الضعف ماهو سبيل وما أتخذته شعار
أشمخ من الخيل وأعمق من سلالاتها .

‏وجهك مثل صبحٍ  يسوق التباشير
‏واليا ابتسمت من الشموخ ارتوينا

‏سولف وتنبت فالصدور النواوير
‏وأقطف غلاك من العمر ما حَيينا .

‏جعل يفداك القصيد اللي يثير أعجابك
‏تدري إن ذكراك بين الذكريات أزينها

‏حافظك بـ أصغر تفاصيلك و أدقّ أسبابك
‏و معتبرك أجمل توافيق القدر و أثمنها .

‏من يحبّك ما يلام إن صار مسلوب الإرادة
‏أنت ما لا ينترك بعضه ولا يدرَك جميعه .

‏يالله إني لا ضعفت فلا ضعفت إلا لك
خير من يِطلب ومن ينصا كريمٍ ياجد

عبدك اللي يطلب أفضالك وهو فـ أفضالك
لا بغى تخضع له الدنيا خضع لك ساجد .

و أنا عبدك اللي يحتويه الرجاء و الخوف
يقصر و يستغفر إليا شاف تقصيره

تحت كف غيثك مارتجي للبشر معروف
لو تنوشه صدوف الزمان و مقاديره .

عسى لي أثر طيّب مواقف وذكرى خير
و نفسً تنول اللي تمناه . . يـا ربّـي .

‏دعاك القصيد اللي كتبته على طاريك
مثل ما دعاني .. لـ السهر ليلة غيابك

ياكثر القصيد الفارق اللي كتبته فيك
وكم معجبين .. جابهم بس ماجابك .

‏ماخبرت الزمن وقفني بـ حيره
‏لين شفتك وزادت عقبك أوهامي

‏كل ما شفت حلم ألقاك تفسيره
‏أنت من واقعي .. ولا من أحلامي ؟

‏تطيح دموع عينه من فراقك وحده وثنتين
وهو ما يبغي الا الدمعه اللي تعلن التوبه .

⁣.

‏إن رضيـت بشي مـا أرضى مخافـه
ما اقبل أنصاف الرضا في كل أموري

وإن رفض قلبي و عاف الدرب عافه
ما أجيـه بنـص خطـوة من عبـوري

الوداعـه و السـماحـه و اللـطافـه
هذي أصـدق مازرعته خلف سوري .

‏طبعي كذا من فضل ربّ العالمين
قناعتي تفـرض عليّ حقوقها

لو أرسم البسمة على وجه الحزين
كنّـي ملكت الأرض و اللي فوقها .

‏سموّ الأخلاق يجعل منك صاحب سمو
الناس تملك قلوب الناس .. بـ أخلاقها .

‏بديت الطويل ونثّر الحِجر باقي ماه
‏كما ينثر المزن المراديف غدرانه

مهوب أزين العربان مير الغلا سواه
‏جبرني كما جبر المعزب لـ صبيانه
‏
تراني شليً لين حلت على فرقاه
‏وأنا يوم انشّد من عربهم على شانه .

غديت كني على المطراش منساقي
لا من طرت ساعةٍ ماني بذاكرها

أنا أدري إن كل جمعٍ للتفراقي
لكن عيني بعدهم وش يصبرها ؟.

‏حي من قامت تهجرع خواطرنا عليه
غالي ٍحتى الهوى اللي يهب مْن سنعه .

‏تعبت اتشرّه و المشاريه لو تنسام
‏جلبت الظنون و صارت تْباع بالحبّه

‏ما يلحق غياب الكفو يا كود سبع انعام
‏و على ما مضى له قافل الباب بالضبّه

‏ما أخاف الخصيم الواضح الصامل المقدام
‏أخاف الجبان اللايذ إن ما خشى ربّه

‏تدور الدواير و الظليمه على الظلّام
‏تبي تحرقه و يصالي الضوّ من شبّه

نفيس الذهب من لا درى به ماهوب يلام
‏ملامي على اللي داريٍ به و عذربّ به .

‏أصحابي اللي بديت أنسى ملامحهم
ماعاد لي قلب روحوا دوروا غيري

و عدواني الأولين الله يسامحهم
اتعبتهم  لين صاروا من جماهيري :)

‏القصايد سلوة النفس والإبداع ذوق
وكل بيتٍ يلفت العين يسلم شاعرة .