#موشح
#لمولاتنا_أم_كلثوم عليها السلام

بكثر ما شافت مصاب اعيونهه
تغمّض ام كلثوم گوه جفونهه
__
گوه تغمض عينها الشافت عذاب
شتنسه ذبح خوانها اوليد الرباب
سنة ما عاشت عگب طف المصاب

شلون تنسه الصار وي ضعونهه
تغمض ام كلثوم گوه جفونهه
__
مال وي كلثوم حيدر هالوكت
الليلة صوت ادموعها بسكته ايخفت
الليلة نعي حسين ينكص نوح اخت

الليلة ماكو اخوان ويودعونهه
تغمّض ام كلثوم گوه جفونهه
___
هاي ليلتها الاخيره ويا ختام
اتجبلت وتودي لحسين السلام
خوتك كتلتني ما كاتلني شام

وحِگ حليب امي وملح ماعونها
تغمض ام كلثوم گوه جفونهه
____
اه صاحت بس ذبح محسوبه الاه
بين ازقة الشام واسطوحه وهواه
هنا ضعنها انذبح سكته بمستحاه

اه صاحت وانخطف كل لونهه
تغمض ام كلثوم گوه جفونهه
___
وندري عالخوان كل عين الخوات
وين الاجفوف الندية الراويات
ما مغمضه اختك يكافل بالممات

امفتشه ماتت بلكي يحضر عونهه
تغمض ام كلثوم گوه جفونهه
___
اجنازه الغربه غريبة ابلايه لون
بلكي لأم كلثوم هالليلة تجون
بلكي تطوون الطريج وتعتنون

وبلجن اتنزلونها بمدفونها
تغمض ام كلثوم گوه جفونهه

#موشح
#شهادة_مولانا_الهادي عليه السلام

الليلة يا عاشر زلمها وعوَدها
تبجي فاطمتك وذابل عودها
_
اسد سامره وصرت انته الها باب
امن المدينة اتهجرت عشت اغتراب
يالشفت من أمتك الوان العذاب

شلون امه السممت ليقودها
تبجي فاطمتك وذابل عودها
__
الليلة يا رابع علي امن ال الرسول
تنفجع بيك امك الزهره البتول
تنعه فگدك فاطمة بونه وتگول

ااخ يولادي وسموم اجبودها
تبجي فاطمتك وذابل عودها
____
الليلة يالهادي جرحها يصير بيك
بضلع محني ودمعه سچابه تجيك
تغمض عيونك  يهاديها واديك

بيدها اتسبلهن لمضهودها
تبجي فاطمتك وذابل عودها
____
تبجي فاطمتك على اسموم الجبد
امك المحزونه بيمن تنسعد
ووصل سم الحسن حد ولد الولد

بثار جبدك تشتكي لمعبودها
تبجي فاطمتك وذابل عودها
____
تبجي فاطمتك تصد للعسكري
مزگ اثيابه ودمع عينه جري
اتحفه ابنك واتجه صوبك الغري

ياعلي سمّو جبد صايودها
تبجي فاطمتك وذابل عودها
_
تبجي فاطمتك يهاديها الغريب
وغربتك ودتها لحسين السليب
وانته ميت صحت وياها بنحيب

يا خيامه العالهزيل اورودها
تبجي فاطمتك وذابل عودها
__
من اجت يمك لگت ابنك ينوح
حسين من حضرتله ماكو بولده روح
فوگ صدره حط رضيعه وهالجروح

ما تطيب اله يجي موعودها
تبجي فاطمتك وذابل عودها


اللهم عجّل لوليك الفرج

9 رجب اي قبل 20 يوم من خروج الضعن

والمتعارف عليه هوه ولادة مولانا الرضيع

فهل كان لقاء للطفل مع اخته العليلة ام وداع....؟


https://youtu.be/UOiGTIi_58k?si=t-bxrCzt9jwI3zs7

#خروج_ضعن_الحسين
خطاب مولاتي فاطمة العليلة


يا حسين
بالسلامة امودعين
بالسلامة امودعين
راح ارش دمعي بضهركم
بدمع طفلة امعوذين
وراح ارد امن الموادع
وردتي ما ادري وين
بيتي وين..؟
بيتي فوك النوك شال
والسؤال
ماي ششرب..؟
وشكو ماي بجود عمي
وجوده قرر ارتحال
والسؤال
زادي وينه
وملح زادي عمتي زينب
حملت فوك الجمال
مسافرين
اكبال عيني ال هاشم شايلين
وانا اكابر لا اكسر شيخ الهواشم
ولا اعطل الرايحين
بصوت هافت كمت انادي
بالسلامه امودعين.. بالسلامه امودعين
رجفت ايدي ورجفت ايده
لخصت كل الحنين
خيل هجرك بوية ركضت
وطشرت كل السنين
وناگه ناگه أدموعي طاحت
وشيعت دمعي اعلخدي
وادفنتهن وسط حضن ام البنين
بالسلامة امودعين.. بالسلامة امودعين
وردة بوية اسگوني ملگه
شجرة طاحت ورگه ورگه
شما اكابر ابقه طفلة
تريد من والدها شبگة
اليغرك بدمعات عينه
اوجوه اهله اتصير شهكه
يا ابو فاضل
برايتك ماخذ هوه الله
رف عليه الدنيا خنگة
رف عليه يابوفاضل
حصة الي بحضنك يكافل
رف علية
حصه الي عمي بحنانك
مثل ما حصة لرقية
حصه الي بعينك يعمي
قبل لا سهم المنية
يوصل وعينك ضحية
ادري ما يرجع ضعنكم
وگلبي اقنعه براجعين
وادري معدومه السلامه
ووادعتكم يا حسين
بالسلامة امودعين.. بالسلامة امودعين
بالسلامة يا هواي
بالسلامة يا ضواي
بالسلامة بريج ضامي
لان الكم ماكو ماي
وادعتكم واهلا اصرخ
باجر تشح حته هاي
لاكو اهلا لاكو ماي
ريضو يا بختي ورجاي
بهيده امشو يا دواي
بهيده خل مشيي الضعين
عالذبح مستعجلين
بالسلامة امودعين

صلى الله عليك يا ابا عبد الله

اليوم كلشي بالسمه ينادي حسين
واولياء من جفه رادت بس عطاء

نوع هاي الرحمه ما مر عالوجود
وسره تريد اتصافح جفوفه السماء

شيوصل الصافح جفوفك يا حسين
وانت التراب التسحگه بي شفاء

الله شاء بطرد فطرس يا رحيم
ومن مسح مهدك يقبله الله شاء

انت مطلق رحمة الباري الرحيم
لامكان يحدها لا بيها انتهاء

انت ((هم)) الله فاطمتك تصير
وشكو ((اللهم)) بالزهره التقاء

واتزان الكون نقطة بفضل ابوك
ودون حيدر ابد ما تنقري الباء

حسين خاتم كل عبادات العبيد
مثل ما جدك ختم كل الانبياء

انت حارج شكو مؤمن بالوجود
لان محد ناجه ربه بالدماء

وفهت يمك كل تلاوات الكتاب
وانت عالي برمحك وتتلو الوفاء

وماكو اكمل من سجدتك ياحسين
والسهام اعليك تمطر بالعراء

وماكو اكمل من دعائك يا غريب
من شلت عبد الله قدمته فداء

اليوم تنگر السمه بهالجية هاي
اجه اليعبد حد فنائة بلا فناء

والله راد يرد فنائك يا وحيد
وحار بيك شلون ينطيك الجزاء

الناس صلت كلها عالبيت الحرام
وانته صلى الله عليك بكربلاء

اليبتغي وجه الله ويدور رضاه
يسجد ابابك خضوغ وابتغاء

اليوم هذا اليوم صار الحب عذاب
والمحبه صارت اليوم ابتلاء

احتراق الحب لگيته بالرسول
والصدگ بالدمعه والباقي افتراء

اللهم عجّل لوليك الفرج

عزيزة الحسين رقية💔💔

رقية اجمل اسم مكتوب
ورقية اترف اسم مسموع

احروف تصوغ اسامي الناس
وانتي اسمج تصوغه ادموع

شكو بالدنيا شي معسول
برقتج مار من مصنوع

شكو نسمه بعطر هبت
عطر هالنسمه الج مرجوع

لخضار اهلج يطوف إجلال
حته يخضر المزروع

يريت اعصر الدنيا الوان
واسبّل گلبي الج ينبوع

ويريتن تنشره النجمات
ونشعلهن بدل لشموع

ويريت اقماش محفلنا
بتراجي من ذهب مرصوع

يالبگلب المخيم ماي
من جان العطش مطبوع

رقية الفرح منج صار
بس ليج الفرح ممنوع

من كل باب اريد ارثيج
ارد بدمعتي ومفجوع

بصندوگ الحكايه اسرار
واليتحره كون يلوع

اذا احسب شعشتي اسنين
يطلع بس نعي المجموع

اسنينج كد يمين حسين
من ضل خنصره مكطوع

ولان گلبج اعيون حسين
شبگتي صرتي فوگ اضلوع

نعي مصابج يمر شراي
واذب گلبي الج مبيوع

شبيهة فاطمة الزهراء
وشاهد عندي بالموضوع

دمعجن سهر الضلام
وسّلاح البجي هنا مرفوع

غربة حبيبي رسول الله صلى الله عليه واله
بعد فقدة كافله مولاي ابو طالب صلوات الله عليه
وحبيبته مولاتي خديجة صلوات الله عليه

يا رسول الله حبيبي..يا غريب شهالجروح
ام زهرتك يا محمد..الليلة من ايدك تروح

وخمس اعوام سنين الزهره
وتتيم من أمها بحسرة
أنا اعطيناك الكوثر
والكوثر ضلت متحيره

الدين اتيتم ووي فاطمة انصاب
واويلي خديجة امصابها امصاب
هاي اول علامه لدفعة الباب

لولاها ولولا الكرار
ما قام الدين وما صار
____
لا أموال اعليك عزت..ولا تجارة ولا دلال
بت قصر عافت قصرها..وسكنت وياك الجبال

أبتر عنك گالوا امتك
وردتّهم جابتلك بتك
مثل المي عاشت بجفوفك
وضحتلك ياما ضحتلك

قريش ترامي جانت طولك احجار
وخديجة تحط جفوف الزهره الاصغار
فوك جروحك وبلسمها يندار

لو ما هذا الملگه الحار
ما قام الدين وما صار
____
العام الميتم زهرتك..جان عام شكد أليم
ابو طالب راح منك..وعلي هم امسه يتيم

بمكة ومنفي وعايش غربه
موت بموت وصعبه بصعبه
هم متغرب هم أم بيتك
وهم كفالك يوگف گلبه

خديجة وأبوطالب عام الاحزان
الجروح منين ما تندار عنوان
متغربة بغربتك كل الاديان

ولو ما صبرك يالمختار
ما قام الدين وما صار
____
دور ابو طالب يكمله..وي محمدنا علينه
وفاطمة وي حب خديجه..ترعه واتداري نبينه

شهالرحمه الموجوده هنانه
شهالبيت الما تكضي احزانه
شهالحنية اللازم تنزف
ويا هالذرية العطشانة

هذا البيت ما مقسوم يرتاح
عطش وسموم اه وحزن واجراح
وارثتهم الغربه ودمعه وانياح

ولو ما نازف دم هالدار
ما قام الدين وما صار

رجاء قلبي المُتعب
لرحمة الحُسين صلوات الله عليه

رحمتك بالصور مولاي
امبينه بعينك وتجذب
رحمتك وسعت الكلشي
ما توسع گلب مذنب..؟؟

گلبي علمه
ابجديه حبك احلى ابجديه
نضره وحده
تكفي وتعمر خرابي الصار بيه
ضگت قربك
وضگت بعدك والفرق بين عليه

رجعني.. دخيل بدورة عيونك
رجعني.. بحرگه الطم على ضعونك
أمن اليبجوك مو من اليبجونّك
.............................................
احب ابجيك بالضلمة
اخاف الدنيا تاخذني
وابجليك حيه امن الناس
وما صب دمعي من حزني

مستحه ابجي
وما ابجيلك سيدي والله هضيمه
راح اسلمه
كلبي بيدك سيدي وبجروحه ديمه
وفدوة علمه
النضره من غير ام حسن ما الها قيمه

اشطبني..من راس البشر مولاي
اشطبني..بكل لحضه انته مو وياي
وسجلني بسجل امك اهم شي هاي
....................................................
ما ريد الدرب يخلص
اكصّر خطوتي بمسراك
وحرام احسب وكت يحسين
اشمر ساعتي امن انعاك

كون وكتي
يوگف ويگضي بمصايب ذاك صبحك
عشت ميت
وانحييت بشهگه الزهره اعلذبحك
ووي ناسي
مو بزاد اتمالحت بدموع جرحك

كل عشره..امعاشرهه بخيم واهات
كل عشره..اتدووم بطيحه الدمعات
الناس الما تنوح اعليك ماضي ومات
....................................................
عشنه اجروح للزهره
ما عشنه الجرح للناس
من سنة السنة بخوفه
وقلقنه الليلة العباس

الدنيا ضلمه
والجرح والدمعه بيبان لسبيلك
هاي هضمه
نشم هوه وطايح على الشاطي كفيلك
بخوف عشنه
استوحدك من طاح عباسك جبيلك

تجرحني..عدوانك عليك اتطوف
تجرحني..بده أبخيمه رقية الخوف
عله جف العدو وعباس ماله جفوف
_

#ثكيل_للأمام_الصادق عليه السلام

حلم..ركعتين الزياره بصحنك العامر
حلم..صحنك بي لشبه لحسين بالعاشر
شما توكف اتطيح المناره
والشيعه محرومه الزياره
يا جعفر الصادق..يا جعفر الصادق..
_
المريض يسافر..لطبيبه ويحصل دوه
ومريضك انه..ولزيارتك كلبي هوه
علك عازلك..بس وين اشده من اجي
واباوع كبرك..وي الترب صاير سوه

ولو زرتك صدك مولاي..خجلان اكعد بكترك
فشله اكبور اهالينه..صارت اعلى من گبرك

حلم..من نفسي اللئيمة اشكي بعتابك
حلم..اخذ صوغه لامي امزوره ابابك

گبور اهلي اعلى شكد جساره
والشيعه محرومه الزياره
__
لنفرض جيتك..وارسملي گبه اعللترب
الهوه يخربهه..اوي ال النبي كلشي حِرب
الزياره اقراهه..يم يا حجر من الكبر
وشدك واستأذن..وكل باب الك ماكو امن اطب

محد قدر النعمه..النعمه بجفنا واتبدت
بوب التوبة تفحلي..بوب الصحنك انهدت

حلم..وحلم ازيارتك سيدي يبجيني
حلم..اصد لمع القباب وتنترس عيني
لبگلبه جمره اتعيشه ناره
والشيعه محرومه الزياره
_
من اطب للمجلس..يالصادق بدمعي انكسر
مكاني شكبره..وما عندك لصحنك كتر
الفضل من عندك..من كمت اجي لمجلس
واشكرك حاير..وكل شكري يحتاج لشكر

بفضلك عندي صاير بيت..وصحنك بالترب صاير
يالمعلمني ازور حسين ..ما يمك ولا زاير

حلم..شلون الناصبي يحرس على حدودك
حلم..وين الجعفرية ووينها جندوك
كلب اليحب وينه قراره
والشيعه محرومه الزياره
__
الوصال يدور..عاشك يضحي بكل وكت
ورقية الشاهد..حبت وماتت عالطشت
ردت دعوتهه..تدعيلي ما اضيع فرص
اذا اوصلك..ما ريد ارد نفس الرحت

فرق ازياره المرتاح..عن ازيارة العاشق
وملهوفه تجي الزهراء..تزور بجعفر الصادق

حلم..قبل لا احلم بسجده على عتابك
حلم..كون احلم شلون ابني أنه ابابك
بنيانكم حلم الغياره
والشيعه محرومة الزياره
_
بوجاهت امك..من الله نطلب هالطلب
البقيع نطبله..عماله ونشيّد الگبب
اذا شاء الله..وصار البناء بحضرتك
العطش من عدنه..ماي امن ابوصالح شرب

طلب لو بينه ذره حب..يصير ومرقدك يشهد
الحب يخلق معاجز كون..ونريد اعجازنه الغرقد

صدك..ما ريد الحلم واقع اريدنه
صدك..ما ضل شي بناء الصحن مطلبنه
والحلم يتحقق مساره
والشيعه محرومه الزياره

مصطفى صادق اللامي

خل تفرح عبيد حسين الليلة انفاس من شعبان
وخل يهب عطر عباس و بي تتباشر البلدان
غبشه النور يصبح نور و يخضر عود كل ريحان
وتبدي تهوس الشياب
وهلاهل تعله للنسوان
والدبچه الجنوبية على الشبان
وصوت امن السمه ايبشر
اجه السلطان اجه السلطان
اجه الصايد گلبنه وصايد الصياد والغزلان
اجه التارس الدنيا الوان
اجه الاتقن أناقة هاشم وعدنان
ازمة بسوگ بمشهد ماكو اخضر لون
جي يلبس الاخضر جان
جفة يگود المفتشين والعميان
اجه الخلانه نتحسر نزور ايران
اجه الخلانه نعشگ أرض اهل سلمان
معجزه النبي موسى عصاه ثعبان
ومعجزة الرضا الممسوخ رده انسان
انيس منين ما يندار
أنيس افراح أنيس احزان
ورؤوف منين ما ينشاف
بگبته برايته بصورته اعللحيطان
حط بكل گلب نيشان
رحمته اتشابهت بالماي
غصب تحتاجها والها تظل عطشان
رحمته اتفجر امن اعيونه النهران
دخيل برحمة الرحمن
دخيلك ياعلي السلطان

اللهم عجل لوليك الفرج
دخيلك ياعلي السلطان

الى جواد الائمة
#وارث_امصابين

يالوارث امصابين..من الحسن وحسين
كون تواسيك الشبان
هم مسموم وهم عطشان
يالوارث امصابين
_
سيد بعمر الشباب..وطاح ذابل مبسمه
بين غربة سم امام..وبين معصوم بضمه
الخمسه والعشرين عام..جروح صابن فاطمة

ما عنده خوات ينوحن اعليه
وحيد اهله بغربته
ومرته ما بجت بمصابه مولاي
السمت جبده مرته
يشبان الجواد يريد عوان
يذب ماي اعلشفته

بعز الشباب ومات..يستاهل الدمعات
متجوي وما عنده اخوان
هم مسموم وهم عطشان
__
اه من مشهد لموتك..و اه ابد ما تنحبس
انطونه شاب البينه خله..بكاع خده وبالشمس
منو كبلك يالجواد..بخد الاكبر ضل يحس

شبَ اعللجرح وادموع الامصاب
الوكت من صغره خانه
يتيم امن الصبه ويتنفس اهموم
ينزف من حنانه
المثلك خده مو بالكاع واشموس
لا سيد زمانه

براگ العطش والسم..ضل كلبه متحزم
والضامن وياه ذبلان
هم مسموم وهم عطشان
__
سطح دارك ما بردلك ..حار جن سن الرمح
خضرة السنين العليك..وصوفرن فوك السطح
اشجم ظهر صب حره نار..وجم شماله وجم صبح

يوحيد الرضا يالما ضكت الماي
امك وين عنك
لو ريحانه امك هسه وياك
تغطيك وتحضنك
ثلاّثه اعللسطح وانوب يرموك
وولا واحد يجفنك

سم وعطش واكسور..من السطح مغدور
اكسور البيك بكل امجان
هم مسموم وهم عطشان
__
على دفنك يبو الهادي..املوك كامت تنجبر
ندّه منك مسك فايح..عطره طاف بكل كتر
هذا عطرك غث قصرهم..وخلو لطولك گبر

من قم النعي يا عمه ويلاه
يا اكبر خساره
يتورم جمالك ليش بالكاع
وانته ابن الطهاره
من نيران معصومه يمولاي
عليك ابجي بحراره

مسلم بجه وينعاك..من قصره طاح وياك
صح طايح بس عالي الشان
هم مسموم وهم عطشان
_
اتنعمت انه بشبابي..يا مُحمد والثمن
جبدك وخدك وشفتك..بالمصايب يلتقن
بجرحك اتلكة محرم..والهواشم والضعن

حريص وبيه تجرح خايف هواي
الاكي حسين بارد
بمصابك خذتني لريح الاحزان
تهفي لجمري رايد
يا باب المراد اتصب بالگلوب
نيران المواگد

يالغربتّك ضعفين..جرحك جواز حسين
للعاشر جرحك نيشان
هم مسموم وهم عطشان

يا مولاي
يا جواد الائمة عميت عين لم تبكي لمصابك


يكسر صيامه الصايم بماي
وبالسم فطورة يصير مولاي
امن ام الفضل مي راد عطشان
گلها سره السم كطع احشاي

انطت ضهرهه لسيد زمنهه ..وسدت عليه الدار
ضامي الجواد ومحد يعينه..بحشاه سموم ونار
لا اخوه عنده ولا ولده يمه..وما حن عليه اي جار

فوك الثره ينوح باه
مسموم وتصيح اشفاه
انا ابن الحسين
وهل انسى الحسين
____
ضاك الهوه بصدره وبقه اوحيد
المجروحه ريته انفاسه تنهيد
لسطحه نوه يتعنه مولاي
ما ضل هوه يشمه وهوه يريد

شلون الشباب وبخت الهواشم..المامره هزه الريح
يعالج تنعه لسطح المنية..وكلما يكوم يطيح
لا عنده حيل يعينه اعلمشية..ولا عنده صوت يصيح

اشما طاح يرفع يمناه
عطشان مثلك جداه
انا ابن الحسين
وهل انسى الحسين
_
راح الجمال البالرضا جان
موت السمار الهاشمي حان
البي كل ملامح حيدره طاح
بحر الشمس يا ناس ذبلان

عشرينه ذابن نار بجبدته..ونار العطش يحموم
وهاي الشمس ما ترحم منامه..مضلوم ابن مضلوم
اتعنه الحمام يريد بجناحه..يضلل على المسموم

فيي الحمام الحاطاه
لجده وسهامه وداه
انا ابن الحسين
وهل انسى الحسين
__
عدوانه ما كفاهم الحال
ملعون امته أآمر وكال
من سطحه ارمو جثته للكاع
ومن سطحه دفعوا جثته الانذال

من يا ديانه ومن يا شريعه..بالميت تغدرون
الزهره الحزينة تصد اعلحاله..وتنعه ابلحن محزون
ضلعي كسير ولو دفعوا ابني..اتلكه ابني شلون

امه وتدور ملكاه
جن جده محد شالاه
انا ابن الحسين
وهل انسى الحسين

يا موسى ابن جعفر يا محمد الجواد
صلوات الله عليكما يا سادتي💔

لوبيدي اهجر هاي الديار
وبالكاظمية نحول الدار
عالجورة شايل مشتري الجار
جيران بيتي شلون گبتين

اغبش واصابح هيج جيران
واغسل عيوني بنور الاحنان
وللجورة حگ افراح واحزان
وبحيلهم گد ذني الاثنين

هنيالي اصير اويه المعازيب
وزوار جفي ايودي ويجيب
واخذلي حصه اويه المصاويب
واتلوحني امن الحرگه سهمين

وميهمني لو مذموم محمود
ينگص الشط ايغرگ ايزود
شيصير عندي الصحن موجود
واتحرز امن تراب امامين

ولو يدنه مني شهر الامصاب
بعتبهم اكعد والزم الباب
وما گوم حد ما اسمع اجواب
ومن عدهم اخذ حصة للعين

يامن يوديني اعلبغداد
واكعد اكعود اباب الامراد
مي گصتي اشمره وكصتي يزداد
ميها وبختها امن الجوادين

اتعنه لازم واشعل اشموع
وعاشور واطلبه وارد موجوع
مفجوع گلب الزهره مفجوع
واسعدها ردت امن المرادين

اتعنه عنوة بلهفة اطفال
واكعد لعند اجدامهم ذال
اهنا يامن اتصعنون الارجال
زلمة ارد اصير انجرح لحسين

يا فرج الله
اللهم عجّل لوليك الفرج 💔

مولاي مسلم ابن عقيل صلوات عليه

من فوگ القصر ناديت
ابيت الله وغريب تصير
وين تروح يم يا بيت...؟
لا من توصل يرحموك
وما تنعاف سالم حته لو رديت
وانته ابيتك يطلبوك
ويم گبر الرسول يصير
ذبحك حته لو ما جيت
وين تروح يم يا بيت
هايحسين ها يحسين وين تروح يم يا بيت
من فوگ القصر ببچاي
تسلم عيني لعيونك
شگلك اسرع ببمشاك
شگلك بالمشي هونك
تحمّل ما تحمّل ماي
يعطشونك يعطشونك
بالصحره تحط خيمة ويلحگونك
وين تشيل بضعونك
لو عمرك سفر يخلص هم باجر يذبحونك
وين تشيل بضعونك
يبن عمي ورفيج الروح
يبو الگامه الجليله والحجي المملوح
الحجي المن شفه مفطورة
يوصل للاذن مجروح
وانه بشفتي التصب ادموم
صحت يحسين وين تروح
يالمالك حمل مطروح
من هالدنيا وين تروح
زرتك سالم امن سطوح
وباجر تگصد انته تزور
اباب الكوفه نتجاور
منحور وشبگ منحور
نتجاور حجر واجروح
ونضرات الزيارة تصير
مذبوح وحجي المذبوح ما مسموح
ومو بس انته يا عطشان
زينب باجر امن الشام وين تروح
ما دام الحجي فوك القصر مسموح
اخير احجاية احجيلك
قبل موعد طلاع الروح
زينب باجر امن الشام وين تروح

يا ابا عبد الله دخيلك

يا حسين وتسوه اضحيلك شبابي..يالي ماضلك شباب
كل معانيك التحبهن بناتك..فوگهن دم وتراب

حسين..بس انته المكطوعه اوداجه
يا مولاي وتكضي الحاجة
بجفك دم عبد الله وتكرم
حته الناس الما محتاجه

دم عبد الله بيدك بعده يفور
يذبحونه اعلجفك كل عاشور
خذته امن الرباب اتشربه الماي
ورجعته لحضنها بس منحور
_
هاي يالمغيرني وامغير بناتك..بس فرق بين الاثنين
هنه وداهن زمنهن على الناگه..وانه امدلل بالحسين

حسين ااه..حسين ااه
امغيرني وعدك كل قدره
كلشي بهاي الدنيا تغيره
وما غيرت بواقع حالك
من ركضتلك طفلة اصغيره

اصعب شي طفل يدخل بحماك
ومن حضنك توخره اجفوف اعداك
تفز غيرة وترد يحسين اتطيح
الا يا ليتني مذبوح وياك
((يا ليتنا كنا معكم لنفوز فوزا عظيما))
___
امصابك اكبر من حجينه وما اضنها..اتدركه يحسين العقول
طولك الجانت تشبره اشبار امك..هسه ما بين الخيول

حسين ااه..حسين ااه
ما جاي استوعب هالحاله
طولك محد يدنّاله
طولك حصت حضن الزهره
مو حصّت خيل وخياله

يمخلي گلب امك مفجوع
ما بين الخيول تضل مصروع
ضلوع انته انطيت وانه ابجيك
ويا دمعه لتشافي كسر اضلوع
___
اصعب جروح الرجولة اعللهواشم..العلاوي امخدرات
وضعن علويات مسبي امسنسلينه..يا حسين اعليك فات

حسين ااه..حسين ااه
اتأثر بكلشي وما تتأثر
يقهرونك ما جاي اتصور
جا ليش تأشرلك زينب
وتأشر لزينب ما تكدر

فوك التل اتدور واليهه
بس ايدك ارفعها ودليهه
امدللهه جنت بس هالدنيا
دارت وانته صرت امبجيهه

نوادب رايد ووصيت بالصادق
أجر خلگ تبچي وقيم تعزيتي

عمت عيني تأجر ناس تبجي اعليك
هذن عيوني المن يابعد بيتي

قدر المستطاع ابجيك يا مسموم
قدر المستطاع وتعلم بنيتي

صح مو بدمي لمّن اببابك جيت
بس شنكسر بيه علي تندله
ما جيت اگلك داوي وشد هاي
جيتك ردت حيل وطريجي تكمله
كلما افزعلك لازم ارجع مصيوب
امصوب وياك ولا امعافه بذله
وملح العماره البيه بي رس اعناد
يغمگون جرحي وانا اصيح افزعله
ميثم الزارع نخله حته يصلبوه
يحرجني موقف علي شرد ازرعله...؟
أنا الگيت اسمك قبل ملگه الدين
واتوجهت للصورة قبل القبله
وانته الگدتني بياعلي اعللتوحيد
وبتربة ابنك ربنا گمت اسجدله
وانا الكبرت وزلف جدمي اويه الناس
بس رحمتك ما عافته وتوصله
المستور يم الناس يمك مكشوف
وياما بثوبك يا أمير تضمله
الطگلتها اتقد قميص الوالاك
واعلوگك اتستره وتجي اتخيطله
وما دام كلمن فازعلكم مصيوب
ان شاء الله اصوابات گلبي تكتله
ومولاي عالتنصيب ما ناقش دوم
عد غيري صاير مُختلف ويهمله
كل الحچي البيه ارد اصيرلكم حوك
ذاك اليقل حجيه ويسولف فعله
وما دام ضهري بيا علي يضل مشدود
روس الحياية بوكتي ما تتعله
احياية الرمل عالمرمر ابلايه اثار
من تمشي بس سمها الشري شيبدله..؟