХШИЛИК қиладилар.

Абдулвосит Нусратиллаев

@piskenthayoti

ХАЙРЛИ ТУН

Баъзи инсонлар ҳаётидаги барча қарорларни атрофдагиларнинг мамнуниятини топиш учун қабул қилади. Бу ўз-ўзини аста-секин ҳалок қилишга олиб келади.
Сизни тушунмайдиганлар борлигини қабул қилинг. Бу ҳаётнинг ҳақиқати. Ҳамма ҳам сизни тушунмайди, ҳамма ҳам сизни севмайди — ва бу нормал ҳолат. Сизни тушунадиган ва қўллаб-қувватлайдиган одамлар сиз учун кифоя.
“Барчага яхши кўринишни иложи йўқ” деган гап — бу заифлик эмас, аксинча, ақлли инсоннинг ҳаётга бўлган реал қарашидир. Ўз йўлида собит бўлганларгина ҳаётда қийматли из қолдиради. Сизни кимлардир ёқтирмади деб ўзгариш шарт эмас. Ўзлигингизни йўқотмасдан, руҳан соғлом, ички тинчликда ва тиниқ мақсадлар билан яшанг.

@piskenthayoti

АССАЛОМ АЛАЙКУМ
ХАЙРЛИ ТОНГ

Қушлар....Жаннатнинг даракчи лари. Мунчоқдек беғубор кўзчалари, жажжи вужуди, хуркак нигоҳи, жонсарак харакатлари , атлас каби ранг- баранг патлари- ҳамма - ҳаммасида ажиб бир гўзалликни кўрамиз.
Фариштамонанд, кучсиз, химоясиз, гулларга,чаманларга,гўзалликка ошуфта бу жонзотларга қараб беихтиёр мехринг товланади.
Уларни кафтларинг орасига олиб иситгинг, жажжи вужудини юзларингга босгинг келади.
Уларга боқар экансан,"Агар мана шу митти, гўзал жонзотлар бўлмаганида дунё нақадар ғариб ва бенаво бўлиб қолар эди"- деган ўйлар ҳаёлимиздан ўтади.
Қушларнинг, Яратганнинг беназир яратмиши бўлган сайроқи жонзотларнинг борлиги, бизга бераётган завқ- шавқи учун шукрона келтирасан....

@piskenthayoti

Мана шу видеони кўринг, дилбар ва жонбахш қўшиғини тингланг.
Шунда бу дунёнинг ўзи бир мўъжиза эканлигига ишонасиз.Шундай эмасми?
@piskenthayoti

Қулупнай мавсуми авжига чиққан хозирги кунда ундан мураббо тайёрлаш ҳам асосий юмушларимиздан биридир.
Лекин ҳамма ҳам чиройли, қип- қизил, тиниқ рангдаги мураббо тайёрлай олмайди.
Мана бу видеода Қулупнай мураббосини тайёрлаш бутун жараёни билан кўрсатиб қўйилган

@piskenthayoti

#шеърият

Малика Тавфиқ


Бу шеър роса 7 ёшга тўлибди! Қизиқ, шеърнинг умри қанча экин...

Деразадан термулар маҳзун,
Ҳаёлларга ошифта буткул,
Осмонга бўй чўзолмас нечун,
Тувакчада яшаётган гул.

Қучоқлайди аста авайлаб,
Зайифгина ғунчаларини,
Соғинади тушига кирган,
Капалаклакнинг бўсаларини.

Қани эди у ҳам гул бўлиб,
Эркаланса шамол қўйнида,
Тонглар шудринг доначалари,
Дурдек тизилсалар бўйнида.

Ёмғир силаб япроқларини,
Камалакни кўрса бир бора,
Қушлар қанот титроқларини,
Ҳисқилолмай шўрлик оввора.

Қанча ифор,қанча ишқ пинҳон,
Миттигина юракчасида,
Ўзи гуллаб,ўзи тўкилар,
Ўша елим тувакчасида.

Қани эди у ҳам кун келиб,
Татиб кўрса қишнинг қаҳрини,
Сўнг минг рози тувакка эмас,
Она ерга берса бағрини.

Кундан кунга ранги зафарон,
Торлик қилиб бормоқда тувак,
Нолишига етгин Ҳудожон,
У Ватанга қайтмоғи керак!

@piskenthayoti

Фақат яроқ билан асралмас Ватан,
Қароғу - кўз билан асрамоқ керак!
Шаънига муносиб топиб айтилган,
Инжа бир сўз билан асрамоқ керак!

Фақат жанггоҳларда асралмас Ватан,
Тингла юрт юрагин, оҳу - титроғин.
Ёвлар ололмагай, Кубро мисоли,
Маҳкам тутиб турсанг қўлда байроғин!

Ўлмасбек Самарқандий.
@piskenthayoti

Шавкат Мирзиёев

Бугун жамият ҳаётининг барча жабҳаларида очиқлик ва шаффофлик таъминланмоқда. Замон тез ривожланмоқда, халқимизнинг дунёқараши ўзгармоқда.
Бу борада айниқса, оммавий ахборот воситалари катта роль ўйнамоқда. Улар ҳаётий муҳим масалаларга эътиборимизни қаратиб, муаммоларни ҳал этишда бизга кўмаклашмоқдалар.
Демократик жамиятнинг асосий талабларидан бири ҳам шу.
Шуни эсдан чиқармайлик, матбуотни фаолиятимизни акс эттирувчи кўзгу деб билишимиз керак. Афсуски, кўп йиллар давомида биз ана шу кўзгуга қарашни ўзимизга эп кўрмадик.
Оқибатда ҳақиқий қиёфамизни кўролмай қолдик. Халқимизга очиқ-ойдин маълум бўлиб турган айбу нуқсонларимизни тан олмасдан, “мен ҳаммадан зўрман” деб ўзимизга бино қўйиб, кеккайиб юравердик. “Юзинг қийшиқ бўлса, ойнадан ўпкалама” деган доно мақолни буткул унутиб қўйдик.
Йиллар давомида жамиятимизда қанчадан-қанча иллатларнинг томир отиши, муаммоларнинг йиғилиб қолишининг асосий сабабларидан бири ҳам шу бўлгани, айни ҳақиқат.
Мен бу гапларни нима учун айтаётганимни ҳаммангиз яхши тушуниб турибсиз. Бугун барча бўғиндаги раҳбарларнинг жамоатчилик билан, айниқса оммавий ахборот воситалари билан муомала маданияти ҳар қачонгидан ҳам муҳим масалага айланди.
Айрим ҳолларда раҳбарлар томонидан танқидни қабул қила билмаслик, нима қилиб бўлса-да, уни тан олмасликка бўлаётган уринишларда ҳам кўзга ташланмоқда.
Афсуски, баъзи раҳбарлар халқ билан, матбуотчилар билан мулоқотда оддий муомала маданиятини, маънавиятни унутиб қўйишмоқда. Улар томонидан қилинган мурожаатларга ўз вақтида, холис жавоб берилмаслиги ҳам ҳақли эътирозларга сабаб бўлаяпти.
Ўзингиз гувоҳ бўлиб турибсиз, деярли ҳар куни ижтимоий тармоқларда қайсидир раҳбарнинг фаолияти билан боғлиқ шов-шувли хабар тарқалаяпти. Уларда берилаётган танқидий материалларга ўз вақтида холис, асосли муносабат билдирилмаётгани оқибатида одамлар орасида ҳар хил фикрлар, баҳс-мунозаралар юзага келмоқда.
Энг ачинарлиси, баъзи раҳбарлар жамоатчилик ўртасида турли зиддиятларга сабаб бўлиши мумкин бўлган бундай ҳолатларнинг олдини олиш ўрнига, кибру ҳавога берилиш, ўзига бино қўйиш билан масалани янада чигаллаштирмоқда.
@piskenthayoti

#якшанба мутолааси

РАХБАРЛИК ХАВАС ЭМАС, САНЪАТДИР

Рахбарлик фақат маъмурий лавозим эмас, балки катта масъулият ва санъат ҳамдир.
Шунинг учун жамоани бошқарадиган рахбар интеллектуал салохият , юксак маънавият ва маърифат эгаси бўлиш билан бирга ҳақиқий иқтидор эгаси бўлиши , одамлар , жамоаси орасида ҳурмат –эътибор қозонган, бошқаларни ортидан эргаштира оладиган , алохида хусусиятга эга инсон бўлиши керак.
Чунки ташкилот рахбарлигига муносиб бўлмаган кишилар келар экан,ахвол яхши томонга ўзгариш ўрнига,муаммолар ортиб бораверади.
Ҳақиқий рахбар бўлиш учун унинг қаерларда қандай ишлаганини тасдиқловчи резьюмеси эмас,ҳақиқий рахбардан талаб қилинадиган фазилатлари устувор бўлганидагина у ҳақиқий рахбарга айланади.
Пискентликлар Комилжон Салимов деган хокимни жуда яхши танишади ва хозиргача ҳурмат қилишади деб ўйлайман.
Чунки Комилжон Салимов нихоятда камтар, маданиятли инсон бўлиб, ҳеч кимга овозини кўтариб гапирмас, сўкиб ҳақорат қилмас, ҳамма нарсани тўғриликча, босиқлик билан тушунтиришга харакат қилгани учун калтак еб, сўкиш эшитиб ишлашни яхши кўрадиган баъзи рахбарлар хокимдаги ушбу инсоний фазилатларни суистеъмол қилар, бундан фойдаланишга харакат қилишар, ўзибўларчилик, бемалолгарчилик кайфиятига берилишар эди.
Пахта йиғим –теримига яқин қолган кунларнинг бирида вилоят хокими туманимизда пахта йиғ м-теримига тайёргарлик бўйича фермерларни йиғиб гаплашадиган бўлгани учун йиғилиш Хазрат Нуров фермер хўжалигининг дала шийпонида ўтказиладиган бўлиб, йиғилиш бўладиган куни белгиланган вақтда ҳаммамиз ўша ерга бордик.
Йиғилиш ўтказилиши белгиланган вақтда дала шийпонига етиб келган вилоят хокими бор-йўғи 30-40 нафар одам йиғилганини кўриб қаттиқ асабийлашди ва Комилжон Салимовга”Сизни инсон сифатида ҳурмат қилмаганимда шу ернинг ўзида аризангизни олган бўлар эдим, нима сабабдан шундай бўлганини билмайман, лекин эртага шу вақтда барча фермерлар шу ерда бўлмаса асло кечирмайман”,-деб жўнаб кетган эди.
Ўша куни хоким барча рахбарларни йиғиб , жуда таъсирли гаплар айтган ва орготделнинг бошлиғига эмас, менга топшириқ бериб,”Опа,эртага соат 15.00 да барча фермерлар ва мутасадди рахбарлар ҳамда отряд бошлиқларини ўша ерга-Хазрат Нуров шийпонига йиғасиз"- деб топшириқ берди ва”Опа, мен сизга ишонаман, кўраяпман, туманда ҳурматингиз жуда баланд, ҳурмати бор одамнинг айтганини қилишади”-деди.
Хокимнинг гапларидан қувонсам ҳам, юрагимда хадик ва хавотир уйғониб,”Мен маънавият бўлимининг рахбари бўлсам, йиғилиш пахта масаласида бўлса, қандай бўлар экан”,-деган хавотир билан хабарни бошладим.
Эртаси куни эрталабдан фермер хўжалигининг дала шийпонига бориб, йиғилишга тайёргарлик кўра бошладим.
Ўша куни соат иккига яқинлашмай туриб фермерлар гурра –гурра бўлиб кела бошлашгани кўриб жуда хурсанд бўлдим ва ҳокимга қўнғироқ қилиб одамлар йиғилганини, йиғилишга келганларнинг азбаройи кўплигидан жой етишмаётганини айтганимда хоким жой муаммо бўлмаслигини, бу масалани бир зумда хал қилишини айтди ва шийпонга етиб келиб, барча рахбарларга топшириқ бериб, қўшимча стуллар келтирди.
Вилоят ҳокими етиб келганида шийпонга одам сиғмай кетган, баъзи одамларнинг хатто пахта эгатларига ҳам жойлашиб олишганини кўрган вилоят хокими”Комилжон, кеча буларни қаерга беркитиб қўйган эдингиз”,-дея хазиллашган эди.
Шундай воқеалардан бири туманда ободонлаштриш бўйича хашар ўтказилаётган вақтда ҳам содир бўлиб, бошқа жойларни билмадигу, туман марказида ҳам деярли одам йўқлиги, фақат ободонлаштириш бўлими ходимлари кўчаларни супириб-сидириб юрганини кўрган Комилжон Салимов менга қўнғироқ қилиб”Опа, ё мен хокимликка муносиб эмасман, ёки одамлар шунчалик танбал бўлиб кетишган, сиз шу иш билан шуғулланиб кўрингчи”,-деган эди.

Шундан сўнг мен махалла оқсоқолларига, мутасадди рахбарларга қўнғироқ қилиб, тезлик билан хашарга чиқишларини айтганимдан сўнг кўчалар бир зумда одамлар билан гавжумлашиб, ҳамма ёқ саранжом –саришта холга келитирилганини кўрган хоким”Демак ҳамма айб ўзимизда, атрофимиздаги рахбарларда экан, командани бошқатдан тузиш керакка ўхшайди, мен бўлсам, одамлар мени тан олишмаяпти”,-деб хафа бўлаётган эдим дегани учун, “Ундай эмас, мен одамларга ўзимнинг эмас, сизнинг номингиздан топшириқ бердимда”,-деганимдан сўнг хоким енгил тин олиб, “Опа шундай денг, демак орг отделни ўзгартиришим керак эканда деган эди ва орг отдел бошлиғи ўзгарганидан сўнг хақиқатан ҳам ишлар яхши томонга ўзгариб, тартиб-интизом масаласида бошқа муаммо бўлмаган эди.
Буларни ёзишимдан мақсад, агар рахбарларнинг ёнида ишонган, уни қўллаб-қувватлайдиган, хар доим туриб бера оладиган ходимлари бўлмас экан, барча оғирлик рахбарнинг ўзига тушиб, ишлари олдинга силжиши қийин бўлади.
Шунинг учун кадрлар масаласига доимо жиддий эътибор беришимиз, уларни танлашда адашмаслигимиз, шахсий садоқат кўрсатадиган, тасодифий кимсалар эмас, ишимизда елкадош бўладиган,билимли, қатъиятли, тажрибали, интизомли кадрларнигина рахбарлик лавозимларига қўйишимиз зарур.
Шундагина ишимизда ютуқ ва муваффақиятларга эришаверамиз.

Башорат Сатторова

#piskenthayoti