أنه ولومة ضميري ودمعي والليل
ولوياتي وحسرتي التشهد اعلي
كلشي يموت بيه وكلشي انساه
وگلبي المنكسسرلك فاير وحي
مرات اطهر وتهضمني عطشان
واحير شلون اوصل لشفتك المي
...............................................
شما يكسرني ذنبي ارجع انعاك
وتوّسل گلبي بسمك اكثر يزود
شما جرتني دنيا اصرخ حسين
وانه وگلبي فوگ اوسادتي انود
ليجيب الله يوم البي يعدون
اسماء الخدم وانه اسمي مبعود
......................................................
امل من نفسي بس ما ملن بيوم
من شكواي من گلبي و احاجيك
قرارات الگلب ما الهه قانون
ساعه اتودد لقربك واناجيك
وساعات الرياح تضد الشراع
واسمع ناعي ينعه وگوه ابجيك
.................................................
تجيني ايام يكبر هاجس الخوف
واسافر من غفلتي لحبك وياك
واخافن ساعة لا رضوانك يروح
واخاف عليك لا يتكاثر اضماك
اسئلك وانه اعصر روحي يحسين
امن ابلل صورتك تترطب اشفاك...؟؟
...................................................
نازح من خطيئة ادم وجاي
اطلب توبتك حته ارجع انسان
رحمتك جنها حبك مالها حدود
ويبهت كل عشك نختصره بلسان
اليغرگ بالدموع لحزنك يعيش
والما گلبه يغرك بيك غرگان

يا گلبي اسئل  نفسك واحكم
ياهي التجوي ويمن تحتر...؟؟
بالنار المرسومه بلوحه..لو بالنار التعله بمجمر...؟؟
وعيش حرورة يوم العاشر
بس تصنّع تبرد اكثر
عيش حسين وهوه يميزك
هاي الناس اخشاب بصفقه...كلمن ياخذ كدره وحقه
شي تنداس وشي محروگه..وشي معيوبة وشي تتشمر
وجي مرتبطات بساداتك
تتقدس خشبات المنبر
اربط روحك بيهم تطهر
وسبّل روحك مي لاسيادك
ياهو يشربك كون لساداتك يتذكر
واطمن عاشگلك واحد
من تتغير روحك ضدك
يضل مولاك وما يتغير
بنفس الايد التعصي بيها
اتقربك يم حسينك تكدر
ونفس العين الشافت غيره
يترسها ادموع اعللمنحر
ويا گلبي اخسر كد ما تكدر
كل نضرات الناس اخسرهه
اله  النضره المن الزهره...بالك تخسر
معبر هاي الدنيا لحبك
وساداتك باخر هالمعبر
مدح الناس بدربك يزهي..شما توكف يمه وتتعطل
عن حب ساداتك تتأخر
ولا تحجي اسرارك واتكتر
كلما تسكت دربك يكصر
حب واتغير
حب واتغير
وبس تصنع تبرد اكثر

#شور_فزعة
#لمولاي_الساقي

سگاي ...والگلبه ناشف يفيض بأمانه
سگاي  ... حنيه امي ورث من حنانه
سگاي ...اسطورة بزمنّه وامير بزمانه

ما تصير وما ضن قد صارت هاي
اليرزقه بجمره تصب عينه بماي
حته ناره تندي ادخيله السگاي

هالله هالله..اسطورة الماء القمر
هالله هالله..جفه الَه اعللنهر
هالله الله..ريشته اتحرك الهوه
هالله هالله..هوه فارس نينوه
_ __
عباس ...جانت خيامه تعيش بدلاله
عباس ... ياكلمه الحب قليله بجماله
عباس ... هيبه ابمشيته ابزعلته ابخياله

ادخيله وكت الغيض لو يدخل ميدان
ابن امه الزين ما يطلعله السان
هوه تحتَ الله بس فوگ الانسان

هالله هالله.. لو يقل للشيء كن
هالله هالله.. غصباً اعلشيء يكن
هالله هالله..لا شجاع الا هوه
هالله هالله..هوه فارس نينوه
__
مولاي..بعز الضمه ويم نهر بس يغيّر
مولاي..الماي اليلزمه يشمره يحيير
مولاي... امنية الفرات اعلجوده يسير

لان جان السن بالسن عد مولاي
قرر بجفه ايطگ الماي بماي
سگه طالب منه ورافع يمناي

هالله هالله..الگصته تنشف يمشي اله
هالله هالله..ترد گصتّه امبلله
هاالله هالله..اليعطش بابه روه
هالله هالله..هوه فارس نينوه
____
سلطان ... يوهبلي قيمه ودوام لنعمتي
سلطان ... يرزقني لوعه وثبات ابدمعتي
سلطان ...ينّشف جفائي ويبلل خدمتي

شكثر راحت ناس وشكد طبت ناس
يثبت بغربيلهم ليحب عباس
بلا راس الضامي ورافع جم راس

هالله هالله..الراد تثبت خدمته
هالله هالله..خل يقدس جربته
هالله هالله..للبصيره هّو ضوه
هالله هالله..هون فارس نينوه

-حسين الفاطمي
مصطفى صادق اللامي

لطلب اللحن @safe618

قناة الخادم الطيب حيدر الشغانبي



https://t.me/joinchat/AAAAAFEORvgNbsQ2Es7SLw

فيا سيدي ويا مولاي اجعلني معك على عهدي وثبت لي قلبي وموقفي

https://youtu.be/Y2g7ijhy-T0

#شور_فزعة
لمولاي الرضا

گلبي علي يشهد..
رايد هوه مشهد..مخنوگ يا سلطاني
گود الگلب يمك..
وخليني اشتمك..بيا يوم ازور متاني

مولاي صحنك ..خليني ازوره
جا گلبي يمته..يوصلّه دوره
غيرلي حالي..وخليني اجيلك
امنيتي يمك..الگالي صوره

جرح الشوگ شكبره
شلون اوصل للحضره
فك العوز البيه
ادخيلك يبن الزهره
___
والطافوا بصحنك..
يمي حچو عنك..خلوني اشتاگ اكثر
ابداعت ستر عمتك..
وديني يم گبتك..امحلفك بهذا المنبر

وين انطي وجهي..وتطلعلي گبتّك
حته بمنامي..ما مره شفتك
حلمي وطموحي..مولاي ازورك
وانوب ازورن..معصومه اختك

والما شاف الگبّه
فحطان يدگ گلبه
گوه يضم بدموعه
بس دموعه تغلبه
_____
عايش الطافك
بس گلبي ما طافك..خليني اطوفك مولاي
كل ليلة اضل اسهر..
وابالي اتصور..بصحنك واوزعلك ماي

الما زار امامه...الدنيا تخنّگه
جا يمته اركض..لبابك واشبگه
يا ضامن الحب.. اضمنلك اجيلك
تعبان گلبي..مو كافي فرگه

يا سلطان ايامك
جولك كل خدامك
بس انه الما جيتك
يمته ابچي كدامك
__
وانته اعرف بوضعي
ما عندي بس دمعي..والدمعه باب العشاگ
والروح مكسوره...
وعندي الك صوره..تنكع بچي من اشتاگ

امنيتي اسافر..واوصل ضريحك
داويلي گلبي..انه جريحك
بشباچك الزم..وبدموعي اهمس
مو كافي مليت..بالصورة اصيحك

كالغزال الضايع
گلبي يمك راجع
ارد اكض شباجك
عيوني كافي تباوع
_____
مشهد خذت كلشي..
بيهه احچي وانه امشي..مجنون بيهه ضليت
ها يا اخو القاسم
بذاك الصحن هايم..بس صحنك يسمو بيت

بيت الموده..گالولي صحنك
جا يمته اشوفه..وجا يمته احضنك
ما عندي غيرك..يباوع عليه
وامنيتي احصل..بس نضره منك

انته يمك حلها
يالرضا سهلها
كون اغمض عيني
وگبتك اوصلها

لطلب اللحن @safe618

[و مَا أدرَاكَ مَن زَينَب!]

لو لم نعلَم من أحوالِ العقيلةِ زينب صلواتُ اللهِ عليها إلَّا أنَّ شخصًا كقمرِ العشيرةِ أبي الفضلِ العباسِ كانَ مشتغلًا بخدمتِها و طاعتِها، لكفى ذلكَ دليلًا على عَظَمتِها و عُلُوِّ رُتبتِها على جميعِ مَن يغبطُهُ بمنزِلتِه.🍃

حبيبي بكل زمان الغربه وياك
حته بمجلسك قلة اليعرفوك
ودمعتك شرِكة صارت مو اعله امصاب
يبجون لوضعهم يله يبجوك
يقدسون الكبر من خيرك وصار
وينسونك حبيبي وما يقدسوك
يشوفوك بصورهم لسه عطشان
ومي بجفوفهم بس ما يشربوك
ما خفف دمعهم من الاسهام
اكو اگلوب ابجييهه اسهام زيدوك
ما حبوك يا مولاي لله
جي تارس اديهم همه حبوك
وما عندي اعتراض وكلي تقصير
ملك قابلهم المن يحجي مملوك
بس مولاي احبك واحترگ جاي
ليمته تضل غريب وما يسمعوك
ليمته توكل امثالي لحم طير
وانته اعللرمل يحسين متروك
حبيبي اتعذرك بس احترگ جاي
وانه اسوء منهم وبدموعي مشكوك
بس راجيك اضل وياك كنّاس
امن اليبچوك مو من اليبجّوك

#سماعي

كل ليلة..يم گبرچ اتعنه بهضم
واحچيلة..وبجروحي يا زهره اضم

ها ياللحد..بلكت ترد
الجانتلي كلشي وحته ام..كل ليله
____
هذا انه التحبي صدگ..حاچيني يا زهره
من عگب عشرتنه صرت..اوية المگبره عشره
امنيتي اشبگ مُحسنچ‌..مو اشبگ بگبره

عايش على قيد الدمع..
كسرة گلب كسر الضلع
مو فاطمه الي تندفع..ومحد يحاميهه

اتذكر..من صحتي يا حيدر مدد
شكداسهر..وگلبي يون راحت بعد
ها ياللحد..بلكت ترد
الجانتلي كلشي وحته ام..كل ليله
____
انه علي بس مو علي..يم گبرچ اتغير
حصدو خضارچ بالخشب..وبس ثوبي باقي اخضر
شما اشتم تراب الگبر..بيه الجرح يكبر

ومكسور من يمچ ارد
واتراب بيدي امن اللحد
بنص بيتنه الكله البرد..بترابچ ادّفه

متغير..وبعيوني مرسوم الحزن
متحير..شيصّبر اجروحي التحن
ها ياللحد..بلكت ترد
الجانتلي كلشي وحته ام..كل ليله
____
نقص بحياطينه دفو..ومابي ضوه بيتي
كل ليل ما بي فاطمه..يوازي الهوه بريتي
وضل حالي جن حال الشجر..بتراب عافيتي

يا بت محمد مختنگ
بكل حرگة عالباب انه ادگ
ويتلف جفوفي الحرگ..التلّف اجفوفچ

نيرانه..تركت على جفوفچ اثر
وهذا انه..العفتيني وحدي اويه السهر
ها ياللحد..بلكت ترد
الجانتلي كلشي وحته ام..كل ليله
____
وگلبي يدفعونه بقو..كلما يدفعونچ
يا فاطمه انه علي ..مشتاگ لعيونچ
يا زهره خايف هالعمر..لا يطول ابدونج
(ابكي مخافة ان تطول حياتي)

يا اخر سوالف هلي
گبر‌چ يفاطم منزلي
دورتي لو لا عن علي..وحنيتي لأيامي؟؟

يم بيتي..نتگاسم المي والهوه
حنيتي..لايامنه الچنه سوه
ها ياللحد..بلكت ترد
الجانتلي كلشي وحته ام..كل ليله
____
يا حيلي بس حيلي اندفن..وعايش على عطرچ
الخلني ليهسه عدل..المي والهوه وگبرچ
اشكد تارس اترابچ بچي..بكد ضييم البعمرچ

ضلع العرش ضل منكسر
ياساتره حته الستر
بثايبي ضل عطر الگبر..عطره اليهديّني

يا زهره..وي موتتچ كل موتتي
وشيصبره..الضايگ وجع من غربتي
ها ياللحد..بلكت ترد
الجانتلي كلشي وحته ام..كل ليله

اللحن👇

لحن قصيدة
(كل ليلة)

#لأم_البنين صلوات الله عليها
#دكه_ونص او #شور_فزعه

على الخدمه
اذا سولفنه رباط الحچي ام عباس
بلا روس وولدها الها رفعوا راس
تدور حسين متدور كلام الناس

علماني..حبهه اول درس بالحب علماني
مو مكاني..والمكان الما يذكرك مو مكاني

حي ام عباس
سيرتها دلتني دربي..واطتني هالمسئله
ابنادم الما يذكرك..ما عندي ذكره اله
وحيل استعز بصحبته..الشايل عطر كربله
____
نست كلشي
وذكرت بس عشكها وصفّت النيه
حسين يگلها يمه ودنگت هيه
ما رادت اسم هيج العبوديه

وره ضهره..فاز كلمن شمر اسمه وره ضهره
احله شهره..من يگول حسين اعرفك احله شهره

حي ام عباس
لخاطر حسين واخوته..ضحت بسم بي ربت
وجي ما تفكر بسمها..للخدمه صارت بخت
اولى المدارس لبنها..واربع زلم خرجت
___
يبوفاضل
ابد لتكول خوية لسيد احسانك
يبني من تطيح جفوف ذرعانك
يله اتطيح يا سيدي امن السانك

توصي ابنها..كون كل ام بالحسين توصي ابنها
يضل لبنها..ينذكر بالخير دوووم يضل لبنها

حي ام عباس
وهوه ابطنها ابوفاضل..تغذيته يتنفسك
اكبر من الدنيا كلها..عده حجم محبسك
وطاهر المرضع يبين..من دمعته بمجلسك
_____
بغيابه
ما ذكرته جي ما ناسيه عيونه
وكل مغرب تضل تدعيله محزونه
اللهم عجل رجعت ضعونه

انتضاره..الغاب امامه منها تعلوم انتضاره
بكلبي ناره..خل يموت وما تموت بكلبه ناره

حي ام عباس
من غاب مهدي زمنهه..بدمعتهه نطرت يرد
وخير انتظار لامامه..بدموعه يبقه العبد
اقوى سلاح المدامع..للمهدي من تستعد

‏لحن ((على الخدمه))

(ليلة ام البنين)
#نزال

لمت الويلاد رفعت هامهه
بعد بدوية وتشد احزامهه
ام الابطال ..... ام الابطال
@@@@@@@@@@@@@@@@
حشمت بفحول هاشم
رفت اشوارب زلمهه
بكثر ما راحت وردت
داخت الكاع بجدمها

هاي ايام المراجل ينفرد بيها النشط
يمه و الشاهين يفطن يعرف اعليمن يحط
الرگبه تتبره بنحرها هيج اريدنا شرط

شدت العصابه فوگ الهامه
ولدي هاي الشمس يمكم شامه
ام الابطال
@@@@@@@@@@@@@@@@
جابت اعلوگ امن ابوهم
شدت بجف الهواشم
لو حجه حسين وأمركم
دنگ وگله انا خادم

حطت بكل ايد واحد سدر كافور وجفن
ما اعرفه ولا اريده اليرد ما بي من هذن
يمه صيرو عيون ذيب شما علاويكم غفن

زودكم بيض سواد الديرة
جروحكم نزفتها مو دم غيره
ام الابطال.... ام الابطال
@@@@@@@@@@@@@@@@
غتره الكرار جابت
حزمت بيهه گمرها
المشرعه حرمه وتريدك
يلوگن جفوفك مهرها

مني للكل هالوصيه وبألاخص لجل الگمر
لا تحسبوها حرايب ونسه احسبوها وسفر
ندري بالصياد يگنص يمه لو يلگاله بر

عفيه ولدي الما خطو بالصيده
جيبو كل راس الحسين يريده
ام الابطال ..... ام الابطال
@@@@@@@@@@@@@@@@
جابت ارغيف الولدها
وانطت لكل زلمه واحد
حار بيه انتو استلذو
طعمه يخرب لون بارد

هاي حكمه اخذوها مني البارد اتكرها العرب
حارين اولادي هيبه يفهه يمكم كل حطب
حسين كلما هز نخلكم غضب وكعو مو رطب

خل يتيه كل سبع مشراده
روسهم فصلوها يمه گلاده
ام الابطال ... ام الابطال
@@@@@@@@@@@@@@@@@
يمه صيرو لضهر اخوكم
سند وازماط وحزم
شدو راية بخت يمي
احجاية اريدن من زلم

بالشدد تحلة المواقف والحسين بشدته
كون حته النسمه لتغث ما تمر يم ريتّه
ويمه انشفو وموتوا سكته ورطبة ختضل جربتّه

ما مرضعته وحليبي ينكره
الما يصب دمه لعزيز الزهره

#ثكيل
ام البنين عليها

شيبقاله..الراح امن اديه خله
يا روحي..المّن بعد عدله
_______
يا روحي عدله المّن بعد..وگلبچ خذاه الحافر
لو بيدي ميته من وكت..گبّل الذبح والعاشر
الينصر الله بكل شدد..ما عنده بالطف ناصر

سرجه انلوه ومخزي رجع ميمونه
ماي ووكع ما كدرو يلمونه
والسلبه ما يستحي امن عيونه
ام البنين شيسوه عمري ابدونه

وحسيني..مات وسبو اهله
يا روحي..المّن بعد عدله
_________
جنت انتظر كل قافله..بلكت ترف ريشاته
خل ينكطع عني الهوه..ولا تنكطع نضراته
وجاني بِشر ينعه وصرخ..ترسوها دم شيباته

ما يگضي حيلي امخلفه عباس انه
مات الحُسين وحيلي راح اهنانه
مثل الحمام التنكسر جنحانه
گلبي انكسر يم خيمته العطشانه

ضل ضامي..وگصتّه النهر كله
يا روحي..المّن بعد عدله
________
خدامه نص بيته عشت..ما گتله (يمه)بمره
خوفي عليه لا ينلچم..ويتذكر امه الزهره
اولا عندي بضلوعي كسر..ولا عيني ضلت حمره

أمن ال(يمه) اخاف عليه جنت عاشگته
و هسه الرماح بكربله شايلته
حسين انذبح المّن سبوو عايلته
وولده رطب كلمن يطيح بوكته

واسهامه..بنص گلبه تندله
يا روحي..المّن بعد عدله
_______
بخيامه جم عش انبنه..وابلا رحم حرگوهن
الما طلعن بكل العمر..من الخيم طلعوهن
واعيونهن مو للبچي..بس للاسف بجوهن

مرّن بأخوهن والبواچي لنوحه
وفز وسمّع اصواتهن مبحوحه
وضل الحسين يضم بقايا جروحه
مثل الضرف من يضم ورقه بروحه

وبروحه..زاد الضمه عله
يا روحي..المّن بعد عدله
_______
يخنگني ضل ماي الشرب..وتعرضلي صور(ت)ة مقتل
بيهه النهر مجرم حرب..وده العقيله اعللتل
ليهسه لحسين بعطش..يا ريجي لا تتبلل

بالماي اغص چي منگطع عن اهله
هوه السبب خله اخته فوگ التله
الگطعّوا گلبهم اسود امن الكحله
موتي يروحي المن بقيتي عدله

ما ساوم..موته اولا ذله
يا روحي..المّن بعد عدله

#شور_فزعه
لأم البنين صلوات الله عليها

مو ام لا مرت والد..عشت وياك خدامه
يا لذة عبوديتي..كلبي لسلمك اسلامه
شهري الما اخدمك بي..ما معدوده ايامه

گلبي يشرب من حنانك..يالتعطشك مشرعة
اختصر عمري بنضرتك..أنه وولدي الاربعه

يا مولاي
الله حقق امنياتي..من علي اختارني مرته
يا حسين وكل دعائي..بنص صلاتي يخصك انته
ربي ما ريدن اجيبن..ولد ما يرضه بخدمته
.....................................................................
طبع كل بدوي ترحالة..وعكست انته الطبع بيه
السفر ما گمت احبنه..عشت جو العبودية
ونسيت اسمي الكُلابيه..صرت هسه الحسينية

واليعيش بجو بخدمتك..ياهو يكدر يوصله
يا حسين الحب عذابك..مدري ليش اتدلله

يا مولاي
العلى امحبتك گلبه قابض.. كالذي قابضله جمره
ووقف صار الكم حليبي..يصير خادم ياهو اكبره
والينسبونه الخدمتك..يجل مقامة الله ويقدره
.......................................................................
قريت بسوره الاخلاص..وصبح الاخلاص امنيتي
وحقق امنياتي الله..وانطاني اعلگد نيتي
بالسورة اربعه الايات..واربع ولد ذريتي

الله گدرني ونطاني..لضهرك اخوان وحزم
وسيدي مقصره اعتذرلك..عندي بس اربع زلم

يا مولاي
قل هوه الله هوه احد..وانته الاوحد لله دربه
والمثال اعللحجيته..لليحبك راح اضربة
الله حيل يعز صلاته..اليسجد وكصته اعلتربه
...........................................................................
دليِل العاشگ النية..اغمض عيني واندلك
اليدورك كون ينسه اسمه..وسحگت اسمي أنه لاجلك
الغاية والوسيلة انته..اليريدك بيك يوصلك

على ولدي بسمك انعه..يا حسين امن المهد
سيدي الجرب دمعتك..ما يفارگهه بعد

يا مولاي
ضحه ابراهيم بابنه..ويذبح اسماعيله صرّح
وانه احب وردت اضحي..وماكو من التضحيه اوضح
اربع انحور لغلاتك..يا حبيبي بكيفك اذبح

اللحن👇

#شور_فزعه
شهادة السيدة زينب

وين الشاف خيام ونار وضل مرتاح
ووين الگام يطفي بروحه نار اخيام

شوفت گبتج يا مولاتي ادور اگلوب
ادور خادم اقصى احلامه يموت بشام

لتخليني اويه الما راحو يخت حسين
وابقه الوحدي ابيت احزاني شلون العام


بيه اطفال ما تسكت
تريد تشوفج وتهده
بعدني شما يمر طاريج
انه ودمعي نتبده

مدي احبالج امن الهزله مولاتي
جريني أنه ودمعي ومناجاتي
واهاتي
اباب الشام اهاتي

بجي امناشغ اريدنج تبجيني
جيبي ارماد من الخيمه وانطيني
راويني
خرابه وقصر راويني
________
لهفه طفله تصيح عمه الماي الماي
هيج اللهفه بروحي تصيح گبة ام عون
ارد اتباهه بشيبه شوطه اعليج تصير
اغبط ليحبون اخيامج و يشيبون
مو مسجون الشدو ايده وضل محبوس
الما شد ايده بابج لخضر ضل مسجون

احترگ يم بابج بنيتي
وشيبي براسي يبقه ارماد
الجزع والموت ما مريود
بس ابابكم ينراد

السفر للشام يم عون اختلف يمنه
لا ركضت ورانه اخيول لا طحنه
بس زرنه
مرتاحين من زرنه

ماكو احبال لاكو هزل ويانه
محد بينه متغربات نسوانه
وممشانه
بهيده بهيده ممشانه
__________
اباب الساعات ابجي بهيده يگلي الراح
اهل الشام بدمعه خادم ما راضين

شبجي بهيده شتردوني اقنع واسكت عود
وانه مناطر هاي الروحه من سنين

بزوارج ما رحمو ناسيش اهل الشام
معناها بضعنج يا زينب شمسوين

بأزقة الشام من امشي
عيني اعللسطوح هواي
واتخيل ضعن مگيود
يفوت بهالازقه هاي

والسجاد حگه امن ننسئل واحتام
شنو الاذاك جاوبهم الشام الشام
عيون تنام
ما خله العيون تنام

ارزقيني اشرفن بالخرابه جروح
كافي تروح خدامج وانه الما روح
يحله النوح
مگبل يله يحله النوح
_________
ناس لمشهد ناس لشامج جاي تروح
وبس انه الما زاير گلبي شكد فشلان


لاني كاعد يم بابج الاخضر يم عون
ولاني الكاعد يم بابك ها يالسلطان

لاني المشتم عطرك ليغير الاگلوب
ولاني المشتم من صحنج ريحه دخان

غريب ابين هالصحنين
وبقيت بدمعتي حاير
يمته امن السفر ارجع
وهلي يسموني يالزاير

اخافن عمري يگضي ابلايه گبتكم
واموت حسرتي جانت زيارتكم
امروتكم
العمر يركض مروتكم

وصيتي بگلب مجوي لا يدفنوني
هلي لام عون لو للرضا زورني
واخذوني
وراهه لگبري اخذوني