🇦🇿 Bu gün saat 17:00-da “Dalğa Arena”da Belçika yığması ilə qarşılaşacaq milli komandamıza uğurlar arzulayırıq.

#MilliKomanda #NationalTeam #euro2024 #Neftçi

🇦🇿 Bu gün saat 20:00-da “Dalğa Arena”da İordaniya yığması ilə qarşılaşacaq milli komandamıza uğurlar arzulayırıq.

#MilliKomanda #NationalTeam #FriendlyMatch #Neftçi

İordaniya ilə yoldaşlıq oyununda 2-1 hesablı qələbə qazanan milli komandamızı təbrik edirik! ⚽️🇦🇿

“Neftçi”nin futbolçularından start heyətində yer alan Emin Mahmudov 83-cü dəqiqədə əvəzlənib, Filip Ozobiç isə sonadək ehtiyatda qalıb. Emin 45+1-ci dəqiqədə özünün qazandığı penalti zərbəsini dəqiq yerinə yetirərək hesabı açıb. Millinin qələbə qolunu isə 79-cu dəqiqədə Renat Dadaşov vurub.

#MilliKomanda #NationalTeam #FriendlyMatch #Neftçi

Kapitanımız Emin Mahmudov milli komandamızın heyətində 42-ci oyununda 11-ci qoluna imza atdı 🤍🖤

#Neftçi #MilliKomanda #EminMahmudov

🇦🇿 4 futbolçumuz milli komandada

“Neftçi” PFK-nın 4 futbolçusu – Emin Mahmudov, Eddi İsrafilov, Filip Ozobiç və Höccət Haqverdi Azərbaycan milli komandasına dəvət olunub. Millimiz AVRO-2024-ün seçmə mərhələsi çərçivəsində oktyabrın 13-ü Bakı vaxtı ilə saat 20:00-da səfərdə Estoniya, ayın 16-sı saat 20:00-da Tofiq Bəhramov adına Respublika stadionunda Avstriya yığması ilə qarşılaşacaq.

#Azərbaycan #Azerbaijan #MilliKomanda #NationalTeam #euro2024 #Neftçi

🇦🇿 “Neftçi”nin 4 üzvü Şimali İrlandiya və Lüksemburq yığmalarına qarşı

Avropa çempionatının seçmə mərhələsi çərçivəsində oktyabrın 12-də Şimali İrlandiya, 17-də isə Lüksemburq yığması ilə qarşılaşacaq 21 yaşadək futbolçulardan ibarət Azərbaycan milli komandasının heyəti açıqlanıb. U-21-ə “Neftçi”dən 4 futbolçu – Rza Cəfərov, Fərid Yusifli, Ağadadaş Salyanski və Hüseyn Babayev dəvət olunub. Hər iki oyun “Azersun Arena”da keçiriləcək və saat 18:00-da başlanacaq.

#Azərbaycan #Azerbaijan #U21 #MilliKomanda #NationalTeam #Neftçi

🇦🇿 “Neftçi”nin 2 üzvü U-19 milli komandasında

19 yaşadək futbolçulardan ibarət Azərbaycan milli komandasının təlim-məşq toplanışı olacaq. Oktyabrın 11-dən 13-dək Bakıda, 13-dən 17-dək isə Özbəkistanın paytaxtı Daşkənddə təşkil olunacaq hazırlıq prosesinə “Neftçi” PFK-nın 2 üzvü – Rüfət Abbasov və Murad Məmmədov dəvət olunublar. U-19 toplanış çərçivəsində oktyabrın 14-də və 16-da Özbəkistanın müvafiq yaş qrupundan ibarət komandası ilə yoldaşlıq oyunu keçirəcək.

#U19 #MilliKomanda #NationalTeam #Neftçi #NeftçiFutbolAkademiyası

🇦🇿 U-17 milli komandasının ilkin heyəti açıqlanıb

17 yaşadək futbolçulardan ibarət Azərbaycan milli komandasının Avropa çempionatının seçmə mərhələsi çərçivəsində Serbiyada keçirəcək oyunlar üçün ilkin heyəti açıqlanıb. Bu heyətə “Neftçi” PFK-nın üzvləri – Röyal Fərzullazadə və Əli Nəbizadə dəvət olunublar.

Millimiz seçmə mərhələyə hazırlıq məqsədilə oktyabrın 11-dək Bakıda təlim-məşq toplanışı keçirəcək. Bakı toplanışından sonra Serbiyaya gedəcək yekun heyət müəyyənləşəcək.

#U17 #MilliKomanda #NationalTeam #Neftçi

🇦🇿 Bu gün Bakı vaxtı ilə saat 20:00-da səfərdə Estoniya yığması ilə qarşılaşacaq milli komandamıza uğurlar arzulayırıq.

#MilliKomanda #NationalTeam #euro2024 #Neftçi

🇦🇿 Təbriklər, Milli!

Azərbaycan milli komandası AVRO-2024-ün seçmə mərhələsində ilk qələbəsini qazanıb. Millimiz Estoniya yığmasına 2:0 hesabı ilə qalib gəlib. Tallindəki “Le Kok Arena”da baş tutan görüşdə qolları Toral Bayramov (9-cu dəqiqə) və Ramil Şeydayev (45+4-cü dəqiqə) vurublar.

“Neftçi”nin futbolçularından start heyətində yer alan Emin Mahmudov ilk qolun səbəbkarlarından olub. 22-ci dəqiqədə sarı vərəqə ilə cəzalandırılan kapitan 75-ci dəqiqədə “ağ-qaralar”ın digər üzvü Filip Ozobiçlə əvəzlənib. Höccət Haqverdi isə əvvəldən sonadək meydanda olub.

#EstoniyaAzərbaycan #MilliKomanda #NationalTeam #euro2024 #Neftçi