#Bunyodkorlik_sari

🏛Bugun “ToshkentboshplanLITI” DUKda  Oliy Majlis Qonunchilik palatasi deputati Rasul Kusherbayev bilan uchrashuv boʻlib oʻtdi. Unda Qurilish vazirining birinchi oʻrinbosari D.Adilov ishtirok etdi.
📝Taqdimotda Toshkent shahrini 2045-yilgacha rivojlantirish strategiyasi, Prezidentimiz tomonidan qoʻyilgan vazifalar ijrosi haqida soʻz bordi.
❗️Maʼlumot uchun, “ToshkentboshplanLITI” korxonasida chet ellik va mahalliy loyihachilar ikki yil davomida ishlashdi. Aholining oʻsishi, transport va muhandislik tarmoqlari, iqlim oʻzgarishlari tahlil qilinib, shu asosida transport tugunlari va aholi punktlarini rivojlantirish strategiyasi ishlab chiqildi.
☑️Endilikda Toshkent shahri kadastri raqamlashtirilib, hududlarning toifasi ochiq-oshkora qayd etib qoʻyiladi. Aholi oʻz mahallasi yoki tadbirkorlar biznes ochmoqchi boʻlgan yerining qanday hududda joylashganini internet orqali bemalol koʻrishi mumkin boʻladi.
🔠Tirbandlik muammosini hal etish uchun jamoat transporti qulaylashtiriladi. Buning uchun aholi uyidan 15 daqiqa piyoda yuradigan masofada bekat boʻlishi talab etiladi. Shuningdek, “Park and ride” tamoyili asosida, shahar chekkalarida avtoturargohlar tashkil etilib, jamoat transporti bekatlari bilan bogʻlanadi.
✔️Yana bir muhim chora – binolarga ijtimoiy talablar belgilash. Masalan, shahar ichida koʻp qavatli inshoot qurilgudek boʻlsa, uning turiga qarab, maktab, bogʻcha, maishiy xizmat, avtoturargoh oʻrni, koʻkalamzorlashtirish maydoni kabi meʼyorlar qoʻyiladi.
❗️Toshkent shahrining 2045-yilgacha boʻlgan Bosh rejasi loyihasi “Yangi Toshkent” konsepsiyasi bilan mutanosib tayyorlangan. Bu yangi shahar poytaxtimizning sharqiy qismida, Chirchiq va Qorasuv daryolari oraligʻida barpo etiladi. 500 ming aholiga moʻljallangan boʻladi.
Shundan kelib chiqib, istiqbolli rivojlanish va qurilish hududlari, yangi shahar bilan poytaxtni birlashtiruvchi asosiy yoʻllar sxemalari ishlab chiqilgan. Birinchi bosqichda 6 ming gektarda bunyodkorlik qilish rejalashtirilgan.
🌍Global isish kuzatilayotgan bugungi dunyoda yashillik juda muhim.
🌍Bugungi kunda Toshkent shahrida 7 ming gektar yashil maydonlar mavjud. Prezidentimiz ilgari surgan “Yashil makon” umummilliy loyihasidan kelib chiqib, Bosh reja loyihasida bunga alohida eʼtibor qaratilgan. Jumladan, katta halqa yoʻli atrofida “yashil kamar” yaratish, shahardan oʻtgan kanallar boʻyida tematik bogʻlar tashkil etish koʻzda tutilgan. Umuman, poytaxtimizda yashil hududlarni 25 ming gektarga yetkazish maqsad qilingan.

Rasmiy sahifalarimizga a'zo bo'ling👇
|Web | Instagram| Facebook |Telegram | Youtube|

#BUNYODKORLIK_SARI

💳 Оnkologiya va radiologiya tibbiyot markazining yangi kompleksi barpo etilmoqda, Toshkent viloyatidagi filiallari yagona unikal kompleksga birlashadi

🗣Toshkent shahar Olmazor tumani "Shifokorlar" koʼchasidagi Respublika onkologiya va radiologiya tibbiyot markazining yangi kompleksi barpo etilmoqda. Shuningdek, markaz hamda uning poytaxt va Toshkent viloyatidagi filiallari yagona unikal kompleksga birlashadi.

🍎 Yangi kompleks tarkibiga Respublika ixtisoslashtirilgan onkologiya va radiologiya ilmiy-amaliy tibbiyot markazi, markazning poytaxt filiali hamda Toshkent viloyati filiali kiradi. Shunga koʼra tegishli hukumat qaroriga muvofiq, shifoxonalarning mavjud bino-inshootlari hududi yangi kompleksni qurish xarajatlarini qoplash uchun “E-auksion” elektron savdo platformasi orqali elektron-onlayn auksionga qoʼyilgan.

🔔 Maʼlumot oʼrnida aytish joiz, yangi kompleks 2023-yilning may oyida ishga tushirilishi kutilmoqda.

🗣Yangi kompleks ishga tushganidan soʼng ikki oy davomida muassasalardagi bemorlar va zarur uskunalarni koʼchirish ishlari olib boriladi. Sotuv auksionida gʼolib boʼlgan tadbirkorga yangi kompleksga koʼchish ishlari toʼliq amalga oshmaguncha ikki oygacha bu yerda hech qanday ishlarni boshlamasligi majburiyati yuklanadi.

➖ Yangi kompleksda 17 ta yangi klinik boʼlim faoliyati yoʼlga qoʼyiladi. Jumladan, mamlakatimizda ilk bor suyak koʼmigi transplantatsiyasi boʼlimi ochiladi. Markazda 16 ta reanimatsion va operatsion xonalar eng soʼnggi texnologiyalar bilan taʼminlanadi. Intensiv terapiya boʼlimi yurak monitorlari, oʼpkani sunʼiy shamollatish moslamalari va boshqalar bilan jihozlangan konsolli funksional yotoqlarga ega boʼladi.

💻 Turli tibbiyot muassasalarida faoliyat koʼrsatayotgan 5 ta onkologiya kafedrasi birlashib, yagona metodik markazga aylanadi. Ilk bor yadro tibbiyoti kafedrasi tashkil etiladi. Kompleksda 9 ta bunkerdan iborat radioterapiya arsenali ishga tushiriladi. Birida toʼxtalishlar yuz bergan taqdirda ham boshqalari uning oʼrnini toʼldirishi natijasida davo muolajasi uzluksizligi taʼminlanadi.

🛡 Boshqaruv jarayoniga turk va koreys mutaxassislari tavsiyalari va tajribasi asosida zamonaviy menejment tizimi joriy etiladi. Muassasa ishga tushgunga qadar 100 nafardan mutaxassis Koreya va Turkiyada malaka oshiradi hamda ushbu kompleksni zamonaviy texnologiyalar bilan jihozlash maqsadida 80 million АQSh dollari ajratilgan.

Rasmiy sahifalarimizga a'zo bo'ling👇
|Web | Instagram| Facebook |Telegram | Youtube|