🎧🎤 زبان جهانشمول محور / دوبیتی نغز و دلنواز #لکی شعر و دکلمه ی بانوی شعر لکستان خانم خانمرادے ...

#دوبیتی_لکی
#خانمرادی
#ادبیات_بومی
#گفتار_موزون
#لکستان
#دموکراسی_اقلیتی
#باور_به_اصل_تمدن_و_تکامل

صدای مردم لک
https://t.me/lakvahid

ملک هلیران

نازانه مفروت وه ملک هولیران
ئی جاکه خانل گه کول بین ویران

یه روژه چمه سیر قلاکه والی
آخ ار دل کیشام چوی روسم زالی

ئی باوه وباپیران فره شنفتم
خان سر سواربین هانه وه بختم

حال هاوانی داشت ابوقداره
هرچوی حکومت ار نام اداره

گل گل خولامان خاک چکمه ارمل
چاکریانه مکرد وه سی و وه چل

لمیردان فقط جا عیش مردان
پر وه حشمت وجا و پر وه مقامان

ژنل سام سنگین پرسهم وسه لار
پیا خلوه ن نموینا هرجار

کول چی مرتب پرنظم وناظم
حیا وحرمت کی هانه بی گوم

هامشیره والی بین باوه وباپیرم
هانه گه باوم آیشتی ئی ویرم

یه باوه کلنم هرجور ظابت بی
کارلی مدیوم کول جای ثابت بی

یه باوه ترم حکم خان داشتی
سفره دریژ بی هرمیمان داشتی

داپیره کلنم چن تایه داشتی
یه مال ار ور حور دو سایه داشتی

دو دو خولامان دسان مشورد
مدیوم دس ننه م میاتی بو مورد

هرجای باپیرم سیون داوار میای
مری ایمامی بی صد زاوار میای

رعیت وه منت پی هومسایان بی
وه پی نام نیک و وه پی جایان بی

چن چن نوکرل کول دس وسینه
تا میمان مهت مئوت سفره پینه


سازنه ولوطی هراژ چن وختی
ارا شادی کردن ارا پی بختی

تمیره ژن و هنک چی یک یک
دنگ ساز ودومبک مچیا تا فلک

هویچکسی چوی ایسکه خم ار دل نوی
مگیردیان وه یک ته نصمه شویی

کول مردم حکم خوئه وبرا یک بین
وه مردمداری زبانزد تک بین

وه هرجای بوتات ملک هولیران
موئت باکلاسن هرجور ایل تیران

حیا وحرمت سال و مانگی بین
مردم خیرتی وە شش دانگی بین

نه کور قرت بین ونه کوره نان بین
نمک پرورده سر سفره خان بین

#خانمرادی #شعرلکی# هلیلان# لکستان#

صدای مردم لک
@lakvahid

مه هیورد وخاپیورا نکه


داخی عشقم هرتونین،گیانم وه تنویرا نکه
نافه برانه تو منم،هله پله ،سویرا نکه

توسوزترین وه هرچیگه دارل سرسوز وهار
بو جو بنای ارگ بم ،مه هیورد وخاپیورا نکه

تومانگ وهساره منی ،وه نام آسمان دل
بو آسمان ئی دله،دواره بی نویرا نکه

دف دف وه دف دامه دفی،وه تال زلف تو کفی
بو تال تال زلف وژ ،وه تار سمتیورا نکه

بیجگای عزیزی نام تو ،نیرم وه لیوم نامی تر
ئی نام غزل دلبریم،هجای مه تزویرا نکه

مه چمه ری آ هتنت،چواردر ریانی نیشتمه
چئم همتزاری کوشتمه،ای عاشقه دویرا نکه

شاید گه بوینمت ئی دله ،ئی خم خوسه دی ساگری
رئمی بکه تو لابگر،غرور مه تصغیرا نکه


#خانمرادی

صدای مردم لک
https://t.me/lakvahid

‍ مزانین بی تو هامر شین وه شونت
دیرم خمل زیای دیرین وه شــونت
نچو نـــــــــــازار تو بو نیلم وه تنیا
تو فرهادین منی شیرین وه شونت
🍂🍂🍂
چئمل مست و خومـارت یه گِلِی تِر
ولات گشت بونه یـــارت یه گِلی تِر
مه مــــــانگ روشن عشقــم بیلا گه
بومه بِرقه شــــــاوارت یه گِلـــی تِر
🍂🍂🍂
وه دلمــــا پر ژه ژاریکم وه مــــــولا
مه سرمای سر نساریکم وه مــــــولا
الا یـــــــا ایهــــــا مردم بــــــــــزانن
مــــه لک خـــــــوینیواریکم وه مولا
🍂🍂🍂
مــه بـــــــاوانم وه دنیا کل مه ارزی
نام نیشانم وه دنیـــــــا کل مه ارزی
بزانن هــــــی رفیخل دل وگیــــانی
لکستـــــــــانم وه دنیـــــــا مه ارزی
🍂🍂🍂
ولاتی پِرچِم و پـــــاکم وه دنیــــــا
چنی چن ساله بی باکم وه دنیــــــا
مه روله خیرتی نــــــام لکســــــانم
نمم یــــــه وژه وه خاکم وه دنیــــا
🍂🍂🍂
پژاره هــــــــا ژه فالت دالکـــــه مه
زمـــــــان ژان داسهِ بالت دالکه مه
ارانــــــــم پر ژه خـــــاطره رنگینی
مه بومه خِرّ جمالت دالکـــــــــه مه

#خانمرادی

صدای مردم لک
@lakvahid

‍ میئت بمارک باوه و باوانم
وهار خوش هتین وه لکستانم
وهار خوش هتین وه ولاته وه
عطر گل داته وه خلاته وه
هتا وه چمن وه مانگ وسالان
وهار وهاره وهار وه مالان
وهار وهاره وهار وه مالان
دنگ بلبل و زله خزالان
دنگی شنفتم شیوه ی دیمه وه
دوس وه وهار مای وه پیریمه وه
مایه پیریما یه یار دمکول
پرزه ی وارانو شونِم وه روی گل
شمال هیورده خال خزالان وه پا
پای سفره وهار مکن تماشا
بچیم وه پیری دشا و دره وه
شان بیم و وهار گول،وه سره وه
وعدمان وهار گول وه دمه وه
بشوری توژِ هزار خمه وه

#خانمرادی

صدای مردم لک
@lakvahid

دومل رنگین چوی دار قلنگ
بیتانه مخون وه دنگ کلنگ

دس یک بگریم بزران بوشیم
کلی بیم ئه سر کویئل بلنگ

دارقلنگ:درخت تمشک
دومل رنگین:دوپرنده زیبا
کلی بکیشیم:کل کشیدن وشاباش گفتن

#خانمرادی #شعرلکی #هلیلان #لکستان#


صدای مردم لک
https://t.me/lakvahid

ماتم

مه لیوه شوری زلف وبالاتم
ارا دیدارت ئی دویرا هاتم

چوی کئنی جوشان پر وه حسرتم
وه درا کیش و وه دروین ماتم

#خانمرادی#شعرلکی#
هلیلان-لکستان

کئنیل:چشمه ها
شوری زلف:بلندی گیسو

صدای مردم لک
https://t.me/lakvahid

وه وینی مجنون شیت و اودالم
دلم رفیخ برد کافر وه حالم
مه ئی قلب صاف دواته مَکم
هر تو خوشت بو مِنی خوشالم
***
رفیخ بوه دل بوه میمانم
درختی نکن نشکن تیژبالم
سو تا ایواره آوخته مارم
بیت #چلسرو بیَسه فالم
***
تَزمی دالکم مَشمارم وه تال
مولا برَسن شو چراغ مالم

سروده ای برای قلب قبله ی قبیله ی احساس خواهرم، #خواهری از تبار صلح سرخ ستاره، زاده ی شعر و شبنم ...


#خانمرادی #شعرلکی #هلیلان# لکستان#


صدای مردم لک
https://t.me/lakvahid

ایمشو
ایمشو دیمه خاو زلفت شوریایه
دوباوش نرگس خاص نپوریایه

پرخاشه هت ئی خاو هیزگرتم
دیم دوسم خمین و ژه من توریایه

#خانمرادی # هلیلان #لکستان

صدای مردم لک
https://t.me/lakvahid

دلم تنگه

خشاو تفنگم پر ئه شنگه
ئی لا دوسا مام هم دلم تنگه

کمرچین لکی کردمه ئی ور
بی دوس آ هتم پا هتن لنگه

#خانمرادی #هلیلان #لکستان

صدای مردم لک
https://t.me/lakvahid

دالکه

گوما بیمنه ایمه ارشون دالکه
ژه ئه سلته ژه ئه زبون دالکه

قسم معریم چنیکه ئی دیاره
وه واژه واژل زوون دالکه

#خانمرادی#هلیلان#لکستان#

صدای مردم لک
https://t.me/lakvahid

داخ کرمان...


ارا داخ کرمان،اروام ای سرچی
انوم کت ارشعیر، ئسرم کته ری

چاو ار بان چاو، خم ار خم رشیا
یه بر بیگناه وه کرمان کوشیا

دنگ انفجاری، انتحاری بی
ژن وپیا وطفل، خوینان جاری بی

نیمچه ژنمی دی ،طفلش گم کرده
مگیردیا پی طفل، هرده وه هرده

کویچه وخیاوان ،چوی صحرای محشر
دشمن کیشاتی ماشه روژ مادر

هتن وه کمک، تیم هلال احمر
لاشه ل بی کس، بی دس و بی سر

گلزار شهدا بیه ویمه رو
هرکسی موشی سردار ها وه کو

سه افسر پلیس سینه ن کرد سپر
شیرل فراجا ،ارا روژ خطر

شروت شهادت شیرین ،کردن نوش
وه پی دادرسی، بینه زری پوش

هیز گرت دنگ، الله اکبر مردمان
کر بی گوش فلک،بی گیان بی سامان


لیلی بوش خدا ،صبری به کرمان
بلکم سا ریش بو دردل بی درمان

#خانمرادی#هلیلان#لکستان#

صدای مردم لک
@lakvahid

صد کرت

خیال وشوگار زلفت ،خاوم گرت
چئمت توقانی،تالافاوم برت

واگیژه عشقت ،کت ار آوارم
اول کرتی بی،کردت وه صد کرت

#خانمرادی #هلیلان #لکستان

صدای مردم لک
https://t.me/lakvahid

یی گل...

یی گل کولم ،یی گل تیژم ارانت
گلیتر چوی ئسر، لیژم ارانت

وژت گه خاص وبیتره مزانین
مه چوی کرییی لا میژم ارانت


#خانمرادی #هلیلان #لکستان

صدای مردم لک
https://t.me/lakvahid

تئومت...

کتاو زنییمان، بلگ ریزه ریزه
ریرو عمرمان، ری بی گریزه

روژل ومانگل، سالل یکایک
مرسن وه آخر،بزانن، بی شک

وه ناکام سنگ اجل ،مای ارآسمان
مشیونی طاق ،اربرول کمان

توگه شا بین وسینه ت مکردچاک
تو ئی خاک بین و دواره مچین ئی خاک

هرچی گه بینه ،پویلدار یافخیر
لویی کفن مورین،موینه خاک اسیر

خاک خوره مه گه تو مردینه
دسلات نیرین ،اجل بردینه

ارواکت ها بان ،لشت ها زمین
حتی ار تو بوین ،وه شازاده چین

کردار وکارت مارن وه حضور
اسکه وه کرده ت ،مارین کزه و لور

یه چت کردیه ،بخت کیت رزان
وتئومت ناحق جاکیت سزان

چئمل بی گنات ،چوی آلیوده بی
آینه زلالت ،چوی پر دیوده بی

تو صاف وزلال بین هر جور آو
یانه پاک وژت چوی کردت خراو

ارا نیکیت وه دونیا کم بی
وه گرد خدا وژ ،تو نامحرم بی

موشین هی هاوار ،هتمه دوسی کم
وه گرد خدا وژ مه روبوسی کم

لیوتم بی کراس،لشم ها کفن
ویرو کو مچم ،وژمه ممه فن

یه پئول صلاته ،چنی باریکه
متونم ری بوم ،یا کوره ریکه

مالمی ژه پویش آیشتیه بان آو
خرق دلیا بیمه یا خرقم ای خاو

کاشکا بکردامه ور کراس ایمان شئور
تا دین و دونیام بیا جفت وجور

زر بریق دونیا کول آیم فنه می
نیشته می سوخان ،نیش گنه می

تا دیر نویه وژت پاکا که
ئی مرض دونیا وژت ساقا که

قران بعر وبوش ،شات گنا کس نیم
مه تا گنام دی، فره آ چرچکیم


تو گه شیشه ل شراوت،وه می سر پربین
لخه کوته مکرد ،وه می لوجر بین

بچو دم چرکن وژت ال بکیش
جریم دامان پاکی،تو وه گن نکیش

وه خراو کردن کسی ،چیتی گیر نمای
کاشکای بیاشتات ،وه ای دونیا جای

زونت بسوزی،جا کیت سزان
مری هردک بال فریشته ت کزان

افاقه نیرین ،بنت واز نماو
جا آخرینته ،دی جاواز نماو

#خانمرادی #هلیلان#لکستان#

تئومت:تهمت
کتاو زنییمان:کتاب زندگیمان
پر دیوده: پر دود

صدای مردم لک
@lakvahid

ملک هولیران

نازانه مفروت وه ملک هولیران
وه جاکه خانل ، گه کول بین ویران

یی روژ چمه سئیر قلاکه والی
آخ ار دل کیشام ،چوی روسم زالی

ئی باوه وباپیران،فره شنفتم
خان سر سوار بین ،هانه وه بختم

حال هاوانی داشت،ابوقداره
هرچوی حکومت ،ار نام اداره

گل گل خولامان،خاک چکمت ار مل
چاکریانه مکرد، وه سی وه چل

لمیردان فقط،جاعبش مردان
پر وه حشمت وجا،پر وه مقامان

ژنل سام سنگین ،پر سئم وسه لار
پیا خلوه ن نموینا ،هرجار

کول چی مرتب پرنظم وناظم
حیا وحرمت ،کی هانه بی گم

هامشیره والی بین ،باوه و باپیرم
هانه گه باوم ،آیشتی ئه ویرم

یه باوه کلنم ،هرجور ظابت بی
کارلی مدیوم،کول جای ثابت بی

یه باوه ترم ،حکم خان داشتی
سفره دریژ بی، هر مئیمان داشتی

داپیره کلنم ،چن تایه داشتی
یی مال ار ور حور، دو سایه داشتی

دو دو خولامان،دسانه مشورد
مدیوم دس ننه م ،میاتی بو مورد

هرجای باپیرم ،سیون داوار میای
مری ایمامی بی ،صد زاوار میای

رعیت وه منت،پی هومسایان بی
وه پی نام نیک و ،وه پی جایان بی

چن چن نوکرل ،کول دس وه سینه
تا مئیمان مهت،مئوت سفره پینه

سازنه ولوطی ،هر اژ چن وختی
ارا شادی کردن ،ارا پی بختی

تمیره ژن و هنک چی بک یک
دنگ ساز و دومبک ،مچیا تا فلک

هویچکس چوی ایسکه ،خم ار دل نویی
مگیردیان وه بک ،تانصمه شویی

کول مردم حکم ،خوئه وبرا یک بین
وه مردمداری، زبانزد تک بین

وه هر جای بوتات ،ملک هولیران
موئت باکلاسن جور ایل تیران

حیا وحرمت ،سال ومانگی بین
مردم خیرتی ،وه شش دانگی بین

نه کوره قرت بین ،نه کوره نان بین
نمک پرورده ،سر سفره خان بین

#خانمرادی #هلیلان #لکستان

صدای مردم لک
@lakvahid

هشاره چئمل


فالم وه گرد ِفالت ،جفت بی و نویی تک
چوی خیال ِشکتی،منو تو کتیم ار یک

تو بینه قیس مجنون ،دل بردن بیه کارت
مه دتِ خانِ سیمره م ،لیلی م یکا یک

تو خو پر اژ خروربن ،چوی پاتشا وه زورین
مه خانزاده لکیکم، بزرگم چوی اتابک

وه عخیده و کاره لت ،دل منت دوزیو
دلت دا وه دس دلم، وتت وه شوخی هنک

پوئیلی دونیا منو تو ،وه یک جفت. وجور کردی
ئه پوئیله وه جنس، عاشقی بی وه بی شک

من وتو وه سر ئه پوئیله ،یکمان گرناو رسیمن
وه هشاره چئملمان ،دلمان خو دامانه یک


#خانمرادی #هلیلان #لکستان #

جفت شدن فال :قسمت هم شدن.
پراژ خروربن:پراز غروری،مغروری
عخیده:عقیده
پوئلی:پلی
یکمان گرتا:به هم رسیدیم

صدای مردم لک
@lakvahid

بوارو واران

روژل هیزه مگرم ،هراسان ژه خاو
ویی هوشک سالیه ،دیرم ترس لافاو

بیلا کشت کارلم بمرن ژه تینی
دیته سوزه زار ، بسوزی وه آو!!

چاره نویس چارم ،چاواشه نویسای
وه تئولم نویسای ،بکیشم رنجاو

کسی دنان خیری ننیاتئر ایمه
یسه کول کتیم وه گیژ و گرداو

ایمه تینی وه گوپی راحتییم
ویی هوزه کی گیره مای چکی آو!

کاشکای هم وه نو بوارو واران
ریی بگری آو ار کوئیل، چوی سراو

#خانمرادی #هلیلان #لکستان


صدای مردم لک
@lakvahid

لیلی بی مجنون

یی گِل لیلی بی مجنونم ،گِلیتر مه مَکم حاشا
یی گِل لیوه وَشونِ تو، گِلی دشتُ گِلی دلیا

نمپرسین ژه احوالم ،بهی هردِک بالم شکیا!
مه وه دویری تو منالم، گِلی نیئان گِلی پیدا

گِلی صد لرزه ها گیانم یی گِل خیال ئی یَک رشیا
پیچ ار پیچِ خم زلفم، بِهی کردیَسی غوغا

دیته رنگینه رخسارم ! خمِ زلفم ،شوِ یلدا
بهی نازاریِ شیوه م، قیامتی مَکی وه پا

وَه سِودا تودلم بستُ،شکانِم باده اژ جاما
چُگفتی نئه تو وه مَسیم،گَلیتر مَکَرم رسوا

ئی نام ای شهرِ پِر قیژه ،مِنم صاوِ دلی تنیا
خدایا! کی منه موینم، قپی خوشی وه ای دونیا!


#خانمرادی #شعرلکی #هلیلان #لکستان

صدای مردم لک
@lakvahid

تاکی...

تاکی چوی حلاج ارانت بکئومه دار !
هاوام بوه پاییزی ئرارِزِم زرد وژار !

مه چوی اسیری هامه دِس تو ،،تودشمن
ارا کوشتن کول گیانم دَسِت ها کار

ایمشولِنگ گوش بیخیالیت گرتیه باوش
ولی چئمل مه تا صو ارانت منیه بیدار

کارم بیه لالکین و ناباوری اژ تو
هر اِیس مایجینه گیانم تعریکی شوگار

ارا هیتلرین یاچرچیل یا استالین؟
هانه ارا افکارم آگره مینه بار !

میتی ئور چنِم هرچی دویرا گرتن اژ تو
ارا چنیتهَ دورم صدگِله دیوار !

#خانمرادی #شعرلکی #هلیلان #لکستان #
چوی حلاح:مثل منصورحلاج
بکئمومه دار:سرم بر دار باشد
ئرارِزِم:ریزش بگیرم
لِنگ گوش بیخالی:گوشت بدهکار نیست

لالکین:التماس ،خواهش
هراِیس:هرآن ،هرلحظه
ئورچِنِم:برچینم
ارا چنیته:چرا چیدی،چرا قرار دادی

صدای مردم لک
@lakvahid

دواره...

دواره دردِ بی داری دواره گِری و ژاری
نِمَپرسین ژه احوالم اَسرم رشیا چوی مرواری

بیه کارِ دلم ایمشو فقط چئم همتزاری تو
ارا  خم وخوصه ولات ای دلم ئیر نماری

تو بی رحمانه مخنین وه اَنو تعل گیان گیرم
زویکه بوشا چه ها سازم بیسه قوطی عطاری!

تو هاینه خیال و خاو مدیومن ناظر منین
ئی نام  دونیای پر خوصه وه حال وروژ تکراری

هانه کِردت پریشانم گه شو اژ روژ نمزانم
شکیا پشتم دوتا بیمه وه ای همکه زئم کاری

بهی گیانا چه ویرانم وه بی یاری گریزانم
هرچوی اِور وهاریکم گِری موسی ومِواری

نمم ارا ئی ویرت چی هرچی بین منو تو بی
بهی گیانم فدا مکم  وه پی عشق ودلداری

تمام عمرِ مه بیه وِرّینه وه خمل کِردِن
نَوَش لیلی چگفتی تِر ،چنی وه درد گرفتاری

#خانمرادی  #شعرلکی  #هلیلان  #لکستان  #

صدای مردم لک
https://t.me/lakvahid