#Мақола

Ёнғоқ қурти ўзи сиғадиган тешик очиб, ёнғоқни ичига кириб нима бўлса ейди.

Еган сари семиради ва тўяди. Ёнғоқ ичида ҳеч нарса қолмагандан сўнг, ташқарига чиқишга интилади. Тешик кичик бўлгани учун ташқарига чиқолмайди. Ундан ҳам ёмони ёнғоқнинг ичи қурий бошлайди, энди тешикни кенгайтиришни имкони қолмайди. Биргина чора озимоқ бўлади. Ёнғоқ ичида мажбур очликдан озиб, эски заиф ҳолига қайтиб ташқарига чиқади. Қарасаки унинг учун мавсум тугаб ортда қуриган ёнғоқдан бошқа ҳеч нарса қолмаган бўлади.

Баъзи инсонларнинг яшаш тарзи худди ёнғоқ қурти кабидир.

Мол-дунё дардида умрини беҳуда нарсалар билан хабата қилиб ўтказиб юборади. Энди бўлди муносиб шаклда буйурилагандай яшай деганда умрининг сўнгги дамларини яшаётган бўлади.

@kosonsoy_masjidi

#Мақола

Улар ё етимнинг ёки олимнинг кўнглини ранжитганлар...

Аллома Абу Фазл Бурҳоний “Таҳсилот” китобида ажиб бир воқеани келтиради: «Бир одамни алломанинг ҳузурига олиб келишди. Баданининг бир қисми чириб, ёмон ҳид тараларди. Мендан: "Бу касалликнинг давоси борми?" деб сўрашди. Мен уларга гиёҳлардан дори тайёрлаб бердим ва суриш учун малҳам бердим. Эшикдан чиқиб кетаётганда, уни олиб келган кишилардан: "Бу инсон етим ёки бир олимни хафа қилмаганми?" деб сўрадим. У ажабланиб: "Нега бу хулосага келдингиз?» деди. Мен: "Ўттиз йилдан бери табиблик қиламан. Ҳаётим давомида ушбу касалликка чалинган олти кишини даволаганман. Улар ё етимнинг ёки олимнинг кўнглини ранжитгани учун шу касалликка учраган. Етим билан олимнинг кўнглини Аллоҳнинг Ўзи назорат қилади. Агар биров уларни ранжитса, Аллоҳ ранжитган одамдан ғазаб қилади. Мен уларга дори ичишдан олдин тавба қилишни тавсия қилган эдим", дедим. У: "Бу киши мана шу дардга чалингунга қадар катта олимни устидан кулиб, масхара қилиб юрарди”, деди».

@kosonsoy_masjidi

#Мақола

Агар биз доно бўлсак, сукут сақлаш аҳмоқликдир, аммо агар биз аҳмоқ бўлсак, сукут сақлаш доноликдир.

Айман Ёғий

@kosonsoy_masjidi

#Мақола

Кўринишинг билан ғурурланма, чунки уни сен яратмагансан. Насабинг билан ҳам фахрланма. Чунки уни сен танламагансан.
Ахлоқинг билан фахрлан. Чунки унга зийнатни сен бергансан...

Имом Ғаззолий

https://t.me/kosonsoy_masjidi

#Мақола

Ҳеч ўлмайди ухлайди нафс,
Уйғонса олдирмас нафас.

Али Сарфароз

@kosonsoy_masjidi

#Мақола

Ким сенга ёмонлик қилган бўлса демак, боғичингни ечибди. Зеро, яхшилик кишандир.

Мавлоно Жалолиддин Румий

https://t.me/kosonsoy_masjidi

#Мақола

Бир аёл турмуш қурганидан 17 йил ўтиб, қуйидаги гапларни айтиб қолдирмоқда:

“Ишончим комил бўлди, эркаклар Аллоҳ яратганларининг ичида энг чиройли суратда яратилган хилқат экан.
– У қўлида борини опа-синглиси, қизи, онаси, аёли, набиралари учун сарфлаб юбораверар экан.
– Ўзининг навқирон йигитлигини, соғлигини аёли ва болалари учун қурбон қилар экан.  Ҳар куни меҳнат қилиб, гоҳида жуда кечга қолиб ишлайди-ю, шикоят хам қилмас экан.
– Эркак, гарчи тирикчилик ишлари билан машғул бўлса хам, болаларининг келажагини қуруш учун тинмай меҳнат қилар экан, тиришар экан.
– Оиласини мустаҳкамлашга уринар экан. Шундай бўлса-да, турли-туман маломатларга қолар эканлар.
– У ишида хўжайинидан ёқимсиз гапларни эшитиб келиб, гоҳида ота-онасидан, гоҳида аёлидан даккилар хам эшитар экан. 
– Агар ўзини чалғитиш учун айлангани чиқиб кетса, масъулиятсиз эр,  уйда қолса, дангаса ва ялқов!
– Фарзандларини тарбиялаш учун қаттиқ тегса уларга, миннатчи ёки, ваҳший. Агар бироз эркин қўйса, болаларининг тарбиясига бепарво.
– Аёлини ишлашдан қайтарса, оилада диктатор. Ишлашига рухсат берса, текинхўр. Шундай бўлса хам, болларини ўзидан яхшироқ бўлишига умид билан, тинмай шикоятсиз меҳнат қилар экан. Болалари учун дунёдаги энг зўр мукофотларни олиб беролмаса ҳам, ўзи қодир бўлган энг яхши совғаларни ҳадя этар экан.
– Она 9 ой фарзандини кўтариб юрса, ота бир умр  уни масъулиятини кўтариб ўтар экан.

Билдимки, агар уйнинг эркаги саломат бўлса, дунё саломат қолар экан. 
Хар бир ота ва ҳар бир эрни ҳурматини жойига қўйинглар, азиз аёллар.
Сизлар учун қанча қурбонликлар қилганини билмайсизлар.”


https://t.me/kosonsoy_masjidi