🔴#تنظيم_الوقت اثناء فترة المراجعة (قبل الامتحان ) راح يكون المنشور عبارة عن نقاط لازم تلاحظها وتحاول توفرها لنفسك.🤎

قبل ماتبدي تراجع وتنظم الجدول مالتك لازم تعرف:-

🔵نقاط القوة والضعف لديك : نقاط القوة والضعف يعني لازم تعرف شنو الي فاهمه بشكل متقن والي حافظه بشكل مضبوط + بالمقابل تعرف المواضيع الي ماكدرت تدرسها بشكل متقن او فشلت بدراستها.

🟠بعد ما عرفت نقاط القوة والضعف لديك راح تنظم الجدول او تعدل على جدول شفته مناسب الك. تبدا بالــمواضيع الصعبة وغير والواضحة بهل حالة راح تستغل وقت نشاطك ومن راح تتعب راح تشوف نفسك وصلت الى الجزء السهل الي تعرفه ودارسه قبل .

🟣الاهتمام بالوقت :- الوقت في فترة المراجعة راح يكون محدود انصحك تخلي ساعة گدامك حتى تعرف شكد بقالك وقت وعلى اساسه تنظم دراستك.

🟡#الـــراحـــة :- بعد هالتعب وكمية المعلومات الي دخلت دماغك راح تحتاج راحة كافية حتى دماغك ينظم المعلومات الي راجعتها وحتى يسهل استظهار المعلومات اثناء الامتحان.
_النوم تحتاج من 6 الى 8 ساعات نوم خلال كل 24 ساعة تكدر تاخذ قيلولة الظهر مدة ساعة حتكون كلش مفيدة 💛✨.

وبالنهاية حلمك راح يبقاله ايام معدودة فحبيت اگلك :
لن يهزمك إمتحان..ولن تعجزك صفحات كتاب..ولن تكسرك صعوبة منهج.. 
لن يتركك الله بدون ثواب أبداً فلاتخشَ الصعاب🥇


📝#محمد

#سادسنا_خلصان
https://t.me/LASTLY6