Олий суд | Расмий канал

Forwarded from Qaraqalpaqstan Respublikası sudları | Rásmiy kanal

1.78K views18:26

Forwarded from Qaraqalpaqstan Respublikası sudları | Rásmiy kanal

1.81K views18:26

Forwarded from Qaraqalpaqstan Respublikası sudları | Rásmiy kanal

ÁDILLIK HÁM MÁRTLIK MEKTEBI: ÚSH ÁWLADTÍ BIRLESTIRGEN IBRATLI USHÍRASÍW

Jámiyettiń rawajlanıwı, onıń ruwxıy kelbeti hám keleshek áwladtıń kámalǵa keliwi, bárinen burın, el-jurt mápi jolında shın kewilden xızmet etken insanlarǵa bolǵan múnásibet penen ólshenedi. Ómirin xalıq xızmetine baǵıshlaǵan, ádillik hám insanıylıq principlerine sadıq qalǵan insanlardı tán alıw - bul tek ǵana húrmet emes, al jámiyettiń óz qádiriyatlarına bolǵan sadıqlıǵın kórsetedi. Bunday insanlardıń miynet hám ómir jolı hámme ushın ibrat mektebi, ásirese, jas áwlad ushın turmıslıq baǵdarlama bolıp xızmet etedi.

Ásirese, ádillikti ornatıwday juwapkershilikli wazıypanı maqtanısh penen atqarıp atırǵan hayal sudyalar - mártlik, erk-ıqrar hám pidayılıq tımsalı sıpatında biziń elimizde ayrıqsha qádirlenedi. Quwanıshlı tárepi, búgingi kúnde sud sistemasında nátiyjeli jumıs alıp barıp atırǵan hayal-qızlardıń qatarı kún sayın artıp, olardıń kásiplik sheberligi hám insanıylıq pazıyletleri keńnen tán alınbaqta.

Sonıń menen birge, ustazlarǵa bolǵan joqarı húrmet, olardıń bay tájiriybesin jaslarǵa úlgi etiwdey iygilikli maqsetke qaratılǵan ruwxıy-aǵartıwshılıq baslamalar izbe-iz dawam ettirilmekte. Bunday iygilikli baslamalar jámiyette qádiriyatlardıń dawamlılıǵın támiyinlep, áwladlar arasında ruwxıy kópir wazıypasın atqaradı.

Mine usınday joqarı maqsetlerdi ózinde jámlegen halda Sudyalar joqarǵı keńesi hám Qaraqalpaqstan Respublikası sudınıń baslaması menen orınlarda sud veteranlarınıń ibratlı ómir jolına baǵıshlanǵan "Úsh áwlad ushırasıwı" sıyaqlı ilajlar turaqlı shólkemlestirilmekte.

Qońırat rayonındaǵı 43-sanlı ulıwma bilim beriw mektebinde ótkerilgen gezektegi ushırasıw usı bilimlendiriw mákemesiniń burınǵı oqıwshısı, ardaqlı sud nuranıyı Arzıbiyke Jánibekovanıń maqtanıshlı hám ibratlı ómir jolına baǵıshlandı.

Ilajda Qaraqalpaqstan Respublikası Konstituciyalıq baqlaw komitetiniń baslıǵı Paraxat Aytniyazov, Qaraqalpaqstan Respublikası sudınıń baslıǵı Kamal Tarixov, sudyalar, nuraniylar, sud veteranları hám jaslar qatnastı.

Ushırasıw dawamında shıǵıp sóylegenler Arzıbiyke Jánibekovanıń kóp jıllıq nátiyjeli miynet jolı, sud sistemasınıń rawajlanıwına qosqan múnásip úlesi hám bay turmıslıq tájiriybesine toqtap ótti. Onıń miynet jolı barlıq sudyalar ushın ibrat mektebi, ómiri bolsa jaslar ushın haqıyqıy úlgi ekeni ayrıqsha atap ótildi.

Ilajda búgingi jas áwladqa ertektey seziletuǵın awır sharayatqa qaramastan tınımsız oqıp, izlengeni nátiyjesinde Arzıbiyke apa eldiń áziz insanına aylanǵanı atap ótildi. Bunnan tısqarı, muǵallimshilik sıyaqlı maqtanıshlı kásip iyelerine ayrıqsha minnetdarshılıq bildirilip, bul mektepten jáne búgingi ilaj qaharmanınday pidayı insanlar jetisip shıǵıwına tilek bildirildi.

Ilaj sheńberinde mektep jámáátine Qaraqalpaqstan Respublikası sudı tárepinen minnetdarshılıq xatı hám estelik sawǵaları, sonday-aq, kitaplar toplamı tapsırıldı.

Sonday-aq, Sudyalar joqarǵı keńesi tárepinen mektepke Arzıbiyke Jánibekovanıń miynet jolı sáwlelendirilgen arnawlı húrmet taxtası tapsırıldı. Bul óz náwbetinde sudyalar jámiyetshiliginiń bul dárgayǵa bolǵan joqarı húrmeti hám keleshek áwladqa bildirilgen isenim belgisi sıpatında ayrıqsha áhmiyetke iye boldı.

Ashıq shın kewilden sáwbetlesiwler dawamında ustazdıń balalıq hám mektep dáwirleri eske alındı. Ilaj mektep oqıwshıları tárepinen tayarlanǵan koncert baǵdarlaması menen jáne de kóterińki ruwxta ótti.

Ushırasıw sońında miymanlar mektep háwlisine sayamanlı terek nállerin egip, bul bilim dárgayınıń abadanlıǵına óz úleslerin qostı.

Sayt |Telegram | Facebook

2.22K views18:27

Олий суд | Расмий канал