وليد أستاذ الرياضيات الجبير
لمن تعب والدنيا أذته
المكان الوحيد اللي راحله هو غرفة أمه وتمدد خلف ضهرها بكل هدوء ..

يالله شكد واقعي وشكد أثر بيه هالموقف
وتذكرت بكل مرة ختلت خلف أمي كلما أذتني وقست علية الدنيا من جنت صغيرة ولحد هسه ..

عادي يمر عليك يوم
ماتنجز بيه كلشي ،
وماتكون سوبر هيرو كل يوم ،
عادي لو فشلت وضعفت ،
عادي لو تركت بهاليوم انك تستمر بأي شي جاي تسويه ،
عادي تاخذ ريست من كلشي ،
عادي مايكون عندك طاقة فـ تقرر تبقى بمكانك يوم كامل بدون ماتتحرك ودكوم وتواجهة نفس الصراعات ،
عادي تعيش يوم كل اللي انجزته بيه هوّ انك صبيتلك استكان جاي ،
ماكو داعي كل الأيام نبقى ضروري نصارع وننجز وضروري ننجح وضروري نكون أقوياء
كلشي عادي لمن يكون الموضوع متعلق براحتك وروحك ..

مَا يؤلمُني
أنَّ مَا أغضبَني حَتى الاحمِرار
وَجَدتهُ في اليَومِ التّالي بِلا مَعنَى .

- إهتَرأَ قَلبي، هَل من داعٍ فَ يَشمَلني في دَعواتِه ؟.

اللهم مريم وقلبها💙.

💙.

لو يقتنع الانسان انه ماكو واحد بينا حياته كامله وماكو واحد كلشي عنده ومتوفرله
جان هوايه عشنا براحه ورضينا بكلشي عدنا ،

ماحزينه على أي شي ناقصني لأن رب العالمين ماياخذ شي إلا وانطانه شي ينسينا حزنه عَ اللي فاقدينه ..

أي تصالحت مع كل أيام حياتي السيئة ،
تصالحت مع كل الخيبات وكل الكسرات والطيحات اللي تعرضتلها ،
تصالحت مع فكرة انو ممكن هواي أشياء نحبها ونتمناها من كل قلبنا بس عادي لو ما جانت من نصيبنا بس لأن الله ماكتبها النا وكتبلنا الأحسن منها ،
تصالحت مع فكرة مو ضروري كل الأشخاص اللي نحبهم يبادلونا نفس الشعور ،
متصالحة مع الشغلات السلبية قبل الأيجابية اللي متملكتني وإذا حاولت اصلحها فـ لنفسي مو علمود شخص آخر ..

وگلت يرهم عليه مفتاح♥️

-مظفر النواب

صباح الخير
ليوم لعله افضل من البارحه ،
ولعله بـ طاقة جديدة تخلينا نستحمل ونكمل كل اللي ماقدرنه نكمله بالامس ..

مايخيب اصرار نابع من شغف💙.

"الإنسان يشبه مايحب ، ومايتمنى" ..

جنت احسها خرافة ،
بس لمن جنت صغيرة جان اكو شخص هوّ قدوتي ،
اللي هوّ يعني أريد اصير مثلها لمن اكبر واوصل للمكان اللي وصلته من كثر ماجنت احبها واشوفها مثالية ،
كبرت وكبر حبي الها لدرجة انو صرت اشبهها حتى بالتصرفات والاطباع
اشبهها للحد اللي يخلي اهلها وكل اليعرفوها اول مايشوفوني يگولولي انتِ نسختها الصغيرة لو يعتبروني اختها حتى عدها شيبه بشعرها ذاك اليوم انتبهت انو عندي نفسها وبنفس المكان وانا فرحانه بهالشبه وفرحانه إذا كبرت وصرت مثلها بعد ،
أي الإنسان يشبه مايحب فـ احسنوا الاختيار ..

لحظة لمن تكونين داتتعاركين وتجي فجأة صديقتج تدّخل عالخط من غير تخطيط مسبق ،
تبقى لحظه حقيره بس تجنن ..

نور كضت عمرها وياي دگلي لاتتعاركين وتحاول تهديني
مجرد ما اتعارك اشوفها اول وحده براس العركه ترعد وياي ..

شايف اللي بيبني جواته حاگه من وهم !
زي الي بيبني من ورق ويبذل جهده فيه
وأي تفاصيله صُغيرة هَتهدم كُل اللي تبنى في لحظة وحده
والوقعه منها هَتكلفك كتير ..

راسي يوجعني ومصدع بطريقة أحس عشرين طفل يبجون وينوحون بداخله ..

اكو ناس حولينا هواي سامعينا ورايدين نحجيلهم ونفضفضلهم
مستعدين نشتكيلهم بكل مره أذتنا الدنيا ،
بس شعور انو نثقل على أحد أو انو مشاكلنا ماتتشارك مع شخص مستصعبه علينا هالموضوع ،
الغلط مننا أحنا اللي بطلنا نكدر نفتح قلبنا
أحنا اللي صرنا مانعرف شون نفضفض ونحجي كلشي بخاطرنا لأحد ..

اريد انام نومه تخليني اشحن طاقتي من جديد
انام نومه ماتنوصف ، أو مثل ماگال لوركا ؛
"أريدُ أنْ انامَ قليلًا
قليلًا
دقيقة ، أو قرن" ..