Два гады таму ў раёне станцыі Калініндорф (Херсонская вобласць) у ходзе аперацыі па вызваленні ўкраінскага сяла ад рашыстаў быў смяротна паранены камандзір Павел "Волат". У гонар яго існуе батальён "Волат", які і далей працягвае ягоную справу

🙌 Вечная памяць! Героі не ўміраюць! #ГісторыяМКБ

16 траўня 2023 — у баі ў Бахмуце загінуў Міраслаў Лазоўскі з пазыўным "Мыш", беларускі добраахвотнік, адзін з стваральнікаў «Белага Легіёну», распаўсюднік кніг.

Імёны яшчэ чатырох беларускіх Герояў пакуль нельга называць у мэтах бяспекі, іх родныя і блізкія знаходзяцца ў Беларусі. #ГісторыяМКБ

31 траўня 1948 нарадзілася Святлана Алексіевіч, беларуская пісьменьніца, ляўрэатка Нобэлеўскай прэміі ў літаратуры за 2015 год. Алексіевіч — аўтарка кніг «У вайны не жаночае аблічча», «Цынкавыя хлопчыкі», «Чарнобыльская малітва», «Час сэканд-хэнд» і іншых. #ГісторыяМКБ

26 чэрвеня 2022 года пад Лісічанскам група беларусаў з палка Каліноўскага апынулася на шляху значнай калоны расейскіх войскаў і дала бой. «Накрылі ўсім, апроч ядзернай зброі. Частка беларусаў разам з «Брэстам» прыкрыла адыход іншай паловы групы, «Брэста» сурʼёзна параніла ў нагу і галаву, у гэтым баі ён знішчыў як мінімум адзін рашысцкі танк.

Разам з Іванам «Брэстам» Марчуком з задання не вярнулася яшчэ пяць беларусаў. Гэта самыя вялікія страты, разава панесеныя беларусамі на расейска-украінскай вайне.

Дакладна вядома, што двое беларускіх добраахвотнікаў трапілі ў палон. Гэта Ян «Тромблі» Дзюрбейка і Сяргей Дзёгцеў з пазыўным «Клешч». Ячшэ трое Вадзім «Папік» Шатроў, Васіль «Атам» Грудавік і Васіль Сябро Парфянкоў загінулі ў баю.

Можна сказаць упэўнена, што дзякуючы асабістаму гераізму і самаахвярнасці нашы беларускія хлопцы змаглі спыніць наступ танкавай калоны, тым самым даўшы магчымасць бяспечна адысці асноўным сілам УСУ на тым напрамку.

#ГісторыяМКБ

28 чэрвеня 1994 года ў 09:15 раніцы ў Доме Ўраду быў зьбіты дэпутат Аляксандр Рыгоравіч Лукашэнка.

Верагодна тады «крэпкі лідзер» быў яшчэ недастаткова «крэпкім» 😂

#ГісторыяМКБ

7 ліпеня 1882 году нарадзіўся Ян (Іван) Луцэвіч (Янка Купала), клясык беларускай літаратуры, паэт, драматург, публіцыст, выдатны дзеяч беларускага Адраджэньня пачатку XX стагодзьдзя.

А хто там ідзе, а хто там ідзе
У агромністай такой грамадзе?
— Беларусы.

А што яны нясуць на худых плячах,
На руках ў крыві, на нагах у лапцях?
— Сваю крыўду.

А куды ж нясуць гэту крыўду ўсю,
А куды ж нясуць на паказ сваю?
— На свет цэлы.

А хто гэта іх, не адзін мільён,
Крыўду несць наўчыў, разбудзіў іх сон?
— Бяда, гора.

А чаго ж, чаго захацелась ім,
Пагарджаным век, ім, сляпым, глухім?
— Людзьмі звацца.

[1905-1907]

#ГісторыяМКБ

20 ліпеня спаўняецца восемь гадоў з дня забойства беларускага журналіста Паўла Шарамета. Ён загінуў у Кіеве пры выбуху аўтамабіля, на якім ехаў раніцай на працу.

З таго часу ва Ўкраіне зьмяніліся прэзыдэнты, прэм’еры і кіраўнікі сілавых структур, якія ў той трагічны дзень неаднаразова заяўлялі, што знайсьці забойцаў Паўла Шарамета — справа іхнага гонару.

Чым даўжэй забойства Паўла Шарамета застаецца нераскрытым, тым часьцей гэтая справа становіцца аб’ектам спэкуляцый і маніпуляцый, у тым ліку і ў палітычных мэтах. #ГісторыяМКБ

Варшаўскаму Паўстанню 80 год

Сёння ў сталіцы Польшчы Варшаве адбываюцца памятныя акцыі прысвечаныя Варшаўскаму Паўстанню. Варшаўскае Паўстанне выбухнула 1 жніўня 1944 года. Удзел у баях узялі каля 50 тысяч польскіх паўстанцаў. Замест планаваных некалькі дзён паўстанне доўжылася больш за 2 месяцы. Гэта быў адзін з найбольшых збройных чынаў, зладжаных антынацысцкім падполлем у акупаваных гарадах Еўропы.

З польскага боку галоўную ролю ў Варшаўскім паўстанні адыграла Армія Краёва (каля 40 тысяч чалавек). У гэты час Чырвоная Армія сведама затрымалася перад Віслай і дапамогі паўстанцам не аказала, бо кіраваў паўстаннем польскі эміграцыйны ўрад у Лондане, які варожа ставіўся да камуністаў.

Пасля 63 дзён барацьбы паўстанцы склалі зброю, аднак, нягледзячы на паразу паўстання і вялікія ахвяры — знішчэнне гораду і страту пакалення маладых людзей — варшаўскае паўстанне было гераічным актам барацьбы польскага народа за свабоду і замацавала польскую свядомасць на працягу панавання камуністычнага рэжыму ў Польшчы. #ГісторыяМКБ

4 гады таму

9 жніўня 2020 года ў Беларусі адбыліся чарговыя сфальсіфікаваныя прэзідэнцкія выбары. Пасля іх пачаліся масавыя пратэсты, якія адназначна ўвойдуць у беларускую, а можа нават і агульнаеўрапейскую гісторыю. #ГісторыяМКБ

Сёння свой 65 дзень народзінаў за кратамі «адзначае» Мікола Статкевіч. Цікава, адзначыць, што як намала з нашых беларускіх дзеячаў у XIX-XXI стст., пан Мікола мае шляхецкія карані. Таксама вядома, што адзін яго дзед быў расстраляны немцамі за сувязь з партызанамі, а другога дзеда забілі саветы, бо той чыў сябрам КПЗБ. Мікола Статкевіч таксама вядомы тым, што з'яўляецца адным з заснавальнікаў і былым старшынёй Беларускага Згуртавання Вайскоўцаў. Таксама дзякуючы Міколе Статкевічу ў 1993 годзе атрымалася не высылаць беларускіх салдат на чужыя войны ў Арменію, Таджыкістан і інш.
#ГісторыяМКБ