📹 #ONLAYN

🟢 Bugungi kunda "Trust communal" boshqaruv servis kompaniyasi 1832 ta xonadondan iborat 24 ta uyga sifatli xizmat ko'rsatib kelmoqda. Moddiy-texnik bazasi yetarli darajada ta'minlangan tashkilotda 26 nafar ishchi xodim faoliyat yuritmoqda.

Amaliy mashg'ulotlarda ishtirok etayotgan tinglovchilar kompaniyadagi uzluksiz tizimda ishlovchi dispetcherlik xizmati, fuqarolar murojaatlarini qabul qilish tartibi, hujjatlar bilan ishlash, ishchi-xodimlarga yaratilgan sharoitlar, shuningdek, kompaniya tomonidan yo'lga qo'yilgan qo'shimcha servis xizmatlar va tadbirkorlik faoliyati yuzasidan ma'lumot oldilar. Boshqaruv tashkilotining ma'muriy binosi va u xizmat ko'rsatadigan uy-joylarda amalga oshirilgan ishlar ko'zdan kechirildi.

Muhimi, bunday tajriba respublikaning turli hududlaridan kelgan boshqaruv tashkilotlari rahbarlari uchun zaruriy bilim va ko'nikmalarni egallashda va uni o'z faoliyatiga joriy etishda yuqori ahamiyatga ega ekanligi ta'kidlandi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#JARAYON

🏘Qurilish va uy-joy kommunal xo’jaligi vaziri o’rinbosari Ozoda Jo’rayeva Farg’ona shahri “Yangi O’zbekiston” massivida bo’ldi.

Ta’kidlaganimizdek, 300 gektarlik maydonda 40 ming nafar aholiga mo‘ljallangan zamonaviy “Eko shahar” barpo etilgan bo’lib, mazkur obyektda 300 ga yaqin ko’p kvartirali uy qurish rejalashtirilgan. Bugungi kunda 73 ta ko’p kvartirali uy qurilib, bitkazilgan. Shuningdek, 6 ta ijtimoiy soha obyekti barpo etilgan.

⏺Qayd etish kerakki, ushbu yangi uylarni ekspluatatsiya qilish, uy-joy kommunal xizmat ko’rsatish uchun salohiyatli boshqaruv tashkiloti zarur. Shu ma’noda Eko shaharda boshqaruv organi uchun ma’muriy bino tashkil etilmoqda.

Vazir o’rinbosari Farg’ona viloyati hokimi Xayrullo Bozorov va boshqa mutasaddilar bilan ko’p qavatli uylarga xizmat ko’rsatish sohasidagi tashkiliy masalalarni muhokama qildi. Xususan, boshqaruv tashkiloti binosini aholi va ishchi-xodimlar uchun qulay maskanga aylantirish lozimligi qayd etildi.

Shu bilan birga qo’shimcha servis xizmatlarni oshirish, tadbirkorlikni kuchaytirish masalalari muhokama qilindi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#JARAYON

🔗 2024-yilning 1-yanvaridan 30-iyun holatiga ko‘ra “Shaharsozlik hujjatlarini ekspertiza qilish Respublika markazi” DM Sirdaryo viloyati hududiy boshqarmasi tomonidan Davlat dasturlari, hukumat qarorlari va boshqa dasturlar doirasida jami 434 ta obyektlarning loyiha hujjatlari shaharsozlik normalari va qoidalariga muvofiq ko‘rib chiqilib, davlat ekspertizasidan o‘tkazilgan.

Shuningdek, jami 1 948,6 mlrd so‘m miqdorida smeta qiymatiga ega obyektlarning loyiha hujjatlari bo‘yicha ekspertiza ko‘rigida qurilish me'yorlariga muvofiq texnik va iqtisodiy-loyihaviy yechimlar qo‘llanilgan holda jami 236,3 mlrd so‘m mablag‘ tejalishiga erishildi.

Jami 86 ta ijtimoiy soha obyektlarining loyiha-smeta hujjatlariga yig'ma ekspert xulosalari taqdim etilgan.

Tashabbusli budjetlashtirish amaliyotini yanada takomillashtirish hamda faol mahallalarni qo‘llab-quvvatlash chora-tadbirlari dasturi doirasida jami 105 ta obyektlar ekspertiza ko‘rigidan o‘tkazilgan. Xususan,
- xususiy ko‘p qavatli uy-joylar 35 ta;
- infratuzilma obyektlari 143 ta;
- sanoat obyektlari 10 ta;
- huquqni muhofaza qilish obyektlari 10 ta;
- savdo va umumiy ovqatlanish shahobchalari 5 ta;
- boshqa turdagi obyektlar 40 ta.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|