Сендан бошқа кимим бор...
1.66K subscribers
470 photos
402 videos
2 files
1.66K links
Ўзи Бор, Ўзи Бир, Ўзи Ёр.
Download Telegram
Media is too big
VIEW IN TELEGRAM
💎Азиз Хожи биродарим.

🕋Хажларингиз қабул бўлсин,

Ибодатдаги мехнатингиз Икки Олам рохатингиз қилиб қайтарилсин,

☀️Қуёш тиғида сабрларингиз,
Қиёматда бандалар бошига келадиган қуёш тиғларидан тўсиқ бўлсин,

Муқаддас заминда босган ҳар бир қадамларингиз миқдорида Аллоҳ Жаннатдаги даражаларингизни баланд олий қилсин,

🕋Аллоҳни уйида мехмон бўлдингиз,
Аллоҳни Жаннатида абадий мезбон бўлиб қолишингиз насиб бўлсин.

Турли ҳил миллатларни бир жойга фақат бир мақсад йиғди,
бу Аллоҳни мағфирати,

Маккадан фақат
Онадан туғилган кунингиздай пок
қайтиб кетинг.

🕋Яна Қаъбани тавофи, хаётингизда кўплаб бор насиб қилсин.

Аллоҳ Сизга берган неъматига шукрона тарзида,

Қолган умрингиз хақиқий тоатда ўтсин.

Сиз ҳақиқий бахтли бандасиз,

Бу бахтни лаззатини, масиятлар билан кетказиб юборманг.

Сизни Азиз қилган,
Зотни ҳаётингиз давомида Азиз қилиб яшанг.

Аллоҳни сизга берган Улуғ мархаматидан сўнг,
Аллоҳни худудларини сақлаб яшанг,

💎Аллоҳ ва Росулини амри~
Сизни ҳаётингиз бўлсин энди,

🌸Азиз Хожи биродарим.

Хаж сизга хақиқий исломда қандай яшашни ўргатди ,бошқага озор бермасдан ,бошқани хаққини емасдан, номахрамдан кўзингизни сақлашни хаж кунлари берган дарслардан ўргандингиз.
Беш кунлик Хаж тугагунча тилингизни қаттиқ назорат қилиб ,фақат зикр тоатда ўтаяпсиз

Хаётнинг беш кунида хам шундай ўтинг ,жохилликларни унутинг, Исломни гўзал қонунида ,
ўзингиз ахлингиз ва атрофдаги мўъмин биродарларини учун манфаъати кўп тегадиган инсон бўлиб ўтинг.

Макка Мадинадан фақат яхши тасуротларни ватанга олиб кетинг ,
сизни шунча кун ўз бағрига олган Аллохнинг муқаддас шахри хақида салбий таъсуротлар олиб кетиб тарқатманг

🕋 Макка мўъминларнинг ватани ,мўъминлар уйидир.
Ўз уйингизни шаънини хаёт давомида сақлаб ўтинг.
Аллох вахий учун танлаган пок диёрни, ўз чиқиндиларимизга тўлдириб кайтаётганимиз учун Аллохга кўп тавбалар қилиб қайтайлик
Пок диёрни хаж мавсумидан кейин йиғиштириб ,тозалаб кетишга қодир бўлмаган бўлсангиз , хаётда
тилингиз билан уни поклаб ўтишдан ОЖИЗ хам бўлманг

МАККА сизнинг ШАЪНИНГИЗ эканини унутманг
Media is too big
VIEW IN TELEGRAM
#Хайрли_тонг

🌱Ассалому алайкум вароҳматуллоҳи вабарокатуҳ.
Бугунги Чоршанба тонги  муборак бўлсин!


Бугунги бошланаётган янги кунингиз файзли ва барокатли бўлсин! Сиз ва яқинларингизни яхши кайфият тарк этмасин!

Ҳамиша Аллоҳнинг паноҳида бўлинг🤲

Кимнидир яхши кўрсангиз, ўз-ўзидан уни асраб-авайлай бошлайсиз.

Аммо Аллоҳни яхши кўрсангиз, У сизни асраб-авайлай бошлайди! 

Аллоҳим, бизни муҳаббатинг,
Сени суйганлар муҳаббати билан ризқлантир.
Ва барча Сен суюшингга сабаб бўладиган амалларга бизларни яқин қил...

🌹🌹🌹

🕋🕊Омин 🤲🤲🤲

Бугун ҳам асргача такбири ташриқ айтилади.

Аллоҳумма солли васаллим ва барик ала саййидина Муҳаммад.
This media is not supported in your browser
VIEW IN TELEGRAM
‼️ "Бола тинчлансин" деб қўлига телефон тутманг!" Оқибатини кўринг!

Бироз тинчлансин деб қўлига телефон бериб қўясиз. Тўғри, бу вақтни ичида сиз қайсидир ишингизни қилиб оларсиз. Лекин бир неча йиллардан кейин болангиз соғлигида салбий ўзгаришлар бўлса ўзингизни кечироласизми?

https://t.me/nurli_toj
Forwarded from Zebo Ahmad
This media is not supported in your browser
VIEW IN TELEGRAM
Ассалому алейкум ва роҳматуллоҳи ва барокатуҳ азизам Нуртож хожи онам!
Хайрли кун!
Улуғ Хаж сафарингиз муборак бўлсин!
Хожи оналик мақомингиз муборак бўлсин.
Катта Ҳаж сафарида бўлган барча дин биродарларимизга хажлари қабул бўлиб, Роббим Аллоҳ мабрур хаж мақомини берсин, илоҳим.🤲🤲

Бутун Ҳаж сафаридан суҳбатларингизни кузатиб бордим. Машааллоҳ…
Қилган барча тоат-ибодатларингиз, бажарган фарз амалларингиз Роббим Аллоҳ ҳузурида ҳусни мақбул ва қабул бўлсин. Икки дунё саодатига эриштирсин, илоҳим.
Азизам, нур юзлигим, жаннат юзлигим, Нуртожхоним, илоҳим, барча чеккан машаққатларингиз, эл-юрт учун риёзатларингиз бисёр ва бисёр ажри улуғ савоблар бўлиб амал дафтарингизга ёзилсин. Роббим Аллоҳ умрингизга, ризқингизга, илмингизга барака берсин. Узооооқ йиллар дин йўлида, одамийлик йўлида эл-юрт учун хизмат қилишдан чарчаманг, илоҳим. Тани жонингиз соғ, мартабангиз бундан-да улуғ бўлсин.
Сизни Роббим Аллоҳ учун яхши кўраман, азизам. Борингизга шукур.

Аллоҳумма, солли ва саллим ва баарик ъала саййидина Муҳаммад.
Саудия Арабистони Подшоҳлиги статистика бош бошқармаси ҳаж амалларини бажариш учун келган зиёратчилар ададини эълон қилди:

➡️ Зиёратчилар сони бу йил 1 миллион 833 минг 164 нафар кишидан иборат бўлди. 1 миллион 611 минг 310 зиёратчи Подшоҳликдан ташқаридан турли портлар орқали келган бўлса, ички зиёратчилар сони мамлакат фуқаролари ва резидентларни қўшиб ҳисоблаганда, 221 минг 854 нафар кишини ташкил этди.

➡️ Ҳожиларнинг 958 137 нафари эркаклар, 875 027 нафари эса аёллардан иборат бўлди. Зиёратчиларнинг 22,3 фоизи араб мамлакатлари, 63,3 фоизи эса араб давлатларини истисно қилганда, Осиё мамлакатлари ҳиссасига тўғри келди.
Африка давлатларидан келган зиёратчилар араб давлатларини қўшмаганда 11,3 фоизни, Европа давлатлари, Америка, Австралия ва бошқа ерлардан келган зиёратчилар эса 3,2 фоизни ташкил этди.

🔺 Юртимиздан 15 минг 130 нафар фуқаро ҳаж ибодатига муяссар бўлди. Уларга 300 нафар гуруҳ раҳбари, 50 нафар олий тоифали шифокор, ошпазлар, таржимонлар ва бошқа кўмакчилар ҳамроҳлик қилди. Кейинги 7 йилда ҳожиларимиз 60 минг нафарга етди.

➡️ Эслатиб ўтамиз: 23 майдан 7 июнь кунигача юртимизнинг 10 та ҳудудий халқаро аэропортлари: Тошкент, Наманган, Фарғона, Қарши, Термиз, Самарқанд, Бухоро, Навоий, Урганч, Нукус шаҳарлари орқали Мадинага кетган ҳожиларимизни 22 июндан 12 июлга қадар Жидда шаҳридан Ўзбекистонга олиб келиш ишлари амалга оширилади.

😀 Telegram    |  😀Facebook

😀 Instagram  |  📹 YouTube
This media is not supported in your browser
VIEW IN TELEGRAM
#ТЕЗКОР #ВИДЕО_ФАКТ

❗️Ҳаж зиёратида жазирама туфайли 577 киши ҳалок бўлди, ЎЛИКЛАР КЎЧАЛАРДА ЁТИБДИ

Маккада ҳаво ҳарорати деярли 52 даражага етмоқда, қурбонларнинг 323 нафари Миср фуқаролари, 60 нафари эса иорданияликлар ҳисобланади.

👉 @Uzbekistan24 - энг тезкор хабарлар каналига аъзо бўлинг!
Роббим мени чақирди.

Хабар келди,  маҳалла раисидан,  "сиз бу йил ҳажга борасиз, ёздириб келдим".
Йиллар давомида кутдима, дуолар қилиб йиғлаб кутдим,, алҳамдулиллаҳ Роббим мени ҳам бандалари қаторида бу йилги ҳажга меҳмонга чақирибди, ишониб, ишонмай юрдим, йиғилишларга чақирилиб,мед кўриклардан ўтиб, яқинлашавергач, касали тузалавергач яшаш иштиёқи ўйғонган бемор каби, ҳажга боришимга ишончим орта бошлади.
Ҳар кун дуода турдим, дуолар олдим.
Менинг ҳажга келишимга ҳиссаси қўшилган барча яқинларимдан Аллоҳ рози бўлсин!
Кимдир моддий, кимдир маьнавий, қайси бирларингиз эса холис дуолар ила сабаб бўлдингиз омон бўлгурларим!
Борар кунимиз яқинлашиб ниҳоят Новза масжидидамиз.Бизга илми толиблар томонидан ёрдам қилиниб юкларимизни автобусга ортишди, аэропортга етгач бошқа толиблар ёрдамга келган, қўлимизни тегдирмасдан юклар жойланган.
Ҳар бир жойда иззат,  ҳурматни кўрдик.
Ҳар бир жойда самимиятга дуч келдик,  гўзал муомалалар чой,  кофелар, ширинликлар ила сийландик.
Саудия Арабистонига кириб ҳам юкларимиз холис хизматчилар қўлидан ўтди. Уйдан меҳмонхонагача қўлдан қўлга ўтиб келди,  қадамда меҳр, қадамда табассум, эьтибор кўрдик. Барчаларидан Аллоҳ рози бўлсин!
Тайёрага кирар эканмиз;" Ё,  Роббий алҳамдулиллаҳ, Ўзингга шукур, фақат ўтинаман охиргиси бўлмасин" дея ўтиндим, китоб, дуо, ибодат билан Мадинайи мунавварага етдик, оёғимни оғриғи азоб бериб келди, оғриқ босиш учун ёпиштирган пластерлар,  ичилган таблеткаларнинг гўё кучи қолмагандек
Илтижо, тавба, тазарру,  Роббим билан мулоқот давомида Мадинайи Мукаррамага етиб келдик.
Алҳамдулиллаҳ

Аллоҳумма солли васаллим ва барик ала саййидина Муҳаммад.

Сизнинг Нуртожингиз ёзди
https://t.me/nurli_toj
Бетакрор сулув Мадинам.

Роббим субҳаноллоҳи таборака ва таьала меҳмондорчиликнинг олий намунасини кўрсатиб берди.
Ҳар бир меҳмонини қалбини тинглайди оғзидан чиққанини муҳайё этади, ҳатто меҳмон йўлга чиқмаси истаганини муҳайё этади, мен бу неьматни уйимдаги ижобат бўлган дуоларимни, ҳатто оддий сўзим ҳам қабул бўлганлиини ўша пайт англамабман. Маккайи Мукаррамага келгач сезиб қолдим, нима олишим керак бўлса ўша заҳоти ҳозир бўлиши, энди фалон нарса олсам бўлди, деб ўйлашим биланоқ ўша нарсани кимнидир сабаб қилиб етказиши мени ҳайратларга қолдирди, олиб келганлардан баьзан уринганлари учун хафа бўлсам, баьзан булар қаердан билди дейман.
Бу Роббимдан эканлигини, сездим, кўнглимдан ўтказганим ижроси. Хуллас, йўлга чиқдим ҳаяжонда, оғриқларим бор, ёнимда Аллоҳдан бўлак яқиним йўқ, бу оғриқнинг давоси ҳам Ўзида, Шифокорим ҳам Ўзи, таваккулим ҳам фақат Ўзига, мен ният қилдим чақирган Ўзику, ҳолимни билгувчи Ўзи, ёлғизлигим ҳам Ўзига аён, аммо ниятим осмонларча сўрайман изиллаб, бўзлаб, ялиниб: Парвардигорим ҳолим Ўзинга аён хайрлисини бер, нима фойда беради дейишса ўша муолажани олдим, оғриқ тўхтамади, мени чақириб турибсан ўзгалар олдида шарманда қилма, номига тавоф қилмоқчи эмасман, умрим давомида орзу қилдим, йиллар давомида йиғлаб юрдим, ёшим шу ёшга етганда чақириб турибсан, тавоф пайти тўхтаб бўлмайдику, агар оғриқ турса, аҳволим нима бўлади?
Роббим, умрим давомида йиғлаб юриб муродимга етмасам бир умрга армон бўлмайдими менда?
Орзуларимни осмон этган Ўзингсан, Роббим сўрайман Ўзингдан, кенг Салтанатингдан, марҳаматингдан умид қиламан, 18 ёшли куч—қувватни бер, байтинг атрофида фаришталар мисол гир айланиб тавофлар қилай, ҳар бир амалингни жон дил билан адо этай, шунчакимас, юрак—юракдан.
У учун бошимдан оёғимни учигача қувватни, шифони Ўзинг бер, ҳеч бир дори дармон оғриқни тўхтатолмаяпти, уриндим, бўлмади, йўлга чиқдим, неча йилки дуойим шу; 18 ёшлик қувватимни ато эт, фаришталар мисол айланай Сени яхши кўраман, гўзал Мадинангни, Ровзайи Мутоҳҳарангни севаман, Сафо, Марваларинг ораларидаги сайьларга жоним фидо, ўзимни Ўзингга топширдим, бир халта гўшт бўлиб ўтириб қолмай, шифо Ўзингдан, шарманда қилма, армонда қолдирма, дунёдаги бандаларинг ичидаги энг ёмони ўзимман, дангаса, ибодати кам, амали заиф ва ожиз бандангман, ҳатто кимгадир Каьбайи муаззамингни кўрсатмабсан, қўрқиб кетдим, қайсидир бир банданг лаббайкани айтолмай йиғлабдики, Роббим "ла лаббайка" деса қаерга бораман деб. Мажбурлашса айтибдию Сендан қандай жавоб келишидан қўрқиб жони узилибди, мен гуноҳкор банданг ким бўлдим уларнинг хушу, ҳузуси олдида.
Ҳар ишингда минг ҳикмат,Роббим барча камчилик ва нуқсонларим Ўзингга аёндир. Суюкли ҳабибинг умматиман, алҳамдулиллаҳ, ҳурматларидан инобат қил"кечаю кундуз дуойим шу, "Каьбани кўришим билан оғриқни тўхтат!"
Тайёрайи автобусларда ўқиладиган мазкур дуолар ила дилимдан бўзлаб боряпман, на қачон кетишим, на ким ҳамхонам бўлиши мени қизиқтирмади Роббим нимани раво кўрса шу, фақат тезроқ йўлга чиқсам бўлди, қалбим ичидаги бир қуш питирлайди Роббим макони томон, кунларни санаб ўтказдим, мана Мадинайи мукаррама остонасида турибман, дуодан бошқа ҳеч нарсага уринмадим, дуо олдим яхшилардан, иншааллох, алҳамдулиллаҳ етиб келдим, машааллоҳ Ассалому алайкум вараҳматуллоҳи вабарокатух гўзал Мадинам, Пайғамбаримни суйган бағри кенг маскан, сизни яхши кўраман, ҳаволарингизни севаман, ҳуснингизга ошиқман, сизга тўймайман, Пайғамбаримиз соллаллоҳу алайҳи васаллам ҳазратларини туғишганлари сиғдирмаганда ошиқиб кутган муқаддас замин, йўлларига меҳрларини сочиб, етиб келгунларича тепаликларга чиқиб интизор кутган диёр, узоқдан кўринишлари билан қизчалари ўйнаб, куйлаб йўлларига гуллар тўшаб Ҳақ ҳабибининг кўнгилларини олган Мадинам, гўзаллигингиз олдиндан бормиди ёки Ҳақ ҳабиби билан бирга келдими? азизлигингиз олдиндан бормиди менинг суюкли Пайғамбаримнинг муборак ташрифлари ила бошландими?
Алҳамдулиллаҳ, сизга Роббим гўзал қисмат битган, ер юзидаги манаман деган шаҳарлар пойингизга арзимайди.
Файзингиз, нурингиз, виқорингиз ўзгача.
Мадинам сизни таьрифлашга тиллар ожиз, қаламлар сиёҳи етмас, масжиди Набавийга яқинлашдик, бўзламай бўладими, йиғламай бўладими, хижолатдаман муносиб уммат эмаслигимдан, дангаса, ҳиммати пастлигимдан, зикри, шукри камлигимдан аммо Ҳабибингни яхши кўрадиган умматман, номларини тилга олса йиғлайдиган, шу бирга келаётганларнинг ичидаги энг ҳақири, ёмони ўзим эканлигимдан дили озордаман.
Ассалому алайкум вараҳматуллоҳи вабарокатух ё Росулуллоҳ саллоллоҳи алайҳи васаллам мен келдим Аллоҳ сизнинг ҳурматингиздан дуоларим ижобат этсин, илм, амал, тақво, шифо, нур, қурбат ато этсин, ё Росулуллоҳ сизга юртим яхшиларидан беҳисоб саломлар келтирдим, саловатлар дунёларча, барчасини қабул қилинг.Сизни ҳаммамиз яхши кўрамиз, жаннатда қўшнингиз бўлайлик дуо қилинг.
Биби Фотимам розияллоҳу анҳо онажонимиз қаторида кўринг ё Росулуллоҳ...
Бир киши менга "қизғанчиқсиз" ўша феьлингизни ўша ёқларга ташлаб келинг, деди, бу таёқ қалбимга тегди, феьлимни биламан, боримни элга сочгим келади Роббимга аён, лекин кимларнидир назарида шунақа эканман, менинг ҳаққимга дуо қилинг меҳрибоним, ҳар бир умматингизни ранжитадиган феьл, сифатлардан мени қутқарсин, қолган умрим охиригача ризолиги йўлида бўлай...
Дунё ташвишлари, висир—висирларидан тепароқда турай жон омонат, умр ғанимат, ҳар ким ўз қабрига ёлғиз киргай шафоатингизга муҳтожман, тезроқ юкларни ташлаб ҳузурингизга югурай. Умматларингиз ичидаги энг ёмони ўзимман, сиздан хижолатдаман, мана бу яхшиларнинг ҳурматидан Аллоҳим менга ҳам рағбатлар қилсин, сиздаги мақом,мартаба, ҳақиқат, икром ҳурмати дуоларим қабул бўлсин! Амин.
Ниҳоят Замзам пулман меҳмонхнасига етиб келдик, хоналар, ҳамроҳлар тайинланди, шоҳона безалган хоналарга кирдик, ётоқхоналарни баландлигидан ўтиролмайсиз, алоҳида уриниб чиқасиз, тепасига, ошхоналаридаги эьзозга гап йўқ, юкларни ташлаб, таҳорат олиб, Ҳақ ҳабибининг ҳузурларига югурдик, оёғим оғриб турибди аммо таним қуш каби енгил, оёғим ерга тегмаётгандек, енгил пар устида кетяпман, кайфиятим яхши, ва ниҳоят етиб келдим, қалбимда ҳаж амалларини ўйи турган бўлсада пайғамларим сараси, диним қуёши ёнига барча ўй, ғамларни ортга отиб югурдим, чунки бу бахтли лаҳзалар нури уларни суриб юборди, ғуборлар тарқалди, танимда енгиллик, ўзимни идора қилмасам учиб кетадигандекман.
Эртасига ровзаларига кирдик, узоқ дардлашдик, элатларим саломларию саловатларини топширдим, ҳамма соҳада барчани ортида қолдирган ҳатто ҳазрати Умар розияллоҳу анҳуни вафотингиздан кейин ҳам ортингизда қолдирдингиз, дея, йиғлатган ҳазрати Абубакр Сиддиқ розиллоҳу анҳуга, диннинг адолатли амири ҳазрати Умар розияллоҳу анҳуга салом бериб, дуо сўрадим.
Устозим Маҳбубахоннинг ва Ферузахоннинг саломини чорёрлар сардорига топширдим.
Кунимиз, тунимиз мазмун ва сифати кенг қамровли бўлганидан шод эдим.
5,6 уй наридаги
Асал опамни уйигача ҳарсиллаб қолардим, ўпкам оғзимга тиқилгудек бўлиб, сув ичиб дам олиб ўтказардим, ана шу ҳарсиллашдан қўрқардим,бу ерда умуман ҳарсиллаш йўқ,ғам йўқ, ташвиш йўқ, бўқоқ тинч, оғриғи эсимга ҳам келмапти, оғримаса эсламас экансиз қачонки оғриб турса хаёлингиз ўшанда бўлади, алҳамдулиллаҳ биттаси тинчибди ҳарқалай.
Оёғимни эса Каьбани кўришим билан давосини бер деб қўйганман, ният кетган аммо нима бўлиши Аллоҳга маьлум, оғриқ босиладими, босилмайдими менга номаьлум, дуоларим Ҳаққа етсин, Мадинани ҳавоси, файзи, таровати, соябонлари, гўзаллиги ақлимни олган, "Эй, буюк Роббим ҳабибинг ровзасини кўзларим қароғига жойлагил, соғинганда кўзим олдида бўлсин, сафарим охиргиси бўлмасин, аҳлим, оилам, яқинларим, азиз билганларим билан ҳар йил келайлик" бу ҳаммамизинг дуойимиз, ҳар бир пайғамбарини суйган қулнинг орзуси.
То даври Қиёматгача барча зурриёдларимизни ҳабибинг ровзасига меҳмон айла, эй, улуғ Роббим!
Бу шаҳарнинг нурлари юзларимга упа— элик, гарди кўзларимга сурмайи сулаймон.
Келиним сўрайди: Опа крем олдингизми?деб.
—Кремни нима қиламан?
—Сурасиз.
—Кремлар юртига боряпманку, нурларига кўмилай, раҳматларига бурканай, фазлига илинай...
Қурбатларидан улуш олай, сукунатларига сомеь бўлай...
Ҳақиқатдан ҳам сувларида мулойимлик бор, ҳалимлик бор, бўқоқ касаллиги таьсирида қўл териларим қурир эди, бу ерда эса вужудимга нима керак бўлса ҳавосида, иқлимида, табиатида мужассам.
Ўзига беҳисоб шукурлар бўлсинки, бу гўзал масканларнинг иссиғию, илиғи, нозию истиғноси борлиғимга даводир, ҳар бир қатрасини,ҳар бир заррасини, қолдирмай ўзимга сингдириб,вужудимга суриб, қалбимга қориб бормоқдаман

Етказганига шукур, беҳисоб шукурлар бўлсин, таьзимлар, такримлар, эьтиқодлар, эҳтиромлар бўлсин!

Қўлларим дуода, кўзларим намдир,
Сенга айтарларим ашкимда жамдир.
Мужибим, Азимим, Ваҳҳобим, Афвим,
Юзлансам, энг гўзал дам ушбу дамдир! 

Аллоҳумма кама ямбағий ли жалали важҳика вали азими Султоник. 😭😭😭

Аллоҳумма солли васаллим ва барик ала саййидина Муҳаммад.

Салом билан сизнинг Нуртожингиз.
Мадина хотиралари ёзилди.

19 июн, Зулҳижжа 13. 2024 йил, Маккайи Мукаррама.
Соат Макка вақти билан 17- 23

https://t.me/nurli_toj
Лаббай Аллоҳим,  лаббай...

Сафаримизнинг учинчи куни Уҳуд тоғига, Қубо масжидига зиёратга бордик, улар ҳақида сал кейинроқ айтаман, ҳозирги ҳикоя тўртинчи кунги сафар —  Роббим байтига чиқишимиз ҳақидадир.
Ўша туни саҳар бориб бомдоддан сўнг Ровзалар билан, гўзал Мадинам билан хайрлашиб Пайғамбарим саллоллоҳи алайҳи васаллам ҳазратларини таклиф қилган ҳолатда Байтуллоҳга йўлга чиқдик, ювиниб,тараниб,  чарақлаб осмондаги ойлардек тўлишиб,  бахтдан яйраб, қуёш каби чарақлаб меҳмонга чақирган оламлар Роббининг ҳузурига йўл олдик, умра ва ҳаж ҳақида маьлумотлар элликбошимиз томонидан қайта эслатилди.
Зулҳулайфага етгач масжидда икки ракаат намоз ўқиб ортидан ният қилиб бутунлай эҳромга кирдик, ниятдан сўнг лаббайкани айтиб йўлга тушдик.
Талбия,  зикр, истиғфорлар ила етиб бордик.
Иккинчи қаватга рухсат беришди,  Абдулазиз эшигидан кириб бордик, аммо кўнглимиз биринчи қаватни тусайди,  биз меҳмон,  Роббим мезбон буюрган еридан кирамизда, розимиз...
Ерга қараб лаббайкалаб бордигу  Каьбатуллоҳни кўриб қолдик.
Антас салам, минкас салам ва ҳаййана Роббана бис салам...
Дуосини ўқиб шифо сўрадим, байтингни фаришталар мисол айланай, оёғимни оғриқ турадиган қисмидан тангадек жойи худдики қалампирли пластир ёпиштиргандек куйишиб,  қиздира бошлади, биз учун  биринчи қават эшиклари очилиб кетди, қувонч билан пастга эндик,  яшил чироғдан Умра тавофини бошладик, етти бор айландик, қиздириб,куйишиб турган оёқ бир марта ҳам оғримади, Сафо,  Марвага  ўтаётанимизда қизиш ҳам йўқ бўлди,  сен кўр, мен кўр шу кундан буён оғриқдан қутилдим, қушдек учиб юрдим,  бедард, бегард бўлдим, Ўзига шукурлар бўлсин!
Сўраганингизни берадиган, гўзал меҳмон қиладиган, қанча сўрасангиз  зиёдаси билан ато этадиган, Мезбоннинг уйида эдик, Ўзи таклиф қилиб, Ўзи беминнат ато этгувчига беҳисоб ҳамду санолар бўлсин!
Барча жигарлар, дўсту биродарлар,  Аллоҳ йўлидаги қадрдонларни тилакларини етказдик, бизни қандай бедард этган бўлсанг,  уларни ҳам бегарду, бедард этгил,дея ўтиндик.
Исмойил алайҳиссаломдан қолган табаррук Замзамидан бошида туриб тўйгунча ичдик.
Сафо,  Марва тоғларида сайь қилдик, Ҳожар онамни бошидан ўтганлари хаёлимиздан ўтиб йиғладик. Тилимиз зикрда,  қалбимиз Аллоҳ розилигини талабида, хаёлимиз Ҳожар онам яшаган ўтмиш билан банд, биз бемалол айланиб юрган бу салқин йўллардан қуёшнинг қайноқ оташида қоврилиб онажоним ёлғиз ўзи йиғлаб, чанқаб ҳам боласи учун, ҳам ўзи учун сув излаб югурганда бу табаррук заминда иккисидан бошқа зоғ ҳам йўқ эди.
Сув тополмай йиғлаб, Роббимга илтижо қилиб турганида боласи қаттиқ чирқирайдию,  она шўрлик у томон югуради.
Сабрининг мукофоти, ўғлининг шарофати, охир замон пайғамбарининг нури бобарокати туфайли отилиб чиқаётган сувга қараб  жон ҳолатда замзам" яьни "тўхта,тўхта" деб юборади
Чунки сув болачасининг оёғи остидан чиқаётган эди, у ўзи билан овора бўлиб  Марвада туриб зор йиғлаб нола қилаётганида Жабройил алайҳиссалом ерни бир тепиб сув чиқарганди.
Субҳаноллоҳ сўнгги кунлари умидлари ниш урган, муродлари ҳосил бўлажак кунлар бўлди. Сўнги кунларида эл тили билан айтганда кун кўра бошладилар, биринчи кечани қўрқиб ўтказдилар, Аллоҳ кўриб турганини,  паноҳида эканлигини билсалар ҳам барибир бир ожиза аёл инсон наслидан эди, фаришта  эмасди ахир.
Оҳ, шундан буён онажонимни болалари; эркагу аёли, ёшу қариси бу юришни қиладилар, ҳар аёл Ҳожардир дейилди, аммо эркаклар ҳам бу табаррук сайьни бажарадилар, ҳатто пайғамбар соллаллоҳу алайҳи васаллам  ҳам,саҳобалар ҳам бажарганлар,  мушриклар ғийбат қилмасин учун улар олдидан ўзларини тўқ ва тик кўрсатиб полвон юришлар қилган эканлар, лўкиллаб ҳам югурганлар. Бу суннатни эркаклар яшил чироқдан бошлаб шу яшил чироқ тугагунча бажарадилар, биз асри саодатни эслаб йиғлаймиз

. Эҳ,  бу дин боғи осонликча камолга етдими?
Бу диннинг чироғини абадий ёниши учун шафоат кавкаби ва саҳобалар қанчалар сабри бардош қилдилар,
Ҳа икки тоғ орасидаги яшил чироқ мени йиғлатади,  пайғамбар соллаллоҳу алайҳи васалламни эслатади...
Давоми пастда👎
Аммо шу диннинг бугунги битта вакиласи сифатида қиёматгача боқий қолгувчи, таьвили қиёматгача олимларни эсанкиратадиган Қурьон китобининг биринчи муаллими  Раҳматал лил аьламийндан уяламан, кузатиб турганлигини ҳис этган ҳолда ночорлигимдан, дангасалигимдан шикоят қиламан, шафоатларини умид қиламан.
Азизлар!
Яхшиямки сизу бизни Аллоҳ исломда қилди, иймонли ота онадан дунёга келтирди, Каломини танитди, икки дунё саодатини ато этди, гўзал ваьдалар берди, алҳамдулиллаҳ.
Бугунги кунда байтига меҳмонга чақириб ҳаж амалларини мукаммал қилишимиз учун барча ҳожатларимизни сўзсиз ижобат этиши учун бир—биридан гўзал кунлар, гўзал имкониятлар тайин этган буюк Меҳрибонимизга беҳисоб ҳамду санолар бўлсин!
Омин!!!
Аллоҳумма солли васаллим ва барик ала саййидина Муҳаммад.

Нуртож Сайдолим қизи

19 июн, 2024.Зулҳижжа 13 тун. Макка вақти билан соат 23 дан 36 минут ўтди, Алҳамдулиллаҳ, хайрли тун, азиз ўқувчим.

https://t.me/nurli_toj
This media is not supported in your browser
VIEW IN TELEGRAM
🩺Bugun 19-iyun Meditsina hodimlari kuni!

Koʻplab mamlakatlarda bugun jafokash va jonkuyar shifokor hodimlar kuni!

Meditsina sohasida kunni kun, tunni tun demasdan ishlab kelayotgan yurtdoshlarimizni Bayramlari bilan qutlaymiz.


🕋🕊
Кеча англамай қолибман. Узр.Гулнорахон, Шаҳнозахонлар ва барча шифокорлар байрам кунларига тўғри келган байрамингиз муборак бўлсин!
Қилаётган меҳнатингизга ибодат савобини олинг, роҳатини икки дунёда кўринг, бахтимизга бор ва саломат бўлинг азиз шифокорлар!
Ҳаж мавсумида биз билан бирга бўлган беморларга жон куйдириб қараётган барча врачларимиздан ҳам Аллоҳ рози бўлсин, икки дунё саодати ёр, оилавий бахтингиз барқарор, охиратда эса жаннат нақд бўлсин.
Байрам муборак бўлсин!
https://t.me/nurli_toj
Муфти ҳазратларининг бугунги гўзал маьрузалари.
https://t.me/nurli_toj
Ҳарамда дуолар ижобат.

Бир Аллоҳга ошиқ синглим умра сафарига келибдилар, ниҳоятда хурсанд, ниятлари амалга ошган, сингиллари билан тавоф пайти айланаётганда гуруҳларидан узоқлашибдилар, сингиллари "Опа секинроқ айланинг, гуруҳ орқада қолиб кетди, адашиб қолмайлик.", депти.
Суюкли Байтуллоҳига етган ошиқ қалбли опа нима депти денг.
—Адашиблар кетмайманми, интиқ бўлиб келдимку, —депти.
Айтган ҳар қандай сўз ҳам ҳарамда ижобат бўлиб адашиб қолибдилар, сўнг шерикларини топиб олгунча кечгача роса овора бўлибдилар.
https://t.me/nurli_toj
Ассалому алайкум вараҳматуллоҳи вабарокатух хайрли тонг, айём муборак бўлсин қадрдонлар.
Бугунги қутлуғ кунда қилинган дуоларнинг ижобати жаннат, ҳисоб—китоби осон бўлсин илохим.
Бугунги кунларни юзини саловатлар безасин, баракасини берсин, умр дафтаримиз саҳифаларини ҳар қати баракага, омадга, раҳматга, нурга, қурбатга тўлиб тошсин.
Аллоҳ панохида бўлинг азизлар.
Аллоҳумма солли васаллим ва барик ала саййидина Муҳаммад.
https://t.me/nurli_toj
This media is not supported in your browser
VIEW IN TELEGRAM
Униси бор, буниси йўқ.

Бир ожиз банда ҳаёти...
ㅤㅤㅤㅤ
👉 @ibratlik