القصيدة "ابجي للعطشان "


واجب ابجي للعطشان
كل مجلس اذكرنه

⊱━━⊰✾ياصاحب الزمان✾⊱━━⊰

واجب اذكر آلامة
مصابة ولوعة ايتامة
ذبحو ولده كَدامة

بكَلبة ضلت الونه
كل مجلس اذكرنه

⊱━━⊰✾ياصاحب الزمان✾⊱━━⊰

بكَلبة تكتل الوعة
مبجي الدنية موضوعة
وحيد امكسرة اضلوعة

خيل اعداه سحكنه
كل مجلس اذكرنه

⊱━━⊰✾ياصاحب الزمان✾⊱━━⊰

خيل اعداه ماخلن
فوكَ امن الصدر رضن
زينب والحرم ونن

ميت من يشوفنه
كل مجلس اذكرنه

⊱━━⊰✾ياصاحب الزمان✾⊱━━⊰

ميت صاحن بحركَه
ليش الحافر يسحكَه
ضلمة والوكت خنكَه

غايب ياكمر عنه
كل مجلس اذكرنه

⊱━━⊰✾ياصاحب الزمان✾⊱━━⊰

غايب ياكفيل اخته
عذب روحي بالسكته
من بعده الهظم شفته

كَلبي ولا يفل حزنه
كل مجلس اذكرنه


#ملاحظة لا احلل حذف الاسم او التلاعب بكلمات القصيدة .

الشاعرة فاطمة هاشم الحسيني


https://t.me/mhdwehuc

القصيدة "انشدكم امضيعة"

جيت انشدكم امضيعة
وينه حسين دلوني

⊱━━⊰✾ياصاحب الزمان✾⊱━━⊰

انشد والكَلب متعوب
انه الضيعت محبوب
كَالولي الولد مصيوب

واصوابه العمه اعيوني
وينه حسين دلوني

⊱━━⊰✾ياصاحب الزمان✾⊱━━⊰

ادور ويه المضيعات
مكسورة ضلع واهات
وينه ابني يالحبيبات

بس لا بيه فجعوني
وينه حسين دلوني

⊱━━⊰✾ياصاحب الزمان✾⊱━━⊰

بس لا علترب طايح
ابني واسمع الصايح
يمه كَلبي هلرايح

بدمعه وونه واسوني
وينه حسين دلوني

⊱━━⊰✾ياصاحب الزمان✾⊱━━⊰

واسوني بعزيز الروح
صدره بالنبل مجروح
زينب تنظره وتنوح

انوحن يمه تلكوني
وينه حسين دلوني

⊱━━⊰✾ياصاحب الزمان✾⊱━━⊰

اكعد وابجي للمنحور
هد حيلي صبح عاشور
علغبره شبيه النور

ليش بذبحه ياذوني
وينه حسين دلوني


#ملاحظة لا احلل حذف الاسم او التلاعب بكلمات القصيدة .

الشاعرة فاطمة هاشم الحسيني


https://t.me/mhdwehuc

القصيدة "الامام الحسن عليه السلام

#المربعة


موحش هل مضيف وبابة مسدودة
مكَصد كل فقير وليه مشهودة


⊱━━⊰✾ياصاحب الزمان✾⊱━━⊰

مكَصد كل فقير الوعة بجبدة
مسموم الحسن لو راح شيردة
ابابة امال للأيتام تتبدة
ياوردة نبينة الخير بوجودة

⊱━━⊰✾ياصاحب الزمان✾⊱━━⊰

ياوردة نبينة الذبلة امن السم
سموك ابحقدهم وانتشر بالدم
مو بس الزجية وحيدر اتألم
هم جبد النبي واعليك ممرودة

⊱━━⊰✾ياصاحب الزمان✾⊱━━⊰

ممرود الجبد وبكَلبه الجمة
وايعاين لبو السجاد جي يمة
صاحالة يخوية واختنكَ بسمة
ونزلت دمعته ويلي عله خدودة

⊱━━⊰✾ياصاحب الزمان✾⊱━━⊰

نزلت دمعته والحسرة جراها
واتصور مصيبة كربله بآها
جن زينب غريبه ومحد اوياها
بحبال السبي للشام مكَيودة

⊱━━⊰✾ياصاحب الزمان✾⊱━━⊰

مكيودة بحبل واعداها ملتمه
لا عباس عدها ولا ابو اليمه
مسموم الحسن ويسولف بالجمه
سامعها المصيبه من علي عودة

⊱━━⊰✾ياصاحب الزمان✾⊱━━⊰


#ملاحظة لا احلل حذف الاسم او التلاعب بكلمات القصيدة .

الشاعرة فاطمة هاشم الحسيني


https://t.me/mhdwehuc

القصيدة "لسال حال السجاد للحسين عليهم السلام
"

ياابو الكَلب ماضل كَلب
بترابك اوياك اندفن
شلتك جرح يتبع جرح
انت الابو وانت الوطن


⊱━━⊰✾ياصاحب الزمان✾⊱━━⊰


ياجرح عافيته البجي يكبر شما اوننن هظم
اعلن حداده اجم غصن ماي العذب ذبحوظلم
نفسه الصبر مابي صبر ياحزن واصل للعظم

يابويه بحبال اليسر
جيتك يبعد الماغفن


⊱━━⊰✾ياصاحب الزمان✾⊱━━⊰


شلتك بديه امن الترب واطشرت لجمه وجرح
يانعمة الله شطشرك قران مو مالت ذبح
يا راحة اكلوب البشر يلجنك اذان الصبح

صدرك جرح بس بي عطر
طبق الاصل جنة عدن


⊱━━⊰✾ياصاحب الزمان✾⊱━━⊰


يلجنت تحضني بدفو خليتك بحضن الكبر
ماودي اكوم امن الترب بيدي ادفنت كشخةعمر
صارت عجاف ابلا هوه لحظاتي من دونك تمر

كد ماكلتلك ماتفز
اتراباتك لوضعي بجن

⊱━━⊰✾ياصاحب الزمان✾⊱━━⊰


أزمه بحلم ريت الحصل من عدهه افز بارد كَلب
بين العواطف والصبر ماتنتهي اخلافك حرب
اجمع صبر بس للاسف تطغى العواطف عليحب

المثلي فاكد هيج ابو
قصر تراه اشما حزن


⊱━━⊰✾ياصاحب الزمان✾⊱━━⊰


بويه الابو اليسكن كبر اكبر جرح يترك ولد
عوف الذبح عوف الخيم طمني اشوفنك بعد
كلبي اليهمك تسعده وعيونك اعليك انمرد

وي طولي جرحي بروحتك
كلهن عليه اتجمعن

⊱━━⊰✾ياصاحب الزمان✾⊱━━⊰


#ملاحظة لا احلل حذف الاسم او التلاعب بكلمات القصيدة .

الشاعرة فاطمة هاشم الحسيني

https://t.me/mhdwehuc

القصيدة " {أذن وين اصلي }
ياقوت الإمامة ج ١

اذن وين اصلي حسين حاجيني
ترس الطف زلم وعيون تاذيني


⊱━━⊰✾ياصاحب الزمان✾⊱━━⊰


اذن وين اصلي اخيام ماعندي
بطركَ الهم صفيت بحيرتي لوحدي
شلون اركع يخويه الحيل متبدي
مااكدر اضيع فرضي تدريني


⊱━━⊰✾ياصاحب الزمان✾⊱━━⊰


مااكدر اضيع سجده يلوالي
من حركو خيامي احتركت امالي
خولي والشمر هلوكفو اكبالي
مااكدر اصلي الصوط يوليني


⊱━━⊰✾ياصاحب الزمان✾⊱━━⊰


حي اعله الصلاة الصوت اسمعنه
من نحرك يخويه بلهجة الونه
اتوضه بدمعتي ! الموت اريدنه
اول تالي اصلي حسين بونيني

⊱━━⊰✾ياصاحب الزمان✾⊱━━⊰


اول تالي اصلي المغرب بعبره
تطلع من اكبر تخنك الحسره
اعز اعزاز كلبي المنسحك صدره
مو هين علي كطع شراييني


⊱━━⊰✾ياصاحب الزمان✾⊱━━⊰


مو هين علي تنداس بلحافر
ياقران ماعرفوك بلعاشر
عفيه اعله الكلب مجروح ويكابر
جرحك ياحبيبي الحيل ياذيني


#ملاحظة لا احلل حذف الاسم او التلاعب بكلمات القصيدة .

الشاعرة فاطمة هاشم الحسيني


https://t.me/mhdwehuc

القصيده "الحسين ع{شمعة اهل البيت}

مامرتاحه روحي من الخيم طلعيت
بلميدان ادور شمعة اهل البيت


⊱━━⊰✾ياصاحب الزمان✾⊱━━⊰

بلميدان ادور راحتي وروحي
ابن امي الحنين امطيب اجروحي
بوشيتي المصيبه اتنوح وي نوحي
كلشي اوياي يبجي امن الحزن حسيت

⊱━━⊰✾ياصاحب الزمان✾⊱━━⊰

كلشي وياي يبجي بحسره احسنه
اسحكَ علجروح وخوفي احبسنه
لا توكف يكَلبي ارجاك كَربنه
يمكن ليه وصلنه وريحته اشتميت

⊱━━⊰✾ياصاحب الزمان✾⊱━━⊰

اشتم ريحه طيبه تفزز الموته
تشبه ريحة امي الحيل مبخوته
مو بس عطره اسمع بلكَلب صوته
يرد الرؤح صوته للعدل والميت

⊱━━⊰✾ياصاحب الزمان✾⊱━━⊰

يرد الرؤح صوت حسين محلاته
تاخذني لعالم ثاني كلماته
هسه امن النحر ترس اذني وناته
وي ونه بحسرتي من كَلب ونيت

⊱━━⊰✾ياصاحب الزمان✾⊱━━⊰

وني امن الكَلب لحسين وبحسره
طابع من لكَيت الحافر بصدره
صحت بآه حضري يمه يازهره
كون اوياه اموتن هلمسه اتمنيت


الشاعرة فاطمة هاشم الحسيني

#ملاحظة لا احلل حذف الاسم او التلاعب بكلمات القصيدة .

https://t.me/mhdwehuc

القصيدة "السيد الصدر

ياجنه الجفن بيرغ عله متونه
حكَ وزمرة الباطل يهابونه

⊱━━⊰✾ياصاحب الزمان✾⊱━━⊰

معدل مايهاب الموت من طبعه
ما هاب العين وزمرته وربعه
هذا ابن الزجية الطاهرة البضعه

البعيونه// غيرة عباس

⊱━━⊰✾ياصاحب الزمان✾⊱━━⊰


غيرة من ابو فاضل على اعيونه
وحده والاعادي اشكد يهابونه
صله الجمعه ماكدرو يمنعونه

يهابونه// ياكوم اعداه

⊱━━⊰✾ياصاحب الزمان✾⊱━━⊰

رجفها الاعادي من رفع صوته
ناس التبعته ياناس مبخوته
كال الحك علن واستبشر بموته

الرادها //يستشهد هوه

⊱━━⊰✾ياصاحب الزمان✾⊱━━⊰


رادها الشهاده بزوده حصلها
من عنده الاعادي الخوف كاتلها
الشينه مستحيل شلون يقبلها

يسكتونه //خافو وشلون

⊱━━⊰✾ياصاحب الزمان✾⊱━━⊰

كتلوه بغدر جي خافو يذلهم
جان اكبر خطر مايندرك الهم
من عنده الرهكَ والخوف كاتلهم


مايدرونه// لو مات يضل


الشاعرة فاطمة هاشم الحسيني

#ملاحظة لا احلل حذف الاسم او التلاعب بكلمات القصيدة .

https://t.me/mhdwehuc

القصيده "قدوة المرأة

قدوة المرأة العفيفة بكل زمن
لكل مجالات الحياة ام الحسن


⊱━━⊰✾ياصاحب الزمان✾⊱━━⊰


قدوه بالأخلاق والصبر الجميل
شما اگولن ياخلك كلش قليل
هاي زهرة بيت حماي الدخيل
بعشك تتلگاه اتنسيه المحن


⊱━━⊰✾ياصاحب الزمان✾⊱━━⊰


تعامل الكرار بالحب والحنان
احترام وعاطفه تعم المكان
البيت بالزهراء جنه من الجنان
شكد بسيط وصار جن جنة عدن


⊱━━⊰✾ياصاحب الزمان✾⊱━━⊰


اي بسيط اهواي ومبين فقير
مبني طين البيت وافراشه الحصير
والغموس البيه خبزات الشعير
ماشكت فد يوم ماگالت كضن


⊱━━⊰✾ياصاحب الزمان✾⊱━━⊰

الله بارك بيه مايگضي الطعام
مشبع اهل البيت ومكفي الايتام
خابزه الخبزات بت خير الانام
خلت امن الروح وياهن اضن


⊱━━⊰✾ياصاحب الزمان✾⊱━━⊰


هيه اميره وبيدهه اسوي الطحين
بالرحه ونيشان خلت بالأدين
صدك هنياله امير المؤمنين
فاطمه ام البيت والحب والوطن


الشاعرة فاطمة هاشم الحسيني

#ملاحظة لا احلل حذف الاسم او التلاعب بكلمات القصيدة .

https://t.me/mhdwehuc

القصيدة "ريحة امي

ريحة امي البي محنه شلونه
خايفه يخرب التراب اعيونه


⊱━━⊰✾ياصاحب الزمان✾⊱━━⊰


ريحة امي البي محنه الغالي
نايم بحضن الكبر شل حالي
صورته اتهدم الحيل اكبالي
روحي بتراب الكبر مدفونه


⊱━━⊰✾ياصاحب الزمان✾⊱━━⊰


شلونه اخوي وبلتراب شحاله
هم الي يشتاك يادلاله
قاسي كبره اوياي حيل شماله
ارد اشوفه من الفكد محزونه

⊱━━⊰✾ياصاحب الزمان✾⊱━━⊰

ارد اشوفه الماكو عني اخباره
عيني تشوف الصور تجاره
للفكد ماكو علاج وجاره
كلبي فاكد نبضه لتلومونه


⊱━━⊰✾ياصاحب الزمان✾⊱━━⊰


كلبي فاكدله اخو شمحلاته
كله غيره وماكطع خياته
من يضوجن بس يهل دمعاته
ماكو مثله وميه ميلحكونه


⊱━━⊰✾ياصاحب الزمان✾⊱━━⊰


ماكو مثله بلمحنه اهوايه
ماتوصفه والحسين حجايه
صافي كلبه هواي جنه مرايه
شويه بلدنيا تره يشبهونه


الشاعرة فاطمة هاشم الحسيني

#ملاحظة لا احلل حذف الاسم او التلاعب بكلمات القصيدة .

https://t.me/mhdwehuc

#الجديد

القصيدة 'انه بس حسين اعرفة
#الشاعرة_فاطمة_هاشم_الحسيني

انه بس حسين اعرفه ابد مااعرف احد
لليضدني مااعاتب هوه والزهرة بعد


⊱━━⊰✾ياصاحب الزمان✾⊱━━⊰



كلشي بالدنية مصالح حتى بالخدمة وسف
كَلب ابو السجاد منه انصاب جم مره ونزف
واحد يحارب الثاني شنهو ماادري الهدف ؟

غابة بس اوحوش بيها الغوث يالمهدي المدد


⊱━━⊰✾ياصاحب الزمان✾⊱━━⊰


بالقضية يفيد نفسه يرائي ويسوي العجب
يمجد النفسه وعبالك هوه لا غيره الكتب
ويزرع العثرات بيده بدرب كل واحد تعب

هل فعل يرضي آل امية حسين دلالة انمرد


⊱━━⊰✾ياصاحب الزمان✾⊱━━⊰


ياهو التلزمة حُسيني وخايف الله بهل درب!!!!!!
زين ياهو ؟ منين اجانه؟ السوه كل هاي الحرب
منه بينه الباع ذمته الهل سبب حاشة الغرب

حسين لسه اشوية ربعه لا يغرك هل عدد


⊱━━⊰✾ياصاحب الزمان✾⊱━━⊰


كون نرهم ماي الهم كلنه ونفشل العطش
امن ايد اخوهم يوم عاشر مو عدو بليل اهدعش
اكو يخدم خافي نفسه واسمه يم جون انقش

واكو يخدم صيته واصل همه ما شافو ابد


⊱━━⊰✾ياصاحب الزمان✾⊱━━⊰


انت تخدم ؟ صفي نيتك ليش تاذيها الخدم
زين ضامن روحك افضل؟ لو مجرد بس وهم
نفسك ابدمه اخدمتها وصوبت كَلبه بسهم

عيش هاي الساعة وافرح نلتقي اكَبال الصمد
عيش هاي الساعة وافرح نلتقي اكَبال الصمد



#ملاحظة "لا احلل حذف الاسم او التلاعب بالقصيدة .

الشاعرة فاطمة هاشم الحسيني

الاربعاء '١٧/٤/٢٠٢٤


https://t.me/mhdwehuc

القصيده "الحسين ع{شمعة اهل البيت}

مامرتاحه روحي من الخيم طلعيت
بلميدان ادور شمعة اهل البيت


⊱━━⊰✾ياصاحب الزمان✾⊱━━⊰

بلميدان ادور راحتي وروحي
ابن امي الحنين امطيب اجروحي
بوشيتي المصيبه اتنوح وي نوحي
كلشي اوياي يبجي امن الحزن حسيت

⊱━━⊰✾ياصاحب الزمان✾⊱━━⊰

كلشي وياي يبجي بحسره احسنه
اسحكَ علجروح وخوفي احبسنه
لا توكف يكَلبي ارجاك كَربنه
يمكن ليه وصلنه وريحته اشتميت

⊱━━⊰✾ياصاحب الزمان✾⊱━━⊰

اشتم ريحه طيبه تفزز الموته
تشبه ريحة امي الحيل مبخوته
مو بس عطره اسمع بلكَلب صوته
يرد الرؤح صوته للعدل والميت

⊱━━⊰✾ياصاحب الزمان✾⊱━━⊰

يرد الرؤح صوت حسين محلاته
تاخذني لعالم ثاني كلماته
هسه امن النحر ترس اذني وناته
وي ونه بحسرتي من كَلب ونيت

⊱━━⊰✾ياصاحب الزمان✾⊱━━⊰

وني امن الكَلب لحسين وبحسره
طابع من لكَيت الحافر بصدره
صحت بآه حضري يمه يازهره
كون اوياه اموتن هلمسه اتمنيت


الشاعرة فاطمة هاشم الحسيني

#ملاحظة لا احلل حذف الاسم او التلاعب بكلمات القصيدة .

https://t.me/mhdwehuc

القصيدة " وينك (الامام المهدي عجل الله فرجة)

شور ......


وينك يامهدي عجل طال الغياب
وينك كَلب اليريدك سيدي ذاب
وينك دم اليحبك دمعه سجاب
وينك يبن الزجيه وعطر الاحباب


دم الدمع سيدي انريدك سيدي نريدك
ساء الوضع عدله بيدك عدله بيدك


يامهدي يامهدي مدد



⊱━━⊰✾ياصاحب الزمان✾⊱━━⊰



لجلك نقره دعاء الندبه كل يوم
لجلك نصبر يغالي ونحمل اهموم
لجلك واحدنه يضحك كَلبه ملجوم
لجلك ندري بدليلك حيل مالوم


ها يالسمح كَلبك اعلينه كَلبك علينه
بكَلبك جرح والسبب بينه والسبب بينه

يامهدي يامهدي مدد


⊱━━⊰✾ياصاحب الزمان✾⊱━━⊰



ارجع كلمة الغايب تهظم الروح
ارجع انته الدوه الكل كَلب مجروح
ارجع حكه اليحبك سيدي ينوح
ارجع جم حلم عدنه الطاح مذبوح


تدري الحلم كاتله اغيابك كاتله اغيابك
حسرة يتم نوكف ابابك نوكف ابابك


يامهدي يامهدي مدد


⊱━━⊰✾ياصاحب الزمان✾⊱━━⊰


انته اخر امل ماضلت امال
انته عطر الزجيه وطه والآل
انته كلمة الحكَ الدوم تنكَال
انته بعدك يغالي الحيل جتال


بُعدك كلف حيل اذانه حيل اذانه
جاري النزف لسه مولانه لسه مولانه

يامهدي يامهدي مدد


⊱━━⊰✾ياصاحب الزمان✾⊱━━⊰


بسمك كل ما نردد ننسى الاوجاع
بسمك تمشي السفينه ابدون الاشراع
بسمك تسبح سماها وتندب الكَاع
بسمك لسه ينادي ثار الاسباع


ثار الاهل بيدك اتجيبه بيدك اتجيبه
انته الامل النه والهيبه النه والهيبه

يامهدي يامهدي مدد


الشاعرة فاطمة هاشم الحسيني

#ملاحظة لا احلل حذف الاسم او التلاعب بكلمات القصيدة .

https://t.me/mhdwehuc