🔰ئەنجومەنی فەرهەنگی_ئەدەبیی مەریوان،
بە هاوکاریی ئیدارەی فەرهەنگ و ئیرشادی مەریوان بەڕێوە دەبات:

«تا زرێبـار و دێـڕێک»

یەکەمین کـۆڕەشێعـری ساڵانـــــەی
کـــــــــوردی
(سۆرانی، هەورامی، کرمانجی، کەڵهوڕی، فەیلی، لەکی، لوڕی)

🔹ڕێکەوت: پێنجشەمە
۱۴۰۱/۰۴/۳۰

🔹کاتی دەسپێکردن: ۴ی پاشنیوەڕۆ

🔹شوێن: ئیدارەی فەرهەنگ و ئیرشادی مەریوان
هۆڵی مامۆستا قانـع


🆔 @meriwan_edebi

‍ ✳️ لە کۆتایی‌یەکانی مانگی پووشپەڕدا، شاری مەریوان میوانداری‌دەکات لە شاعیرانی ڕۆژهەڵاتی کوردستان.

✳️ کومیتەی شێعری ئەنجومەنی فەرهەنگی-ئەدەبیی مەریوان، بە هاوکاریی ئیدارەی ئیرشادی ئەو شارە، یەکەمین کۆڕەشێعریی ساڵانەی خۆی لە ژێر ناوی "تا زرێبار و دێڕێک" بەڕێوەدەبات.

✳️ لە کۆی ۳٨ شار و شارۆچکەی ڕۆژهەڵاتی کوردستان و کوردەکانی ناوچەکانی تری وڵاتی ئێران، کە بەرهەمیان ناردووە، مەریوان بە بەشداری‌کردنی ٤۹ کەس، زۆرترین ڕێژەی بەشداربووانی هەیە و شارەکانی تری وەک سنە ۱٨ و بۆکان ۱۳ کەس، لە پلەکانی دواییدا دێن کە بە پێی بڕیاری لیژنەی هەڵسەنگاندنی ئەو کۆڕە ٤۱شاعیر بەرهەمەکانیان بۆ پێشکەش‌کردن لەو کۆڕەدا هەڵبژێردراوە.

✳️ ئەم کۆڕە شێعرییە کە سەرجەم شێوەزارەکانی زمانی کوردیی ڕۆژهەڵاتی کوردستان لەخۆدەگرێت، ڕۆژی پێنج‌شەممە ۳۰ پووشپەڕ لە هۆڵی مامۆستا قانع بەڕێوەدەچێت و بڕیارە لە ٨ پەنێلدا لە کاتی دوانیوەڕۆ و شەودا پێشکەش‌بکرێت.

✳️ ئەنجومەنی فەرهەنگی-ئەدەبیی مەریوان ماوەی ۳۱ ساڵە لە بواری کولتووری و ئەدەبیدا کار دەکات و پێشتر چەندین کۆڕ و کۆبوونەوەی لەوشارەدا بەڕێوەبردووە و بڕیارە کۆڕەشێعری تا زرێبار و دێڕێک، بە شێوەی ساڵانە بەڕێوەبچێت و ئەمساڵ یەکەمین کۆڕ ڕۆژی پێنج‌شەممە ڕێکەوتی ۳۰ پووشپەڕ بەڕێوەدەچێت.

❇️ لیژنەی ڕاگەیاندنی کۆڕەشێعری تا زرێبار و دێڕێک
۲۸ی پووشپەڕی ۲۷۲۲


🆔 @meriwan_edebi

🔰‍ "تا زرێبــار و دێڕێــک" ناونیشانی کۆڕەشێعرێکە کە بڕیارە ڕۆژی پێنج‌شەممە، ۳۰پووشپەڕ، لە مەریوان بەڕێوەبچێت.

🔶کومیتەی شێعری ئەنجومەنی فەرهەنگی-ئەدەبیی مەریوان، بە هاوکاریی ئیدارەی ئیرشاد، دەستی داوەتە ئەو کارە و لە درێژەی مانگێک لەمەوپێشدا، داوای لە شاعیرانی ڕۆژهەڵاتی کوردستان کردووە بەرهەمەکانیان بنێرن بۆ لیژنەی هەڵبژاردنی کومیتەی شێعر. ئەو بانگەوازە لە لایەن شاعیرانەوە بە گەرمی پێشوازیی لێ‌کراوە و ۱۹۰ کەس بەرهەمیان بۆ لیژنەی ناوبراو ناردووە و ۴۱ کەس پاڵێوراون و بەرهەمەکانیان لە ڕۆژی دیاری‌کراودا دەخوێننەوە.

☑️کۆڕی تا زرێبار و دێڕێک، لە هەشت پەنێلی جیاوازدا لە کاتژمێر چواری پاشنیوەڕۆوە پێشکەشی هۆگرانی وشەی کوردی دەکرێت کە پێنج پەنێل لە ڕۆژدا و سێ پەنێل شەو بەڕێوەدەچێت.

🔺شایانی باسە کە ئەم کۆڕەشێعرییه زۆربەی زاراوە کوردییەکان لەخۆدەگرێت و بڕیارە دەنگی شێعر، لە خۆراسانی باکوورەوە تا ئیلامی دێرین لە "هۆڵی مامۆستا قانع"دا بگاتە بەردەنگەکانی.

تا زرێبار و دێڕێک، ئەمساڵ بۆ یەکەمین جار بەڕێوەدەچێت و بڕیارە لە ساڵانی داهاتوودا ئەم نەریتە درێژەی ببێ.

🔹لیژنەی ڕاگەیاندنی یەکەمین کۆڕەشێعری ساڵانەی کـــوردی "تا زرێبـــار و دێڕێــک"
۱٤۰۱/٤/۲۹

🆔 @meriwan_edebi

چرکە چرکە ئەچینە پێشوازیی هەناسەکانی
"تا زرێبار و دێڕێک"
(هەر ئیستە)

ئەنجومەنی فەرهەنگی_ ئەدەبیی مەریوان

🆔 @meriwan_edebi

‍ 🔰ڕاگەیەندراوی ئەنجومەنی فەرهەنگی‌ـ‌ئەدەبیی مەریوان

🔹شاعیران، نووسەران، هۆگرانی وێژە و سەرجەم ئێوە کە لە ئاست کولتووری گەلەکەماندا بەمشوورن! شانازی دەکەین و بەختەوەرین کە پێنووس لێرە کۆی کردووینەتەوە؛ وێڕای بەخێرهاتن، پیرۆزباییتان لێ دەکەین.

🔹 زێدەڕۆیی نییە کە بڵێین، پاشخانی کولتووری و هەگبەی خاوەن پێنووسانی هەستیارمان پێمان دەڵێ کە شێعر بە لای هەر گەلێکەوە هەر واتایەکی هەبێ، بەلای ئێمەی کوردەوە لە سەرووی ئەو واتایەوە وەستاوە. ئەگەر گەلانی دنیا لە ڕەوتی مێژوودا بە هێزی بارەگا و ڕازاندنەوەی دیوەخان و فیتی ئایین و پیتی قۆشەنەوە پێیان ناوەتە ئەمڕۆوە، لە لای ئێمە ئەرکی هەرە زۆری بەرپرسایەتی لە ئاست مان و زمانمان بە سەر شانی شێعرەوە بووە. بارەگای هیچ دەسەڵاتدارێک پتەوتر نییە لە شوورەی مەم‌وزین و شانامەمان؛ هیچ دیوەخانێک ڕازاوەتر نییە لە دیوانی نالی و مەولەویی تاوەگۆزی‌مان؛ هیچ ئایینێک بێ‌خەوش‌تر نییە لە ڕێبازی مەحوی و مەلای جزیری‌مان؛ هیچ لەشکرێک خۆڕاگرتر نییە لە دێڕەکانی خانای قوبادی و فەقێ تەیران‌مان.

🔹ئامادەبوانی بەڕێز! لە لایەن لێژنەی بەڕێوەبەرایەتیی کومیتەی شێعری ئەنجومەنی فەرهەنگیی‌ـ‌ئەدەبیی مەریوانەوە، کۆڕێکی ساڵانەی شێعری کوردی لە ڕۆژهەڵات بە پێویست زانرا و بە خۆشییەوە لە لایەن دەستەی بەڕێوەبەری ئەنجومەنی فەرهەنگی‌ـ‌ئەدەبی مەریوانەوە پەسند کرا. ئیدارەی فەرهەنگ و ئیرشادی مەریوان پێشوازی لێ کرد و بڕیار درا بە شێوەی ساڵانە بەڕێوە بچێ.
🔹 بە دوای داواکاری لە شاعیران بۆ ناردنی بەرهەمەکانیان، لە هەموو ناوچەکانی ڕۆژهەڵاتی کوردستانەوە خاوەن‌پێنووسان بە پیر بانگەوازەکەمانەوە هاتن و بەرهەمیان نارد. بە چەشنێک کە لە لایەن زیاتر لە سەدونەوەد بەردەنگەوە پتر لە نۆسەد لاپەڕە نوسراوەمان بە دەست گەیشت. بێ گومان هیچ کەس بەڕادەی لێژنەی کومیتەی شێعر حەزی نەکردووە کە ئەمڕۆ لە خزمەت سەرجەم ئەو بەڕێزانەدا بێ وا بە دەم بانگێشتنەکەوە هاتوون و بە ناردنی بەرهەم ئێمەیان بەسەر کردۆتەوە. بەڵام ئێمەی ئاوات بەربڵاو، هەژەتەکانمان سنووردارە و لەم ئامادەکارییەی کە ئێستە کراوە، بواری زیاترمان بۆ نەدەڕەخسا. بۆ ئەوەی دەبوایە بە قەدرایی بەڕەی خۆمان پێ داکێشین، بە پێچەوانەی حەزی خۆمان لێژنەی کومیتەی شێعر ناچار بووە بە پێوەرەوە بەربژێر بکا و گلەیی ئەو بەڕێزانەی بەرهەمیان بۆ پێشکەش‌ کردن هەڵنەبژێردراوە، بخەینە سەر چاومان.

🔹 لە کۆتاییدا سپاسی سەرجەم ئەو بەڕێزانە دەکەین کە ئەم کۆڕەیان بە هی خۆیان زانیوە و هەنگاویان بۆ هەڵگرتووە و بەسەریان کردووینەوە. سپاسی تایبەت بۆ لێژنەی هەڵبژاردنی کومیتەی شێعری ئەنجوومەنی فەرهەنگی‌ـ‌ئەدەبیی مەریوان، بەڕێزان: نەرگس حسێنی، ئەیووب حەق‌بین، محەممەد سەدیق کەریمی، شەریف مرادی، ئەیووب مەحموودزادە، عەزیز ناسری و عەتا وەلەدی.
مەریوان

💠30ی پووشپەڕی 1401ی هەتاوی

🆔@meriwan_edebi

کۆڕەشێعری ساڵانەی کــــوردی

"تا زرێبار و دێرێک"

🆔@meriwan_edebi

کۆڕەشێعری ساڵانەی کــــوردی
"تا زرێبار و دێرێک"

بەردەوامە....

🆔@meriwan_edebi

‍ 🔰ڕاپۆرتی بەڕێوەچوونی کۆڕەشێعری ساڵانەی "تا زرێبار و دێڕێک" لە مەریوان.

🔹ڕۆژی پێنج‌شەممە ۳۰پووشپەڕی ۲۷۲۲ مەریوان بوو بە ژوانگەی پێنووسە ئەویندارەکانی کوردستان و لە دوانیوەڕۆوە تا نیوەشەو، هۆڵی مامۆستا قانعی ئەو شارە لە دەنگدانەوەی شێعردا خەنی‌بوو و چاوەکانی بە هاڵاوی ئەوینەوە لێک‌نا.

🔹کاتژمێر چواری پاشنیوەڕۆ وردەوردە هەنگاوە شێعردۆستەکان، ڕێگەی مەکۆی ئەنجومەنی فەرهەنگی-ئەدەبیی مەریوانیان گرتەبەر و چاویان بڕییە دەنگی زاراوەکوردییەکانی ڕۆژهەڵاتی هەناسەی خۆیان.
هەر لە یەکەم ڕوانیندا هۆڵەکە بە بچووکی خۆیدا دەچووەوە و خۆشەویستیی مەریوانییەکان بۆ شێعر تا دەهات تەکی بە دیوار و پەردە هەڵدەچنی.
وەکوو بڕیار بوو بە هەشت قۆناغدا، هەشت پەنێلی ڕەنگامە، دەنگیان دا لە زمان و وێنەیان کێشا بە ئاسمانی خۆزگەکانی گوێگراندا و لە کاتژمێری پێنجەوە، بۆکان و سنە و مەریوان و سەحنە، گوێیان نا بە خوڕەی فێنکی شێعرەوە و بە پلیکانەی پەنێلەکانی تردا هاواری وشە گەشتە پێنجەمینی خۆی و هۆڵ تەژی بوو لە ئەمەگی گوێگرانی جوانی.

🔹کاتژمێر ۱۰شەو، دیسان ئەوینی شێعر باوەشی گرتەوە بۆ هەنگاوەکانی شەیدایی و بە دەنگی گەرمی دوو پێشکەشکاری خاوەن ئەزموونەوە، تریفەی شێعر فڕییە ئاواتەکانی چاوی بەردەنگەوە؛ سێ پەنێلی کۆتایی، ئاسمانی ئاهوورایی هەورامانی هەڵکێشا لە بارانی وشەی موکریانی و لوڕستانی و جوانڕۆیی و خۆراسانی.

🔹کاتژمێر لایدابوو لە یەکی شەو و کورسییە خەواڵووەکانی هۆڵی قانع تاونەتاوێک بە زریقەی چەپڵەی لاو و پیری بەردەنگەکانەوە دادەچڵەکا و ڕێزگرتن لە ماندووبووان و کۆڕگێڕان، کوردانەترین میواندارییەکانی هەڵدەڕێژایە چاوی میوانانەوە.
شەو لە نیوە لایدا و دەنگی شێعر وەکوو تاریکایی، خزایە هێمنیی شەوی وردەشەپۆلەکانی زرێبار و تا دێڕێکی تر تێکەڵ بە کایەی وردەماسییەکان بوو.
بەمجۆرە، تا زرێبار و دێڕێک یەکەمین هەنگاوی خۆیی هەڵگرت و ئاواتی دووهەمین هەنگاوی هێشتەوە بۆ ئەو قەڵەمانەی پەنگ‌دەخۆنەوە بۆ نووسینەوەی خۆیان.

💠لیژنەی ڕاپۆرتی "تا زرێبار و دێڕێک"
ئەنجومەنی فەرهەنگی-ئەدەبیی مەریوان
هەینی ۲۷۲۲/٤/۳۱

🆔 @meriwan_edebi

‍ یەکەمین کۆڕەشێعری ساڵانەی کــــوردی
( سۆرانی، هەورامی، کرمانجی، کەڵهوڕی، فەیلی، لەکی، لوڕی)
لە شاری مەریوان سەرکەوتووانە بەڕێوە چوو.

🌐 ڕۆژی پێنجشەمە ۳۰ی پووشپەڕی ۲۷۲۲ ، ئەنجومەنی فەرهەنگی_ئەدەبیی مەریوان بە هاوکاریی ئیدارەی فەرهەنگ و ئیرشاردی ئەو شارە، یەکەمین کۆڕەشێعری ساڵانەی کوردی لە ژێر ناوی « تا زرێبار و دێڕێک» بە بەشداریی شێوەزارەکانی زمانی کوردی؛ سۆرانی، هەورامی، کرمانجی، کەڵهوڕی، فەیلی، لەکی و لوڕی، بەڕێوە برد.

سەرەتای بەرنامەکە هەردوو پێشکەشکاری بەتوانا بەڕێزان "ئەیووب حەقبین" و "عەتا وەلەدی" بەخێرهاتنی هەموو لایەکیان کرد و دواتر پەیامی ئەنجومەنی فەرهەنگی_ئەدەبیی مەریوان لەلایەن بەڕێز "سیروان موسەنیفی" ـەوە خوێندرایەوە. پاشان هونەرمەندی شانۆ و بەرپرسی ئیدارەی فەرهەنگ و ئیرشاد بەڕێز ڕەحمان هوشیاری بەخێرهاتنی میوانانی کرد.

✳️ پێکهاتەی پەنێلەکانی بەشی دوانیوەڕۆ بەم شێوەیە بوو: 👇👇

🔹پەنێلی یەکەم؛
محەمەدسەعید نەجاڕی "ئاسۆ" / بۆکان
سوهەیلا مەیهەمی/ سنە
سەعدی غەریبی/ مەریوان
شەریف مورادی/ مەریوان
سەی قاسم ئەرژەنگی/ سەهنە

🔹پەنێلی دووهەم؛
جەبار شافێعی‌زادە /کامێران
شێوە عەبدوڵاهی / بانە
زانا قاسمیفەڕ / بیجار
مەیسەم خوڕانی/ ئەیوان، ئیلام
زانا قەزڤینە / کەنگەوەر

🔹پەنێلی سێهەم؛
عەبدوڵا گوڵابی / مەهاباد
موژگان کاووسی / کەلاردەشت - مازەندەران
عەزیز ناسری / مەریوان
جەمال قادرپوور / پاوە
د. ئیسماعیل حسەینپوور / شیروان - باکووری خوراسان

🔹پەنێلی چوارەم؛
محەمەد موەفەقی / کامێران
‌هەڵاڵە سوهرابی / بۆکان
سەعید عبادەتیان " بانان" / گیەڵان - کرماشان
مورتزا ئەوڵاقوباد / لوڕستان
محەمەد مورادی نساری / ئیلام

🔹پەنیلی پێنجەم:
فەرهاد نەسیری "ژاکاو" / ورمێ
قاسم تاباک / مەهاباد
کەمال شەنگالی/ سنە
ئێلهام پالیز/ شاباد
بیژەن همەتی/ هەرسین - کرماشان
سەردار حەسەنی/ سەقز

✳️ پێکهاتەی پەنێلەکانی بەشی شەو: 👇👇

🔹پەنیلی یەکەم؛
حسەین وەفایی / پاوە
سوهەیلا محەمەدی / کامێران
سماییل عەزەمی / سنە
شێردڵ ئێڵپوور / کرماشان
محەمەد ڕەحیمی ڕزوان/ بیجاڕ گەڕووس

🔹پەنێلی دووهەم؛
سەمیرا زەمانی مونفەرد/ کوێیەشت، لوڕستان
ڕەسووڵ ئامادەپوور/ مەهاباد
ئاکام کەوسەری/ جوانڕۆ
قادر نیازی/ مەهاباد
موجتەبا کارخاهی/ کرماشان

🔹پەنێلی سێهەم:
لەیلا گورگانی / سنە
نادر زەنگیشەیی/ کرماشان
مەجید کەریمی/ قووچان - خوراسانی ڕەزەوی
کەریم خزری / شنۆ
خالید ئەحمەدی/ مەریوان

🔹پەنێلی چوارەم؛
ڕێزگرتن لە میوانانی بەڕێز و تایبەتی کۆڕەشێعری ساڵانەی کـــوردی «تا زرێبار و دێڕێک»

بەڕێزان؛
- عەتا نەهایی؛ ڕۆماننووس و چیرۆکنووس / بانـە
- ئاکۆ جەلیلیان؛ فەرهەنگنووس و توێژەر/ کرماشان
- د. محەمەد ڕەحیمیان؛ ڕەخنەگر و نووسەر/ تیکاب - هەوشار
- د. ڕەهبەر مەحموودزادە؛ ڕەخنەگر و نووسەر/ شنۆ

کە بەداخەوە هاوڕێیانی ئێمە و شێعر بەڕێزان: جەبار‌شافێعی‌زادە، د.ئیسماعیل حوسەینپوور، محەمەد مورادی نساری، کەمال شەنگالی، ئاکام کەوسەری و میوانانی تایبەتی کۆڕ، بەڕێزان : عەتا نەهایی و ڕەهبەر مەحموودزادە نەگەیشتن بە میوانداریی تا زرێبار و دێڕێک شێعر لەتەنیشت هەناسەکانی بێسارانی و قانعدا.

🔸لە کۆتایی کۆڕەکەدا ئەنجومەن، بە بەخشینی سپاسنامە ڕێزی لە ماندوویینەناسی و هەوڵی کوردانەی ئەندامانی لیژنەی هەڵسەنگاندنی بەرهەمەکانی« تا زرێبار و دێڕێک» بەڕێزان:
ئەیووب مەحموودزادە
عەزیز ناسری
محەمەد سدیق کەریمی
ئەیووب حەق‌بین
عەتا وەلەدی
شەریف مورادی
نەرگس حسەینی
گرت و پاشان سپاسنامەی بەخشی بە هاوڕێیانی ئەنجومەن و یارمەتیدەرانی بەڕێزی یەکەمین کۆڕەشێعری ساڵانەی کوردیی
( سۆرانی، هەورامی، کرمانجی، کەڵهوڕی، فەیلی، لەکی، لوڕی)
«تا زرێبار و دێڕێک»


🆔 @meriwan_edebi

وێڕای سڵاو و ماندوونەبوونی لەخزمەت سەرجەم ئەندامان و هۆگرانی بەڕێزی کاناڵی ئەنجومەنی فەرهەنگی_ئەدەبیی مەریوان؛

بەداوای لێبوردنەوە، لە پۆستە پێشووەکەماندا هەڵەیەک ڕووی دابوو و ناوی بەڕێز و خۆشەویستێک لە قەڵەم کەوتبوو...

پێشەکی سپاس بۆ تەواوی ئەو کاناڵ و ئەدمینە بەڕێزانە کە زەحمەتیان کێشاوە پۆستەکەی ئێمەیان داناوە،
تکایە بە ئەرک نەبێ، ئەم پۆستەی ئیستەمان بڵاو بکەنەوە🙏

لەگەل ڕێز و سپاس و حورمەتی بێسنوور بۆ هەموو لایەک🌺🌺🙏🙏

‍ 🔹دانیشتنی کومیتەی تازەلاوانی «هەڤاڵ»ی ئەنجومەنی فەرهەنگی_ ئەدەبیی مەریوان:

📚 شرۆڤەی کتێبی: کتابخانەی نیمەشب ، نوشتەی مت هیگ »

(لەلایەن خاتوو "ئایتەک ڕەحیمی)

____و هەروەها:


🌺مێهرەبانییەکان لە دەنگی زەنگی ڕۆژەی خوێن‌شیرینەوە:

📚 شرۆڤەی کتێبی: زنگولەی مهربانی ، نووسینی ڕۆژە محەممەدیان»

(لەلایەن خاتوو "ڕۆژە محەممەدیان")

📆کات: یەکشەممە ٢ی گەلاوێژی ١٤٠١ی هەتاوی

🕑کاتژمێر: ١٧ (٥ی ئێوارە)

🏢شوێن: ئیدارەی فەرهەنگ و ئیرشاد٫ نووسینگەی ئەنجومەنی فەرهەنگی_ ئەدەبیی مەریوان .

🆔 @meriwan_edebi

‍ 📜 پەیامی شاعێر، ڕۆژنامەوان، کەسایەتیی ناودار و چالاکیی فەرهەنگیی کوردی خوراسان مامۆستا عەلیڕەزا سپاهیی‌لایین «کاوا زێدی» بۆ کۆڕەشێعری کوردی ( سۆرانی، هەورامی، کرمانجی، کەڵهوڕی، فەیلی، لەکی و لوڕی)
«تا زرێبار و دێڕێک»
⬇️⬇️⬇️

«سلاڤ مەریوان،
‌ سڵاو هەلبەستا کوردی»


خەلکی بەرێز و سەربەرز و زمانهەز ل باژارا هەلبەست و هونەرا کوردان؛ مەریوان.
ئەندامێن ئەنجومەنا فەرهەنگی و ئەدەبی یا مەریوانێ، بتایبەت ئەندامێن کۆمیتەیا هەلبەستێ!

سلاڤ و ڕێز

ب ڕێڤەچوونا یەکەمین کۆمبوونا هەلبەستا کوردی
(سۆرانی، هەورامی، کرمانجی، کەڵهوڕی، فەیلی، لەکی، لوڕی)یا سالانە ل مەریوانێ دا، ژێر ناڤێ "تا زرێبار و دێڕێک”، ژ کوردان ڕە، پێنگاڤەکی گرینگ و تەڤگەرەکی زۆر زۆر هێژایە.
ئەم وەکی جڤاکا کوردێن خوراسانێ و ل سیبەرا ئەنجومەنا «کانیادل»، ب نۆنەرایەتی ژ گشتی نڤیسکار و هەلبەستڤانێن کوردێ خوراسانی، ڤێ خەباتا ب قەدر و قیمەت، پیرۆز دکنێ و هێڤیدارنێ، ئەڤ بەرنامەیا ب نرخ و بها، حەیا سالێن دوور و درێژ بەردەوام بمینە و ببە بنگەها نێزیکبوونا گەلێ مه و پێشڤەچوون و سەربلندیا چاند و زمان و وێژەیا کوردی.
جێهێ بەختەوەری یە کو هن هەڤالێن مه، نکا ل جڤینا وە هازرن. هنەک کەسان ژی ب سەدەمێن جوور ب جوور، ئیسال بشە نەکرن تەڤ ل بەرنامەیا وە ببن، لێ هێڤیا مه ئەڤە کو د سالێن داهاتوو دە، ئەم بگشتی بکارن ل‌گەل بێهنا هەلبەستێن جەعفەرقولی بگهێژنه خزمەتا خەلکێ خوه و بێهنا هەلبەستا بێسارانی و قانع و ل پێشبەرا وە، ژان و ژین و ئێش و ئەڤینێن کوردانه، بخوینن و بلۆرینن.
بژی زاناتی و براتی و خوەباوەری و هەست و هەلبەستێن کوردانه.

هەفتـی و دو خــەلک، ئاشقـێ ناڤـــــێ تەنه
هەفتی و دو جان، شەهیدێ هەر چاڤێ تەنه
ئــەز مامـه و ڤا دو چاڤــێ کانــــی کـوو نکا
ژ چــــار وەلاتان، ل ڕیا تاڤــــــــــــــێ تەنه!

برایێ وە؛ عەلیڕەزا سپاهیی لایین(کاوا زێدی).
خوراسان ۱٤۰۱/۰٤/۳۰

🆔 @meriwan_edebi

دێڕێکی تر لە دانیشتنی تازەلاوانی خۆشەویستی شارەکەمان...🌸

دەسپێکی کومیتەی تازەلاوانی "هەڤاڵ"ـی ئەنجومەنی فەرهەنگی_ئەدەبیی مەریوان.
(هەر ئیستە٫ نووسینگەی ئەنجومەن)
۲ی گەلاوێژی ۱٤۰۱

🆔 @meriwan_edebi

‍ ئەندامانی بەڕێزی ئەنجومەنی فەرهەنگی-ئەدەبیی مەریوان و ڕەخنەگران، چالاکان و دڵسۆزانی هەنینی بواری شێعر و ئەدەبی کوردی، وەک هەمووان ئاگادارن، ڕۆژی پێنج‌شەممە ۳۰ پووشپەڕی ۲۷۲۲ی.ک یەکەمین کـۆڕەشێعـری ساڵانەی
کــــوردی
( سۆرانی، هەورامی، کرمانجی، کەڵهوڕی، فەیلی، لەکی، لوڕی )
« تا زرێبار و دێڕێک »
بە سەرکەوتوویی و بە بەشداری بەشێکی بەرچاوی شاعێرانی دیاری ڕۆژهەڵات بەڕێوەچوو؛ هەر بۆیە ئەنجومەن پێوەیە کۆبوونەوەیەکی خەسارناسی و هەڵسەنگاندن بۆ چاوخشاندنێک بەو کۆڕەشێعرییە و هەنگاونان بۆ بەڕێوەبردنی دووهەمین کۆڕەشێعری کوردی بەڕێوەببات.
هەر بەم بۆنەوە داواکارین بە بەشداریتان لەم کۆبوونەوەیەدا ڕەخنە و پێشنیارەکانتان ئاراستە بکەن تا وێڕای چاوخشاندنێک بە کۆڕی یەکەمدا، چرایەک بێت بۆ باشتر بەڕێوەبردنی دووهەمین کۆڕەشێعری ساڵانەی کوردی «تا زرێبار و دێڕێک».

💢 هاتنتان ڕێزێکە لە ماندوویینەناسیی هاوڕێیانتان لە بەڕێوەبردنی ئەو کۆڕەشێعرە و ڕێخۆشکەر دەبێت بۆ کۆڕێکی شیاوتری شێعر و ئەدەبی کوردی.


ئەنجومەنی فەرهەنگی - ئەدەبیی مەریوان

کات: چوارشەمە ۲۷۲۲/۰۵/۰۵ی.ک
کاتژمێر: ۵ی پاشنیوەڕۆ
شوێن: هۆڵی کۆنفرانسی ئیدارەی فەرهەنگ و ئیرشادی مەریوان

🆔 @meriwan_edebi

❇️ دانیشتنی کومیتەی "ڕۆمان"ـی ئەنجومەنی فەرهەنگی_ئەدەبیی مەریوان: 👇👇

💠 "سێشەممە"
۴ی گەلاوێژی ۱۴۰۱

🔹کاتژمێر: ۵ی پاشنیوەڕۆ
🔸شوێن: نووسینگەی ئەنجومەن، هەڵکەوتوو لە ئیدارەی فەرهەنگ و ئیرشادی مەریوان

💢هاتن بۆ هەمووانە💢
ـــــــــــــــــــــــــــــــــــــــــ

🆔 @meriwan_edebi

‍ ✅شُکوه شعر کُردی در مریوان

🖌اسماعیل حسین پور*

🔸انجمن فرهنگی ادبی مریوان یکی از ستون های برافراشته فرهنگی کردها در کردستان است که با فعالیت چندین سالۀ خود در حوزۀ ادب کردی، گام های بلندی برای پاسداشت این زبان برداشته است. اخیرا این انجمن فاخر ادبی، در اقدامی مبارک و فرخنده، با همکاری اداره فرهنگ و ارشاد اسلامی مریوان، نخستین گردهمایی شعرخوانی سالانه شعر کوردی خود را با عنوان «تا زرێبـار و دێـڕێک»، در پایان تیرماە سال جاری در مریوان برگزار کرد.

🔸حال که این نخستین گردهمایی ارزنده و باشکوه، به مبارکی برگزار شده است، ادب حکم می کند به عنوان یک کُرد خراسانی که به علت ابتلا به کرونا، سعادت حضور در آن جمع را نداشتم؛ قدردان لطف و تلاش های ارزنده همۀ این بزرگان و بزرگواران، برای برگزاری این گردهمایی گرانسنگ باشم؛ که شاعران کورد زبان را، از همه جای این دیار، بر خوان شعر و ادب کُردی، مهمان کردند.

🔸وقتی تصاویر جمعیت انبوه در سالن گردهمایی، برخی اجراها و شعرخوانی ها را دیدم؛ دلم برای آن دیار و آن همه عزیز دیری ندیده، لرزید. دلم برای فرزانه مردم آن دیار، دلم برای شاعران شوریدۀ آن خطه، دلم برای لبخند پرمهر کودکان پر مهر مریوانی، دلم برای دیرینه دوست دانشور و شاعرم "عطا ولدی" عزیز که روشنای چشم ما خراسانیان است؛ دلم برای دریاچه زریبار، برای پیر شالیار، دلم برای طنین شعرخوانی های هم تبارانم که مهمان دیار ماموستا قانع مریوانی بودند؛ گرفت.

🔸وقتی تصاویر پر شکوه این گردهمایی لبریز شور و شکوه را دیدم؛ به یاد حکایت طوطی و بازرگان مولوی افتادم. هر چند نگاه مولوی عرفانی است ولی نمی دانم چرا خود را همان طوطی مانده در قفس تن، همان طوطی تنهای دور مانده از هندوستان، که از تنهایی به تنگ آمده است، می دانستم و این ابیات نغز مولانا را که شرح حال مشتاقی روح به فریاد آمده از تنهایی است؛ با خود زمزمه می کردم که:
اين روا باشد که من در بند سخت
گه شما بر سبزه گاهى بر درخت
اين چنين باشد وفاى دوستان
من درين حبس و شما در گلستان
اى حريفان بت موزون خود
من قدحها مي‌خورم پر خون خود

🔸دوباره درود و سپاس صمیمانه ام را نثار همه کار به دستان، یاوران و داوران دانشور و روشن باور انجمن ادبی مریوان و شایستگان فرهنگ مدار اداره فرهنگ و ارشاد اسلامی مریوان می کنم که چنین گام بلندی را با افتخار برداشتند و شکوه فرهنگ و زبان این مردم را، به نیکی پاس داشتند.

🔸امید که این خجسته گام و این کار سترگ انجمن ادبی مریوان، استمرار یابد و این رویکرد مبارک، در دیگر مناطق نیز ادامه یابد تا فرزندان این کهن بوم و بر، به کهن داشته های فکری و زبانی خود مباهات کنند. قطعا این نشست های فرهنگی، پاسداشت بخشی از هویت ملی ما مردم است و باید آن را ارج نهاد و ارجمند داشت.


* دکتر حسین‌پور شاعر و شخصیت برجستەی کورد خراسان
کتاب‌های چاپ شدەی ایشان؛
- دیار و دوتار
بررسی شعر و موسیقی کوردی در خراسان

- ئاسمین بی مەرزە
مجموعەی سەخشتی کوردی

کتاب در دستِ نشرِ وەلات
شعر کوردی برای کودکان

🔺 وەرگیراو لە کاناڵی "کانیا دل"

🆔 @meriwan_edebi

ڕاپۆرتێکی کورتی کاناڵی ڕووداو لەسەر کۆڕی ساڵانەی شیعری کوردی "تا زرێبار و دێڕێک" کە لە 30 پووشپەڕی 1401ی هەتاوی لە لایەن ئەنجومەنی فەرهەنگی ئەدەبیی مەریوان و بە هاوکاریی ئیدارەی ئیرشاد بەڕێوە چوو. لەو کۆڕەدا کۆلکەڕەنگینەی زمانی کوردی لە ئاسمانی شیعردا خۆی نەخشاند.👇
https://t.me/meriwan_edebi
🆔 @meriwan_edebi

🔹وتووێژی خاتوو مۆژگان کاووسی چالاکوانی کوردی کەلاردەشت لەگەڵ تەلەفزیۆنی گەلی کوردستان سەبارەت بە کۆڕی "تا زرێبار و دێڕێک" کە تێیدا میوان بوو.
.
👈کاناڵی تلێگرامی ئەنجومەنی فەرهەنگی-ئەدەبیی مەریوان👇👇👇
https://t.me/meriwan_edebi