#миллат_фидойилари

ОЛИЙ СУДНИНГ ОТИЛГАН РАИСИ

Саъдулла Қосимов 1901 йил Тошкент шаҳрида дунёга келган. 1909 йилдан машҳур муаллим Эшонхўжа Хонийнинг янги усулдаги “Хония” бошланғич мактабида, 1916 йилгача Мунаввар қори Абдурашидхоновнинг “Намуна” мактабида ўқиган. Айни пайтда рус-тузем мактабида ўқиб, рус тили ва замонавий фанларни ҳам ўзлаштирган. 1918-1920 йилларда “Ўзбек педагогика билим юрти”да таҳсил олган. 1919 йил декабрь ойигача ўқитувчи бўлиб ишлаган, 1919 йил апрель ойида Мунаввар қорининг тавсияси билан большевиклар фирқасига кирган. Сўнг Туркфронт сиёсий бўлимига сафарбар этилиб, 1919 йил охиригача Туркфронтнинг мактаб ишлари бўйича инструктори бўлиб ишлаган. 1920-1921 йиллар ҳарбий хизматда бўлган. Ҳарбий хизматдан қайтгач, 1922 йил Эски шаҳар ижроия қўмитасида маориф бўлими раисининг ўринбосари вазифасида ишлаган.

👉 Батафсил

Сайт I Telegram I Facebook I YouTube

Олий суд раиси Бахтиёр Исломов ҳудудларда суд соҳасидаги ислоҳотларни бориши, одил судловни амалга ошириш самарадорлиги ҳамда судларда яратилган шарт-шароитлар билан танишиш мақсадида 1-3 июль кунлари Қорақалпоғистон Республикаси ва Хоразм вилоятига ташриф буюриб, жойларда судлар фаолияти билан яқиндан танишди.

Хусусан, янги қурилган биноларда бўлиб, фуқаролар ҳамда судья ва ходимлар учун яратилган шароитларни кўздан кечирди, шунингдек, жиноят ишлари бўйича Тахиатош туман суди учун қурилаётган бинода бўлиб, суд биноси замонавий ва ҳар томонлама талабга жавоб бериши лозимлиги ҳақида мутассадиларга тегишли тавсиялар берди.

Бундан ташқари, судья ва суд ходимлари билан мулоқотларда одил судлов сифатини яхшилаш, қонун талаблари, меҳнат ва ижро интизомига қатъий амал қилишлари, манфаатлар тўқнашувининг олдини олиш, коррупцияга қарши курашиш борасида тегишли топшириқларни берди.

Сайт I Telegram I Facebook I YouTube

Бугун, 5 июль куни Бош прокуратурада республика идоралараро Кенгашининг навбатдаги йиғилиши бўлиб ўтди.

Йиғилишда Бош прокуратура, Олий Мажлис Қонунчилик палатаси, Олий суд, Давлат хавфсизлик хизмати, Миллий гвардия, Ички ишлар, Камбағалликни қисқартириш ва бандлик, Олий таълим, фан ва инновациялар, Мактабгача ва мактаб таълими, Соғлиқни сақлаш вазирликлари, Марказий банк, Солиқ қўмитаси, Ўзбекистон Маҳаллалари уюшмаси, Ёшлар ишлари агентлиги раҳбарлари ва бошқа масъул ходимлар иштирок этишди.

Йиғилиш кун тартибида Ўзбекистон Республикаси Президенти раҳбарлигида 2023 йил 28 июль куни Фарғона вилояти ҳудудларида ҳуқуқбузарликларни олдини олиш ва жиноятчиликка қарши курашиш ҳолати ҳамда бу борадаги устувор вазифаларга бағишлаб ўтказилган видеоселектор йиғилишининг 23-сонли топшириқлар баёни ижроси аҳволи, йўл қўйилган хато ва камчиликлар муҳокама қилинди.

Йиғилиш давомида “маҳалла еттилиги” томонидан “ижтимоий профилактика” тамойили асосида фаолиятни
янада жадаллаштириш, бу борадаги ишларни мувофиқлаштириш бўйича республика идораларининг масъулиятини кескин ошириш, ҳар бир “қизил” ва “сариқ” тоифали маҳаллалар бўйича манзилли чора-тадбирлар ишлаб чиқиш, реал жиноят ўчоқларида мавжуд куч ва воситалардан самарали фойдаланиш бўйича масъулларга топшириқлар берилиб, ушбу йўналишни назоратга олиш бўйича аниқ талаблар қўйилди.

Тадбир сўнггида ҳудудлар ҳамда республика идора ва вазирликларнинг раҳбарлари, масъул ходимлари
тушунтириш ва ахборотлари эшитилди, йўл қўйилган камчиликлар кўрсатиб ўтилди.

Республика идоралараро кенгаш якунида мавжуд камчиликларни бартараф этиш ва муҳокама
қилинган соҳаларда фаолият самарадорлигини оширишга қаратилган қарор қабул қилинди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook | Veb-sayt