#قصص_وروايات ✏

#لعبة_القدر⚡️


#الكاتب_يوسف_يحيى

#البارت_الثاني
@novels_stories

ما نشفت دموع الاخوات الثنين طيلة ايام فاتحة اهلهة وخاصة شيلاء لان هي حيل متعلقة بيهم

فليحة : شيلاء انتو بنات ثنين وحدكم ميصير تبقون هنا كلشي يصير فلذلك اني لح اخليكم تعيشون بيتي وياية واني احق وحدة بيكم

شيلاء ما حجت شي بس جانت رافضة الفكرة بس من التعب والحزن مكدرت حتة ترفض

شهلاء : لا عمة شكرا خالتي لح تبقة يمنا
زهراء : اي عيني فليحة اني وحيدي بيتي وما عندي لا ولد ولا تلد كتلهن اخذهن بيتي بس هنة ما قبلن فلذلك ابقة يمهن الى ان يقتنعن يجن يمي

فليحة : شنو عيني ليش ترة هنة بنات اخوية مو اخوج

شيلاء : بس كافي بس عوفينا بحالنا

@novels_stories
وبقت زهراء وية بنات اختهة وجانت كلش حنونة وطيبة وياهن

فليحة ضاجت اكيد لان هي جانت مخططة انو تاخذ شيلاء وشهلاء وتبيع بيت ابوهن وتاخذ ذهب امهن . بس مستسلمت
ضلت تفكر وتفكر الى ان لكت فكرة وقررت انو تدز ابن اختهة (رامي )
مديحة الي جان اختصاص بوك وايدة خفيفة بالبوك والعياذ بالله
حتة يبوك ذهب حوراء (ام شيلاء )
لان ام شيلاء جان عدها كومة ذهب
واغلبة جان من ام زوجهة (بيبية شيلاء)
لان ام زياد الي هي ام فليحة جانت تعرف انو فليحة خبيثة وتكره حوراء وجانت حوراء تخدمهة وتعاونهة وقبل متموت انطتهة كل ذهبهة ومن ذاك اليوم فليحة حقدت على حوراء
@novels_stories


#يتبع

#قصص_وروايات ✏

#لعبة_القدر⚡️

#البارت_الثالث

@novels_stories
فليحة راحت بحجة انو دتتطمن على شيلاء وشهلاء لبيت اخوهة زياد
وطبت بغرفتة بحجة انو تريد تشم ريحة اخوها

فليحة : اريد اشم ريحة اخوية حبيبي

وراحت للغرفة وسألت شهلاء (الثولة😂) امج عدها ذهب مو

شهلاء : اي عدها😏

فليحة : ايي هذا كلة صار الج اخذي وضمي يمج لان انتي اكثر وحدة تستحقينة وديري بالج علي لينباك

شهلاء :😅هاا لا هو مضموم بمخدة وحاطينهة بالكنتور محد يكدر يبوكهة
لان المفتاح مال الكنتور مظموم

فليحة : وين مظموم
شهلاء : وانتي شعليج😏
فليحة : شوشة حبيبتي اهلج جانو كلة يهتمون بشيلاء ويحبوهة ويدللونهة اكثر منج . وامج كلتلي انو هي اذا ماتت لازم انطي ذهبها الج
شهلاء : صددك😳😍
فليحة : ايي حبيبتي يلة عود اخذي وضمي بغرفتج لتروح هاي خالتج تاخذ منة
شهلاء : ايي لح اخذة واضمة جوة الجرباية مالتي 😆
زهراء طبت للغرفة : شتاخذ خالتهة
فليحة : داكللهة انو لح احجي وية خلتج بلكت تاخذجن تونسجن توديجن لمدينة الالعاب للمول
زهراء :الله كريم ان شاء الله بدون متكليلي
فليحة : ايي ايي يلة اني استأذن
بعد ما راحت فليحة...
زهراء : حبيبتي شهلاء ديري بالج منهة هاي فليحة خوش حبيبتي
شهلاء : ايي خالة
@novels_stories
ثاني يوم ......

بعد ما راحو شيلاء وشهلااء للمدرسة

وطلعت خالتهن دتتسوك
طب رامي الحرامي للبيت بعد ما كسر باب البيتونة ودخل للغرفة الي وصفتعة الها فليحة
واثاني ما هو طب للغرفة زهراء جانت جاية من جان ديحاول يفتح الباب وحاسة بصوت غريب واثناء مدتصعد وطلع هو دفعها وكعت عالدرج على راسها

بعد من رجعت شيلاء وشهلاء طبن
جان يلكن خالتهن متمددة عالدرج والدم عالدرج جان تعيط شيلاء والتمو الجيران
@novels_stories
#يتبع

#قصص_وروايات ✏

#لعبة_القدر⚡️


#البارت_الرابع

@novels_stories
بعد ما توفت زهراء (خالة شيلاء)
شيلاء حست انو كلشي بحياتهة انهدم وانو اخر امل الهة بهاي الحياة راح
...
#قصص_وروايات
بعد ما حققو عرفو انو اكو كرامي دخل للبيت وباك الذهب وكتل زهراء

فليحة : يبووو يبوووو شنو هل مصايب يربي هاي كلة من ورة حوراء شوف شمسوية بدنياها والذهب باكو لان اخذت حقي وحق اختي مديحة حسبي الله ونعم الوكيل
@novels_stories
....
وما جان عد شيلاء وشهلاء غير انو يسكنون عد عمتهم فليحة
.....
شيلاء جانت باول شهر عبارة عن جسد بلا روح وتركت المدرسة اسبوعين
........
@novels_stories
#يـتـبـع

#قصص_وروايات ✏

#لعبة_القدر ⚡️

#الكاتب_يوسف_يحيى

#البارت_الخامس

@novels_stories
شيلاء : الدنيا بالنسبة الي انتهت صرت جثة هامدة بحيث مابية حيل انو احجي

شهلاء : خطية شيلاء بعد دموعها ما يبسن على ابوي اومي انوب اجتي مصيبة خالتي الله ليوفق الي جان السبب

مديحة (عمة شيلاء الثانية ) اخت فليحة
مديحة : هاا شلونها المدهورة بعدها تنوح
فليحة : ايي علساس مقهورة
مديحة : لتصدكين عيوني هاي دموع التماسيح
@novels_stories
نزلت شهلاء عليهن
شهلاء : اتقو الله البنية صارلهة سبوع كلشي مدتاكل ودموعها تجري شنو انتو من بشر

فليحة : والله وطلعلج السان يبنت حوراء

شهلاء : علاقل كولي الله يرحمها
فليحة : شيرحم منها لفطت ذهب امي كلة وما تهنت بي لا بحياتهة ولا بمماتهة هههاي
شهلاء : حسبي الله ونعم الوكيل
شهلاء : شيلاء امشي كومي دنرجع لبيتنا حبيبتي كومي الله يخليج شيلاء شيلااااء .. الحكولي شيلاء مدتحجي
..........
@novels_stories
اخذو شيلاء للمستشفى
الدكتور : البنية صاير عدها جفاف حاد بسبب سوء التغذية
شهلاء : اي دكتور صارلها سبوع متاكل شي
الدكتور : علكنالها مغذي ولازم ترجع وتاكل زين حتى لو تجيروهة لان مو زين هيج تبقى
فليحة : ايي ان شاء الله دكتور نوكلها غصب
شيلاء : فتحت عيوني بس اني مو بيت عمتي فليحة اني وين معقولة جان كل الي شفتة حلم معقولة معقولة امي وابوي وخالتي بعدهم عايشين

شيلاء : ماماا ماماا
شهلااء : حبيبتي امج 😭😭ماتت
شيلاء : يعني اني مجنت احلم 😢 ليش يربي ديصير كل هذا بية والله ما استاهل كل الي ديصير بية
@novels_stories
#يـتـبـع

#قصص_وروايات ✏

#لعبة_القدر ⚡️

#البارت_السادس
@novels_stories

بعد سبوع ...

تحسنت شيلاء وغصبا عنها كامت تنظف وتساعد عمتها ورجعت لمدرستهة وكل مدرساتها سلوئها عن حالتها واسوها وتعاطفو وياها

جيدأء : حبيبتي شيلاء الي صار كلة بارادة الله وكلة مكتوبلج ولازم ترضين وتحمدين ربج عسى القادم اجمل

شيلاء : الحمد لله على كل حال

جيداء : اي هاي شيلاء القوية الي اعرفها

شيلاء : تدرين اني ليش عايشة اني عايشة علمود اختي شهلاء لو ما هي جان انتحرت بس اني اخر شخص الها بهاي الدنيا

جيداء : شنو هاي شيلاء شنو انتحر ما انتحر ماريد اسمع هالكلام انوب .
بعدين انتو خوات كل وحدة سند للثانية
........
@novels_stories
بعد مرور شهرين
شيلاء كامت تسوي كلشي بالبيت هي تنظف وتطبخ وتغسل وكلشي كلشي جانت عمتهة معتبرتهة خدامة

بس رغم كلشي شيلاء جانت مو كسولة تحب تشغل وقتهة بشي مفيد

شيلاء ما نست اهلهة جانت كل ليلة تذكرهم وتبجي وتنام

#قصص_وروايات
فليحة كلش مرتاحة خدامة وبلاش والذهب اخذتة وخلت بنت عدتهة خدامتهة شتريد احسن من هيج

.......
بيوم من الايام طلعت فليحة وراحت لاختهة مديحة وجان عدي باقي بالبيت

شيلاء جانت دتطبخ ومتحس غير ايد انمدت عليها

شيلاء : هاي شنو عمو شدسوي هنا

عدي : لا هيج بس اريد هذا شسمة

شيلاء : شنوة شتريد

عدي : اريدج

شيلاء : شنو 😳

عدي : اريدج تمسحين الغرفة مالتنة والجوة الجرباية هم

شيلاء : اوك عمو اكمل البيدي وامسحهة
كملت شيلاء وراحت للغرفة دتمسحهة

شيلاء : بيت جان الكة عمو عدي بس بالباس 😵😣

عدي : هاا يلة امسحي شبيج

شيلاء : حاولت ما اباوع علي بس الصراحة خفت المهم واني دامسح وانظف اجة ولزمني من ورة
اني قاومتة ودست على رجلة وانهزمت للغرفة وقفلت الباب علي

طلعت شيلاء من الحمام وجتي كلتلي شبيج كتلهة ماكو جنت دادورج

شهلاء : جنت داسبح
شيلاء : هاا ايي

......
@novels_stories
شيلاء : كمت كلش اخاف منة ومن تطلع عمتي احاول ما ابقة جوة

وبيوم من الايام جنت دامسح الصالة وكفت جانت يجي ويلزمني ويجرني علي وسد حلكي
اني ماكدر اصيح لان سد حلكي عضيت ايدة وضربتة وانهزمت وركض وراية عيطت بصوت عالي جان ترجع عمتي طلعت بالباب واكفة وي مرية دتحجي وياها ما رايحة جتي وشافتة هيج

شيلاء : عمة هاي للمرة الثانية يجي يلزمني ويحاول

فليحة : اشش لتكملين

عدي : اني جنت دابدل جان تطب علية واني كتلهة عيب يا بنيتي اني بكد ابوج
وكامت تصيح علية
@novels_stories
فليحة : ايا ادبسز يا ما مرباية

شيلاء : اني اهلي ربوني احسن تربية

فليحة : ايي مبينة التربية ونعم التربية

امشي ولي لغرفتج يا ساقطة

شيلاء : اني اشرف من الشرف افتهمتي لو لا وصعدت
........
شيلاء : متت قهر تنميت لو ابوية موجودة جان طيح حظهة تعال شوف يا يابة يكولون على بنتك ساقطة
@novels_stories
#يـتـبـع

#قصص_وروايات ✏

#لعبة_القدر ⚡️

#البارت_السابع
@novels_stories
فليحة : رجلي واعرفة نسونجي ويموت عالنسوان . همزين لحكت وجيت قبل ليطيح الفاس بالراس . لازم اخلص منها قبل ليحطها ضرة فوك راسي

شهلاء : شيلاء استلمت الشهادة
شيلاء : صدك شو داشوف .. ايي عفية بالشاطرة خوش درجات
شهلاء : طالعة على اختي 😊
........
@novels_stories
اليوم الي بعدة

مكالمة هاتفية بين فليحة ومديحة

مديحة : ها ست فلوح شو ما جيتي البارحة

فليحة : من دا اجي عليج بالباب مال بيتنا لكيت ام تحسين جيرانة وضلت تسولف
وما اسمعلج غير صياح المدهورة شيلاء
وجان اطب اركض والكالج عدي مصلخ ويركض ورة شيلاء ..وشيلاء تبجي وتكول هاي ثاني مرة يسوي هيج ويلزمني ويجرني علي

مديحة : عزة بعينج فليحة ايي وخوما صارت مشكلة بيناتكم انتي ورجلج

فليحة : رزلت شيلاء وصيحت عليها واني ادري برجلي عايل عليها

مديحة : ايي احسن

فليحة : بس لازم اخلص من شيلاء ما بقيها بيتي

مديحة : ايي لتروح تلعب بعقلة وتخلي يتزوجها

فليحة : تسويها المدهورة

مديحة : وشنو الحل

فليحة : والله مادري

مديحة : زوجيها

فليحة : ومنو هذا المسودن الي حياخذها
مديحة : ترة البنية حلوة الحجي بيناتنا وعندي جيرانة ابنهة عايش بتركيا ويريد يتزوج من بنية بس كون ما ترجع للعراق تبقى بتركيا

فليحة : هذا عريس توب ليش ميتزوج سندس بنتج

مديحة : الحجي بيناتنا الولد مو طبيعي خبل بي حالة نفسية مدري توحد همة هذولة العائلة كلهم فيوزاتهم طاكة

فليحة : ايي هذا العريس الاريدة
@novels_stories
#يتبع

#قصص_وروايات 🎀

#لعبة_القدر⚡️

#البارت_الثامن
@novels_stories
بعد اسبوع ......

فليحة : شيلاء اليوم العصر حضري نفسج لح يجوج خطابة

شيلاء : شنو بس اني ما ريد اتزوج اريد اكمل دراستي

فليحة : مو هي بكيفج تريدين تبقين هنا محمظة على كلبي

شيلاء : ما سيطرت على دموعي وصعدت للغرفة وضليت ابجي ساعة كاملة ... بعدها عمتي اجتي وشافتني كالت خلال ربع ساعة الكاج مغسلة ومبدلة ومعدلة جهرتج الزفرة

............
فليحة : زارتنا البركة عيني ام كمال نورتي البيت

ام كمال : منور باهلة

كمال : يلة وينها البنية

ام كمال : اصبر يا امي شبيك مستعجل

فليحة : هسة اصيحهة

شيلاء : غسلت وجهي ومشطت شعري وبس بلكت ما يقبلون

فليحة : يلة تعالي

شيلاء : دخلت للاستقبال لكيت مرية مبينة حبابة وكمال مبين غامض ومو طبيعي

ام كمال : صلاوات على محمد تخبل البنية الله يحرسها

فليحة : يعني نكول مبروك

ام كمال: ها يمة كمال هاي البنية كدامك شنو رأيك

كمال : اي اي حلوة باجر نجيب الشيخ يعقدلنا وسبوع الجاي نسافر

شيلاء : وين نسافر 😲

محمود : لشقتي بتركيا ونعيش هناك

شيلاء : واختي . اختي مالها احد بهاي الدنيا غيري

فليحة : اني موجودة هنا بحسبة امهة وابوهة
@novels_stories
فليحة : الف الصلاة والسلام عليك يا حبيبب الله محمد كولولولوش

............
#قصص_وروايات
اليوم الي بعدة عقدو وبعد باسبوع سافرو
............
قبل السفر

شيلاء : حبيبتي شوشة اني حسافر واعوفج

شهلاء : لح اشتاقلج كوومة

شيلاء : ديري بالج على درراستج وكوني قوية وديري بالج من عدي . اوكي حبيبتي

شهلاء : اوكي تروحين وترجعين بالسلامة 😢

........
@novels_stories
في الطيارة
شيلاء : اني خايفة كلش وكمال كاعد وما حجة ولا كلمة ومن طارت الطيارة لا اراديا لزمت ايدة

كمال : هاي شبيج 😒

شيلاء : اسفة مادري بدون قصد . جنت خايفة

كمال : عادي اذا خايفة الزمي ايدي

شيلاء : لا اني زينة هسة ميحتاج

كمال : اوك بعد احسن
........

شيلاء : بعد ما نزلنا بالمطار واخذنا غراضنا وكملنا كلشي وصلني اخذنا تكسي ودانا للبيت طببني وانطاني مفتاح مال بيت وبقة عندة نسخة من المفتاح . وراح بدون ميكلي وين رايح . ضليت اعزل بغراضي وارتب بيهن وعزلت الشقة وطبيت سبحت وطلعت لكيتها الساعة ب 9 . عزة متت من الجوع

ب 10:30 انفتح باب البيت وفزيت جان اتذكر هذا كمال . جان متسوك هواي اشياء خضروات ولحم وحلويات وكلشي يخطر على بالكم

كمال : هاا زين ما دامج تأقلمتي بالبيت وعزلتي يلة كومي سويلنا عشة ورتبي المسواك بالثلاجة

شيلاء : اوك

سويت عشة بسيط وتعشينا سوة

بعد العشة غسلت المواعين ورحت لغرفة النوم طبيت جان الكة كمال دينزع جان بسرعة اطلع

كمال : شيلااء شيلاء تعالي يلة

شيلاء : طبيت لكيتة بس بالشورت 😳

شيلاء : كعدت عالجرباية وهو بقة يلعب بتلفونة نمت جان يجي وينام بصفي ...

شيلاء : كمال هاي شدسوي

كمال : انتي مو صرتي مرتي

شيلاء : اي مو هيج يا كمال والله تعبانة

كمال : هي بكيفج

شيلاء : كماااال كمااال 😣
وعبالك جان ميسمع صياحي وعياطي عبالك وحش اغتصبني اغتصاب 😫

وبعد ما كمل كام غسل ونام وعافني اني ودموعي ودمي كمت واني اتوجة عالحايط وغسلت وتوضيت وضليت للصبح اقرأ قرآن

........
@novels_stories
الصبح

شيلاء : سويت لكمال ريوك واتريك وراح
اني حسيت روحي كلش مخنوكة .. منو بقة الي بهاي الدنيا محد امي وابوي وخالتي ماتو واختي الله يعلم بحالها يم عمتي فليحة ورجلي الله يهدي
اووف اوووف اللهم اخرجني من اشد الضيق الى اوسع الفرج . وضليت اردد هاي العبارة
@novels_stories
#يـتـبـع

#قصص_وروايات ✏

#لعبة_القدر

#الكاتب_يوسف_يحيى

#البارت_التاسع

@novels_stories
شيلاء :جان اشوف حديقة ورة البناية كلش حلوة وبيها مراجيح واطفال يلعبون

لبست عباية وحطيت على راسي شال ونزلت كعدت حسيت نفسيتي تحسنت والخنكة الي بداخلي راحت

جان اكو بنية تخبل عيونهة زرك وشعرهة اصفر متكدر تتمرجح رفعتلي ايدهة وهزتهة👋 اني هم سويتلهة هلو 👋
وشفتهة متكدر تتمرجح فكمت ودفعتهة وهي كامت تضحك وكلش فرحت حسيت بفرح وسعادة وتغيرت نفسيتي
وراها جتي امها وسولفتلها وسلمت علية ومدري شكالت بس الواضح انو شكرتني
وراحت

اني هم رجعت للشقة حتى احضر غدة لكمال

اجة كمال لكاني مكملة الغدة وسابحة ومبدلة وكاعدة

كمال : ها شسويتي اليوم

شيلاء : حسيت روحي مليت وطلعت للحديقة شتميت هوة وراها سويتلك غدة وسبحت

كمال : زين

شيلاء : جان كلش يعاملني برود ومن ورة خشمة
@novels_stories
المهم تغدينا وكملنا رحت دانام لان الليل كلة منايمة وجان كمال ديشرب جكاير بالبالكون

نمت جان يجي ينام بصفي

شيلاء : كمال شدسوي

كمال : اششش اسكتي

شيلاء : كمال فدوة والله بطني توجعني وبعدني متحسنت

كمال : كتلج اسكتي

شيلاء : الله يخليك عوفني اعفيني اليوم والله تعبانة وما اكدر

كمال : لتضلين تلغين

شيلاء : وسوة اليريردة وعافني ونام

شنو هالهمجية والوحشية .. الله يهديك
يا كمال
@novels_stories
........
#يتبع

#قصص_وروايات ✏

#لعبة_القدر⚡️

#البارت_العاشر
@novels_stories
بعد اسبوع

شيلاء : جنت داعزل بغراض كمال جان الكة حبوب مهدئة وفد مسحوق ما عرفت شنوة استغربت

بهل اثناء جنت ناسية جدر التمن عالنار وما احس الى احمد طب واشتم ريحة العطاب

ونزع حزامة وضربني لحد ما هو تعب
ورا ما تعب طلع برا وراح ماعرف وين

اني ضليت ابجي وغسلت الجدرية ودموعي ما نشفت
@novels_stories
العصر نزلت بالحديقة وجان هذا الولد جاي علية حجة وياية بالتركي مفهمت شي
جان يكلي ممكن اكعد هنا ضليت ساكتة ابتسمت لان عرفت انو عراقي

احمد : من ابتسامتهة عرفت انو هي فهمت علية وهي مو تركية


جان يكون السكوت علامة الرضا

كعد كلي تدرين انتي مبين عليج لبنانية

ضحكت كتلة لا عراقية

كلي اتشرف بيك بنت بلدي اني اسمي احمد واني ابن صاحب الفندق الي عايشة بي وشقتي جواكم مباشرة

شيلاء : الي الشرف اني اسمي شيلاء

احمد : الله شنو هالاسم الحلو

شيلاء : انت الاحلى

احمد : شنو 😳

شيلاء : يحلي ايامك

احمد : اها شكرا

احمد : هاي شبيهة عينج


شيلاء : انضربت بالباب

احمد : هاا سلامات زين وحلكج شبي

شيلاء : ضليت ساكتة

احمد : صعب انو الواحد يعيش بالغربة ويعاني وما عندة احد يحجيلة همة
فلذلك اعتبريني صديق او اخ

شيلاء : ☺️

احمد : اني سمعت صوت صراخج وصوت الضرب لان اني عايش جواكم

شيلاء :😞😔 دمعت عيوني

جان تنزل دمعة من عيني وبكل رقة احمد مسحهة وكلي دموعج غالية صار زمان محد ماسح دموعي ولا مواسيني من ابجي
جانت شهلاء من تشوفني ابجي تكعد تبجي وياية واني اسكت واسكتهة

شيلاء : هذا رجلي

احمد : رجلج 😳 معقولة

شيلاء : اي ليش تعرف شي عنة
@novels_stories
احمد : لا بس هو شخص كلش غامض وتصرفاتة غريبة جان يسكر ويكسر اغراض ويجيب بنات للشقة ويطلب شغلات غريبة ويطلب اكل ومن يجيبولهيا يكول انو هو مطالبة ومرة احد العمال دينظف الغرفة لكة بيها مخدرات

شيلاء : شنوو😳😳
ما سيطرت على نفسي ولا على دموعي كمت ابجي بدون وعي
😭😭😭😭😭😭😭😭😭
@novels_stories
#يـتـبـع

#قصص_وروايات ✏

#لعبة_القدر⚡️


#البارت_الحادي_عشر

@novels_stories
شيلاء : احمد ضل يواسي بية ويمسح بدموعي

احمد :انتي طلعتي شفتي المنطقة هنا اكو معالم تخبل

شيلاء : لا والله من جيت لليوم ما طالعة غير بس لهاي الحديقة وهي متنفسي الوحيد

احمد : صدك 😔خطية ليش ميطلعج رجلج

شيلاء : خلي بس يعاملني معاملة طيبة بالاول

احمد : زين اهلج شلون قبلو بي معقولة ما سألو عنة

شيلاء : اهلي متوفين

احمد : هاا اسف لان ذكرتج بيهم
@novels_stories

شيلاء : اني اصلا ما نسيتهم


احمد : شكد صارلهم من توفو


شيلاء : سنتين


احمد : البقية بحياتج

شيلاء :حياتك الباقية

شيلاء : يلة اني اترخص

احمد : زين معندج تلفون شي

شيلاء : لا والله اني اخابر على اختي من تلفون زوجي

احمد : اها اوك
...........
#قصص_وروايات
شيلاء : رجعت للبيت بس ضليت الوم بنفسي شلون قبلت احجيلة اسرار بيتي يجوز لان ارتاحيتلة وحسيتة مثل اخوية
او لان يمكن طكت روحي ولان معندي احد اشكيلة او افضفضلة حجيتلة
اوووف بس هو مبين ابن حلال
...........

ثاني يوم

شيلاء : هم طلعت للحديقة بس هالمرة اني اريد اشوف احمد حابة اسولف ويا يعنني صارلي شهر يومية احجي كلمات تنعد عالاصابع وية كمال لح يصير بية توحد

لكيتة كاعد بنفس المكان

شيلاء : صباح الخير

احمد : صباح الخيرات شلونج شيلاء

شيلاء : بخير الحمد لله انتة شلونك

احمد : اذا انتي بخير اني بخير

شيلاء : تدري اليوم هو يوم عيد ميلادي جانو اهلي كل سنة يحتفلون بهذا اليوم ونفرح ونتونس ونطلع نغير جو بالمطعم ونظل نفتر لحد منتعب ونرجع

احمد : صدك . الله يرحمهم
اني حروح شوية واجي ابقي انتضريني اوك

شيلاء : اوك

احمد : جان اكو محل مال كيك قريب يسوي كيك يجنن اشتريتلها احلا كيكة بالمحل واكبر كيكة ومواعين بلاستك وشوكات وشموع

احمد : بس لازم اوديلها هدية شوديلها شوديلها . هاا اتذكرت هية كلتلي انو تخابر على اختهة من تلفون رجلها يعني ما عدها تلفون . رحت اشتريتلهة ايفون 5 جان هستوة نازل


شيلاء : وين راح احمد . ان شاء الله خير

احمد : جنت شايل الكيكة وعليها الشموع ورحت عليها واني اغني
Happy birthday to you
Happy burthday to Shosha
Happy birthday to you

شيلاء : اجة احمد وهو يغني وشايل كيكة تخبل .
شيلاء : الله شنو هالكيكة الحلوة

احمد : مثل صاحبة العيد ميلاد

شيلاء: احمد ليش كلفت نفسك اكيد سعرها غالي وجمالة جايب مواعين وشوكات

احمد : تدرين لو ادري قبل بيوم جان زينت الحديقة وجبت قرقوزات ونفاخ

شيلاء : ههههه قابل اني طفلة

احمد : اي

شيلاء : شنو

احمد : يلة تمني امنية وطفي الشموع وكصي الكيكة

شيلاء : تمنيت انو يكون كمال مثل احمد ولو شوية وتمنيت انو تكون اختي شهلاء بخير

احمد : كل عام وانتي بمليون خير وهذي هديتج

شيلاء : احمد طلع من العلاكة باكيت علي تفاحة معضوضة

شيلاء: جبتلي تفاحة 🙄

احمد : ههههههههههههه لا شوشة هذا تلفون حتة شوكت متريدين تخابرين اختج وتتطمنين عليها

شيلاء : صدك احمد . والله ماعرف شلون اشكرك وشلون اجازيك . مبين كلش غالي

احمد : ميغلة عليج
@novels_stories

شيلاء : تمنيت الوكت ميخلص كلش فرحت وتونست احس نفسي ارتاح من احجي ويا وكلبي يكوم يدك اسرع .

شيلاء : انطينا للاطفال الجانو موجودين من الكيكة والباقي اكلناها اني واحمد
واخذت التلفون وشكرت احمد مرة ثانية وصعدت واني طايرة من الفرح
@novels_stories
#يـتـبـع

#قصص_وروايات ✏

#لعبة_القدر⚡️

#الكاتب_يوسف_يحيى

#البارت_الثاني_عشر
@novels_stories
اليوم الي بعدة

شيلاء : ماطلعت للحديقة بنفس وكت كل يوم لان جنت داعزل وارتب

احمد : اشو شيلاء تأخرت كل يوم قبل ربع ساعة هي تطلع

احمد: خلي اروح اشوفهة بس لا رجلهة مسوي بيها شي

شيلاء: اندك الباب اني فزيت لان بالعادة محد يجينا. باوعت من الفتحة شفتة هذا احمد جان افتح الباب

احمد : السلام عليكم . شو اليوم مطلعتي عالحديقة ظل بالي يمج

شيلاء: اي والله جان عندي كم شغلة وهسة كملتهم

احمد : يلة لعد نطلع سوة

شيلاء : اوك بس البس عباية واجي

احمد : اوك

شيلاء : طلعنا لاحديقة واحمد جايبلي سيم كارت ورصيد للتلفون وسوالي الانترنت . وعلمني على كلشي بالتلفون وشوفني صفحتة بالانستكرام . صورة تخبل والبنات كلهن يزحفلة وهو ما معبرهم ههههه

شيلاء : وبعد ما عرفت كلشي بالتلفون كمت اني اخترع اسئلة حتة نبقى نسولف وقت اكثر حتة سألتة نفس السؤال 3 مرات ههههههه جنت كلش ارتاح من اسولف ويا
.............
@novels_stories
بعد مرور شهرين

شيلاء : علاقتي اني واحمد صارت قوية كمت احجيلة عن اهلي وعمتي فليحة وعدي وكلشي صار وياية وجان كلش متعاطف وياية
........
وبعد مرور شهرين

شيلاء: اكتشفت انو اني حامل
فرحت كلش وكلت عسى ولعل اذا عرف كمال يحن كلبة علية ويتعاطف وياية وتتغير معاملتة الي

بعد ما رجع كمال وتغدة

شيلاء : كمال

كمال : نعم
شيلاء : نعم الله عليك اريد اكلك شغلة
كمال : خير شتريدين كولي
شيلاء: اني حامل
كمال: شنو
شيلاء: اني حامل
كمال : من منو حامل
شيلاء : عزة كمال غير احنا متزوجين ومن الطبيعي يصير عدنا طفل
كمال : بس اني ماريد ججهال من باجر تنزلي

شيلاء: كمال حرام هذا عطية من رب العالمين وميصير نردها

كمال : داكلج تنزلي يعني تنزلي

شيلاء : ما انزلة لو اعرف اموت وما انزلة

كمال : تعانديني مو تعانديني

شيلاء : راح ديدور الواير مال كتل واني جنت ضامتة بالكنتور واثناء مديدورة لكة الباكيت مال تلفون الي نطانييا احمد

كمال : هذا شنو شيلاء جاوبيني هذا ميلج احجي شوكت رحتي جبتي ومنيلج فلوسة اكيد بتيهة مني

شيلاء: اني ما مد ايدي ولا ابوك

كمال : لعد منو نطاجيا او منو نطاج فلوسة احجي شبيج خرسيتي وين التلفون وينة
احجيي

معناها هذا الطفل ابن حرام . ابن منو هذا هاا ابن منو

شيلاء : راح جاب كيبل ثخين وضل يضرب بية الى ان تعب وراها كام يلطخ براسي بالحايط وكعت بالكاع وكام يدفر بطني بكل قوتة الى ان فقدت الوعي

احمد : سمعت صوت صياح وعياط وضرب . هذا اكيد رجلها النذل الخسيس العار
ركضت على شقتهة لكيتة طلع وقفل الباب . طبعا هو فندقنة رحت للمسؤل عن المفاتيح واخذت النسخة مال المفتاح مال شقة شيلاء رحت فتحت الباب لكيتهة متمددة بالكاع وفايضة بالدم
@novels_stories
وبسرعة شلتها واخذتها بسيارتي للمستشفى

بعد ما شافتها الدكتورة

حجت وياية بالتركي وكلتلي انو الجنين نزل بسبب تعرضها للضرب المبرح
..........
@novels_stories
#يـتـبـع

#قصص_وروايات ✏

#لعبة_القدر⚡️


#البارت_الثالث_عشر

@novels_stories
شيلاء : فتحت عيوني بس اني مو بالشقة يمكن متت جان اشوف احمد وعرفت انو اني ما متت

احمد : شيلاء شيلاء

منو سوة بيج هيج هذا اكيد كمال العار

شيلاء : هزيت براسي

احمد : للاسف الجنين نزل من كثر الضرب الله يعوضج ان شاء الله طير من طيور الجنة

شيلاء : اني حزنت لان نزل الجنين بس بنفس الزكت فرحت لان ماريد شي يربطني بكمال لان هو واحد مجرم

احمد : يلة كومي بسرعة كومي

شيلاء : وين

احمد : انتي تثقين بية

شيلاء: ايي

احمد : انتي تريدين كمال لو لا

شيلاء : موتني ولا ترجعني لكمال

احمد : لعد تعالي وياية

@novels_stories
احمد : اخذت شيلااء للشقة وخليتها تلم كل غراضها وساعدتها بلم الغراض واخذت كم غرض من شقتي

وعفت رسالة لكمال كتبتلة اذا انت رجال وحوك تعال للعراق وكتبتلة عنوان بيتنا

وخابرت معارفي الي بالمطار وجان اكو طيارة تطير بعدة نص ساعة وبفضلهم كدرنا نحصل تذكرتين وصعدنا اني وشيلاء وضليت لازم ايدها طول الرحلة وصلنا للمطار وجنت مخابر صاحبي يجيبلي سيارتي قبل لنطير لكيت السيارة واخذنا الجنط وصعدنا بالسيارة

شيلاء : افييش يا ريحة العراق

احمد : وديتها لبيت اهلي وسولفت لامي قصتها طبعا امي كلش تعاطفت وياها وابوي وكذلك

#قصص_وروايات
اليوم الاول

شيلاء : صباح الخير خالة

ام احمد : يمة ليش كاعدة من السبعة ارتاحي ونامي

شيلاء : لا خالة نمت زين وارتاحيت

شيلاء : خالة ام احمد حسيتها مثل امي ما حسستني انو اني غريبة ابد

المهم ساعدتها بالريوك والغدة والعشة وكلشي وبالكوة جانت تقبل اساعدها

كمال : اتخبل بعد ما قرة رسالة احمد وما خلة شي بالشقة ما كسرة وحجز تذكرة على ثاني يوم وراح عالعنوان الي كاتبة احمد

كمال : افتحووو الباب انطوني مرتي
افتحوو الباب وضل يدك بالباب
جان يطلعلة احمد

احمد : ها يالعار تسبع على مرة ما ستحيت تضرب مرة وحامل شكد عار وخنثة انتة لعد

جان يهجم كمال على احمد وشايل بايدة سجينة

وشخط زند احمد مع انو احمد طيح حظة وكسرة تكسر لان جان يلعب حديد وشيلاء تباوع من الشباك وتلطم
ومن نشخط احمد على جتفة تخبلت

جان اكو دورية قريبة دتفتر وجتي اخذتهم ثنيناتهم
@novels_stories
كمال : سيدي هذا الشخص خطف مرتي من تركيا وجابها لبيتهم وميقبل ينطينياها

الضابط : ليش خطفت مرتة وشلون كدرت تخطفهة

احمد : سيدي اني ما خطفتهة هية جتي وياي برضاتها

واسئلة هو شسوة بيها حتة خلاها تهج منة

الضابط : شمسويلها

كمال : هاي مرتي واني حر بيهة .

احمد : سيدي ضرب مرتة ضرب مبرح بدون اي سبب وجيه ونزل الطفل الي جان بطنها والتقارير موجودة

الضابط : لح تبقون هنا الى ان نتأكد من الحجي الكلتو
@novels_stories
وبعد اسبوع طلع احمد بعد ان اثبت انو هو مخطف شيلاء وانو كمال ضرب شيلاء الى ان نزل جنينهة

وشيلاء رفعت قضية طلاق على كمال

وجابو كمال للمحكمة والكلبجات بايدة ونطق الطلاك 3 مرات وصارت شيلاء حرة
واحمد وشيلاء رفعو قضية ثانية على كمال وهي انو هو بي انفصام بالشخصية ومختل عقليا من خلال التقارير الي لكتهن مرة شيلاء ومن دتقراهن احترك التمن . اخذتهن وياها وقدمتهن للمحكمة
بعد التحقيق وية كمال اكتشفو انو هو مريض نفسي ونحكم علي انو يبقة بمستشفى الطب النفسي (الشماعية )
............
@novels_stories
#يـتـبـع

#قصص_وروايات ✏

#لعبة_القدر⚡️

#البارت_الرابع_عشر
@novels_stories
بعد ما عرفت ام كمال بلي صار بابنها
راحت هي وعمات كمال واخواتة على مديحة

مديحة وفليحة جانن كاعدات يريدين يشوفن شلون يكدرن ياخذن بيت ابو شيلاء ويبيعنة
وفجئة دك الباب على مديحة
طلعت مديحة وفاتن النسوان وطبن على مديحة وكتلنهة 😂😂 وهي تصيح يبووو لحكولي لح اموت
@novels_stories
طلعت مديحة دتركض دتشوف شكو وحطنهة وكتلنهة وياها وتكسرن تكسر
😂😂

...........
بيت ابو احمد
نعرفكم عليهم شوية

ام احمد : مرية جبيرة بالعمر بس بيها كل الحيل قايمة بكل واجبات البيت مع انو همة عائلة كلش زناكيل

ابو احمد : تعب بشبابة هواي حتة حصل كل هاي الثروة وما حصلها بسهولة وما ربو جهالهم على التكبر والفخفخة لعكس علموهم عالت اضع وانو النعمة زوالة وما جانو مبذرين ابد

احمد : الابن الاكبر وهو الي يدير فندق العائلة الي بتركيا

محمود : الابن الوسطاني طايش شوية ويموت عالبنات ويحب يتفيك

#قصص_وروايات
محمد : الابن الاصغر ثكيل وما تعجبة اي بنية ويموت عالفخفخة والتلفونات والطلعات والتفيك

سكينة : اصغر وحدة بالعائلة والمدللة والي تريد يصير تحس نفسهة انو عدها كلشي تتمناة اي بنية بس ماعدها اخت
............

ام احمد : ابو احمد البنية بقت سبوعين بس يما يمنا والي لاحظتة انو هي خجولة كلش وبنت اوادم واهلها تعبانين عليها حيل وشاطرة بالمطبخ

ابو احمد : اي ومبينة من عائلة راقية وشبعانة وشايفة خير . مو بنت فكر

ام احمد : واحمد طاير بيها طير شتكول اخطبة الهة

ابو احمد : والله اذا هو مقتنع بيها اني ماعندي اي مانع

ام احمد : والله اني ما ردت ازوجة وحدة مطلكة بس هو عمرة ما عجبتة بنية ولا باوع على بنية بس شيلاء مكيف بيها حيل

ابو احمد : اسئلي ونشوف

باليل اجة احمد

ام احمد : وليدي احمد انتة شنو رايك بشيلاء

احمد : انتي شنو رأيج بيها

ام احمد : والله هوش بنية وبنت اجاويد ووردة مال الله . بس داسئلك انتة شنو رأيك بيها

احمد : يمة البنية فاتت بكلبي واول ما شفتهة رف كلبي عليها

ام احمد : تريد اخطبلكياها

احمد : صدك يمة يعني انتي وابوي ما عدكم مشكلة اتزوجها

ام احمد : ما دام انتة تحبها وهي بنت اصول ليش لا

احمد نزل باس رجل امة وايدهة

وام احمد كامت تهلهل 😄😄😁
@novels_stories
#يـتـبـع

#قصص_وروايات ✏

#لعبة_القدر⚡️

#الكاتب_يوسف_يحيى


#البارت_الخامس_عشر
@novels_stories
شيلاء : بقيت اسبوعين يم بيت ام احمد وجنت شوي متقيدة رغم انو همة ما حسسوني انو اني غريبة

وراها رجعت لبيت عمتي فليحة وجان واضح عليها اثار ضرب وجانت منعنعة تنعنع

رحت ركض على شهلاء وحضنتهة حييل
وكامت تبجي خطية

شهلاء : هواي صارتلي اشياء من بعدج

شيلاء: خوما بيج شي خوما سوالج عدي شي

شهلاء : اشتاقيتلج وحسيت نفسي ميتة ومالي احد بالدنيا

شيلاء : حبيبتي انتي رجعتلج ولح تبقين وياي


شيلاء : لكيت فليحة كاعدة لان من جيت جانت نايمة

فليحة : شرفت ست الحسن شرفت ام المصايب والبلاوي انتي عار على العائلة ومتشرفيني انو تكونين بنت اخوية
@novels_stories
بهل اثناء دك الباب وطلعت شهلاء لكتهة هاي ام احمد واحمد

كعدو وقدمتلهم شيلاء الضيافة

ام محمد : عيني فليحة احنا اليوم جايين نطلب ايد بنت اخوج شيلاء ورايديهة لابنا احمد على سنة الله ورسولة

فليحة : بس شيلاء مطلكة

احمد : واذا البنية ارتبطت بشخص مريض نفسيا ومو برضاتهة مو لو لا ست فليحة
فليحة : بس اني ما جنت ادري بي مريض نفسي وياخذ مهدئات

ام احمد : المهم عيني الفات مات واحنا نريد ناخذ رأي البنية

ام محمد : بنيتي شيلاء موافقة لو لا

شيلاء : وجهي صار احمر وتلعثمت بس هزيت راسي جان ترجع تكول موافقة جان اكوللها موافقة

ام احمد كامت تهلهل

احمد : بالنسبة للمهر 10 ب 20
زين يكفيكم لو نسوي 15 ب20

شيلاء : لا يكفي وزايد اصلا

ام احمد : متأكدة بنيتي . خاف ميكفوج

شيلاء : ايي خالة متأكدة . خير من الله واصلا هواي

احمد : تستاهلين اكثر

شيلاء : بهل اثنااء عدي وفليحة فكو حلوكهم من الصدمة ههههه

واتفقنا انو المهر بعد اسبوع وراها بشهر العرس
..............
#قصص_وروايات
شيلاء : بعدها بيومين اخذتني لمحل مال فساتين من الي تعرفهم وجانت كل اختيارتها مو من ذوقي جان نطلع واثناء مدنروح على محل ثاني هي تعرفة شفت محل عادي من محلات الفساتين يعني مو من الي هية تعرفهم ويجيبون ماركات .
وكعت عيني على فستان ابيض يخبل كلش نازك وبسيط ومو هوسة

جيداء : امري لله يلة كدري

شيلاء : ها شلونة يخبل موو

جيداء : اي والله كلش حلو عليج ما توقعتة يطلع حلو باللبس

وجانت ويانة شهلاء هم اخذت من نفس المحل فستان يخبل لونة اسود

ثاني يوم رحنا اني واحمد وام احمد اشترينا الذهب اختاريت حلقة نازكة ومحبس وكلادة وتراجي وسوار
جان احمد يشيل خلخال و6 سورات وحطهم ويا الذهب

كتلة هاي هواي هيج

احمد : انتي تستاهلين اكثر

ام احمد : بنيتي انتي ذهب وتستاهلين يشترولج على وزنج ذهب

شيلاء : شكد عانيت بحياتي وشفت مصايب بس هسة داحس نفسي اسعد انسانة بالعالم مو علمود الذهب وانما العائلة الي معدنهم ذهب

............
@novels_stories
بيوم الحفلة

جتي جيداء من الصبح

جيداء : يلة يم يا صالون حجزتي

شيلاء : ماروح للصالون هنا بالبيت ارتب نفسي

جيداء : كل عقلج شنو تخبلتي امو وحدة بيوم حفلة خطوبتهة متروح للصالون

شيلاء : شيسولي يعني بالصالون اني بيضة ورموشي طوال وعيوني حلوات وشعري انتي سويليا بالشسوار

جيداء : اووف امري لله

وجيداء رتبت شيلاء وطلعت تخبل

شيلاء : هاي انتي طلعتي ام صالون

جيداء : والله طلعت كل مهاراتي بيج
نزلت شيلاء على كيفهة وكعدت بالاستقبال وفليحة ومديحة جانو كاعدين واجة احمد وام احمد واختة وخالاتة وعماتة ولبسوهة الذهب

وجانو كلهم متفاجئين من جمال شيلاء حتة احمد تفاجئ من شافهة هيج طالعة واول مرة يشوفها هيج
@novels_stories
#يـتـبـع

#قصص_وروايات ✏

#لعبة_القدر ⚡️

#البارت_السادس_عشر

@novels_stories
وبلشت تحضيرات العرس وشيلاء فرحانة وطايرة من الفرح


خلي نرجع بالزمن شوية
تذكرون من رامي باك ذهب ام شيلاء
خل نشوف شصار ورا ما باكة
طبعا سندس اخت رامي وهمة ثنيناتهم ولد مديحة اخت فليحة

سندس بنية فطيرة وفاهية وكلبهة طيب وحبابة بس مو حلوة وهي تحب شيلاء كلش رغم انو ما ملتقية وياها هواي جانو يلعبون هواي بطفلوتهم بيت جدهم ورا ما ماتت جديتهم وتركت ذهبهة لام شيلاء وصارت المشاكل تفاركو

@novels_stories
من عرفت انو رامي باك الذهب وشافت امهة دتكلب بالذهب وضمتة بالكنتور
ضل ضميرها يانبها وتشوف كوابيس وانو الساكت عن الحق شيطان اخر

وثاني يوم طلعت مديحة ورامي هم طلع
كامت هي واخذت كل الذهب وضمتة بمكان محد يلكا بي احزرو وين ضمتة
ضمتة بطن الدب الجبير الي عدها

وراها طلعت فتحت باب السطح وكسرت جم شغلة بغرفة امهة وهوستهة وطلعت تركض وراحت يم الجيران وكلتلهم انو اكو حرامي بغرفة امهة وهي بس شافتة انهزمت وخابرو على مديحة وجتي وتخبلت من لكتة ماخذ الذهب

قبل العرس باسبوعين سندس اخذت الذهب وراحت على شيلاء بيت عمتهة

وجانت امهة هناك وام احمد واحمد هستوهم جايين لان جانو ماخذين شيلاء دتختار الغرفة

وجتي سندس وكدام الكلة انطت الذهب لشيلاء وكلتلهة هذا حقج وذهب امج وامي وفليحة هنة الي خططن على بوكتة ورامي هو الي باكة و وكتل خالتج لان شافتة ورا ما كتلها صارت بي حالة نفسية وكوابيس ولحد الان ديتعالج
وامي هي جابتلج كمال وتدري بي مريض نفسي واجة خطبني ورفضتة وعمتج قبلت بي وزوجتجيا حتة تخلص منج لان عرفت انو رجلها حاط عينة عليج
بهل اثنااء راحت مديحة دتضرب بنتهة وجان يلزمهة احمد

وطبعا رفعو قضية عليهن ثنينهن ودخلن السجن
@novels_stories
وبالنسبة للسندس الي خلاها تشجع وتحجي هو انو امهة رفضت حبيبهة لان فقير وابوهة ما ميكدر يرفض طلب لمديحة وما جان يعرف انو هي خبيثة لهدرجة

وراها ابو سندس قبل انو تتزوج حبيبهة وتزوجتة

شيلاء : فرحت انو رجعلها ذهب امها الي انطتهيا جديتهة
@novels_stories
#يـتـبـع

#قصص_وروايات ✏

#لعبة_القدر⚡️

هذا البارت للكاتبة بيداء

#البارت_السابع_عشر
@novels_stories
طبعا رجعنا لبيتنا اني وشهلاء
نعيش وحدنا بيتنا احسللنا

وقبل الحنة باسبوع

رحنا اني وجيداء وشهلاء دنشتري الفساتين

جيداء : فساتين الحنة اني اختارها

شيلاء: اوك

شهلاء : اني موافقة

جيداء : اختاريت لشيلاء بدلة لونهة ماروني وفستان نفس اللون لشهلاء
وراها

شيلاء : اختاريت بدلة للعرس مال اميرات تخبل علية

جيداء : شهلاء اني وياج نلبس نفس الشي بالعرس اوك

شهلااء : اوك

.........
@novels_stories
شيلاء : القاعة الي اختاريناها اني واحمد كلش جبيرة لان همة عدهم هواي معارف ويريدون يتباهون كدام اقاربهم

بيوم الحنة اجة احمد وامة واختة وخالاتة وعماتة على بيتنا حبو الديكورات مال بيتنا وعجبهم
وحنوني واكلو وركصو شوية وراحو

............
@novels_stories
يوم العرس

شيلاء :الظهر اني وجيداء وشهلاء كلنا رحنا للصالون

سويت تسريحة بسيطة وام الصالون تكول انتي اليةمثلج هم ميحتاجون مكياج

وشهلاء وجيداء هم سوتلهم تسريحات على طلبهم ومكياج
واظافر وكلشي
ولبست البدلة
وام الصالون تباوع علية وتكول هنيال الماخذج ههههه

.........
#قصص_وروايات
كعدت بالاستقبال مال بيتنا واجوي احمد وامة ووكول اقاربهم ومعارفهم اجوي اخذوني من بيت ابوية ورحنة للقاعة
ودخلنا اني ويا عبالك عرس ملكي
وكعدنا بالكوشة وكصينا الكيك وكلتة وكلني وشربتة عصير وشرهو هم شربني

وبنص الحفلة
اجتي شهلاء شايلة علبة جبيرة ومن يم الباب والمصور ديصورها جان تفتحهة طلع بيها كومة ذهب . هذا ذهب امي

المهم اجتي تمشي والمصور يصورها وصلت ليمي جان تحطة عالميز وتبدي هية وجيداء يلبسني بي

هو هواية كلش ذهب امي ويا حزام ذهب مال بيبيتي وهواي سوارات ومحابس وتراجي شي لبستة وشي ما ما لبستة

لبستني الحزام الذهب والسورات كلهن لبستنياهن ولبستني كلادنين وزوج تراجي ومحبسين وهاي الي تصير على كل الايد ماعرف اسمحهة

بقة خلاخالين ومحبسين وزوج تراجي وكلادة ما لبستهن لان عيب شنو العروس الذهبية اصير هوسة

المهم ركصنا وضحكنا وراها رحنا للفندق
وراحت شهلاء وجيداء وشهلااء راح تبات يم بيت ابو جيداء همة عائلتهم كلهة بنات وما عدهم ولد وخوش ناس وابوهة رجال محترم وجان صديق ابوية من الروح للروح وامهة وكذلك

#الكاتبة_بيداء
@novels_stories
#يـتـبـع

#قصص_وروايات ✏

#لعبة_القدر ⚡️


#البارت_الثامن_عشر
@novels_stories
شيلاء : جان العرس كلش حلو والاحلى جان لمن همس باذني وكال طالعة تخبلين . وما سيطرت على ابتسامتي

وصلنا للفندق طبينا سوية واول ما طبينا جان يكلي مبروك علية انتي


كعدنا كلي شيلاء

اني عرفت كلشي صار بحياتج وشكد عانيتي وتعبتي وصبرتي واوعدج انو انسيج كلشي مريتي بي

شيلاء : اني اصلا نسيت وما دام انتة يمي اني فرحانة وكل همي انو اسعدك وارضيك

احمد : تريدين ترضيني ؟

شيلاء : ايي طبعا

احمد : اذا تريدين ترضيني لازم اول شي ترضين رب العالمين وراها ترضين اهلي وهيج اكون اني راضي عنج

شيلاء : ما طلبت غير حقك


احمد : احبج

شيلاء : واني هم

احمد : انتي هم شنو كولياها ليش مستحية

شيلاء : اني هم احبك

احمد : يلة اني حطب اسبح


شيلاء : اوك

احمد : طبيت سبحت وكملت . الف المنشفة علية واطلع لا خاف تستحي البنية . احسن شي ابدل هنا

احمد : شيلاء جيبيلي ملابسي

شيلاء : اوك يا هنة

احمد : شورتي الاسود وبيجامتي الرصاصية وتشيرتي الاسود

شيلاء : اوك
ت
احمد : هاا بعدج ما مكملة فل التسريحة

شيلاء : اي والله يمكن مليون ماشة حاطة بشعري

احمد : تريدين اساعدج

شيلاء : اي

شيلاء :اول مرة شاب يلزم شعري حسيتة يشيل كل ماشة بدقة حتة مينشعف شعري

المهم كملناهن بسرعة


ورا ما كملناهن كام يفتح البدلة مالتي
اني كلش ستحيت

احمد : شو مستحية . اني صرت رجلج وماكو مستحة بين المتزوجين

طبيت بسرعة للحمام

احمد : جسمهة عبالك ورقة بيضة ما شايف هيجي جسم

ضليت على نار انتضرهة تطلع احسب الزكت دقيقة دقيقة طلبت عشة حتة من تطلع راسا ناكل و🙄😬نبلش

شيلاء : لفيت علية روب وطلعت

هاا طالب عشة
ايي حتة نتعشة ونكمل بسرعة

زين ليش مستعجل 😅

احمد : لا ما مستعجل

تعشينا وكملنا وراها اجة احمد وبدة يتقرب مني

شيلاء : احمد مو لازم نصلي ركعتين لوجه الله بالاول

احمد : اي اكيد اهم شي الصلاة

شيلاء وبعد ما صلينا وكملنا بسرعة طبيت بدلت بالجمام لبست سيت نوم ابيض

طلعت جان الكة احمد بس بالشورت

وجهي صار احمر

احمد : ها مو كلنة ماكو مستحة بين المتزوجين

شيلاء : مشيت وكعدت عل جرباية واجة هو كعد بصفي وكام يحجي كلام حلو كلام ماسامعتة بحياتي وضل يتغزل بية ويباوع بعيوني وراها باسني من ركبتي وجانت ليلة تخبل صدك ليلة العمر عشت احلى لحظات حياتي بيها .
@novels_stories

شيلاء : ثاني يوم الصبح فتحت عيوني جان الكة احمد صافن علية كتلة صباح الخير حبيبي

احمد : صباح النور والسرور والورد المنثور

وراها ضل احمد يتشاقة وياية ورحت طبينا سبحنا وبدلنا وطلعنا رحنا تريكنا بالمطعم ومناك لبيتهم

وصلنا وطبينة للبيت طبيت برجلي اليمنى وام احمد جابتلي طاسة بيهة مي وكلتلي اضربيهة برجلج ودفرتهة وانطش المي الي بيهة بالكاع وراهة بست ايدهة وايد عمو ابو احمد و راها اجي محمود وسلم علية وجان جايب طلي ويا وذبحو على رجلينا اني واحمد
وشي وزعو وشي طبخو
جان يوم حلو وبي احداث هواي
@novels_stories
الظهر رحت لغرفتي فوك واجة وراية احمد

احمد : هاي شنو منلعب اني وياج

شيلاء : شنلعب

جان يغمزلي وكلي نلعب جقلمبة

شيلاء : 😳🙄

احمد : 😬

شيلاء😑 امري لله
............

العصر

شيلاء : كعدنا اني وسكينة وبقينا نسولف وراها كمنا سوينا عشى اني وياها
...........

@novels_stories
#يـتـبـع

#قصص_وروايات ✏

#لعبة_القدر ⚡️


#البارت_التاسع_عشر
@novels_stories

وبعد مرور شهرين

شيلاء : احمد جان كلش حنون علية وجنت عايشة وية عائلتة واني كلش مرتاحة وياهم

بعد شهرين عرفت انو اني حامل

شيلاء : عمة ام احمد اريد اكلج شغلة

ام احمد : كولي يمة

شيلاء: اني حامل

ام احمد : صدك بنيتي

شيلاء : اي عمة

ام احمد : هذا احلا خبر سمعتة . واخيرا لح اصير بيبية ويخضر دارنا وينترس جهال . الف مبروك حبيبتي

شيلاء : الله يبارك بيج

ام احمد : كلتي لاحمد

شيلاء : لا والله بعدني مكلتلة من يرجع اكولة

بليل ......

احمد : شلونهة عصفورتي اليوم

شيلاء : احمد لازم اكولك شغلة

احمد : شنو كولي

شيلاء : اليوم جنت يم الدكتورة النسائية رحنة اني وجيداء

احمد : اي

شيلاء : ومن كد ما🙄 احم احم
صار عندي مضاعفات وهسة اني مريضة

احمد : مضاعفاتيش وشنو مرضج
ما معقولة هيج شي يسبب مرض

شيلاء : حتة سويت تحليل دم وكلولي انتي حامل . شفت كلة من وراك

احمد : صدك شيلاء يعني لح اب . ويجي زعطوط صغير يصيحلي بابا

شيلاء : ايي

احمد : الف الحمد والشكر الك يا رب

وترة شقاج بايخ 😑

..............
@novels_stories
ولدت شيلاء طفل
وجابو لاحمد واذن باذنة وراها سما شهاب

...............
بالفترة الي مضت جان اكو ثنين عايشين قصة حب . وغراميات ومن هالسوالف

تعرفون منو

محمد اخو احمد
وشهلاء اخت شيلاء

لان شهلاء كبرت وصار عمرها 18 سنة

وبيوم من الايام وبالصدفة شافت شيلاء تلفون شهلاء
شيلاء : خلي اشوف شبي ما بي ولو اني واثقة باختي بس يلا

وجان اشوف رسائل الحب والغراميات والحبجيات ارد اشوف منو هذا طايح الحظ جان يطلع محمد اخو احمد

بهل لحظة رحت ركض على شهلاء وصفكتهة راشدي كتلهة منين تعرفتي علي

شهلاء : هو زحفلي وضل يلح ومن اجي عليكم اشوفة وحبيتة وحبني

شيلاء : وخوما صار بيناتكم شي

شهلاء : لا لا والله ابد وهو كال بس ننجح من السادس يجي يخطبني

شيلاء : الله كريم
..............
@novels_stories
وفعلا بعد ما نجحو همة الثنين

فاتح امة بالموضوع

محمد : ماما اني اريد اتزوج

ام احمد : اي يمة ساعة المباركة
وعندك وحدة بالك لو اخطبلك على معرفتي

محمد : اي عندي

ام احمد : منية وبنتمن

محمد : شهلاء اخت شيلاء

ام احمد : اختاريت ونعم ما اختاريت هذولة العائلة ذهب واجاويد

شيلاء : اجيت لكيت عمتي ومحمد كاعدين
ام احمد : شيلاء تعالي كعدي عندي شغلة وياج

شيلاء : نعم خالة

ام احمد : اني اريد اطلب ايد اختج شهلاء لمحمد

شيلاء : والله عمة ما نلكة احسن منكم ومحمد خوش وليد بس لازم اسئلهة بالاول

وبعد ما سالت شهلاء اكيد وافقت

وعقدو عليها وسوينا حفلة بسيطة بيتنا بيت ابوية

وسوو عرس يخبل وجان اختي شهلاء مثل الاميرة اييه ذاك اليوم جانت طفلة واني وياها نلعب ياريتج يا يمة هنا وتفرحين بيها

................
@novels_stories
شيلاء : انجمعنا اني واختي بيت من بعد ما فرقنا القدر والظروف

وطبعا جنت مستفادة منها تشيلي شهاب 😬

وطبعا بما انو صرنا عائلة جبيرة جبنا خدامة ثانية للمطبخ وحدة عليها التنظيف والغسل وحدة عليها المطبخ يعني اني اشرف عليها ماخليها وحدة تطبخ اكيد
..............

وبلشت الجامعات وكامو يداومون سوة

بعدين احمد كلي انو لازم اكمل جامعة لان اني بس كملت سادس وراها غصبوني على كمال

كلي كملي على واهسهم وحتة تساعديني مستقبلا بشغلي

شيلاء : انتة ما ميت علية تريدني اساعدك😏

احمد : 😁
.................
ووافقت اكمل كلية واعوف شهاب يم عمتي ام احمد

شهلاء راحت كلية بايولجي

اني رحت كلية ادارة واقتصاد

سكينة اخت احمد راحت كلية هندسة مرحلة ثانية
جيداء : كلية ادارة واقتصاد مرحلة ثانية
......... ...
حلوة الكلية تعرفت على صديقات هواي واصدقاء جذب اشاقة بس صديقات وجان احمد يغار علية اكيد وميقبل احجي وية الشباب

............
شهلاء جانت كلش فرحانة وية محمد عايشين قصتهم وحدهم وعدهم عالمهم الخاص يتخبلون ويزعلون ويتغازلون بحدهم محد الة علاقة بيهم
..............
@novels_stories
تذكرون محمود

محمود الاخ الوسطاني الي يحب البنات ومكضيها كلة حبجيات وغراميات

لمن شاف جيداء اخذتلة عقلة ومن ما اهتمتلة ولا عبرتة انجن بيها وكام يراقبها من بعيد البعيد ويسأل عنها شيلاء

جيداء : من شافتة انعجبت بي بس برستيجهة ميسمحلهة تبينلة اعجابها
..........

مرة من المرات شيلاء شافتة يباوع على صورهة الي ناشرتهن عالفيس لان هي ما محجبة وعائلتهم فري

كلتلة
محمود انتة تحب جيداء

محمود : والله اجذب عليج اذا اكلج ما حبهة. هاي البنية غير عن كل البنات
مختلفة ومو ملطلطة صح ما محجبة بس ثكيلة

شيلاء : اخطبهة

محمود : يجوز متوافق

شيلاء : محمود انت مثل اخوية واعتبرها نصيحة من اخت لاخوها . ما داك نيتك صافية ورايدها بالحلال اخطبها واذا على جيداء عقلها عقل الذبانة اني اقنعها اذا ما وافقت

محمود : صدك

#قصص_وروايات ✏

#لعبة_القدر ⚡️

#الكاتب_يوسف_يحيى

#البارت_العشرين_والاخير

@novels_stories

بعد سبع سنوات

شهلاء جابت بنات ثنين
سمتهن غزل وعسل

وجيداء : هم اجاها توم ولد سمتهم
مهند وفهد

وشيلاء جابت بنية سمتهة رواء

...........
شيلاء : الصبح كعدت بدلت وتريكت وديت شهاب لمدرستة

وخلص دوامي رجعت دا اخذة من المدرسة بالعادة اني يومية اجي بالوقت المناسب بس اليوم تأخرت شوية

اجيت ادور ماكو اصيح شهاب شهاب ماكو

كلت خاف بعدة بالمدرسة مضيع شي او بالتواليت ماكو

اني تهسترت كمت اصيح واعيط وكلبت المدرسة كلب

خابرت احمد واجة كلب الدنيا

بعدين اتذكرت صديقة دائما يطلعون سوة والى ان اجي اني يلة يعوفة ويروح
اخذت عنوانة من الادارة ورحت لبيتهم كتلة ما شفت شهاب اليوم كال ايي شفتة بس بالطلعة وكعت اقلامي بالكاع وضليت المهم وهو طلع قبلي
اوووف يا ربي

وبقينا ندور ونسأل للصبح

@novels_stories
بالفترة الي صارت كل هذي الاحداث السعيدة

اكو شخص طلع من المستشفى (الشماعية) ايي كمال

وفليحة ومديحة هم طلعو وبدو يخططون
حتى ينتقمون وقررو انو يخطفون شهاب ويطلبون مبلغ طائل حتة يرجعونة

ثاني يوم الظهر اتصلو وطلبو مبلغ مليون دولار

طبعا ابو احمد راسا وافق وراح ديسحب المبلغ من المصرف

بهل اثناء اتصل رامي اذا تذكرو الي باك الذهب ودفع خالة شيلاء عالدرج وماتت
وسندس كالت انو ديتعالج
هو اتخطة الحالة الي صارتلة بفضل العلاج . وعرف بخطتة امة الخبيثة لان جانت مديحة تثق بي
نرجع للمكالمة الهاتفية

رامي : الو شيلاء اني رامي

شيلاء : شتريد يالحرامي يالنذل

رامي : اني جاي اريد اصلح غلطتي

شيلاء سدت التلفون بوجهة

وضل يدك يدك

اخير شي جاوبتة جيداء

كللها : الي خطفو شهاب امي وخالتي وكمال وهو هسة بيتنا حابسينة بالحمام الفوك


جيداء : عزة بعيني

ولج شيلاء ابنج بيت عمتج مديحة وحابسينة بالحمام الفوك . جاوبت رامي وهيج كلي

شيلاء : يمة وليدي خلي اخابر احمد

طبعا احمد خابر على جماعتة الضباط واخذ ويا دورية وراحو

طبو لكو فليحة كاعدة هي وكمال ومديحة جانت دتكلي كبة ههههه

اول ما طبو فليحة ركضت على مديحة وانطش الدهن عليهن ثنينهن 😂

طب احمد ركض وصعد فوك كسر الباب ولكة ابنة ديبجي وشبكة وشالة واخذة
بهل اثناء اخذو كمال ومديحة وفليحة ولح يبقون خايسين بالسجن
.............
@novels_stories
رجع احمد شهاب لشيلاء وحظنتة وكامت تبجي
وثاني يوم ذبحو 3 طليان وزعوهن على سلامة شهاب
............

وبعد مرور السنوات
امتلة البيت جهال
وطبعا هو بيتهم جبير كلش الف متر
800 بناء والباقي كراج وحديقة وحوض سباحة
وهو بلاحرى مو بيت يعني نكدر نكول فلة لان ابوهم رجل اعمال وعندة عقارات هواي ومن ضمنهن فندق بتركيا

............

شيلاء عاشت مرتاحة وية احمد وفرحانة وصار عدهم 3 ولد وبنية
شهاب ورواء ويوسف ويونس
وكظو حياتهم كلها لعب 😉🙄
............
#قصص_وروايات
شهلاء ومحمد : بقو عايشين بحب وبقو حبجية حتة بعد الزواج في ما لا شك فيه اربع وعشرين ساعة كاضيها غزل وسوالف

وصار عدهم 3 بنات ولد

غزل وعسل وكرار وازل

................
نجي عالفايخين

جيداء ومحمود : راهمين لبعضهم ويتشابهون بهواي اشياء حياتهم مثل حياة الامراء اهم شي برستيجهم

وصار عدهم ولد ثنين وبنات ثنين

مهند وفهد وايلاف وشهد
.............

شيلاء : بيوم وليلة انكلبت حياتي كلب وبيوم وليلة تغير حالي للاسوء وبيوم وليلة رجعت مثل ما جنت واحسن ولكيت عائلة من ذهب

الحمد لله يا ربي انك جمعتني اني واختي بيت واحد وقسمتلي شخص يحبني واحبة

وارحم يا رب الاشخاص الي تحت التراب الي صارو بعيدين عنة بس بقو بكلوبنة يارب انزل السكينة والرحمة في قبورهم واجعلهم روضة من رياض الجنة
........
اجة الصيف ورحنا لتركيا صيفنا وتونسنا وغيرنا جو ولعبت جهال بنفس الحديقة الي تعرفنا بيها ومرجحتهم بنفس المرجوحة الي مرجحت بيها الطفلة وبالصدفة جان اكو بنية شكرة وحلوة جتي علية ماعرف شنو كالت صحت لاحمد حتة يجي يكلي شنو تكول

طلعت تكولي انو اني علمتها تتمرجح قبل اكثر من 10 سنين وهسة هي عمرها 17 سنة ولح تعلم جهالي شلون يتمرجحون هههههه




..................النهاية ...............

صاحبة القصة : بيداء

الكاتب : يوسف يحيى

📝 📝 انتهت قصة...

#لعبة_القدر ⚡️

واندمجنا مع شخصياتها .... وتأثرنا بما حصل معهم ....

قصتنا هي مشاركة من كتابات أحد اعضاء قناة #قصص_وروايات ✏

لذا شاركونا هنا بكتابة رائكم وانتقاداتكم وتشجيعكم للكاتب الجديد فوق في بوت التعليق 👆...

#يوسف_يحيى

عجبتكم القصة؟