አምቦ ዩኒቨርሲቲ የሳይንስ፣ ቴክኖሎጂ፣ ምህንድስናና ሂሳብ ትምህርት ማዕከል አስመረቀ።

በዩኒቨርሲቲው ልዩ ተሰጥኦ ያላቸው የሚማሩበት የሳይንስ፣ ቴክኖሎጂ፣ ምህንድስናና ሂሳብ ትምህርት ማዕከል ተመርቆ አገልግሎት መስጠት ጀምሯል፡፡

የአምቦ ዩኒቨርሲቲ የምርምር እና ማህበረሰብ አገልግሎት ም/ፕሬዝዳንት ብዙነሽ ሚደክሳ (ዶ/ር)፤ ማዕከሉ የዩኒቨርሲቲውን የልዩ አዳሪ ትምህርት ቤቶችን ጨምሮ ከተለያዩ አካባቢዎች ለሚመጡ ልዩ ተሰጥኦ ያላቸው የፈጠራ ዝንባሌያቸውን አውጥተው ለውጤት እንዲያበቁ እገዛ እንደሚያደረግ ገልጸዋል፡፡

በኢትዮጵያ የስቴም ፓወር ዋና ዳይሬክተር ቅድስት ገብረአምላክ በበኩላቸው ማዕከሉ ተማሪዎች የፈጠራ ስራቸውን አሻሽለው ወደ ገንዘብ በመቀየር ራሳቸውንና ሀገራቸውን ተጠቃሚ ለማድረግ ያስችላል ብለዋል፡፡

የማዕከሉን ሙሉ የላብራቶሪ ዕቃዎች ከ2 ሚሊየን ብር በላይ ወጪ በማድረግ ከውጭ ሀገር ገዝቶ ያደራጀው ድርጅቱ ፤ ለቀጣይ ሁለት ዓመታት ማዕከሉን ለማገዝ ስምምነት አድርጓል።

ማዕከሉ የፈጠራ ዝንባሌ ያላቸው 175 ተማሪዎችን እያስተማረ ይገኛል፡፡ #አምቦዩኒቨርሲቲ #ኢፕድ

የትምህርት ቤት የመመዝገቢያ ዋጋ ፦

የትምህርት ቤት የመመዝገቢያ ዋጋ ከወርሀዊ ክፍያ ከ25 በመቶ በላይ እንዳይበልጥ የሚያስችል አሰራር መዘርጋቱን የትምህርትና ስልጠና ጥራት፣ ሙያ ብቃትና ምዘና ማረጋገጫ ባለስልጣን አስታውቋል።

የትምህርትና ስልጠና ጥራት፣ ሙያ ብቃትና ምዘና ማረጋገጫ ባለስልጣን ዋና ስራ አስኪያጅ ወይዘሮ ሸዊት ሻንካ በሰጡት መግለጫ ትምህርት ቤቶችን ለምዝገባ ከወርሀዊ ክፍያቸው በላይ እንዳያስከፍሉ የሚያስገድድ አሰራር መዘርጋቱን ተናግረዋል።

ትምህርት ቤቶች ለምዝገባ ብቻ ከክፍያቸው በላይ እያስከፈሉ በማስቸገራቸው ምክንያት አሰራሩን መፈተሽ እንዳስፈለገ የጠቆሙት ዋና ስራ አስኪያጇ አዲሱ አሰራር ግን ለዚህ መፍትሄ እንደሚሰጥ ጠቁመዋል።

እንደ ወይዘሮ ሸዊት ገለፃ፤ የአገልግሎት ክፍያ ጭማሬን በሚመለከት ትምህርት ቤቶች ከወላጆች ጋር በሚደረግ ስምምነት መሠረት እንደሚሆን ገልፀዋል። #ኢፕድ

መረጃዎችን ለማግኘት
@NATIONALEXAMSRESULT

#AddisAbaba

" ከ75 ሺ በላይ የ6ኛ ክፍል ተማሪዎችን የሚኒስትሪ ፈተና ለማስፈተን ዝግጅት እየተደረገ ነው " - የአ/አ ትምህርት ቢሮ

ዘንድሮ ለመጀመሪያ ጊዜ በሚሰጠውን የ6ኛ ክፍል የሚኒስትሪ ፈተና ተማሪዎችን ለማስፈተን የዝግጅት ሥራዎችን እየሠራ መሆኑን የአዲስ አበባ ትምህርት ቢሮ አስታውቋቃ።

የቢሮው የፈተና ዝግጅት እና አስተዳደር ዳይሬክተር አቶ ዲናኦል ጫላ ለኢትዮጵያ ፕሬስ ድርጅት የሠጡት ቃል ፦

- በአዲስ አበባ ከተማ በግል እና በመንግሥት ትምህርት ቤቶች በትምህርት ገበታ ላይ የሚገኙ ከ75 ሺህ በላይ የ6ኛ ክፍል ተማሪዎችን ለማስፈተን ዝግጅት እየተደረገ ነው።

- ከቢሮ እስከ ትምህርት ቤቶች ድረስ ተማሪዎቹን ለፈተና የማዘጋጀት ሥራ እየተሠራ ይገኛል።

- ተማሪዎች የሚኒስትሪ ፈተና ከመፈተናቸው አስቀድሞ የተለያዩ ደረጃቸውን የጠበቁ ሞዴል ፈተናዎችን በማዘጋጀት በወሩ እንዲወስዱ ተደርጓል። ለፈተናው የተለያዩ አጋዥ መጽሐፍትንም አንብበው እንዲዘጋጁ እና እንዲፈተኑ እየተደረገ ነው።

- በአማርኛ ቋንቋ የሚፈተኑ አራት እንዲሁም በአፋን ኦሮሞ የሚፈተኑ አምስት የትምህርት ዓይነት ፈተናዎች የሚወስዱ ይሆናል። በዚህ መሠረትም ፦
👉 የሒሳብ፣
👉 የአካባቢ ሳይንስ፣
👉 አማርኛ፣
👉 አፋን ኦሮሞ እና እንግሊዝኛ የትምህርት ዓይነቶች ይሰጣሉ።

- ምዝገባው የሚካሄደው በኦንላይን ሲሆን የተመዘገቡ ተማሪዎች የተመዘገቡበትን የስም እና ዕድሜ ስህተት እንዳይኖር ማረጋገጥ እና ማስተካከል ይችላሉ።

- በየክላስተሩ ላሉ ትምህርት ቤቶች ወጥ በሆነ መልኩ ስልጠና በመስጠት ትምህርት ቤቶች ራሳቸው ፈተናዎችን እንዲያወጡ እና እንዲፈተኑ ይደርጋል።

- በአዲሱ ሥርዓት ትምህርት በየምዕራፉ ማጠናቀቂያ ላይ ለተማሪዎች ፈተና ይሰጣል። ለዚህም አንደኛ ምዕራፍ የሚባለው ከአንደኛ እስከ ስድስተኛ ክፍል ያለው የመጀመሪያ ደረጃ ትምህርት ሲሆን ሁለተኛ ምዕራፍ የሚባለው ከሰባት እስከ ስምንተኛ ክፍል ነው።

- የመጀመሪያ ምዕራፍ የአንደኛ ደረጃ ተማሪዎች የሚያጠናቅቁት ስድስተኛ ክፍል ላይ ስለሆነ የሚኒስትሪ ፈተናው ተማሪዎች ከታች ጀምረው ራሳቸውን እያነጹ እንዲመጡ የሚያደርግ ነው። የትምህርት ጥራትን ከማረጋገጥ አንጻር ከፍተኛ ጥቅም አለው።

- የመማሪያ መጽሐፍት በሚፈለገው ልክ ሀገር ውስጥ አለመገኘት እና በውጭ ምንዛሪ እጥረት ምክንያት ከውጭ የሚመጡ መጽሐፍት የመዘግየት ሁኔታ አለ።

- የሚኒስትሪ ፈተና የሚሰጥበት ቀናት የሚወሰነው በአገር አቀፍ ደረጃ ቢሆንም እንደ ቢሮ #ከሰኔ አጋማሽ በኋላ ለመስጠት ዝግጁ ነን።

#ኢፕድ

የተጣሩ ተማሪ ነክ መረጃዎችን ለማግኘት ቻናላችንን ይቀላቀሉን
@NATIONALEXAMSRESULT

Click here for advertisement
@studentsnewsadv35bot

የዩኒቨርሲቲዎች ራስ ገዝ መሆንና አስተዳደራዊ ነፃነት

ዩኒቨርሲቲዎች ራስ ገዝ መሆናቸው አስተዳደራዊ ነፃነት
እንዲኖራቸው ያደርጋል ሲሉ የአዲስ አበባ ሳይንስና ቴክኖሎጂ ዩኒቨርሲቲ እና የሐረማያ ዩኒቨርሲቲ ፕሬዚዳንቶች ገለጹ።

ዩኒቨርሲቲዎች ራስ ገዝ ሲሆኑ አደረጃጀታቸው የምርምር እና የመማር ማስተማር ሂደቱን በነፃነት እንዲያከናውኑ የሚረዳቸው እንደሚሆን የአዲስ አበባ ሳይንስና ቴክኖሎጂ ዩኒቨርሲቲ ፕሬዝዳንት ደረጀ እንግዳ (ዶ/ር) ለኢፕድ ተናግረዋል።

የአዲስ አበባ ሳይንስና ቴክኖሎጂ ዩኒቨርሲቲ በቅርቡ ራስ ገዝ ከሚሆኑ ዩኒቨርሲቲዎች መካከል አንዱ ነው።

የዩኒቨርሲቲዎች ራስ ገዝ መሆን ከአስተዳደራዊ ነፃነት በተጨማሪ የአካዳሚክ ነፃነት እንደሚሰጥ የሐረማያ ዩኒቨርሲቲ ፕሬዝዳንት ጀማል የሱፍ (ዶ/ር) ገልጸዋል።

ሐረማያ ዩኒቨርሲቲ በቀጣይ ራስ ገዝ ለመሆን ዝግጅት እያደረጉ ካሉ ዩኒቨርሲቲዎች መካካል አንዱ ሲሆን ዩኒቨርሲቲው የትምህርት ካሪኩለምን ጨምሮ አስተዳደራዊ አደረጃጀት ላይ እየሠራ መሆኑን ጠቅሰዋል።

ዩኒቨርሲቲዎቹ ሃብት ማመንጨት ላይ ለመስራት የተቋማቱን ኢንተርፕራይዞች በተገቢው መልክ እያደራጁ መሆኑን ጠቁመዋል። #ኢፕድ

የተጣሩ ተማሪ ነክ መረጃዎችን ለማግኘት ቻናላችንን ይቀላቀሉን
@NATIONALEXAMSRESULT

Click here for advertisement
@studentsnewsadv35bot

#Update

“ኬኖ” ተብሎ ለሚጠራው የቁጥር ግመታ ጨዋታ ፈቃድ አለመሰጠቱ ተገለጸ


“ኬኖ” ተብሎ ለሚጠራው የቁጥር ግመታ ጨዋታ ፈቃድ አለመስጠቱን የብሔራዊ ሎተሪ አስተዳደር አስታወቀ፡፡

የአስተዳደሩ ኮሙኒኬሽን ዋና ዳይሬክተር አቶ ቴዎድሮስ ንዋይ ለኢትዮጵያ ፕሬስ ድርጅት እንደገለጹት ቤቲንግ ቤቶችና ሌሎችም ቁጥር በማስገመት ለሚያጫወቱት “ኬኖ” አስተዳደሩ ፈቃድ ያልሰጠ ሲሆን፣ ይህን ጨዋታ በሚያጫውቱ ቤቶች ላይ እርምጃ እየተወሰደ ይገኛል፡፡

በቀጣይም ጨዋታውን ሲያጫውቱ በተገኙ አካላት ላይ ህጋዊ እርምጃ እንደሚወስድ አስተዳደሩ አስታውቋል፡፡

#ኢፕድ እንዳጣራው “ኬኖ” ህጻናትን ጨምሮ በርካታ ታዳጊዎች፣ ወጣቶችና አዛውንቶች እያዘወተሩት የሚገኝና በብዛት ብራቸውን የሚከስሩበት የቁማር ዓይነት ነው፡፡

(ኢ ፕ ድ)
የተጣሩ ተማሪ ነክ መረጃዎችን ለማግኘት ቻናላችንን ይቀላቀሉን
@NATIONALEXAMSRESULT

Click here for advertisement
@studentsnewsadv35bot

ወልድያ ዩኒቨርሲቲ ተማሪዎቹን እየተቀበለ ነው


ወልድያ ዩኒቨርሲቲ በመደበኛ መርሐ-ግብር የሚማሩ ስድስት ሺህ ተማሪዎቹን እየተቀበለ መሆኑን አስታወቀ:: የተማሪዎች ቅበላ ጥር ስድስት ቀን 2016 ዓ.ም መጀመሩ ተመላክቷል::

የወልዲያ ዩኒቨርሲቲ የሕዝብና ዓለም አቀፍ ግንኙነት ሥራ አስፈጻሚ ብርሃን ደጀን ለኢፕድ እንደገለጹት፤ በክልሉ የተፈጠረውን አንጻራዊ ሰላም በመጠቀም ዩኒቨርሲቲው ከጥር ስድስት ቀን 2016 ዓ.ም ጀምሮ ተማሪዎችን መቀበል ጀምሯል።

በክልሉ በነበረው የጸጥታ ሁኔታ ምክንያት በመደበኛው የትምህርት የጊዜ ሰሌዳ መሠረት ተማሪዎችን ተቀብሎ የመማር ማስተማር ሂደቱን እንዳልቻለ አስታውሰው፤ አሁን ላይ በአማራ ክልል ያለውን አንጻራዊ ሰላም በመጠቀም ዩኒቨርሲቲው ስድስት ሺህ ተማሪዎችን ተቀብሎ ለማስተማር ዝግጅት እያደረገ ነው ብለዋል።

#ኢፕድ
የተጣሩ ተማሪ ነክ መረጃዎችን ለማግኘት ቻናላችንን ይቀላቀሉን
@NATIONALEXAMSRESULT

Click here for advertisement
@studentsnewsadv35bot