یاعلی
یاعلی ایمشو فره خاوم دیه
کویچله کوفه راوه راوه م دیه
ار در ماله تو ا روژ ازل
داله گیژونو و داوه داوم دیه
ا دس ا مردمه نا مردمه
مه دنی اشگیا کش کاوم دیه
یا علی بوری ا یه شوئه نچو
اِ مچد کوفه فره چاوم دیه
بوری اژ ا یه نمازه دس بکیش
ا صوئه پرخوینه مه خاوم دیه
یاعلی کی بیخوده موشم نچو
مه دسل برّیا ارّی آوم دیه
مه گلل پرّپرّ بی یی ا کربلا
ارورتیژی حویَره تاوم دیه
یاعلی ریه م کر کراس سی مه گه
زخم رستم، خوینه سویرام دیه

#رضا_حسنوند(شوریده)
#شعر_لکی #دکلمه_لکی #علی

صدای مردم لک
https://t.me/lakvahid

#شعر_لکی تقدیم به آقا امام رضا(ع)

دلِم گیریایه، هَم خُصه دِرِم

و مَشِی نویی،ناخای بِمِرم

دُرِس گَنئکِم، ولی کِرَمْ که

یا ایموم رَضا، وژِت بِچِرم


✍ #علی_عدالتجو


برگردان؛

دلم گرفته،دوباره غصه دارم
نکند مشهدی نشوم و بمیرم
میدانم بدم، اما کرم کن
یا امام رضا،خودت دعوتم کن

#اللهم_ارزقنا...

📣📣صدای مردم لک
@lakvahid

#شعر_لکی😍😍

مه تا کئ باجِمه روی خَم، خَمِئ‌تِر
شکت بیمَه، مِه بوره عالمئ‌تر

تو تل تل گیسلت شرشر شراون
کمی بِرشِن کمی برشن کمئ‌تر

هره یه سئر ولاته آگره مِین
بجز آگر مه نِرِم مرهمی‌تر

منم، کَلکَه خراوه طور ارگم
سما مازین، ملرزه یه بمی‌تر

تو چوی مریم کُلئ هر یه گله بین
چنی بوسم بووه دی، مریمی‌تر

تو گه هم بی‌وفای و هم رنینی
مه تا کئ باجِمه روی خَم، خَمِئ‌تِر

#بهزاد_رحیمی

صدای مردم لک
https://t.me/lakvahid

وداخ چَمل ایل لیوه کَرت
ولیمو خوش بوه.مهمان بَخَلت

شوان تاگر فجر.هامه پژارت
تَجیل بِرمه نِمو.بِکمی خارت

#بهزاد_شریفی
#شعر_لکی

صدای مردم لک
@lakvahid

مه چوی پاییز فرَه دلگیرم اِ دوس
فـرَه زَرد و خـَمین و پیـرم اِ دوس

نهَتینــو خُصَــه جَــــرگم ســزونِه
دی اِ طَعنَـه هُمالَل سِیـرم اِ دوس

➖معنی

🔸من همچو پاییز بسیار دلگیر و دلتنگت شده‌ام ...
🔸این دلتنگی مرا ‌بسیار افسرده و غمگین و پیر کرده است....
🔸نیامدی و از فراق و دوریت ، غصه جگرم را سوزاند.
🔸دیگر تاب طعنه مدعیانی را ندارم که با نیش خند، غم فراقت را به رخم میکشانند و جانم را به لب رسانده‌اند.

واژه ها
▫️مه: من
▫️ا: ای
▫️چوی: همچون
▫️فره: بسیار
▫️خمین: غمگین
▫️نهتینو: نیامدی
▫️خصه: غصه
▫️جرگم: جگرم
▫️دی: دیگر
▫️سزونه: سوزاند
▫️همالل: مدعیان

#مجتبی_حسینی
#شعر_لکی

صدای مردم لک
https://t.me/lakvahid

شکوه از شیوه روزگار

ترکه میر

"فِلک روا بو"

فِلَک وَ درگات یَه چوین روا بو
هرلیلی لایق خزانه شا بو

مدام آواره دویر ژَ ماوا بو
دایم در ساقی یا نَه گدا بو

قِلمزن خوشی نوینی وَ چَم
چاره نویس فامت ژَ سر بِکی رم

نمومی وای طور شکوفه نودم
غُربت کردیَه وَغمخانه غم

بالا وای بَرزی فیض وای فضائی
شو وای پشیوی، هم نارضائی


ترجمه :
فلک این روا باشد؟ چگونه این کردار را از خود روا می داری؟ هر دلبر زیبائی لایق پیشگاه خزانه شاه باشد
و خواهان او همواره یا زیر نظر ویا دچار تهی دستی است.
نویسنده رنگ آسایش و خوشبختی به چشم نمی بیند
دانشمندآگاه با رنگ زردی ترک یا و دیار کند
نوباوه ای بدین شکل وشمایل، در غربت خانه اش را ماتمکده کرده است.
توبا این قامت رعنا و زیبا و من با این پریشانی، باز هم ناخشنودی؟

قلمزن: نویسنده


#ترکه_میر
#شعر_لکی

صدای مردم لک
@lakvahid

شهادت بانوی بزرگوار اسلام بر شیعیان عالم تسلیت باد..

#شعر_لکی

عنوان: دالکه شیرینم

شاعر و گوینده: معصومه میری

تقدیم به وجود مقدس بانوی دو عالم حضرت فاطمه زهرا (س)

صدای مردم لک
https://t.me/lakvahid

#شعر لکی

#عنوان: دا

تقدیم به تمام مادران سرزمینم ایران

شاعر و گوینده : معصومه میری

صدای مردم لک
https://t.me/lakvahid

شعرخوانی شاعر جوان و با ذوق لکستانی آقای مرتضی خدایگان در همایش ویژه قوم لک به مناسبت روز مادر(دا) در برج مهراد مال کرج

سه شنبه تاریخ 1402/10/12

#مرتضی_خدایگان
#مادر_دا #شعر_لکی
#قوم_لک #کرج_مهراد_مال

صدای مردم لک
https://t.me/lakvahid

لَکی پاچای مِهر و زونِ عِشقَه
لکی شیرینِ کِرماشونِ عِشقَه

لکی ویروشیَه، وارونَه، وَشتَه
لکی هَرسینَه، دِلفونَه، کُؤَشتَه

لکی هم باؤَه، هم خُؤَە هم بِرایَه
لکی هم زونِ دل، هم زونِ دایَه

لکی چُوی دَم تَقَه دوسی لَذیذَه
لکی هَر چُوی گرین خم عزیزه

لکی چُوی دار آسو بَرز و بُونَه
لکی ضَربِ زمین ئَر آسمونَه

چَنی مورِ خِل و خَس های إِ تینی
لکی هَلمِ هنارَس های إِ تینی

رَنگینی گُلونی کیشاسی إٍ سَر
کِراسِ باؤَه آدم هاتی إِ وَر

لکی رَگ‌ریشیَه، بَن‌جَرگَه، خؤینَه
لکی تاریخِ قُومی های إِ سینَه

چِراخیکَه وِرِه حُؤَر گیسیایَه
کِتاویکَه وَه مَفرَغ نُویسیایَه

لکی ئِه کُویزَه کَهمون آوَه مَئری
خَمِ ایلام تا خُرماوَه مَئری

لکی بالَه، جیائی نِیری إٍ مِئ
لکی شیرینَه هَر چُوی شِئری إٍ مِئ

قطعه دوم 👇

شعرخوانی شاعر جوان و با ذوق لکستانی آقای مرتضی خدایگان در همایش ویژه قوم لک به مناسبت روز مادر(دا) در برج مهراد مال کرج

سه شنبه تاریخ 1402/10/12

#مرتضی_خدایگان
#مادر_دا #شعر_لکی
#قوم_لک #کرج_مهراد_مال

صدای مردم لک
https://t.me/lakvahid