#BRIFING

✍️ Xabaringiz bor, shu yilning 30-aprel kuni Oʻzbekiston Respublikasi Prezidentining “2024-yilda ipoteka kreditlarini ajratish mexanizmlarini takomillashtirish va aholining uy-joy sharoitlarini yaxshilashga oid qoʻshimcha chora-tadbirlar toʻgʻrisida”gi Farmoni eʼlon qilindi.
Mazkur hujjat mamlakatimizda uy-joy sohasidagi islohotlarni samarali tashkil etish, “Yangi Oʻzbekiston” massivlari va zamonaviy koʻp kvartirali uylar qurish koʻlamini kengaytirishni koʻzda tutishi bilan ahamiyatlidir.
Xususan, ipoteka krediti bozorini yanada rivojlantirish hamda banklar tomonidan oʻz mablagʻlari hisobidan ajratilgan kreditlarni qayta moliyalashtirish mexanizmlarini amaliyotga joriy qilishni nazarda tutadigan muhim Farmondir.
Mazkur hujjat bilan joriy yilda hududlarda zamonaviy arxitektura koʻrinishiga ega 100 mingta kvartiradan iborat boʻlgan koʻp qavatli uy-joylar qurish maqsad qilingan. Shuningdek, qurilish tashkilotlarini moliyaviy qoʻllab-quvvatlash maqsadida ularga bozor tamoyillari asosida ajratilgan kreditlar boʻyicha kompensatsiya va kafilliklar taqdim etilishi ham belgilab berilmoqda. Darvoqe, ipoteka kreditlarini moliyalashtirishga davlat budjeti, “Ipotekani qayta moliyalashtirish kompaniyasi” hamda banklarning oʻz mablagʻlari hisobidan kamida 17 trillion soʻm mablagʻ yoʻnaltiriladi.

🎚️ Brifingni onlayn tarzda ko‘rish uchun havola👇

➡️  https://www.facebook.com/share/v/BQEnswyxVB8yhLwD/?mibextid=oFDknk

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

💬 Yana bir jihat, kelgusi yil 1-yanvardan boshlab koʻp qavatli uy-joylar qurish jarayonlariga “yashil” uy-joy standartlari keng joriy qilinadi.
2024-yil 1-iyundan boshlab “mahalla yettiligi” tavsiyasi asosida Kambagʻallikdan chiqarish dasturiga kiritilgan va uy-joy sharoitini yaxshilashga muhtoj boʻlgan shaxslarga yakka tartibdagi uy-joy qurish, rekonstruksiya qilish va taʼmirlash uchun 120 million soʻmgacha ipoteka kreditlari ajratib beriladi.
Shuningdek, “Yangi Oʻzbekiston” massivlarida koʻp qavatli uy-joylar qurilishida ishtirok etadigan qurilish tashkilotlarining aylanma mablagʻlarini toʻldirish uchun respublika budjetidan 500 milliard soʻm mablagʻ yoʻnaltiriladi.
“Tadbirkorlikni rivojlantirish kompaniyasi” tomonidan qurilish tashkilotlariga Toshkent shahrida – 9 va undan yuqori, boshqa shaharlarda – 7 va undan yuqori, qishloq joylarda esa 5 va undan yuqori qavatli uy-joylar qurish uchun ajratilgan milliy valyutadagi kreditlar boʻyicha 24 oydan koʻp boʻlmagan muddatga “1+1” tamoyili asosida hududlarning toifasidan kelib chiqib kafillik va kompensatsiyalar taqdim etiladi.
2025-yil 1-yanvardan boshlab qurilish tashkilotlariga “yashil” uy-joy standartlari talablari asosida koʻp kvartirali uy-joylarni qurish uchun Markaziy bankning asosiy stavkasidan bir foiz bandga yuqori stavkada kreditlar ajratiladi.
2024-yil 1-maydan boshlab esa birlamchi uy-joy bozoridagi kvartiralarni sotib olish uchun ipoteka kreditlarini ajratishda ipoteka predmetini sugʻurta xavflaridan sugʻurta qilish talabi bekor qilinadi.
“Shaffof qurilish” milliy axborot tizimidagi elektron reyting bahosi “C” boʻlgan tashkilotlarga besh qavatdan yuqori boʻlmagan, “CC” boʻlgan tashkilotlarga esa toʻqqiz qavatdan yuqori boʻlmagan uy-joylarni qurishga ruxsat beriladi.
Darvoqe, aholining pul mablagʻlarini uy-joylar qurishga jalb qilish tartibini takomillashtirish maqsadida normativ-huquqiy hujjat loyihasini ishlab chiqilib, yangi tizim amaliyotga joriy etiladi. Bunda “Shaffof qurilish” milliy axborot tizimida uy-joylar qurishga jismoniy va yuridik shaxslarning pul mablagʻlarini jalb qiluvchi pudrat tashkilotlarining elektron roʻyxatini yuritish maqsad qilingan. Xususan, elektron roʻyxatdan oʻtmasdan ulush kiritish asosida koʻp qavatli uy-joylar qurishni boshlagan pudrat tashkilotlariga nisbatan javobgarlik choralarini belgilash, ulush kiritish asosida uy-joylar qurilishini monitoring qilish tartibini belgilash ham koʻzda tutilmoqda. Unda ulush kiritish asosida koʻp qavatli uy-joylarni qurishda ishtirok etish toʻgʻrisidagi shartnomalarni majburiy ravishda notarial tasdiqlash tartibini joriy qilish ham belgilab qoʻyilmoqda.

🎚️ Brifingni onlayn tarzda ko‘rish uchun havola👇

➡️  https://www.facebook.com/share/v/BQEnswyxVB8yhLwD/?mibextid=oFDknk

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#Brifing

✅ Joriy yilning 14-iyun holatiga koʻra 20 ta shaharsozlik normalari va qoidalariga Adliya vazirligining ekspertiza xulosalari olindi

Bu haqda AOKAda oʻtkazilgan brifingda Qurilish va uy-joy kommunal xoʻjaligi vazirligi huzuridagi tadqiqot instituti direktori Sherzod Sodiqov maʼlum qildi.

Shuningdek:

✅ 4 ta shaharsozlik normalari va qoidalari Adliya vazirligida koʻrib chiqilmoqda;

✅ 21 ta shaharsozlik normalari va qoidalari idoraviy kelishuvdan oʻtkazilmoqda;

✅ 2 ta shaharsozlik normalari va qoidalari idoraviy kelishuvdan oʻtkazildi, vazirlik buyrugʻi rasmiylashtirilmoqda;

✅ 2 ta shaharsozlik normalari va qoidalari qayta koʻrib chiqilmoqda.

Standartlashtirish boʻyicha joriy yilning ish rejasiga kiritilgan 18 ta standartlar manfaatdor vazirlik va idoralar bilan kelishilib, Standartlashtirish boʻyicha milliy organning rasmiy veb saytida oltmish kalendar kun davomida jamoatchilik muhokamasiga joylandi hamda uning natijasiga koʻra STQ 21 “Qurilish va uy-joy kommunal xoʻjaligi” Standartlashtirish boʻyicha texnik qoʻmitaning ijobiy xulosasi olinib, bugungi kunda Standartlashtirish boʻyicha milliy organga texnik ekspertizadan oʻtkazish uchun kiritildi.

📌 Batafsil

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

📣 DIQQAT! DIQQAT!

📹 Ayni daqiqalarda AOKAda “Qurilish-montaj ishlarini bajarish borasida yaratilayotgan qulayliklar” mavzusida brifing bo‘lib o‘tmoqda. Unda vazirlik axborot xizmati rahbari Saidnosir Usmonov ishtirok etmoqda.

🎚️ Brifingni onlayn tarzda ko‘rish uchun havola👇

➡️ https://www.facebook.com/share/v/Wh1ZJop8nMUqEtoH/?mibextid=oFDknk

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

📹 Oxirgi yillarda mamlakatimizda qurilish ishlari ortib, shahar va qishloqlar bunyodkorlik maydoniga aylanib bormoqda. Birgina misol, joriy yilning oʻtgan davrida qurilish ishlari hajmi sal kam 60 trln soʻmga yetib, oʻtgan yilning mos davriga nisbatan 107 foizga ortdi.

Yana bir jihat. Bugungi kunda 31 mingdan ortiq qurilish-pudrat tashkilotlari roʻyxatga olingan boʻlib, ular tomonidan hududlarda zamonaviy bino-inshootlar barpo etish borasida muayyan ishlar qilinmoqda. Shunga monand ravishda qurilish pudrat tashkilotlariga qulaylik yaratish ham birlamchi vazifaga aylangan. Bilasiz, avvallari qurilish ishlari boʻyicha buyurtmachi va pudratchi tashkilotlar tomonidan imzolangan shartnomaga koʻra bajarilgan ishlar toʻgʻrisidagi hisobot yoki hisobvaraq-fakturalar qogʻoz koʻrinishida, yaʼni turli byurokratik toʻsiqlarga duch kelingan holda rasmiylashtirilardi.

Bu esa pudrat tashkilotlari tomonidan bajarilgan qurilish ishlarini oʻz vaqtida rasmiylashtirish va mablagʻlar ajratilishida sunʼiy toʻsiqlarga sabab boʻlardi. Joriy yil 29-yanvar kuni kengaytirilgan tarzda oʻtkazilgan yigʻilishda Prezidentimiz tomonidan sohada raqamlashtirish jarayonlarini kengaytirish, byurokratik toʻsiqlarni yanada qisqartirish, bu boradagi ish yuritish munosabatlarida shaffoflikni oshirish va moliyalashtirish tizimini takomillashtirish boʻyicha bir qator vazifalar belgilab berildi.

🎚️ Brifingni onlayn tarzda ko‘rish uchun havola👇

➡️ https://www.facebook.com/share/v/Wh1ZJop8nMUqEtoH/?mibextid=oFDknk

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

📹 Shundan kelib chiqqan holda qurilish-pudrat tashkilotlari va buyurtmachilar oʻrtasida rasmiylashtiriladigan hujjatlarni zamonaviy axborot-kommunikatsiya texnologiyalari va ilgʻor innovatsion dasturiy taʼminotlarni keng joriy etish orqali qurilish obyektlarida bajarilgan ishlarni hisobga olish, ularga oʻz muddatlarida mablagʻlar ajratilishini taʼminlash maqsadida joriy yilning 12-iyunida “Hukumatning ayrim qarorlariga ijtimoiy va ishlab chiqarish infratuzilmasini rivojlantirish boʻyicha davlat dasturlarini shakllantirish va amalga oshirish jarayonlarini samarali tashkil etishga qaratilgan qoʻshimchalar kiritish toʻgʻrisida” Vazirlar Mahkamkasining qarori qabul qilindi.

Mazkur hujjatga asosan Hukumatning tegishli qarori bilan tasdiqlangan “Hisobvaraq-fakturalarning shakllari hamda ularni toʻldirish, taqdim etish va qabul qilish tartibi toʻgʻrisida”gi nizomga oʻzgartirish va qoʻshimchalar kiritildi.

Xususan, joriy yilning 1-oktabridan eʼtiboran budjet tizimi budjetlari hisobidan moliyalashtiriladigan obyektlarda bajarilgan qurilish-montaj ishlari topshirilganda, yangi shakldagi hisobvaraq-faktura orqali taqdim etilishi belgilandi.

Shu bilan birga:
- markazlashtirilgan manbalar hisobiga bajarilgan qurilish ishlari boʻyicha pudrat tashkilotlari hisobotlarini raqamlashtirish hamda amalga oshirilgan xarajatlarni moliyalashtirishni takomillashtirish;
- kelgusi yil Ijtimoiy va ishlab chiqarish infratuzilmasini rivojlantirish dasturi doirasida amalga oshiriladigan loyihalar boʻyicha loyiha-qidiruv ishlari, loyiha-smeta hujjatlarini koʻrib chiqish va davlat ekspertizasidan oʻtkazish bilan bogʻliq xarajatlarni joriy yilda moliyalashtirish belgilab qoʻyildi.

Mazkur elektron hisobvaraq-faktura pudrat va buyurtmachi tashkilotlar tomonidan obyektlarda bajarilgan ishlar va ular uchun markazlashgan holda ajratilgan mablagʻlarni oʻzlashtirilishida shaffoflikni taʼminlashga xizmat qilib, soha rivojiga ijobiy taʼsir koʻrsatadi.

Shuningdek, Oʻzbekiston Respublikasining ijtimoiy va ishlab chiqarish infratuzilmasini rivojlantirish dasturlari hamda budjet tizimi budjetlari hisobidan moliyalashtiriladigan dasturlarni oʻz vaqtida, toʻliq va sifatli amalga oshirish, sohada samarali nazorat mexanizmlari va zamonaviy axborot texnologiyalarini joriy etish, loyihalar ishtirokchilari va nazorat qiluvchi idoralarning masʼuliyatini oshirishga olib keladi.

🎚️ Brifingni onlayn tarzda ko‘rish uchun havola👇

➡️ https://www.facebook.com/share/v/Wh1ZJop8nMUqEtoH/?mibextid=oFDknk

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

📣 DIQQAT! DIQQAT!

📹 Ayni daqiqalarda AOKAda “Shaharsozlik sohasida YEVROKODlar joriy etilishi ” mavzusida brifing bo‘lib o‘tmoqda. Unda Qurilish va uy-joy kommunal xoʻjaligi vazirligi huzuridagi ilmiy tadqiqot instituti boshqarma boshligʻi Azizbek Nurmirzayev ishtirok etmoqda.

🎚️ Brifingni onlayn tarzda ko‘rish uchun havola👇

➡️ https://www.facebook.com/aoka.uz/videos/2508524009535038/

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

❕Mamlakatimiz qurilish sohasiga Yevrokodlar joriy qilinadi. Xoʻsh, Yevrokodlar oʻzi nima? Yevrokodlar - bu Yevropa Ittifoqidagi qurilish inshootlarini konstruktiv loyihalash boʻyicha Yevropa Kengashi tomonidan ishlab chiqilgan norma va standartlar toʻplami hisoblanadi.

Gap shundaki, Oʻzbekistonda qurilish industriyasi raqobatbardoshligi va eksportbopligini oshirish, mahalliy va xalqaro investorlarni keng jalb qilish hamda ularning faoliyatiga toʻsiq boʻluvchi omillarni bartaraf etish, shuningdek, Jahon savdo tashkiloti (JST) ga aʼzo boʻlish boʻyicha davlat siyosati va mamlakat manfaatlarini himoya qilishda Yevrokodlar muhim ahamiyat kasb etadi.
Yevrokodlar parametrik meʼyorlash xarakteridagi hujjat boʻlib, toʻgʻridan-toʻgʻri foydalanish emas balki har bir mamlakatning oʻziga xos xususiyatlari, yaʼni geologik, tabiiy-iqlimiy, seysmologik va boshqa omillarni hisobga olgan holda ishlab chiqiladi.
Yevrokodlarni milliy normativlar qatorida asosiy emas, balki Shaharsozlik normalari va qoidalarining muqobili sifatida qabul qilinishi rejalashtirilgan.
Yanayam aniqroq aytadigan boʻlsak, milliy normativlarimiz mustaqilligi va xalqaro normalarga uygʻunlashtirish saqlab qolinadi.
Yevrokodlarni tadbiq qilishda birinchi navbatda amaldagi normativ hujjatlar talablarini inkor qilmaydigan yoki ularga zid boʻlmagan alohida kiritiladigan 1400 dan ortiq parametrik koʻrinishidagi milliy ilovalar ishlab chiqiladi.
🟢 Xoʻsh Yevrokodlarning afzalliklari qanday omillarda koʻzga tashlanadi? Avvalo, raqobatbardoshlik uchun shaffof asos yaratiladi, qurilish mahsulotlarining ichki bozorini toʻldirishga erishiladi. Qolaversa, BIM dasturlarini Oʻzbekiston sharoitida toʻliq qoʻllash imkoni paydo boʻladi. Ishlab chiqarish va sotish tannarxini kamaytirish orqali qoʻshimcha qiymatni taʼminlashga erishiladi.
Shu oʻrinda bundan kutilayotgan natija haqida mulohaza qilsak! Oʻzbekistonda bino va inshootlar konstruksiyalarining xavfsizligi va ishonchliligi, ularning seysmik chidamliligi, yongʻin xavfsizligi va energiya samaradorligini taʼminlash uchun zarur talablarga javob beradigan umumiy mezon va loyihalash usullarini taʼminlash pirovard maqsad qilingan.

🎚️ Brifingni onlayn tarzda ko‘rish uchun havola👇

➡️ https://www.facebook.com/aoka.uz/videos/2508524009535038/

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

🕐 Shuningdek, mulk egalari, buyurtmachilar, loyihachilar, qurilish materiallari ishlab chiqaruvchilar, pudratchilar va ekspluatatsiya qiluvchi tashkilotlar oʻrtasida konstruktiv loyihalash jarayoni haqida umumiy tushuncha taʼminlanadi.
Yevrokodlarni joriy qilishda, shuningdek, ishtirokchi davlatlar oʻrtasida qurilish sohasida xizmatlar almashinuviga hamda qurilish materiallari va elementlari marketingini tashkil qilish va ulardan foydalanishga koʻmaklashish imkoni vujudga keladi. Qurilish sohasida ilmiy-tadqiqot va innovatsion ishlanmalar uchun yagona asos yaratiladi. Loyihalash va dasturiy taʼminot boʻyicha umumiy qoʻllanmalar tayyorlanib, mahalliy qurilish pudrat tashkilotlari, qurilish materiallari va konstruksiyalar ishlab chiqaruvchilar, shuningdek, loyihachilarning jahon bozoriga chiqarish va raqobatbardoshligini oshirishga erishiladi.

Yevrokodlarni Respublikamizda implementatsiya qilishda bir qator ishlarni bajarish rejalashtirilgan! Jumladan, Yevrokodlardagi har bir talabni milliy shaharsozlik normalari bilan solishtirgan holda eng maqbul talabni qabul qilish va uygʻunlashtirish, belgilangan tartibda milliy ilovalarni ishlab chiqish, Yevrokodlarni amalda qabul qilgan, oʻzining milliy ilovalarini ishlab chiqib, amalda tadbiq qilgan xorijiy davlatlar tajribasini oʻrganish, parallel ravishda kadrlarni oʻqitish va salohiyatini oshirish kabi istiqbolli rejalar ishlab chiqildi. Qurilish materiallari va konstruksiyalar ishlab chiqarish sanoatini Yevrokodlarga moslashtirish va zamonaviy sinov laboratoriyalari bilan jihozlash hamda sifat menedjmentini yoʻlga qoʻyish ham koʻzda tutilmoqda.

Yevrokodlarda keltirilgan standartlar ham birlamchi masala! Shu bois Yevrokodlar sinov laboratoriyalari, standartlashtirish tizimlari va uslublari, qurilish materiallari sanoati, sifat menejmenti, kadrlar salohiyati va boshqa zarur infratuzilma bilan integrallashgan holda rivojlantirib boriladi. Shunga koʻra qabul qilinishi rejalashtirilayotgan har bir Yevrokodni qabul qilishda uning toʻliq amaliyotga joriy etilishini taʼminlovchi 100 dan ortiq xalqaro va Yevropa standartlari qabul qilinadi. Bundan tashqari Yevrokodlarni hamda unda keltirilgan standartlarni Respublikamizda qabul qilish orqali qurilish materiallari va buyumlari uchun Yevropa sertifikatlarini olish xarajatlari qisqaradi, Yevropa Ittifoqi qonunchiligiga javob beruvchi mahsulotlarni ishlab chiqarish va ularning Yevropa bozorlariga erkin kirib borishiga imkon yaratiladi.

🎚️ Brifingni onlayn tarzda ko‘rish uchun havola👇

➡️ https://www.facebook.com/aoka.uz/videos/2508524009535038/

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

🎛 Yevrokodlarni milliy normativlar qatorida asosiy emas, balki muqobili sifatida qabul qilinishi rejalashtirilgan

AOKAda Qurilish va uy-joy kommunal xoʻjaligi vazirligi huzuridagi ilmiy tadqiqot instituti boshqarma boshligʻi Azizbek Nurmirzayev ishtirokida oʻtkazilgan brifingda shaharsozlik sohasida YEVROKODlar joriy etilishi haqida maʼlumot berildi:

Yanayam aniqroq aytganda, milliy normativlarimiz mustaqilligi va xalqaro normalarga uygʻunlashtirish saqlab qolinadi.

Yevrokodlarni tadbiq qilishda birinchi navbatda amaldagi normativ hujjatlar talablarini inkor qilmaydigan yoki ularga zid boʻlmagan alohida kiritiladigan 1400 dan ortiq parametrik koʻrinishidagi milliy ilovani ishlab chiqiladi.

Oʻzbekistonda qurilish industriyasi raqobatbardoshligi va eksportbopligini oshirish, mahalliy va xalqaro investorlarni keng jalb qilish hamda ularning faoliyatiga toʻsiq boʻluvchi omillarni bartaraf etish shuningdek, Jahon savdo tashkiloti (JST) ga aʼzo boʻlish boʻyicha davlat siyosati va mamlakat manfaatlarini himoya qilishda yevrokodlar muhim ahamiyat kasb etadi.

Yevrokodlar parametrik meʼyorlash xarakteridagi hujjat boʻlib, toʻgʻridan toʻgʻri foydalanish emas balki har bir mamlakatning oʻziga xos xususiyatlari, yaʼni geologik, tabiiy-iqlimiy, seysmologik va boshqa omillarni hisobga olgan holda ishlab chiqiladi.

Yevrokodlarning afzalliklari shundaki, raqobatbardoshlik uchun shaffof asos yaratiladi, qurilish mahsulotlarining ichki bozorini toʻldirishga erishiladi.

Qolaversa, BIM dasturlarini Oʻzbekiston sharoitida toʻliq qoʻllash imkoni paydo boʻladi. Ishlab chiqarish va sotish tannarxini kamaytirish orqali qoʻshimcha qiymatni taʼminlashga erishiladi.

📌 Batafsil

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

📣 DIQQAT! DIQQAT!

📹  Ayni daqiqalarda AOKAda "Qurilishda standartlashtirish sohasidagi yangi istiqbollar" mavzusida brifing bo‘lib o‘tmoqda. Unda Qurilish va uy-joy kommunal xoʻjaligi vazirligi huzuridagi ilmiy tadqiqot instituti direktori o‘rinbosari Jamshid Mirsaidov ishtirok etmoqda.

🟢 Brifingni onlayn tarzda ko‘rish uchun havola👇

➡️https://www.facebook.com/share/v/FRqcYhZnhfxTSq7P/?mibextid=oFDknk

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

🔴 Qurilishda standartlashtirish sohasidagi yangi istiqbollar

   Barchangizga maʼlumki, Oʻzbekiston Respublikasi Prezidentining 2023-yil 28-avgustdagi PF-151-son Farmoniga asosan Qurilish va uy-joy kommunal xoʻjaligi vazirligi huzurida Texnik meʼyorlash va standartlashtirish ilmiy-tadqiqot instituti tashkil etildi va hozirgacha bir qator yoʻnalishlarda institut tomonidan samarali ishlar amalga oshirib kelinmoqda.

   Xususan, standartlashtirish sohasini rivojlantirishda:
   I. Yevropa Ittifoqidagi qurilish inshootlarini konstruktiv loyihalash boʻyicha Yevropa Kengashining Yevrokodlarini amaliyotga joriy etish ishlari bosqichma-bosqich amalga oshirilmoqda.
Yevrokodlar Oʻzbekistonda qurilish industriyasi raqobatbardoshligi va eksportbopligini oshirish, mahalliy va xalqaro investorlarni keng jalb qilish hamda ularning faoliyatiga toʻsiq boʻluvchi omillarni bartaraf etish, shuningdek, Jahon savdo tashkiloti (JST)ga aʼzo boʻlish boʻyicha davlat siyosati va mamlakat manfaatlarini himoya qilishda muhim ahamiyat kasb etadi.
Yevrokodlarda keltirilgan standartlar birlamchi talablar hisoblanadi! Shu bois Yevrokodlar sinov laboratoriyalari, standartlashtirish tizimlari va uslublari, qurilish materiallari sanoati, sifat menejmenti, kadrlar salohiyati va boshqa zarur infratuzilma bilan integrallashgan holda rivojlantirib boriladi.
Bunda Yevrokodlarni hamda unda keltirilgan standartlarni Respublikamizda qabul qilish orqali qurilish materiallari va buyumlari uchun Yevropa sertifikatlarini olish xarajatlari qisqaradi, Yevropa Ittifoqi qonunchiligiga javob beruvchi mahsulotlarni ishlab chiqarish
va ularning bozorlarga erkin kirib borishiga imkon yaratiladi.
Buning uchun qabul qilinishi rejalashtirilayotgan har bir Yevrokod toʻliq amaliyotga joriy etilishini taʼminlovchi standartlardan 30dan ortiq xalqaro va Yevropa standartlarini qabul qilish ishlari amalga oshirilmoqda.

    II. Soʻnggi yillarda BAZALT mahsulotlarini raqobatbardoshligini oshirish va eksport geografiyasini oshirish maqsadida halqaro talablar joriy qilinmoqda. Natijada AQSH, Angliya, Polsha, Italiya, Chexiya, Gruziya, Rossiya, Xitoy, Turkiya va shu kabi mamlakatlarga yetkazib berish keng koʻlamda yoʻlga qoʻyilgan boʻlib, boshqa mamlakatlar mahsulotlari bilan sifat va narx jihatidan munosib ravishda raqobatlashmoqda.

🟢 Brifingni onlayn tarzda ko‘rish uchun havola👇

➡️https://www.facebook.com/share/v/FRqcYhZnhfxTSq7P/?mibextid=oFDknk  

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

   Bundan tashqari yangi turdagi bazalt mahsulotlarini MDH mamlakatlariga yagona talablar asosida yetkazib berish, ishlab chiqaruvchi mahalliy sanoat korxonalarini modernizatsiya qilish, texnik va texnologik yangilashga qaratilgan tarkibiy oʻzgartirishlarni yanada chuqurlashtirish maqsadida institut tomonidan MDH davlatlari ishtirok etuvchi Standartlashtirish, metrologiya va sertifikatlashtirish boʻyicha Davlatlararo Kengash (MGS) da “Bazalt mahsulotlari” nomli davlatlararo texnik qoʻmita tashkil etish yuzasidan davlatlararo Kengash (MGS) masʼullari bilan uchrashuvlar tashkil etildi. Shu bilan birga bugungi kunda bazalt mahsulotlari uchun 4 ta Amerika qoʻshma shtatlarining hamda 1 ta Yevropaning standartlari milliy standart sifatida qabul qilinib, mahsulotlarning mazkur standartlar talablarga muvofiqligi Yevropa mamlakatlariga sinovlardan oʻtkazildi.

   III. Xalqaro standartlarning asosiy maqsadi xalqaro miqyosda yangi sifat tizimlarini ishlab chiqish va mavjud sifat tizimlarini takomillashtirish hamda ularni sertifikatlash uchun yagona uslubiy asosni yaratish hisoblanadi.
Bugungi kunda institut tomonidan Xalqaro standartlashtirish tashkiloti (ISO)ning texnik qoʻmitalariga aʼzolikni taʼminlash borasida bir qator chora-tadbirlar amalga oshirib kelinmoqda. Bu oʻz navbatida mahalliy ishlab chiqarish korxonalarini qoʻllab-quvvatlash, mahsulotlarni xalqaro talab darajasida modernizatsiya qilish, eksport hajmini oshirish, milliy standartlashtirish tizimini xalqaro standartlashtirish tizimlari bilan muvofiqlashtirish va ilmiy-texnikaviy taraqqiyotni jadallashtirishda qoʻshimcha imkoniyatlarni yaratadi. Shuningdek, endilikda mazkur mahsulot turlari boʻyicha ishlab chiqarilayotgan standartlarga milliy ishlab chiqaruvchilarning takliflari kiritilib, ishlab chiqarishni xalqaro standart talabiga emas, xalqaro standartlarni maxalliy shart-sharoitlarga moslashishiga erishiladi.
  Jumladan, avgust oyi yakunida Oʻzbekiston tarixida ilk bor Xalqaro standartlashtirish tashkilotining beton konstruksiyalar boʻyicha texnik qoʻmitasining yigʻilishi yurtimizda boʻlib oʻtishi rejalashtirilgan. Mazkur tadbirda ilgʻor xorijiy mamlakatlarning 10 dan ortiq vakillari ishtiroki hamda xalqaro miqiyosda beton konstruksiyalar boʻyicha amalga oshirilayotgan istiqbollar toʻgʻrisida muhokamalar kun tartibiga kiritilgan.

    IV. Texnik reglamentlar ishlab chiqish rejasiga muvofiq 2024-2025-yillarda qabul qilinishi belgilangan eshik va romlar, metallurgiya, bolalar oʻyin maydonlari jihozlari hamda qurilish materiallari va buyumlar uchun majburiy xavfsizlik talablarini belgilovchi texnik reglamentlarni xalqaro talablar asosida ishlab chiqish ishlari tegishli vazirlik va idoralar bilan birgalikda olib borilmoqda. Mazkur texnik reglamentlarni amaliyotga joriy etish natijasida qurilish materiallari va buyumlarini ishlab chiqarish xalqaro talablari  asosida yangi bosqichga oʻtiladi

🟢 Brifingni onlayn tarzda ko‘rish uchun havola👇

➡️https://www.facebook.com/share/v/FRqcYhZnhfxTSq7P/?mibextid=oFDknk  

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

📣 DIQQAT! DIQQAT!

📹  Ayni daqiqalarda AOKAda “Shaharsozlik sohasidagi nizolarni sudga qadar koʻrib chiqish va hal etish boʻyicha idoralararo komissiyaning maqsad-vazifalari” mavzusida brifing bo‘lib o‘tmoqda. Unda vazirlik axborot xizmati rahbari Saidnosir Usmonov ishtirok etmoqda.

🎚️ Brifingni onlayn tarzda ko‘rish uchun havola👇

➡️  https://www.facebook.com/share/v/S6BXDNACWcsEnfiG/?mibextid=oFDknk

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

📌 Shaharsozlik sohasidagi nizolarni sudga qadar koʻrib chiqish va hal etish tizimi joriy etildi

Endilikda mazkur masala bilan tegishli vazirlik va idoralarning mutasaddi vakillaridan iborat komissiya shugʻullanadi. Ushbu komissiya bino va inshootning tashqi koʻrinishini oʻzgartirishni kelishish boʻyicha berilgan xulosa, bino va inshootlarning ixtisoslashishini oʻzgartirish, qayta qurish, rekonstruksiya qilish hamda oʻz hududida qoʻshimcha binolarni qurishni loyihalashtirishga ruxsatnoma olinganligi haqidagi maʼlumotlarni oʻrganib chiqadi.

Shuningdek, arxitektura-rejalashtirish topshirigʻi, hududiy arxitektura-shaharsozlik kengashi qarori va ushbu kengash ishchi organi xulosasiga doir hujjatlarning qonuniy berilganligini oʻrganib chiqadi va qaror qabul qiladi. Mazkur tartib Vazirlar Mahkamasining joriy yil 12-avgustdagi “Shaharsozlik sohasidagi nizolarni sudga qadar koʻrib chiqish tartibi toʻgʻrisidagi nizomni tasdiqlash haqida”gi qarori hamda Shaharsozlik kodeksining 20-moddasiga muvofiq amalga oshirilmoqda. Bu bilan Qurilish va uy-joy kommunal xoʻjaligi vazirligiga oʻz vakolati doirasida shaharsozlik faoliyati subyektlari oʻrtasidagi kelishmovchiliklarni koʻrib chiqish vazifasi yuklanmoqda. Bordiyu, manfaatdor shaxs komissiya qarorlaridan norozi boʻlsa, mazkur nizolar sud tartibida koʻrib chiqiladi. Yaʼni, komissiyaga murojaat qilish ixtiyoriy boʻlib, bu ularning bevosita sudga murojaat qilish huquqini cheklamaydi.

Taʼkidlash lozimki, sudlarda koʻrib chiqilgan yoki koʻrib chiqilayotgan nizolar komissiya tomonidan koʻrib chiqilmaydi. Manfaatdor shaxs vakolatli organning ruxsat etish xususiyatiga ega hujjati yoki bunday hujjatni berishni rad etish haqidagi qarori, shuningdek, harakatlari boʻyicha komissiyaga murojaat qilishi mumkin. Xususan, jismoniy va yuridik shaxslarning shaharsozlik sohasidagi qonuniy manfaatlarini koʻzlab vakolatli davlat organlari yoki aniqlangan qonun buzilishi holatlari yuzasidan huquqni muhofaza qiluvchi organlar ham komissiyaga murojaat qilishi mumkin.

Mazkur komissiya tarkibi Qurilish va uy-joy kommunal xoʻjaligi vazirining joriy yil 16-sentabrdagi 226-son buyrugʻi bilan tasdiqlanadi. Qayd etish kerakki, komissiya yigʻilishida masalaga aloqador komissiya aʼzolarining uchdan ikki qismi ishtirok etgan taqdirda, vakolatli hisoblanadi. Yigʻilishni oʻtkazish uchun kvorum shakllanmagan taqdirda komissiyaning yangi majlisi oʻtkaziladigan joy, sana va vaqt haqida belgilangan tartibda xabarnoma yuboriladi. Bunda ruxsat etish xususiyatiga ega hujjatni qabul qilgan yoki qabul qilishni rad etgan mansabdor shaxs komissiya aʼzosi boʻlishi mumkin emas. Komissiya oʻziga yuklangan vazifalarni amalga oshirish va murojaatlarni koʻrib chiqishda zarur hollarda tegishli tashkilotlarning vakillarini jalb qilishi mumkin.

🎚️ Brifingni onlayn tarzda ko‘rish uchun havola👇

➡️  https://www.facebook.com/share/v/S6BXDNACWcsEnfiG/?mibextid=oFDknk

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

🔗 Shuningdek, murojaatlar koʻrib chiqilishi teng huquqlilik, xolislik, qonuniylik, kollegiallik va huquqni qoʻllash amaliyotining bir xilligini taʼminlash hamda murojaat etuvchilarning huquqlari va qonuniy manfaatlariga rioya qilish prinsiplariga asoslanadi.

Manfaatdor shaxs komissiyaga ogʻzaki, yozma yoxud elektron shaklda vazirlikning elektron pochta yoki rasmiy veb-sayti orqali murojaat qilishi mumkin va unda quyidagilar koʻrsatilgan boʻlishi kerak, yaʼni:
- ruxsat etish xususiyatiga ega hujjatni qabul qilgan yoki uni qabul qilishni rad etgan yoxud harakat va harakatsizlikni amalga oshirgan vakolatli organning nomi;
- murojaat etgan jismoniy shaxsning yoki vakilining familiyasi, ismi, otasining ismi va yashash joyi, yuridik shaxs uchun esa uning nomi va joylashgan joyi;
- murojaat etgan shaxsning talablari, ilova qilinayotgan hujjatlarning roʻyxati, murojaat etilgan sana koʻrsatilishi talab etiladi.

Komissiya kotibi kelib tushgan murojaatning Nizom talablariga muvofiqligini tekshiradi va uni komissiya majlisida koʻrib chiqishga tayyorlaydi yoki murojaat ushbu Nizom talablariga nomuvofiqligi aniqlanganda, kamchiliklarni bartaraf etish uchun bir ish kuni mobaynida manfaatdor shaxsga qaytaradi.

Murojaat kelib tushgan kundan boshlab oʻn besh ish kunida komissiya tomonidan koʻrib chiqiladi. Bunda murojaatda koʻtarilgan masalalar ularni bevosita joyida oʻrganish, boshqa tegishli hujjatlar va materiallarni olish hamda boshqa tegishli tashkilotning vakillarini jalb qilishni talab etgan taqdirda uni koʻrib chiqish muddati qoʻshimcha oʻn besh ish kuniga uzaytirilishi mumkin.

Agar qonunda boshqacha qoida nazarda tutilmagan boʻlsa, murojaat ruxsat etish xususiyatiga ega hujjat yoki uni rad etish haqidagi qaror qabul qilingan paytdan yoki vakolatli organning harakatlari maʼlum boʻlgan paytdan eʼtiboran 30 kundan kechiktirmay berilishi mumkin.

Manfaatdor shaxs yoki uning qonuniy vakili komissiya tomonidan murojaat koʻrib chiqilishida ishtirok etish huquqiga ega. Bunda komissiya manfaatdor shaxs yoki uning qonuniy vakilining talabiga koʻra muhokamani videokonferensaloqa vositalaridan foydalangan holda oʻtkazishi mumkin.

Komissiya kotibi ikki ish kunida komissiya qarorini ariza beruvchiga yuboradi hamda qarorni “Shaffof qurilish” milliy axborot tizimidagi Shaharsozlik sohasida nizolarni sudga qadar hal qilish reyestriga kiritadi.

Taʼkidlash kerakki, mazkur jarayonlar jismoniy va yuridik shaxslar oʻrtasidagi nizolarni tezda oʻrganib chiqish va ortiqcha ovoragarchilikni oldini olish maqsadida amalga oshirilmoqda.

🎚️ Brifingni onlayn tarzda ko‘rish uchun havola👇

➡️  https://www.facebook.com/share/v/S6BXDNACWcsEnfiG/?mibextid=oFDknk

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

📣 DIQQAT! DIQQAT!

📹  Ayni daqiqalarda AOKAda “Qurilish industriyasi va qurilish materiallari tarmogʻini rivojlantirish chora-tadbirlari muhokamasi boʻyicha oʻtkazilgan videoselektor yigʻilishida berilgan topshiriqlar ijrosi” mavzusida brifing bo‘lib o‘tmoqda. Unda vazirlik axborot xizmati rahbari Saidnosir Usmonov ishtirok etmoqda.

🎚️ Brifingni onlayn tarzda ko‘rish uchun havola👇

➡️ https://www.facebook.com/share/v/oBAXeF7jh239Q4gS/?mibextid=oFDknk

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

📹 Xabaringiz bor, Oʻzbekiston Respublikasi Prezidenti raisligida qurilish industriyasi va qurilish materiallarini ishlab chiqarishni yanada rivojlantirish chora-tadbirlari yuzasidan videoselektor yigʻilishi boʻlib oʻtdi. Unda soha oldida turgan dolazarb masalalar va ularning yechimlari boʻyicha aniq vazifalar belgilab berildi. Ushbu vazifalarning ayrimlariga toʻxtalib oʻtamiz.

Xususan, topshiriqlar ijrosini taʼminlash maqsadida 2024-yilning dekabriga qadar 13 ta shaharsozlik normalari va qoidalarini ishlab chiqish hamda 38 ta shaharsozlik normalari hamda qoidalarini roʻyxatdan oʻtkazib, amaliyotga joriy qilish ishlari yakunlanadi.

Ushbu normativ hujjatlarda, umumiy texnik meʼyorlar va talablardan tashqari, asoslar va poydevorlar hamdaa muhandislik inshootlari va tashqi muhandislik tarmoqlari, transport inshootlari, gidrotexnika, energetika va melioratsiya inshootlari hamda tizimlari shuningdek, shaharsozlik, turar joy va jamoat binolari yoʻnalishlarida loyihalash, qurish tartibotlari xalqaro talablarga moslashtiriladi.

Shuningdek, yil yakuniga qadar 16 qavatdan yuqori boʻlgan binolar qurish boʻyicha Toshkent arxitektura-qurilish universiteti qoshida alohida Konstruktorlik byurosi tashkil qilinadi.

Kelasi yildan qurilishda “resurs” usulidan voz kechilib, “hajm” usuliga oʻtish rejalashtirilgan. Xoʻsh, mazkur usulning dolzarbligi va ahamiyati nimada? Gap shundaki, yangi “hajm” usulning joriy etilishi nafaqat kelajakdagi qurilish uchun dastlabki budjetni va uning samaradorligini aniqlashga, balki undan toʻgʻridan-toʻgʻri loyiha-smeta hujjatlarini ishlab chiqish bosqichida foydalanishga imkon beradi. Buning natijasida Loyiha-qidiruv tashkilotlarining xalqaro standartlar asosida loyihalashtirish ishlarini amalga oshirishi, xizmatlar koʻlamini kengaytirish, zamonaviy axborot-kommunikatsiya texnologiyalari va ilgʻor innovatsion dasturiy taʼminotlarni joriy etish imkoniyati yaratiladi.

🎚️ Brifingni onlayn tarzda ko‘rish uchun havola👇

➡️   https://www.facebook.com/share/v/oBAXeF7jh239Q4gS/?mibextid=oFDknk

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

📹 Hududiy arxitektura-shaharsozlik kengashlarida Loyiha-smeta hujjatlarini kelishish boʻyicha davlat xizmatlarini koʻrsatish, loyihalarni koʻrib chiqish muddatlari optimallashtiriladi. Bu boradagi muammolarni bartaraf etish maqsadida Vazirlar Mahkamasining 2022-yil 20-apreldagi 200-sonli qaroriga tegishli qoʻshimchalar kiritildi. Unga koʻra Kengash aʼzolari soʻrovnoma kelib tushgan kundan boshlab oʻn bir ish kuni mobaynida “Shaffof qurilish” milliy axborot tizimida loyiha-smeta hujjatlarining arxitektura qismini kelishadi yoki salbiy xulosa beradi. Bunda Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar qurilish va uy-joy kommunal xoʻjaligi bosh boshqarmalari, Toshkent shahar Qurilish bosh boshqarmasi Kengashning ishchi organi sifatida soʻrovnomani uch ish kunida loyiha-smeta hujjatlarining arxitektura qismini kelishib berishi zarur boʻlgan Kengash aʼzolariga yuboradi.

Kengash aʼzolari oʻz vakolati doirasida besh ish kunida loyiha-smeta hujjatlarining arxitektura qismini kelishadi va unga eʼtirozlar boʻlmagan holatda QR kod qoʻyilgan ijobiy xulosani yuboradi yoki kelishishni rad etadi. Xulosa beruvchilarning barchasidan ijobiy xulosalar olingandan soʻng tasarrufiy boshqarmalar uch ish kunida yakuniy xulosani arizachiga yuboradi. Bunda ariza beruvchiga elektron tizim orqali avtomatik tarzda QR kod qoʻyilgan xulosa beriladi. Kengash aʼzolarining javoblarida koʻrsatilgan xato va kamchiliklar toʻgʻirlanib, takroriy ariza yuborilganda hududiy boshqarma avval ijobiy javob yuborgan kengash aʼzosiga arizani qayta yubormasligi mumkin. Ushbu jarayon bilan ortiqcha ovoragarchilikning oldi olinadi, muddatlar qisqaradi va xizmatlar koʻrsatish sifati yaxshilanadi.

Endilikda uy-joy sotib olish boʻyicha kafolatli eskrou tizimi joriy qilinadi. Bunda developerlar oʻzlari qurayotgan uylar sotuvini tashkil qilish boʻyicha banklar bilan shartnoma tuzadi, bu uylarni olmoqchi boʻlgan odamlar pulini quruvchiga emas, toʻgʻridan-toʻgʻri bankka topshiradi. Banklar esa yigʻilgan pulni quruvchiga resurs sifatida beradi. Shunda banklar quruvchi va xaridor oʻrtasida koʻprik boʻlib, uy-joyni oʻz vaqtida va sifatli qurib, egasiga topshirishga kafil boʻladi. Yangi tizim Samarqand shahri, Yangihayot va Sergeli tumanlarida bir yil davomida tajribadan oʻtkazilishi belgilandi.

Albatta, amalga oshirilayotgan bu kabi islohotlar avvalo, odamlarning huquq va manfaatlarini himoya qilish hamda turmush farovonligini yanada yaxshilash kabi maqsadlarga qaratilgani bilan ahamiyatlidir.

🎚️ Brifingni onlayn tarzda ko‘rish uchun havola👇

➡️   https://www.facebook.com/share/v/oBAXeF7jh239Q4gS/?mibextid=oFDknk

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|

#BRIFING

📣 DIQQAT! DIQQAT!

📹  Ayni daqiqalarda AOKAda “Qurilish sohasida davlat nazoratini kuchaytirish boʻyicha olib borilayotgan ishlar” mavzusida brifing bo‘lib o‘tmoqda. Unda vazirlik axborot xizmati rahbari Saidnosir Usmonov ishtirok etmoqda.

🎚️ Brifingni onlayn tarzda ko‘rish uchun havola👇

➡️ https://www.facebook.com/share/v/iyPuLZJYjAGggyYo/?mibextid=oFDknk

Rasmiy sahifalarimizga a'zo bo'ling👇
|🌍Web| 📸Instagram|💬Facebook|✅Telegram| 📹Youtube|