#yer_nazorati

⚠️ Yer nazorati tadbirlari davom etmoqda

🌟 Kadastr agentligi Namangan viloyati boshqarmasi va uning tuman, shahar bo'limlari hamda mutasaddi tashkilotlar bilan hamkorlikda viloyatimiz yer maydonlarini talon-taroj qilishni oldini olishga qaratilgan kuchaytirilgan nazorat va profilaktik tadbirlar olib borilmoqda. Jumladan, Kadastr agentligi Namangan viloyati boshqarmasi boshlig‘i B.Pazilov boshchiligidagi Ishchi guruhi a’zolari yer nazorati tadbirlarida avtomagistral yo‘llarning muhofaza zonalari, piyodalar yo'lakchalari, aholi punktlari va qishloq xo'jaligiga mo'ljallangan yerlarda qurilgan noqonuniy bino-inshootlarga belgilangan tartibda choralar ko'rib bormoqdalar.

❗️Masalan, bugun Norin tumandagi "O'zbekiston" MFY hududida piyodalar yo'lakchalariga o'zboshimchalik bilan o'rnatib olingan qurilmalarni bartaraf qilish uchun 30 dan ortiq fuqarolar rasman ogohlantirib, tegishli hujjatlar rasmiylashtirildi. Natijada 20 ga yaqin noqonuniy qurilmalar joyida bartaraf qilindi.

❗️ Pop tumanidan o‘tuvchi A-373 avtomagistralning 267-295 kilometri oralig‘ida yo‘l infratuzilmasiga yaqin joydagi 30 dan ortiq yerdan o'zboshimchalik bilan foydalanish holatlariga MJtKning 60- moddasi tegishli bandlari bilan ma'muriy bayonnomalar rasmiylashtirildi. Natijada 15 kilometr avtomagistral yo'l chetlari tartibga keltirilib, noqonuniy qurilma va reklama bannerlari bartaraf etildi.

⁉️ Hurmatli fuqarolar va tadbirkorlar! Sizlardan ruxsatsiz noqonuniy qurilish qilmaslikni, avtomobil yo‘llari chetlarini, yer maydonlarni o‘zboshimchalik bilan egallab olmasliklaringizni so‘rab qolamiz.

Matbuot xizmati.
📱 Telegram 📱 Instagram 📱 Facebook

#yer_nazorati

Yer umumxalq mulki, uni o‘zboshimchalik bilan egallashga yo‘l qo‘yilmaydi.

🇺🇿O‘zbekiston Respublikasi Prezidentining 2022-yil 21-fevralidagi “Yer uchastkalaridan foydalanishda davlat nazorati samaradorligini oshirish chora-tadbirlari to‘g‘risida”gi PQ-138-son qarori ijrosini taʼminlash maqsadida Kadastr agentligi Namangan viloyati boshqarmasi tomonidan Yer to‘g‘risidagi qonun buzilish holatlarini barvaqt aniqlash va ularning oldini olishga qaratilgan bir qator ishlar amalga oshirildi.

🔼Boshqarma, uning tuman va shahar bo‘limlari inspektorlari tomonidan joriy 2024-yilning 8 oyi davomida 179.4 gektar yer maydonlarini o‘zboshimchalik bilan egallab olish bilan bog‘liq 2749 ta qonun buzilish holati aniqlandi. Aniqlangan qonun buzilishi holatlarini bartaraf etish va yer maydonini davlat zaxirasiga qaytarish maqsadida 749 ta holatda 73.6 gektar yer maydonlari fuqarolik ishlari bo‘yicha sudlarga daʼvo arizalari kiritildi, shundan, 92 ta holatda 8.7 gektar yerlar zaxiraga qaytarilishi sudlar tomonidan qanoatlantirildi (majburiy buzdirish yuzasidan sud qarori qabul qilindi).

➡️Shuningdek hozirgi kunda 637 ta holatdagi 64,2 gektar yer maydonlaridagi qonunbuzarliklar yuzasidan sud jarayonlari davom etmoqda.

➡️Bundan tashqari, xalqning oziq-ovqat xavfsizligiga xizmat qiladigan sug‘oriladigan qishloq xo‘jaligi yerlarni talon taroj qilish va qishloq xo‘jaligi muomalasidan chiqarish kabi jinoyat alomatlari bo‘lgan 124 ta holatda jami 40,3 gektar yer maydonida aniqlangan qonun buzilishlarning ish hujjatlari huquqiy baho berish uchun o‘rnatilgan tartibda prokuratura organlariga yuborildi.

✔️Kadastr agentligining tuman shahar bo‘limlari yer va kadastr inspektorlari tomonidan berilgan yozma ko‘rsatma, profilaktik tushuntirish va targ‘ibot ishlaridan to‘g‘ri xulosa chiqargan 1705 nafar jismoniy va yuridik shaxs tomonidan o‘zboshimchalik bilan egallab olingan 65,6 gektar maydondagi qonun buzilish holatlari huquqbuzarlar tomonidan ixtiyoriy ravishda bartaraf etildi. Bu viloyat bo‘yicha jami aniqlangan holatlarning 60% ni tashkil qilmoqda.

‼️Shuni alohida taʼkidlash joizki, yer umummilliy boyligimiz bo‘lib uni avaylab asrab kelajak avlodlarga yetkazish hammamizning fuqarolik burchimizdir. Shu sababli barchamiz bir yoqadan bosh chiqarib yer maydonlarini o‘zboshimchalik bilan egallanishini oldini olsak Vatanimiz taraqqiyoti uchun katta hissa qo‘shgan bo‘lamiz.

Matbuot xizmati.
📱 Telegram 📱 Instagram 📱 Facebook

#yer_hisobi

Yerlarni davlat ro‘yxatidan o‘tkazish o‘ta muhim jarayon.

✔️Avval xabar berganimizdek Davlatimiz rahbari tomonlaridan 2023-yilning 21-noyabrida “Yer resurslaridan oqilona foydalanish, yer hisobini yuritish hamda kadastr xizmatlari sifatini yaxshilash bo‘yicha kelgusidagi ustuvor vazifalar to‘g‘risida” yig‘ilish o‘tqazilgan va unda kadastr sohasiga ham bir qator vazifalarni belgilab bergan edilar.

✔️Shu yig‘ilishning bayonida keltirilgan vazifalarni ijrosini vaqtida va sifatli bajarish uchun Kadastr agentligi Davlat kadastrlari palatasining Namangan viloyati boshqarmasi boshlig‘i M.Tursunbayev boshchiligida tezkor shtab tuzildi va 14 ta tuman filiallarda Ishchi guruhlar tashkil qilindi.

✔️Yangiqo‘rg‘on tumanida tashkil qilingan Ishchi guruh faoliyatidan vidiolavha.

Matbuot xizmati.
📱 Telegram 📱 Instagram 📱 Facebook

#OAV_biz_haqimizda #yer_hisobi

Yerlarni davlat ro‘yxatidan o‘tkazish jarayonlari

🇺🇿Davlatimiz rahbari tomonlaridan 2023-yilning 21-noyabrida “Yer resurslaridan oqilona foydalanish, yer hisobini yuritish hamda kadastr xizmatlari sifatini yaxshilash bo‘yicha kelgusidagi ustuvor vazifalar to‘g‘risida” gi yig‘ilishda belgilab berilgan vazifalarni Namangan viloyatidagi ijrosini ta'minlash borasida Kadastr agentligi Davlat kadastrlari palatasining Namangan viloyati boshqarmasi boshlig‘i M.Tursunbayev boshchiligida tezkor shtab tuzilib, 14 ta tuman filiallarda Ishchi guruhlar tashkil qilgan holda olib borilmoqda.

✔️Ishchi guruhi tomonidan joylarda yerdan foydalanuvchilar bilan uchrashib, yerlarni davlat ro‘yxatidan o‘tkazish mazmun-mohiyatini tushuntirish jarayonlari Namangan viloyati teleradiokompaniyasining "Mobil xabarlar" dasturida efirga uzatildi.

Matbuot xizmati.
📱 Telegram 📱 Instagram 📱 Facebook

#Yer_hisobi

🇺🇿 YER FONDI TOIFALARI – Yurtimizda yerlar foydalanish maqsadlari, aholining talab va ehtiyojlarini qondirishini eʼtiborga olib, xalq xo‘jaligining barcha tarmoqlarini jonlantirish va rivojlantirishni ko‘zlab, ishlab chiqarishni tashkil etishni hisobga olib toifalarga bo‘linadi.

📊 Yerlarni toifalarga bo‘lishda birinchi navbatda ulardan qaysi maqsad uchun foydalanish mumkin yoki mumkin emasligi eʼtiborga olinadi.

📚Yer kodeksiga ko‘ra, yurtimizda yer fondi yerlardan foydalanishning belgilangan asosiy maqsadiga binoan 8 toifalarga bo‘linadi. Namangan viloyati bo'yicha 2024-yil holatiga jami yer maydoni 743 294 gektarni tashkil qilib, ular yer fondining toifalariga quyidagicha bo'linadi.

➡️qishloq xo‘jaligiga mo‘ljallangan yerlar - 487 493 gektar;
➡️aholi punktlarining yerlari - 17 591 gektar;
➡️sanoat, transport, aloqa, mudofaa va boshqa maqsadlarga mo‘ljallangan yerlar - 59 462 gektar;
➡️tabiatni muhofaza qilish, sog‘lomlashtirish va rekreatsiya maqsadlariga mo‘ljallangan yerlar - 400 gektar;
➡️tarixiy-madaniy ahamiyatga molik yerlar - 2 537 gektar;
➡️o‘rmon fondi yerlari - 152 437 gektar;
➡️suv fondi yerlari - 23 393 gektar;
➡️zaxira yerlar - 91 gektar.

Matbuot xizmati.
📱 Telegram 📱 Instagram 📱 Facebook

#OAV_biz_haqimizda #Yer_nazorati #Yer_hisobi

🆕 Jonli efirda - Kadastr yangiliklari

🎙Namangan teleradiokompaniyasi FM 103.6 "Oltin Zamin" radiosining "So'ragan edingiz" loyihasida Kadastr agentligining Namangan viloyati boshqarmasi tomonidan joriy yilning 9 oyi mobaynida yer va kadastr nazorati yo'nalishida amalga oshirilgan ishlar, Prezidentimiz raisligida 2023-yil 21-noyabrda “Yer resurslaridan oqilona foydalanish, yer hisobini yuritish hamda kadastr xizmatlarining sifatini yaxshilash masalalari” yuzasidan videoselektor yig‘ilishida berilgan topshiriqlarning Namangan viloyatidagi ijrosi haqida jonli efirda suhbat bo'lib o'tdi.

🔺Ushbu suhbatda Kadastr agentligining Davlat kadastrlari palatasi Namangan viloyati boshqarmasi jamoatchilik bilan aloqalar bo'yicha bosh mutaxassisi Sh.Toshtemirov yuqoridagi mavzular yuzasida ma'lumotlar berdi va jurnalist savollariga javob berdi.

Matbuot xizmati.
📱 Telegram 📱 Instagram 📱 Facebook