• زرعت من يومين نبات مجدداً، كمحاولة تانية لأن أول محاولة ما نجحت معي، والحمد لله أنبت الكتكوت 😁♥️.

- إنبات الفجل الجميل 🌱.

#زراعة.

• عم يكبروا الجزرات، شوفوا الفرق 🌱.

#زراعة.

• كنت مفكرتا خيار، قام طلعت كوسا 🤣♥️
كتير الشعور خيالي واللهِ..

يعني الواحد بيزرع.. بيتعب وبينتظر الحصاد

الحصاد مُبهر واللهِ..
كنت عم فكر، إني طول فترة شغلي عالسطح من بداية تحضيري للتربة وخلطها بالسماد، للوقت اللي اقعد فيه بالساعات عم ازرع..

أنا عنجد ما حسيت بأي تعب أو إني ما بدي ساوي هيك، واتاكدت اليوم إنو الإنسان الشغوف بالشي اللي عم يشتغلو شو ما كان، رح يشوف هالعمل هو بمثابة متعة رهيبة، وبضل عندو الطاقة كل يوم ليضل مهتم بأصغر تفصيل بما يتعلق بهالشغلة اللي عم يشتغلها بشغف..

كل مرة بقولها، أنا بحياتي ما تخيلت إنو رح كون بهالسعادة لما قول إني عم ادرس هندسة زراعة..
سعيدة جداً باختيار الله إلي بهالمكان، وبتمنى يجي يوم واقدر أنجز شي بفيد العالم بهالمجال 💕.

#زراعة.

• واللهِ ما رح افرح لحالييي..
أكيد الجيران سمعانة صوتي وأنا عم احتفل ونط عالأسطوح فقلت لازم انقل احتفالاتي عالقناة كمان 😂😭♥️

مو طبيعي شو طايرةة من الفرح!
حاسة الدوباميين ألفف

هلأ في عالم حتقول كلها بندوراية شو صرلها؟
أي أي بندوراية خلتني دوب من السعادة..
لذة الإنجاز بأي تجربة لأول مرة، بتعطي نشوة رهيبة مستحيل تنعاد هيك..

#زراعة 🍅.

• قطفتا.. وأكلناها 😁♥️

بس الله يسامحهن أهلي قال ما طيبة
طبعاً أنا حبيتا لأن أنا زرعتا ولأن ما بقيلي غيرها 😂.

#زراعة #تجربة.

• ١١ كوساية احترقت بسبب الشمس 💔

وبعد ما صار هيك، اشتريت سماد متوازن وسمدت، فرجعوا النباتات صحصحوا + حطيتلهن شرشف وحميتهن من الأشعة المباشرة، وما عاد طلعت سقيت عال٢ أبداً.


#نصيحة:
كل شخص عندو نباتات، لا تسقوا وقت يكون في شمس حادة ومباشرة مشان ما يحترق النبات.

الري ضروري يكون إما بكير عال٩ وأبكر كمان، أو بعد ال٧ ♥️.


#زراعة.