• جئتكم ببودكاست جديد يا أصدقاء
تنقل فيه نورا رحلتها مع التغيير. ☘

لمن لا يعرف نورا، هي إخصائية نفسية، طريقة عرضها للمعلومات عظيمة وسلسلة، بحيث تجعلك تتخلص من معظم الإضطرابات التي بشعر بها بنفسك، دون الحاجة للذهاب لإخصائي.. (طبعاً الانتكاسات البسيطة التي يمكننا مواجهتها بأنفسنا).

تعطيك العلاج مباشرة، دون سرد الكلام النظري الذي لا نعرف كيف نتعامل معه بعد الإنتهاء من الاستماع للبودكاست..

#بودكاست نورا إدريسي.

@MayaDreamer.

• #بودكاست العلاقات.
#ياسر_الحزيمي.

05:06 سبب اختياره مجال العلاقات
15:39 أركان العلاقات
26:30 علاقة الإنسان بذاته
47:56 لماذا تحب نفسك؟
56:42 علاقات الإنسان المعاصر
2:05:20 أقسام العلاقات
2:13:30 العلاقة بالجنس الآخر في العمل
2:31:15 العلاقات المرضية وعلاجها
2:55:09 ما رقمك الاجتماعي؟

@MayaDreamer.

• من الأمور التي تشكل عائقاً في حياة الكثيرين.. "منطقة الراحة"، فما هي، وكيف نخرج منها بأقل الخسائر ؟

#بودكاست نورا إدريسي.

@MayaDreamer.

• لم أتخطى!

#بودكاست صحب | ثامر.

@MayaDreamer.

• كيف نتعامل مع مشاعر الإقصاء والتجاهل.


#بودكاست آدم.
إذاعة ثمانية.

@MayaDreamer.

• لماذا نفقد الإرادة ونُصاب بالكسل ؟!

#دوباميكافين.
#بودكاست.

@MayaDreamer.

• الهدوء النفسي | التحرر من الغضب.

الإنفعالية الزايدة، الغضب على كل شي، وعدم القدرة على ضبط النفس، عوائق كتير كبيرة بطريقنا ولازم نعالجها شوي شوي، لأن رح تفرق معنا كتير.

#بودكاست نورا إدريسي.

@MayaDreamer.

• متى يكون الإصرار خطيئة وماذا عن التخلي وتغيير المسار كخطوة للنجاح؟ ☘

لا يختلف أحد على ان الإصرار من القيم النبيلة التي تفسر نجاح كثير من البشر، ولكن هناك جانب آخر قد يكون مظلماً!

في هذه الحلقة تحدثوا عن "خطيئة الصملة" ومتى يكون تمسكنا لطموحاتنا قراراً خاطئاً.
ما سبب بقائنا حين يتحتم علينا الرحيل؟
والأهم.. متى وكيف نتخلى عن طموحاتنا؟

#بودكاست آدم.
إذاعة ثمانية.

@MayaDreamer.

• تكلم البودكاست عن عدة أفكار رح لخصها برؤوس أقلام: 🔖

- عن التعلق وأنواعه وأسبابه.

- المفهوم الحقيقي للحب، والمفاهيم الخاطئة عنه.

- الحب المشوه واحتياجات الانسان، ولِمَ تخاف الناس مواجهة نفسها.

- عن السلوك وكيف نترك العادة السيئة؟

- عن التعلق الصامت وكيف نتخلص منه ونحصل على الامان؟

- عن الخنق العاطفي وما هي العلاقة الزوجية الناجحة وكيف تُبنَى؟

#بودكاست مايند.

@MayaDreamer.

• ليش بيتولد الفراغ العاطفي؟
شي مرة حدا فينا فكر بالموضوع هاد؟

كيف أتخلص من مقارنة نفسي بالآخرين؟
_

كل موضوع من مواضيع نورا هي خطوة لتوصلكم لمكان رائع من شخصياتكم..

وحتى نوصل لهالنقطة منحتاج إنو نشنتغل عبر كل نقاط ضعفنا، ونغذّي نقاط القوة..

#بودكاست نورا ادريسي

@MayaDreamer.

• جايبة بودكاست جديد نسمعو سوا،
وأكيد حيكون مذهل من قبل ما بلش فيه 💫.

_للأمانة كتير خوفوني بالبداية من كلام هالشيخ_ بس صدقاً ما شفت حدا مستمر لهلأ متلو بالنشر عن القضية الفلسطينية (اللي هي قضية دينية إنسانية)، وما شفت حدا متلو بارع بربط الواقع بحياة النبي صلوات الله عليه.


لهلأ بذكر حالي من سنة، مرة كنت عم أجلي ومشغلة اليوتيوب، وقتها مرق فيديو وكان إلو، وحرفياً انحفر بقلبي حفر، وما بنسى وقتها دهشتي، لما شعرت إني أدركت شي أكبر مني أثناء سماعي لكلامو، وكأن اللّه ترك جوا عقلي قنديل، ولهلأ منورلي قلبي وطريقي 💕.



وبرجع بنوّه، اسمعوا أي شي بكل جوارحكم، بس اتأكدوا إنو قد يمرق سطر ما يرتحلو قلبكن، أي وقتها لا كتير تركزوا عليه، وخدوا المفيد إلكن واللي فعلاً ممكن يغيركن وينقلكن لمكان أحسن ♥️.

كيف نميز بين الحق والباطل ؟
هل سيعود فينا صلاح الدين ؟

| أحمد السيد | الاباحية | مع خالد النجار.


#أحمد_السيد.
#بودكاست.
@MayaDreamer.

• وأخيراً حطيت خطة لشهر 9 تقريبية، للقناة ولنفسي كمان 🎉..

رح احكي ملخص بسيط بما يتعلق بخطة القناة:

📍 رح ارجع لهاشتاغ #بودكاست_أيلول ورح نبدأ بسلسلة من أربع حلقات عظيمة.

كل أسبوع رح نسمع بودكاست واحد منها لأن مدة كل واحد بيتراوح من الساعة للساعتين.

ورح ينزل بودكاست قصير منوّع ضمن الأسبوع نفسه.

📍 رح ينزل مصادر للغة الإنكليزية (بعد ما حددت مستوايي اليوم) وقررت بلش دراسة أونلاين.. لهيك بس حدد المكان اللي رح بلش منو رح نزل هالمصدر.

📍بمعدل اليومين رح ينزل معلومات قرأتها من مقالات منوعة.

📍 عم حضر لست عناوين بما يتعلق بسلسلة التغذية (2 مقاطع صوتية، 4 مقالات)

📍رح حضّر مُنتجين (غذاء بالمنزل) إذا الله راد، ورح نزّل التجربة هون.

📍 رح ينزل كل كم يوم معلومات مهمة من الكتاب اللي قررت اقرأو هالشهر.

وطبعاً غير هيك رح يكون في أشياء منوعة، اقتباسات، أناشيد، نصوص بسيطة لقصص فيها عبرة، وممكن اكتب منشورين ضمن هاشتاغ #تدبر للعلامة السامرائي.


دعواتكن إلي 💘.

• رح نبدأ اليوم بأول حلقة من سلسلتنا
"تذوق العبادات: #الصلاة".

كل أسبوع رح نسمع واحد.. فحاولوا قسموه، بحيث ينتهي معكن السبت.

السلسلة عظيمة كتير كتير ❤️‍🔥
أختي نصحتني فيها، والآنسة آلاء كمان.

فبإذن الله رح نحصّل فائدة بتجنن منها.


#بودكاست_أيلول.
#بودكاست فاهم.

@MayaDreamer.

• كيف تُفكّر بمنطق لا برغبة؟

علاج قراراتك في هذا البودكاست ✅.

خصوصاً لو كنت من الأشخاص اللي كل شي بتشوفو بوجها بتشتريه بدون ما تفكر إذا هي فعلا بحاجته.


#بودكاست الخطوة القادمة.

@MayaDreamer.

• رح نكمل بالسلسلة الجميلة بتاني حلقة من:
"تذوق العبادات: #القرآن"..
بعد ما أنهينا سوا أول حلقة واللي كانت رائعة جداً وبتحكي عن الصلاة.

لازم ينتهي معنا يوم السبت القادم بإذن الله، لذلك قسموه عالأيام اللي معنا لنبقى ماشيين سوا.

ما بنصح تضيعوا الحلقات، صدقاً إنها بقمة الروعة.

#بودكاست_أيلول.
#بودكاست فاهم.

@MayaDreamer.

• كتير لمستني هالسلسلة كبودكاست، كمية الفائدة اللي فيها ما ممكن تنوصف والله، لامست القلب بطريقة يا اللّه شو حلوة!

واسمها فعلاً على مسمّى "تذوق العبادات: #الدعاء". 🩵

#بودكاست_أيلول.
#بودكاست فاهم.

@MayaDreamer.