#واحد_یاری

#شعرلکی

صدای مردم لک
@lakvahid

شعر و دکلمه لکی وصل دلدار
از پرویز مریدیان پیردوستی
متخلص به امیرکل

#شعرلکی
#وصل_دلدار
#امیرکل

صدای مردم لک
@lakvahid

تقدیم به مردم بااصالت ریشه دار متمدن بافرهنگ باغیرت #لڪ و ڪل ولات #لڪستان
#از_طرف_علی_بیداد

#لَکیمِن، دئولَمَن وِژدانِ پاکیم
زُلالی کَئنی آویم، نَسل خاکیم
دِروشِ کاویانمان هار سَرِ شان
مِدووی ظالم و دشمن ضحاکیم

#لکیمن، وارثِ مَردی و شرافت
شریف و بی ریا و با نجابت
تو ای بدگویِ بد اندیش بِزان که
ایمه نیک گو تونیمِن طبق عادت

#لکیمن، آوِ رویمان آوِ صافه
تمدن هار زَمینمان بافه بافه
اگر یه گام بِنین ئه نام ولاتم
ادب سَرریژه ماو چوی آو وَ تافه

#لکیمن، طالبِ صلح و صفایمن
ولیکن زخمی ئژ جور و جفایمن
بنی آیِم کُل ئِه یِه پیکریمن
وَگَرد هر طایفه دَسَه بِرایمن

#لکیمن، زاده یِ لقمه حلالیم
گُلِ سویره مَکِه هر چه بکالیم
سنگ و کیلو دُکاندارَلمان عشقه
ئرا خیر و خوشیل مان دلالیم

#لکیمن، آسمانِ کاو سِرامان
خُوئه مان مانگ و هُوَر بیه بِرامان
کویَلمان رازِ سر بَرزیِ ایلن
خدا آیلِ صداقت نیایمه دامان

#لکیمن، رنگ و رویمان رنگ نویره
دروینمان پخته بی ئه داخ کویره
بدی ئر راسْ ایمه پیا نِمَکِین
خیالْ اهریمنی ئه ملکه دویره

#لکیمن، هویچ ننگی نیریم وَ دامان
ئرانمان بس گه نام مان نیانه انسان
خدا وارانِ رحمت واریه سی
گه بِن هُم بیه سه گلزار و بوسان

#لکیمن، حقمان ئه دَس سینیایه
ولیکن یه حقی ئا گیریایه
مگر دشمن و خاو خاکم بسینی
ارانم هر وِژِه ی چوی کیمیایه

#لکیمن، هر کُمین چُو پِشت یَکیمِن
نه اهلْ رَگَه و نه اهلْ یَکی چَکیمِن
مَزانین، یِه جِهانی کُل مَزانِن!!!
#لکیمن، تا قیامت هَر لکیمن...

خاک پای مردم لکستان
#علی_بیداد

#شعرلکی
#لکیمن
#لکستان

صدای مردم لک
@lakvahid

#شعرلکی
چویی دآرویی هُور خرآوه حالم ایمشو
خیالت هم مِه باژه گالم ایمشو

چویی دامیه رِفترآ سیل ایمشو
چِیمیلت آو نیاسیر جامالم ایمشو

#عنایت_ندری

صدای مردم لک
@lakvahid

میلم وه خم کروتن
ناکس بیه وه یارت
میل تو دل فروتن
بی میلی بیه وه کارت

میلت پلاره آیشتن
گیان مه بلوزه گرتن
میلم بخل وه میلا
وه ماچی روزه گرتن

میلت لیوه گری بی
یانه جادوگری بی
میلم رسین وه باخت
دارم وه همسری بی

خانمرادی#شعرلکی#
هلیلان-لکستان

صدای مردم لک
@lakvahid

ولات چئمل

مه ولِگ هُشک دارِ بیکسم
هناسی سردی بیه کولکسم

ئی وختی ولات چئمل تونم دی
حساو کارلم چیه ئی دسم

#خانمرادی#شعرلکی#
هلیلان-لکستان

صدای مردم لک
@lakvahid

ملک هلیران

نازانه مفروت وه ملک هولیران
ئی جاکه خانل گه کول بین ویران

یه روژه چمه سیر قلاکه والی
آخ ار دل کیشام چوی روسم زالی

ئی باوه وباپیران فره شنفتم
خان سر سواربین هانه وه بختم

حال هاوانی داشت ابوقداره
هرچوی حکومت ار نام اداره

گل گل خولامان خاک چکمه ارمل
چاکریانه مکرد وه سی و وه چل

لمیردان فقط جا عیش مردان
پر وه حشمت وجا و پر وه مقامان

ژنل سام سنگین پرسهم وسه لار
پیا خلوه ن نموینا هرجار

کول چی مرتب پرنظم وناظم
حیا وحرمت کی هانه بی گوم

هامشیره والی بین باوه وباپیرم
هانه گه باوم آیشتی ئی ویرم

یه باوه کلنم هرجور ظابت بی
کارلی مدیوم کول جای ثابت بی

یه باوه ترم حکم خان داشتی
سفره دریژ بی هرمیمان داشتی

داپیره کلنم چن تایه داشتی
یه مال ار ور حور دو سایه داشتی

دو دو خولامان دسان مشورد
مدیوم دس ننه م میاتی بو مورد

هرجای باپیرم سیون داوار میای
مری ایمامی بی صد زاوار میای

رعیت وه منت پی هومسایان بی
وه پی نام نیک و وه پی جایان بی

چن چن نوکرل کول دس وسینه
تا میمان مهت مئوت سفره پینه


سازنه ولوطی هراژ چن وختی
ارا شادی کردن ارا پی بختی

تمیره ژن و هنک چی یک یک
دنگ ساز ودومبک مچیا تا فلک

هویچکسی چوی ایسکه خم ار دل نوی
مگیردیان وه یک ته نصمه شویی

کول مردم حکم خوئه وبرا یک بین
وه مردمداری زبانزد تک بین

وه هرجای بوتات ملک هولیران
موئت باکلاسن هرجور ایل تیران

حیا وحرمت سال و مانگی بین
مردم خیرتی وە شش دانگی بین

نه کور قرت بین ونه کوره نان بین
نمک پرورده سر سفره خان بین

#خانمرادی #شعرلکی# هلیلان# لکستان#

صدای مردم لک
@lakvahid

شعر و دکلمه لکی زمسون
از پرویز مریدیان پیردوستی

متخلص به امیرکل
#شعرلکی
#زمسون
#امیرکل

صدای مردم لک
@lakvahid

‍ ‍ #شعرلکی

متن کامل شعر کموتر عشق❤️


هر شو همنشین خم‌و پژارَم
هماری اسیــر ابُـو قدارَم

کموتر عشقم شقه دای وَبال
بایه‌قوشِ شوم نیشتر‌پاسارَم

شادیو شوقم چنی تی اوره چی
لاره کیش نیرِم بکیشی لارَم

شو دوکوت شاوار مایه خیالِم
آلوزە مارِم وَ بخت و طالَم

چیو ملِ بی لیز گاره گارِمه
آزیتی لیلِ خال چیو آسارَم

اَخه همته‌زار تور کوچی کیشام
اورِ تَم داری نیشتَر گلارَم

دل خوشی نیرِم وَنام کاکاوَن
بَمَر بار بچم تفر روی چارَم

سرم چرمی بی چیو کوە دماون
مردم وَ کئِلِک مَکَن هَشارَم

کس خوَر نیری نام دلم چونه
غیر ئژ خودا ناو قوطی سیکارَم

صدای مردم لک
https://t.me/lakvahid

ملک هلیران

نازانه مفروت وه ملک هولیران
ئی جاکه خانل گه کول بین ویران

یه روژه چمه سیر قلاکه والی
آخ ار دل کیشام چوی روسم زالی

ئی باوه وباپیران فره شنفتم
خان سر سواربین هانه وه بختم

حال هاوانی داشت ابوقداره
هرچوی حکومت ار نام اداره

گل گل خولامان خاک چکمه ارمل
چاکریانه مکرد وه سی و وه چل

لمیردان فقط جا عیش مردان
پر وه حشمت وجا و پر وه مقامان

ژنل سام سنگین پرسهم وسه لار
پیا خلوه ن نموینا هرجار

کول چی مرتب پرنظم وناظم
حیا وحرمت کی هانه بی گوم

هامشیره والی بین باوه وباپیرم
هانه گه باوم آیشتی ئی ویرم

یه باوه کلنم هرجور ظابت بی
کارلی مدیوم کول جای ثابت بی

یه باوه ترم حکم خان داشتی
سفره دریژ بی هرمیمان داشتی

داپیره کلنم چن تایه داشتی
یه مال ار ور حور دو سایه داشتی

دو دو خولامان دسان مشورد
مدیوم دس ننه م میاتی بو مورد

هرجای باپیرم سیون داوار میای
مری ایمامی بی صد زاوار میای

رعیت وه منت پی هومسایان بی
وه پی نام نیک و وه پی جایان بی

چن چن نوکرل کول دس وسینه
تا میمان مهت مئوت سفره پینه


سازنه ولوطی هراژ چن وختی
ارا شادی کردن ارا پی بختی

تمیره ژن و هنک چی یک یک
دنگ ساز ودومبک مچیا تا فلک

هویچکسی چوی ایسکه خم ار دل نوی
مگیردیان وه یک ته نصمه شویی

کول مردم حکم خوئه وبرا یک بین
وه مردمداری زبانزد تک بین

وه هرجای بوتات ملک هولیران
موئت باکلاسن هرجور ایل تیران

حیا وحرمت سال و مانگی بین
مردم خیرتی وە شش دانگی بین

نه کور قرت بین ونه کوره نان بین
نمک پرورده سر سفره خان بین

#خانمرادی #شعرلکی# هلیلان# لکستان#

صدای مردم لک
@lakvahid

‍ ‍ #شعرلکی

متن کامل شعر کموتر عشق❤️


هر شو همنشین خم‌و پژارَم
هماری اسیــر ابُـو قدارَم

کموتر عشقم شقه دای وَبال
بایه‌قوشِ شوم نیشتر‌پاسارَم

شادیو شوقم چنی تی اوره چی
لاره کیش نیرِم بکیشی لارَم

شو دوکوت شاوار مایه خیالِم
آلوزە مارِم وَ بخت و طالَم

چیو ملِ بی لیز گاره گارِمه
آزیتی لیلِ خال چیو آسارَم

اَخه همته‌زار تور کوچی کیشام
اورِ تَم داری نیشتَر گلارَم

دل خوشی نیرِم وَنام کاکاوَن
بَمَر بار بچم تفر روی چارَم

سرم چرمی بی چیو کوە دماون
مردم وَ کئِلِک مَکَن هَشارَم

کس خوَر نیری نام دلم چونه
غیر ئژ خودا ناو قوطی سیکارَم


🎼 #کموترعشق
🎤 #شهــرام_فتــاحــے
🖋 #خلیل_محمــدے

صدای مردم لک
https://t.me/lakvahid

دومل رنگین چوی دار قلنگ
بیتانه مخون وه دنگ کلنگ

دس یک بگریم بزران بوشیم
کلی بیم ئه سر کویئل بلنگ

دارقلنگ:درخت تمشک
دومل رنگین:دوپرنده زیبا
کلی بکیشیم:کل کشیدن وشاباش گفتن

#خانمرادی #شعرلکی #هلیلان #لکستان#


صدای مردم لک
https://t.me/lakvahid

ماتم

مه لیوه شوری زلف وبالاتم
ارا دیدارت ئی دویرا هاتم

چوی کئنی جوشان پر وه حسرتم
وه درا کیش و وه دروین ماتم

#خانمرادی#شعرلکی#
هلیلان-لکستان

کئنیل:چشمه ها
شوری زلف:بلندی گیسو

صدای مردم لک
https://t.me/lakvahid

وه وینی مجنون شیت و اودالم
دلم رفیخ برد کافر وه حالم
مه ئی قلب صاف دواته مَکم
هر تو خوشت بو مِنی خوشالم
***
رفیخ بوه دل بوه میمانم
درختی نکن نشکن تیژبالم
سو تا ایواره آوخته مارم
بیت #چلسرو بیَسه فالم
***
تَزمی دالکم مَشمارم وه تال
مولا برَسن شو چراغ مالم

سروده ای برای قلب قبله ی قبیله ی احساس خواهرم، #خواهری از تبار صلح سرخ ستاره، زاده ی شعر و شبنم ...


#خانمرادی #شعرلکی #هلیلان# لکستان#


صدای مردم لک
https://t.me/lakvahid

لیلی بی مجنون

یی گِل لیلی بی مجنونم ،گِلیتر مه مَکم حاشا
یی گِل لیوه وَشونِ تو، گِلی دشتُ گِلی دلیا

نمپرسین ژه احوالم ،بهی هردِک بالم شکیا!
مه وه دویری تو منالم، گِلی نیئان گِلی پیدا

گِلی صد لرزه ها گیانم یی گِل خیال ئی یَک رشیا
پیچ ار پیچِ خم زلفم، بِهی کردیَسی غوغا

دیته رنگینه رخسارم ! خمِ زلفم ،شوِ یلدا
بهی نازاریِ شیوه م، قیامتی مَکی وه پا

وَه سِودا تودلم بستُ،شکانِم باده اژ جاما
چُگفتی نئه تو وه مَسیم،گَلیتر مَکَرم رسوا

ئی نام ای شهرِ پِر قیژه ،مِنم صاوِ دلی تنیا
خدایا! کی منه موینم، قپی خوشی وه ای دونیا!


#خانمرادی #شعرلکی #هلیلان #لکستان

صدای مردم لک
@lakvahid

تاکی...

تاکی چوی حلاج ارانت بکئومه دار !
هاوام بوه پاییزی ئرارِزِم زرد وژار !

مه چوی اسیری هامه دِس تو ،،تودشمن
ارا کوشتن کول گیانم دَسِت ها کار

ایمشولِنگ گوش بیخیالیت گرتیه باوش
ولی چئمل مه تا صو ارانت منیه بیدار

کارم بیه لالکین و ناباوری اژ تو
هر اِیس مایجینه گیانم تعریکی شوگار

ارا هیتلرین یاچرچیل یا استالین؟
هانه ارا افکارم آگره مینه بار !

میتی ئور چنِم هرچی دویرا گرتن اژ تو
ارا چنیتهَ دورم صدگِله دیوار !

#خانمرادی #شعرلکی #هلیلان #لکستان #
چوی حلاح:مثل منصورحلاج
بکئمومه دار:سرم بر دار باشد
ئرارِزِم:ریزش بگیرم
لِنگ گوش بیخالی:گوشت بدهکار نیست

لالکین:التماس ،خواهش
هراِیس:هرآن ،هرلحظه
ئورچِنِم:برچینم
ارا چنیته:چرا چیدی،چرا قرار دادی

صدای مردم لک
@lakvahid

ایام

خوشال وموقه.ایل وکوچ بار بی
شُون و گرد دنیال.صایان ومال بی

دنگ هیله اسبو.قورع گاه جفت یار
کش کمر سر سُوز.گُره کوک نثار

دالکل عجو دار.دایم شان وجُور
هرکام هفت هشتی.ایالان و دُور

پیال حکم سنگین..دل دروین فِرع
شکت شُوه جو..هیزم گا بِرع

هرکامان داشتان.کد خدا ایلی
سُویلل آ جریا.جو وچکه شیری

تالی و سُولی..ضامن ایل بی تی
کراسی و باقی.بیشتر دِرویتی

و رزگ یکا.چن تخته داوار
خنه خنان بی.تا دو کوت شاوار

نه خم نه خوصه..دنیا و کامان
دالکه و باوه بی..نه باباو مامان

جور خُو برا بین.اِی سَر تا اَسر
وقویله کلشیر.مویان و خَه وَر

بو نان ساجی یو..بوهیزه روین دان
نه آیلی پلپ گِر بی..دریغ اژ دکان

ولات جور یک.ساده بین و خُو
یا نان روینی بی.یا ماسی یا دو

هر کی وفرمی مشغول اِ کار ی
عمری که بچو.چوی گلا ماری

روژ و روژ بد تر..سردو سِریمن
غافل و صد داد.کوله مه مریمن

گدا بوین یا دارا..یا کار و دَسی
آخر عاقبت.مرگته مه رسی

سر دو روژ عمره..سختا نکیمن
آماده حرکت..که مسافریمن

#شعرلکی
#بهزادشریفی_کهره

صدای مردم لک
@lakvahid

دواره...

دواره دردِ بی داری دواره گِری و ژاری
نِمَپرسین ژه احوالم اَسرم رشیا چوی مرواری

بیه کارِ دلم ایمشو فقط چئم همتزاری تو
ارا  خم وخوصه ولات ای دلم ئیر نماری

تو بی رحمانه مخنین وه اَنو تعل گیان گیرم
زویکه بوشا چه ها سازم بیسه قوطی عطاری!

تو هاینه خیال و خاو مدیومن ناظر منین
ئی نام  دونیای پر خوصه وه حال وروژ تکراری

هانه کِردت پریشانم گه شو اژ روژ نمزانم
شکیا پشتم دوتا بیمه وه ای همکه زئم کاری

بهی گیانا چه ویرانم وه بی یاری گریزانم
هرچوی اِور وهاریکم گِری موسی ومِواری

نمم ارا ئی ویرت چی هرچی بین منو تو بی
بهی گیانم فدا مکم  وه پی عشق ودلداری

تمام عمرِ مه بیه وِرّینه وه خمل کِردِن
نَوَش لیلی چگفتی تِر ،چنی وه درد گرفتاری

#خانمرادی  #شعرلکی  #هلیلان  #لکستان  #

صدای مردم لک
https://t.me/lakvahid

.
طرحی نو برای پاس‌داشت فرهنگ و زبان لکی:

کارگاه‌های آنلاین #شعر_نویسی_لکی و #متون_خوانی_لکی با تدریس شاعر سر‌شناس قوم لک: #مرتضا_خدایگان

📚📚📚

در هر کجای دنیا که هستید می‌توانید برای پاس‌داشت زبان لکی و حفظ میراث #قوم_بزرگ_لک به کارگاه‌های آنلاین ما بپیوندید.

نوجوانان و بزرگسالان در کارگاه شعر، اصول شعرنویسی به زبان لکی را می‌آموزند و در قالب‌های مختلف به خلق اثر می‌پردازند.

در کارگاه متون‌خوانی لکی، اشعار بزرگان دوره‌های مختلف از دیرباز تا معاصر را می‌خوانند و با خوانش صحیح، معنا و ظرفیت‌های ادبی آن‌ها آشنا می‌شوند.

بفرست برای تمام لک‌زبانان...✌️💚


تو ئِه دَس چین و مِه دِخ کِردِم ئِه دوس
زَریکَه خَم گِریت آوِردِم ئِه دوس

قیامَت هَت، سَرِم هیز دا، تُونِم نِی
سَرِم ناوا دُوارَه مِردِم ئِه دوس

#مرتضا_خدایگان


لطفاً برای ثبت نام به پیج "آموزشگاه مجازی مرتناز" در اینستاگرام مراجعه فرمایید:
Mortenaz_official
یا با شماره‌ی زیر تماس بگیرید.
09383836534


#من_لک_هستم #زبان_لکی #شعرلکی #شعر_لکی #مرتناز
#بهناز_وفایی

صدای مردم لک
https://t.me/lakvahid

درمان دل

خِرمی آورئر تا ای دلمه گیانی بگری
تا ارا دردِ بی کسیم درمانی بگری

خیالل دل وه هتن چیئنت پرثمربی
وتم دلم وه دل داینِ تو سامانی بگری

ایمشو کَشِِ بستروژ گیسم رها کرد
شاید گه عشقت وه دلم جریانی بگری

وتم خدا ماو ای شاعر ای پا کتیه
وه بیت بیت خمِ وژ نقصانی بگری

تِرسم بمرم ورجه آ هتن رفیخم
ای مال دلمه رنگ خم احزانی بگری

سیل وتماشات آگری مایجی وه گیانم
ترسم دو چئمت ای دلم تاوانی بگری

موشینه بینم لیوه مه گه خم نمعرم
کی عاشقی وه عقل وژ فرمانی بگری!

لیلی بِوَش شعیری وه نازاری ِ رفیخت
ناوای دلِ دوسِت تئم حرمانی بگری

#خانمرادی #شعرلکی #هلیلان #لکستان #

صدای مردم لک
https://t.me/lakvahid