القصيدة 'خلصت سنة وماجيت مولاي
#الشاعرة_فاطمة_هاشم_الحسيني

هم خلصت سنة وماجيت مولاي
ياهيبة علي ويالشوفتك ماي

⊱━━⊰✾ياصاحب الزمان✾⊱━━⊰

هم خلصت سنة ونتنطر تعود
لا يخلص صبرنا الباقي محدود
ياريت ونعرفك وين موجود

بدونك سكتة جاي نموت بهداي

هم خلصت سنة وماجيت مولاي

⊱━━⊰✾ياصاحب الزمان✾⊱━━⊰


وي ذكر الحُسين انذكرك اجروح
شلون اينام ليله العنده مذبوح
اكيد مرافگ الحسرات والنوح

عمت عيني عليك اجروحك اهواي

هم خلصت سنة ومااجيت مولاي


⊱━━⊰✾ياصاحب الزمان✾⊱━━⊰


نفكر بيك كل ما يلفي الغروب
من عدنا وصفيت اهواي متعوب
صابك چم سهم من چف الذنوب
احنة الضيعينة اخلافك الراي

هم خلصت سنة وماجيت مولاي


⊱━━⊰✾ياصاحب الزمان✾⊱━━⊰


يبو گلب السمح سامحنة لله
مو قصداً دليلك من لجمناه
اخذنة الموج والساحل نسيناه
كل هذا ونگول شلون ماجاي

هم خلصت سنة وماجيت مولاي


⊱━━⊰✾ياصاحب الزمان✾⊱━━⊰


عهد من عدنة راح نصون ذكراك
ونحسب من صدگ ليام ملگاك
ياكبرى البخت ونصير وياك

بخيت العنة انتَ اتكول وياي

هم خلصت سنة ومااجيت مولاي

https://t.me/mhdwehuc

القصيدة 📜فدوه ريض ياعلي
#الشاعرة_فاطمة_هاشم_الحسيني


عاين الحال اليتامة فدوه ريض ياعلي

⊱━━⊰✾ياصاحب الزمان✾⊱━━⊰

اليوم كل هاي اليتامة اعليك تلطم بالتراب
ماتصدكَ يبو زينب نورك بهل ليلة غاب
طشو ادموع اعله بابك من كبر حجم المصاب
انت ياحيدر ابوهم والأمل بالطبرة خاب


ضلو بحسرة ولي فدوه ريض ياعلي


⊱━━⊰✾ياصاحب الزمان✾⊱━━⊰

اشلون يتعوض مكانك يا أمير المؤمنين
وين نلكَه مثلك احنه ياعلي كللنه وين
اعليك شاب الرمش بويه والدمع ماخله عين
ثكَل عمري اخلاف عينك راح اخلصنه حزين

صرخة بالهم تعتلي فدوه ريض ياعلي

⊱━━⊰✾ياصاحب الزمان✾⊱━━⊰

يهون كلشي وسهل عندي ولا تفاركَلك حبيب
الموت اهون جان اليه ولا اشوفنك خضيب
وراسك الما طاب جرحه ايس وراح الطبيب
الفركَه صعبه وانه ادري كَلبي مو راسي اليشيب

بدنيتي غيرك شلي فدوه ريض ياعلي


⊱━━⊰✾ياصاحب الزمان✾⊱━━⊰

دنية غربه وما اليه غير ضلك والحنان
اخلاف عينك مااعيشن يعني ميت من زمان
كلشي راح اوياك بويه اشلون احسن بالآمان
ردت عطرك كون اشمه وين هسه بيا مكان

بفركَتك آنه ابتلي فدوه ريض ياعلي


⊱━━⊰✾ياصاحب الزمان✾⊱━━⊰

حمل ياراعي الشدايد لو درت وجهك يميل
يمك انسولف املنه ودمك ايسولف رحيل
فكَدك انته الما نقبله ولا نحمله مستحيل
انته حاكم خير وجهك مالكَو لسمك بديل

وين يا لحد هلي فدوه ريض ياعلي


⊱━━⊰✾ياصاحب الزمان✾⊱━━⊰


https://t.me/mhdwehuc

ميلاد الامام الحسن ع ❤️❤️👏👏👏


#الشاعرة_فاطمة_هاشم_الحسيني

👏👏👏👏👏👏

بميلاد الحسن👏 فرحانه اهالينه
بلهفه للنبي 👏 نرسل تهانينه

.....
بميلاد الحسن محلاهه فرحتنه
بيضه كلوبنه وعكستهه بسمتنه
كريم ال الرساله مضوي دنيتنه

{مضويهه بقدومه الدنيه 👏👏👏👏👏}

👏👏👏👏👏👏👏
من بيت النبوه طلعت ابشاره
سيد والملائك حاطت بداره
سماه الرسول وشاعت انواره

{يربونه حيدر والزهره 👏👏👏👏}

👏👏👏👏👏

طشوهه الخبر هلفرحه شيعيه
نورنه الحسن والحاجه مكظيه
يكرم بلذهب من غير منيه

{شمحلاهه فرحتنه مبينه 👏👏👏👏}

👏👏👏👏

الفرحه والهلاهل طلعن بلهفه
يستاهل امام الرحمه والرأفه
حلال المشاكل دوم مو صدفه

{يكصدونه ميقصر دوم 👏👏👏👏}

👏👏👏👏

يكصدونه كريم ولا يلحكه انسان
ميخلي اليندبه ينام ابد حيران
ابن حيدر تراه ويشبه العدنان

{خلقه واخلاق يوصوفونه 👏👏👏👏}

.
.❤️❤️❤️❤️
متباركين ان شاءالله
امانه لا تنسوني وعائلتي من الدعاء هذه اليله العظيمه ❤️❤️🌷🌷🌷

https://t.me/mhdwehuc

القصيدة "ياابو فاضل
#الشاعرة_فاطمة_هاشم_الحسيني
'
ياابو فاضل حاجتي يمك كَلتها
يابو فاضل صعبه ومن ايدك ردتها
ياابوفاضل فزعتك هسه وكتها

⊱━━⊰✾ياصاحب الزمان✾⊱━━⊰

ادري مولاي اسمعتني من نخيتك
تخنكَ بروحي همومي واعتنيتك
بشدتي عافوني والحكَ حشميتك
احسبني مهظوم واجالك وسط بيتك

مااضنك تترك الينخاك حاير
مااضنك الندب تكسرله خاطر
مااضنك روحي يمك طمنتها

ياابو فاضل .......

⊱━━⊰✾ياصاحب الزمان✾⊱━━⊰


بداعت حسين وخيامة والفجيعة
ولهفته اعليك ودموعة اعله الشريعة
الحكَ تره ضاكَت علي انه الوسيعة
راح اموتن حيرتي صعبة وفضيعة


اشكي همي المن احتاريت حيرة
اشكي همي بس الك ياابو الغيرة
اشكي همي ودمعتي تنزل عفتها

ياابو فاضل .......

⊱━━⊰✾ياصاحب الزمان✾⊱━━⊰


كَلبي ذبها اعليك مااضنك تعوفه
جرحة ينزف بيدك اتمنه تروفه
كَلبي ناحل وانه اريدك بس تشوفه
خله يمك بلكت اتئمنلة خوفه

كَلبي خايف من غدر دنياي تدري
كَلبي خايف لا يخلص هظم عمري
كَلبي خايف رايتك بيدي اعكَدتها

ياابو فاضل .......


⊱━━⊰✾ياصاحب الزمان✾⊱━━⊰


ابمحرم طالبة امرادي بمصابك
ناذرة اوزع شمع ضاوي بثوابك
اهنا يالمضوي حياتي انطر جوابك
حاشة متخيبة اليدكَ بالشدة بابك


ابمصابك هانت اعليه المصايب
ابمصابك ابجي والدلال ذايب
ابمصابك الزهرة بسمك حلفتها

ياابو فاضل .......

⊱━━⊰✾ياصاحب الزمان✾⊱━━⊰

رايدة منك لحالي اليلة نظرة
كَلبي المهموم حيرة اشلون اصبرة
يمك اشكيها حسرتي وانته ادرة
داخله اعليك وعله المكسور ظهره

ابعضيدك اقسم اعليك وغربته
ابعضيدك وحسرته ليك ودمعته
ابعضيدك سنينك الويا عشتها

ياابو فاضل .......


https://t.me/mhdwehuc

#الجديد

القصيدة 'انه بس حسين اعرفة
#الشاعرة_فاطمة_هاشم_الحسيني

انه بس حسين اعرفه ابد مااعرف احد
لليضدني مااعاتب هوه والزهرة بعد


⊱━━⊰✾ياصاحب الزمان✾⊱━━⊰



كلشي بالدنية مصالح حتى بالخدمة وسف
كَلب ابو السجاد منه انصاب جم مره ونزف
واحد يحارب الثاني شنهو ماادري الهدف ؟

غابة بس اوحوش بيها الغوث يالمهدي المدد


⊱━━⊰✾ياصاحب الزمان✾⊱━━⊰


بالقضية يفيد نفسه يرائي ويسوي العجب
يمجد النفسه وعبالك هوه لا غيره الكتب
ويزرع العثرات بيده بدرب كل واحد تعب

هل فعل يرضي آل امية حسين دلالة انمرد


⊱━━⊰✾ياصاحب الزمان✾⊱━━⊰


ياهو التلزمة حُسيني وخايف الله بهل درب!!!!!!
زين ياهو ؟ منين اجانه؟ السوه كل هاي الحرب
منه بينه الباع ذمته الهل سبب حاشة الغرب

حسين لسه اشوية ربعه لا يغرك هل عدد


⊱━━⊰✾ياصاحب الزمان✾⊱━━⊰


كون نرهم ماي الهم كلنه ونفشل العطش
امن ايد اخوهم يوم عاشر مو عدو بليل اهدعش
اكو يخدم خافي نفسه واسمه يم جون انقش

واكو يخدم صيته واصل همه ما شافو ابد


⊱━━⊰✾ياصاحب الزمان✾⊱━━⊰


انت تخدم ؟ صفي نيتك ليش تاذيها الخدم
زين ضامن روحك افضل؟ لو مجرد بس وهم
نفسك ابدمه اخدمتها وصوبت كَلبه بسهم

عيش هاي الساعة وافرح نلتقي اكَبال الصمد
عيش هاي الساعة وافرح نلتقي اكَبال الصمد



#ملاحظة "لا احلل حذف الاسم او التلاعب بالقصيدة .

الشاعرة فاطمة هاشم الحسيني

الاربعاء '١٧/٤/٢٠٢٤


https://t.me/mhdwehuc