من نعِم مولاتي نرجس صلوات الله عليها
ومن شرف الخدمة قصيدة(يا نرجس الحنان)
في مسجد السهلة داخل صحن المليكة نرجس
اللهم لك الحمد حمد الشاكرين على هذه النعمه
وانته الذي قلت ((وأن شكرتم لأزيدنكم))


https://youtu.be/WLWLDHHzVUc

كانت من اشد الجروح نزفاً

اهلاً..يالعلاوي خل اشربه انطني ماي

https://youtu.be/DjznRUZlF7Q

#الليالي_الفاطمية
#شور_فزعة


امه مو مثِل الامم
ما رحمتو اهل الرحم
ابن من امه انحرم..ومن اخوته..ليش انحرم
وبالعرب سنِه تره
الزلم ما تدفع مره
اولا سنينه امقدره..الباب اندفع..وخلفه مره

ليش..وصلوها..ودفعوها..وركضوا حاوطوها بحطب
وحيل..ما عدها..وبسدها..جم طفل بطفل وانرعب

حسن وحسين صاحوا يمه يازهره
الدفع بالباب يعرف فاطمه بضهره
نار وماي ليش بوچهچ اتلاگن
عين تصب دمع والثانية حمره
___
الزهره من سمعت وأن
نادت بخوف وشجن
اخذ اخوتك يالحسن..الشر اقترب..ايا لحسن
هايه ناس وهايه نار
وماكو بير ولاكو غار
ويحترگ فوگانه دار...ولا تنچوي..جفوف الزغار

ناس..ملتمه..والهضمه..محد شالته غيرته
اباب..مخنوگه..محروگه..منو اليرضه تضل حرمته

كارات الحطب يا يمه نگلوهن
داير ما يدور البيت خلوهن
اخذ حسين يبني لا تلوحه النار
وراه نيران خيماته اليحرگوهن
__
الصار ما صاير ابد
حايط وباب وبعد
حامل الزهره بولد..وراح الولد..ايا الولد
والنتيجه المؤلمه
ابلا ابنها فاطمه
وعالحياطين الدمه..ليش انتشر..هذا الدمه

اطفال.مذعوره..مقهوره..ما شافو قبل اي جرم
نار..مچويه..وعلوية..علوية علي تنهضم

الزهره تنسگي بالماي ندريهه
بس زهرة علي نيران تچويهه
لاذت وره الباب وجان ابن عدهه
ورجعت بله ابنها وهاي تاذيهه
__
دنيا وشعضم المصاب
يندفع عالزهره باب
تكض ضلعها لو حجاب ..وجان الخيار..ايا الحجاب
الحجاب تلزمه بيد
وبيد تدفع بالعبيد
وايا بسمار الحديد..يكسر ضلع..ايا الحديد.

الباب..يا ناره..وبسماره....شركه بلضلم والجرم
شلون..ترضوها..تقبلوها..ابن كدامه دفعوله ام

اديها اثنين بس اجرامهم كثره
طفل وضلوع والوجنه البقت حمره
اسياط ونار والدخان چملهن
وحيره ليا مصاب اتلحگ الزهره


لطلب اللحن @Safe618

#شور_سماعي
#الليالي_الفاطمية
#بخربّات_الشام

بخرّبات الشام..اتذكرت ايام..اخذتني الصفنه سفره..ولامي حنيت
اتذكرت الصار..من شبوا نار..وحِيدر ضيعنه عطره..بدخان البيت

وعالحايط باقي بس دم..وعالحايط عش تهدّم..من چنه صغار
نفس الركضه بصغرنه..ونفس الركضه بكبرنه..عادتنه النار

وزهرتنه اذبلت..بالدم انسگت..دفعوها وبچت..مهضومه
آااه يم الحسن..خاناها الزمن..وحيدر الها حن..مهضومه
..........................................
لحجاب بأيد..وبالاخرى تريد..الباب ادفّعه عنها..بس خان الحيل
اهواي يدفعون..وبس بأيد شلون..كسروا لامي غصنها..واتبده الليل

غربه المو امها يمها..غربه الحرگوا خيمها..والغربه اجروح
تعثر حته بحلمها..تعثر لو رف علمها..وتمشي ابلا روح

الغربه تريد اهل..ولامي وماكو حل..وكفالي انقتل..حيرانه
احنه اطهر ضعن..وضعنه ابلا وطن..وشيرجع ام حسن..حيرانه
.................................................
جفنّاهه..وجنت وياهه..وشگد گلتلها يمه..وما تحچي وياي
لا لتجفنون..وافتح لعيون..ضل كلشي بدربي ضلمه..وتيهت الراي

گلبي بصفها تمدد..گلبي ما ضله احد..ايخففله النوح
يبرد لمضيّع امه..يبرد محد يضمه..اليبرد مذبوح

بحجرت امنه امس..نرسمها شمس..ونحضنها ونحس..تحضنّه
عازتنه لدفو..وامضيعين اخو..غير الام منو..تحضنّه
......................................................
لمّت احباب..خربها الباب..وشكد رسمت اديه..محسن كبران
امحضرلته اگماط..امخيطته اخياط..وضلت بس ذكره اليه..دم عالحيطان

انهز مهده ضل حلمنه..انهز مهده ما لحِگنه..ودعنه ابساع
اضلوع امي اگماطه جانن..اضلوع امي بكسره لانن..وطاح اعللكاع

طاح بدمعتّه..وطاحت حضنتّه..بس ما شالته..محسنّه
ترجف بالوجع..خافت لا يگّع..اخ امن الدفع..محسنّه
...................................................
بجيته امحسبين..ايضل يم حسين..عباسين امن اخوته..لو خانه الماي
وبسمار الباب..ما خله حساب..ضل هوه وامي موته..الحسبته وياي

حسين وكل حيله رايح..حسين ونص ضهره طايح..ونص وي الجود
المحسن ويانه ردته..المحسن يلزم يمنته..وبالطف موجود

ولوباقي عمر..ميمرني يسر..وتنسه اسم الشمر..زينبكم
ويضل اسمي سر..وما طب القصر..وابقه ام الخدر..زينبكم
..........................................

لطلب اللحن @Safe618

#شور_فزعة
#الليالي_الفاطمية

يا باب اشوفه اتذكر بابچ..وحيرت علي وغربته
من شيعچ بالليل المُضلم..ورد يعثر ابمشيته
وگلبي اليود ادموع امصابچ..ما تنطفي حرگته

كلشي اليخصچ اوده..حيلي لعزائچ اشده..واليجري دمعه اعلخده..فاز بدموعه
الشافچ وسيله لنجاته..عالم خدمتچ حياته..الما يلتهي بمغرياته..فاز بدموعه
بروحي قمبر..ونضرتچ غايه
والوسيله..امراد الاقرايه

وعدنه حكمه.. ضايع اليعشگ
ضيعي روحي..وحزنچ اولايه
____...
حيرة علي وحيرة خدامچ..شيجبره كسر العظم
فتوة بواچي خدچ الاحمر..وضلعچ فتاوي اللطم
بت النبي دفعوها وطاحت..مو حگي من انهضم

توصيني امي بحزنها..الما يبچي الچ مو ابنها..وحزنچ شربته بلبنها..ودموعي صبت
كبرت مشاعر محبتّچ..ووي روحي تكبر خدمتّچ..انهز گلبي لمن عرفتّچ..ودموعي صبت

ورقه بيضه..انه يمچ جاي
والتريدي..رسمي بي فوگاي
انطيني عبره..عالبقه عطشان
يالحنينة..چوي جرحي بماي
____
محترگه ضلت كل بيبانچ..واتبده صوت الضلع
باب النبي مو باب لخيبر..بيا حق يضل يندفع
للمحسن الما شابع منچ..من عيني وشلي الدمع

يا زهره ادبيلي گلبي..والمنبر اكبر مُربي..بس للعزه خلي دربي..انطيني الهضيمه
اللون لحمّار اعلعينچ..لمصابچ ودم چنينج..ولهضّمتچ ول ونينچ..انطيني الهضيمه

افضل امصاب..انطيني بمصابچ
وهدي حيلي..يم ذكر بابچ
انه ذاك..الوصل حد الموت
وروحه رجعت..بشمّت اترابچ
____
واويلي زينب آه يم زينب..من متي ماتت صدگ
بنار الحنين لذيچ ارسومچ..ضل الگلب محترگ
خل روحي تنسه الدنيا واهلها..وتودع اهل العشگ

يتغرب الحب دمعكم..جي بي يغزر ملحكم..ينسه اهله لو يبچي يمكم..حياته المجالس
ينكر وجوده وكيانه..حب الهواشم امانه..بالحب يرخص زمانه..حياته المجالس

ادموعي قربه...للغريبة تموت
للتمنّت..اخوه عالتابوت
وكتي الكم..ورزقي بس النوح
وبيتي حبكم..الدمعه تبني بيوت
____
والعنده مثلچ ميمد ايده..تارستّه نوح وحزن
يعزل شكو بگلبي اعلمصابج..وبس للبواجي يحن
الما عافچ وما عايف دربچ..هذا اليسمو فطن

اجروح المحبه عضيمه..بيهن نطيتيني قيمه..يا سيدتنا الكريمه..بالخدمه رابح
الچابالچ بأيده گلبه..وترضليه يرضاله ربه ..واليبچي محد يغلبه..بالخدمه رابح

اليبچي سكته..عمره ما مغلوب
ومن هويتچ..ما هويت البوب
استعطفيني..بنضره يا زهراء
ومسحي گلبي..بجفچ المتعوب

لطلب اللحن @Safe618

تم تثبيت (5)قصائد لمولاتي فاطمة للرواية الاولى
لا تنسونا بالدعاء احبتي
والمعذره من محمد وال محمد على القصور

وستكون لكل رواية مجموعة قصائد

قصيدة :::مولاتي الزهراء (صلوات الله عليها )
تغطى جفني بدمعة الوحده وغريب
وگمت احس بالدنيا ما تترك حبيب
وحدي أمر أعلى الگبر واللتم عليچ
فاطمه أنه علي وماكو مجيب

التراب الدافنچ هد حيل ابو تراب
ولاچني أنه حيدر هدني الصواب
حرام بروحي تاكل هظمة الثار
القالع باب خيبر لاچمه الباب

منين ماباوع هظم
بعتبت الدار انلچم
ماخذ متوني التعب
اشتثگلت حت الهدم
يافاطمة يافاطمة
-------------------------
وحشة ومچان الرحى فاگد اديچ
أبالي من ولدچ تجي وتلتم عليچ
وبعباتچ زينب تحس بالامان
الصبح يمچ والمسه يمسون بيچ

ياستر الستر يابت البيوت
يم حسين ما يتعاتب الموت
الخشب مادري شمسوين وياه
من الباب حد ما صار تابوت

ردي لحچايه علي
رايحه وشيضل الي
يانياشين الخدر
با التعب راح انولي

يافاطمة يافاطمة
----------------------------
عگب عينچ ولله مامر عيني نوم
راح حيلي وناحل ومابيه اگوم
يا وطن ياكلشي يالبعدچ غريب
وين ما صح للدمع مكعاد اهوم

بعدچ ضاعت الدنيه واهلها
كسرتچ ماتمر كسره مثلها
إنه الماتهزني إكبار العلوم
تعبت روحي بعدچ خاب أملها

بعد ماضل للصبر
بين بوجهي الكبر
يامن يمرني بهلي
بعد مايسوه العمر

يافاطمة يافاطمة
-----------------------
كلشي بعدچ ماحضه بدرب السلام
عال شجر بين تعب حزن الحمام
صوت تسبيحاتچ بوجهه الصباح
تروي بين الباري وعيونچ غرام

بيني وبين گبرچ مو مسافه
حسبة موت مرسومه بصلافه
زهرة روحي هل ماخذها التراب
خذت مني هلي حرب الخلافه

يامسافات الحزن
لسوالف گمت احن
راحت اثار النبي
ياجرح ماضل ذهن

يافاطمة يافاطمة
-----------------------------
مصطفى علي الموسوي

كنز فاطمي لمن يود التقرب لمولاتي

📘 الثابت الكوني (مقامات الزهراء)


📎 ١- الحديث عن مقامات الزهراء من خلال استخدام القانون الرياضي.

٢-(النبيين) اسم الزهراء في القران

٣- مقامات الزهراء في العوالم

بسم مولاتي كسيرة الاضلاع فاطمة(عليها السلام)
{القافلة الفاطمية}قنوات الشعراءخدمة الحسين (ع)

سجاد الگريزي 🖋️
https://t.me/sajjad_algreazy


مصطفى علي الموسوي🖋️
https://t.me/mustafaali23


ضياء ستار الفرطوسي🖋️
https://t.me/ZSJ11


سجاد عقيل البوحمد🖋️
https://t.me/sajjadaqeel


مصطفى صادق اللامي 🖋️
https://t.me/mstfa45


علي هادي الخزعلي🖋️
https://t.me/haaaaaaaa22222



ابو نوح الكناني 🖋️
https://t.me/abonoh1


حسين الفاطمي 🖋️
https://t.me/HuseenAlftme


كرار الدراجي 🖋️
https://t.me/krar_aldraje


احمد رحيم🖋️
https://t.me/aklrh


عزيز المياحي🖋️
https://t.me/frgstl


مؤمل باسم السماوي🖋️
https://t.me/moamal1245


حسين هادي البهادلي🖋️
https://t.me/HussainHadi313


محمد مسلم الاسدي🖋️
https://t.me/mohmed_mosslim


كرار رحمن🖋️
https://t.me/kararrahma


ابو فضه الحميداوي🖋️
https://t.me/AboFtha


حسين حمدان الدلفي🖋️
https://t.me/ahmeyteie


ابو حميدة الشويلي🖋️
https://t.me/Mohammed_Hassan


ميرزا حمد الصالحي🖋️
https://t.me/sgdahs

عباس أديب المالكي 🖋️
https://t.me/abbas999954

محمـد الـربيعي 🖋️

https://t.me/Ya_Zahrrra

عبدالله الفريجي 🖋️

https://t.me/abdullaalfregy

منتظر الجنابي 🖋️
https://t.me/montathr2000

على حب فاطمة الزهراء💔

#الليالي_الفاطمية
#شور_فزعة_حزين

التفكد عدنه والدها..تدك بيبانها الجيران
يقدمون العزه الها..ويواسنها يجن نسوان
بس مولاتنا الزهراء..حرگو بابها ابنيران

توها ما مسحت دمعها..النزل من افراگ ابوها
هيه روحه البين جنبه..وروحه بعده روعوها
حطب لمو بالمدينه..ودار فاطم حاوطوها

على الدار التمو..جريمه
ابألنارِ تُجزى ..الكريمه
المليكة الحورية..وحيده
ووكع محسنها..شكد هضيمه
.................................................................
متعصبه ونحيلة تنوح..واندگ بابها وراحت
والجاني دفع بالباب..انه فاطمه صاحت
وأن صاحلها واتعده..وباب اعلم حسن طاحت

حيل ما عدها بديها..ودافعت باب المنية
وصابوا اضلوع البرائة..وبده الطف بهالقضيه
حسين وين يخلي راسه..وكسرو اضلوع الزجيه

يضل ماله ام باجر..تداري
على الرمله بشمس..الضهاري
بده الطف وي امه..حبيبي
وختامه يضل عالغبره..عاري
.............................................................
بحگها الما يخاف الله..تعده وكام يطلبها
من الجنه تفاحة ..اجت بس رجعت لربها
بضلع محني وزراگ بخد..ومالت جنها معصبها

الرضه ربها من رضاهه..دارهه يحرگوه عليهه
الربنه حط بيها حنانه..النار تالي تحيط بيهه
اسياط وسيوف ومشاعل..وهيه عدها بس اديهه

الزجيه الوحدها..ولوها
ومخافة الله..شو نسوها
وسكوت بمدمعهه..وبجيها
حبيبة حيدر..ما رعوها
..............................................................
دخان وضلام ونار..وباب وناس ملتمة
وطلع حيدر بديه اتراب..من دفنت ابن عمه
ولكه ابنه طايح اعللباب..محسن فاطمه بدمه

اعتذر من فقاره حيدر..وبدت قصة انكساره
اليحمي جاره اعليه تعدو..بوسط اهله وعقر داره
يا شرع يا دين يقبل..الدنائة تمس طهاره

علي الما ثنه بطگ..فقاره
الوصية امقيدته..بقراره
الغيور تحز گلبه..وتعذبه
اذا هجمو غربه..اعلداره
.......................................................
لطلب اللحن @Safe618

لمولاتنا فاطمة المعصومه..
#سماعي

لمولاي الرضا..شوگچ هز العشاگ
واشتاگيت الچ..وأنتي اعلم باليشتاگ
رافع ادي..حني علي
وأنتي اعلم باليشتاگ
____
يا معصومة الكاظم..ناري بصدري لهابه
ياهو الناوي يمشيلج..ازت گلبي على بابه
سهر ليلي ودمع عيني..البُعد عن صحنج اسبابه
من عندچ تعلمنه..بچي اليشتاگ لاحبابه

والتنطينه حب..ما يهدّه اعللشباچ
مولاتي الگلب..عاف الكل ضل اوياچ
رافع ادي..حني علي
وأنتي اعلم باليشتاگ
__
كطعتي الصحره متعينه..لخاطر ريحة الخوان
ومتي بنص درب شوگچ..وشوفچ منه ما شبعان
وأنه شيبي بده بشعري..وگصر موعد حياتي وهان
وما شابع بچي ابابچ..يا اخت الرضا السلطان

يا عمة الجواد..گلبي لگبرچ ما زار
يبچي بكل سواد..ويتأذى بكل تذكار
رافع ادي..حني علي
وأنتي اعلم باليشتاگ
____
بسلاسل سيدي الكاظم..قيدي ارواحنا بصحنچ
سجن كل الحياة والكون..والحرية بس حزنچ
يا ياقوته الساده..أتاذه امن اذكرنج
الرحم يهل الرحم منكم..أرحميني ارد ازورنج

يشهدلي الرضا..واصوّره اعلليحطان
اتلوه واحن..وما غمضت وسهران
رافع ادي..حني علي
وأنتي اعلم باليشتاگ
____
رحتي للرضا الضامن..وبنص الدرب متّي
يالضعنچ بقه مذبوح..وبگلبج هضم عشتي
قم بورود ملگاهم..ونعمه احجار ما شفتي
راويني ضعّن عطشان..وخلي الخيمه سالفتي

راويني المشّت..امن الطف الحد الشام
وعالخوه بچت..الخوه الخلصت بسهام
رافع ادي..حني علي
وأنتي اعلم باليشتاگ
____
ضريحچ يترس الصفنه..بس يتلاشه اذا الزمه
وأمر جيتي لون يصعب..وديلي علگ ذمه
حته شما الچ اشتاگ..اشده بيدي واشتمه
واسافر وين ماكو ادموع..يم الغسّله دمه

ولبيته احترگ..شب ومحد طفاه
وبعطر العلگ..افزع ريت انه وياه
رافع ادي..حني علي
وأنتي اعلم باليشتاگ

لطلب اللحن @Safe618

قناتي البسيطه اجسد فيها
حروفي لأنال رضا مولاتي فاطمه ع
https://t.me/alhusseny97

#ثكيل_لصاحب_الزمان

حبك وادي وانه بغير وادي
يمته غيبتك تنفي رقادي

يمته اثبت على حالة وياك
مو ساعه ابجي وساعه وانساك

يا صاحب الزمان..يا صاحب الزمان
.................................................................
شمعه اعلشباج الامل سهرانلك تدري
وريح الخطيئة غيرتّ نار الهوه بصدري
ساعه اشتعل ساعه انطفي امعلعل خلص عمري
ومن الذنب اقبح وامر يا سيدي عُذري

ورغم ذنبي احبك..حبيبي يمهدي
ودرب جاي ادور..لرضاتك يودي
اريد الگه نورك..ودمعتي اعلخدي

ياخذني الوكت بس من اذكرك
بمشاعر صادقه ابجي وادورك

من‌ كل گلبي امن ابدي انعاك
مو ساعه ابجي وساعه انساك
...................................................................
بعز ذنبي تعرض مستحه وابدي ابجي واتعذر
لون البياض امن الذنب بنص روحي ضل يصغر
جا وين اكعدك سيدي ومس گلبي ريح الشر
مضطر و ادور نضرتك يا سامع المضطر

أنه ابلا خدمتك..يمس روحي كل ضر
واخاف امن اذكرك..اغربنك اكثر
لان بس سوادي..بقه بگلبي يكبر

ويغربّك كل سواد ذنوب ادري
الحگ يابوصالح نجّي أمري

گلبي ابيض رجعّه بذكراك
مو ساعه ابجي وساعه انساك
.............................................................................
ليلية اللومن بالگلب يا مهدي و اتلوه
بمروتك يا سيدي وانتو اهل المروة
من شب على شيء وكبر طبعه يضل هوه
وما ريد اشبن مبتعد عن طاعتك فدوة

سفن گلبي غرگت..وبياضك نجاته
اليشيب لمصابك..مشيبه شحلاته
شعضمها التجيله..اعلگبره بمماته

اموت وتحيى الاموات بطلعتك
واضل بگبري ما حصل نصرتك

رايد مولاي اتلگاك
مو ساعه ابجي وساعه انساك
...........................................................................
صح گلت احبنك گبل بس مستحي وصابر
امنيتي احبك تنحجي وانه  بگلب طاهر
مولاي ثبّت خدمتي لا انحسب عابّر
وبدل برودي وحيرتي  بحرورة العاشر

الى يمته احيرن..بذنب مو مصايب
شوكت حيرتي تضل..غربتك يغايب
بعطاشه المخيم..بمنام الخرايب

انه الما يوم سائل روحي مولاي
امامج هم عطش هم شارب الماي

وين الله يعاشرني اضماك
مو ساعه ابجي وساعه انساك
...........................................................................
بسم العٍطش يم النهر والطاحت جفوفه
ادخيل اطب برحمتك جر گلبي من خوفه
يا مهدي ما سامع گبل بدخيلك تعوفه
وبسم الرضا اطلب رضا وحب عامره جروفه

اخذ گلبي بيتك..واخذني اعلنوحي
اريد بندبتك..تخليلي روحي
وجسر بيني بينك..دمعتي وجروحي

مد اوتاد حزنك بيه مولاي
وجرني لوادي حبك امنيه هاي

ويثبت حالي ابجي لمبجاك
مو ساعه ابجي وساعه انساك