شاعری دی وسه متی تُرِ کاری بگرم
ار بناره کتمه ، ویر ار هُماری بگرم

تا چَنی چو بِلبِل اَر سویک ِ قفس بِنالِنِم
مِه بچم هر چو قِلا،دُم قاره قاری بگرم

دارِ سیفی که خدا دامَسه بی دردِسره
مه بِچم بوشمیه بی ، پلپِ چناری بگرم

کس وَ سَرکیشی خَریوی چو مِنِ لیوه نمای
مه گَنِم گُم کَم و ری کورَه دیاری بگرم

ایسه که مردم ِ ایره مِنانه گِرَک نیه
مه بومه توز و بچم ،کهنه مِزاری بگرم

لانه شیطانی فلک بستیسه بخت ِ مِنا
کویچه ار کویچَمه موره تا گه ماری بگرم

بیستون،دنگ مه نمشتوی هنا رس هو نیه
مَر خَوَر مِردن ِ فرهاد ا ِ اناری بگرم

اِ گُلام ِ گیژِ دنیا ، سَرم آورده دِرِر
تا قَپالی نویر اَرا بی چئم و چاری بگرم

#غریب_دلفانی

صدای مردم لک
@lakvahid

✅غزل لکی

#چنی_سخته

شعر : #غریب_دلفانی

دکلمه :بانو #پروین_ایلدخت_اعتصام


اگر دل ناگران بوین و مدام آواره چو کشکان چنی سخته
دما   برّ  بیاوان   و  نوا   دلیای   بی سامان   چنی  سخته

وهار ار دس کرم باری و بیتی غرقِ  وشت و وارت که
تو دار بی بری بوین و جواو نینه هنا واران چنی سخته

اگر عمری نظر کرده خدا بوین و پل سیمرخت ا بین بو
و لوو یه نابرایکِره تو بوینه روسم دستان چنی سخته

وه نامردی اگر دشمن ،شوه خون بیه و تفراتوینه خلقت که
چو دایا کور زرهان ِ بمینین ار دما مینگان چنی سخته

کموتر بوین و  ار اوج و صیات سی دسی نیشانه تیرت که
و دلتیره  بمینه  تا بچین ار  موولقِ آسمان چنی سخته

اگر اژ بخت هوتی، بی گنا بوین و ولاتی ار کمینت بو
پناهگا امنت اژ دنیا، بوه دیوارل زندان چنی سخته

اگر  چو یارما  روژی، دسک بینا  و باخاون  و  نامردی
وَ جوشِ سوزی و گلدمْ وهارِره، بکیته شاله رو بوسان چنی سخته

ار افلاطون دوران بوین و نامت، واته بو و عقل و دانایی
و ناحق یه گِر اژ عمرت، بکنته هومدم نایان چنی سخته

#غریب_دلفانی


صدای مردم لک
@lakvahid

‍ ✅غزل لکی

#غریب_دلفانی

برگردان به فارسی

1_این شب سیاه و ظلمانی به پایان می رسد و عاقبت به روشنایی روز ختم خواهد شد .خورشید در حال طلوع است .پس بمان و از اینجا نرو
سختی و شدت سرما در حال افول و شکستن است و به دمدمه های بهار رسیده ایم، بمان و از اینجا نرو
2_به این آسمان خشک و سترون نگاه نکن ؛ ابرها بر فراز کوه در حال نمایان شدن هستد و این نشانه ای برای بارش باران خواهد بود پس بمان از اینجا نرو

3_غول غم بر دروازه ی خانه هایمان نشسته است و عرصه را بر ماتنگ کرده است. نترس و مردانه بایست .
روزگار چونان گرگ هاری است که زوزه می کشد .پس همین جا بمان و نرو

4_کمتر به صورت غیر منتظره و ناگهانی کوچ کن که منجر به سرگردانی و پریشانی من می شود .
راه دور و دراز ی و پر پیچ و خمی در پیش است. پس بمان و نرو

5_غم همچون سیلابی است که به صورت ناگهانی انسان را در بر می گیرد .
به عمق این سیلاب گذرا نگاه نکن .اکنون ما به تنکای آب رسیده ایم. پس اینجا بمان و نرو

6_تا زمانی که در این اجاق سرد فروغی در حال درخشش و سوختن است،در اینجا بمان.
رفتن به صلاح نیست زیرا در سایه سار کوه ، برف و کولاک بیداد می کند.

7_ ایلی که از هم پاشیده شود ؛دوباره به سختی می تواند به یکپارچگی و اتحاد برسد .
به دقت گوش کن که صدای یکی ازهمتباران از تنگه ( گاشمار ) به گوش می رسد .پس بمان و نرو

8_ بی شک جای زخم غصه ها خوب می شود و التیام خواهد یافت.
بیا و ببین که جرگه ی سور و شادمانی در کوچه برپا شده است پس بمان و نرو

🌹🌹🌹
صدای مردم لک
@lakvahid

چند دوبیتی عاشقانه به زبان لکی

#غریب_دلفانی

موسیقی پیوست:
کمانچه استاد فرج علیپوری

صدای مردم لک
@lakvahid

کُله باخی بیم ار راخی ، زمین پَل دامه تَل هوویچا
بوره پئلی بیم ار تاشی ، فلک فِر دامه پَل هوویچا

مه اِ روژی که ها ویرم ،کفارات فلک گِرتم
چپ و چیل ار کل و کویچه هلانم کِرد اَ هُل هوویچا

صیاتی ار کَلِم بی و نا حلمانه دامه در
چِم اَر هوری و نا غافل فلک پیچامه گَل هوویچا

مگستم مشتی آساره اِ آسمانِ خدا بوزم
تومرزه نیشتیسر کُل متی بورمه کَل هوویچا

چه خِشتِم مالی ار دشتی که ری صدساله لافی بی
خدا گستی که شو تا صو بومه آویارِ زَل هوویچا

مِه سر تُل دارِ حُشکی بیم و شکیام از سرآسویی
هلورکین دامه دس واوا کلنگ بیمه بخل هوویچا

یه چل ساله و نامردی فلک زوویخه میه حوردم
منی هوسام و هر حواردم گُمل ار سر گُمل هوویچا

معنی به فارسی

1_من بیشه ی روییده بر ریگزاری بودم که زمین، شاخه ام را به شاخه ای از هیچ پیوند زد.
و بلدرچینی بر فراز صخره ای صاف بودم که فلک با پری از جنس هیچ پروازم داد.

2_من از روزی که به یاد دارم همواره نحسی فلک شامل حالم بوده است و ناموزون و ناراست ،کودکانه در کوی و برزن با چوبی از جنس هیچ مشغول بازی هلان (الک دولک ) بودم . (قدما معتقد بودند بازی هلان ،موجب نباریدن باران و خشکسالی می شود .)

3_صیادی در کمینم بود و من به صورت ناگهانی از کمینگاهم بیرون آمدم اما هنگامی که به دشت رسیدم فلک مرا با گله ای از هیچ روبرو کرد
.
4_می خواستم از آسمان خداوند، مشتی ستاره بدزدم . اما گویی او می دانست و در قصدم نشسته بود.او می خواست مرا به کوچه ی هیچ بکشاند .
5_چقدر خشت مالیدم در جایی که مسیر سیلاب های صدساله بود. شاید خدا می خواست که شب و روز به آبیاری نیزار مشغول باشم (کار بیهوده انجام دهم)

6_من سرشاخه ی درخت خشکی بودم که بر پشته ای بلند روییده بود و به شدت بر خود می لرزیدم .انگار گهواره ام را به دست باد داده بودند و در آغوش باد بالیدم .

7_چهل سال است که چرخ فلک، نامردانه، تلخابِ غم و غصه را به خوردم می دهد اما من همچنان ایستاده ام و با مشتی از هیچ، مشت مشت از این تلخاب می خورم

#غریب_دلفانی
#حسین_نظریان
#لکستان
#لک
#دلفان

صدای مردم لک
@lakvahid

#مثنوی_لکی

خدایا گِری اِ گپه گوش که
خدایی بِنه لا فراموش که

بوری تا کتاوِ جهان واز کم
گِلیمَر درِ  مالت آغاز کم...

#غریب_دلفانی

صدای مردم لک
@lakvahid

#غزل

یه شو نگار اژ دلبری،هت با هزار افسونگری
بی ناز و نووز و روسری،نیشت ارکنارم چوی پری

در خاو بیم و بی خور ، نیشت ار کنارم چوی قمر
آسوده و بی درد سر ،اژ جور چرخ چنبری

تا هت عزیز گیانی ام ، اژ دل نمن نیشانی ام
نیشانی ار پیشانی ام ، تیر بژانگ خنجری

تا مهر چهر یار هت ، خم بی پلامار و شکت
ار خلف زلف یار کت ، وت مه بکش اژ کافری

ایواره مه بیمار بیم ، بیمار و ژار یار بیم
کی هم چوی هرده جاربیم،چوی پویش بیم اژ لاغری

تا شیشه ی خم اشکیا، چوی وا خم اژ یک پشکیا
و ژیر دسمیر شیویا ، زلفان شور عنبری

او نان بی و مه چوی کپک، او چوی گنم مه دویسنک
او چوی نگینی وه حنک ، مه حلقه ی انگشتری

دس بردم اَ ذوق و هوس ، دامان یارم گرته دس
تا واتم ا َ دادم برس ، خاو اژ سرم چوی وا پری

هور چوی دز عیار سر ، اژ پشت کوه آورد و در
پاشانی ار کوه و کمر ، خرمان زر قیصری

هیز گرتم ار جا کس نووی ، نام دم هری سی چوی ژووی
واتم یه خاو بی یا شووی ، کژ گیان و دل کردمی بری

تا شعله ی هور بی عیان ،چوی داولی شو بی نیان
صد لعنتم کرد ار زمان ، صد تف ارا چاره شری

#غریب_دلفانی

@lakvahid

#غزل_لکی

#غریب_دلفانی

صدای مردم لک
@lakvahid

غزل_لکی

مِه مَلِ کوریکم و پروازم اِ ویرا چیه
ناز و نویزیم گم بیه آوازم اِ ویراچیه

کس مرید پیر بی معجر نیه دل نونه مه
اَر دخیلت بستیه، اعجازم ا ویرا چیه

چوی کونه میخ آژنم ،چوی چئمه ری ناز اژ منی
مه خریو بی کسیکم نازم ا ویرا چیه

چوی شکاری بی پناه اژ حلمتِ گرگ وسی
هامه چنگال قوشیره ، بازم ا ویرا چیه

چرخ گردون عالمی هردی ولی گی مه نهت
چوی پرو گر آسیاو مخرازم ا ویرا چیه

خم و نامردی کلانتر بی و مه چوی لطفعلی
مه بتورنمی  ولی سروازم ا ویرا چیه

ملِک دل چول و خَمینه ، قو کری ار جا نمن
رازلم وا بردنه ، همرازم ا ویرا چیه

هر وتم بوینم جمالت چئملم نذرت بکم
ایسه سویرم دی، سماع و سازم ا ویرا چیه

حافظ موتی"به شیراز آی" و چم اژ لطف حق
خاک دلفانم دی و شیرازم ا ویرا چیه

#غریب_دلفانی

دکلمه ،فیلم و میکس:سرکار خانم #پری_بهرامی
دهکده گردشگری کیکم کرمانشاه

صدای مردم لک
@lakvahid

#مثنوی_لکی

هم بیه ایواره و حالم گنه
هر تکه اژ زوخ دلم یه منه

قافله چی و منه تنیا منم
دی و هناسی گجریکا بنم

ا هنی ار عشق تو در آ منم
دل بیسه ءگری ار دامنم

زار و زمین گرتییه چاره شرم
گاله مکن ار دل بی هو کرم

ا دسِ دل دی شکتم مه بچم
بار خمت کو بیسر رو لچم

نامه من و دل بیسه قال و قی
جنگ گله و گله کو و  کیای کی

کس نیه تا طالع دلم آگری
بایژه دامان دلم آگری

کس نیه تا بای و مه آواره که
گال گلی ار من بیچاره که

ار سرِ دل اِ سرِ شو تا گه صو
بارِ  گرانیکه  خمِِ عشق  تو

مر و دمه عشق تو کی شوقیه
کئنی کهنیکه که هم توقیه

ار خم عشقت بن ار سر گروین
پشته می و صاف ماو ا رو زمین

سیر بکه بی دنگ و بی قرم و قال
عشق تو چوی کردمسه کو زخال

کاری نکه که دل بوه دشمنم
آگر اژ ا لیز و زنیه بنم

اور خمت ار سر مه واریه
اور نیه خم نیه یه داریه

وخته هناته بی خور مشتوم
هوم سفر بار گران تووم

بی خوری دی وسه آوارتم
چوی خط هول هورچی ا روچارتم

اسر تو یا خوین خدا جاریه
رفت گرانی که و مه واریه
...
#غریب_دلفانی


صدای مردم لک
https://t.me/lakvahid

#مثنوی_لکی

هم بیه ایواره و حالم گنه
هر تکه اژ زوخ دلم یه منه

قافله چی و منه تنیا منم
دی و هناسی گجریکا بنم

ا هنی ار عشق تو در آ منم
دل بیسه ءگری ار دامنم

زار و زمین گرتییه چاره شرم
گاله مکن ار دل بی هو کرم

ا دسِ دل دی شکتم مه بچم
بار خمت کو بیسر رو لچم

نامه من و دل بیسه قال و قی
جنگ گله و گله کو و  کیای کی

کس نیه تا طالع دلم آگری
بایژه دامان دلم آگری

کس نیه تا بای و مه آواره که
گال گلی ار من بیچاره که

ار سرِ دل اِ سرِ شو تا گه صو
بارِ  گرانیکه  خمِِ عشق  تو

مر و دمه عشق تو کی شوقیه
کئنی کهنیکه که هم توقیه

ار خم عشقت بن ار سر گروین
پشته می و صاف ماو ا رو زمین

سیر بکه بی دنگ و بی قرم و قال
عشق تو چوی کردمسه کو زخال

کاری نکه که دل بوه دشمنم
آگر اژ ا لیز و زنیه بنم

اور خمت ار سر مه واریه
اور نیه خم نیه یه داریه

وخته هناته بی خور مشتوم
هوم سفر بار گران تووم

بی خوری دی وسه آوارتم
چوی خط هول هورچی ا روچارتم

اسر تو یا خوین خدا جاریه
رفت گرانی که و مه واریه
...
#غریب_دلفانی


صدای مردم لک
https://t.me/lakvahid

#غزل_لکی

جهانه  ماوه  گلزاری  اگر  داس و  تَور بیلن
ری و بی ریه مانه یک، اگر کوه و کمر بیلن

دنگ دوس اَر بنِ مال و رنگ رخساری ار کویچه
متونم بشتوم ؛ بوینم ، بری کور و کر اَر بیلن

مِه مَرجِم بستیه تا صو بچم پیخمبری بارم
اگر بی دین و ایمانل ، اژ ایمانم اثر بیلن

مَزانم ویشه سِزیایه ، ولی دارل وَچَه مَئنا
اگر ای خِرسل پیره، اثر اژ حشک و تر بیلن

مَچم تا بومه توزِ ری ، گِری پلمانه دی وَسمه
اگر زویخاوِ چئمل کور و خویناوِ جگر  بیلن

وه ای بازارِ ظلمیره که شق شق اژ منه مئرن
هنامه مارمه سر هم ، اگر توپ و تشر بیلن

مه هو هر سازنه ایلم ،تونی چوپی بکه،هیزر
بچرخ تا هم بچرخیمن ،  اگر ایلِ چمر بیلن

#غریب_دلفانی

صدای مردم لک
https://t.me/lakvahid

حسین نظریان متخلص به #غریب_دلفانی مهمان امشب #شبکه_افلاک

🔸در برنامه ویژه‌ی #تحویل_سال سیمای شبکه افلاک، استاد #حسین_نظریان مهمان برنامه خواهد بود، این برنامه از ساعت ۱۷:۳۰ دقیقه امروز آغاز و مهمان خانواده‌های لرستانی خواهد بود.

🔹«حسین نظریان» از شاعران لک‌زبان،


🔹امیدواریم ایشان در این برنامه نماینده خوبی برای لک زبانان این شهرستان باشد،
با آرزوی شادی و تندرستی برای ایشان و همه‌ی دلفانیان عزیز

صدای مردم لک
https://t.me/lakvahid

حسین نظریان متخلص به #غریب_دلفانی مهمان #شبکه_افلاک

🔸 برنامه ویژه‌ی #تحویل_سال ۱۴۰۱ سیمای شبکه افلاک،
استاد #حسین_نظریان از شاعران لک‌زبان،

صدای مردم لک
https://t.me/lakvahid

ار دلم چن ساله جا دیری وهار
چادر سوز رنگینی دوریا دیری وهار

هم کراس مخملی دایه ذچمن
صد کراخ  ار پشت پا دیری وهار

چئمه ری تلمویت گل هوسا و ناز
ار سراوه چیت و جا دیری وهار
,
هم دو دسماله بیه در  و خوشی
جرخه سویر ار در قلا دیری وهار

بی منت کاسه شراوه روی دسا
ار هماری هم هنا دیری وهار

چوی ملویچک تازه اِ  توک ایر هتی
لانه ار روی دس خدا دیری وهار

یه گل اژ  وارون و کل هایه نوا
لشکری گل اِ دما دیری وهار

صد هزاران کلفت ار در مال وژ
چوی دت نازار شا دیری  وهار

بو عویرات بهشت ، اردیبهشت
ار زمین و ار هاوا دیری وهار

#غریب_دلفانی

صدای مردم لک
https://t.me/lakvahid

#غزل_لکی

گل و گلزار و باخ ا مه، هاوایِ وشت و وار اِ تو
چکر چو و چرو اِ مه ، شکوفه نو وهار اِ تو 

شکرچه دارل و گل پاشی و گل کاریت اِ مه
کله باد و دلِ شاد و هناسی روز گار اِ تو

وی و شمشاد و سرو و کیکم و ارخاونت اِ مه
توی و سیفِ گلاو و مئرو و گویژ و انار اِ تو

شو و شیرینی و جام شراو و شور و شعر اِ مه
صو و سرمستی و سرسوزی و گشت و گذار اِ تو

کِل و چوپی و بیت و کشکله شیرازیت اِ مه
چق و پوق و حق و حوق و دف و تنبور و تار اِ تو

وه دس بسیا و پا شکیا ، قفس اشکنانت اِ مه
پلِ پرواز و دنگ آواز و گلواز ار مخار اِ تو

لوِ آو و تو و ناو و خور اژ بختِ خاو اِ مه
چریکه مویکش و حال خوش و سایه چنار اِ تو

گرم هور آسمان و شُرشَرِ واران و وا اِ مه
پراشه تیخِ الماس و بریقه ذوالفقار اِ تو

همویشه حرف هویچ اِ مه،دس خالی و پویچ اِ مه
شوئل آساره چویچ ا مه ،چراخ و چئم و چار اِ تو

#غریب_دلفانی

صدای مردم لک
https://t.me/lakvahid

#مثنوی_لکی

خدایا گِری اِ گپه گوش که
خدایی بِنه لا فراموش که

بوری تا کتاوِ جهان واز کم
گِلیمَر درِ  مالت آغاز کم...

#غریب_دلفانی

صدای مردم لک
https://t.me/lakvahid

#غزل_لکی

کیه یه هانه و نازا گم ار گم هر دله موری؟
نه تنیا اژ من لیوه که دل ا عاقله موری

یکی نویسانی ار ساحل_خراو چیمل مستم_
بیه موجی کت ا دلیا ، قرار ا ساحله موری

خمت نیشت ار بن جرگم چووی نازِ لیلی ار باوان
هنی شیرین تر اِ شیرین سر ا نوم محمله موری

وه ری پاتیره اِ شادی گل ار بوسان کته چوپی
بنفشه گیس نازارت قرار ا بلبله موری

مری تو روله نیسینی که مه گلِ روشنی باری
دنگت چخماخ تیژیکه که رونق مخمله موری

منیشم چووی اویس ار سر ریت تا وا خور باری
هنی که بو عویراتت هزاران منزله موری

قمارم کرد ا گرد عشق و دلم خوش بی که دل دیرم
نزانستم که وه سیری دلم ناغافله موری

#غریب_دلفانی

صدای مردم لک
https://t.me/lakvahid

✅غزل لکی

دل وه  هوول و  بی قرارم ، بی قراری تا چنی؟
بی چنگ و چویل و شکت، ویر ار بناری تا چنی؟

چویی کموتر گیانه سر، ار مولقِ طاقِ فلک
دل هراسان اژ قوش و باز شکاری تا چنی؟

ولگ دریا، سینه سزیا، دل کاواو اژ داخِ عشق
چویی شقایق سر وه هوار و داخداری تا چنی؟

ار  گلوومِ  گیژِ  دنیا ، بی پلامار و شکت
شیت و ویت اژ دس قُلاو و مرگه داری تا چنی؟

هر مدام اژ زورِ دردِ بی کسی ، جور ار دنی
پیری و کوری و ژاری و نداری تا چنی؟

عربده کیش و خراو و در وه در اِ نام ولات
کوسِ بدنامی کتی و تیزه جاری تا چنی؟

هلگه هلگ ار دشتِ دنیا ،بی سرانجام و فقیر
شوونی و نانه لمی ، مِز نا دیاری تا چنی؟

#غریب_دلفانی

صدای مردم لک
https://t.me/lakvahid

زندگی لیژ و بناری بی گذشت
ار شاواری دنگ هاواری بی گذشت

#غریب_دلفانی

#زندگی_قیل_و_قالی_بی_هات_و_چی(لک امیر)

صدای مردم لک
https://t.me/lakvahid