#верш
#госць
#Весялосць_Чырвань

Ліхтар адзінокі
У цемры начной
Гарыць то ярчэй
То бляклей

Праз хрусталь майго вока
Яго свет прабіваецца
Да самай падкоркі
Да самага мозгу

Не бачу нагі яго
І не бачу зямлю пад ім
Толькі воблакі-пёры
Пад тонкім сярпом

Яго свет на сцяну кідаецца
І яе хоча з’есці
Гэта кожную ноч пачынаецца
Як толькі на ложак сесці

І святло вакол лямпы бы німб
Яно мяне вабіць
І хоча нешта расказаць
Але час позні
І мне трэба спаць

@masvet_by

#верш
#госць
#Весялосць_Чырвань

Расце душа, расце асоба.
Ці бачыў хто такую?
Звонка
Яна пяе, яна і свішча,
Яна жыве і бачыць усё празрыста.
Яна як кветка — цвіце не адразу.
Яна як колер, якога няма нідзе.
Яе палівайце хоць часам,
Хаця б раз на месяц.
Тады расквітнее, і вы ўсе пабачыце:
І колер, якога няма нідзе,
І кветку, што раз ў жыцці цвіце.

@masvet_by

#верш
#госць
#Весялосць_Чырвань

Пужай мяне, жыццё, пужай!
Хай будзе страшна засынаць.
І хай усю ноч у кашмарах цёмных
Я буду ціха, мірна спаць.
І не лянота мне дадаць,
Што я жыву, не як хачу.
І што хутчэй хачу адсюль
Крылатай птушкаю пырхнуць.
А ты пужай, жыццё, пужай,
Цяжарам сталасці і болем моцным.
Але шчэ больш баюся я
Згубіць свой шанец стаць свабоднай.
@masvet_by

• • •
Twitter
• • •