#قصة_جديدة

#رماد الحب 💞

#لكاتب : ياسمين أمين

#عدد_الاجزاء: ١٣ جزء

#الهجة :يمنية

#نوعها : رومانسي

#إنتظرونا………

اتمنى لكم قراءة ممتعة
وحياكم بقناتنا 💕

https://t.me/joinchat/AAAAAD-xrVl62QWJj

#قـــــصــــص_وروايــــات ✏

#رماد_الحب 💕


الحلقة1⃣

@novels_stories

وليد كان من اسره ثريه جدا وكان الصغير بين اخوته وكان المدلل عند ابوه وامه وطلباته دائما ً تنفذ وفي يوم من الايام صحى وليد من النوم وتجهز عشان يروح الجامعه خرج من البيت وبالصدفه شاف وليد في طريقه جارتهم حنان وهيه رايحه المدرسه وكأنه اول مره يشوفها بدأ الاعجاب يتسرب قلبه طبعاً حنان كانت من اسره فقيره وناس بسطاء وكانت تدرس في المرحلة الثانويه المهم جلس وليد يفكر في حنان طول الطريق وطول المحاضره صفوان كان الصديق المقرب عند وليد لاحض صفوان ان وليد سارح ومش مركز مع المحاضره
انتهت المحاضره راح صفوان لاعند وليد

صفوان ... مالك ياوليد سارح وغارق في التفكير ومش مركز مع المحاضره اليوم فيك حاجه

وليد ...لا لا مافيش حاجه بس بين افكر في حاجه با ارجع اقلك عليها بعدين

صفوان ...متأكد ان مافيش حاجه

وليد ... ههههه لاتقلق اخي صفوان لو في حاجه كنت كلمتك اما المحاضره باترجع تشرحها لي وقت ثاني

صفوان ... خلاص تمام ان شاء الله يالله مع السلامه انا باروح

وليد ... الله معك في امان الله

@novels_stories

وبعدها رجع وليد البيت وهوه يفكر في حنان وبدأ وليد يهتم بشوفة حنان وكان يصحى الصباح وينتضرها لما تخرج من البيت وتروح المدرسه عشان يشوفها
وبدأت النضرات بين وليد وحنان تزداد وتقوى وبدون شعور حس وليد انه تورط بحب حنان وقرر انه يصارحها بحبه ولاكن وليد كان انسان خجول ماقدر يصارح حنان بحبه لها وكلما حاول يوقف يكلمها يتجمد لسانه وتتحجر قدمه ويتراجع عن مصارحتها وفي يوم من الايام جلس وليد يفكر بطريقه غير مباشره لمصارحة حنان فخطرت في راس وليد فكرة جهنميه تخلي حنان تعرف ان وليد بيحبها .....

وبعد ماجلس وليد يفكر بطريقه يصارح بها حنان عن حبه خطرت في راس وليد فكره جهنميه تخلي حنان تعرف ان وليد بيحبها
نام وصحى الصباح واخذ سيارته عند مزيني السيارات وطلب منه ان يكتب له على فريم السياره حرف H وجنب الحرف يكتب احبك ويكتب ايضا ً رقمه وراح ينتضرها امام المدرسه ولما خرجت حنان من المدرسه مشى من امامها بالسياره وفتح اغنيه احبك حب يامجنون وكان يرفع فريم السياره شويه شويه عشان حنان تحفظ الرقم تفاجئت حنان من الحركه الي سواها وليد وواصلت طريقها للبيت ورجع وليد البيت مبسوط ومرتاح بالذي سواه وظل منتظر اتصالها مشى اليوم الاول وما اتصلت حنان زعل وليد وانتظرها في اليوم الثاني فجئه رن جوال وليد فز بسرعه في اتجاه جواله يرد على الاتصال وشاف الرقم غريب زادت فرحته

وليد ... ياهلا يامرحبا واخراً اتصلتي

المتصل ... مالك يا وليد انا اخوك عمار اتصلت لك من تلفون صديقي ممدوح تلفوني طافي المهم اتصلت لك اقلك تأخذ امي العياده في العصر انا مشغول ماقدر ااخذها انا
وليد.. 😔خلاص تمام ان شاء الله بأخذها

عمار.. يالله مع السلامه انتبه تنسى

وليد .. ان شاء الله مع السلامه

وسكر وليد الخط وهو زعلان ظن ان المتصل حنان وجا وقت العصر وراح وليد مع امه العياده ورجع ينتظر اتصال حنان ومر اليوم الثاني وما اتصلت وفي اليوم الثالث ووليد في لحظات الانتضار الصعبه رن جواله

وليد ... الوووه

حنان ... ايوه من وليد

وليد .. ايوه انا وليد

حنان.. اهلا وليد انا حنان

وليد ... حرام عليك ليش تتاخري عليا في الاتصال قد روحي عتخرج وانا منتظر لاتصالك

حنان .. انا اسفه والله غصب عني اصلا ً انا ماعندي تلفون وعادنا اقدرت اروح اليوم عند صديقتي سحر واتصلت لك من تلفونها سامحني على التأخير

وليد .. لا عادي مافيش حاجه بس انا فكرت انك ماحفظتي الرقم

حنان .. هههه كيف ما احفظه اكيد با احفظه لاني منتطره هذه الحظه بفارغ الصبر

وليد .. اصلا انا كنت اشتي اكلمك واعطيك الرقم في ورقه بس خفت انك تكسفيني

حنان.. ليش ما سويتها انا كنت متوقعه انك تسويها وكنت مستعده للحظه هذه على العموم قد سويت حركه احسن من الورقه وبعدين ايش الحركه الحلوه هذه احرجتني امام صديقاتي

وليد.. ههههه ايش اسوي كان الحل الوحيد الي اسويه

حنان.. حركه حلوه والاغنيه احلا ومشكور كثير المهم ياوليد اشتي اقلك اني ما اقدر اتصلك بشكل يومي با اكون اتصلك يومين في الاسبوع لما اكون اروح عند صديقتي سحر

وليد.. ليش هكذا بشتري لك تلفون
حنان ... لا لا لاتشتري لي تلفون باتسوي لي مشاكل مع اهلي خلينا هكذا لما يشترو لي هم

وليد .. خلاص اوك

حنان.. استئذنك انا بغلق متواصلين وقت ثاني

وليد.. لحظه انا بحط لك ظرف بكره عند صاحب المكتبه الي تحت المدرسه حقكم روحي ااخذيه

#يتبع_الآن

وليد.. ليش هكذا بشتري لك تلفون
حنان ... لا لا لاتشتري لي تلفون باتسوي لي مشاكل مع اهلي خلينا هكذا لما يشترو لي هم

وليد .. خلاص اوك

حنان.. استئذنك انا بغلق متواصلين وقت ثاني

وليد.. لحظه انا بحط لك ظرف بكره عند صاحب المكتبه الي تحت المدرسه حقكم روحي ااخذيه

حنان .. ايش في الظرف

وليد.. باتعرفي بكره بنف

#قـــــصــــص_وروايــــات ✏

#رماد_الحب 💕

الحلقة2⃣


@novels_stories

فتحت حنان الظرف وتفاجئت لما شافت الي في الظرف شافت صورتها هيه ووليد صوره وعادهم صغار من ايام الطفوله صورهم ابو وليد وهم بيلعبو في حوش البيت وشافت جنب الصوره دفتر صغير مكتوب فيه خواطر وقصائد كتبهن وليد لحنان ابتسمت بستغراب وحطتهن في الشنطه وراحت وسوت رساله لوليد بتلفون سحر

حنان ... منين جبت الصوره هذه يامجنون

وليد.. كانت في البوم الصور حق ابي من اول يوم بدأت افكر فيك رحت اخذها من الالبوم وسويت منها نسختين واعطيتك واحده

حنان... الصوره روووعه با احطها في عيوني

دخلت حنان المدرسه ومن بداية الدوام لا اخره وهيه بتفكر في وليد رن الجرس وخلص الدوام وخرجت حنان من المدرسه شافت وليد امامها وكأن نضراتها تخاطب وليد وتقله وينك ياوليد من زمان انا كنت ولاشي بدونك وبعدها رجعت حنان البيت غيرت ملابس المدرسه ودخلت تساعد امها في تجهيز الغداء وبعد الغداء جلست تقراء الدفتر الذي جابه وليد فتحت اول صفحه ومكتوب فيها

حنان انتي العشق المتسلط الذي تسلط على كل جوارحي حنان انتي عشق ٌ استعمر قلبي ولم يستطيع مقاومته انتي الذي قرأت في عينيكِ تفاصيل سعادتي ...

انسجمت حنان مع الكلام الذي في الدفتر مشى الوقت وهيه تقراء صفحه بعد صفحه سمعت صوت يناديها من خارج الغرفه

ياحنان ياحنان

حنان ... ايوه ياااامه

ام حنان.. تجهزي بانروح انا وانتي السوق نبيع حقنا الصوف الذي خيطناه

حنان ... حااضر يامه الان

ام حنان... الله يرضى عليش يابنتي بسرعه
@novels_stories

تجهزت حنان وخرجت مع امها السوق باعو حقهم الصوف لان حنان وامها وخواتها كانو يخيطين صوف عشان يساعدو ابوهم في صرفة البيت وهم راجعين البيت شافت حنان في السوق وليد وجنبه بنت ماشي هو وهيه بيضحكو ومستأنسين 😳😳

انصدمت وماتوقعت ان وليد بيخونها ويكذب عليها ورجعت البيت مقهوره ودخلت الغرفه وغلقت على نفسها وجلست تبكي مش مصدقه الذي حصل من وليد ام حنان لاحظت ان حنان مش طبيعيه دقت عليها الباب

حنان ... من
ام حنان ... افتحي الباب

حنان مسحت دموعها وخلت نفسها طبيعيه وقامت فتحت الباب

ام حنان ... مالك يابنتي من حين رجعنا من السوق وانتي مش طبيعيه في حاجه

حنان .. مابش حاجه يامه مابلا تعبت من الطريق شويه

ام حنان ... لاتكذبي بين احس ان في حاجه وانتي مخبيه عليا ايش الي قلب مزاجك وانتي خرجتي معي با احسن حال ومبسوطه

حنان ... مافيش حاجه يامه قلت لك انا تعبت من الطريق وبس

ام حنان ... خلاص ليش مغلقه على نفسك ليش ماتخرجي عندنا نسهر سوى مثل يوميه

حنان ... مابش نفس اجلس مع احد اليوم الله يحفظك يامه اشتي اجلس لحالي

ام حنان ... يعلم الله مابه وايش الي قلب مزاجك

وخرجت ام حنان من الغرفه وظلت حنان لوحدها تبكي وتتحسر مصدومه من وليد وظلت منتظره للصباح بغير نوم اشرقت شمس الصباح وتجهزت حنان للمدرسه وخرجت ووليد تجهز للجامعه وخرج وشاف حنان بس حنان ماشفته من جنبه وكأنها ماتعرفه استغرب وليد من حنان مش عادتها تمشي قبل ان تسلم عليه بنظراتها وبسمتها الجميله
راح الجامعه وحنان دخلت المدرسه وشافتها سحر صدقتها سلمت عليها بس لاحظت عليها انها مرهقه ومزاجها غير رايق

سحر .. حنان ايش فيك شكلك مرهقه

حنان ... بكت وارتمت في حظن سحر

سحر ... مالك اغلقتيني ايش فيك حصل شي كلميني

حنان ... وليد طلع كذاب ياسحر وبخونني

سحر ... كيف بيخونك وكيف عرفتي

حنان ... شفته امس في السوق مع واحده

سحر ... اهدئي لحظه لاقد تحكمي عليه اتصلي له في الراحه وشوفي مع من كان

رن الجرس وخرجو البنات راحه حنان بسرعه اخذت التلفون وراحت تتصل لوليد رن تلفون وليد وهوه في المحاضره

وليد ... ممكن دقيقه يادكتور ارد على الاتصال

الدكتور ... تفضل بس بسرعه لاتتاخر

خرج وليد من القاعه

وليد ... الوه اهلا حنان

حنان ... وين انت

وليد ... انا الان معي محاظره

حنان ... ممكن خمس دقايق من وقتك يا استاذ وليد

حس وليد ان لهجة حنان في الكلام متغيره

وليد ... تفضلي خير ايش في

حنان ... ليش تكذب عليا وتوهمني انك بتحبني وانت انسان خاين ولعبي ومن البنت الي كانت معك امس

وليد ... ايش من خيانه وايش بتقلي واي بنت بتتكلمي عليها لاكان معي بنت ولاشي

حنان ... لاتكذب انا شفتك بعيني وانت معاها في السوق وبالاماريه دخلتو محل الذهب

وليد... هااااه هههههههه الله يسامحك تتوقعي اني اخونك ياحياتي

حنان ... مش متوقعه بس قد شفتك بعيني

وليد... ياحياتي هذك البنت الي شفتيها هيه عمتي سلوى رحت انا وهيه السوق نشتري لها الشبكة حق العرس باتتزوج بعد شهرين

حنان ... متأكد انها عمتك سلوى

وليد ... والله انها عمتي سلوى واذا مش مصدقه با اجيب لك رقمها وانتي اتصلي لها وتأكدي بنفسك

حنان ... خلاص مصدقه لك والله انا بغير نوم من امس فكرتها بنت مش من اسرتك

@novels_stories

وليد ... حنان انا من يوم حبيتك وانا ا

#قـــــصــــص_وروايــــات ✏

#رماد_الحب 💕

الحلقة3⃣


@novels_stories

ولما شاف سليم الدفتر في الطاقه أخذه فتحه وقراء كل مافي الدفتر
وعرف ان الدفتر لحنان جن جنونه وشاف اسم وليد مكتوب في الدفتر بس ماعرف من وليد ماخطر في باله وليد جارهم وظل منتظر لحنان ترجع من المدرسه رن الجرس وخلص دوام المدرسه وخرجت حنان ومثل العاده شافت وليد امامها منتظر لها عشان يشوفها ابتسمت وواصلت طريقها للبيت وصلت حنان البيت وهيه سعيده جدا دخلت البيت وشافت اخوها سليم امامها وصورته مقلوبه ماتطمن

سليم ... الحقيني للغرفه وغلقي الباب
@novels_stories
حنان خافت وبدأت نبضات قلبها تتسارع دخلت الغرفه غلقت الباب

سليم ... حق من هذا الدفتر

حنان شافت الدفتر في يد سليم واتحجرت من الخوف

حنان ... هاه اي دفتر مش عارفه

سليم... صفع حنان وشدها من شعرها كيف مش عارفه واسمك مكتوب فيه تكلمي من الصعلوك هذا الذي اسمه وليد قبلما ارتكب فيك جريمه

حنان ... وهيه بتبكي ما اعرفه والله ما اعرفه

سليم ... وعادك بتنكري وتحلفي كمان وصفعها مره ثانيه وظربها وحنان تصح ما اعرفه والله مااعرفه

سليم ... وكيف وصلك الدفتر يا...

حنان ... جابته لي بنت في المدرسه ما اعرفها وانا اخذته ظنيت ان الدفتر منها

سليم ... يعني ما باتتكلمي منو وليد

حنان ... قلت لك ما اعرفه لو اعرفه كنت قلت لك

سليم ... طيب حاظر من عيوني بااعرفه بطريقتي و انا عارف كيف اربي هذا الصعلوك واربيك وانا بين اقل ليش رفظتي ابن عمتي عبدالجليل لما تقدم لك وانتي رفظتيه عشان هذا الصعلوك وليد لاكن خلاص عبدالجليل بايرجع بعد شهرين من السعوديه وباتتزوجيه غصبا عنك واتحدك ترفظيه او تقولي مش موافقه والله لا اذبحك مفهوم وماعدفيش مدرسه من بكره اجلسي في البيت اشتغلي مثل الخدمات احنا قلنا تروحي تتعلمي مش تروحي تعشقي وتحبي وتوطي روسنا يا واطيه

ودهفها وخرج من الغرفه ام حنان سمعت الصياح وسمعت حنان وهيه بتبكي راحت لاعند حنان ايش فيك بتبكي وليش اخوك سليم خرج غاظب

حنان ... سليم ظربني يامه

ام حنان ... ليش ظربك ايش سويتي

حنان ... ما سويت حاجه حصل دفتر معي جابه لي جارنا وليد

ام حنان ... ايش من دفتر وايش مكتوب فيه

حنان ...مكتوب فيه كلام عادي

ام حنان ... الله ينتقمك ايش بينكم انتي ووليد

حنان...والله مابيننا حاجه يامه الولد محترم ويشتيني على سنة الله ورسوله الولد يشتي يتزوجني

ام حنان ...الله يبزك من عندي كيف وصل الدفتر لايد اخوك سليم انتي عارفه انه مجنون بايسوي مشاكل مع الرجال

حنان ... نسيته في الطاقه ورحت المدرسه وهوه دخل الغرفه وشافه وبعدين يامه سليم ماعرف منهو وليد لاتكلميه

ام حنان ... الله يشلك ولايشلني من عندكم ارتاح منكم ومن مشاكلكم

حنان ... يامه والله ان وليد محترم ورجال صادق ولابيينا حاجه غير الدفتر

ام حنان ... الله يجلعه صدق

حنان ... الله يحفظك يامه روحي لاعند صديقتي سحر وقلي لها تجي لاعندي في العصر ضروري

ام حنان ...تمام ان شاء الله با اروح لاعندها ذلحين وشوف لنا حل لهذه المصيبه الي سويتها

راحت ام حنان لاعند سحر وكلمتها انها تمر لحنان في العصر

سحر ... ان شاء الله يخاله

حنان جلست خايفه من سليم لايعرف وليد ويسوي معه مشاكل

وصلت سحر لاعند حنان وحنان بتبكي وخايفه

سحر ... ايش فيك ياحنان ايش الي حصل مالك بتبكي

حنان ... اخي سليم شاف الدفتر وقراء الذي فيه وظربني وتوعدني بانه لايزوجني بعبد الجليل غصبا عني

سحر ...😱😱😱 كيف وصل الدفتر لاعنده

حنان ...نسيته في الطاقه وهوه شافه وااخذه

سحر ... كيف تنسي دفتر مثل هذا يامجنونه ليش ماتخبيه في اي مكان بعيد محد يقدر يوصل له

حنان ... والله مش عارفه كيف نسيته الله يشلني والمصيبه الي سويتها

سحر... كيف الحل ذلحين

حنان ... هاتي التلفون اتصل لوليد
اخذت حنان التلفون واتصلت لوليد
وليد... ياهلا بروح الروح

سمع حنان بتبكي في التلفون

وليد... حنان مالك بتبكي ايش فيك في شي

حنان ... اخي سليم ياوليد شاف الدفتر وقراء الذي فيه

وليد ... ايييش كيف شافه

حنان ...نسيته في الطاقه ورحت المدرسه

وليد... اوف كيف تنسي الدفتر انتي بعقلك تنسي الدفتر في الطاقه

حنان ... المهم ياوليد مش وقت الكلام هذا قد حصلت اخي سليم ماعرف ان وليد هوه انت بس اذا عرفك حاول تحل الموضوع معه بدون مشاكل الله يخليك لاتدخل معه في مشااكل لو يحصل لك شي بسببي ماعتسامح نفسي لوما اموت

وليد... لاتخافي مابايحصل اي اذا عرفني انا عارف كيف اتصرف معه

@novels_stories

حنان...سليم فكر اني رفظت ابن عمتي عبد الجليل عشانك وانا رفظته قبلما تكلمني وحلف لايزوجني بعبد الجليل غصبا عني وبايجي من السعوديه بعد شهرين

وليد ... 😱😱😱😱كيف نسوي ذلحين

حنان... الحل الوحيد انك تجي تخطبني قبلما يجي عبدالجليل الله يحفظك ياوليد سوي اي حاجه وجي اخطبني انا مستحيل اتزوج غيرك

وليد... ولايهمك با اكلم ابي

#قـــــصــــص_وروايــــات ✏

#رماد_الحب 💕

الحلقة4⃣

.
بعدما كلم وليد ابوه انه يشتي يخطب حنان بنت جارهم حمووود

ابو وليد... ايش ايش ايش يعني عدمين البنات ماعد لقيت الا بنت هذا المنتوف الجاوع حمود الذي بيدور ما يأكل عياله

وليد... يابه الله يحفظك ايش فيها مش كل شي المال اهم شي ان البنت محترمه ومخلقه واهلها محترمين ولاقد سمعنا عليهم الا كل خير

ابو وليد ... انا قاسم عبدالكريم صاحب العز والجاه ازوج ابني بنت هذا المزين المعتوه حمود ايش عيقولو عليا الناس واهل القريه وين عتزيد اودي وجهي منهم وبعدين من ايحين قد معانا عيال بيتزوجو من خارج الاسره

وليد ... يابه مايسبرش هذا الكلام انت انسان متعلم وفاهم والمفروض هذا الكلام مايطلع منك احنا كلنا عيال تسعه قد قال الله ان اكرمكم عند الله اتقاكم ماقال اغناكم او اعلاكم نسب وجاه والناس ايش دخلهم مننا يقولو ماقالو الكلام لايزيد ولا ينقص

ابو وليد... درستك يادكتور وليد عشان تعلمني كيف اتكلم ايوه مزين وستين مزين وهولا الناس مش من مستوانا بتفهم

وليد... يابه عيب عييب هذا الكلام مايسبرش

ابو وليد... اسكت ولاكلمه تشتي زواجه مامعك الا بنت عمك مثل اخوتك

وليد... ايوه وايش النتيجه كل يوم وانت تسير تدي واحده من بيت اهلها ترضي الاوله وتحنق الثانيه ترضي الثانيه وتحنق الاوله وهكذا اخوتي مش مرتاحين مع نسوانهم والسبب لانك ماخليتهم يختارو نسوانهم بأنفسهم فرظت بنات عمي عليهم فرظ


ابو وليد ... اهاه قد اختياري شوعه ياوليد ماعدبين اعرفش اختار قد انت كبير وتعرف تختار احسن مني هيا اسمع لو تطلع السماء السابعه مامعك الا منى بنت عمك بتفهم ولا ماشي

وليد ... لاكن يابه ....
ابو وليد... ولا كلمه انتهى الموضوع انصرف من قدامي

خرج وليد من عند ابوه قاسم وهوه زاعل وظابح وام وليد دخلت لا عند ابو وليد

ام وليد ... مالك انت وابنك اصواتكم قدي لا اخر الحاره

ابو وليد ... ابسرتي ابنش واخر الدلع حقش

ام وليد... مالك ايش به ماله وليد

ابو وليد.... ابنك وليد يشتي يخطب حنان بنت المزين حمود ماعد يشتيش منى بنت عمه سيري عقليه قبلما افعل به حاجه هذا الحمار

ام وليد استغربت من الذي حصل
وراحت لاعند وليد

ام وليد ... مالك يابني ايش الذي صنف لك تخطب حنان بنت حمود وانت عارف ان ابوك مايشتي يزوجك الا منى بنت عمك

وليد ... بس انا يامه مشتيش منى بنت عمي وبعدين هذه حياتي ولا حياتكم ليش تشتو تغصبوني اتزوج بواحده مشتيهاش

ام وليد... يابني يابني قوى اسمعني ماتشتيش البنت هذه ابسر لك بنت غيرها

وليد... بس انا يامه ما اشتيها الا هيه وماعتزوجها الا هيه

ام وليد... ياولدي انت داري كيف ابوك عنيد ومايشتي الا كلامه يمشي عتفعلك مشاكل مع ابوك

وليد... ما يوقع الا كل خير يامه خلاص خليني اجلس لحالي

ام وليد... الله يهديك ياولدي ويصلحك هيا فكر سوى لاتستعجل

وخرجت ام وليد من عند وليد وجلس وليد لحاله زاعل وظابح من تصرف ابوه ومحتار ايش يسوي وفكر يكلم عمته سلوى تساعده في اقناع ابوه يخطب له حنان راح لاعند عمته سلوى ودق عليها باب الغرفه

@novels_stories
سلوى ...تفضل

وليد ... اشتي اكلمك في موضوع ياعمه

سلوى... تفضل ماتشتي

وليد ... ياعمه اشتيك تساعديني وتكلمي ابي يخطب لي حنان بنت جارنا حمود كلمته انا مارضي يشتي يزوجني منى بالغصب

سلوى... ايش يامجنون تخطب من انت داري انهم مزاينه وناس حالتهم حاله وانت داري ان مابش احد عندنا يتزوج من خارج الاسره

وليد... ايش الكلام هذا ياعمه هذا كلام الناس المتخلفين كلام الجهله والاميين واحنا ناس ماشاء الله علينا متعلمين وفاهمين الحياة عيب الكلام هذ

سلوى... انا معك بس انت عارف ان ابوك عنيد ومايسمع احد ماعيقتنع بهذا الكلام سامحني ياوليد لاتدخلني مع ابوك في هدار عرسي بعد شهرين لاعاد يقوم يصنف يفعل حاجه ويخرب العرس حين عتوقف معك خليني بعيده احسن لي

وليد... خلاص خلاص بس لاعاد تكلميه

وخرج وليد والاحباط على صورته ومش عارف كيف يسوي راح يكلم خواته سعاد وساره عسى وعلا وهم يقدرو يساعدوه ويقنعو ابوهم راح لاعند سعاد وساره وهم جالسين يشوفو التلفزيون

وليد ...سعاد سااره اشتي اكلمكم في موضوع وطو صوت التلفزيون

سعاد وطت صوت التلفزيون هاه ياوليد ماتشتي

وليد... كلمهم بالموضوع

سعاد ... والله ياوليد مانقدر نسوي لك حاجه حتى لو كلمنا ابي عيظبح ويبهذل بنا قدك عارف بطبيعة ابي لاصمم على حاجه مستحيل يتراجع عنها

ساره ... وانت ايش اعجبك في هاذك البنت بتتخايل نفسها انها حاليه وانا احسن منها وبعدين يخ والمزاح الذي معاها مره قالت لي ان حواجبي اكبر من شنب مجاهد نهشل قدها فدالي

@novels_stories

وليد شاف ان مافيش فايده من خواته نزل راسه مكسوف من اهل البيت محد رضى يوقف معه وظل ينتظر اخوته عمار وعامر لما يرجعو من محل الاقمشه حقهم عشان يكلمهم يوقفو معه ويساعدوه هم امله الوحيد الذي عاد بقى له لاكنهم اتأخرو ف

#قـــــصــــص_وروايــــات ✏

#رماد_الحب 💕

الحلقة5⃣

@novels_stories

ظل صفوان يفكر بحل يقنع ابو وليد يخطب لوليد حنان

صفوان... ايو لقيتها عندي لك حل يقنع ابوك يخطب لك حنان

وليد... هاه بشر 😳

صفوان ... تروح لا عند اصدقاء ابوك المقربين الذي يحبهم ويحترمهم ومايرفظ لهم طلب وتشرح لهم قصتك وتطلب منهم يروحو لاعند ابوك يكلموه ومايخرجو من عنده الا وقد وافق يجو له بحق الصحبه والعيش والملح الذي بينهم وان شاء الله يوافق

وليد... مدري يا اخي صفوان معتقدش انه عيوافق ابي عنيد ومايشتي الا الذي في راسه

صفوان ... ياوليد انت اتوكل على الله وجرب وماعتخسر شي وان شاء الله يوافق

وليد ... تقل اسير اكلمهم

صفوان ... ايوه سير ولا تتأخر بكره الصباح والخبر عندهم عشان يسيرو له العصر يكلموه

وليد ... ان شاء الله با اسير لاعند عمي صالح هوه تاجر احذيه جنبنا في السوق صاحب ابي قوي ولاعند الدكتور سمير هولا اصحاب ابي المقربين نجرب حقك الخطه هذه وعلى الله

صفوان ... تمام توكل على الله وادعي ربك والخير فيما اختاره الله

وليد ... ان شاء الله يالله مع السلامه عتقوم ارحلي ومتواصلين خاطرك

صفوان ... الله معك واي جديد بلغني على طول

وليد ... ان شاء الله مع السلامه

وخرج وليد من عند صفوان ورجع البيت يفكر كيف يكلم اصحاب ابوه صالح والدكتور سمير ونام وهوه متفائل بخير واشرقت شمس الصباح وليد صحى من النوم تجهز وخرج من البيت وهوه يدعي الله ان الخطه هذه تسبر وركب سيارته وانطلق للمحل حق صالح دخل وليد المحل السلام عليكم

العامل... وعليكم السلام اهلا ياوليد كيف حالك

وليد ... الحمدلله بخير وين عمي صالح

العامل ... داخل في غرفة الحسابات

وليد ... ممكن ادخل لاعنده انا اشتيه

العامل ... تفضل ادخل

وليد دخل لاعند صالح السلام عليكم كيف انت ياعم صالح عساك طيب

صالح ... اهلا بوليد الغالي ابن الغالي يامرحبا نورت المحل كيف حالك وايش اخبارك وكيف الوالد والله وحشني ليش ماعد بيجي المحل حقكم

وليد ... انا الحمدلله بخير في نعمه وعافيه وابي بخير ومرتاح ماعدبيجي المحل قد اخوتي عمار وعامر بيكفو ويوفو هوه عليه يراجع الحسابات والسندات في البيت

صالح ... الله يفتح عليه ويطول بعمره

وليد... امين واياك ياعم صالح المهم ياعم صالح انا جيت لاعندك اشتيك في خدمه بسيطه انت والدكتور سمير

صالح ... تفضل يابني اامر انا تحت امرك

وليد ... الله يحفظك ياعم صالح بس انا كنت اشتي منك ...... وحكى وليد القصه للعم صالح كلها

صالح ... والله ما اقلك الا كل خير يابني يمكن مايوافق قدك داري ببوك لاكن علشانك عنسير نكلمه ونحاول نقنعه واذا رفظ قدك تعذرنا احنا قد عندي الذي علينا

وليد ... الله يحفظك ياعم صالح ولايهمك كله نصيب والله يكتب الخير على ايدكم ويكفيني انك سرت تكلمه حتى لو ما وافق

صالح ... ولايهمك انا عتتصل للدكتور سمير الان وافهمه ايش الذي عنسويه وبعدين نتصل لبوك ونقله ان احنا عنجي عنده في العصر

وليد ... تمام سابر الله يطول بعمرك ياعم صالح وانا منتظر للرد منكم يالله مع السلامه انا عترحلي متواصلين

صالح ... الله معك في امان الله

@novels_stories

مشى وليد من عند العم صالح ورجع البيت ينتظر ايش عيسوي العم صالح مع ابوه العم صالح اتصل للدكتور سمير وفهمه بالموضوع والدكتور سمير وافق وبعدها اتصل صالح لاعند ابو وليد

صالح ... الووه السلام عليكم

ابو وليد... يامرحبا اهلا بخي صالح كيف حالك

صالح ... الحمدلله ياخي قاسم في نعمه وعافيه وينك مغيب

ابو وليد... والله قدك داري كبرنا وماعد احناش حق محلات قد العيال بيشتغلو بدلي

صالح ... سابر الله يفتح عليك المهم انا والدكتور سمير ضيوفك اليوم في العصر ان شاء الله

ابو وليد ... يامرحبا اهلا وسهلا فوق عيني وراسي زارتنا البركه انا منتظر لكم

صالح ... يالله مع السلامه اتصلت لك انبيك

ابو وليد ... ولايهمك انا في الانتظار مع السلامه

وسكر صالح الخط وحان وقت العصر وراح صالح والدكتور سمير لاعند ابو وليد ودقو الباب ياحج قااسم ياحج قاااسم

ابو وليد... ياهلا ومرحبا الان افتح لكم الباب ونزل ابو وليد يفتح لهم الباب وكان الاستقبال حار وضيفهم وجلسو يتجابرو على العمل والدنياء وبعد الكلام حول العمل

صالح ... اسمع ياحج قاسم انا والدكتور سمير جينا لك في موضوع وانا ارجوك انك ما تردنا

ابو وليد ... تفضلو الله المستعان اذا اقدر عليه من عيوني الثنتين

صالح ... اسمع يا اخي قاسم الزواج قسمه ونصيب والانسان مايأخذ الا نصيبه وابنك سمير قد جا لاعندنا وترجانا نجي نكلمك من شان موضوع حنان بنت جاركم حمود وقال انك رفظت تخطبها له

ابو وليد... ايوه رفظت ومستحيل ازوجه بنت هذا المزين




صالح ... ياخي قاسم مايقولو الناس هذا الكلام الولد يشتي البنت والبنت محترمه واهلها محترمين واذا بتعزنا وتقدرنا انك توافق وتخطب حنان لوليد واحنا في بيتك وتحت خشبتك

اب

#قـــــصــــص_وروايــــات ✏

#رماد_الحب 💕


الحلقة6⃣

@novels_stories

بعد الحديث الذي دار بين وليد وابوه قاسم مشى وليد من امام ابوه
ابو وليد... هاه لحظه

وليد ... ماتشتي يابه
ابو وليد ... اطرح مفاتيح السيارة مع كرت الحساب حق البنك اصلا بنت حمود مش متعوده تركب سياره من هذا النوع كون ركبها باصات

وليد... حاضر يابه تفضل
اخذهن ابو وليد

ابو وليد... يالله سير جمع ملابسك وانقلع من البيت
ام وليد وخواته سعاد وساره كانو يسمعوهم من خلف الباب 😱😱😱😱😱😱

مشى وليد وفتح الباب وشاف امه عند الباب بتبكي زعل ونزل راسه ومشى لاغرفته ام وليد وخواته لحقوه وليد للغرفه

ام وليد ...وهيه بتبكي مالك يابني ايش فعلت لك بنت حمود سحرتك اين عتسير وتفلتني

وليد... الله يحفظك يامه ويطول بعمرك هذا الشي كان بايحصل مع حنان ولا غير حنان لاني مشتيش لامنى بنت عمي ولا واحده من الاسره

ام وليد ... يابني الله يحفظك عوذب من ابليس وانسى البنت واختار احسن بنت في الاسره وانا اخطبها لك اهم شي لاتفلت البيت

وليد... يامه يامه قوى افهميني انا مشتيش من الاسره حقنا لو اجلس عزب طول عمري

ام وليد.... وعتفلتني ياوليد وانا الذي عادنا راكنه عليك انك عتعوضني بدل اخوتك عمار وعامر الذي انشغلو بالعمل ونسوانهم ونسو امهم

@novels_stories

تقطع قلب وليد لما سمع امه قالت هذا الكلام ونزل يقبل اقدامها وهوه بيبكي يامه سامحيني يامه غصب عني مااسترش افلت حنان والله لا اجنن بعدها قوى يامه لاتحرموني منها خليش معي لاتوقفي ضدي والله ما اشتي افلتك ولا اشتي ارحلي من البيت بس ابي مصمم ايش اسوي وكان يبكي بكا شديد

تأثرت ام وليد ورحمت وليد لما شافته بذاك الحال وعرفت ان وليد متعلق بحنان ومابش فايده من اقناعه يتركها وسعاد وساره كانو يبكو ويتراشو وليد يظل في البيت بس وليد مصمم يأست الام من اقناع وليد

ام وليد ... خلاص ياولدي الله يوفقك بس كون طمني عليك ولاتكون تغيب عليا كثير بدون ماتتصلي

وليد ... حاااظر يامه ولايهمك انتي امري ولاتكوني تنسيني من الدعاء وانتي ساجده

ام وليد... الله يقنع قلبك من هذه البيت ويخليك تتركها

وليد ... مش من هذه الدعوه يامه ادعي لي ان ابي يلين قلبه ويزوجني حنان

ام وليد... ما بلا الله يقنع قلبك من البنت هذه ويشلها من راسك

سكت وليد وجلس يجمع ثيابه وراحت ام وليد لا غرفتها فتحت شنطتها ....
ورجعت لا عند وليد وفي يدها كيس

ام وليد ... خلي هذا معك مشي به امورك ياولدي

وليد... ايش هذا يامه

ام وليد ... هذا الحزام الذهب حقي خليه معك بيعه ومشي امورك به

وليد... اتفاجئ ونزل يقبل رجل امه وهوه يبكي

وليد... بس يامه لو عرف ابي انك جبتي لي الحزام بايسوي مشاكل ويأذيك

ام وليد... ماعليك ياولدي عتتصرف معه عتشوف كيف اقله
وليد جمع ملابسه وحط الحزام في الملابس وغلق الشنطه وودع امه وخواته وعمته سلوى وخرج من البيت واتصل لاعند صديقه صفوان

وليد... الوه صفوان انت في البيت

صفوان ... ماشي انا في السوق نص ساعه وانا في البيت

وليد ... تمام انا جايا عندك
صفوان ... اهلا وسهلا يالله انا الان متحرك في اتجاه البيت

وليد.. يالله مع السلامه
وراح وليد لاعند صفوان وصل وليد ودق الباب ردت

ام صفوان ....مــــــــن
وليد ... انا وليد ياخاله قد رجع صفوان من السوق
ام صفوان... ماشي ماقد رجع
وليد... خلاص ياخاله بتصله

واتصل وليد لصفوان
وليد .. وين قد انت
صفوان ... قدنا قريب دقيقتين وانا عندك
وليد... بسرعه انا عند باب بيتكم
صفوان.. يالله الان
@novels_stories
وصل صفوان وشاف وليد بالشنطه استغرب
صفوان ... مالك ياوليد وايش الشنطه هذه

وليد باكلمك داخل البيت خلينا ندخل دخل صفوان ووليد البيت

صفوان ... ايش في ايش الشنطه هذه

وليد... ابي طردني من البيت وشل السياره عليا وكرت البنك ياصفوان اسمح لي اجلس عندك هذا اليومتين لما اشوف لي بيت

صفوان ... اهلا وسهلا البيت بيتك بس ليش طردك

وليد... طبعا ً ابي ماوافق لما كلمه عمي صالح والدكتور سمير عشان موضوع حنان
صفوان .. ايوه
وليد.... وانا قررت اواجه ابي وقلت له اني عتخطب حنان وما اشتيها الا هيه وحصل الي حصل

صفوان ... ليش يامجنون تفعل بنفسك هكذا طز في حنان
وليد... ايش طز في حنان طز في كل شي اهم شي حنان لو اضحي بعمري عشان حنان يفداها

صفوان ... حسبي الله ونعم الوكيل قلي ذلحين كيف عتفعل بالخطبه والمهر وكيف عتفتح بيت وابوك قد شل عليك كل شي

وليد.. ربك كريم يا اخي صفوان بالنسبة للمهر امي الله يحفظها قد ادت لي حقها الحزام عتبيعه وادفع المهر والبيت عتشوف كيف عتفعل عيسهل الله

صفوان ... ودراستك كيف عتفعلها وانت بتدرس في جامعه خاصه ورسومها غالي

وليد... عتنقل جامعه ثانيه رسومها رخيص وعتدور لي عمل واشتغل واكون اسدد الرسوم

صفوان ... زعل على وليد وجلس مطنن شويه وخرج من عند وليد
ورجع لاعنده وفي يده فلوس

@novels_stories

صفوان

#قـــــصــــص_وروايــــات ✏

#رماد_الحب 💕

الحلقة7⃣

@novels_stories
بعدما فتحت حنان الباب وشافت ام وليد اتحجرت من الخوف

حنان... 😊اهلا ياخاله صباح يامرحبا

ام وليد... وين ابوش حموود

حنان... مش موجود اتفضلي ادخلي

ام وليد ... انا ماجيت ادخل واتضيف انا جيت اقلش تبعدي من ابني ابني فلت البيت واتصايح مع ابوه بسببش ايش فعلتي ببني سحرتيه مافعلتي به حسبي الله عليش

حنان ... اصه اصه ياخاله عيسمعونا الناس ادخلي افهمش داخل

ام وليد ... ماعتدخلش ابعدي من ابني رجاً لاتخليني اكلم ابوش واخوتش تشتي تشلي ولدي مننا انا داري انش انتي الذي حرضتيه يفلت البيت

حنان ... والله يخاله ماحرضته ولاكلمته يفلت البيت ولا لي دخل بالذي بيحصل في بيتكم حتى مابش بيني انا ووليد حاجه

ام وليد... بينكم حاجه ولا مابش بينكم ابعدي من ابني قبلما يسمعونا الناس بتفهمي

حنان ... اصه ياخاله الله يحفظش الناس عيسمعونا حاااضر ولا يهمش انا ابعد من ابنش اهم شي وطي صوتش لاتسمعش امي

ام وليد ... خاطرش قد الكلام عند

وراحت ام وليد من عند حنان

ام حنان ... حناااان من دق الباب
حنان... هاه محد هذه مره مسكينه بتدور صدقه

عامر اخو وليد اتصل لاعند وليد

عامر... الووه كيف انت ياوليد
وليد... اهلا ياعامر انا بخير الحمدلله
عامر ... ليش تفعل هكذا يا اخي ليش عتضيع نفسك امي قد قلبها محروق عليك
وليد ... والله يااخي عامر ان حسي عند امي ومشتي افلتها ولا افلت البيت بس ايش اسوي مابش امامي غير هذا الحل انا مشتيش غير حنان
عامر ... تشتي الصدق ياوليد احسنت الاختيار وهكذا باتعيش حياتك مرتاح مش مثلنا حياتنا مشاكل كلها الله يوفقك وابي بايخضع للامر الواقع كما جلس بس قلي كيف عتفعل بالمصاريف وحق الخطبه والعرس
وليد... بايسهل الله ياعامر ربك كريم
عامر... معي 100 الف بين اجمعها من الذي بيدي لنا ابي عتديها لك تصرف نفسك بها ولو معي اكثر كنت اديت لك يا اخي وليد قدك داري مابيصرف علينا الا ابي وبيحسب كل شي بالريال
وليد... تسلم ياعامر يكفيني انك وقفت معي مش مثل اخي عمار تركني وسمعني كلام يقطع القلب
عامر ... وينك اجي ادي لك الفلوس
وليد ... انا عند صفوان صاحبي
عامر... مسافة الطريق وانا عندك
سكر عامر الخط واتصلت حنان لوليد

@novels_stories
حنان ... الوه وليد
وليد... ايوه حنان
حنان ... امك جت لاعندنا للبيت وسمعتني كلام وهددتني لوما افلتك لاتكلم ابي واخوتي خلاص ياوليد ارجع بيتكم وتزوج الله يوفقك والله ما ازعل منك انا مقتنعه

وليد...ايش الكلام هذا ياحنان بعد الذي سويته جايا تقولي هذا الكلام انا قررت وانتهى الموضوع حتى فلوس الخطبه والمهر قد اتدبرت مشتيش اسمع منش هذا الكلام مره ثانيه ومن ناحية امي لاتقلقي ماعتفعل حاجه انا بتفاهم معاها وبا اتصل لبوك اليوم واكلمه انا جايا لاعنده
حنان... الله يحميك ويخلك لي ولا يحرمني منك

سكر وليد الخط واتصل لاعند ابو حنان
وليد ... السلام عليكم كيفك ياعم حمود
ابو حنان ... وعليكم السلام من معي
وليد ... معك وليد قاسم
ابو حنان ... اهلا ياوليد كيف حالك
وليد ... الحمدلله بخير دامك بخير ياعم حمود
ابو حنان ... الله يفتح عليك ياولدي خير ماتشتي
وليد... مابلا اشتي اجي لاعندك اكلمك في موضوع
ابو حنان ... اهلا وسهلا البيت بيتك في اي وقت
وليد ... خلا با امر لك بعد العشاء
ابو حنان ... اهلا وسهلا انا في انتظارك
وليد... يالله مع السلامه
ابو حنان ... مع السلامه
وسكر ابو حنان الخط وهوه مستغرب
ابو حنان... عجيب ايش يشتي وليد يالله بانعرف لما يجي

وجا وقت القاء مع ابو حنان تجهز وليد وتشيك وراح لابيت عمه حموود وليد دق الباب
@novels_stories
ابو حنان... مــــن
وليد ... انا وليد ياعم حمود
ابو حنان ... يامرحبا اهلا وسهلا فتح الباب وسلم عليه ودخلو البيت
ابو حنان ... اهلا وسهلا بك ياوليد كيف حالك وكيف ابوك قاسم

وليد ... انا الحمدلله بخير وابي بخير في نعمه وعافيه
ابو حنان ... خير ياولدي ماتشتي ايش الموضوع الذي تشتيني فيه



وليد... مابلا ياعم حمود انا جيت لاعندك اطلب يد بنتك حنان ولي الشرف اني اناسبكم
ابو حنان.. لنا الشرف ياولدي ولاكن وين ابوك واخوتك ليش مايجو معك
وليد... الصراحه ياعم حموود ابي رافظ اني اتزوج من خارج الاسره وانا ما اشتيش من الاسره لذالك رفظ يجي
ابو حنان... ماينفعش ياولدي نزوجك واهلك رافظين ايش عيقولو علينا الناس زوجو بنتهم للناس مايشتوهم
وليد... ياعم حمود الله يحفظك ماعليك من اهلي انا عتعيش في بيت لحالي بعيد من اهلي وانا شاري بنتك وما اشتي الا اناسبكم انت ناس ترفعو الراس ويشتد بكم الظهر ومثلما قال المثل لا قلة رجالك ناسبت
ابو حنان ... واحنا ماعلنقى احسن منك انت انسان محترم ومتعلم بس ياولدي ظروري اهلك يكونو موجودين معك حتى واحد منهم على العموم انا با بشوف رأي البنت وارد لك خبر واذا في نصيب ضروري تشوف احد من اهلك يجي معك ماشي اعتبر ال

#قـــــصــــص_وروايــــات ✏

#رماد_الحب 💕


الحلقة8⃣

@novels_stories

بعدما عرف سليم ان وليد جا يخطب حنان اندهش وعرف ان وليد ابن جارهم قاسم هوه صاحب الدفتر

سليم... ايحين جا وليش جا يشتي حنان ومع من جا يخطبها

ابو سليم... مالك ياولدي ارتبكت عادو مشى قبلما تجي بس المشكله جا لوحده يخطب حنان لان ابوه رافظ يزوجه من خارج الاسره

سليم... اتصله وقله احنا مش موافقين
ابو سليم ... ليش
سليم... اولاً عبد الجليل قد اتصلي وقلي انه عيجي من السعوديه بعد شهر ويشتي يخطب حنان ويتزوج ثانياً انت عارف ان ابو وليد انسان متكبر وبيشوف الناس كلهم حشرات عنده وقدك انت قلتها مايشتي يزوج وليد الا من الاسره وبعدين كيف نزوج انسان اهله مش موافقين

ابو سليم ... من ناحية عبدالجليل قد انتهى موضوعه والبنت ماتشتيه بتشوفه مثل اخوها ومن ناحيه ابو وليد وليد عيتزوج ويعيش بعيد من اهله وانا قد اشترطت عليه اذا وافقنا انه يجيب واحد من اسرته معه امام الناس عني انا انا موافق بوليد والصدق الولد رجال ومحترم ولايعيبه حاجه

سليم... يابه قد نسيت مافعل بنا الحج قاسم زمان لما اتصايحنا مع عياله كيف بهذل بنا وسوى لنا مشكله كبيره وذلحين قدك تشتي تزوج ابنه بحنان
ابو سليم ... ايوه هو هذا الذي بيدور في راسي هذه فرصه نرد له الذي فعل بنا ونزوج وليد نقهره

سليم... ماينفعش يابه تزوجه انا مش موافق اناسب هولا الناس
ابو سليم ... مش عليك هذا الكلام انا عتسأل البنت اذا هيه موافقه انا راضي وعنتوكل على الله
سليم ... با اقلك من ذلحين البنت موافقه
ابو سليم ... وانت ايش عرفك
سليم ... موافقه وبس الغي الموضوع وقله مش موافقين
ابو سليم... الا موافقين بنتي وانا عارف بمصلحتها وبعدين الولد جا من الباب يخطبها
سليم... هيه كانت تتواصل مع هذا الصعلوك وذلحين جا يقلد شريف ويخطبها
ابو سليم... اسككككت وصفع سليم
بنتي اشرف منك ياحيوان كيف تتكلم على عرضك هكذا انا موافق واذا حنان موافقه بانزوجه
سليم... تلطمني يابه عشان هذا الصعلوك حاااضر افعل مشتيت ولاكن اذا تزوجت حنان بوليد مانش سليم ابن حموود خاااطرك وخرج سليم من عند ابوه وهوه ظااابح
ابو سليم ... ياحنان ياحنان
حنان... ايوه يابه
ابو سليم... تعالي انتي وامش لاعندي
حنان... حاضر الان
دخلت حنان مع امها لاعند ابوها حمود
ابو سليم ... اسمعي يابنتي انتي وامش وليد ابن جارنا قاسم جا لاعندي يتقدم لش واهله مش موافقين بس هوه بايعيش بعيد من اهله انتي موافقه به
حنان.. استحت ونزلت راسها الرأي رائيك يابه
ابو سليم ... عني انا انا موافق بوليد الولد محترم ورجال ولا يعيبه شي
حنان ... انتي اخبر يابه الي تشوفه مناسب افعله
ام سليم ... اخرجي ياحنان اشتي اكلم ابوش
خرجت حنان من الغرفه
ام سليم ... انت راضي بوليد بتشوفه مناسب لبنتك
ابو سليم ... ايوه راضي وتشتي الصدق والله اني فرحت لما تقدم لحنان
ام سليم... خلاص توكل على الله وقله احنا موافقين
ابو سليم ... وحنان هيه موافقه
ام سليم ... ماعليك منها ايوه عتوافق خليها عليا
ابو سليم ... توكلنا على الله واتصل لاعند وليد
وليد... اهلا ياعم حموود
ابو سليم ... اهلا ياولدي اسمع احنا موافقين بك انت انسان مهذب ومحترم بس شرطنا الوحيد انك تجي مع اهلك حتى واحد منهم
وليد ... 😃😃😃الله يحفظك ياعم حمووود لي الشرف انكم وافقتو وبنتك والله لا احطها في عيوني
ابو سليم ... الله يوفقك يابني مع السلامه
وليد... مع السلامه
وسكر وليد الخط وجلس يفكر محتار من يأخذ معه من الاسره يروح يخطب له وطلع في راسه خاله جمال الذي كان مغترب في امريكا لانه خاله انسان فاهم ومتحضر وقريب من وليد راح وليد لاعند خاله جمال
جمال... اهلا وسهلا بالبزي كيف حالك وينك مغيب
وليد ... انا الحمدلله بخير ياخال قدك داري بالدراسه ومشاغل الدنياء بس انتم في القلب ياخال
جمال... الله يوفقك يابزي ماسبب الزياره الحلوه هذه انت ابن امك ماتجي عندنا الا اذا جت امك عندنا
وليد... ههههه الله يفتح عليك ياخال جيت اشتيك في خدمه
جمال... تفضل ماتشتي
وليد... حكى لخاله القصه كلها .... وذلحين اشتيك ياخال تجي معي نسير نخطب حنان عمي حمود اشترط عليا ظروري يكون معي واحد من اهلي وما معي الا انت والباقيين قدك داري كيف تفكيرهم


@novels_stories

جمال ... اااح ااح الله يهدي ابوك قاسم جالس هكذا ولا رضى يبطل حقه الكبر والتسلط على عياله من حين تزوج بمك وانا ما اسد انا وابوك بسبب حقه الكبر والعنجهيه هذه على العموم ولا يهمك ابشر الا نسير نخطب لك ونزوجك حنان وانت ابسر لك غرفتين تستأجرها وانا عليا الاثاث هديه مني لك وانت اطلب الله واقع رجال ولا تقصر مع البنت
وليد... 😃😃الله يحفظك ياخال ويطول بعمرك الله يقدرني ارد لك الجميل وصدق المثل حين قال الخال والد
جمال ... ولا يهمك يابزي انتم مثل عيالي كلكم ادي لي رقم عمك حمود اتصله خلينا ندق الحديد وعادو حامي ونقله ان احنا عنجي نخطب ونسد على كل ش

#قـــــصــــص_وروايــــات ✏

#رماد_الحب 💕

الحلقة9⃣

@novels_stories

سليم ... حاااضر ياوليد اذا خطبت حنان ما اكون انا سليم ابن حمود ..........
وليد... جهز نفسك ياصفوان عتجي معانا يوم الخميس حين نسير نخطب

صفوان ... ان شاء الله تمام
وليد... يالله انا با اروح السوق اشتري لي شوية اغراظ للخطبه واشتري هدية لحنان
صفوان ... سابر الله معك
وخرج وليد من عند صفوان وراح السوق وهوه في طريقه اعترضته سياره تكسي معكسه وخرج منها اربعه رجال ظربو وليد لما اغمي وعليه وراحو وشافه صاحب سياره ماشي في الطريق مرجوم في الشارع والدم مليان ثيابه اخذه واسعفه بسرعه
🚑🚑🚑🚑🚑
الدكتور ... ايش اسمك يا اخي وايش تقرب للرجال

علي ... اسمي يادكتور علي وانا فاعل خير شفته بهذه الحاله مرجوم في الشارع اسعفته على طول
الدكتور ... حسبي الله ونعم الوكيل جزاك الله خير يا اخ علي
الرجال حصلت له ظربه في الراس لما دخل في غيبوبه وبعض الضربات على جسمه وفيه طعنه في يده سلم الله ان شاء الله يصحى بعد ساعتين ونسأله عن اهله
صحى وليد من الغيبوبه وحالته تاعبه جدا
الدكتور ... الحمدلله على سلامتك يا وليد
وليد... الله يسلمك يادكتور
الدكتور ... من الذي سوى بك كذا
وليد... مش عارف ماشفت الا اربعه رجال فوقي بيظربوني بس يادكتور من الذي اسعفني وكيف عرفت بسمي
الدكتور ... واحد اسمه علي شافك في الطريق مغمى عليك واسعفك لاعندنا واسمك عرفناه من البطاقه حقك

وليد ... الله يجزيه خير ممكن يادكتور تتصل بهذا الرقم وتقله يجي لاهانا اسمه جمال هوه خالي
الدكتور ... على طول
واتصل الدكتور لاعند جمال خال وليد
الدكتور .... الوه السلام عليكم الاخ جمال
جمال ... ايوه جمال من معي
الدكتور ... معك الدكتور عادل مابلا ابن اختك وليد تقطعو له ناس وظربوه والان هوه عندنا في المستشفى
جمال ... ايش وليد من ظربه ومتى حصل هذا الكلام
الدكتور ... مش عارفين جابوه لاعندنا قبل ثلاث ساعات
جمال ... يالله الان مسافة الطريق وانا عندكم
وراح جمال للمستشفى ودخل لاعند وليد 🤒🤕
جمال ... ايش الي حصل من الذي تقطع لك
وليد... معرفهمش عرفت واحد منهم بيلقبوه التمساح
جمال ... وايش بينك انت والتمساح لما سوى بك هكذا
وليد... ولابيننا حاجه بس الولد معروف انه حق مشاكل وبلطجي
جمال ... طيب تعرف وين ساكن
وليد ... ايوه اعرفه
جمال... جيب لي عنوانه اروح اسحبه بالطقم للقسم وادخله السجن هذا الحيوان
وليد... تمام ياخال بس اتصل لصفوان وقله يجي لاعندي
جمال ... تمام
وجاب وليد عنوان التمساح اتصل لصفوان واخذ العنوان وراح بطقم الشرطه لابيت التمساح وسحبوه للقسم
وظلو يحققو مع التمساح ليش يفعل هكذا وبعد التحقيق والضغط عليه اعترف التمساح ان سليم رسله يظرب وليد
الظابط ... طيب ليش رسلك
التمساح ... قلي ان وليد بيأذي خواته وانا قمت بالواجب هذا عيب ومايسبرش يافندم الي بيفعله وليد الظابط دون اقوال التمساح واخذه الزنزانه
وجمال ... سمع الكلام وكلم وليد وسأله من هذا سليم
وليد...😳😳😳 هذا اخو حنان ياخال
جمال... ايش اخو حنان ليش يسوي بك هكذا وليش يكذب عليك
وليد... اصلا ياخال سليم مايشتيني اخطب اخته هوه يشتيها لابن عمته
جمال... الان اتصل لاعند ابوه واقله يظبط ابنه عيب هذه الحركات مش حق عيال الناس
واتصل جمال لاعند ابو سليم
جمال... السلام عليكم كيف انت ياحج حمووود
ابو سليم ... يامرحبا بالاخ جمال انا الحمدلله بخير
جمال ... اسمع وليد ابن اختي في المستشفى تقطعو له شباب وظربوه ومسكنا واحد منهم واعترف ان ابنك سليم هوه الذي رسلهم يظربو وليد انا مقدم لك على ابنك عيب الي فعله بوليد
ابو سليم ... 😳😳😳 ابني سليم رسل شباب يظربو وليد
جمال... ايوه ابنك سليم
ابو سليم ... هذا الصعلوك يفعل هكذا والله ماراحت له واعرفو الي يرضيكم لو راس سليم يرضيكم والله لا ادي راسه لاعندكم
جمال ...كفو وماقصرت لاتذبحه ولاشي قله ليش يفعل هكذا ايش سوى وليد به لما يفعل هكذا
ابو سليم... مع السلامه يا جمال انا جايا للمستشفى الان
وسكر الخط

@novels_stories
ام سليم ... ياخير مابه ياحموود
ابو سليم ... ابنش سليم الله يسود وجه رسل ناس يظربو وليد ووليد الان في المستشفى
حنان سمعت الخبر 😱😱😱😱
ابو سليم ...لاكن والله ما راحت له هذا الصعلوك وكان يصيح على دخلة سليم البيت ابو سليم شافه ااخذ الباكوره حقه وراح كسرها في ظهر سليم
ابو سليم ... ترسل ناس يظربو وليد ياصعلوك يا كلب الله يسود وجهك وليش تفعل هكذا حين بايخطب اختك
سليم ... انا مارسلت احد يظرب وليد
ابو سليم... قد اعترفو اصحابك في القسم ياكلب لاكن والله ماتخرب الخطبه وانا اقلك كيف عتفعل
وشل ابو سليم تلفونه واتصل لاعند الامين الشرعي الذي عنده في الحاره وقله يجي لاعنده وصل الامين الشرعي لاعند ابو سليم وابو سليم اخذ الامين وراحو المستشفى
وصل لاعند وليد
@novels_stories
ابو سليم ... الحمدلله على سلامتك يابني والله قدن