هذا السؤال يكول اكو محلول يحتوي 10 ملغرام ب 100 مل من K يريد هذا التركيز نفسة بس بالملي اكوفلنت باللتر
mEq/L

هسه احنه خل نطلع الملي اكوفلنت عود بعدين نقارنها ونحولها باللتر

منطينه كتلة وكتلة مولية والفالنس مال K هو واحد
نطبق قانون الملي اكوفلنت تطلعلنه 0.256
بس هاي ب100 مل هو رايد ب لتر يعني 1000 مل ف نسوي نسبة وتناسب

0.256=100
×=1000

تطلع 2.56 mEq/L

يعني حولنه الملغرامات ب 100 مل الى ملي اكوفلنت ب لتر
💙☻

السؤال الوراه مال كالسيوم نفس الفكرة بالضبط

هذا السؤال يكول نسبة المغنيسيوم بالبلازما هيه 2.5 mEq/L

يريد هذا التركيز بالملغرامات
حلو ما ذاكر حجم يعني يبقه نفس الحجم الي هو لتر بقت الملي اكوفلنت نحولها ملغرام

عدنه الملي اكوفلنت 2.5 و الكتلة المولية ينطيها الي هيه 24
والفالنس نحسبة
1×2=2

نطبق القانون ونطلع ملغرامات تطلع 30 mg/L

طبعا اذا تنتبهون كاتب يم المغنيسيوم ++ تكدرون تستفادون منها تعرفون التاكسد اذا نسيتوا ثنين زائد يعني 2

طبعا هاي اذا عافها الدكتور بالاسئلة ما حذفهن😂😂

هذا السؤال يريد الملي اكوفلنت مال كلوريد البوتاسيوم KCl ب 15 مل من 10% من هذا المحلول


اول شي نحتاج الكتلة مال كلوريد البوتاسيوم لان منطينه 10 غرام ب100 مل والحجم مالتنه 15 ف نسوي نسبة وتناسب
10=100
X=15

X=1.5 g
بس نتذكر انو القانون مالتنه يريد ملغرامات ف
1.5×1000=1500mg

هسه نطبق القانون عدنه كتلة وكتلة مولية ينطيها الي هيه 74.5 والفالنس نحسبة
1×1=1
نطبق القانون تطلعلنه الملي اكوفلنت 20.1 mEq

هنا طالب الملي اكوفلنت بس ننتبه منطي الكتلة بالغرامات فنحولها للملغرام تصير 1000 ملغرام
نطبق القانون عدنه كتلة وكتلة مولية والفالنس
1×2=2

تطلع الملي اكوفلنت 16.7 mEq

هنا عدنه وصفة وطالب عدد الملي اكوفلنت مال Na ب 30 مل من الوصفة كلها ماشي
بس وين المشكلة المشكلة انو المادتين بيهن صوديوم ف شنسوي 🤔 نطلع الملي اكوفلنت بالمادة الاولى وبالمادة الثانية وبالاخير نجمعهن


بس بالبداية ننتبه انو حجم الطالبة 30 مل وحجم الوصفة 100 مل فل لازم نطلع كتل المادتين
اول مادة
18=100
×=30

=5.4 g
نحولة ملغرام يصير 5400

المادة الثانية
48=100
×=30

×=14.4 g
نحوله ملغرام يصير 14400


طلعنه كتل وعدنه كتل مولية بقت الفالنس هنا لازم ينطيكم الصيغة مال مواد ومنها تحسبون الفالنس
المادة الاولى Na2HPO4.7H2O
المادة الثانية NaH2PO4.H2O

الفالنس مال مادة اولى 2
مادة ثانية 1

صارت عدنه معطيات كاملة نطبق قانون الملي اكوفلنت للمادة الاولى والمادة الثانية
المادة الاولى يطلع 40.3 mEq
المادة الثانية 104.3 mEq
المجموع
144.6 mEq

هذا السؤال يكول مريض يستلم 2 ملي اكوفلنت لكل كيلوغرام و وزنه 132 lb
وراها يكول كم مليلتر من محلول 0.9% NaCl لازم تنسحب حتى ننطي جرعته

ماشي عدنه 0.9% يعني 0.9 غرام ب 100 مل نحتاج كتلة ثانية حته نقارن ونطلع المليلترات

منين نجيب كتلة ثانية🤔
عدنه ملي اكوفلنت فوك نحولها الى ملغرامات ونحولها الى غرامات

زين عدنه 2 ملي اكوفلنت لكل كيلو و وزنه 132 lb
132÷2.2=60 kg

60 ×2=120 mEq

هاي الملي اكوفلنت مال مريض هسه نحولها الى ملغرامات
عدنه ملي اكوفلنت وكتلة مولية ينطيها( احتمال ما ينطيها يكلك انت حافظها من جابتر 11 😃 هيه 58.5)

والفالنس واحد ف نحسب الملغرامات تطلع 7020 نحولها غرامات تطلع 7.02 غرام
حلو صارت عدنه غرامات نجي نقارنها ب 0.9%

0.9=100
7.02=x

X=780 ml الجواب

يعني لازم يسحبون 780 مل من المحلول حته يعادلون جرعة المريض الي هيه 120 ملي اكوفلنت
💙☻

العنده مشكلة يسالني

تعديل بسيط
شكرا للتنبيه💙

هسه نجي للملي مول والمايكرو مول

الفكرة شنو نحسب المولات ونحولها لليريد
يريد ملي مول نضرب في 1000
يريد مايكرو مول نضرب بمليون 1000000

بس قليلة المسائل الي يطلب مايكرو اغلبهن يطلب ملي

شلون نحسب المولات
بقانونه المشهور الي هو
عدد المولات=كتله على كتلة مولية

ومرات يطلب كتلة ف يصير فقط طرفين وسطين

بس ننتبه انو قانون الكتلة ع الكتلة المولية
ينطينه عدد المولات بوحدة المول
والكتلة لازم بالغرام

مثلا هذا المثال طالب ملي مول
منطي كتلة وكتلة ومولية
نطلع عدد المولات نقسم كتلة على كتلة مولية
100÷138=0.724 mol
بس هو طالب ملي مول ف نضرب ب 1000
0.724 ×1000=724 mmol

هذا المثال طالب ملغرامات بس ننتبه منطينه المولات بوحدة الملي مول وكتلكم فوك القانون مالتنه يريد بوحدة المول ف نحول الملي مول للمول نقسم على 1000 يصير
0.001 mol

وعدنه كتلة مولية هيه 138
نطبق القانون راح يصير طرفين وسطين تنضرب عدد المولات بالكتلة المولية
يطلع 0.138 g مثل ما كتلكم الكتلة بهذا القانون بالغرام
بس هو طالب ملغرام ف نضرب ب 1000
0.138×1000=138mg

هذا السؤال منطينه تراكيز ب ug/ml
ويريد نحولهن لل umol/L

نجي حبه حبه شلون نحول المايكرو غرام الى مايكرو مول بالبداية نحول المايكرو غرام الى غرام نضرب في الف لان هو طالب باللتر ومنطينه بالملي لتر حته نقسم على الكتلة المولية ومطلع مولات وراها نحولها مايكرو مول

اول مادة 0.5 مايكروغرام لكل مليلتر
نحول 0.5 للغرام
0.5×10 اس سالب 6
تطلع 5 في 10 اس سالب 7 هاي غرامات بالملي الواحد هو طالب لتر ف نضرب في الف
يصير 5 في 10 اس سالب 4 هسه هاي لحد هسه غرام نقسمها ع الكتلة المولية الي هيه 467.52 يطلع رقم جبير هذا طلع بالمولات بس هو طالب مايكرو ف نضرب في مليون يطلع 1.07 مايكرومول باللتر


المادة الثانية نفس الخطوات
هيه مايكروغرام نحولها غرام وره ما حولنه نضرب ب 1000 لان هيه بالمل وهو طالب باللتر طلعلته غرامات باللتر نطلع مولات وهاي المولات نضربها بمليون حته نحولها مايكرومول تطلع 4.28 مايكرو مول باللتر

الي ما فهمه كتابة
غلسوا مريض😂

هسه نجي للملي اوزمولز