Давай з табой на развітанне
Дап'ём салодкае віно,
Успомнім першае спатканне
І ўсё, што канула даўно.
Як разам салаўінай ноччу
Збівалі срэбную расу,
Як я шаптаў, што не сурочу
Тваю дзявочую красу.
Ты ўпершыню назвала: "Любы",
Як толькі маладзік зайшоў,
Твае асмужаныя губы
Я, не шукаючы, знайшоў.
Так праляцела паўстагоддзя,
Нібыта ў нямым кіно.
Давай цяпер у поўнай згодзе
Дап'ём салодкае віно.

Сяргей Грахоўскі

Маладосьць –
Гэта дзіўная казка,
Непаўторная ў нашым жыцьці…
#цытатадня Тодар Кляшторны

Кніжка з трагічным лёсам: напісалася ў 1914-м, выдадзена Радай БНР у Менску ў 1918-м, і так і не патрапіла ні да нашаніўскага канону, і перад вайной прачыталася вельмі сціпла, “дзякуючы” прывітальнаму слову Гаруна да Пілсудскага. Дзякуючы таму ж – выкраслілася з усіх падручнікаў і гісторый, і толькі ў 1988-м, з вялікімі праблемамі, крывёю і потам вярнулася – але ці прачыталася? Містычная кніга аднаго з найвыдатнейшых нашых паэтаў-метафізікаў – з усімі спадарожнымі смяротнымі страхамі, зданямі, ваўкалакамі і вурдалакамі, зазіраннем у тагасветную цемру, напаўдрымотным змаганнем сібірскага выгнанца з абрыдлай явай і ўласнай звонкагалосай музай.

Сёння мы сканчваем прыём заявак на прэмію Наталлі Арсенневай за найлепшую паэтычную кнігу на беларускай мове!📕

🙋‍♂️🙋‍♀️ Да ўдзелу запрашаем паэтаў, якія напісалі зборнікі вершаў, што выйшлі у 2020 годзе.
📝 Падавайце заяўку да 23.59 ці паспейце падзяліцца гэтай навіной са знаёмымі паэтамі і выдаўцамі.

✍️Форма заяўкі і ўмовы ўдзела.

Алесь Гарун і Янка Купала

Чалавек, які нязменна ідзе да мэты, не толькі зямлю, але і атмасферу можа змяніць
#цытатадня Ян Баршчэўскі

#кнігібсср
Вокладка кнігі Алеся Гародні "На крэсах", Менск, 1927 год (фота Ю.Тамковіч).

Дай нам, Божа, такую ўладу, пры якой мы не думалі б пра сябе, не прыніжалі іншых, дазвалялі казаць праўду адно аднаму, не лічылі б сябе бязгрэшнымі...
#цытатадня Сымон Будны

#кнігібсср
Вокладка кнігі А.Звонака “Буры ў граніце”, Менск, 1928 (фота М.Нікалаеў).

Літаратура робіцца валамі
#цытатадня Павел Місько

А пры жаданні, пры ахвоце сам чорт не страшан у балоце!
#цытатадня Якуб Колас

Хто не памятае мінулага, хто забывае мінулае – асуджаны зноў перажыць яго. Безліч разоў
#цытатадня Уладзімiр Караткевіч

Лёс не зычыў мне шчасця зямнога,
Не бярог і ад брыдкіх абраз.
Я не крыўдзіў ніколі нікога,
Сам жа бітым быў, нават не раз.

Пэўна, свет збудаваны ўжо гэтак:
Адны едуць, другія вязуць.
Для адных – вечна цёплае лета,
Для другіх жа – асенняя муць…

Павал Пруднікаў

Бібліятэка Kamunikat цяпер у Telegram!

Беларускія кнігі, аўтары, газеты і часопісы, навіны беларускай культуры і грамадства — бясплатна і штодня.

Беражы лес — падпішыся і чытай кнігі на Kamunikat!

#першаякніга Вокладку рабіў Міхал Анемпадыстаў

Мары няясныя, няпэўныя, але яны клічуць. Нястрымна
#цытатадня Іван Мележ

☄️Заўтра а 23 гадзіне па беларускім часе ў межах Міжнароднага фестывалю паэзіі і перакладу ў Атланце адбудзецца паэтычная імпрэза падчас якой беларускія паэты і паэткі Дзмітрый Строцаў, Юлія Цімафеева, Марыя Мартысевіч і Уладзімір Лянкевіч прачытаюць свае пераклады вершаў амерыканскіх калег - Vievee Francis, Hanif Abdurraqib, Travis Denton і Mario Chard. І адпаведна наадварот - амерыканскія паэты і паэтка прадставяць свае паэтычныя пераклады беларусаў.

💫 Арганізатарка і мадэратарка імпрэзы - Вальжына Морт.

📌 Падрабязнасці і спасылка для ўдзелу.

#першаякніга Вокладка Міхала Анемпадыстава