#kadastr #farmon #yer #ochiq_muloqot

Олдинлари бир қийин масала бўлган. Ерни ноқонуний эгаллаб олиш ҳолатлари бизнинг ходимлар томонидан аниқланган ва ҳокимликларга тақдимномалар киритилган. Бу масала ўрганилиб бартараф этилгунча у қурилиш тугатилиб ичида одам яшай бошлаган.

Эндиликда кадастр органларига ер участкаларидан мақсадсиз фойдаланиш ҳолатлари аниқланганда ушбу ўзбошимчалик билан эгалланган ер майдонида ноқонуний қурилган иморатларни бартараф этиш юзасидан тўғрисида тўғридан-тўғри судга мурожаат қилиш ҳуқуқи берилмоқда.

Бу орқали ноқонуний ҳолатни тезроқ олдини олиш ва бартараф этиш имкони пайдо бўлади.

Кадастр агентлиги ходими
Бегзод Нишанов

#farmon

Ерга бўлган ҳуқуқ турлари 6 тадан 3 тага қисқартирилмоқда:

Мерос қилиб қолдириладиган умрбод эгалик, доимий эгалик, вақтинча фойдаланиш ҳуқуқлари билан ер ажратиш амалиётини тўлиқ тугатилади, хусусий сектор учун – мулк ва ижара ҳуқуқини, давлат ташкилотлари учун – доимий фойдаланиш ҳуқуқида ажратилади;

‼️Аввал берилган умрбод эгалик, доимий эгалик, вақтинча фойдаланиш ҳуқуқи билан берилган ерларни уларнинг эгаларида сақлаб қолинади.

Ноқишлоқ ерлар хусусий секторга фақат аукцион орқали сотилади.

‼️ Фуқаролар ва юридик шахсларига – хусусий мулк қилиб сотилади, хусусийлаштириш мумкин бўлмаган ерларни ҳамда хорижий шахсларга – ижара ҳуқуқини сотилади.

Telegram Instagram YouTube Facebook

#farmon

Ерларни нодавлат секторига тўғридан тўғри ва текинга бериш амалиёти бутунлай бекор қилинади.

‼️ Уй-жойини ҳокимликка топширган шахсларга, ҳарбий хизматчиларга, ёшлар коворкинг-маркази, меҳнат гузари, кўп қаватли ва наъмунали уй-жойлар, кинотеатр қуришга, саноат зоналарига, қоракўлчилик кластерларига, чорвачилик хўжаликларига тўғридан тўғри ва бепул ер ажратиш бўйича имтиёзлар бекор қилинмоқда.

Айрим тоифадаги шахсларга (ҳарбийлар, кам таъминланган оилалар, турар жойи бузилишга тушганлар) ерларни тўғридан тўғри ва бепул бериш ўрнига аукциондан ер сотиб олиш харажатларини тўлиқ ёки қисман қоплаб бериш тизими жорий этилади.

Telegram Instagram YouTube Facebook

#farmon #kadastr #yer

Ер тоифасидан қатъи назар барча турдаги ер ва бино-иншоотларга бўлган ҳуқуқларни давлат рўйхатидан ўтказмаслик ҳолатларини аниқлаш, ер участкаларининг ўзбошимчалик билан эгаллаб олинишига йўл қўймаслик чораларини кўриш, ердан мақсадли фойдаланилиши устидан давлат назорати Кадастр агентлиги томонидан амалга оширилади.

Кадастр органларига ер участкаларидан мақсадсиз фойдаланиш ҳолатлари аниқланганда ушбу ер участкаларига бўлган ҳуқуқни бекор қилиш ҳамда ўзбошимчалик билан эгалланган ер майдонида ноқонуний қурилган иморатларни бартараф этиш юзасидан тўғрисида тўғридан-тўғри судга мурожаат қилиш ҳуқуқи берилмоқда.

Кадастр агентлиги Директорининг биринчи ўринбосари Атабек Аллаберганов.

Telegram Instagram YouTube Facebook

#farmon

Қишлоқ хўжалиги ерлари очиқ электрон танлов асосида фақат ижара ҳуқуқи асосида ажратилади.

‼️ Вилоят ва туман ҳокимларининг ер тоифасини ўзгартириш бўйича ваколатлари бекор қилинади.
Суғорилмайдиган ерларни бошқа тоифага – Вазирлар Маҳкамаси ва суғориладиган ерларни – суғорилмайдиган ёки бошқа ер тоифасига Президент қарори билан ўтказилади.

Бунда қишлоқ хўжалиги ерининг тоифаси Президент ёки Ҳукумат томонидан ўзгартирилсагина уни бошқа мақсад учун беришга йўл қўйилади.

Боғдорчилик, полизчилик ва узумчилик ширкатлари тузиш, ёрдамчи қишлоқ хўжалиги юритиш учун ер бериш тартиби бекор қилинади.

Telegram Instagram YouTube Facebook

#kadastr #farmon #prezident #mahalla #minbar

Кадастр агентлиги бошқарма бошлиғи Мурод Файзуллаев Фармон билан Кадастр органларига қандай ваколат берилганлигини МИНБАР кўрсатувида тушунтириб берди.

Telegram Instagram YouTube Facebook

#kadastr #farmon #prezident #uzb24 #taraqqiyot_formulasi

Кадастр агентлиги бошқарма бошлиғи ўринбосари Қобил Бобожонов Фармон билан Кадастр органларига қандай ваколат берилганлигини ТАРАҚҚИЁТ ФОРМУЛАСИ кўрсатувида тушунтириб берди.

Telegram Instagram YouTube Facebook

#kadastr #savol_javob #farmon

❓САВОЛ:

Қандай сабабларга кўра янги ПФ-6243-сон Фармонда умрбод ерга эгалик қилиш ҳуқуқи бекор қилинган?

✅ ЖАВОБ:

Фармон билан ушбу ҳуқуқлар бекор қилинмаган.
Фармоннинг 2-банди билан мерос қилиб қолдириладиган умрбод эгалик, доимий эгалик, вақтинча фойдаланиш ҳуқуқи билан ер ажратиш тартиби бекор қилинган ҳамда айнан шу бандда илгари ажратилган ер участкаларига бўлган бундай ҳуқуқлар уларнинг эгаларида амалдаги тартибда сақланиб қолиши белгиланган.

Ижтимоий тармоқлардаги саҳифаларимизга аъзо бўлинг
Telegram Instagram YouTube Facebook

#kadastr #savol_javob #farmon

❓САВОЛ:

ПФ-6243-сон Фармонда аввал берилган ерга умрбод эгалик ҳуқуқи сақлаб қолиниши айтилган. Агар ушбу ерни сотмоқчи ёки мерос қилиб қолдирмоқчи бўлсам бу ҳуқуқ ўзгармайдими?

✅ ЖАВОБ:

Фармонга мувофиқ 2021 йил 1 августдан бошлаб мерос қилиб қолдириладиган умрбод эгалик, доимий эгалик, вақтинча фойдаланиш ҳуқуқи билан ер ажратиш тартиби бекор қилинади, бунда илгари ажратилган ер участкаларига бўлган бундай ҳуқуқлар уларнинг эгаларида амалдаги тартибда сақланиб қолиниши белгиланган.

‼️ Шунга мувофиқ, мерос қилиб қолдириладиган умрбод эгалик ҳуқуқи билан расмийлаштирилган ер участкасида жойлашган бино-иншоотлар бегоналаштирилганда ушбу ер участкаси ҳам янги мулк эгасига ўтади.

Ижтимоий тармоқлардаги саҳифаларимизга аъзо бўлинг
Telegram Instagram YouTube Facebook

#Prezident #Farmon #Kadastr #yer_munosabatlari

🇺🇿 Ўзбекистон Республикаси Президентининг "Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида"ги ПФ-6243-сон Фармонига мувофиқ эндиликда...

Telegram Instagram YouTube Facebook

#Prezident #Farmon #Kadastr #yer_munosabatlari

🇺🇿 Ўзбекистон Республикаси Президентининг "Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида"ги ПФ-6243-сон Фармонига мувофиқ эндиликда...

Telegram Instagram YouTube Facebook

#Farmon_va_ijro

📑O‘zbekiston Respublikasining “Qishloq xo‘jaligiga mo‘ljallanmagan yer uchastkalarini xususiylashtirish to‘g‘risida”gi Qonuni” 2021 yil 15 noyabrdagi O‘RQ-728-son Qonuni,

Ishtirokchilar: Yangiqo‘rg‘on tuman adliya bo‘limi boshlig‘i Sh.Parpiboyev

Davlat aktivlarini boshqarish agentligining viloyat boshqarmasi boshlig‘ining 1-o‘rinbosari A.Ahmadaliyev

Davlat kadastrlari palatasi viloyat boshqarmasi axborot xizmati rahbari Sh.Toshtemirov.

#Seminar #Farmon_va_ijro

Farmon va ijro

🔹 Bugun Davlat kadastrlari palatasining Namangan viloyati boshqarmasida O‘zbekiston Respublikasi Prezidentining 2022-yil 24-avgustdagi «Mulk huquqining daxlsizligini ishonchli himoya qilish, mulkiy munosabatlarga asossiz aralashuvga yo‘l qo‘ymaslik, xususiy mulkning kapitallashuv darajasini oshirish chora-tadbirlari to‘g‘risida» PF-198-sonli farmonidan kadastr tizimi uchun kelib chiqadigan vazifalarga bag‘ishlangan o‘quv seminari bo‘lib o‘tdi.

🔹O‘quv seminarini boshqarma boshlig‘i o‘rinbosari vazifasini bajaruvchi A.Nasriddinov olib bordi. Unda barcha tuman shahar filiallarining rahbar xodimlari, davlat ro‘yxatdan o‘tkazuvchi mutaxassislar va kadastr muhandislari jami 55 nafar xodim qatnashdi.

🔹 Xabaringiz bor farmon bilan 2023-yilning 1-yanvardan boshlab Kadastr va ko‘chmas mulklarni ro‘yxatdan o‘tkazish integratsion axborot tizimi - UZKAD ko‘chmas mulk obyektlariga bo‘lgan huquqlarning davlat reyestri hamda ko‘chmas mulk obyektlari haqidagi maʼlumotlar yuritiladigan, maʼlumotlarining haqiqiyligi va ishonchliligi davlat tomonidan kafolatlanadigan yagona axborot tizimi etib belgilandi.

🔹 Bunda UZKAD tizimiga “Notarius” avtomatlashtirilgan axborot tizimi, Ko‘chmas mulk obyektlari manzillari yagona reyestri, Tadbirkorlik subyektlari yagona davlat reyestri, O‘zbekiston Respublikasi soliq to‘lovchilarining yagona reyestri, «Davlat mulki» axborot tizimi, Garov reyestri, Nodavlat notijorat tashkilotlar va ularning bo‘linmalari reyestri, litsenziyalar, ruxsat berish xususiyatiga ega hujjatlar va xabarnomalar reyestrlari va ko‘chmas mulk obyektlariga oid maʼlumotlar yuritilayotgan boshqa barcha Davlat axborot tizimlari integratsiya qilinadi hamda real vaqt rejimida onlayn maʼlumot almashinuvi yo‘lga qo‘yiladi.

🔹 Seminarda UZKAD tizimida ishlash qoidalari, tartibi va ko‘chmas mulk bilan bog‘liq bitimlarni rasmiylashtirish va davlat ro‘yxatidan o‘tkazish tizimidagi maʼlumotlar asosida amalga oshirilishi misollar bilan tushuntirildi.

🔹 Tadbir qatnashchilarining ko‘chmas mulklarni ro‘yxatdan o‘tkazish integratsion axborot tizimida ishlashda uchrab turadigan bir qator muammoli savollariga mutaxassislar javob berdilar.

🔹 O‘quv-seminari qiziqarli va savol javoblarga boy va qatnashchilar uchun foydali bo‘ldi.

Matbuot xizmati.
Telegram Instagram Facebook