‏كنت أبتسم وأفرح وأنا ماتكلّمت
‏لـ الطاري اللي .. هامته ما توطّى

‏ياوجهٍ أغوتك الظروف وتلثّمت
‏مثل السنا اللي بالسحاب يتغطّى

‏الذكريات أمرّها بعدك بـ صمت
‏كنّي على أعتاب القبور آتوطّى

‏البارحة ذكرتك  وما تبسّمت
‏يبدو علي إني " بديت " آتخطّى .

‏حتى لو تشوف التفاصيل بـ وضوح
‏لا تكبر الرجوى بـ عين المرتجي

‏من كثر ما اتعبني شعور إنك تروح
‏ما عاد يسعدني شعور  إنك تجي .

كانك موادع فأنا درب الهجر قادر أمدّه
‏وإن زعل عقلي تأكد والله إن القلب راضي .

‏يحيّـا حياته فارقٍ ماله أشباه
لو قلدوه النّاس..ما ينتشبّه

سهلة تمرّه لكن صعبة تعـدّاه
تبقى بذاكرتك وساويس حبّه

أكثر ما قالوا في صواديف ملقاه
"عز الله إن اللي مربّيه ربّى".

‏من سمو المهاب أخذت طبع العلو
ما إلتفت لـ غياب ولا انتظرت الوعود

وما يسد بـ مكاني ناس .. مهما علو
وفي سما عزتي ما للكبر أي وجود .

‏وأغيب وأشباهي تكاثـر و إذا جيت
‏يبــان لك فــرق البشر .. في حضوري .

رزقك من الله قبل لا تجمع وتطرح
مقسوم دامك سعيت ومتّكل بالله

مهما تضايقت بـ يجي لك يوم تفرح
الفرحه إللي .. تنسّيك التعب كلّه .

‏ يا رب أنا عبدك وفي قلبي خشوع
والتجي بك كل ما ضاقت وساع السبل

كيف يلحقني من الوقت والأيام روع؟
وأنت مداتك سحابة .. وفزعاتك وبل .

يارب أنت الرحيم الباسط الرزّاق الحيّ المجيد
أستغفرك من كُل ذنبٍ يبدل الرحمه غضب .

‏ياناعس الطرف ماني مدوّر الطارف
عزالله إني نقيتك  نقو مترفّق

أعذب من المال لامن عدّه الصارف
والطف من النود لامنّ العصر شفّق

أحنّك من البرود و دمعك الذارف
وأدرى على سمعتك من هرجة الطُفّق

عن غيري الروح منلدّه وأنا عارف
والقلب لـ مواجهك هاوي ومتشفّق .

‏لا تشكِّك فالمحبَّة وتجنِّبني وجيه
وأنا عيني مثل قلبي على غيرك عِمي

وحّد الله أنت مالك مع خلقه شبيه
لوَّ تلقى لك مقلِّد وتلقى لك سِمي .

‏حاذفٍ من معجم الود لك كلمة خلاص
وكاتبٍ قدام باب الجفى .. مالك لوى .

‏دام السماء لله ما ضاقت الأرض
ماني من دروب المقادير جازع 

لي موعدٍ مع ليلةٍ نجمها الحظ 
أشوف فيها ما تمنيت .. واقع .

‏يا ربّ أغفر لي .. تجاوز عنّي
‏سترك وعفْوك غيرهم ما أملك

‏من تحت عرشك ظلّني وأرحمني
‏في يوم ما بـه ظلّ إلا ظلّك .

‏سبحانه اللي يزرع بذور المحبة فـ القلوب
واليا عطى عبده قبول الناس جاته مقبله .

‏شفت الفجر مع طلعة النور ضاحك
قلت الأكيد إنه لمح بسمتك لمّح

مدري صباح الخير وإلا — صباحك
بالحالتين الخير في وجهك السمح .

‏نفسيتي مع المخاليق — جفسه
ومعك مثل قطر الندى والنواوير

وجهك صباح الخير والخير نفسه
واللي مهوب إياك يالله صباح خير .

صباح الخير يا أجمل صباحاتي على الإطلاق
جميل الصبح لكنه غدا مع ضحكتك أجمل .

‏لازم تشع إن قالها الله أمانيك
‏مهما غفت في ليل الأقدار شمسك

‏لا يشغلك عن فرحة الجاي ماضيك
‏ولا يسرقك من واقعك صوت هجسك

‏ولا تيأس إن يبست منابت مساعيك
‏بكره يسيل الغيم و يطول غرسك

‏رضاك عنك عن رضاهم يكفيك
‏و يغنيك عن حب البشر حب نفسك .

‏مالي شبيه إلا السماء والسحابه
‏ومالي نقيض إلا مقلد ومنسوخّ

‏أنا كذا ما أشبه . . إلا اتشابه
‏وما أدنق إلا يرتفع راسي شموخ .