👌👌👌👍👍👎👎👎👎👎👎👎 ገራሚ መፅሐፍ ነው አንብቡት ብዙ እውቀትን ትጨብጡበታላችሁ እኔ ይህን መፀሐፍ ገና ስጀምረው ነው የትልቅነት ስሜት የተሰማኝ እናተም አንብቡትና ያገኛችሁትን ትልቁ ለውጥ እዚሁ ቻናል ላይሀሳባችሁን ሼር ማድረግ የምችሉበት እድልም እናመቻቻለን

አባትህ ጠዋት አንድ ሺህ ብር ጠይቀኸው እሱም ጠዋት ለስራ ከመውጣቱ በፊት እሰጥሃለሁ ይልሃል ።
አባትም ማታ እያሰላሰለ ሳይተኛ ያድርና ሲነጋ ገንዘቡን ከመስጠቱ በፊት ጠርቶህ የተለያዩ ጥያቄዎችን ይጠይቅሀል ብቻ ብዙ ጥያቄዎችን ገንዘቡን ምን ልታደርግበት ነው ለዚች ይሁ ሁሉ ገንዘብ ምን ይሰራልሀል እያለ ከጨቀጨቀህ በኋላ መቶ ብር ቀንሶ ዘጠኝ መቶ ብር ይስጥሀል ።

አንተም እያጎረመረምክ ሙሉ አይደለም ግን አመሰግናለሁ ብለህ ትቀበላለህ ይህንን ያየች እናትህ ወደ ክፍልህ ትመጣና በርሱ ድርጊት አትናደድ እንካ የጎደለህን ሙሉ ትልና ሁለት መቶ ከሷ ብር ትሰጥሀለች ። ወደ ኤፍቢ ትመጣና እናቴ ትለያለች ትላለህ የኔ እናት አይነት በምድር ላይ የለም ትላለህ
አባትህ ግን ባንተ ምክንያት የታክሲ አጥቶ ትራንስፖርት በእግሩ ነበር ወደ ስራ ቦታ ሲሄድ የነበረው ለምሳም ወደ ቤት ሳይመለስ ይቀራል ምክንያቱም በእግሩ ወጥቶ ለመመለስ ስለሚርቅበት
ከስራም ደክሞት አምሽቶ ሲመጣ ትንሿ ልጅ ትመጣና ዳዲ እኛን አትወደንም ከእኛ ጋር መዋል አትፈልግም ወደ መጫወቻ ቦታም የምትወስደን ማሚ ነች ትለዋለች በዚህ ሁሉ አባትህ በምን ውስጥ እያለፈ እንደሆነ እንድታውቅ አይፈልግም ምክንያቱም አባት ነውና
ትምህርት ለኛ ብለው በብዙ ውጣ ውረድ እያለፉ ያሉ አባቶች ዛሬ አንተ አንተ ተብለህ ለመጠራት ዋጋ ከፍሎልህ ህይወቱን ረስቶ ያንተን ትልቅነት ሲናፍቅ ለሚኖረው ወዳጄ ያለፈው አልፎአል አሁን ጊዜው ሳይረፍድብን በህይወት እያሉ ሊመሰገኑ ይገባል አጠገብህ አልዋለም ማለት አያስብህም ማለት አይደለም ለወላጆች እኩል ፍቅር ሊኖረን ይገባል ወደ አንዱ ያጋደለ መሆን የለበትም ያ ከሆነ አደገኛ ነው

እናት ከልጆቹ አጉል ፍቅር ለማግኘት ብላ ከልጆቿ ጋር አጉል ሚስጥራዊነት ሊኖራት አይገባም አባት የማያውቀውን ገንዘብ ለልጅ በድብቅ መስጠት የለባትም ገንዘብም በድብቅ መስጠት ተገቢ አይደለም አባታቸው የሱዋን ያክል እንደማያስብላቸው ማስተማር የለባትም ያ ጥሩ አይደለም ክብር ለአባቶች

[ ] ራስን መሆን


• ራስን መሆን ማለት ማንነትን ተቀብሎ ሳይደባበቁና ሌላውን ሰው ለመሆን ሳይሞክሩ በነፃነት መኖር ማለት ነው ።
• ራስን የመሆን ጉልበት የሚመነጨው ከፈጣሪ የተሰጠኝን ማንነቴን ከመቀበል ነው ።
• አንዳንድ ሰዎች ራሳችውን ስለማይቀበሉ ራሳቸውን ሆነው መኖር አይችሉም ።
• ራሱን መቀበል ያስቸገረው ሰው ላይ የሚታየው የመጀመሪያው ምልክት ራስን አለመሆን ነው የማይቀበሉትን ማንነታቸውን ለውጠው ለመታየት ሲሞክሩ ራሳቸውን ያገኙታል ።
• ልንለውጠው በማንችለው ማንነታችን ስንደላደልና ስንቀበለው መለወጥ የምንችለው ሁኔታችንን ለመለወጥ መሞከራችን እንድንቀጥል ማንነታችን ግን በመቀበልና ቀና ብለን መኖር እንጀምራለን ።
• ራስህን ለመሆን መውሰድ የምትችላቸው እርምጃዎች ፦

1. መለወጥ ወይም ማሻሻሻል የምችለውን መለወጥና ማሻሻል ።
በማንነቴ ላይ የማልቀበለውን ነገር ለማሻሻል ጤናማ መንገዶችን መሞከር ክፋት አይኖረውም ከተሳካልኝ ቁም ነገሩ አሻሻልኩትም አላሻሻልኩትም ራሴን ወደ መቀበል መምጣቴና ጤናማ የህብረተሰቡ አካል ሆኜ መኖር ነው ።

2 . መለወጥ ወይም ማሻሻል የማትችለውን መቀበል ፦ ዛሬን፣ መልኬን፣ አወላለዴንና የመሳሰሉትን ከፈጣሪ የተቀበልኩትን አሁን የሆንኩትን ማንነት ለመቀየር አስቸጋሪ እንደሆነ ግልፅ ነው ምርጫዬ አንድ ነው ራሴን ተቀብዬ ፣በተረጋጋ ስሜት በሰላምና በመደላደል መኖር ።
3 . ደስተኝነትን መለማመድ ፦ደስተኝነት ከፍቃድ ጋር የተያያዘ ጉዳይ ነው ። ከላይ እንድጠቅሰው አንድ ሰው መቀየርና ማሻሻል የሚቻለውን ነገር ለመቀየርና ለማሻሻል የተቻለውን ካደረጉ በኋላ በሁኔታው ደስተኛ ለመሆን መወሰን አለበት ።

ወጣት ጡረተኞች


ሰዎች ረጅም እድሜ ከኖሩ ከተማሩ ከሰሩና የቻሉትን ያህል ከሮጡ በኋላ እድሜ ሲገፉ ወደ ጡረተኝነት ይሸጋገራሉ ። ይህ የጡረተኝነት ዘመን ምንም እንኳን እንከን የሌለበት ሂደት ቢሆንም የራሱ የሆነ ጣዕም ቢኖረውም ምናልባት የጡረተኝነትን ዘመን ትንሽ ጎዶሎ የሚያደርገው ጡረተኞቹ ከዚህ በፊት ራሳቸውን ችለው ማድረግ የሚችሉበትን ነገር እየቀነሱ የመሄዳቸው ጉዳይ ነው ይህ የሚሆንበት ዋነኛ ምክትያት ቀድሞ የነበራቸው አቅም አሁን ስለማይኖራቸው ነው ።

አንዳንድ ወጣቶች ገና በለጋነት እድሜያቸው ጡረተኞች ይሆናሉ ።

• ብዙ መስራት ስትችሉ ቁጭ ብላችሁ ጊዜያችሁን የምታሳልፉት ከሆነ ወጣት ጡረተኛ ናችሁ ።
• ስለነገ አላማችሁና ራዕያችሁ ከምታስቡበትና ከምታቅዱት ይልቅ ቁጭ ብላችሁ ስለትንትና ታሪካችሁ ስታስቡና ስትፀፀቱ የምትኖሩ ከሆነ ወጣት ጡረተኛ ናችሁ ።
• አንድ ነገር የማድረግ ፍላጎትና ምኞት እያላችሁ አቅም የማጣት ስሜት ከተጫጫናችሁ ወጣት ጡረተኛ ናችሁ ።
• የመሻሻል አቅሙና ጤንነቱ እያላችሁ በየእለቱ እየተሻሻላችሁና ራሳችሁን ወደመቻል እያደጋችሁ ከመሄድ ይልቅ እየደከማችሁና የሰው ጥገኛ እየሆናችሁ ከሄዳችሁ በእናተ በማንኛውም አይነት ህይወት ክፍል ላይ ሌሎች ሰዎች ከወሰኑላችሁ እናተ ወጣት ጡረተኛ ናችሁ
• አንድ ሰው ትኩረቱን ጊዜውን ወይም አብሮነቱን ስለከለከላችሁ ብቻ መኖር እስከማትችሉ ድረል ተስፋ እንደሌላችሁ ከተሰማችሁ ወጣት ጡረተኛ ናችሁ ።
ይህንን የወጣትነት ዘመናችሁን በፍፁም እንደገና የማታገኙበት አመታቶች ሩቅ አይደሉምና ተነሱ ተንቀሳቀሱ አስቡ አቅዱ ስሩ ከማንም ሰው ውጪ መኖር እንደምትችሉ ራሳችሁን በማሳመን በፈጣሪያችሁ እርዳት ራሳችሁን አሳድጉ እንጂ አትድከሙ ። ካሳለፋችኋቸው አመታቶቻችሁ ይልቅ ገና ያልኖራችሁባቸው አመታቶች ይበዛሉና ወደፊት እያያችሁ በብርታት ተራመዱ ።

ሳይንስን ይበልጥ ባጠናው ቁጥር እግዚሀብሄርን በይበልጥ እያወኩኝ እመጣለሁ ትንሽዬ ሳይንስ ከእግዚሀብሄር ያርቅሀል ። ትልቅ ሳይንስ ግን ወደ እግዚሀብሄር ያቀርብሀል ።

የማንም ቀሽም ሰው የእግዚሀብሄርን መኖር አይረዳም ። እርሱን ለማወቅ በሆነ ደረጃ አስተዋይ መሆን አለብህ ። አለበለዚያ በአምስቱ የስሜት ህዋሳት እውነት ትታለላለህ ሰነፍ በልቡ እግዚሀብሄር የለም ይላል ሲል መዝሙረኛው ዳዊት የተናገረለት ሚስኪኑ ሰው ትሆናለህ ። ሰነፍ ከሆነክ ? የአምላክን መኖር የመረዳት እድልህ አናሳ ይሆናል እውነት የሚመስሉ ውሸቶች የበዙበት አለምያታልልሀል ። በአለም ስትኖር የአምላክን ሲስተም ስትመለከት እግዚሀብሄር የለም ለማለት ቀላል ነው ። የተፈጥሮን ሲስተምና የህይወትን አሰራር ካጠናህ ግን አምላክህ መኖሩን ታረጋግጣለህ ።

ሲጀመር በአምስቱ የስሜት ህዋሳት መርምረህ እርሱን አትደርስበትም ። የልብህን ገደብ አልባ አቅም ተጠቀም ከጫጫታው ወጣ በልና በዝምታ መንፈሱን ቃኘው ። እርሱም መንፈስህን ያነቃዋል ። እሱን የምትመስል ዘላአለማዊ ልጁ መሆንህን ስታውቅ ህይወት ራሱ ምን እንደሆነ ታውቃለህ ። ብሮ ሰነፍ አትሁን እግዚሀብሄር የለም አትበል ። ፈልገህ ድረስበት ። መኖን ታረጋግጣለህ ። ያገኘኸው ቀን ህይወት የምትጀምርበት ቀን ይሆናል እግዚሀብሄር ፈልገው እርሱ ይፈልግሀል ። ወደ እርሱ ቅረብ ወደ አንተ ይቀርባል

#መልካም #እለተ #ሰንበት

ህልምህን እየገደልከው ነው ??

ህልም እስከወዲያኛው ይሞታል ብዬ አላምንም ። ነገር ግን ይቀበራል ። ሳይሞት የሚቀበረው ነገር ቢኖር ህልም ነው የሰው ልጅ ያለ ህልም አይናርም ፣አዲስ ጫማ ከመግዛትህ አንስቶ ሌላ ሰው እስከመሆን ድረስ ያልማል ። አንዳንዴ ህልሙ እውን ሆኖለት የፈለገውን ሲያገኝ ፣ሌላ ጊዜ ደግሞ ህልሙን በምክንያት ቀብሮ የኑሮ ጉዞውን ይቀጥላል ።

ህልም ሳይሞት ይቀበራል ያልኩት ሰው በውስጡ እንዲህ ማድረግ እኮ እፈልግ ነበር እስካለ ድረስ ህልሙ እስትንፋስ አለው ብዬ ስለማምን ። ቢሆን ኖር የሚል ማንኛውም ሰው ፣ ሳይሞት ነገር ግን ከብዙ ምክንያቶች እና አጋጣሚዎች ስር የተቀበረ ህልም አለው ። እዚህ ላይ ግን አንድ ነገር ማስረገጥ እፈልጋለው ብዙን ጊዜ ህልም ስንል ሌሎች የሚያፀድቁት ትልቅነትንና በአደባባይ የሚታይን ክብር አይደለም ። ሁላችንም የምንጋራ ትክክለኛ ህልም ኑሮዋችንን ሀሴት በሚሰጠን መልኩ መምራትና ከኑሮ ውስጥ ማትረፍ የምንችለውን ሁሉ ማትረፍን ነው ያ ደግሞ ለሁላችንም የተለያየ ነው ሆኖም ለሁላችንም የተለያየ ነው ሆኖም ግን ነገሮች ከአስብናቸው በላይ ሲከብዱ ፣አስቀድመን ያላሰብናቸው ነገሮች ሲከሰቱ ፣ህልማችን ቅዠት ይመስለናል ደስታ ይሰጠና ብለን ያሰብብነውን የህልም ኑሮ ወደታች ቀብረን አጋጣሚ በሚቀድልን ቦይ መፍሰስ እንጀምራለን ። ምንም እንኳን ከህልማችን እርቀን ብንጓዝም ሁሌም በውስጣችን እንዲህ አስብ ነበር እኮ ማለታችን ግን አይቀርም ።

ሰው ህልሙን መግደል ሲጀምር የሚከተሉትን ሶስት ምልክትቶችን ያሳያል
1. የመጀመሪያው ምልክት ጊዜ የለኝም ማለት ማብዛት ነው ጸሀፊው እጅግ ጊዜ የጠበባቸው ሰዎች ለሚፈልጉት ነገር ሁሌም ጊዜ ይኖራቸዋል ፣በአንጻሩ በጊዜያቸው ምንም የማይሰሩ ሰዎች ናቸው የቀኑን ማጠር የሚያማርሩ ሰዎች ናቸው የቀኑን ማጠር የሚያማርሩት ይላል ። ለነገሩ ማን ነው በዚህ ምድር ላይ ከ24 ሰዓታት በላይ የተሰጠው ? ህልም ካለን ወይም ማድረግ የሚያስደስተን ነገር ካለ ጊዜ ፈፅሞ ችግር ሊሆን አይችልም ። ጊዜ አጥቼ ነው ማለት ስንጀምር በእርግጥ ህልማችን ላይ ግድያ እየፈፀምን ነው ቅድሚያ የምንሰጠውን ነገር ማስተዋል ሲቻለን ፣እውነትም 24 ሰዓታት ለምንፈልገው ነገር በቂ መሆኑ ይገለጽልናል ።
2. ሁለተኛ ምልክት እርግጠኛነታችን ማብዛት ነው ። ይህ ማለት ከውጊያው በፊት ቀድመን ስንሸነፍ ነው ። ሁሉን ነገር ተንብየን ፣የነገሩን ከንቱነት ለራሳችን ሰብከን፣ ከህይወት የሚገባንን ሳይሆን ጥቂቱን ብቻ መጠየቅ እንጀምራለን ለሚፈልጉት ነገር የሚዋጉ ሰዎች ድልና ሽንፈቱ አይደለም የሚያበረታቸው ።የሚያበረታቸው የሚፈልጉት ነገር መታገላቸው ብቻ ነው እምነት እና ህልማቸውን ነው ፅናታቸው ። የብዙዎቻችን ችግር ግን ድልና ሽንፈትን እውቅናን መዘንጋትን መሰረት ማድረጋችን ነው ። ከመንገዱ ጋር እንጂ ከመድረሻው ጋር ፍቅር ሊይዘን አይገባም ። መንገዱ ስንወደው ነው መሄድ የማናቋርጠው ።
3. የመጨረሻው ምልክት ህይወት እንደ እሁድ ከሰዓት መሆን ስትጀምር ነው ። ይህ ማለት ሁሉን በፀጋ ተቀብለን ስንኖር ከኑሮ የምንፈልገውን መጠየቅ ስናቆም ፣ ህልማችን እየሞተ ነው ማለት ። እዚህ ላይ ብዙዎቻችን የምሸውደው እራሳችንን እንደበሳል ቆጥረን ፣የምናስበው ሁሉ የልጅነት ቅዠት ነው ብለን እናምናለን ከውስጡ ግን ሁሌም በትንሹ የሚጮህ ድምፅ የህልማችን ጣር ነው ።
we become our own worst enemy we say that our dreams where childish or too difficult to ralize or the result or our not having known enough about life we kill our dreams because we are afraid to fight the good fight paulo Coelho
ሁሉንም እርግፍ አርጎ መተው ለግዜው ሰላም የሚሰጥ ይመስለናል ነገር ግን ከውስጣችን የምንፈልገው ነገር እውን እስካልሆነ ድረስ ሁሌም በሰላም መንሳቱ አይቀርም ሳይሞት የምንቀብረው ህልማችን እየፈነቀለ ቢሆን ኖሮ ያስብልናል ። ህይወት አጭር ናት የምንፈልገው እና የምናልመው ነገር ደስታን የሚሰጥ ከሆን በምክንያት አንቅበረው ሶስቱ ምልክቶች ካየን ህልማችን ወዴት እንዳደረስነው ራሳችንን እንጠይቅ

ፈልገህ ያላገኘኸው ሆኖም ልታገኘው የምችለው ወይም አግኝተህ ያላጣኸውና በትክክል ያልተጠቀምክበትን እምቅ ሀይል በውስጥህ መኖሩን እወቅ 👍👍👍👍👍👍👍👍👍👍

የሰውህይወት በምድር ላይ ብርቱ ሰልፍ ናት


ህይወት ብርቱ ሰልፉ ናት ። ብዙ ዓመታት የኖርክ ቢመስልህም ነገር ግን የምትጨርሰው ከጀመርክበት ነው ። ራቁትህን መጣህ ራቁትህን ትሄዳለህ በጥርስ አልባ ድድህ እየጋጥክ ትጀምራለህ የህይወትን ትግል እየዳህ ትጀምራለህ አግንብሰህ ትጨርሳለህ መጀመሪያህ መጨረሻህ ነው ።
የጀመርክበትን አትርሳ መጨረሻህ ነውና ። የጀመርክበት አትናቀው ትጨርስበታለህና ።ተራ ሰው ሆነ ትጀምራለህ ምሁር ብትሆን ፣ባለሀብት ብትሆን ባለስልጣን ብትሆን ፣ክቡር ሆነህ የንግስና ዘውድ ብትጭን ፣ የምትጨርሰው ከአፈር ተፈጥረህ በአፈር ነው ።
ባለማወቅ ትጀምራለህ በመርሳት ትጨርሳለህ ምንም ይዘህ አልመጣህም ምንም ይዘህ አትሄድም በለቅሶ ትጀምራለህ በጭንቅ ትጨርሳለህ በሰው እቅፍ ትጀምራለህ በሰው ሸክም ትጨርሳሰህ ።
ልደትህ ከሞትህ በምን ይለያል ሞትህስ ከልደትህ በምን ይከፋል ህይወት መጀመሪያዋና መጨረሻዋ አንድ ነው በዚህ የተነሳ ጠቢቡ እንዳለው ሁሉም ከንቱ የከንቱ ከንቱ ነው ። ከፀሐይ በታች አዲስ ነገር የለም ።
የአለም ከንቱነት ግን ውበትዋ ነው ። አለም አዲስ ነገር ቢኖራት እኛን እንዴት በፀፀት ሞት የእውነት መጨረሻ ቢሆን እንዴት በቆጨን ።
ጨለማ መተቸት ብርሀን አያመጣም ክፍትን መኮነን ደግነት አይሆንም ኋላቀርነትን ማጥላላት ስልጣኔ አያመጣም ጦርነትን መፍራትም ሰላም አይሆንም እንዲሁም ረሀብን አለመፈለግ ጥጋብ አያመጣም ። ዕውቀትና በጎ አመለካከት ግን ማህበረሰብን መቀየር ይችላሉ ።
መልካም ሁን መልካምነት ራሱ ይከፍልሀል ይባል የለ ስለዚህ ዘላለማዊውን ክብር እንደ ይሁዳ በጊዜያዊ ደስታ አትቀይር ። ለሰው ልጅ ዘላለማዊ ዋስትናን ሊሰጠው የሚችለው ከሰማይ ያለውፈጣሪ ብቻ ነው እመነው ያኖርሃል ያሻግርሀል

እርቁ አስበን ቅርብ የምናድርባቸው ቀኖች
ብዙ ናቸው ህይወት በአሰብናት መንገድ እንድትሄድ ማድረግ በቀላሉ የሚታይ አይደለም አንድ ሀቅ አለ ለማድረግ የፈልግ ትልቅ ራዕይ ያለው ማክበር ያለበት ህግ አለ
• በዕድል አለማመን
• ጠንክሮ በመስራት ማመን
• በህብረት ውጤት እንደሚመጣ ማመን
አንዳንዶቻችን የሆነ ነገር እስኪፈጠር በሚል ቁጭ ብለን እንጠብቃለን
ጥቂቶች በለፉት መጠን ውጤት እንደሚመጣ ስለሚያምኑ ጠንክረው ይሰራሉ
ብልህዎች በጣም ጥቂት የሆኑት በህብረት መስራትን ይጨምራሉ በዚህም ስኬታማ ይሆናሉ ።
እኛ የቱ ጋር ነን ??

መልካም ቀን

ስኬት ምንድነው ?
ስኬታማ ለመሆን ምን ያስፈልጋል ብዙዎቻችን የምንጠይቃቸው ጥያቄዎች ናቸው
አንዳንዴ ደግሞ ሰዎች በአንዴ ስኬታማ ለመሆን ሲሞክሩ ይታያል

ስኬታማነት በአንድ ለሊት የሚመጣ የሚመስላቸው አሉ ያለባቸው ችግሮች በሙሉ በአንዴ ወድቆ የሚጠፋ ይመስላቸዋ ።
ስኬታማነት ለብዙ ቀንና ለሊቶች በተደጋጋሚ እየተገነባ እፈረሰ እያደገ እየወደቀ የሚመጣ ውጤት ነው

ስኬታማነት አድካሚ በሆነ ሁኔታ የተገነባ የስኬት ማማ ነው በብዙ ፅናት ላለሙለት አላማ እስከ ጥግ በመጓዝ ያለፋበት ፈገግ ብለው እንደቀላል ቢያወሩትም የደረሱበት በራስ መተማመናቸው ከፍተኛ ቢሆንም ብዙ ዋጋ ተከፍሎበታል ።

ስኬታማነት በተደጋጋሚ በመከወን በዕቅድ ውጤት ነው ።
ስኬታማ መሆን የሚያስፈልገው ከታሪክ ሰሪዎች አንዱ ለመሆን ነው ።
መልካም ቀን

ሰላም ሰላም ጤና ይስጥልኝ ውድና የተከበራችሁ የዩኒት ህብረት ሰክሰስ ቻናላችን ቤተሰቦች በነበረብን ሲስተም መቋረጥ ችግር ወደናተ መድረስ ባለመቻላችን ከልብ የመነጨ ይቅርታ እንጠይቃለን ተመልሰናል መልካም ቆይታ ይቺን መልዕክ እንደ መካሻነት ላጋራችሁ

#ካልሞከሩት #የሞከሩ #ትይሻላል

እድሜህ ካለፈ በኋላ ያሳለፍከውን መለሰ ብለህ ስታስብ ካደረካቸው ይበልጥ ያላደረካቸው ይበዛሉ ፣ይቆጩህማል ምናለ ሞክሬው ቢሆን አድርጌው ቢሆን ኖሮ ትላለህ ።
ኖሮ በማለት ግን አንዳች የምትመልሰው ነገር አይኖርም ። አንድ ጊዜው ካለፈ በቃ አለፈ አብቅቷል አይመለስም በእርግጥ እያንዳንዳችን ብዙ ማድረግ የምንፈልገው ፣ብናደርጋቸውም እጅጉን ብዙ የምናተርፍባቸው ፣ነገር ግን ያላደረግናቸው ነገሮች አሉን ።
ምናልባት ከዛሬ ነገ አቆይተን በጊዜ ብዛትም ከነጭራሹ ረስተናቸውም ይሆናል ። አስከፊነቱ ጊዜያቸው ካለፈ ቦኋላ መታወሳቸው ነው ። እንግዲህ ያኔ ነው ወይኔ አድርጌው ቢሆን ኖሮ እንደዛ እንደዚ አልሆንም ነበር እኮ ምናለ አድርጌው ቢሆን እያልን በቁጭት አለንጋ መገረፍ የምንጀምረው ።
ስለዚህ ጀግናዬ አሁን የምትላቸውን ሁሉ ሞክር ለራስህ ማን እንደሆንክ አሳየው አዎ ሞክረው ታዲያ ስትሞክረው ሰዎች ትክክል ነህ አይደለህም እንዲሉህ አጠብቅ ስላንተ ህይወት አንተ ነህ ተጠያቂው ካደረከው ወይ ትማርበታለህ ወይ ትክክል ትሆናለህ ቢያንስ አይቆጭህም ሞክረህ ውጤቱን አይተሀልና ለዚህም አደል ካልሞከሩት የሞከሩት ይሻላል የሚባለው ።
[ ] መልካም ቀን

#እውነተኛ ነፃነት #በራስ ላይ #የሚቀዳጁት ነው እሱም #እራስን መግዛት ነው ።

• ብዙዎቻችን በራሳችን የስሜት ወጥመድ ተይዘናል ። የዓለሙ የእንቁልልጭ ወጥመድ ሳያንሰን የገዛ ራሳችን የትየሌለ ፍላጎትና የደመነፍስ ምሪት መሄጃ አሳጥቶን አላላውስ ብሎናል ። ስሜታችንን እየተከተልን ፣ ደመነፍሳችን የነገረንን እያመንን በስሜት ፈረስ ያለ ልጓም ወደ ፊት እንጋልባለን ። ቆም ብለን ለማሰብ ጊዜ የለንም ። ተረጋግተን ለማስተዋል ፍቃደኞች አይደለንም ። ኑሯችን ሁሉ የጥድፊያ ነው ። የችኮላ ህይወት ዕረፍት የሌለው ኑሮ መንጋው ሲጋፉ እንጋፋለን ፣ ሲተራመስ እንተራመሳለን ፣ ዞር ብለን ለማየት የቆምንበት አቅጣጫ ለማስተዋል ለራሳችን እድል አንሰጠውም ። ሰው ስለሄደ እንሄዳለን ፣ስለጮኸ እንጮሀለን ስላጨበጨቡ እናጨበጭባለን ፣ተከታዮች እንጂ የራሳችን መሪዎች ለመሆን አቅም አልፈጠርንም ።
• የእግራችን እርምጃ አንቆጣጠርም ፣የዳናችንን ምልክት ዞር ብለን አናይም ። አሻራዎቻችንን ልብ አንልም ፣መንገዳችንን ለይተን አንመርጥም ፣ዓይኖቻችን ያያሉ እንጂ ወደውስጣቸው አይመለከቱም ። ጆርዎቻችን ይሰማሉ እንጂ ራሳቸውን አያዳምጡም ። እጆቻችን ሌላውን ይዳስሳሉ እንጂ ራሳቸውን አይነኩም ። የምናሸተው የውጪውን ዓለም የሚሰነፍጥ ሽታ እንጂ የራሳችንን የክፉ አስተሳሰብ ጠረን አይደለም ። ስሜቶቻችን ሁሉ ከውስጥ ወደ ውጭ እንጂ ወደ ውስጥ አስሙንም ። ራሳችንን የዘነጋን ፣ ውስጣችንን ችላ ያልን እልፍ ነን ልባችንን ያላዳመጥን የውጭውን ዓለም ጩኸት ያጠፋን ሺ ነን ብዙዎቻችን ነፍሳችን ተርቦ መንፈሳችን መንምኖ ህሊናችን ጎድሎ ለስጋችን አምሮት ለስሜታችን ምኞት አላይ ታች የምንል ከንቱዎች አይደለንም ???
• ሰው ከራሱ አጉል ስሜት ነፃ ካልወጣ የደመነፍሱ ባሪያ እንደሆነ ዕድሜውን ይፈጃል ። ለፍላጎቱ ልጓም ካላበጀለት ራሱን በራሱ በእግር ብረት ያሰረ የራሱ እስረኛ ይሆናል ። የብዙ ሰው ጠላቱ ያልተገራ ስሜቱ ነው ። የብዙ ሰው ጌታው የተለጠጠ ፍላጎቱን አደብ ማስገዛት ያልቻለ በራሱ ላይ ነፃነትን ያላገኘ የደመነፍሱ ምርኮኛ ነው ። ህይወቱን ለስሜቱ አስረክቧል ። ላልተገራ ደመነፍሱ እጅ ሰጥቷል ።
[ ] አለቃ ገብረሀና ስሙ ደስታ የሚባል የሚስታቸው ውሽማ ነበረ አሉ ። ይሄው ደስታ የተባለ የሚስታቸው ውሽማ የሞተ ቀን አለቃ በስሙ አስመስለው ደስታዬ ደስታዬ ብለው ደስታቸውን በለቅሶ ገለጡ ይባላል ።
• ጉዳዩ አስቂ ቢመስልም ብዙዎቻችንን ገላጭ ነው ችግራችንን በጊዜው በአጭሩ ከመቅጨት ይልቅ ደባብቀንና ሸፋፍነን እናነባለን ። አብዛኛዎቻችን በሰው ሀዘን የራሳችንን ሀዘን እርም የምናወጣ፣በሰው ደስታ የራሳችን ደስታ የምናሳይ ለራሳችን ውስጣዊ ደስታ ጊዜ የሌለን አይደለንም ?ለቅሶ ቤት ብቻ ስንሆን ስለህይወትና ስለሞት እናስባለን ፣ለራሳችንም ለሟቹም እናለቅሳለን ። ከለቅሶ ቤት ስንወጣ ግን ሁሉን ዘንግተን በአጣዳፊው የስሜት ኑሮ እንቀጥላለን ። በቁጭትና በፀፀት ዘወትር የምንቃጠል ፣ በእቅድ የማንመራ በደመነፍስ ህይወታችንን የምንመራ በመሆናችን ነገሩ ካለፈ በኋላ ነው ብዙ ነገሩ የገባን የሚያንቀለቅለንን ስሜታችንን አደብ ማስገዛት ባለመቻላችን ከተጎዳን በኋላ ነው ሁሉም የሚገለጥልን የትየሌለ ፍላጎታችን ውድ መሆናችን የምናውቀው ከከሰርን በኋላ ነው አብዛኞቻችን ሳናስብ የምንኖር ህይወት በቀደደልን ቦይ ብቻ የምንፈስ በስሜታችን ጎርፍ ተጥለቀልቀን ወደማናውቀው የምንነጉድ ከንቱዎች ነን
• አዎ ደመነፍሱ የሚያሯሩጡ ወደየት እንደሚሄድ አያውቅም ፣አቅዶ አስቦና ወስኖ ሳይሆን የስሜቱ ወጀብ በወሰደው ነው የሚመላለሰው ። ስሜታዊ ሰው አስቦ አይደለም ምንም ነገር የሚያደርገው በደመነፍሱ ግፊት አላስፈላጊ ድርጊት ከፈፀሙ በኋላ ነው የሚያስበው ማሰቡን ያላስቀደመ የስሜቱ ባሪያ ነው ስሜት ሰውን ወዳልተፈለገ መንገድ የሚመራው ስሜቱን መምራትና መቆጣጠር ሳይችል ሲቀር ነው ። ስሜት ሰውን በቁጥጥር ስር ካደረገ ያ ሰው ራሱን መቆጣጠር ወይም መግዛት አልቻለም ማለት ነው ።
• ወዳጄ ሆይ ራሱን የገዛ ራሱን ነፃ ያወጣል ። እውነተኛ ነፃነት በራስ ላይ የሚቀዳጁት ነው እሱም ራስን መግዛት ራስህን ነፃ በወጣው አንተነትህ ዓለሙን ዋጀው ዓለምህን ግራው ። ዓለሙ ያንተ አስተሳሰብ ውጤት ነውና አስተሳሰብህን ካሳመርክ ዓለምህን ማሳመር ትችላለህ የማንነት ስኬትህ ታይቶ የሚጠፋ ሳይሆን ለትውልድ መነሻ የሚሆን ቀሪ ሀብትህ ይሆናል ። ድልህ በራስህ ላይ የተጎናፀፍከው በመሆኑ ውጫዊ የህይወት ድልህ ያን ያህል የሚከብድ አይሆንም ከባዱ ውጊያ ከራስ ጋር ነውና ቀድመህ ጦርነትህን አሸንፍ ሌላው ቀላል ነው ።
የራስ አስተሳሰብ ባለስስጣን ፣የስሜትህ አዛዥ የፍላጎትህ ጌታ ሁን በራሱ ላይ የሰለጠነ ራሱን አዳነ ስሜቱት መጠነ
[ ] መልካም ቀን ይሁንላችሁ

#ስለራስህ #ምን #ትላለህ

በደንብ ካሰብንበት ብዙ ማለት ይቻላል በዚህ ስሜት ስሆን ይሄን አደርጋለሁ ይሄ ይሄ ደስ ይለኛል ይሄ ደግሞ ከሰዎች የምፈልገው ነው ይሄ ደግሞ ይቀረኛል ብዙ ሊባል ይችላል ።
ዛሬ ይሄን ጨምርበት ካለክ ላይ ካለክም አጠንክረው
• የተረጋጋ ግን ንቁ
• ዘና ያለ ግን ሁሌም ዝግጁ
• ለስላሳ ግን የሰላ
• ትሁት ግን በራሱ የሚተማመን
ብዙዎቻችን እናቅዳለን አይሳካም ለምን ሲባል በንቃት ስለማንከታተለው ሊሆን ይችላል ።
አንዳንድ እኛነታችንን የማይቀይሩ ነገሮች እኛነታችን ላይ ብንጨምር ብዙ የሚጎዳን አይመስለኝም ።

መልካም ቀን