Лідзіі Савік — 85 гадоў! Віншуем!

Вольга Бабкова: «Жывём, хоць і дыхаць цяжка».

У нас на сайце - вялікая гутарка Вікторыі Чаплевай з пісьменніцай Вольгай Бабковай.

Новае відэа цыклу "Словы мацней": Раман Абрамчук чытае ўрывак з апавядання Максіма Гарэцкага. У праекце "Словы мацней" сучасныя дзеячы культуры, якія зазналі рэпрэсіі, чытаюць творы рэпрэсаваных у сталінскія часы. https://youtu.be/ftd07ZKOqlc

О матчына мова! Маленства вясна!
Ніколі ніхто мне цябе не заменіць,
Бо ты, як і маці, на свеце адна.
#цытатадня Алесь Бачыла

"Я нарадзіўся тут" - Радзіма! Мая дарагая! (2000)
Словы Алеся Бачылы

https://youtu.be/ln4hklc4ryU

Тэкст тыдня. Раіса Шастак. Ну і ню, або Аголены боль.
Рэцэнзія на кнігу Міколы Гілевіча.

...“Ню (фр. nu голы) – выява аголенага цела ў выяўленчым мастацтве. У паэтычным жа выяўленні Міколы Гілевіча – гэта аголенасць у самым шырокім яе разуменні: аголенасць натуры, нерваў, чуллівае душы. І кніга “Ню” – гэта тое, што пісаў ён, прыхільнік муз Эўтэрпы і Эрота, для (і пра) галоўных у яго жыцці жанчын. Вымаўленае (ці нявымаўленае) цела і ўцялесненая душа непазбежна сыходзяцца ў каханні”...

‼️Заўтра намесніцу старшыні Беларускага ПЭН-цэнтра Таццяну Нядбай выклікаюць на допыт у Следчы камітэт.

"Складана сказаць, што насамрэч з’яўляецца прычынай увагі. Калі я добра разумею, цікавіць маё мінулае месца працы - Прэс-клуб, з якім я супрацоўнічала да 2017 года. Допыт прызначаны на 3 сакавіка а 11 гадзіне, збіраюся ісці з адвакатам. Прапаную сачыць за сітуацыяй, таму што сёння нярэдкія выпадкі, калі людзі заходзяць на допыт у адным статусе, а выходзяць (ці не) у іншым. Ёсць дакладнае разуменне, што мы не робім і не рабілі нічога кепскага, дзейнічаем выключна ў інтарэсах сваёй краіны і зробленым можам ганарыцца", - каментуе Таццяна.

❗️Аператыўная інфармацыя будзе з'ўляцца ў нашых сацсетках, сачыце калі ласка.

У "Кантэксце" — Віктар Слінка. Новы выпуск праграмы!

https://www.youtube.com/watch?v=qd3fQQ7Agt8&feature=youtu.be

📚(Не)расстраляныя паэты 20-ых «ажылі» дзякуючы тэхналогіі Deep Nostalgia.

Паглядзіце, як выглядалі Міхась Зарэцкі, Юлі Таўбін, Алесь Дудар, Тодар Кляшторны, Маісей Кульбак, Зяма Півавараў, Анатоль Вольны, Уладзіслаў Галубок, Міхась Чарот, Юрка Лявонны, Ізі Харык, Валер Маракоў.
https://wir.by/be/article/paety20

Больш пра гэтых пісьменнікаў можна даведацца на старонцы праекта (Не)расстраляныя.
Спасылка: https://tuzinfm.by/nierasstralianyja/

Сёння адзначаецца Сусветны дзень пісьменніка! Ад усёй душы віншуем усіх датычных!

Праца ў літаратуры — справа для людзей мужных. Баязьліўцу ня месца ў літаратуры
#цытатадня Ніл Гілевіч

📢З нагоды сусветнага дня пісьменнікаў запрашаем усіх аматараў літаратуры ў Аўдыятэку Беларускага ПЭН-цэнтра, у якой сабраныя аўдыязапісы твораў сучасных беларускіх пісьменнікаў і класікаў.

📖Свае тэксты чытаюць самі аўтары, а таксама перакладчыкі, якія пераклалі творы сусветнай літаратуры на беларускую мову. У сховішчы прадстаўленыя амаль 80 аўтараў і незлічоная колькасць прачытаных імі твораў.

Слухайце тут ⬇️

https://audio.pen-centre.by

Нагадваем пра наш анімацыйны фільм "Ад Скарыны пачатак... Пяць стагоддзяў нашай кнігі"

https://youtu.be/2NSYY28Bx7s

Першая кніга Максіма Танка "На этапах", 1936 год #першаякніга

‼️Допыт Таццяны Нядбай у Следчым Камітэце скончыўся, яна дала падпіску аб неразгалошванні.

Працягваем! 🙌

Кастрычнiк, вярнi беларусу ягоную родную мову #цытатадня Карлас Шэрман

Кніга паэзіі "Сны" Карласа Шэрмана, 1989 год