ريحة طبخ أمي اللي يوصلني حتى واني كاعده بابعد غرفة كل يوم بالبيت وصوتها بالمطبخ ،
اكثر شي دافي وحنون واتمناه يديملي طول عمري ..

__

رجعني لليوم اللي شوفتك فيه
وماتجيش جنبي ، بص علية وكمل طريقك وامشي بعيد عني ..

الأخت تكون حنونه والأم الثانية لأخوانها
تعاملي ويه أخوي:

أني داكبر بطريقة داحبها
داكبر وداترك كل التصرفات اللي جانت تزعجني وتسببلي مشاكل وكل الأطباع والأفكار المؤذيه اللي جانت بالفعل تأذيني ،
كلما كبرت كلما انفتح ووعى عقلي واتبعته ووضحت شغلات هوايه بعيوني ،
وتاركه مشاوير القلب وكل قراراته ..

💙.

إن سماءً كاملة توجّد
في داخلي
-بثينة العيسى.

ممكن مو أي واحد تحبه راح ترتاحله وتحس بالأمان اتجاهه ،
بس أي واحد ترتاحله ويحسسك بالأمان اكيد راح تحبه ..

اليوم وبكره وكل يوم ،
عيشوه لنفسكم ..

اسخف من الكسرة الخاطر اللي ينطونا هيَ
كلمة "أسف" اللي تجي بعدها ،
جم أسف بعد راح نتحمل؟
وأي أسف تصلح الكسره؟ ..

هلمره أگول :
تعبانين أحنا
ضمينا هالتعب
بس فضحتنا ملامحنا ..

كل صُبح بيطلع
هوِّ بداية لينا ،
ماتضيعوش الفرصة ..

وقفة صراحه واعتراف لنفسي ...
جنت أتذمر من كل أطباع أمي واگول مستحيل اكبر واصير مثلها وكلشي هي جانت تسويه أني راح اسويه عكسه
لحد ماكبرت وشفت نفسي داصير مثلها
بتوتري وخبصتي إذا تأخروا اخواني برا البيت ، بسوالفي والشغلات الي اجفص بيها ، بضحكتي ، برزالاتي ، بتهديداتي تصوّروا انُ من اريد اهدد شخص اگله "والله راح يجي يوم امشي واعوفك" ،
وتأكدت اكثر لمن اكتشفت نفسي صرت انطي للكل بدون ما اخذ أي شي حتى بعد ما مالگي تقدير هم انطي
هذا اكثر طبع جنت اعصب عليها بي واگللها محد يستحق والكل راح ينكر مساعدتج وكلشي تقدميه
ولگيت روحي نفس الشي جاي تسوي ،
مادري بس اعتذرلها هواي لأن عصبت عليها بسبب اشياء هسه أني لا ارادياً داسويها ..

يارب الأيام اللي يكون بها
قلبي راضي وروحي مستقرة ..

تنفجر بعدها براكين وشلال من الدموع اله اول واخره بس الله يعلم شوكت ينسد:)

على بالي بطلعه تنسيني روحي ،
على بالي اترك تلفوني وانسى كل الدنيا وكل الناس وارجع حره ماعندي أي اللتزامات لو أنجازات لازم مخلصتها واذكرها نهاية اليوم ،
اتمشى واللعب ونسمات الهوى تلعب بشعري وتردلي نفسيتي
وبيدي نفاخات اطيرهن واباوع للسما وأني خاليه من أي هَم وأي غصه وأي ندبة بروحي ،
على بالي اركض بهالليل بدون خطه وماببالي أي مكان غير انو اركض بين الشوارع واباوع للنجوم وضواهم يضرب بعيني ،
على بالي هوايه
وكلهن بسيطات بس تحقيقهم صعب ..

♥️.

من لاگيتني
وعيوني مدري شسألن عيونك
لگيتك مشتهي تحبني
گلت لگلبي هنيالك
بوكتها عيوني
مدري شراون عيونك
وضحكنلي ..
لگيتك مشتهي تلمني
گلت خل انچفي گبالك

-زيد الهاجري🖤 .

عجيب شون نحس مرات أنُ الدنيا كلها بكبرها وعظمتها ضاقت علينه وداتخنكنا! ..

الواحد صار حاذف كلمة زعل ومكبر دماغة مو لخاطر احد انما لخاطر نفسة.