#savolimbor Assalomu alaykum, xodimga ko‘p yillik ish staji uchun ta’til asosiy mehnat ta’tilidan alohida berilishi mumkinmi?

https://t.me/mehnathuquqi javobi :

✅ Ha, xodim va ish beruvchi o‘rtasidagi kelishuvga ko‘ra berish mumkin. Chunki MK 231-moddasiga ko’ra, xodim va ish beruvchi o‘rtasidagi kelishuvga ko‘ra har yilgi mehnat ta’tili qismlarga bo‘linishi mumkin. Bunda ushbu ta’tilning hech bo‘lmaganda bir qismi 14 kalendar kundan kam bo‘lmasligi kerak.

MK 216-moddasi 3-qismiga ko’ra, har yilgi mehnat ta’tilining turlari quyidagilardan iborat:

asosiy mehnat ta’tili (har yilgi asosiy eng kam yoki har yilgi asosiy uzaytirilgan);
ushbu Kodeksning 222-moddasida nazarda tutilgan tartibda asosiy eng kam yoki asosiy uzaytirilgan ta’til bilan jamlab hisoblanadigan qo‘shimcha mehnat ta’tili.

MK 222-moddasiga ko’ra, har yilgi mehnat ta’tilining umumiy davomiyligini hisoblab chiqarishda qo‘shimcha ta’tillar har yilgi asosiy eng kam ta’til yoki har yilgi asosiy uzaytirilgan ta’tilga qo‘shib jamlanadi.

❗️Demak, yuqoridagilardan xulosa qilsak, MK 220-moddasidagi bitta tashkilotda yoki tarmoqda ko‘p yillik ish staji uchun beriladigan har yilgi qo‘shimcha mehnat ta’tilini xodim va ish beruvchi o‘rtasidagi kelishuvga ko‘ra alohida berish mumkin!

❗️Har yilgi mehnat taʼtilini qismlarga boʼlish va rasmiylashtirish tartibi ushbu maqolamizda batafsil tushuntirilgan, shuningdek ariza va buyruqdan namunalar keltirilgan https://t.me/mehnathuquqi/7400

❗️Ushbu audipostimizda esa har yilgi mehnat ta’tilini qismlarga bo‘lish masalasini imkon qadar soddaroq va batafsilroq tushuntirganmiz https://t.me/mehnathuquqi/7379

Postlarimiz Siz uchun manfaatli bo'layotgan bo'lsa, mana bu havola orqali o'tib, donat qilishingiz mumkin https://tirikchilik.uz/Muhammadamin

Yoki quyidagi plastik karta raqamiga ham donat qilishingiz mumkin: 5614 6812 1616 2671

Telegramdagi kanalimizni yaqinlarga ulashishni unutmang👇https://t.me/mehnathuquqi

#savolimbor
Assalomu alaykum men saylov komissiyasi a'zosiman, hech qayerda ishlamayman, pensionerman. Komissiya ishida faol ishtirok etyapmiz. Hozir saylovlar ham boshlanadi. Bizni mehnatimizga haq to'lanadimi?

Javob
Mehnatingizga albatta haq to'lanadi. Saylov jarayonlarida saylov komissiyasi a’zolari bo‘lgan, lekin doimiy ish joyiga ega bo‘lmagan shaxslarga, pensionerlarga mehnatga haq to‘lashning yagona tarif setkasiga muvofiq saylov komissiyasi raisiga 9-razryad bo‘yicha, saylov komissiyasi rais o‘rinbosariga 8-razryad bo‘yicha, saylov komissiyasining kotibi va boshqa a’zolariga 4-razryad bo‘yicha ish haqi hisoblanadi.
https://www.lex.uz/docs/-4584371

#savolimbor Assalomu alaykum, Oilaviy sharotim tufayli, ish haqi saqlanmaydigan emas balki ish haqi qisman saqlanadigan ta’tilga chiqmoqchi edim, ish beruvchim ham rozi. Lekin yuristimiz mumkin emas, jamoa shartnomasida nazarda tutilmagan deyapti. Iltimos, yordam bering, qandaydir imkoni bormi ish haqi qisman saqlangan ta’tilni olishni ?

https://t.me/mehnathuquqi javobi 📤:

Yuristingiz fikri xato. Agar ish beruvchi rozi bo’lsa, bersa bo’ladi. Buni quyidagicha asoslaymiz.

MK 240-moddasiga ko’ra, jamoa kelishuvlarida yoxud jamoa shartnomasida yoki mehnat haqidagi boshqa huquqiy hujjatlarda, ular mavjud bo‘lmaganda esa mehnat shartnomasida xodimga ish haqi qisman saqlanadigan ta’til berish imkoniyati nazarda tutilishi va bunday ta’tilning kalendar yil davomidagi eng ko‘p davomiyligi belgilanishi mumkin.

⚠️E’tibor bering, ish haqi qisman saqlanadigan ta’til berish nafaqat, jamoa shartnomasida balki mehnat haqidagi boshqa huquqiy hujjatlarda ham nazarda tutilishi mumkin.
MK 13-moddasiga ko’ra, mehnat haqidagi boshqa huquqiy hujjatlarda xodimlar uchun mehnat to‘g‘risidagi qonunchilikda belgilanganiga nisbatan qo‘shimcha huquqlar va kafolatlar nazarda tutilishi mumkin.

MK 12-moddasiga ko’ra, mehnat haqidagi boshqa huquqiy hujjatlar quyidagilardan iborat:
jamoa kelishuvlari;
jamoa shartnomalari;
ish beruvchi tomonidan kasaba uyushmasi qo‘mitasi bilan kelishuvga ko‘ra qabul qilinadigan ichki hujjatlar;
ichki hujjatlar, shu jumladan ish beruvchi o‘z vakolatlari doirasida yakka o‘zi qabul qiladigan yakka tartibdagi huquqiy hujjatlar.

⚠️E’tibor bering, ish beruvchi o‘z vakolatlari doirasida yakka o‘zi qabul qiladigan yakka tartibdagi huquqiy hujjatlar ham mehnat haqidagi boshqa huquqiy hujjatlar hisoblanadi. MK 18-moddasiga ko’ra, ish beruvchining yakka tartibdagi huquqiy hujjatlariga buyruqlar, farmoyishlar, qarorlar kiradi.

❗️Demak, yuqoridagilardan xulosa qilsak, ish beruvchi va xodim o’zaro kelishib xodimga ish haqi qisman saqlanadigan ta’til berishi mumkin.
Ta’til muddati va xodimning saqlanib qoladigan ish haqi miqdori qancha bo’ladi? Agar ushbu ta’til jamoa shartnomasida nazarda tutilganida aniq muddat va miqdor belgilab qo’yilishi mumkin edi.

Demak, jamoa shartnomasida nazarda tutilmaganligi uchun taraflar o’zaro kelishib muddat va miqdorni belgilab olishlari mumkin.

Lekin xodimning saqlanib qoladigan 1 oylik ish haqi miqdori qonunchilikda belgilangan mehnatga haq to‘lashning eng kam miqdoridan ya’ni 1 million 155 ming so’mdan kam bo‘lishi mumkin emas.

Telegramdagi kanalimizni yaqinlarga ulashishni unutmang👇 https://t.me/mehnathuquqi

#savolimbor
Mening bir tanishim parlament deputati. Deputat bo'lgunga qadar maktab direktori lavozimida ishlagan. Agar u bugun o'tayotgan saylovlarda yetarli ovoz to'plolmay qayta saylanmasa nima bo'ladi.

Javob
O‘zbekiston Respublikasi Oliy Majlisi Qonunchilik palatasi deputatining va Senati a'zosining maqomi to'g'risidagi qonunning 16-moddasiga asosan, deputatlarga vakolati muddati tugaganidan keyin ishga joylashishga doir kafolatlar beriladi. Vakolati muddati tugagach, deputatga o‘zining roziligi bilan boshqa lavozimdagi ish, shu jumladan yuqoriroq lavozimdagi ish ham berilishi mumkin.

Deputat ilgarigi ish joyiga (lavozimiga) qaytgan taqdirda, deputatning avvalgi egallab turgan lavozimiga qabul qilingan shaxs bilan mehnat shartnomasi O‘zbekiston Respublikasi Mehnat kodeksi 168-moddasining 9-bandiga muvofiq bekor qilinadi.

Xulosa shuki, tanishingiz saylovdan o'taolmasa unga oldingi ish joyi direktor beriladi yoki o'z xohishiga ko'ra yuqoriroq lavozim beriladi.

#savolimbor Assalomu alaykum, chet el fuqarosini ishga qabul qilish tartibi qanday?

https://t.me/mehnathuquqi javobi 📤:

Hurmatli obunachilar, Sizlarga chet el fuqarolari va fuqaroligi bo‘lmagan shaxslar mehnatini huquqiy jihatdan tartibga soluvchi normativ-huquqiy hujjatlarni taqdim qilamiz. Mazkur hujjatlar bilan yaxshilab tanishib chiqsangiz, chet el fuqarolari va fuqaroligi bo‘lmagan shaxslarni ishga qabul qilish tartibi, tasdiqnoma olish haqidagi savollaringizga javob topasiz! Agar shunda ham javob topa olmasangiz, ana undan so’ng bizga murojaat qilishingiz mumkin))

1️⃣. Mehnat kodeksi 11, 19, 20, 30, 101, 112, 514-moddalari hamda 30-bobi 521-526-moddalari chet el fuqarolari va fuqaroligi bo‘lmagan shaxslar mehnatini huquqiy jihatdan tartibga solishning o‘ziga xos xususiyatlarini tartibga soladi https://lex.uz/docs/-6257288

2️⃣. “Oʻzbekiston Respublikasida chet el fuqarolarining va fuqaroligi boʻlmagan shaxslarning huquqiy holati toʻgʻrisida”gi Qonun 3, 15-moddalari https://lex.uz/docs/-5443899

3️⃣. “Aholi bandligi to‘g‘risida”gi Qonun 17-bobi 107-113-moddalari chet ellik fuqarolarning O‘zbekistondagi mehnat faoliyatini tartibga soladi https://lex.uz/ru/docs/-5055690

4️⃣. “Litsenziyalash, ruxsat berish va xabardor qilish tartib-taomillari to‘g‘risida”gi Qonun https://lex.uz/docs/-5511879

Qonunga 2-ilovaning 118-pozitsiyasiga ko’ra, O‘zbekiston Respublikasi hududida mehnat faoliyatini amalga oshirish uchun O‘zbekiston Respublikasi hududida mehnat faoliyatini amalga oshirish huquqini beruvchi tasdiqnoma olish talab etiladi.

Qonunga 4-ilovaning 109-pozitsiyasiga ko’ra, O‘zbekiston Respublikasi hududida mehnat faoliyatini amalga oshirish huquqini beruvchi tasdiqnoma olmaganlik uchun bazaviy hisoblash miqdorining 100 barobari miqdorida jarima solinadi.

5️⃣. O‘zbekiston Respublikasi Prezidentining 07.11.2018 yildagi “O‘zbekiston Respublikasi hududida xorijiy davlatlarning malakali mutaxassislari tomonidan mehnat faoliyatini amalga oshirishi uchun qulay shart-sharoitlar yaratish chora-tadbirlari to‘g‘risida” PQ-4008-son qarori https://lex.uz/docs/-4045557

6️⃣. O‘zbekiston Respublikasi Vazirlar Mahkamasining 25.03.2019 yildagi “O‘zbekiston Respublikasiga xorijdan ishchi kuchini jalb qilish va undan foydalanish tartibi to‘g‘risidagi nizomni tasdiqlash haqida”gi 244-son qarori https://lex.uz/docs/-4251564

7️⃣. O‘zbekiston Respublikasi Vazirlar Mahkamasining 22.02.2022 yildagi 86-son qarori bilan tasdiqlangan “Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari to‘g‘risidagi yagona nizom”ga 20-ilova O‘zbekiston Respublikasi hududida mehnat faoliyatini amalga oshirish huquqini beruvchi tasdiqnoma olish tartibini belgilab beradi https://lex.uz/uz/docs/-5871129#-5874828

8️⃣. Vazirlar Mahkamasining 2020-yil 28-sentabrdagi 593-son qaroriga 1-ilova “O‘zbekiston Respublikasi hududida chet el fuqarolari va fuqaroligi bo‘lmagan shaxslarni vaqtincha turgan joyi bo‘yicha ro‘yxatga olish tartibi to‘g‘risida” Nizom boshqa davlatlardan kelgan chet el fuqarolari va fuqaroligi bo‘lmagan shaxslarni hamda O‘zbekiston Respublikasida yashash guvohnomasi yoki ID-kartaga ega bo‘lgan chet el fuqarolari va fuqaroligi bo‘lmagan shaxslarni O‘zbekiston Respublikasi hududida vaqtincha turgan joyi bo‘yicha ro‘yxatga olish tartibini belgilaydi https://lex.uz/docs/-5023876

9️⃣. 2022-yil 20-apreldagi PF-113-son Farmoni 3-ilova 5-pozitsiyasiga ko'ra, xorijda turib masofaviy (onlayn) shaklda faoliyat ko‘rsatish uchun O‘zbekiston Respublikasi hududida mehnat faoliyatini amalga oshirish uchun tasdiqnoma olish shart emas https://www.lex.uz/uz/docs/-5971599#-5974248

1️⃣0️⃣. Chet ellik fuqaro bilan fuqarolik-huquqiy shartnoma tuzmoqchi edik, tasdiqnoma olish kerakmi? https://t.me/mehnathuquqi/6797

Postimiz Siz uchun foydali bo’lgan bo’lsa, mana bu havola orqali o'tib, donat qilishingiz mumkin https://tirikchilik.uz/Muhammadamin

Yoki quyidagi plastik karta raqamiga ham donat qilishingiz mumkin: 5614 6812 1616 2671

💻 Telegramdagi kanalimizni yaqinlarga ulashishni unutmang👇 https://t.me/mehnathuquqi

Pensioner pedagog maksimal dars soati olishi mumkinmi?

#savolimbor Assalomu alaykum, Muhammadamin aka. Nafaqadagi pedagoglarga qancha soat dars berishga majburmiz. Oldindan rahmat.

https://t.me/mehnathuquqi javobi :

Avvalo nafaqadagi emas pensiyadagi bo’ladi. Sababi pensiya va nafaqa umuman boshqa-boshqa tushunchalar. Juda ko‘pchilik pensiya va nafaqa tushunchalarini sinonim deb hisoblaydi ya’ni pensiya nafaqa so‘zining ruschasi deb xato o‘ylashadi (aslida, nafaqa rus tiliga “пособие” deb tarjima qilinadi). Ommaviy axborot vositalari, ijtimoiy tarmoqlarda ham foydalanuvchilar pensioner va nafaqaxo‘r tushunchalarini sinonim sifatida noo‘rin ishlatishadi. Bu haqida batafsil ushbu postimizmizda to’xtalganmiz: https://t.me/mehnathuquqi/8183

MK 4-moddasiga ko’ra, har kim mehnat huquqlarini amalga oshirish va himoya qilishda teng imkoniyatlarga ega.

Mehnat va mashg‘ulotlar sohasida kamsitish taqiqlanadi. Jinsi, yoshi, irqi, millati, tili, ijtimoiy kelib chiqishi, qarindoshlarida sudlanganlikning mavjudligi, mulkiy holati va mansab mavqeyi, yashash joyi, dinga bo‘lgan munosabati, e’tiqodi, jamoat birlashmalariga mansubligi, shuningdek xodimlarning ishchanlik sifatlari va mehnati natijalari bilan bog‘liq bo‘lmagan boshqa jihatlariga qarab mehnat va mashg‘ulotlar sohasida biror-bir to‘g‘ridan-to‘g‘ri yoki bilvosita cheklovlar belgilash, xuddi shuningdek biror-bir to‘g‘ridan-to‘g‘ri yoki bilvosita imtiyozlar berish kamsitishdir.

⚠️ Pensioner o’qituvchiga dars soatlarini berishda qandaydir cheklovlar yo’q. Pensioner ham maksimal dars soati olishi mumkin.

“Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida” Nizom (O‘zbekiston Respublikasi Adliya vazirligi tomonidan 2020-yil 30-iyunda ro‘yxatdan o‘tkazildi, ro‘yxat raqami 3271 https://lex.uz/docs/-4919258) O‘zbekiston Respublikasi Prezidentining 2019-yil 30-dekabrdagi PQ-4555-son “O‘zbekiston Respublikasining “2020-yil uchun O‘zbekiston Respublikasining Davlat budjeti to‘g‘risida”gi Qonuni ijrosini ta’minlash chora-tadbirlari to‘g‘risida”gi qaroriga muvofiq umumta’lim muassasalarida sinflarni komplektlash hamda o‘qituvchilarning tarifikatsiya ro‘yxatlarini shakllantirish tartibini belgilaydi.

Umumta’lim muassasalari tomonidan shakllantirilgan dars soatlari setkasi umumta’lim muassasasining pedagogik kengashi tomonidan ikki ish kuni ichida ko‘rib chiqilib, har yili 15-sentabrga qadar o‘qituvchilarga dars soatlari Nizomning 15-bandidagi ko‘rsatkichlarning ustuvor ketma-ketligi asosida taqsimlanadi.

Nizomning 15-bandidagi ko‘rsatkichlarning ketma-ketlik asosida ustunlikka ega bo‘lgan o‘qituvchilarga dars soatlarining maksimal miqdorlari belgilanishi tavsiya etiladi.

Bundan tashqari, Nizomning 19-bandiga ko'ra, homiladorlik va tug‘ish ta’tili hamda bola parvarishidan qaytgan o‘qituvchilarga, shuningdek, ishlovchi pensionerlarga dars soatlari mehnat qonunchiligiga asosan mazkur Nizomning 15-bandida belgilangan ko‘rsatkichlar ustuvor ketma-ketligi asosida taqsimlanadi.

✅ Ya’ni agar pensioner o’qituvchi ham Nizomning 15-bandidagi ko‘rsatkichlarning ketma-ketlik asosida ustunlikka ega bo’lsa, maksimal miqdorda ya’ni 3️⃣0️⃣ soatgacha dars olishi mumkin.

Telegramdagi kanalimizni yaqinlarga ulashishni unutmang👇https://t.me/mehnathuquqi

#savolimbor Assalomu alaykum. “Chang puli” kimlarga to’lab beriladi?

https://t.me/mehnathuquqi javobi 📤:

📚 Xalq ta’limi muassasalarida kutubxona faoliyati bilan bevosita ishlovchilarga eski kitoblar fondi bilan ishlaganliklari uchun, xalq tili bilan aytganda, qoʻshimcha “chang puli” toʻlab berilishi kerak.

Vazirlar Mahkamasining 1994-yil 29-sentabrdagi 490-son qaroriga 1-ilova “Xalq ta’limi muassasalarining qo‘shimcha haq to‘lanadigan xodimlarining lavozimlari ro‘yxati, qo‘shimcha haqning turlari va miqdorlari” ning 23-bandiga ko’ra, maktablar, barcha tur va nomdagi maktab-internatlar kutubxonachilariga yoki boshqa xodimlarga darsliklarning kutubxona fondi bilan shug‘ullanganliklari uchun mehnatga haq to‘lashning eng kam miqdorining 3,6 foizi (41 ming 580 so'm) miqdorida qo‘shimcha haq to‘lanadi.

Keyingi har bir 1500 nusxa darsliklar uchun 5 foiz, biroq mehnatga haq to‘lashning eng kam miqdorining 10,6 foizidan miqdorda ko‘p bo‘lmagan qo‘shimcha haq to‘lanadi https://lex.uz/docs/-808534

P.S. Lekin ming afsuski, "chang puli" faqat xalq ta’limi muassasalaridagi kutubxonachilarga nisbatan tatbiq qilinadi. Boshqalarga esa tatbiq qilinmaydi!

Telegramdagi kanalimizni yaqinlarga ulashishni unutmang👇 https://t.me/mehnathuquqi

Bolnichniydagi xodimga dam olish kunlari uchun ham haq to’lanadimi?

#savolimbor Assalomu alaykum hurmatli ustozlar. bir savolim bor edi. Xodim 3 kunga kasallik vaqasi ochtirgan. shuni 2 kuni shanba yakshanba dam olish kuniga to'g'ri kelmoqda. necha kunga haq to'lanadi. oldindan rahmat

https://t.me/mehnathuquqi javobi :

Vazirlar Mahkamasining 2024-yil 31-maydagi 314-son qaroriga 1-ilova “Vaqtinchalik mehnatga layoqatsizlik, homiladorlik va tug‘ish bo‘yicha nafaqalarni hamda yangi tug‘ilgan bolani farzandlikka olgan yoki unga vasiy qilib belgilangan xodimga nafaqani tayinlash hamda to‘lash tartibi to‘g‘risida”gi Nizomning 38-bandiga ko’ra, nafaqaning (vaqtinchalik mehnatga layoqatsizlik, homiladorlik va tug‘ish bo‘yicha nafaqa) umumiy summasi kunlik o‘rtacha ish haqini ushbu oyda vaqtinchalik mehnatga layoqatsizlik, homiladorlik va tug‘ish ta’tili hamda yangi tug‘ilgan bolani farzandlikka olgan yoki unga vasiy qilib belgilangan xodimga beriladigan ta’til tufayli ishga kelmagan ISH KUNLARI SONIGA KO‘PAYTIRISH YO‘LI BILAN ANIQLANADI❗️ https://lex.uz/docs/-6978570#-6980192

Demak, vaqtinchalik mehnatga layoqatsizlik, homiladorlik va tug‘ish bo‘yicha nafaqalar ya'ni bolnichniy va dekret pullari uchun ish kunlariga haq to'lanadi!

Telegramdagi kanalimizni yaqinlarga ulashishni unutmang👇https://t.me/mehnathuquqi

#savolimbor Ассалому алайкум, Ходим хозир камокда , у билан тузилган мш бекор килинди , буйрук нусхаси хамда мехнат дафтарчаси каерга жунатилади, ходимни буйрук билан таништириш тартиби канака булади.

https://t.me/mehnathuquqi javobi 📤:

❗️Xodim qamoqqa olinsa, u bilan mehnat shartnomasi bekor qilinishi kerakmi❓ Bu haqida batafsil bu postimizda yozganmiz https://t.me/mehnathuquqi/5344

Savolingizga kelsak, Siz ushbu holatda MK 171-moddasidan kelib chiqib ish yuritasiz. Ya’ni MK 171-moddasi 2-qismiga ko’ra, mehnat shartnomasi bekor qilingan kuni xodim yo‘q bo‘lganligi yoki hujjatlarni olishni rad etganligi munosabati bilan unga mehnat daftarchasini yoxud elektron mehnat daftarchasidan ko‘chirmani hamda mehnat shartnomasini bekor qilish to‘g‘risidagi buyruqning ko‘chirma nusxasini berish imkoniyati bo‘lmagan taqdirda, ish beruvchi keyingi ish kunidan kechiktirmay xodimga mehnat daftarchasini olish uchun kelishi yoxud mehnat daftarchasi pochta orqali yuborilishiga rozilik berishi zarurligi haqida bildirishnoma yuborishi shart.

⚠️ Demak, yuqoridagilardan xulosa qilsak, xodim avvalgi ishini davom ettirish imkoniyatini istisno etadigan jazoga hukm qilingan bo‘lsa, masalan, ozodlikdan mahrum qilingan bo’lsa, hukm kuchga kirgach, Siz xodim bilam mehnat shartnomasini MK 168-moddasi 1-qismi 3-bandiga ko’ra bekor qilasiz. Tabiiyki, xodimga mehnat daftarchasini yoxud elektron mehnat daftarchasidan ko‘chirmani, shuningdek mehnat shartnomasini bekor qilish to‘g‘risidagi buyruqning ko‘chirma nusxasini bera olmaysiz. Shuning uchun yuqorida ta’kidlaganimizdek, mehnat shartnomasi bekor qilingan keyingi ish kunidan kechikmay bildirishnoma yuborib qo’ying. Bo’ldi, muammo hal.

“Mehnat daftarchalarini yuritish tartibi to‘g‘risida”gi Yo‘riqnomaning 5.2-bandiga ko’ra, ishdan bo‘shagan xodimlar mehnat daftarchalarini o‘z vaqtida olmagan taqdirda, ular ishlayotgan xodimlarning mehnat daftarchalaridan alohida qilinib, tashkilot xodimlar bo‘limida 2 yil davomida saqlanadi. Ushbu muddat davomida ham yo‘qlab kelinmagan va olinmagan mehnat daftarchalari ish beruvchi arxivida 50 yil saqlanadi va ushbu muddatdan so‘ng belgilangan tartibda yo‘qotilib yuborilishi mumkin https://lex.uz/ru/docs/-643007

Xodimingiz ozodlikka chiqqach, ish beruvchiga murojaat qilsa, MK 171-moddasi 3-qismiga ko’ra, xodim tomonidan o‘z vaqtida talab qilib olinmagan mehnat daftarchasi ish beruvchi tomonidan xodim mehnat daftarchasini berish to‘g‘risida murojaat qilgan kundan e’tiboran 3 kundan kechiktirmay berilishi kerak.


Telegramdagi kanalimizni yaqinlarga ulashishni unutmang👇 https://t.me/mehnathuquqi

#savolimbor Salom, xodim homiladorlik tatilidan mehnat tatiliga chiqdi. Keyin bola parvarishlash tatiliga chiqadi. YAMMT ga kiritiladimi mehnat tatili yoki bola parvarishlash ga chiqqandan keyin yoziladimi?

https://t.me/mehnathuquqi javobi :

Vazirlar Mahkamasining 2019-yil 5-dekabrdagi 971-son qaroriga 1-ilova “Yagona milliy mehnat tizimi” idoralararo dasturiy-apparat kompleksida mehnat shartnomalarini ro‘yxatdan o‘tkazish, elektron mehnat daftarchalarini shakllantirish va yuritish tartibi to‘g‘risida”gi Nizomning 6-bobi 33-35-bandlari xodimning ijtimoiy ta’tilga chiqishini ro‘yxatdan o‘tkazishni tartibga soladi https://lex.uz/docs/-4630020

Unga ko’ra, xodimning ijtimoiy ta’tilga chiqishini ro‘yxatdan o‘tkazish “YAMMT” IDAKga ijtimoiy ta’til davri to‘g‘risidagi ma’lumotlarni kiritish yo‘li bilan amalga oshiriladi.

Xodimning ijtimoiy ta’tilini ro‘yxatga olish to‘g‘risidagi kiritilgan ma’lumotlar ish beruvchi tomonidan ERI yordamida tasdiqlanadi. Xodimning ijtimoiy ta’tilga chiqishi ish beruvchining ERIsi bilan tasdiqlanmasdan ro‘yxatga olingan taqdirda kiritilgan ma’lumotlar haqiqiy emas deb hisoblanadi.

Xodimning ijtimoiy ta’tilga chiqishi bo‘yicha noto‘g‘ri ma’lumotlar kiritilgan taqdirda ish beruvchi besh ish kuni mobaynida noto‘g‘ri kiritilgan ma’lumotlarni tahrir qilishi mumkin. Belgilangan muddatdan oshgan taqdirda ish beruvchi operatorga murojaat qiladi.

Telegramdagi kanalimizni yaqinlarga ulashishni unutmang👇https://t.me/mehnathuquqi