🔰Davlatimiz rahbari tomonidan Tashabbusli budjet jarayonining 2022-yil 2-mavsumi doirasida fuqarolarni faol ishtirokini inobatga olgan holda g‘olib deb topilgan 1 418 ta loyihalarga qo‘shimcha, har biri 2 mingdan ortiq ovoz to‘plagan, lekin g‘olib deb topilmagan 364 ta loyihalarni amalga oshirish uchun respublika budjetidan 335 mlrd so‘m mablag‘ ajratish yuzasidan ko‘rsatma berildi.

Ma'lumot uchun – 2022-yil ikkinchi mavsum yakunlarining dastlabki natijalariga ko‘ra 1 418 ta loyiha g‘olib deb topilgan va ushbu loyihalarni amalga oshirish uchun tuman va shahar budjeti mablag‘lari hisobidan 1,0 trillion so‘m mablag‘ ajratilishi nazarda tutilgan.

Respublika budjetidan ajratilgan qo‘shimcha mablag‘lar doirasida fuqarolar tomonidan ilgari surilgan:
✔️110 ta umumta'lim maktablarini joriy ta'mirlash va jihozlash;
✔️113 ta mahallalarda ichki yo‘llarni ta'mirlash;
✔️16 ta maktabgacha ta'lim muassasalarini ta'mirlash va jihozlash;
✔️49 ta sog‘liqni saqlash tashkilotlarini ta'mirlash va jihozlash kabi loyihalar qo‘shimcha ravishda moliyalashtirilishi belgilandi.

✅Natijada, 2-mavsum uchun ajratilgan jami mablag‘lar miqdori 1,3 trln so‘mni tashkil etib, ushbu mavsum doirasida g‘olib deb topilgan loyihalar soni 1 782 tani tashkil etdi.

G‘olib deb topilgan loyihalarga berilgan ovozlar soni jami 5 630 mingtani yoki jami berilgan ovozlarning 72 foizini, g‘olib deb topilgan loyihalar joylashgan mahallalar soni 1 563 tani tashkil etdi.

#tashabbuslibudjet #ochiqbudjet #openbudjet #insonqadriuchun

🔰Viloyat budjetlari qo‘shimcha manbalarining 30 foizi ham endilikda tashabbusli budjet jarayoniga yo‘naltiriladi.

Joylarda fuqarolarni qiynab kelayotgan dolzarb muammolarni hal etilishi ko‘lamini kengaytirish maqsadida 2023-yildan boshlab Qoraqalpog‘iston Respublikasi respublika budjeti, viloyatlar va Toshkent shahar budjetining qo‘shimcha mablag‘larining 30 foizi ham fuqarolar fikri asosida shakllantirilgan loyihalarni moliyalashtirishga yo‘naltirilishi belgilanmoqda.

Eslatib o‘tamiz, amalda faqat tuman va shahar byudjetlari qo‘shimcha mablag‘larining kamida 30 foizi Tashabbusli byudjet jarayonlari uchun yo‘naltirilishi belgilangan.

✅Natijada, kelgusi yildan boshlab ushbu maqsadlar uchun tegishincha tuman va shaharlarga qo‘shimcha ravishda 1 trln so‘mdan ortiq mablag‘lar yo‘naltirilishi kutilmoqda.

#tashabbuslibudjet #ochiqbudjet #openbudjet #insonqadriuchun

Moliya vaziri Timur Ishmetov Twitter sahifasida Tashabbusli budjet dinamikasi bilan ulashdi.

➡️ twitter.com/itimur79

▫️Kelgusi yildan viloyat budjetlari qo‘shimcha mablag‘larining 30 foizi ham “Tashabbusli budjet” loyihalariga beriladi.

🇺🇿“Shunda adolat bo‘ladi, odamlar o‘zlari hissa qo‘shgan loyihalarni albatta asrab-avaylaydi”- Prezident Shavkat Mirziyoyev

#TashabbusliBudjet #OchiqBudjetuz #OpenBudjetuz

“Tashabbusli budjet”ga mablag‘ 3,5 barobarga ko‘paytiriladi

O'zbekiston 24 telekanali "Studiya 24" ko'rsatuvi uchun maxsus intervyu

Azimjon Hasanov - Moliya vazirligi bo'lim boshlig'i

#tashabbuslibudjet #ochiqbudjet #openbudjet #insonqadriuchun

“Tashabbusli budjet” super yangiliklarga start berildi

O'zbekiston 24 telekanali "Tahlilnoma" ko'rsatuvi uchun maxsus reportaj

Azimjon Hasanov - Moliya vazirligi bo'lim boshlig'i

#tashabbuslibudjet #ochiqbudjet #openbudjet #insonqadriuchun

2022-yil 2-mavsum “Tashabbusli budjet” jarayonlari natijalari yuzasidan videorolik

#tashabbuslibudjet #ochiqbudjet #openbudjet #insonqadriuchun

​🔰 “Ochiq budjet” axborot portalida fuqarolarning budjet jarayoniga jalb etilishi hamda tashabbusli budjetlashtirish tadbirlari amalga oshirilishi samaradorligi va natijadorligi bo‘yicha davlat hokimiyati organlari faoliyatini baholash yuzasidan ma'lumot

✅ Bunda quyidagi baholash mezonlari qo‘llanilishi nazarda tutilgan:
✔️Ishchi komissiya tomonidan saralash bosqichi haqqoniy va sifatli o‘tkazilishini baholash;
✔️Fuqarolarning budjet jarayoniga jalb etilishi darajasi;
✔️Fuqarolar tashabbusi jamg‘armasiga mablag‘lar o‘z vaqtida va to‘liq o‘tkazilishini baholashda;
✔️Jamoatchilik fikri asosida shakllangan tadbirlarni amalga oshirishning samaradorligi va natijadorligini baholash;
✔️Loyihalarni amalga oshirish bo‘yicha buyurtmachilar bilan tizimli ishlar tashkil etilganligi darajasi.

#tashabbuslibudjet #ochiqbudjet #openbudjet #insonqadriuchun

Hurmatli fuqarolar!

"Open budget" axborot portali orqali “Tashabbusli budjet” jarayonlarida ro‘yxatdan o‘tish va taklif kiritish yuzasidan quyidagi videoqo‘llanmani e’tiboringizga havola etamiz.

Eslatib o‘tamiz “Tashabbusli budjet” jarayonlari 2023 yil 1-mavsum uchun taklif kiritish 26-fevral kuniga qadar davom etadi.

O‘zingiz istiqomat qilayotgan hududingizdagi mavjud muammolarni bartaraf etish yuzasidan loyihani ilgari suring.

Tashabbusingiz orqali mamlakatimiz taraqqiyotiga o‘z hissangizni qo‘shing!
Eng ko‘p ovoz to‘plang va g‘olib bo‘ling!
Tashabbus ko‘rsating!

#tashabbuslibudjet #ochiqbudjet #openbudjet #insonqadriuchun